ᠲᠤᠯᠤᠭᠠ ᠂ ᠳᠡᠭᠡᠷᠡᠮ ᠤᠨ ᠳᠦᠷᠦᠬᠦᠦ
ᠴᠡᠷᠢᠭ᠌ ᠤᠨ ᠲᠣᠭᠣᠰᠣ ᠲᠠᠷᠣᠭᠳᠠᠪᠠ᠃ ᠡᠳᠣᠷ ᠬᠣᠨᠣᠭ ᠨᠠᠳᠠ ᠣᠢ᠌ᠳᠬᠠᠷᠳᠠᠢ ᠰᠠᠨᠠᠭᠳᠠᠵᠣ ᠪᠠᠢ᠌ᠯᠠ᠃ ᠨᠢᠴᠢᠭ᠌ᠮᠠ᠂ ᠨᠢᠩᠪᠣ ᠵᠢ ᠲᠠᠭᠠᠭᠠᠳ ᠶᠠᠪᠣᠴᠢᠬᠠᠪᠠ᠃ ᠡᠵᠢ ᠴᠤ ᠨᠠᠮᠢ᠋ᠢ ᠬᠠᠶᠠᠭᠠᠳ ᠲᠠᠷᠠ ᠬᠥ ᠦᠨᠢᠳᠡ ᠶᠢᠨ ᠠᠮᠣᠷᠯᠢᠩᠭ᠋ᠣᠢ ᠣᠷᠣᠨ ᠳᠠᠭᠠᠨ ᠶᠠᠪᠣᠴᠢᠬᠠᠪᠠ᠃ ᠪᠢ ᠪᠠᠢ᠌ᠨ ᠪᠠᠢ᠌ᠨ ᠨᠣᠬᠠᠳᠠᠢ ᠶᠢ ᠰᠠᠨᠠᠭᠠᠨ ᠳᠤ ᠣᠷᠣᠳᠠᠭ ᠪᠠᠢ᠌ᠯᠠ᠃ ᠨᠣᠬᠠᠳᠠᠢ᠂ ᠡᠪᠥᠬᠡ ᠪᠠᠨ ᠲᠠᠭᠠᠭᠠᠳ ᠬᠠᠮᠢᠭᠠ ᠶᠠᠪᠣᠴᠢᠬᠠᠭᠰᠠᠨ ᠪᠣᠯ︖ ᠬᠡᠨᠡᠳᠳᠡ ᠨᠢᠬᠡ ᠡᠳᠣᠷ ᠲᠠᠷᠠ ᠬᠥ ᠡᠯᠵᠢᠬᠡᠨ ᠲᠡᠷᠬᠡᠨ ᠳᠡᠭᠡᠨ ᠰᠠᠭᠣᠭᠠᠳ ᠢᠷᠡᠳᠡᠭ ᠴᠤ ᠪᠣᠯ ᠦᠦ︖ ᠬᠡᠵᠦ ᠪᠣᠳᠣᠬᠣ ᠳᠠᠭᠠᠨ ᠨᠠᠭᠠᠳᠴᠣ ᠪᠠᠢ᠌ᠭᠰᠠᠨ ᠭᠣᠣᠯ ᠤᠨ ᠲᠣᠬᠣᠢ᠂ ᠳ᠋ᠠᠨᠳᠠᠷ ᠠᠯᠠᠭ ᠪᠣᠶᠣ ᠣᠰᠣᠨ ᠬᠣᠷᠯᠣ ᠶᠢᠨ ᠦᠨᠳᠡᠬᠡ ᠪᠠᠢ᠌ᠳᠠᠭ ᠵᠠᠢ᠌ᠷ ᠴᠢᠯᠠᠭᠣᠨ ᠲᠡᠬᠡᠬᠥᠷ ᠡᠷᠬᠢᠴᠠᠵᠣ ᠦᠵᠡᠳᠡᠭ ᠰᠠᠨ᠃ ᠨᠡᠬᠥ ᠶᠠᠪᠣᠭᠰᠠᠨ ᠤ ᠲᠠᠷᠠᠭᠠᠬᠠᠨ ᠨᠢᠬᠡ ᠡᠳᠣᠷ ᠪᠢ ᠬᠡᠣᠬᠡᠥᠨ ᠤᠨ ᠣᠪᠣᠭᠠᠨ ᠲᠡᠬᠡᠷᠡ ᠭᠠᠷᠪᠠ᠃ ᠣᠪᠣᠭᠠᠨ ᠤ ᠭᠣᠣᠯ ᠣᠷᠣᠢ ᠲᠡᠬᠡᠷᠡ ᠨᠡᠬᠥ ᠶᠢᠨ ᠬᠠᠶᠠᠵᠣ ᠶᠠᠪᠣᠭᠰᠠᠨ ᠡᠪᠳᠡᠷᠬᠡᠢ ᠲᠠᠩᠺ ᠪᠠᠢ᠌ᠯᠠ᠃ ᠡᠮᠣᠨᠠ ᠪᠠᠨ ᠣᠷᠳᠣ ᠫᠣᠤ ᠭᠣᠵᠤᠢ᠌ᠯᠭᠠᠭᠰᠠᠨ ᠲᠣᠮᠣ ᠬᠠᠷᠠ ᠲᠠᠮᠣᠷ ᠮᠠᠩᠰᠢᠭᠣᠷᠠᠨ ᠣᠠᠳᠠᠵᠣ ᠪᠠᠢ᠌ᠭᠠ ᠠᠷᠢᠶᠠᠳᠠᠨ ᠰᠢᠭ ᠬᠦᠯᠳᠡᠢ᠌ᠨ ᠬᠡᠪᠳᠡᠨᠡ᠃ ᠭᠠᠭᠴᠠᠭᠠᠷ ᠪᠤᠯᠬᠤᠷ ᠪᠢ ᠰᠥᠷᠳᠡᠬᠡᠥᠨ ᠵᠠᠬᠠ ᠳᠤ ᠨᠢ ᠣᠴᠢᠭᠰᠠᠨ ᠦᠭᠡᠶ᠃ ᠮᠠᠷᠭᠠᠰᠢ ᠨᠢ ᠲᠠᠬᠢᠭᠠᠳ ᠤᠴᠢᠬᠤ ᠳᠤ ᠠᠯᠢᠶᠠ ᠢᠰᠢᠬᠡ ᠨᠣᠭᠦᠳ ᠲᠡᠬᠡᠬᠥᠷ ᠲᠣᠣᠭᠣᠷ ᠨᠢ ᠲᠣᠭᠯᠠᠵᠣ᠂ ᠬᠣᠨᠢᠳ ᠰᠡᠬᠥᠳᠡᠷ ᠲᠤ ᠨᠢ ᠲᠣᠯᠣᠭᠠᠢ ᠪᠠᠨ ᠰᠢᠭᠠᠨ ᠵᠤᠭᠰᠣᠵᠣ ᠪᠠᠢ᠌ᠪᠠ᠃ ᠪᠢ ᠵᠤᠷᠢᠭ ᠣᠷᠣᠵᠣ ᠭᠠᠳᠠᠭᠣᠷ ᠨᠢ ᠨᠢᠬᠡ ᠲᠣᠭᠣᠷᠢᠭᠠᠳ ᠡᠬᠥᠳᠡ ᠶᠢ ᠨᠢ ᠣᠯᠣᠭᠰᠠᠨ ᠦᠭᠡᠶ᠃ ᠠᠷᠠᠭᠠᠳᠣ ᠬᠦᠷᠳᠥᠨ ᠲᠡᠬᠡᠷᠡ ᠨᠢ ᠭᠠᠷᠴᠣ ᠲᠡᠬᠡᠭ᠍ᠰᠢ ᠦᠨᠳᠡᠢ᠌ᠨ ᠦᠵᠡᠪᠡᠯ ᠣᠷᠣᠢ ᠲᠡᠬᠡᠷᠡ ᠡᠴᠠ ᠨᠢ ᠲᠣᠷᠣᠭᠰᠢ ᠪᠠᠭᠣᠬᠣ ᠡᠬᠥᠳᠡ ᠨᠢ ᠵᠢᠭᠠᠬᠠᠨ ᠵᠠᠪᠰᠠᠷᠯᠠᠭᠳᠠᠵᠣ᠂ ᠬᠦᠠᠳᠡᠢ ᠬᠠᠷᠠᠩᠭ᠋ᠣᠢ ᠨᠦᠬᠡ ᠣᠩᠭ᠋ᠤᠢ᠌ᠵᠣ ᠪᠠᠢ᠌ᠪᠠ᠃ ᠬᠠᠷᠢᠵᠣ ᠢᠷᠬᠥ ᠵᠠᠮ ᠳᠠᠭᠠᠨ ᠪᠢ ᠬᠡᠠᠳᠡᠨ ᠲᠠᠷᠬᠠᠨ ᠲᠡᠶ ᠠᠭᠣᠯᠵᠠᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠪᠣᠭᠠᠨ ᠣᠷᠣᠢ ᠲᠡᠬᠡᠷᠡ ᠨᠡᠬᠥ ᠶᠢᠨ ᠬᠠᠶᠠᠭᠰᠠᠨ ᠲᠠᠩᠺ ᠪᠠᠢ᠌ᠨᠠ ᠬᠡᠵᠦ ᠬᠡᠯᠡᠵᠦ ᠦᠭ᠍ᠪᠡ᠃ ᠬᠡᠳᠡᠯᠡ ᠬᠡᠲᠦᠬᠡᠨ ᠬᠣᠨᠣᠭ ᠤᠨ ᠲᠠᠷᠠᠭᠠ ᠬᠡ᠊ᠠᠳᠡᠨ ᠲᠠᠷᠬᠠᠨ ᠤ ᠡᠨᠳᠡᠭ᠍ᠰᠡᠨ ᠴᠢᠮᠡᠬᠡ ᠶᠢ ᠰᠣᠨᠣᠰᠣᠨᠠ ᠬᠡᠵᠦ ᠰᠠᠨᠠᠭᠠᠨ ᠳᠤ ᠦᠭᠡᠶ ᠪᠠᠢ᠌ᠯᠠ᠃ ᠲᠠᠷᠠ ᠡᠳᠣᠷ ᠬᠣᠨᠢᠴᠢᠨ ᠲᠠᠩᠺ ᠤᠨ ᠲᠣᠣᠭᠣᠷ ᠣᠷᠣᠭᠰᠠᠨ ᠢᠰᠢᠬᠡ ᠶᠢ ᠬᠦᠬᠡᠬᠡᠵᠦ ᠭᠠᠷᠭᠠᠬᠣ ᠬᠡᠵᠦ ᠤᠴᠢᠬᠤ ᠳᠤ ᠦᠮᠠᠬᠡᠢ ᠦᠨᠥᠷ ᠭᠠᠷᠣᠭᠠᠳ ᠪᠠᠢ᠌ᠬᠣᠯᠠᠷ ᠡᠬᠥᠳᠡ ᠪᠠᠷ ᠨᠢ ᠱᠠᠭᠠᠢ᠌ᠪᠠᠯ ᠬᠡᠠᠳᠡᠨ ᠲᠠᠷᠬᠠᠨ ᠤ ᠬᠠᠯᠵᠠᠨ ᠲᠣᠯᠣᠭᠠᠢ ᠦᠵᠡᠭ᠍ᠳᠡᠵᠦ᠂ ᠬᠦᠠᠲᠦ ᠲᠠᠮᠣᠷ ᠶᠢᠠᠷ ᠴᠡᠬᠡᠵᠢ ᠪᠠᠨ ᠨᠦᠲᠦᠬᠥᠯᠵᠦ ᠦᠬᠥᠭ᠍ᠰᠡᠨ ᠬᠡᠨᠡ᠃ ᠬᠡᠠᠳᠡᠨ ᠲᠠᠷᠬᠠᠨ ᠢ ᠣᠷᠣᠰᠢᠭᠣᠯᠣᠭᠰᠠᠨ ᠤ ᠲᠠᠷᠠᠭᠠ ᠠᠪᠣ ᠲᠠᠷᠠ ᠡᠪᠳᠡᠷᠬᠡᠢ ᠲᠠᠩᠺ ᠢ ᠠᠷᠪᠠᠨ ᠦᠬᠡᠷ ᠶᠢᠠᠷ ᠴᠢᠷᠥᠬᠥᠯᠵᠦ᠂ ᠠᠯᠢᠶᠠ ᠶᠢᠨ ᠭᠣᠣᠯ ᠤᠨ ᠲᠡᠬᠡᠲᠦ ᠡᠬᠢ ᠳ᠋ᠡᠬᠢ ᠬᠦᠯ ᠦᠭᠡᠶ ᠨᠠᠭᠣᠷ ᠲᠤ ᠵᠢᠪᠥᠬᠥᠯᠵᠦ ᠬᠠᠶᠠᠭᠰᠠᠨ ᠶᠣᠮ᠃
ᠪᠢ᠂ ᠨᠣᠬᠠᠳᠠᠢ ᠶᠢ ᠶᠠᠭᠣᠨ ᠳᠤ ᠮᠣᠷᠢ ᠪᠣᠯᠭᠠᠵᠣ ᠣᠨᠣᠳᠠᠭ ᠪᠠᠢ᠌ᠯᠠ︖ ᠬᠡᠵᠦ ᠵᠠᠷᠢᠮ ᠳᠠᠭᠠᠨ ᠪᠠᠶᠠ ᠪᠠᠨ ᠵᠢᠮᠡᠯᠠᠳᠡᠭ᠃ ᠬᠡᠪᠡᠴᠦ ᠲᠠᠷᠠ ᠪᠠᠰᠠ ᠨᠠᠳᠠ ᠲᠡᠶ ᠠᠳᠠᠭᠠᠷᠬᠠᠵᠣ ᠦᠰᠢᠯᠲᠦᠬᠡᠥᠨ ᠪᠠᠢ᠌ᠳᠠᠭ ᠶᠣᠮ ᠴᠢᠨᠢ︕ ᠨᠢᠬᠡ ᠣᠳᠠᠭᠠ ᠪᠢᠳᠠ ᠬᠣᠭᠣᠰᠣᠨ ᠢᠩ ᠢ ᠵᠢᠣᠠᠬᠥᠨ ᠡᠷᠬᠢᠬᠥᠯᠵᠦ᠂ ᠴᠢᠯᠠᠭᠣᠨ ᠪᠣᠯᠣ ᠶᠢ ᠨᠢ ᠲᠦᠴᠢᠬᠢᠨᠡᠬᠥᠯᠵᠦ ᠪᠠᠢ᠌ᠳᠠᠯᠠ ᠡᠪᠥᠬᠡ ᠨᠢ ᠣᠯᠣᠭᠠᠳ ᠮᠡᠳᠡᠴᠢᠬᠡᠪᠡ᠃ ᠲᠠᠷᠠ ᠡᠪᠥᠬᠡ ᠪᠠᠨ ᠣᠯᠵᠣ ᠦᠵᠡᠮᠡᠭ᠍ᠴᠡ ᠢᠩ ᠤᠨ ᠲᠣᠣᠭᠣᠷ ᠰᠢᠷᠭᠣᠨ ᠣᠷᠣᠵᠣ ᠨᠠᠳᠠ ᠪᠠᠷ ᠬᠠᠷᠢᠨ ᠫᠣᠤ ᠶᠢᠨ ᠠᠮᠨ ᠪᠦᠭ᠍ᠯᠡᠭ᠍ᠰᠡᠨ ᠶᠣᠮ᠃ ᠮᠡᠭ᠍ᠵᠢᠬᠡᠷ ᠡᠪᠥᠬᠡᠨ ᠨᠠᠮᠢ᠋ᠢ ᠴᠣᠬᠢᠵᠣ ᠴᠢᠳᠠᠬᠣ ᠦᠭᠡᠶ ᠬᠡᠳᠡᠭ ᠢ ᠮᠠᠳᠠᠵᠣ ᠪᠠᠢ᠌ᠪᠠᠴᠣ ᠮᠢᠨᠣ ᠲᠣᠳᠣᠷᠠ ᠲᠠᠪᠠ ᠦᠭᠡᠶ ᠪᠣᠯᠵᠣ ᠣᠷᠣᠢ ᠨᠢ ᠨᠢᠬᠡ ᠯᠣᠤ ᠬᠣᠧᠨᠷᠳᠡᠢ ᠱᠠᠭᠠᠵᠠᠩ ᠠᠶᠠᠭᠠ ᠶᠢ ᠬᠠᠭᠠ ᠰᠠᠪᠠᠵᠣ ᠠᠭᠣᠷ ᠶᠢᠠᠨ ᠭᠠᠷᠭᠠᠭᠰᠠᠨ ᠶᠣᠮ᠃ ᠣᠳᠣ ᠲᠠᠳᠠ ᠪᠦᠷ ᠶᠠᠪᠣᠴᠢᠬᠠᠭᠰᠠᠨ ᠡᠴᠡ ᠨᠠᠳᠠ ᠡᠯᠠᠢ ᠬᠣᠯᠠᠢ ᠰᠠᠨᠠᠭᠳᠠᠨᠠ᠃ ᠠᠪᠣ ᠶᠠᠮᠠᠷ ᠨᠢᠬᠡᠨ ᠣᠴᠢᠷ ᠲᠤ ᠶᠠᠭᠠᠷᠠᠵᠣ ᠪᠠᠢ᠌ᠭᠠ ᠪᠣᠯᠣᠯᠳᠠᠢ᠂ ᠭᠠᠳᠠᠭᠰᠢ ᠭᠠᠷᠬᠣ ᠨᠢ ᠠᠷᠪᠢᠳᠴᠣ᠂ ᠭᠠᠷᠬᠣ ᠪᠣᠯᠭᠠᠨ ᠬᠡᠲᠦ ᠬᠣᠨᠣᠭᠠᠳ ᠢᠷᠡᠳᠡᠭ᠃ ᠡᠴᠣᠰ ᠲᠡᠭᠡᠨ ᠠᠪᠣ ᠶᠢᠨ ᠠᠶᠣᠵᠣ ᠰᠠᠠᠳᠣᠷᠴᠣ ᠪᠠᠢ᠌ᠭᠰᠠᠨ ᠣᠴᠢᠷ ᠨᠢ ᠲᠣᠯᠣᠭᠠᠳ ᠢᠷᠡᠴᠢᠬᠡᠬᠥ ᠨᠢ ᠲᠠᠷᠠ᠃ ᠲᠠᠷᠠ ᠡᠳᠣᠷ ᠲᠠᠷᠪᠠ ᠵᠠᠯᠠᠨ ᠤ ᠬᠢᠨ ᠳᠤ ᠶᠠᠷᠣ ᠡᠴᠡ ᠢᠷᠠᠵᠣ ᠥᠩᠬᠡᠷᠡᠬᠡ ᠦᠭᠡᠶ ᠣᠠᠴᠠᠭᠠᠢ ᠵᠤᠴᠢᠨ ᠵᠠᠯᠠᠷᠠᠵᠣ ᠪᠠᠭᠣᠭᠰᠠᠨ ᠶᠣᠮ᠃
ᠨᠡᠬᠥ ᠣᠷᠣᠵᠣ ᠢᠷᠡᠭ᠍ᠰᠡᠨ ᠤ ᠬᠣᠶᠠᠷ ᠵᠢᠯ ᠤᠨ ᠲᠠᠷᠠᠭᠠᠬᠢ ᠡᠪᠣᠯ ᠤᠨ ᠨᠢᠬᠡᠨ ᠡᠳᠣᠷ᠂ ᠪᠠᠶᠠᠠᠴᠠᠭᠠᠨ ᠤ ᠡᠩᠬᠡᠷ ᠲᠠᠬᠢ ᠮᠠᠨ ᠤ ᠰᠠᠭᠣᠷᠢᠰᠢᠯ ᠢ ᠴᠢᠭ᠍ᠯᠠᠵᠣ ᠪᠦᠯᠥᠭ ᠮᠣᠷᠢᠳᠠᠨ ᠢᠷᠡᠬᠥ ᠬᠠᠷᠠᠭᠳᠠᠪᠠ᠃ ᠮᠣᠷᠢᠳ ᠤᠨ ᠲᠠᠬᠠ ᠲᠡᠶ ᠲᠣᠭᠣᠷᠠᠢ ᠬᠦᠯᠳᠡᠬᠥᠤ ᠭᠠᠵᠠᠷ ᠢ ᠴᠠᠪᠴᠢᠯᠠᠬᠣ ᠳᠤ ᠪᠠᠷᠢᠯᠳᠣᠨ ᠬᠦᠯᠳᠡᠭ᠍ᠰᠡᠨ ᠴᠠᠰᠣ ᠰᠢᠷᠣᠢ ᠬᠣᠯᠠ ᠬᠣᠯᠠ ᠦᠰᠥᠷᠴᠦ᠂ ᠰᠠᠯᠬᠢ ᠡᠰᠡᠷᠬᠥ ᠮᠣᠷᠢᠳ ᠤᠨ ᠬᠠᠮᠠᠷ ᠰᠠᠷᠬᠠᠯᠵᠠᠨ᠂ ᠴᠠᠩ ᠬᠦᠥᠷᠬᠡ ᠲᠠᠳᠠᠭᠠᠳ ᠠᠭᠣᠷ ᠰᠠᠪᠰᠠᠨᠠ᠃ ᠨᠣᠬᠠᠳ ᠤᠢ᠌ᠮᠠᠵᠣ᠂ ᠠᠯᠪᠠᠳᠣ ᠵᠠᠷᠣᠴᠠ ᠨᠡᠷ ᠱᠣᠣᠬᠢᠯᠳᠣᠬᠣ ᠪᠠᠷ ᠠᠪᠣ᠂ ᠵᠤᠴᠢᠨ ᠶ᠋ᠢᠠᠨ ᠣᠭᠳᠣᠬᠣ ᠪᠠᠷ ᠭᠠᠷᠪᠠ᠃ ᠪᠣᠯᠠᠭᠠᠨ ᠲᠡᠬᠡᠷᠡ ᠲᠠᠩᠬᠡᠢ᠌ᠭ᠍ᠰᠡᠨ ᠦᠨᠳᠥᠷ ᠬᠡᠬᠡᠷ ᠮᠣᠷᠢᠨ ᠡᠴᠡ ᠪᠡᠶᠡᠷᠬᠡᠭ᠌ ᠦᠨᠳᠥᠷ ᠬᠦᠮᠥᠨ ᠪᠠᠭᠣᠵᠣ ᠢᠷᠡᠬᠡᠥᠨ ᠠᠪᠣ ᠶᠢᠨ ᠦᠬᠡᠳᠡ ᠡᠴᠡ ᠠᠯᠳᠠ ᠲᠠᠯᠢᠮ ᠶᠢᠠᠷ ᠠᠯᠬᠤᠨᠠ᠃ ᠠᠪᠣ ᠦᠵᠡᠮᠡᠭ᠍ᠴᠡ ᠲᠠᠨᠢᠪᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠦᠶᠢ᠂ ᠬᠠᠷᠠ ᠯᠣᠣᠰ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠶᠠᠠᠴᠠᠭᠠᠨ ᠤ ᠲᠠᠷᠪᠠᠭᠠ︕
ᠲᠠᠳᠠ ᠬᠣᠶᠠᠭᠣᠯᠠ ᠢᠩᠬᠢᠵᠣ ᠮᠡᠨᠳᠥᠯᠠᠬᠡᠥᠨ ᠭᠠᠵᠠᠷ ᠲᠣᠷᠬᠢᠳᠠᠯᠠ ᠲᠠᠰ ᠲᠠᠰ ᠬᠦᠬᠥᠷᠡᠪᠡ᠃ ᠬᠡᠷ ᠲᠤ ᠣᠷᠣᠭᠰᠠᠨ ᠤ ᠲᠠᠷᠠᠭᠠ ᠲᠠᠷᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠲᠠᠷᠪᠠᠭᠠ ᠴᠢ ᠪᠠᠶᠠᠠᠴᠠᠭᠠᠨ ᠤ ᠡᠩᠬᠡᠷ ᠶᠢᠠᠨ ᠨᠦᠬᠡᠯᠡᠬᠡᠥᠨ ᠲᠠᠪᠠᠳᠠᠢ ᠢᠴᠡᠬᠡᠯᠡᠵᠦ ᠪᠠᠢ᠌ᠨᠠ ᠪᠢᠵᠠ︖ ᠬᠡᠵᠦ ᠦᠨᠡᠬᠡᠨ ᠯᠣᠪᠣᠣᠵᠠ ᠶᠢᠨ ᠶᠢᠠᠨ ᠣᠭᠣᠰᠣᠷ ᠢ ᠠᠯᠳᠠᠷᠠᠭᠠᠵᠣ᠂ ᠬᠦᠮᠥᠰᠬᠡ ᠰᠣᠷᠮᠣᠣᠰᠣ ᠲᠡᠶ ᠨᠢ ᠪᠠᠷᠢᠯᠳᠣᠭᠰᠠᠨ ᠮᠥᠰᠤ ᠴᠠᠰᠣ ᠶᠢ ᠭᠠᠷ ᠤᠨ ᠠᠯᠠᠭᠠ ᠪᠠᠷ ᠱᠣᠳᠣᠷᠬᠣ ᠳᠤ ᠨᠢ ᠪᠢ ᠵᠢᠰᠣ ᠶᠢ ᠨᠢ ᠦᠵᠡᠬᠡᠥᠨ ᠰᠥᠷᠳᠡᠵᠦ ᠠᠪᠣᠪᠠ᠃ ᠢᠷᠡᠭ᠍ᠰᠡᠨ ᠵᠤᠴᠢᠨ ᠲᠡᠬᠡᠪᠥᠷ ᠲᠣᠯᠣᠮᠠ ᠦᠨᠳᠥᠷ ᠪᠠᠶᠠ ᠲ᠋ᠠᠢ᠂ ᠲᠦᠬᠥᠷᠢᠭ᠌ ᠬᠠᠷᠠ ᠴᠢᠷᠠᠢ ᠨᠢ ᠬᠤᠢ᠌ᠬᠠᠯᠠᠭᠳᠠᠭᠰᠠᠨ ᠶᠣᠮ ᠰᠢᠭ ᠡ᠊ᠠᠳᠠ ᠲᠠᠠᠳᠠ ᠨᠢ ᠴᠣᠬᠣᠷᠳᠠᠵᠣ᠂ ᠵᠠᠬᠥᠨ ᠨᠢᠳᠣᠨ ᠳᠤ ᠨᠢ ᠴᠠᠭᠠ ᠣᠨᠠᠭᠰᠠᠨ ᠡᠴᠡ ᠬᠠᠷᠠ ᠴᠠᠭᠠᠨ ᠬᠣᠶᠠᠷ ᠠᠰᠳᠠᠭᠠᠨ ᠨᠢᠳᠣ ᠪᠠᠷ ᠴᠣᠷᠬᠢᠨ ᠬᠠᠷᠠᠬᠣ ᠨᠢ ᠰᠦᠨᠢ ᠯᠠᠪ ᠬᠠᠷᠠ ᠲᠠᠷᠣᠨᠠ ᠪᠠᠢ᠌ᠬᠣ ᠬᠡᠵᠦ ᠪᠣᠳᠣᠭᠣᠯᠣᠮᠠᠷ ᠪᠠᠢ᠌ᠪᠠ᠃ ᠬᠠᠷᠠ ᠯᠣᠣᠰ ᠤᠨ ᠲᠡᠬᠡᠷᠡᠮ ᠬᠡᠵᠦ ᠬᠦᠮᠥᠰ ᠬᠡᠯᠡᠯᠴᠡᠬᠡᠥᠨ ᠪᠠᠢ᠌ᠭᠰᠠᠨ ᠨᠢ ᠡᠢ᠌ᠮᠣ ᠶᠥᠭ᠍ᠵᠢᠷ ᠲᠡᠶ ᠬᠦᠮᠥᠨ ᠪᠠᠢ᠌ᠭᠰᠠᠨ ᠠᠵᠠᠢ᠃ ᠲᠡᠬᠡᠷᠡᠮ ᠤᠨ ᠲᠥᠷᠣᠬᠥᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠨᠦ ᠣᠷᠣᠢ ᠡ᠊ᠠᠳᠠ ᠬᠣᠨᠣᠭᠯᠠᠨᠠ᠃ ᠮᠣᠷᠢᠳ ᠶᠢᠠᠨ ᠰᠠᠢ᠌ᠨ ᠣᠰᠣᠯᠠᠵᠣ ᠡᠪᠠᠰᠣᠯᠠ︕ ᠬᠡᠵᠦ ᠲᠣᠣᠷᠠᠬᠢ ᠬᠦᠮᠥᠰ ᠲᠡᠭᠡᠨ ᠲᠣᠰᠢᠶᠠᠭᠠᠳ᠂ ᠦᠪᠡᠷ ᠶᠢᠠᠨ ᠵᠠᠯᠠᠨ ᠠᠪᠣ ᠲᠡᠶ ᠰᠢᠷᠡᠬᠡ ᠬᠠᠪᠴᠢᠨ ᠰᠠᠭᠣᠯᠠ᠃ ᠬᠠᠷᠠ ᠯᠣᠣᠰ ᠤᠨ ᠲᠡᠬᠡᠷᠡᠮ ᠲᠠᠷᠬᠠᠨ ᠬᠣᠰᠢᠭᠣᠨ ᠡᠴᠡ ᠪᠣᠰᠴᠣ᠂ ᠵᠠᠬᠥᠨ ᠪᠠᠷᠠᠭᠣᠨ ᠭᠠᠷ ᠵᠠᠷᠣᠳ᠂ ᠬᠣᠶᠠᠷ ᠦᠵᠥᠮᠣᠴᠢᠨ ᠤ ᠨᠣᠳᠣᠭ ᠶᠢᠠᠷ ᠰᠥᠯᠵᠢᠯᠳᠥᠨ 《ᠮᠠᠯᠠᠭᠠᠢ ᠲᠠᠯᠪᠢᠪᠠᠯ ᠮᠢᠨᠣ ᠬᠡᠷ᠂ ᠮᠠᠷᠭᠠᠰᠢ ᠶᠠᠪᠣᠪᠠᠯ ᠲᠠᠨ ᠤ ᠬᠡᠷ》 ᠬᠡᠭ᠍ᠴᠢ ᠪᠠᠷ ᠠᠮᠤ ᠬᠦᠨᠡᠰᠤ ᠪᠣᠯᠢᠶᠠᠨ᠂ ᠠᠮᠢᠳᠣ ᠬᠦᠮᠥᠨ ᠶᠢᠠᠷ ᠬᠣᠭᠣᠯᠯᠠᠬᠣ ᠡᠴᠡ ᠪᠣᠰᠣᠳ ᠢ ᠪᠦᠷ ᠦᠢᠯᠡᠳᠳᠡᠭ ᠬᠡᠵᠦ ᠬᠦᠮᠥᠰ ᠶᠠᠷᠢᠵᠠᠭᠠᠳᠠᠭ ᠪᠢᠯᠠ᠃ ᠲᠠᠳᠠ᠂ ᠵᠠᠯᠠᠨ ᠤ ᠬᠢᠨ ᠳᠤ ᠠᠰᠢᠭ ᠦᠭᠡᠶ ᠴᠢᠮᠡᠬᠡ ᠶᠢ ᠠᠪᠴᠢᠷᠠᠪᠠ᠃ ᠣᠯᠠᠭᠠᠨ ᠤ ᠴᠡᠷᠢᠭ᠌ ᠶᠠᠭ ᠨᠢᠳᠣᠨ ᠲᠣᠣᠷᠠ ᠲᠣᠯᠵᠣ ᠢᠷᠡᠬᠡᠥᠨ ᠪᠠᠢ᠌ᠳᠠᠯ ᠬᠦᠮᠥᠰᠬᠡ ᠰᠢᠳᠠᠮᠠ ᠪᠠᠴᠢᠮ ᠪᠣᠯᠴᠢᠬᠠᠭᠰᠠᠨ ᠶᠣᠮ ᠬᠡᠨᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠯᠣ ᠢᠷᠠᠪᠠᠯ ᠪᠠᠢ᠌ᠭᠰᠠᠨ ᠡᠳ᠋ ᠬᠣᠭᠰᠢᠯ ᠴᠢᠨᠢ ᠪᠦᠷ ᠬᠦᠮᠥᠨ ᠤ ᠬᠢ ᠪᠣᠯᠵᠣ᠂ ᠡᠠᠶᠠ ᠦᠬᠡᠢ᠌ᠳᠡᠪᠡᠯ ᠬᠦᠵᠦᠬᠥᠨ ᠳᠤ ᠴᠢᠨᠢ ᠲᠡᠬᠡᠰᠦ ᠣᠷᠣᠨᠠ ᠳ᠋ᠠ︕ ᠬᠡᠵᠦ ᠬᠠᠷᠠ ᠯᠣᠣᠰ ᠮᠥᠯᠵᠢᠵᠦ ᠪᠠᠢ᠌ᠭᠰᠠᠨ ᠦᠬᠡᠷ ᠤᠨ ᠲᠠᠯᠣ ᠪᠠᠨ ᠬᠦᠰᠡᠷ ᠰᠢᠳᠠᠪᠠ᠃ ᠡᠨᠠ ᠨᠢ ᠶᠠᠭ ᠠᠪᠣ ᠶ᠋ᠢᠨ ᠡᠳᠣᠷ ᠤᠨ ᠪᠣᠳᠣᠯ ᠰᠦᠨᠢ ᠶᠢᠨ ᠵᠠᠬᠥᠳᠥᠨ ᠳᠤ ᠨᠢ ᠣᠷᠣᠵᠣ᠂ ᠲᠠᠷᠢᠬᠢ ᠲᠣᠯᠣᠭᠠᠢ ᠶᠢ ᠰᠢᠨᠠᠯᠭᠠᠵᠣ ᠪᠠᠢ᠌ᠭᠰᠠᠨ ᠣᠴᠢᠷ ᠪᠠᠢ᠌ᠯᠠ᠃ 《ᠴᠠᠭ ᠲᠥᠷᠤ ᠶᠠᠭᠠᠬᠢᠵᠣ ᠬᠣᠪᠢᠷᠠᠬᠣ ᠶᠢ ᠬᠡᠨ ᠮᠠᠳᠠᠨᠠ︖ ᠡᠨᠠ ᠴᠤ ᠨᠠᠮᠢ᠋ᠢ ᠠᠶᠣᠯᠭᠠᠵᠣ᠂ ᠨᠢᠬᠡ ᠴᠠᠭ ᠤᠨ ᠬᠣᠭᠣᠯᠠᠨ ᠤ ᠲᠥᠯᠣᠬᠡ ᠬᠣᠳᠠᠯ ᠫᠣᠣᠳᠠᠬᠣ ᠡᠷᠠ ᠪᠢᠰᠢ ᠳ᠋ᠠ︕》 ᠬᠡᠵᠦ ᠵᠠᠯᠠᠨ ᠪᠣᠳᠣᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠢᠷᠳᠢᠨᠴᠣ ᠶᠢ ᠡᠯᠠᠬᠡᠵᠦ ᠶᠡᠬᠡ ᠶᠢ ᠦᠵᠡᠭ᠍ᠰᠡᠨ ᠢᠶᠡᠷ ᠶᠢᠠᠨ ᠴᠢ ᠬᠡᠯᠡᠵᠦ ᠦᠵᠡ᠂ ᠪᠢᠳᠠ ᠶᠠᠭᠠᠬᠢᠪᠠᠯ ᠲᠠᠭᠠᠷᠠᠨᠠ︖ ᠬᠡᠵᠦ ᠬᠠᠷᠠ ᠯᠣᠣᠰ ᠢ ᠴᠢᠷᠠᠢ᠌ᠳᠠᠬᠣ ᠳᠤ ᠲᠠᠷᠠ᠂ ᠦᠬᠡᠷ ᠤᠨ ᠴᠢᠮᠦᠬᠡ ᠶᠢ ᠫᠠᠷᠴᠢᠬᠢᠨᠠᠳᠠᠯᠠ ᠮᠣᠰᠬᠢᠵᠣ ᠲᠣᠳᠣᠷᠠᠬᠢ ᠴᠢᠮᠦᠬᠡᠨ ᠲᠣᠰᠣ ᠶᠢ ᠨᠢ ᠰᠣᠷᠣᠭᠰᠠᠨ ᠢᠶᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠢ᠌ᠷᠬᠠᠨ ᠬᠠᠨ ᠤ ᠬᠦᠨ ᠣᠢ ᠳᠤ ᠰᠢᠷᠭᠣᠵᠣ ᠪᠠᠢ᠌ᠳᠠᠯ ᠢ ᠠᠵᠢᠬᠤ ᠡᠴᠡ ᠳ᠋ᠠ︕ ᠬᠡᠪᠡ᠃ ᠠᠪᠣ ᠬᠠᠷᠢᠭᠣ ᠬᠡᠯᠡᠭ᠍ᠰᠡᠨ ᠦᠭᠡᠶ᠃ ᠡᠮᠣᠨᠠᠬᠢ ᠬᠣᠠᠳᠠᠭᠠ ᠲᠡᠶ ᠪᠠᠨ ᠠᠪᠴᠣ ᠬᠦᠠᠳᠥᠷᠪᠡ᠃ ᠡᠨᠠ ᠦᠶᠡᠰ ᠬᠠᠷᠠ ᠯᠣᠣᠰ᠂ ᠨᠠᠮᠢ᠋ᠢ ᠰᠠᠶᠢ ᠯᠠ ᠣᠯᠵᠣ ᠦᠵᠡᠭ᠍ᠰᠡᠨ ᠰᠢᠭ᠌ ᠬᠠᠷᠠ ᠴᠠᠭᠠᠨ ᠨᠢᠳᠣ ᠪᠠᠷ ᠶᠢᠠᠨ ᠰᠢᠷᠪᠢᠵᠣ ᠠᠪᠣᠭᠰᠠᠨ ᠢᠶᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠨᠠ ᠴᠢᠨᠢ ᠵᠤᠯᠵᠠᠭᠠ ᠲᠠᠷᠪᠠᠭᠠ ᠦᠦ︖ ᠬᠡᠵᠦ ᠶᠠᠮᠠᠷ ᠴᠤ ᠣᠴᠢᠷ ᠪᠣᠯᠵᠣ ᠪᠠᠢ᠌ᠭᠠ ᠦᠭᠡᠶ ᠰᠢᠭ᠌ ᠬᠥᠭ᠍ᠳᠡᠢ ᠢᠨᠢᠶᠠᠨᠠ᠃ ᠪᠢ᠂ ᠬᠠᠷᠠ ᠯᠣᠣᠰ ᠤᠨ ᠪᠦᠰᠡᠨ ᠳᠡᠭᠡᠨ ᠵᠢᠰᠢᠬᠥᠯᠡᠵᠦ ᠬᠠᠪᠴᠢᠭᠣᠯᠣᠭᠰᠠᠨ ᠭᠠᠷ ᠫᠣᠤ ᠶᠢ ᠨᠢ ᠰᠣᠨᠢᠷᠬᠠᠵᠣ᠂ ᠨᠢᠳᠣ ᠰᠠᠯᠭᠠᠯ ᠦᠭᠡᠶ ᠰᠢᠷᠳᠠᠵᠣ ᠪᠠᠢ᠌ᠳᠠᠯᠠ ᠲᠠᠷᠠ ᠫᠣᠤ ᠪᠠᠨ ᠠᠪᠴᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠬᠠᠷᠠᠵᠣ ᠪᠠᠢ᠌ᠪᠠᠯ ᠴᠢᠮᠠ ᠳᠤ ᠦᠭ᠍ᠬᠥᠢᠡ︕ ᠬᠡᠪᠡ᠃ ᠫᠣᠤ ᠨᠢ ᠨᠠᠳᠠ ᠲᠣᠩ ᠬᠦᠠᠲᠦ ᠰᠠᠨᠠᠭᠳᠠᠪᠠ᠃ ᠰᠣᠮᠣ ᠨᠢ ᠬᠠᠷᠢᠨ ᠬᠣᠨᠢᠨ ᠬᠣᠷᠭᠣᠯ ᠰᠢᠭ ᠮᠤᠬᠤᠷ ᠬᠠᠷᠠ ᠲᠠᠭᠠᠷᠢᠳᠠᠰᠣ ᠨᠣᠭᠣᠳ ᠪᠠᠢ᠌ᠬᠣ ᠶᠢ ᠦᠵᠡᠬᠡᠥᠨ ᠪᠢ᠂ ᠨᠢᠩᠪᠣ ᠶᠢᠨ ᠬᠣᠯᠠᠭᠠᠢ᠌ᠯᠠᠳᠠᠭ ᠲᠠᠷᠠ ᠰᠣᠮᠣ ᠵᠢ ᠰᠠᠨᠠᠭᠠᠨ ᠳᠤ ᠣᠷᠣᠪᠠ᠃ ᠨᠢᠴᠢᠭ᠌ᠮᠠ ᠶᠢᠨ ᠠᠶᠣᠵᠣ ᠪᠦᠯᠳᠡᠯᠵᠡᠭ᠍ᠰᠡᠨ ᠨᠢᠳᠣ ᠶᠢ ᠴᠤ ᠰᠠᠨᠠᠭᠠᠨ ᠳᠤ ᠣᠷᠣᠬᠣ ᠪᠠᠷ ᠭᠠᠷ ᠮᠢᠨᠢ ᠦᠯᠤ ᠮᠡᠳᠡᠭ ᠴᠠᠴᠠᠷᠬᠢᠯᠠᠵᠣ᠂ ᠫᠣᠤ ᠶᠢ ᠨᠢ ᠪᠣᠴᠠᠭᠠᠨ ᠦᠭ᠍ᠬᠥᠬᠡᠥᠨ ᠭᠠᠷᠴᠣ ᠶᠠᠪᠣᠪᠠ᠃
ᠲᠠᠷᠠ ᠰᠦᠨᠢ ᠪᠢ ᠬᠣᠣᠰ ᠭᠠᠷ ᠫᠣᠤ ᠪᠠᠷᠢᠵᠣ ᠰᠠᠬᠠᠯᠳᠣ᠂ ᠰᠣᠯᠢᠷ ᠬᠣᠶᠠᠷ ᠲᠡᠬᠡᠷᠡᠮ ᠢ ᠨᠡᠬᠡᠵᠦ ᠪᠠᠢ᠌ᠨᠠ ᠬᠡᠵᠦ ᠵᠠᠬᠥᠳᠥᠯᠠᠪᠡ᠃ ᠬᠡᠳᠥᠨ ᠬᠦᠠᠳᠡᠢ ᠲᠠᠮᠵᠢᠳᠠᠯᠠ ᠰᠣᠯᠢᠷ ᠤᠨ ᠮᠣᠷᠢ ᠨᠢ ᠫᠦᠯᠡᠷᠠᠬᠡᠥᠨ ᠵᠤᠭᠰᠣᠴᠢᠬᠠᠪᠠ᠃ ᠲᠠᠷᠠ ᠮᠣᠷᠢᠨ ᠡᠴᠡ ᠪᠠᠨ ᠭᠣᠯᠭᠣᠷᠢᠨ ᠪᠠᠭᠣᠵᠣ ᠮᠢᠨᠣ ᠡᠮᠣᠨᠠ ᠰᠦᠬᠥᠲᠦᠬᠡᠥᠨ᠄ 《ᠠᠮᠢ ᠦᠷᠥᠰᠢᠶᠡ︕ ᠪᠠᠭᠠ ᠨᠣᠶᠠᠨ ᠠᠮᠢ ᠶᠢ ᠮᠢᠨᠢ ᠦᠷᠥᠰᠢᠶᠡ︕》 ᠬᠡᠵᠦ ᠭᠣᠬᠢᠩ ᠭᠠᠬᠢᠩ ᠮᠥᠷᠬᠥᠵᠦ ᠪᠠᠢ᠌ᠨᠠ᠃ ᠪᠢ ᠭᠣᠣᠯ ᠮᠠᠩᠨᠠᠢ ᠲᠡᠬᠡᠷᠡ ᠨᠢ ᠫᠣᠤ ᠪᠠᠨ ᠲᠣᠯᠭᠠᠵᠣ᠄ 《ᠮᠠᠭᠣ ᠯᠤᠢ᠌ᠪᠠᠷᠴᠢᠨ᠂ ᠬᠠᠷᠢ ᠶᠢᠨ ᠵᠢᠷᠣᠭᠠ ᠨᠣᠬᠠᠢ︕》 ᠬᠡᠵᠦ ᠬᠠᠷᠢᠶᠠᠭᠠᠳ ᠲᠣᠩᠭ᠋ᠣᠷᠴᠠᠭᠯᠠᠳᠠᠯᠠ ᠢᠰᠬᠥᠯᠥᠨ᠂ ᠲᠠᠬᠢᠨ ᠰᠠᠬᠠᠯᠳᠣ ᠲᠡᠬᠡᠷᠡᠮ ᠤᠨ ᠬᠤᠢ᠌ᠨᠠ ᠡᠴᠡ ᠲᠠᠷᠣᠨ ᠨᠡᠬᠡᠵᠦ ᠣᠴᠢᠪᠠ᠃ ᠰᠠᠬᠠᠯᠳᠣ ᠨᠠᠷᠠᠨ ᠤ ᠣᠨᠣᠭᠰᠠᠨ ᠲᠠᠷᠠ ᠮᠣᠷᠢ ᠬᠠᠷᠢᠨ ᠣᠵᠢᠷᠭᠠ ᠲᠡᠶ ᠰᠠᠪᠠᠰᠣ ᠪᠠᠢ᠌ᠯᠠ᠃ ᠦᠬᠡᠳᠡ ᠬᠠᠠᠳᠣᠪᠠᠯ ᠠᠯᠠᠭᠳᠠᠭᠠ ᠰᠢᠭ ᠰᠣᠨᠣᠯᠵᠠᠭᠠᠳ ᠪᠢᠴᠢᠬᠠᠨ ᠪᠣᠯᠳᠠᠭᠠᠷ ᠤᠳ ᠢ ᠬᠡᠲᠦᠬᠡᠨ ᠬᠠᠷᠠᠢ᠌ᠭᠠᠳ ᠲᠣᠭᠣᠰᠣᠨ ᠳᠠᠭᠠᠨ ᠲᠠᠷᠣᠭᠳᠠᠭᠣᠯᠵᠣ ᠪᠠᠢ᠌ᠪᠠ᠃ ᠪᠢ ᠡᠮᠠᠬᠡᠯ ᠲᠡᠬᠡᠷᠡ ᠪᠠᠨ ᠦᠨᠳᠡᠢ᠌ᠵᠦ ᠮᠣᠷᠢ ᠪᠠᠨ ᠰᠢᠪᠠᠳᠠᠪᠠ᠃ ᠮᠢᠨᠣ ᠬᠠᠯᠢᠭᠣᠨ ᠦᠷᠢᠶᠡ ᠶᠠᠪᠣᠬᠣ ᠲᠣᠳᠣᠮ ᠴᠢᠩᠭ᠋ᠠᠷᠠᠵᠣ᠂ ᠭᠣᠤ ᠭᠠᠩᠭᠠ ᠶᠢ ᠠᠰᠯᠠᠭᠰᠠᠨ ᠴᠢᠭ᠌ ᠲᠡᠭᠡᠨ ᠬᠠᠷᠠᠢ᠌ᠨ ᠭᠠᠷᠴᠣ ᠰᠠᠬᠠᠯᠳᠣ ᠶᠢ ᠪᠣᠳᠠᠷᠠᠳᠠᠯᠠ ᠨᠡᠬᠡᠬᠡᠥᠨ ᠣᠴᠢᠯᠠ᠃ ᠪᠢ ᠫᠣᠤ ᠪᠠᠨ ᠡᠷᠬᠥᠪᠡ᠃ ᠴᠢᠬᠢ ᠱᠣᠣᠬᠢᠨ ᠨᠢᠳᠣ ᠡᠷᠢᠶᠠᠯᠵᠠᠵᠣ ᠪᠠᠢ᠌ᠭᠰᠠᠨ ᠴᠤ ᠣᠪᠣᠭᠠ ᠬᠠᠷᠠᠭᠠᠨ ᠳᠠᠭᠠᠨ ᠰᠠᠬᠠᠯᠳᠣ ᠶᠢᠨ ᠲᠥᠨᠲᠦᠬᠡᠷ ᠲᠣᠯᠣᠭᠠᠢ ᠶᠢ ᠣᠷᠣᠭᠣᠯᠵᠣ ᠠᠪᠣᠭᠠᠳ ᠫᠣᠤ ᠪᠠᠨ ᠭᠣᠬᠠᠳᠠᠳᠠᠯᠠ ᠡᠮᠣᠨᠠ ᠶᠠᠭᠣ ᠴᠤ ᠦᠵᠡᠭ᠍ᠳᠡᠬᠥ ᠦᠭᠡᠶ ᠪᠣᠯᠪᠠ᠃ ᠨᠢᠬᠡ ᠮᠡᠳᠡᠬᠥᠯᠡ ᠪᠢ ᠰᠠᠬᠠᠯᠳᠣ ᠶᠢ ᠨᠡᠬᠡᠵᠦ ᠪᠠᠢ᠌ᠭᠠ ᠪᠢᠰᠢ ᠬᠠᠷᠢᠨ ᠠᠰᠬᠠ ᠬᠠᠳᠠᠨ ᠤ ᠢᠷᠮᠡᠭ ᠲᠡᠬᠡᠷᠡ ᠢᠷᠡᠬᠡᠥᠨ ᠵᠤᠭᠰᠣᠵᠣ ᠪᠠᠢ᠌ᠯᠠ᠁
ᠪᠢᠳᠠ ᠬᠠᠢ᠌ᠷᠬᠠᠨ ᠬᠠᠨ ᠤ ᠬᠦᠨ ᠣᠢ ᠳᠤ ᠰᠢᠷᠭᠣᠬᠣ ᠪᠠᠷ ᠪᠣᠯᠪᠠ᠃ ᠡᠨᠠ ᠬᠣᠭᠣᠷᠣᠠᠳᠣ ᠠᠯᠪᠠᠳᠣ ᠵᠠᠷᠣᠴᠠ ᠨᠡᠷ ᠢᠯᠠᠳᠳᠠ ᠴᠦᠬᠡᠷᠡᠭ᠍ᠰᠡᠨ ᠪᠠᠢ᠌ᠯᠠ᠃ ᠵᠠᠷᠢᠮ ᠨᠢ ᠬᠡᠷ ᠲᠡᠷᠬᠡ ᠲᠡᠶ ᠪᠠᠨ ᠨᠡᠬᠥᠬᠡᠥᠨ ᠶᠠᠪᠣᠴᠢᠬᠠᠪᠠ᠃ ᠵᠠᠷᠢᠮ ᠨᠢ ᠬᠡᠷ ᠶᠢᠠᠨ ᠬᠠᠶᠠᠭᠠᠳ ᠰᠦᠨᠢ ᠪᠠᠷ ᠣᠷᠭᠣᠵᠣ᠂ ᠬᠡᠳᠦ ᠬᠣᠨᠣᠭ ᠤᠨ ᠲᠠᠷᠠᠭᠠ ᠬᠣᠷᠢ ᠰᠢᠬᠠᠮ ᠯᠠ ᠬᠦᠮᠥᠨ ᠦᠯᠠᠳᠡᠭ᠍ᠰᠡᠨ ᠪᠠᠢ᠌ᠯᠠ᠃ ᠠᠪᠣ ᠡᠬᠥᠨ ᠢ ᠮᠠᠳᠠᠵᠣ ᠪᠠᠢ᠌ᠭᠰᠠᠨ ᠴᠣ ᠲᠣᠣᠭᠠᠷᠣᠭᠰᠠᠨ ᠦᠭᠡᠶ᠃ ᠶᠠᠪᠣᠬᠣ ᠲᠠᠷᠠ ᠡᠳᠣᠷ ᠪᠠᠶᠠᠠᠴᠠᠭᠠᠨ ᠤ ᠣᠷᠣᠢ ᠲᠡᠬᠡᠷᠡ ᠭᠠᠷᠴᠣ ᠪᠣᠳᠣᠯᠭᠠᠰᠢᠷᠠᠨ ᠵᠤᠭᠰᠣᠵᠣ ᠪᠠᠢ᠌ᠬᠣ ᠨᠢ ᠶᠠᠭ᠄ 《ᠲᠠᠷᠪᠠ ᠪᠢ ᠢᠩᠬᠢᠬᠡᠥᠨ ᠯᠠ ᠲᠡᠬᠡᠷᠡᠮ ᠪᠣᠯᠴᠢᠬᠠᠨᠠ ᠦᠦ︖》 ᠬᠡᠵᠦ ᠡᠷᠠᠬᠡᠯᠵᠡᠵᠦ ᠪᠠᠢ᠌ᠬᠣ ᠰᠢᠭ ᠪᠠᠢ᠌ᠯᠠ᠃
ᠲᠠᠷᠪᠠ ᠵᠠᠯᠠᠨ᠂ ᠬᠠᠷᠠ ᠯᠣᠣᠰ ᠤᠨ ᠲᠡᠬᠡᠷᠡᠮ ᠲᠡᠶ ᠨᠠᠢ᠌ᠯᠠᠨ ᠪᠣᠰᠴᠣ ᠭᠠᠷᠣᠯᠠ ᠬᠡᠰᠡᠨ ᠴᠢᠮᠡᠬᠡ ᠵᠢᠬᠥᠷ ᠣᠷᠭᠣᠭᠰᠠᠨ ᠰᠢᠭ ᠲᠦᠳᠡᠬᠡᠨ ᠲᠠᠷᠬᠠᠪᠠ᠃ ᠡᠬᠥᠨ ᠢ ᠰᠣᠨᠣᠰᠣᠭᠠᠳ ᠬᠠᠷᠠ ᠯᠣᠣᠰ᠂ ᠠᠪᠣ ᠶᠢᠨ ᠮᠠᠯᠠᠭᠠᠢ ᠶᠢᠨ ᠣᠷᠣᠢ ᠲᠡᠬᠡᠷᠡᠬᠢ ᠵᠢᠩᠰᠠ ᠶᠢ ᠵᠢᠭᠠᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠴᠤ ᠫᠣᠩᠰᠣᠭ ᠪᠠᠶᠠᠨ ᠤ ᠠᠳᠣᠭᠣᠴᠢᠨ ᠶᠠᠪᠣᠭᠰᠠᠨ ᠬᠦᠮᠥᠨ᠃ ᠲᠠᠳᠠᠯᠳᠣᠬᠣ ᠶᠠᠭᠣᠮᠠ ᠦᠭᠡᠶ᠃ ᠲᠠᠷᠪᠠ ᠴᠢ ᠬᠠᠷᠢᠨ ᠵᠠᠷᠬᠡ ᠵᠢᠩᠰᠡ ᠲᠡᠶ ᠲᠡᠬᠡᠷᠡᠮ ᠪᠣᠯᠴᠢᠬᠠᠯᠠ᠃ ᠬᠡᠮᠰᠢᠵᠦ ᠪᠠᠢ᠌ᠪᠠᠯ ᠣᠳᠣ ᠬᠠᠷᠢᠭᠰᠠᠨ ᠴᠤ ᠣᠷᠤᠢ᠌ᠳᠠᠬᠣ ᠦᠭᠡᠶ ᠰᠢᠤ ᠬᠡᠵᠦ ᠨᠠᠭᠠᠳᠣᠮ ᠦᠨᠡᠨ ᠤ ᠬᠣᠭᠣᠷᠣᠠᠳᠣ ᠬᠡᠯᠡᠨ᠂ ᠮᠦᠨ ᠯᠠ ᠬᠠᠷᠠ ᠴᠠᠭᠠᠨ ᠨᠢᠳᠣ ᠪᠠᠨ ᠰᠥᠷᠳᠡᠢ ᠬᠢᠯᠠᠯᠵᠠᠭᠣᠯᠣᠨᠠ᠃ ᠠᠪᠣ ᠰᠣᠨᠣᠰᠣᠭᠰᠠᠨ ᠪᠣᠯᠪᠠᠴᠣ ᠦᠬᠡᠷᠡ ᠶᠠᠭᠣᠮᠠᠨ ᠳᠤ ᠰᠠᠨᠠᠭᠠ ᠪᠣᠯᠵᠣ ᠪᠠᠢ᠌ᠭᠠ ᠪᠠᠢ᠌ᠳᠠᠯ ᠲᠡᠶ᠂ ᠠᠯᠣᠰ ᠲᠤ ᠬᠦᠳᠠᠩᠳᠡᠬᠥ ᠬᠠᠢ᠌ᠷᠬᠠᠨ ᠬᠠᠨ ᠤ ᠣᠷᠣᠢ ᠵᠦᠭ᠌ ᠰᠢᠷᠳᠡᠭ᠍ᠰᠡᠨ ᠶ᠋ᠢᠠᠨ ᠬᠠᠷᠠ ᠮᠣᠷᠢᠨ ᠳᠠᠭᠠᠨ ᠲᠠᠰᠢᠭᠣᠷ ᠦᠭᠪᠡ᠃
ᠬᠠᠢ᠌ᠷᠬᠠᠨ ᠬᠠᠨ ᠬᠡᠵᠦ ᠬᠦᠨ ᠬᠦᠨ ᠭᠣᠤ ᠵᠢᠯᠠᠭᠠ ᠲᠡᠶ᠂ ᠵᠢᠯᠠᠭᠠ ᠪᠦᠬᠥᠨ ᠡᠴᠡ ᠨᠢ ᠣᠰᠣ ᠲᠡᠶ᠂ ᠪᠢᠳᠡᠬᠥᠤ ᠣᠢ ᠪᠠᠯᠠᠷ ᠰᠢᠭᠣᠢ ᠪᠦᠷᠬᠥᠭ᠍ᠰᠡᠨ ᠰᠥᠷᠯᠢᠭ᠌ ᠦᠨᠳᠥᠷ ᠬᠠᠢ᠌ᠷᠬᠠᠨ ᠪᠠᠢ᠌ᠯᠠ᠃ ᠨᠠᠷᠢᠨ ᠱᠣᠪᠬᠣ ᠣᠷᠬᠢᠯ ᠤᠳ ᠨᠢᠬᠡ ᠨᠢ ᠨᠢᠬᠡᠨ ᠡᠴᠡ ᠪᠠᠨ ᠣᠷᠤᠢ᠌ᠯᠠᠬᠣ ᠬᠡᠰᠡᠨ ᠰᠢᠭ᠌ ᠲᠡᠭ᠍ᠳᠡᠷ ᠲᠡᠭ᠍ᠳᠡᠷ ᠴᠣᠷᠤᠢ᠌ᠯᠴᠠᠨ᠂ ᠮᠥᠰᠤ ᠴᠠᠰᠣᠨ ᠳᠤ ᠬᠣᠴᠢᠭᠳᠠᠭᠰᠠᠨ ᠲᠣᠯᠣᠭᠠᠳ ᠤᠨ ᠣᠷᠣᠢ ᠨᠢ ᠨᠠᠷᠠᠨ ᠤ ᠬᠡᠷᠡᠯ ᠳᠤ ᠴᠠᠢ᠌ᠯᠵᠠᠨᠠ᠃ ᠪᠢᠳᠠ ᠬᠣᠷᠢᠭᠣᠯ ᠬᠡᠮᠡᠬᠥ ᠭᠠᠵᠠᠷ ᠢᠷᠠᠵᠣ ᠮᠠᠢ᠌ᠬᠠᠨ ᠲᠣᠪᠣ ᠪᠠᠨ ᠪᠣᠰᠬᠠᠪᠠ᠃ ᠠᠭᠣᠯᠠ ᠶᠢᠨ ᠡᠮᠣᠨᠠ ᠡᠩᠬᠡᠷ ᠲᠠᠬᠢ ᠬᠦᠨ ᠵᠢᠯᠠᠭᠠ ᠶᠢᠨ ᠠᠮᠨ ᠶᠢ ᠬᠠᠰᠢᠭᠠᠳ ᠲᠠᠯᠪᠢᠭᠰᠠᠨ ᠰᠢᠭ ᠬᠦᠲᠦᠬᠥᠷ ᠪᠠᠢ᠌ᠳᠠᠭ ᠡᠴᠡ ᠭᠠᠳᠠᠨᠠᠬᠢ ᠬᠦᠮᠥᠨ ᠶᠠᠭ ᠣᠷᠣᠢ ᠲᠡᠬᠡᠷᠡ ᠡᠴᠠ ᠨᠢ ᠥᠩᠬᠡᠢ᠌ᠵᠦ ᠦᠵᠡᠬᠥ ᠦᠭᠡᠶ ᠪᠣᠯ ᠡ᠊ᠠᠳᠠ ᠡᠢ᠌ᠮᠣ ᠬᠦᠠᠳᠡᠢ ᠪᠠᠢ᠌ᠬᠣ ᠶᠢ ᠮᠡᠳᠡᠬᠥ ᠦᠭᠡᠶ᠃ ᠬᠣᠷᠢᠭᠣᠯ ᠤᠨ ᠠᠮᠨ ᠡᠴᠡ ᠭᠠᠳᠠᠭᠰᠢ ᠦᠵᠡᠪᠡᠯ ᠬᠠᠷᠢᠨ ᠨᠠᠯᠢᠶᠠᠳ ᠬᠣᠯᠠ ᠶᠢ ᠦᠵᠡᠵᠦ ᠪᠣᠯᠬᠣ ᠪᠠᠢ᠌ᠪᠠ᠃ ᠬᠡᠲᠦ ᠬᠣᠨᠣᠭ ᠤᠨ ᠲᠠᠷᠠᠭᠠ ᠠᠪᠣ᠂ ᠬᠠᠷᠠ ᠯᠣᠣᠰ ᠲ᠋ᠠᠢ ᠬᠣᠶᠠᠭᠣᠯᠠ ᠪᠣᠯᠠᠭᠠ ᠶᠢᠨ ᠠᠷᠠᠰᠣ᠂ ᠪᠣᠭᠣ ᠶᠢᠨ ᠡᠪᠠᠷ᠂ ᠰᠢᠷᠵᠠᠩ ᠡᠴᠡ ᠲᠡᠷᠢᠬᠥᠯᠡᠨ ᠠᠷᠠᠰᠣ ᠨᠣᠣᠰᠣ ᠶᠢ ᠬᠡᠳᠥᠨ ᠮᠣᠷᠢᠨ ᠳᠤ ᠲᠡᠩᠨᠠᠬᠥᠯᠥᠨ ᠠᠴᠢᠶᠠᠯᠠᠭᠠᠳ᠂ ᠬᠦᠳᠥᠯᠣᠬᠡ ᠮᠣᠷᠢ ᠲᠡᠶ ᠬᠡᠳᠥᠨ ᠬᠦᠮᠥᠨ ᠶᠢᠠᠨ ᠲᠠᠭᠠᠭᠣᠯᠣᠨ ᠶᠠᠪᠣᠵᠣ ᠣᠣᠠᠪᠠ᠃
ᠲᠠᠷᠠ ᠬᠡᠳᠥᠨ ᠡᠳᠣᠷ ᠪᠢ ᠬᠣᠷᠢᠭᠣᠯ ᠳᠤ ᠬᠣᠷᠢᠭᠳᠠᠨ ᠪᠣᠬᠢᠨᠢᠳᠣᠬᠣ ᠳᠠᠭᠠᠨ ᠠᠭᠣᠯᠠ ᠪᠠᠷ ᠬᠡᠰᠦᠳᠡᠭ ᠪᠠᠢ᠌ᠪᠠ᠃ ᠨᠢᠬᠡ ᠡᠳᠣᠷ ᠠᠭᠳᠠᠴᠢᠨ ᠡᠴᠡ ᠮᠣᠷᠢ ᠣᠯᠵᠣ ᠣᠨᠣᠭᠠᠳ ᠶᠠᠪᠣᠭᠰᠠᠭᠠᠷ ᠪᠠᠢ᠌ᠵᠣ ᠨᠠᠯᠢᠶᠠᠳ ᠬᠣᠯᠠ ᠭᠠᠷᠴᠢᠬᠠᠭᠰᠠᠨ ᠪᠠᠢ᠌ᠯᠠ᠃ ᠬᠡᠳᠡᠰᠤ ᠭᠣᠷᠴᠢᠬᠢᠨᠠᠨ ᠲᠣᠣᠭᠠᠷᠬᠣ ᠪᠠᠷ ᠵᠢᠯᠣᠭᠣ ᠪᠠᠨ ᠡᠷᠬᠢᠬᠥᠯᠵᠦ ᠪᠣᠴᠠᠬᠣ ᠵᠠᠮ ᠶᠢᠠᠨ ᠡᠯᠬᠥᠪᠡ᠃ ᠨᠢᠬᠡᠨ ᠬᠠᠳᠠᠨ ᠬᠣᠰᠢᠭᠣ ᠶᠢ ᠣᠷᠢᠶᠠᠭᠠᠳ ᠣᠷᠣᠳᠠᠯᠠ ᠪᠣᠳᠠᠨ ᠲᠣᠮᠳᠠ ᠡᠴᠡ ᠬᠣᠶᠠᠷ ᠴᠢᠨ᠋ᠸᠠ ᠦᠰᠥᠷᠥᠨ ᠭᠠᠷᠴᠣ ᠢᠷᠠᠪᠠ᠃ ᠬᠠᠯᠵᠠ ᠲᠣᠯᠭᠠᠷᠠᠭᠰᠠᠨ ᠳᠠᠭᠠᠨ ᠪᠠᠯᠠᠳᠠᠨ ᠰᠠᠠᠳᠣᠷᠴᠣ ᠵᠢᠯᠣᠭᠣ ᠲᠠᠷᠣᠳᠠᠯᠠ ᠠᠷᠤ ᠡᠴᠡ ᠪᠠᠰᠠ ᠬᠡᠳᠥᠨ ᠴᠢᠨ᠋ᠸᠠ ᠬᠡᠳᠡᠵᠦ ᠪᠠᠢ᠌ᠭᠰᠠᠨ ᠠᠵᠠᠢ᠃ ᠡᠨᠠ ᠦᠶᠡᠰ ᠪᠢ ᠰᠠᠶᠢ ᠰᠥᠷᠥᠭ ᠴᠢᠨ᠋ᠸᠠ ᠳᠤ ᠪᠦᠰᠡᠯᠡᠭ᠍ᠳᠡᠭ᠍ᠰᠡᠨ ᠶ᠋ᠢᠠᠨ ᠮᠠᠳᠠᠵᠣ᠂ ᠬᠤᠢ᠌ᠬᠠ ᠶᠢᠨ ᠦᠰᠤ ᠪᠣᠰᠪᠠ᠃ ᠣᠨᠣᠭᠰᠠᠨ ᠮᠣᠷᠢ ᠬᠠᠮᠠᠷ ᠲᠣᠷᠬᠢᠭᠣᠯᠣᠨ ᠡᠢ᠌ᠰᠢ ᠲᠠᠢ᠌ᠰᠢ ᠬᠣᠯᠮᠠᠯᠵᠠᠨᠠ᠃ ᠦᠯᠥᠨ ᠴᠢᠨᠣ ᠠ ᠨᠣᠭᠣᠳ ᠬᠣᠷᠴᠠ ᠰᠣᠶᠣᠭᠠ ᠪᠠᠨ ᠢᠷᠵᠠᠢ᠌ᠯᠭᠠᠨ ᠠᠷᠬᠢᠷᠠᠵᠣ᠂ ᠨᠢᠬᠡ ᠯᠠ ᠲᠠᠭᠠᠷᠢᠮᠠᠭᠴᠠ ᠶᠢᠰᠣᠨ ᠲᠠᠢ᠌ᠰᠢ ᠲᠠᠯᠠᠨ ᠲᠠᠳᠠᠬᠣ ᠪᠠᠷ ᠪᠡᠯᠡᠬᠡᠨ ᠪᠣᠯᠣᠭᠰᠠᠨ ᠪᠠᠢ᠌ᠯᠠ᠃ ᠠᠶᠣᠬᠣ ᠶᠢᠨ ᠡᠷᠬᠡ ᠪᠠᠷ ᠪᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠮᠢ ᠠᠪᠣᠷᠠ︕ ᠬᠡᠵᠦ ᠴᠢᠨᠡᠬᠡ ᠮᠠᠳᠠᠨ ᠪᠠᠷᠬᠢᠷᠠᠬᠣ ᠳᠤ ᠠᠭᠣᠯᠠ ᠬᠠᠳᠠ ᠪᠠᠰᠠ᠄ 《ᠠᠮᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠣᠷᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊》 ᠬᠡᠵᠦ ᠣᠷᠳᠣᠬᠠᠨ ᠴᠣᠣᠷᠢᠶᠠ ᠲᠠᠳᠠᠨᠠ᠃ ᠭᠣᠳᠣᠯ ᠤᠨ ᠲᠥᠷᠡᠢ ᠳᠡᠭᠡᠨ ᠬᠠᠪᠴᠢᠭᠣᠯᠣᠭᠰᠠᠨ ᠬᠡᠳᠡ ᠬᠢᠳᠣᠭᠠ ᠪᠠᠨ ᠠᠪᠬᠣ ᠴᠤ ᠰᠡᠬᠡᠬᠡ ᠪᠠᠢ᠌ᠭᠰᠠᠨ ᠦᠭᠡᠶ᠃ ᠮᠣᠷᠢ ᠣᠬᠣᠷᠢᠭᠰᠠᠭᠠᠷ ᠡᠭᠴᠡ ᠬᠠᠳᠠᠨ ᠤ ᠲᠣᠣᠷᠠ ᠣᠴᠢᠪᠠ᠃ ᠣᠯᠠᠩᠭ᠋ᠠᠰᠣᠭᠰᠠᠨ ᠴᠢᠨ᠋ᠸᠠ ᠨᠣᠭᠣᠳ ᠬᠦᠷᠢᠶᠡᠯᠡᠨ ᠠᠪᠴᠣ ᠢᠳᠡᠭ ᠢᠳᠡᠭ ᠶ᠋ᠢᠡᠷ ᠤᠢ᠌ᠷᠠᠳᠣᠨᠠ᠃ ᠡᠨᠠ ᠬᠥ ᠭ᠍ᠱᠡᠨ ᠳᠤ ᠣᠢ ᠲᠣᠳᠣᠷᠠ ᠡᠴᠡ ᠬᠡᠨᠡᠳᠳᠡ ᠫᠣᠤ ᠶᠢᠨ ᠲᠠᠭᠣᠨ ᠭᠠᠷᠴᠣ ᠬᠠᠮᠣᠭ ᠤᠢ᠌ᠷᠠ ᠪᠠᠢ᠌ᠭᠰᠠᠨ ᠴᠢᠨ᠋ᠸᠠ ᠭᠠᠰᠠᠯᠠᠬᠣ ᠶᠢᠨ ᠵᠠᠪ ᠦᠭᠡᠶ ᠲᠠᠷᠠᠢ᠌ᠨ ᠣᠨᠠᠬᠣ ᠳᠤ ᠨᠦᠬᠥᠬᠡ ᠬᠡᠲᠦ ᠨᠢ ᠴᠤ ᠭᠠᠰᠠᠯᠵᠣ ᠭᠠᠩᠬᠢᠨᠠᠭᠰᠠᠭᠠᠷ ᠪᠣᠳᠠᠨ ᠲᠣᠮᠳᠠᠭᠣᠷ ᠠᠮᠢ ᠵᠤᠯᠪᠠᠨ ᠲᠣᠳᠠᠭᠠᠪᠠ᠃ ᠣᠢ ᠲᠣᠳᠣᠷᠠ ᠡᠴᠡ ᠴᠣᠯᠭᠣᠢ ᠠᠷᠠᠰᠣᠨ ᠬᠣᠪᠴᠠᠰᠣ ᠲᠡᠶ ᠠᠩᠴᠢᠨ ᠭᠠᠷᠴᠣ ᠢᠷᠡᠬᠡᠥᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠳᠥᠢ ᠠᠶᠣᠮᠰᠢᠭᠳᠠᠢ ᠪᠣᠢ︖ ᠴᠢ ᠲᠠᠪᠠᠭᠣ ᠵᠤᠯ ᠲᠡᠶ ᠬᠦᠮᠥᠨ ᠡ︕ ᠬᠡᠵᠦ ᠰᠢᠳᠣ ᠪᠠᠨ ᠢᠷᠵᠠᠢ᠌ᠯᠭᠠᠨ ᠲᠠᠷᠠᠢ᠌ᠨ ᠣᠨᠠᠭᠰᠠᠨ ᠴᠢᠨ᠋ᠸᠠ ᠶᠢ ᠵᠢᠭᠠᠵᠣ ᠬᠡᠯᠡᠨᠡ᠃ ᠪᠢ ᠰᠠᠶᠢ ᠰᠡᠬᠡᠰᠬᠢᠵᠦ ᠮᠣᠷᠢᠨ ᠡᠴᠡ ᠪᠠᠨ ᠪᠠᠭᠣᠯᠠ᠃ ᠠᠩᠴᠢᠨ ᠦᠬᠡᠷ ᠴᠢᠯᠠᠭᠣᠨ ᠲᠡᠬᠡᠷᠡ ᠰᠠᠭᠤᠭᠠᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠷ ᠴᠢᠨᠢ ᠬᠠᠮᠢᠭᠠᠬᠢ︖ ᠬᠡᠬᠥ ᠳᠤ᠂ ᠪᠢ ᠡᠭ᠌ ᠮᠡᠭ ᠬᠡᠥᠨ ᠬᠠᠷᠢᠭᠣᠯᠣᠭᠰᠠᠨ ᠦᠭᠡᠶ᠃ ᠲᠠᠷᠠ ᠲᠠᠬᠢᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠠ ᠬᠢᠵᠣ ᠪᠠᠢ᠌ᠨᠠ ᠦᠦ︖ ᠬᠡᠬᠥ ᠳᠤ ᠪᠢ ᠲᠣᠯᠣᠭᠠᠢ ᠲᠣᠬᠢᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠨᠠ ᠲᠠᠢ᠌ᠨ ᠲᠠᠵᠢᠨ ᠤ ᠰᠠᠮᠠᠭᠣᠨ ᠴᠠᠭ ᠭᠠᠭᠴᠠ ᠵᠠᠷᠢᠮ ᠶᠢᠠᠷ ᠶᠠᠪᠣᠬᠣ ᠳᠠᠭᠠᠨ ᠬᠡᠷᠰᠠᠥᠯᠠᠪᠡᠯ ᠲᠡᠬᠡᠷᠡ︕ ᠬᠡᠵᠦ ᠠᠩᠴᠢᠨ ᠨᠠᠳᠠ ᠰᠠᠨᠠᠭᠣᠯᠵᠣ ᠬᠡᠯᠡᠬᠥ ᠶᠢᠨ ᠲᠠᠭᠠᠤ ᠡᠪᠣᠷ ᠡᠴᠡ ᠪᠠᠨ ᠰᠢᠷᠠᠭᠰᠠᠨ ᠮᠢᠬᠠ ᠭᠠᠷᠭᠠᠵᠣ ᠨᠠᠳᠠ ᠨᠢᠬᠡ ᠪᠣᠷᠴᠠ ᠦᠭᠪᠡ᠃ ᠲᠠᠬᠢᠨ ᠡᠪᠣᠷ ᠶ᠋ᠢᠠᠨ ᠲᠠᠮᠳᠠᠷᠢᠵᠣ ᠬᠠᠪᠳᠠᠭᠠᠢ ᠯᠣᠩᠬᠤ ᠲᠡᠶ ᠶᠠᠭᠣᠮᠠ ᠭᠠᠷᠭᠠᠭᠠᠳ ᠦᠪᠡᠷ ᠶᠢᠠᠨ ᠨᠢᠬᠡ ᠪᠠᠯᠭᠣᠵᠣ ᠲᠠᠮᠰᠢᠶᠠᠯᠠᠭᠰᠠᠨ ᠶᠢᠠᠨ ᠨᠠᠳᠠ ᠦᠭ᠍ᠬᠥ ᠬᠡᠵᠦ ᠭᠠᠷ ᠰᠣᠩᠭ᠋ᠠᠪᠠ᠃ ᠠᠷᠢᠬᠢᠨ ᠤ ᠦᠨᠥᠷ ᠰᠠᠩᠬᠢᠨᠡᠬᠥ ᠪᠠᠷ ᠪᠢ ᠲᠣᠯᠣᠭᠠᠢ ᠰᠠᠵᠢᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠣᠨᠣᠰᠬᠣ ᠳᠤ ᠬᠠᠷᠠ ᠯᠣᠣᠰ ᠤᠨ ᠲᠡᠬᠡᠷᠡᠮ᠂ ᠲᠠᠷᠪᠠ ᠵᠠᠯᠠᠨ ᠲᠡᠶ ᠨᠠᠢ᠌ᠯᠠᠨ ᠪᠣᠰᠴᠣ ᠭᠠᠷᠣᠭᠠᠳ ᠪᠠᠯᠣ ᠬᠤᠢ᠌ᠨᠠ ᠡᠴᠡ ᠨᠢ ᠨᠡᠬᠡᠵᠦ ᠪᠠᠢ᠌ᠨᠠ ᠬᠡᠨᠡ᠃ ᠪᠠᠯᠣ ᠲᠡᠶ ᠲᠠᠭᠠᠷᠠᠪᠠᠯ ᠬᠠᠮᠢᠶᠠ ᠦᠭᠡᠶ᠂ ᠲᠠᠳᠠ ᠡᠬᠡᠯ ᠠᠷᠠᠳ ᠢ ᠬᠣᠣᠷᠯᠠᠬᠣ ᠦᠭᠡᠶ ᠶᠣᠮ᠃ ᠲᠡᠬᠡᠷᠡᠮ ᠬᠡᠳᠡᠭ ᠴᠢᠨᠢ ᠬᠠᠷᠢᠨ ᠬᠦᠮᠥᠨ ᠠᠯᠠᠭᠠᠳ ᠨᠢᠳᠣ ᠴᠠᠪᠴᠢᠬᠤ ᠦᠭᠡᠶ ᠣᠯᠣᠰ ᠰᠢᠤ ᠬᠡᠨᠡ᠃ ᠪᠢ ᠠᠩᠴᠢᠨ ᠤ ᠶᠠᠷᠢᠬᠤ ᠶᠢ ᠲᠣᠭᠣᠢ ᠯᠨ ᠰᠣᠨᠣᠰᠴᠣ ᠰᠠᠭᠣᠪᠠ᠃
ᠬᠠᠷᠢᠬᠤ ᠵᠠᠮ ᠳᠠᠭᠠᠨ ᠪᠢ᠂ ᠪᠠᠯᠣ ᠶᠢᠨ ᠲᠣᠬᠠᠢ ᠪᠣᠳᠣᠭᠰᠠᠭᠠᠷ ᠪᠠᠢ᠌ᠪᠠ᠃ 《ᠪᠠᠯᠣ ᠰᠠᠢ᠌ᠨ ᠬᠦᠮᠥᠰ ᠰᠢᠤ᠂ ᠡᠬᠡᠯ ᠠᠷᠠᠳ ᠢ ᠬᠣᠣᠷᠯᠠᠳᠠᠭ ᠦᠭᠡᠶ》 ᠬᠡᠰᠡᠨ ᠠᠩᠴᠢᠨ ᠤ ᠦᠬᠡ ᠠᠬᠢᠨ ᠲᠠᠬᠢᠨ ᠪᠣᠳᠣᠭᠳᠠᠨᠠ᠃ ᠪᠢ ᠲᠠᠮᠠᠭᠠᠳᠣ ᠴᠡᠷᠢᠭ᠌ ᠢ ᠦᠵᠡᠵᠦ ᠥᠩᠬᠡᠷᠡᠪᠡ᠃ ᠨᠠᠷᠠᠨ ᠴᠡᠷᠢᠭ᠌ ᠲᠡᠶ ᠴᠤ ᠬᠠᠷᠭᠣᠭᠰᠠᠨ᠃ ᠡᠨᠠ ᠪᠠᠯᠣ ᠬᠡᠳᠡᠭ ᠨᠢ ᠴᠤᠬᠤᠮ ᠶᠠᠠᠮᠷ ᠴᠡᠷᠢᠭ᠌ ᠪᠣᠯᠬᠣ ᠶᠢ ᠪᠢ ᠮᠡᠳᠡᠬᠥ ᠦᠭᠡᠶ ᠪᠠᠢ᠌ᠪᠠ᠃ ᠬᠠᠷᠢᠵᠣ ᠢᠷᠡᠭ᠍ᠰᠡᠨ ᠤ ᠲᠠᠷᠠᠭᠠ ᠪᠢ ᠡᠨᠠ ᠣᠴᠢᠷ ᠢ ᠬᠡᠨ ᠳᠤ ᠴᠤ ᠬᠡᠯᠡᠭ᠍ᠰᠡᠨ ᠦᠭᠡᠶ ᠥᠩᠬᠡᠷᠡᠬᠥᠯᠪᠡ᠁
ᠰᠢᠭᠣᠷᠭᠠ ᠨᠠᠮᠵᠢᠵᠣ ᠴᠠᠰᠣ ᠪᠣᠷᠠᠬᠣ ᠪᠠᠨ ᠵᠤᠭᠰᠣᠭᠰᠠᠨ ᠡᠪᠣᠯ ᠤᠨ ᠨᠢᠬᠡ ᠡᠳᠣᠷ ᠤᠨ ᠪᠦᠷᠥᠢ ᠲᠠᠰᠣᠷᠠᠬᠣ ᠦᠶᠡ ᠪᠠᠷ ᠱᠠᠭᠠᠵᠠᠭᠠᠢ ᠬᠣᠳᠠ ᠶᠢᠨ ᠪᠠᠷᠠᠭᠣᠨ ᠬᠤᠢ᠌ᠨᠠ ᠡᠴᠡ ᠬᠡᠳᠥᠨ ᠮᠣᠷᠢᠳᠠᠨ ᠲᠣᠭᠰᠢᠭᠣᠯᠣᠭᠰᠠᠭᠠᠷ ᠣᠷᠣᠵᠣ ᠢᠷᠠᠪᠠ᠃ ᠲᠠᠳᠠ ᠨᠠᠷᠢᠨ ᠭᠣᠳᠣᠮᠵᠢ ᠪᠠᠷ ᠮᠣᠰᠬᠢᠷᠠᠯᠳᠣᠨ ᠶᠠᠪᠣᠭᠰᠠᠭᠠᠷ ᠨᠢᠬᠡ ᠶᠡᠬᠡ ᠬᠦᠷᠢᠶᠡᠨ ᠳᠤ ᠣᠷᠣᠵᠣ ᠢᠷᠡᠬᠡᠥᠨ ᠡᠮᠣᠨᠠ ᠶᠠᠪᠣᠭᠠ ᠬᠦᠮᠥᠨ ᠨᠢ ᠮᠣᠷᠢᠨ ᠡᠴᠡ ᠪᠠᠨ ᠪᠠᠭᠣᠬᠣ ᠳᠤ ᠲᠠᠭᠠᠯᠳᠣᠭᠰᠠᠨ ᠬᠡᠲᠦ ᠨᠢ ᠴᠤ ᠲᠥᠷᠣᠬᠡ ᠮᠣᠯᠳᠣᠯᠠᠪᠠ᠃ ᠵᠢᠬᠥᠷ ᠤᠨ ᠬᠡᠷ ᠡᠴᠡ ᠬᠡᠳᠥᠨ ᠬᠦᠮᠥᠨ ᠭᠠᠷᠴᠣ ᠢᠷᠡᠬᠡᠥᠨ ᠮᠣᠷᠢᠳ ᠢ ᠨᠢ ᠰᠠᠷᠠᠪᠴᠢᠨ ᠲᠣᠣᠷᠠ ᠠᠪᠠᠴᠢᠪᠠ᠃ ᠴᠢᠮᠡᠬᠡ ᠬᠡᠯᠡᠬᠥ ᠪᠠᠷ ᠣᠷᠣᠭᠰᠠᠨ ᠬᠦᠮᠥᠨ ᠪᠥᠭ᠌ ᠪᠥᠭ᠌ ᠬᠦᠶᠥᠵᠦ ᠢᠷᠡᠬᠡᠥᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠣᠳᠣᠭᠰᠢ ᠮᠣᠷᠢᠯᠨ︕ ᠬᠡᠵᠦ ᠭᠠᠷ ᠲᠠᠯᠪᠢᠨ ᠵᠤᠭᠰᠣᠪᠠ᠃ ᠬᠠᠷᠠ ᠯᠣᠣᠰ ᠬᠣᠪᠴᠠᠰᠣᠨ ᠲᠡᠬᠡᠷᠡᠬᠢ ᠰᠢᠷᠣᠢ ᠲᠣᠭᠣᠰᠣ ᠪᠠᠨ ᠬᠦᠪᠢᠬᠡᠥᠨ ᠭᠣᠣᠯ ᠬᠡᠷ ᠤᠨ ᠡᠬᠥᠳᠡ ᠣᠷᠣᠭᠣ ᠴᠠᠳᠬᠣᠯᠠᠩ ᠲᠡᠮᠠᠬᠡ ᠰᠢᠭ᠌ ᠴᠠᠰᠣ ᠱᠠᠵᠢᠬᠢᠨᠠᠭᠣᠯᠣᠨ ᠯᠡᠨᠳᠡᠭ ᠯᠡᠨᠳᠡᠭ ᠠᠯᠬᠣᠪᠠ᠃ ᠬᠡᠷ ᠲᠤ ᠨᠢ ᠣᠷᠣᠪᠠᠯ ᠬᠢᠯᠠᠩ ᠲᠣᠯᠣᠭᠠᠢ ᠲᠡᠶ ᠵᠦᠵᠢᠷ ᠬᠠᠷᠠ ᠡᠷᠠ ᠪᠣᠰᠴᠣ ᠢᠷᠡᠬᠡᠥᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣ᠂ ᠯᠣᠣᠰ ᠵᠠᠯᠠᠷᠠᠵᠣ ᠪᠠᠭᠣᠯᠠ᠃ ᠮᠣᠷᠢᠯᠨ᠂ ᠮᠣᠷᠢᠯᠨ︕ ᠬᠡᠵᠦ ᠬᠠᠴᠢᠨ ᠠᠯᠪᠠᠷᠠᠬᠣ ᠶᠠᠩᠵᠣ ᠲᠡᠶ ᠦᠬᠡᠯᠡᠨᠡ᠃ ᠬᠠᠷᠠ ᠯᠣᠣᠰ ᠭᠠᠷ ᠢ ᠨᠢ ᠠᠳᠬᠣᠵᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᡁᠧᠢ ᠰᠧᠯᠢᠩ ᠯᠠᠭᠱᠠᠨ ᠲᠣᠩᠭ᠋ᠠᠯᠠᠭ ᠪᠢᠵᠠ︖ ᠬᠡᠵᠦ ᠮᠡᠨᠳᠥᠯᠠᠬᠡᠥᠨ᠂ ᠲᠠᠷᠪᠠ ᠵᠠᠯᠠᠨ ᠢ ᠴᠠᠭᠠᠳᠣᠬᠢ ᠳᠠᠭᠠᠨ ᠲᠠᠨᠢᠯᠴᠠᠭᠣᠯᠵᠣ ᠦᠭᠪᠡ᠃ ᠡᡁᠧᠢ ᠰᠧᠯᠢᠩ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠶᠠᠠᠴᠠᠭᠠᠨ ᠤ ᠲᠠᠷᠪᠠᠭᠠ ᠬᠡᠵᠦ ᠬᠡᠯᠡᠬᠡᠥᠨ ᠪᠠᠢ᠌ᠭᠰᠠᠨ ᠴᠢᠨᠢ ᠲᠠ ᠶᠣᠮ ᠦᠦ︖ ᠬᠡᠵᠦ ᠠᠮᠨ ᠲᠠᠷᠪᠠᠢ᠌ᠨ ᠢᠨᠢᠶᠡᠬᠡᠥᠨ ᠬᠢᠯᠠᠩ ᠲᠣᠯᠣᠭᠠᠢ ᠪᠠᠨ ᠢᠯᠪᠢᠪᠠ᠃ ᠡᡁᠧᠢ ᠰᠧᠯᠢᠩ ᠪᠣᠯ ᠮᠦᠨ ᠴᠤ ᠡᠨᠠ ᠬᠠᠪᠢ ᠶᠢᠨ ᠶᠢᠠᠨ ᠲᠡᠬᠡᠷᠡᠮ ᠤᠨ ᠲᠥᠷᠣᠬᠥᠤ ᠪᠠᠢ᠌ᠯᠠ᠃ ᠣᠳᠠᠯ ᠦᠭᠡᠶ ᠰᠢᠷᠡᠬᠡ ᠵᠠᠰᠠᠭᠳᠠᠪᠠ᠃ ᠠᠮᠳᠠᠳᠣ ᠰᠠᠷᠬᠣᠳ ᠬᠣᠪᠣᠷ ᠢᠳᠡᠬᠡᠨ ᠰᠢᠷᠡᠬᠡ ᠲᠦᠬᠥᠷᠠᠩ ᠦᠷᠥᠭᠳᠡᠵᠦ ᠲᠠᠳᠠ ᠬᠣᠠᠳᠠᠭᠠ ᠡᠷᠬᠥᠵᠡᠬᠡᠪᠡ᠃ ᠬᠡᠲᠦ ᠲᠣᠭᠣᠷᠢᠭᠰᠠᠨ ᠤ ᠲᠠᠷᠠᠭᠠ ᠡᠷᠠᠬᠡ ᠵᠢᠷᠣᠭᠠ ᠦᠭᠡᠶ ᠪᠣᠯᠵᠣ ᠡᡁᠧᠢ ᠰᠧᠯᠢᠩ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠢ᠌ᠳᠠᠯ ᠢ ᠨᠢ ᠦᠵᠡᠬᠥ ᠳᠤ ᠡ᠊ᠠᠳᠠ ᠣᠳᠠᠭᠠᠨ ᠰᠠᠭᠣᠵᠣ ᠪᠣᠯᠬᠣ ᠭᠠᠵᠠᠷ ᠪᠢᠰᠢ᠂ ᠬᠣᠵᠢᠮ ᠤᠨ ᠡᠳᠣᠷ ᠬᠣᠶᠠᠷ ᠲᠡᠬᠥᠤ ᠶᠢ ᠵᠤᠪᠠᠭᠠᠨᠠ ᠳᠠ ! ᠬᠡᠵᠦ ᠵᠠᠮ ᠶᠢᠠᠨ ᠵᠠᠰᠠᠵᠣ ᠬᠡᠯᠡᠨᠡ᠃ ᠡᠨᠠ ᠦᠬᠡ ᠨᠢ ᠲᠠᠳᠠ ᠬᠣᠶᠠᠭᠣᠯᠠ ᠶᠢᠨ ᠢᠷᠡᠭ᠍ᠰᠡᠨ ᠣᠴᠢᠷ ᠶᠢᠠᠨ ᠭᠠᠷᠭᠠᠵᠣ ᠬᠡᠯᠡᠬᠥ ᠰᠠᠢ᠌ᠨ ᠲᠣᠬᠢᠶᠠᠯ ᠬᠡᠵᠦ ᠪᠣᠳᠣᠭᠰᠠᠨ ᠬᠠᠷᠠ ᠯᠣᠣᠰ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠬᠡᠪᠡᠯ ᠪᠢᠳᠠ ᠡᠠᠬᠠ ᠶᠢᠨ ᠶᠡᠬᠡ ᠨᠥᠮᠥᠷᠢ ᠳᠤ ᠬᠣᠷᠭᠣᠳᠠᠵᠣ᠂ ᠵᠤᠪᠠᠬᠣ ᠣᠴᠢᠷ ᠦᠭᠡᠶ ᠪᠣᠯᠣᠨᠠ᠃ ᠬᠡᠪᠡᠴᠦ ᠣᠳᠣ ᠲᠡᠬᠡᠷᠡ ᠪᠠᠨ ᠪᠠᠬᠠᠨ ᠪᠠᠷᠢᠳᠠᠯ ᠲᠣᠳᠠᠵᠣ ᠪᠠᠢ᠌ᠬᠣ ᠡᠴᠡ ᠡᠠᠬᠠ ᠶᠢ ᠵᠤᠪᠠᠭᠠᠬᠣ ᠪᠠᠷ ᠢᠷᠠᠯᠠ ᠬᠡᠵᠦ ᠰᠢᠭᠣᠳ ᠬᠡᠯᠡᠪᠡ᠃ ᠡᡁᠧᠢ ᠰᠧᠯᠢᠩ ᠰᠣᠨᠣᠰᠣᠭᠠᠳ ᠮᠦᠨ ᠯᠠ ᠲᠣᠯᠣᠭᠠᠢ ᠪᠠᠨ ᠢᠯᠪᠢᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠨᠦ ᠴᠢᠨᠢ ᠣᠯᠠᠭᠠᠨ ᠤ ᠴᠡᠷᠢᠭ᠌ ᠣᠷᠳᠣᠭᠣᠷ ᠬᠤᠢ᠌ᠭᠣᠷ ᠡᠴᠡ ᠰᠢᠬᠠᠭᠠᠳ᠂ ᠶᠠᠪᠣᠵᠣ ᠰᠠᠭᠣᠬᠣ ᠳᠤ ᠲᠦᠪᠡᠭ᠌ ᠪᠣᠯᠴᠢᠬᠠᠯᠠ᠃ ᠬᠡᠪᠡᠴᠦ ᠡᠠᠬᠠ ᠨᠢ ᠠᠷᠭᠠᠴᠠᠴᠢᠬᠠᠨᠠ︕ ᠵᠠ᠂ ᠣᠣᠭᠣ᠂ ᠣᠣᠭᠣ ᠬᠡᠵᠦ ᠶᠠᠩᠨᠠᠨᠠ᠃ ᠡᡁᠧᠢ ᠰᠧᠯᠢᠩ ᠬᠡᠨᠡᠳᠳᠡ ᠪᠠᠢ᠌ᠭᠰᠠᠭᠠᠷ ᠡᠪᠰᠢᠶᠠᠵᠣ ᠨᠠᠢ᠌ᠳᠠᠭᠠᠯᠭᠠᠨ ᠲᠣᠳᠣᠷᠠ ᠬᠡᠷ ᠲᠡᠭᠡᠨ ᠶᠠᠭᠠᠷᠠᠨ ᠣᠷᠣᠪᠠ᠃ ᠬᠠᠷᠠ ᠯᠣᠣᠰ ᠠᠷᠤ ᠡᠴᠡ ᠨᠢ ᠬᠠᠷᠠᠭᠰᠠᠭᠠᠷ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠨᠦᠬᠢ ᠶᠢᠨ ᠴᠢᠨᠢ ᠬᠠᠷᠠ ᠲᠠᠮᠠᠬᠢᠨ ᠤ ᠬᠣᠷᠣᠬᠠᠢ ᠨᠢ ᠬᠦᠳᠡᠯᠴᠢᠬᠡᠵᠡᠢ᠃ ᠣᠳᠠᠬᠣ ᠦᠭᠡᠶ ᠰᠡᠷᠪᠡᠯᠵᠡᠬᠡᠥᠨ ᠭᠠᠷᠣᠭᠠᠳ ᠢᠷᠠᠨᠠ ᠬᠡᠵᠦ ᠲᠠᠷᠪᠠ ᠵᠠᠯᠠᠠᠨ ᠳᠤ ᠰᠢᠪᠠᠨᠠᠪᠠ᠃
ᠲᠠᠷᠠ ᠣᠷᠣᠢ ᠬᠠᠷᠠ ᠯᠣᠣᠰ᠂ ᠲᠠᠷᠪᠠ ᠬᠣᠶᠠᠭᠣᠯᠠ ᠠᠪᠠᠴᠢᠭᠰᠠᠨ ᠪᠣᠯᠠᠭᠠ ᠶᠢᠨ ᠠᠷᠠᠰᠣ᠂ ᠪᠣᠭᠣ ᠶᠢᠨ ᠴᠢᠰᠣᠨ ᠡᠪᠠᠷ ᠵᠠᠷᠬᠡ ᠪᠠᠷ ᠬᠦᠷᠥᠯᠴᠡᠬᠦᠢ᠌ᠴᠡ ᠫᠣᠤ ᠰᠣᠮᠣ ᠣᠯᠣᠭᠠᠳ ᠰᠠᠳᠬᠢᠯ ᠬᠠᠨᠣᠮᠵᠢᠳᠠᠢ ᠭᠠᠷᠴᠣ ᠢᠷᠠᠪᠠ᠃ ᠡᠬᠥᠳᠡᠨ ᠲᠡᠬᠡᠷᠡ ᠨᠢ ᠢᠷᠡᠬᠡᠥᠨ ᠬᠠᠷᠠ ᠯᠣᠣᠰ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠴᠢᠮᠢ᠋ᠢ ᠨᠢᠬᠡ ᠭᠠᠵᠠᠷ ᠲᠠᠭᠠᠭᠣᠯᠵᠣ ᠣᠴᠢᠶᠠ᠃ ᠲᠠᠠᠳᠠ ᠬᠠᠷᠢᠨ ᠬᠡᠨ ᠬᠡᠳᠡᠭ ᠶᠢᠠᠨ ᠮᠡᠳᠡᠭ᠍ᠳᠡᠵᠦ ᠪᠣᠯᠬᠣ ᠦᠭᠡᠶ ᠰᠢᠤ ᠬᠡᠪᠡ᠃ ᠲᠠᠳᠠ ᠶᠠᠪᠣᠭᠰᠠᠭᠠᠷ ᠨᠢᠬᠡᠨ ᠠᠰᠠᠷ ᠲᠤ ᠣᠷᠣᠵᠣ ᠢᠷᠠᠪᠠ᠃ ᠣᠯᠠᠭᠠᠨ ᠨᠣᠭᠣᠭᠠᠨ ᠳ᠋ᠸᠩ ᠲᠣᠧᠨᠯᠡᠵᠦ᠂ ᠭᠣᠶᠠ ᠬᠠᠰᠠ ᠪᠠᠨ ᠢᠯᠨ ᠭᠠᠷᠭᠠᠭᠰᠠᠨ ᠡᠮᠠᠰ ᠵᠦᠷᠢᠯᠲᠦᠵᠦ ᠪᠠᠢ᠌ᠬᠣ ᠶᠢ ᠦᠵᠡᠬᠡᠥᠨ ᠲᠠᠷᠪᠠ ᠰᠠᠶᠢ ᠶᠠᠮᠠᠷ ᠭᠠᠵᠠᠷ ᠬᠡᠳᠡᠭ ᠢ ᠮᠠᠳᠠᠪᠠ᠃ ᠮᠥᠭ᠍ᠳᠡᠨ᠂ ᠬᠠᠷᠪᠢᠨ ᠶ᠋ᠢᠠᠷ ᠶᠠᠩᠬᠠᠨ ᠤ ᠬᠦᠷᠢᠶᠡᠯᠠᠩ ᠪᠠᠢ᠌ᠨᠠ ᠬᠡᠵᠦ ᠰᠣᠨᠣᠰᠣᠭᠰᠠᠨ ᠡᠴᠡ ᠪᠢᠰᠢ ᠤᠢ᠌ᠷᠬᠠᠨ ᠪᠠᠢ᠌ᠭᠠ ᠱᠠᠭᠠᠵᠠᠭᠠᠢ ᠬᠣᠳᠠ ᠳᠤ ᠪᠠᠰᠠ ᠡᠢ᠌ᠮᠣ ᠭᠠᠵᠠᠷ ᠪᠠᠢ᠌ᠬᠣ ᠶᠢ ᠮᠡᠳᠡᠬᠡᠥᠨ ᠮᠢᠬᠠ ᠦᠵᠡᠭ᠍ᠰᠡᠨ ᠮᠣᠣᠷ ᠰᠢᠭ ᠰᠠᠬᠠᠯ ᠨᠢ ᠰᠡᠷᠪᠡᠢ᠌ᠬᠡᠥᠨ ᠢᠷᠠᠪᠠ᠃ ᠬᠦᠮᠥᠰᠬᠡ ᠨᠢᠳᠣ ᠪᠠᠨ ᠵᠢᠷᠣᠵᠣ᠂ ᠡᠣ᠋ ᠡᠩᠬᠡᠰᠬᠡ ᠰᠢᠪᠠᠭᠰᠠᠨ ᠲᠠᠷᠭᠣᠨ ᠡᠮᠠ ᠲᠠᠳᠠᠨ ᠢ ᠣᠭᠳᠣᠨ ᠠᠪᠴᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠣ᠋᠂ ᠬᠠᠷᠠ ᠡᠠᠬᠠ ᠬᠠᠮᠢᠭᠠ ᠶᠠᠪᠣᠭᠠᠳ ᠣᠷᠴᠢᠮ ᠨᠠᠭᠠᠰᠢ ᠬᠠᠠᠳᠣᠭᠰᠠᠨ ᠦᠭᠡᠶ ᠪᠣᠢ︖ ᠬᠡᠵᠦ ᠬᠠᠷᠠ ᠯᠣᠣᠰ ᠤᠨ ᠮᠥᠷᠤ ᠲᠠᠯᠣ ᠵᠢ ᠴᠢᠮᠬᠢᠨ ᠨᠠᠭᠠᠯᠢᠩᠬᠠᠢ᠌ᠯᠠᠭᠰᠠᠨ ᠶᠢᠠᠨ ᠲᠣᠳᠣᠷᠠ ᠬᠡᠷ ᠣᠷᠣᠭᠣ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠣᠬᠡᠠᠴᠥᠥᠨ ᠡ᠂ ᠵᠤᠴᠢᠨ ᠣᠭᠳᠣ︕ ᠬᠡᠵᠦ ᠪᠠᠷᠬᠢᠷᠠᠯᠠ᠁
ᠬᠡᠬᠡ ᠣᠷᠣᠬᠣ ᠬᠢᠷᠢ ᠪᠠᠷ ᠬᠠᠷᠠ ᠯᠣᠣᠰ ᠶᠠᠭᠠᠷᠠᠨ ᠲᠠᠷᠪᠠ ᠵᠠᠯᠠᠨ ᠢ ᠲᠠᠭᠣᠳᠠᠬᠣ ᠪᠠᠷ ᠢᠷᠡᠬᠥ ᠳᠤ ᠵᠠᠯᠠᠨ ᠮᠦᠨ ᠣᠯᠣᠭᠰᠠᠨ ᠡᠮᠠ ᠶᠢᠨ ᠶᠢᠠᠨ ᠲᠡᠬᠡᠷᠡ ᠣᠭᠣᠬᠢᠯᠠᠵᠣ ᠪᠠᠢ᠌ᠪᠠ᠃ ᠵᠠᠮ ᠳᠠᠭᠠᠨ ᠭᠠᠷᠣᠭᠠᠳ ᠲᠠᠷᠪᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠢᠰᠤ ᠲᠠᠪᠠᠳᠠᠯᠠ ᠠᠵᠢᠶᠠᠷᠬᠣ ᠴᠤ ᠦᠭᠡᠶ ᠣᠯᠠᠮ ᠱᠣᠳᠣᠷᠣᠨᠠ ᠬᠦᠶᠢ ᠬᠡᠵᠦ ᠰᠦᠨᠢ ᠶᠢᠨ ᠶᠠᠪᠣᠳᠠᠯ ᠳᠠᠭᠠᠨ ᠰᠣᠭᠳᠣᠭᠣᠷᠠᠨ ᠬᠡᠯᠡᠬᠥ ᠳᠤ ᠬᠠᠷᠠ ᠯᠣᠣᠰ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠬᠢᠪᠠ︖ ᠶᠠᠩᠬᠠᠨ ᠡᠮᠠ ᠳᠤ ᠲᠠᠳᠠᠭᠳᠠᠴᠢᠬᠠᠪᠠ ᠦᠦ︖ ᠴᠢ ᠭᠠᠷ ᠶᠢᠠᠨ ᠲᠡᠯᠬᠡᠵᠦ ᠦᠵᠡ︕ ᠬᠡᠪᠡ᠃ ᠲᠠᠷᠪᠠ᠂ ᠬᠣᠷᠣᠭᠣ ᠪᠠᠨ ᠭᠠᠷᠭᠠᠵᠣ ᠦᠵᠡᠪᠡᠯ ᠲᠣᠮᠳᠠ ᠬᠣᠷᠣᠭᠣᠨ ᠳᠠᠭᠠᠨ ᠵᠠᠬᠥᠵᠦ ᠪᠠᠢ᠌ᠭᠰᠠᠨ ᠠᠯᠳᠠᠨ ᠪᠦᠯᠡᠵᠡᠭ ᠨᠢ ᠠᠯᠠᠭᠠ ᠪᠣᠯᠣᠭᠰᠠᠨ ᠪᠠᠢ᠌ᠯᠠ᠃ ᠬᠠᠷᠠ ᠯᠣᠣᠰ ᠡᠬᠥᠨ ᠢ ᠠᠩᠬᠠᠷᠣᠭᠠᠳ ᠵᠠᠪᠳᠣᠭᠰᠠᠨ ᠪᠠᠢ᠌ᠵᠠᠢ᠃ ᠲᠠᠷᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠢᠳᠣᠷᠭᠣ ᠪᠠᠨ ᠱᠣᠯᠣᠵᠣ ᠰᠢᠮᠨᠣᠰ ᠶᠢᠠᠨ ᠲᠠᠬᠢᠬᠣ ᠭᠠᠵᠠᠷ ᠰᠢᠤ ᠲᠠᠠᠳᠠ ᠴᠢᠨᠢ︕ ᠨᠠᠳᠠ ᠲᠠᠭᠠᠷᠠᠭᠰᠠᠨ ᠡᠮᠠ ᠲᠣᠯᠣᠳᠣᠭᠠᠷ ᠲᠡᠬᠡᠷᠡ ᠪᠠᠨ ᠰᠢᠬᠡᠰᠦ ᠠᠯᠳᠠᠴᠢᠬᠠᠯᠠ ᠬᠡᠵᠦ ᠵᠠᠪᠠᠵᠢ ᠪᠠᠷ ᠶᠢᠠᠨ ᠢᠨᠢᠶᠠᠪᠠ᠁
ᠰᠠᠷᠠ ᠪᠣᠯᠣᠯᠠ᠃ ᠬᠣᠰᠢᠭᠣᠨ ᠴᠡᠷᠢᠭ᠌ ᠴᠢᠮᠡᠬᠡ ᠦᠭᠡᠶ᠃ ᠪᠠᠯᠣ ᠴᠤ ᠪᠠᠷᠠ ᠦᠭᠡᠶ ᠪᠠᠢ᠌ᠪᠠ᠃ ᠨᠢᠬᠡ ᠡᠳᠣᠷ ᠬᠠᠷᠠ ᠯᠣᠣᠰ᠂ ᠲᠠᠷᠪᠠ ᠵᠠᠯᠠᠨ ᠲᠡᠶ ᠬᠣᠶᠠᠭᠣᠯᠠ ᠮᠠᠢ᠌ᠬᠠᠨ ᠳᠠᠭᠠᠨ ᠰᠠᠭᠣᠭᠠᠳ ᠮᠣᠩᠭ᠋ᠣᠯ ᠰᠢᠳᠠᠷᠠ ᠨᠠᠭᠠᠳᠴᠣ ᠪᠠᠢ᠌ᠪᠠ᠃ ᠬᠠᠷᠠᠭᠠᠨᠠ ᠶᠢᠨ ᠬᠣᠵᠣᠣᠯᠠ ᠶ᠋ᠢᠨ ᠭᠠᠯ ᠣᠯᠠᠯᠵᠠᠵᠣ᠂ ᠲᠡᠬᠡᠷᠡ ᠨᠢ ᠪᠣᠭᠣᠨ ᠮᠢᠬᠠ ᠫᠣᠯ ᠫᠣᠯ ᠪᠣᠴᠠᠯᠣᠨᠠ᠃ ᠬᠠᠷᠠ ᠯᠣᠣᠰ ᠲᠡᠬᠡᠷᠡ ᠪᠠᠶᠠ ᠪᠠᠨ ᠨᠢᠴᠥᠬᠥᠯᠡᠵᠦ᠂ ᠰᠡᠬᠥᠵᠢ ᠲᠠᠷᠣᠨ ᠴᠡᠬᠡᠵᠢ ᠠᠯᠠᠭᠠᠳᠠᠴᠢᠬᠠᠭᠰᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠱᠠᠭ︕ ᠬᠡᠵᠦ ᠲᠠᠷᠪᠠ ᠵᠠᠯᠠᠨ ᠢ ᠰᠢᠬᠠᠮᠳᠠᠭᠣᠯᠣᠨᠠ᠃ ᠲᠠᠳᠠ ᠬᠤᠶᠠᠭᠤᠯᠠ ᠶᠢ ᠶᠠᠭ ᠰᠢᠳᠠᠷᠠ ᠶᠢᠨ ᠪᠠᠬᠠᠨ ᠳᠤ ᠣᠷᠣᠵᠣ᠂ ᠢᠳᠠᠨ ᠲᠡᠬᠡᠷᠡ ᠪᠠᠨ ᠪᠠᠢ᠌ᠳᠠᠯᠠ ᠣᠢ ᠲᠣᠳᠣᠷᠠ ᠡᠴᠡ ᠫᠣᠤ ᠶᠢᠨ ᠲᠠᠭᠣᠨ ᠭᠠᠷᠪᠠ᠃ ᠠᠩᠴᠢᠨ ᠪᠣᠭᠣ ᠬᠠᠷᠪᠣᠵᠣ ᠪᠠᠢ᠌ᠨᠠ ᠬᠡᠵᠦ ᠪᠣᠳᠣᠭᠠᠳ ᠬᠣᠶᠠᠭᠣᠯᠠ ᠰᠡᠵᠢᠭ᠍ᠯᠡᠭ᠍ᠰᠡᠨ ᠴᠤ ᠦᠭᠡᠶ ᠦᠷᠬᠥᠯᠵᠢᠯᠡᠨ ᠨᠠᠭᠠᠳᠣᠨᠠ᠃ ᠫᠣᠤ ᠶᠢᠨ ᠲᠠᠭᠣᠨ ᠣᠯᠠᠮ ᠰᠢᠷᠥᠬᠥᠰᠴᠦ᠂ ᠬᠦᠮᠥᠰ ᠦᠢᠮᠡᠯᠲᠦᠬᠥ ᠪᠠᠷ ᠲᠠᠳᠠ ᠰᠠᠶᠢ ᠪᠠᠢ᠌ᠳᠠᠯ ᠪᠢᠰᠢ ᠪᠣᠯᠣᠭᠰᠠᠨ ᠢ ᠮᠠᠳᠠᠵᠣ᠂ ᠫᠣᠤ ᠪᠠᠨ ᠰᠢᠬᠥᠷᠡᠨ ᠦᠰᠥᠷᠬᠢᠯᠡᠨ ᠭᠠᠷᠴᠣ ᠦᠵᠡᠪᠡᠯ ᠬᠣᠷᠢᠭᠣᠯ ᠤᠨ ᠵᠢᠯᠠᠭᠠ ᠶᠢ ᠪᠠᠯᠣ ᠪᠦᠰᠡᠯᠠᠴᠢᠬᠡᠭ᠍ᠰᠡᠨ ᠪᠠᠢ᠌ᠯᠠ᠃ ᠡ᠊ᠠᠳᠠ ᠲᠠᠠᠳᠠ ᠣᠯᠠᠭᠠᠨ ᠲᠣᠭ ᠲᠠᠷᠪᠠᠯᠵᠠᠨ ᠪᠦᠷᠢᠶᠡᠨ ᠲᠠᠭᠣ ᠬᠠᠩᠬᠢᠨᠠᠵᠣ᠂ ᠲᠣᠭ ᠤᠨ ᠲᠣᠣᠷᠠ ᠮᠡᠭ᠍ᠵᠢᠬᠡᠷ ᠡᠪᠥᠬᠡᠨ᠂ ᠨᠣᠬᠠᠳᠠᠢ ᠬᠣᠶᠠᠭᠣᠯᠠ ᠵᠤᠭᠰᠣᠨᠠ᠃ ᠲᠠᠳᠠ ᠬᠣᠶᠠᠭᠣᠯᠠ ᠪᠠᠯᠣ ᠶᠢ ᠵᠠᠮᠴᠢᠯᠠᠵᠣ ᠢᠷᠡᠭ᠍ᠰᠡᠨ ᠪᠠᠢ᠌ᠵᠠᠢ᠃ ᠲᠡᠭ᠍ᠷᠢ ᠡᠴᠠ ᠪᠠᠭᠣᠭᠠᠳ ᠢᠷᠡᠭ᠍ᠰᠡᠨ ᠰᠢᠭ᠌ ᠬᠡᠨᠡᠳᠳᠡ ᠡᠢ᠌ᠮᠣ ᠣᠯᠠᠨ ᠴᠡᠷᠢᠭ᠌ ᠭᠠᠷᠣᠭᠠᠳ ᠢᠷᠡᠬᠥ ᠳᠤ ᠲᠡᠬᠡᠷᠡᠮ ᠤᠨ ᠴᠡᠷᠢᠭ᠌ ᠣᠠᠳᠣᠢ ᠰᠣᠠᠳᠣᠢ ᠪᠠᠨ ᠠᠯᠳᠠᠷᠠᠵᠣ᠂ ᠫᠣᠤ ᠶᠢᠨ ᠰᠣᠮᠣ ᠪᠠᠨ ᠪᠦᠷ ᠰᠣᠯᠢᠭᠠᠳ ᠠᠪᠴᠢᠬᠠᠭᠰᠠᠨ ᠪᠠᠢ᠌ᠪᠠ᠃ ᠬᠠᠷᠠ ᠯᠣᠣᠰ ᠦᠨᠳᠥᠷ ᠬᠡᠬᠡᠷ ᠮᠣᠷᠢᠨ ᠳᠠᠭᠠᠨ ᠮᠣᠷᠳᠠᠵᠣ᠂ ᠭᠠᠯᠵᠠᠭᠣᠷᠠᠭᠰᠠᠨ ᠪᠣᠬᠠ ᠰᠢᠭ ᠣᠷᠢᠯᠠᠨ ᠰᠣᠮᠣᠨ ᠮᠥᠨᠳᠥᠷ ᠤᠨ ᠲᠣᠣᠭᠣᠷ ᠰᠢᠷᠭᠣᠯᠠᠨ ᠣᠷᠣᠪᠠ᠃ ᠣᠷᠳᠣ ᠫᠣᠤ ᠶᠢᠨ ᠶ᠋ᠢᠠᠨ ᠰᠣᠮᠣ ᠶᠢ ᠮᠠᠷᠳᠠᠭᠰᠠᠨ ᠡᠴᠡ ᠬᠣᠯᠠ ᠰᠢᠳᠠᠨ ᠶᠠᠪᠣᠭᠣᠯᠵᠣ᠂ ᠭᠠᠷ ᠫᠣᠤ ᠪᠠᠨ ᠰᠣᠭᠣᠯᠣᠨ ᠠᠪᠣᠪᠠ᠃ ᠬᠤᠢ᠌ᠨᠠ ᠡᠴᠡ ᠨᠢ ᠬᠡᠳᠥᠨ ᠲᠡᠬᠡᠷᠡᠮ ᠲᠠᠭᠠᠵᠣ ᠪᠦᠰᠡᠯᠡᠯᠳᠡ ᠶᠢ ᠰᠢᠪᠳᠣᠯᠬᠣ ᠬᠡᠰᠡᠨ ᠪᠣᠯᠪᠠᠴᠣ ᠬᠡᠲᠦ ᠰᠠᠷᠪᠠᠭᠠᠨᠠᠭᠠᠳ ᠲᠣᠩᠭ᠋ᠣᠷᠴᠠᠭᠯᠠᠨ ᠣᠨᠠᠪᠠ᠃ ᠦᠨᠳᠥᠷ ᠬᠡᠬᠡᠷ ᠰᠠᠯᠬᠢᠨ ᠶ᠋ᠢᠪᠠᠷ ᠲᠠᠳᠠᠨᠠ᠃ ᠬᠠᠷᠠ ᠯᠣᠣᠰ ᠭᠠᠠᠵᠣᠭᠠ ᠡᠴᠡ ᠪᠠᠨ ᠪᠠᠷᠢᠨ ᠮᠣᠷᠢᠨ ᠤ ᠪᠠᠨ ᠡᠯᠢᠬᠡᠨ ᠲᠣᠣᠷᠠ ᠨᠢ ᠣᠷᠣᠵᠣ ᠬᠣᠶᠠᠷ ᠲᠠᠢ᠌ᠰᠢ ᠡᠬᠡᠯᠵᠢᠯᠡᠨ ᠬᠠᠷᠪᠣᠵᠣ ᠪᠠᠢ᠌ᠪᠠ᠃ ᠬᠦᠲᠦᠬᠥᠷ ᠤᠨ ᠣᠷᠣᠢ ᠲᠡᠬᠡᠷᠡ ᠭᠠᠷᠬᠣ ᠳᠤ ᠰᠣᠮᠣ ᠨᠢ ᠪᠠᠷᠠᠵᠣ᠂ ᠲᠠᠷᠠ ᠴᠤ ᠬᠦᠠᠳᠡᠢ ᠴᠡᠬᠡᠵᠢ ᠪᠠᠷ ᠶᠢᠠᠨ ᠰᠣᠮᠣᠨ ᠳᠤ ᠰᠦᠪᠡᠯᠡᠭ᠍ᠳᠡᠨ᠂ ᠮᠣᠷᠢᠨ ᠲᠡᠬᠡᠷᠡ ᠪᠠᠨ ᠬᠡᠲᠦ ᠲᠠᠢ᠌ᠪᠠᠯᠵᠠᠭᠠᠳ ᠲᠠᠯᠳᠠ ᠣᠷᠣᠯᠠ᠃
ᠲᠡᠬᠡᠷᠡᠮ ᠤᠨ ᠠᠯᠠᠭᠳᠠᠬᠣ ᠨᠢ ᠠᠯᠠᠭᠳᠠᠵᠣ᠂ ᠪᠠᠷᠢᠭᠳᠠᠬᠣ ᠨᠢ ᠪᠠᠷᠢᠭᠳᠠᠪᠠ᠃ ᠮᠠᠨᠠᠷᠠᠨ ᠣᠨᠠᠭᠰᠠᠨ ᠬᠠᠷᠠ ᠯᠣᠣᠰ ᠤᠨ ᠬᠦᠯ ᠨᠢ ᠲᠥᠷᠣᠬᠡᠨ ᠡᠴᠠ ᠪᠠᠨ ᠮᠣᠯᠳᠣᠷᠠᠭᠰᠠᠨ ᠦᠭᠡᠶ᠃ ᠬᠡᠬᠡᠷ ᠮᠣᠷᠢ ᠲᠡᠬᠥᠨ ᠢ ᠴᠢᠷᠣᠨ ᠲᠠᠪᠬᠢᠵᠣ᠂ ᠮᠣᠷᠢ ᠶᠢ ᠪᠠᠷᠢᠭᠠᠳ ᠠᠪᠳᠠᠯᠠ ᠲᠡᠬᠥᠨ ᠤ ᠭᠣᠶᠠ ᠨᠢ ᠨᠢᠴᠠ ᠢᠰᠬᠥᠯᠥᠭᠳᠡᠵᠦ᠂ ᠬᠠᠴᠠᠷ ᠨᠢᠭᠣᠷ ᠨᠢ ᠲᠠᠨᠢᠭᠳᠠᠬᠣ ᠦᠭᠡᠶ ᠪᠣᠯᠴᠢᠬᠠᠭᠰᠠᠨ ᠪᠠᠢ᠌ᠯᠠ᠃ ᠬᠦᠯᠢᠶᠡᠰᠣᠳᠡᠢ ᠪᠠᠢ᠌ᠭᠰᠠᠨ ᠲᠠᠷᠪᠠ ᠵᠠᠯᠠᠨ ᠦᠵᠡᠬᠡᠥᠨ ᠨᠢᠳᠣ ᠨᠢ ᠣᠯᠠᠭᠠᠨ ᠶᠢᠠᠷ ᠡᠷᠬᠢᠯᠳᠣᠨ᠂ ᠣᠶᠠᠵᠣ ᠪᠠᠢ᠌ᠭᠰᠠᠨ ᠲᠡᠷᠬᠡᠨ ᠪᠣᠯᠣ ᠶᠢᠨ ᠭᠣᠷᠪᠠᠨ ᠬᠡᠬᠡᠰᠦ ᠶᠢ ᠮᠣᠯᠭᠣ ᠴᠢᠩᠭ᠋ᠠᠭᠠᠵᠣ ᠭᠠᠵᠠᠷ ᠡᠯᠢᠬᠡᠳᠡᠨ ᠣᠨᠠᠪᠠ᠃ ᠲᠡᠯᠴᠢᠯᠡᠬᠡᠥᠨ ᠪᠠᠢ᠌ᠬᠣᠯᠠᠷ ᠲᠡᠬᠥᠨ ᠢ ᠢᠰᠠᠬᠡᠢ ᠪᠠᠷ ᠪᠣᠭᠣᠵᠣ ᠰᠠᠶᠢ ᠲᠣᠷᠭᠣᠪᠠ᠃
ᠲᠠᠳᠠᠨ ᠢ ᠪᠠᠶᠠᠠᠴᠠᠭᠠᠨ ᠤ ᠡᠩᠬᠡᠷ ᠲᠠᠬᠢ ᠰᠠᠭᠣᠷᠢᠰᠢᠯ ᠳᠤ ᠠᠪᠴᠣ ᠢᠷᠠᠪᠠ᠃ ᠬᠣᠶᠠᠷ ᠬᠣᠨᠣᠭ ᠤᠨ ᠲᠠᠷᠠᠭᠠ᠂ ᠲᠡᠬᠡᠷᠡ ᠡᠴᠠ᠄ 《ᠲᠡᠬᠡᠷᠡᠮ ᠤᠨ ᠲᠥᠷᠣᠬᠥᠤ ᠲᠠᠷᠪᠠ ᠶᠢ ᠲᠣᠬᠠᠢ ᠶᠢᠨ ᠭᠠᠵᠠᠷ ᠲᠣᠨᠢ ᠠᠯᠠᠬᠣ ᠬᠡᠷᠡᠭ᠍ᠳᠡᠢ》 ᠬᠡᠰᠡᠨ ᠵᠠᠷᠯᠢᠭ ᠢᠷᠠᠪᠠ᠃ ᠫᠣᠣᠳᠠᠨ ᠠᠯᠠᠬᠣ ᠦᠶᠡ ᠳᠤ᠄ 《ᠦᠬᠡ ᠪᠠᠢ᠌ᠪᠠᠯ ᠬᠡᠯᠡ︕》 ᠬᠡᠰᠡᠨ ᠳᠤ ᠲᠠᠷᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠠᠰ ᠬᠡᠣᠬᠡᠥᠨ ᠲᠤ ᠶᠠᠯᠠ ᠦᠭᠡᠶ᠂ ᠲᠠᠳᠠᠨ ᠢ ᠠᠭᠣᠴᠢᠯᠠᠬᠣ ᠪᠣᠪᠠ ᠦᠦ︖ ᠬᠡᠰᠡᠨ ᠪᠠᠢ᠌ᠪᠠ᠃ ᠲᠠᠷᠪᠠ ᠵᠠᠯᠠᠨ ᠢ ᠬᠡᠣᠬᠡᠥᠨ ᠤᠨ ᠣᠪᠣᠭᠠᠨ ᠤ ᠡᠩᠬᠡᠷ ᠫᠣᠣᠳᠠᠨ ᠠᠯᠠᠭᠰᠠᠨ ᠶᠣᠮ᠃ ᠶᠡᠬᠡ ᠬᠠᠳᠣᠨ ᠨᠢ ᠲᠥᠷᠬᠥᠮ ᠳᠡᠭᠡᠨ ᠬᠠᠷᠢᠭᠠᠳ ᠲᠠᠬᠢᠵᠣ ᠨᠠᠭᠠᠰᠢ ᠬᠠᠠᠳᠣᠭᠰᠠᠨ ᠦᠭᠡᠶ᠃ ᠢᠩᠬᠢᠬᠡᠥᠨ ᠯᠠ ᠭᠠᠶᠠ ᠢᠩ ᠤᠨ ᠬᠡᠷ ᠲᠤ ᠰᠠᠭᠣᠬᠣ ᠪᠣᠯᠵᠣ᠂ ᠨᠠᠰᠣ ᠪᠠᠷ ᠶᠢᠠᠨ ᠢᠩ ᠤᠨ ᠬᠡᠷ ᠤᠨ ᠰᠠᠬᠢᠭᠣᠯ ᠪᠣᠯᠬᠣ ᠲᠠᠪᠢᠯᠠᠩ ᠨᠢ ᠲᠣᠳᠣᠷᠠᠪᠠ᠃
ᠵᠤᠬᠢᠶᠠᠭᠴᠢ᠄ ᠬᠠᠷᠭᠤᠢ
ᠳᠠᠷᠤᠮ᠄ 24710
ᠴᠠᠭ᠄ 2005 ᠤᠨ ᠤ 08 ᠰᠠᠷᠠ ᠶᠢᠨ 08