☆ ᠭᠦᠩ ᠳᠢᠶᠧ ᠯᠦᠩ
ᠡ᠊ᠨᠳᠡᠭᠦᠷᠡᠯ
ᠭᠦᠭᠡ ᠮᠦᠩᠭᠦᠨ ᠳᠡᠭ᠍ᠷᠢ ᠪᠠᠨ
ᠭᠦᠮᠤᠨ ᠤ ᠭᠢ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠭᠦᠷᠦᠰᠦᠳᠤ ᠮᠤᠩᠭ᠋ᠤᠯ ᠳᠡᠯᠡᠭᠡᠢ ᠪᠠᠨ
ᠮᠢᠨᠤᠭᠢ ᠭᠡᠵᠤ 《ᠡ᠊ᠨᠳᠡᠭᠦᠷᠡᠪᠡ》
ᠭᠦᠯᠦᠭ᠌ ᠤᠨ ᠴᠠᠭᠠᠨ ᠳᠤᠭᠤᠰᠤ ᠵᠢ
ᠡᠯᠡᠰᠤᠨ ᠰᠢᠭᠤᠷᠭᠠ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠭᠦᠴᠦᠳᠤ ᠠᠪᠣᠷᠭᠤ ᠪᠦᠷᠭᠦᠤᠨ ᠢ
ᠭᠦᠳᠡᠭᠡ ᠶᠢᠨ ᠰᠦᠨᠠᠰᠤ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠬᠤᠳᠠ ᠲᠡᠶ ᠭᠡᠳᠤᠨ ᠬᠤᠨᠢ ᠪᠠᠨ
ᠬᠤᠭ ᠤᠨ ᠣᠪᠣᠭᠠ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠬᠤᠯᠠ ᠶᠢᠨ ᠬᠤᠯᠠᠭᠢ ᠨᠤᠳᠤᠭ ᠵᠢᠠᠨ
ᠵᠡᠭᠦᠳᠤ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠬᠤᠰᠤᠨ ᠣᠷᠭᠠ ᠲᠡᠶ ᠠᠳᠤᠭᠤᠴᠢᠨ ᠵᠢᠠᠨ
ᠵᠢᠷᠤᠭ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠬᠤᠪᠳᠤᠯ ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠪᠠᠨ
ᠬᠤᠭᠤᠰᠤᠨ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠨᠤᠳᠤᠭ ᠶᠢᠡᠨ ᠰᠠᠨᠠᠭᠰᠠᠨ ᠭᠡᠦᠭᠡᠨ ᠢ
ᠨᠤᠭᠤᠠᠵᠠᠶᠠᠭᠠ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠨᠢᠯᠪᠣᠰᠤ ᠨᠢ ᠬᠠᠳᠠᠭᠰᠠᠨ ᠨᠢᠳᠤ ᠵᠢ
ᠨᠤᠳᠤᠭ ᠤᠨ ᠨᠠᠭᠤᠷ ᠶᠢᠡᠷ ᠡ᠊ᠨᠳᠡᠭᠦᠷᠡᠪᠡ
ᠨᠤᠭᠤᠰᠤ ᠭᠠᠯᠠᠭᠤ ᠨᠤᠭᠤᠳ ᠢ
ᠰᠢᠪᠠᠷᠳᠠᠵᠤ ᠥᠭᠦᠭ᠍ᠰᠡᠨ ᠶᠢᠡᠷ ᠡ᠊ᠨᠳᠡᠭᠦᠷᠡᠪᠡ
ᠨᠤᠮᠤᠢ ᠵᠠᠩ ᠲᠡᠶ ᠴᠢᠮᠢ᠋ᠢ᠌
ᠴᠠᠭ ᠤᠨ ᠣᠷᠤᠰᠬᠠᠯ ᠶᠢᠡᠷ ᠡ᠊ᠨᠳᠡᠭᠦᠷᠡᠪᠡ
ᠨᠤᠶᠠᠠᠳᠠᠨ ᠤ ᠡᠮᠤᠨᠡ ᠵᠢᠰᠦᠷᠳᠡᠳᠡᠭ᠌ ᠢ
ᠪᠠᠭᠠᠯ ᠨᠤᠬᠠᠢ ᠪᠠᠷ 《ᠡ᠊ᠨᠳᠡᠭᠦᠷᠡᠪᠡ》
ᠨᠤᠳᠤᠭ ᠶᠢᠡᠨ ᠬᠤᠳᠠᠯᠳᠤᠭᠰᠠᠨ ᠭᠦᠮᠤᠨ ᠢ
ᠳᠡᠭᠡᠳᠤ ᠦᠭᠡᠶ ᠭᠡᠵᠤ 《ᠡ᠊ᠨᠳᠡᠭᠦᠷᠡᠪᠡ》
ᠨᠤᠪᠰᠢ ᠳᠦᠭᠦᠷᠡᠭ᠍ᠰᠡᠨ ᠳᠠᠯᠠ ᠪᠠᠨ
ᠨᠤᠤᠬᠠ ᠲᠡᠶ ᠨᠢᠳᠤ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠨᠠᠢ᠌ᠯᠠᠯ ᠪᠦᠯᠭᠦᠮᠳᠡᠯ ᠲᠡᠶ ᠮᠤᠩᠭ᠋ᠤᠯ ᠵᠢᠠᠨ
ᠨᠠᠢ᠌ᠳᠠᠮ ᠬᠠᠭᠠᠴᠠᠯᠠ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠰᠦ᠋ ᠲᠡᠶ ᠰᠠᠢ᠌ᠬᠠᠨ ᠴᠠᠢ ᠪᠠᠨ
ᠴᠢᠰᠤ ᠲᠡᠶ ᠠᠷᠢᠭᠢ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠰᠦᠷᠦᠭ᠌ ᠡᠴᠠ ᠪᠠᠨ ᠰᠠᠯᠤᠭᠰᠠᠨ ᠮᠠᠯᠴᠢᠳ ᠶᠢᠡᠨ
ᠬᠤᠳᠠ ᠶᠢᠨ ᠭᠣᠢ᠌ᠷᠠᠠᠴᠢ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠰᠦᠮᠡ ᠶᠢᠨ ᠡᠮᠦᠨᠡᠭᠢ ᠠᠪᠯᠢᠭᠠᠴᠢ ᠵᠢ
ᠪᠣᠷᠬᠠᠨ ᠤ ᠱᠠᠪᠢ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠰᠥᠵᠢᠭ᠌ ᠨᠢ ᠮᠤᠩᠭ᠋ᠤᠯ ᠲᠦᠮᠡᠨ ᠵᠢᠠᠨ
ᠪᠣᠶᠠᠨ ᠶᠢᠡᠨ ᠪᠠᠷᠠᠯᠠ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠪᠣᠷᠤᠭᠠᠨ ᠤ ᠭᠡᠳᠤᠨ ᠳᠤᠰᠤᠯ ᠢ
ᠪᠣᠭᠳᠠ ᠶᠢᠨ ᠨᠢᠯᠪᠣᠰᠤ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠪᠣᠷᠤᠭᠠᠨ ᠳᠤᠳᠠᠭᠰᠠᠨ ᠡᠭᠦᠯᠡᠰ ᠢ
ᠪᠠᠳᠢᠷᠴᠢᠨ ᠤ ᠠᠶᠠᠭᠠ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠪᠣᠳᠤᠭᠤ ᠶᠢᠨ ᠵᠥᠭᠡᠯᠡᠨ ᠪᠣᠢ᠌ᠯᠠᠯ ᠢ
ᠪᠣᠳᠤᠯ ᠤᠨ ᠦᠨᠦᠴᠢᠷᠠᠯ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠪᠣᠰᠤᠭᠠ ᠮᠤᠩᠭ᠋ᠤᠯ ᠥᠰᠦᠭ᠌ ᠵᠢᠠᠨ
ᠪᠣᠰᠤᠳ ᠡᠴᠠ ᠳᠤᠤᠷᠠ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠦᠷᠭᠡᠨ ᠠᠭᠤᠳᠠᠮ ᠳᠠᠯᠠ ᠪᠠᠨ
ᠢᠪᠴᠦᠦᠷᠡᠭᠦᠯᠵᠤ ᠨᠢᠭᠡ ᠡ᠊ᠨᠳᠡᠭᠦᠷᠡᠪᠡ
ᠦᠪᠡᠷ ᠤᠨ ᠦᠪ ᠰᠤᠶᠤᠯ ᠵᠢᠠᠨ
ᠥᠭᠡᠢ᠌ᠰᠭᠡᠵᠤ ᠪᠠᠰᠠ ᠡ᠊ᠨᠳᠡᠭᠦᠷᠡᠪᠡ
ᠥᠭᠡᠡᠴᠡ ᠳᠤᠷᠤᠢ ᠪᠠᠶᠠ ᠪᠠᠨ
ᠮᠡᠷᠭᠡᠨ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠥᠩᠭᠡ ᠮᠦᠩᠭᠦᠨ ᠳᠤ ᠬᠠᠭᠤᠷᠳᠠᠵᠤ
ᠦᠨᠳᠦᠰᠦ ᠪᠠᠨ ᠮᠠᠷᠳᠠᠵᠤ ᠡ᠊ᠨᠳᠡᠭᠦᠷᠡᠪᠡ
ᠠᠯᠤᠰ ᠤᠨ ᠳᠤᠩᠭ᠋ᠠᠯᠠᠭ ᠰᠠᠷᠠᠨ ᠢ
ᠠᠮᠠᠷᠠᠭ ᠪᠦᠰᠡᠭᠦᠢ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠠᠨᠢᠪᠴᠢᠬᠤ ᠣᠯᠠᠨ ᠣᠳᠤᠳ ᠢ
ᠠᠯᠢᠶᠠ ᠬᠤᠩᠭ᠋ᠤᠷ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠠᠯᠠᠭᠠᠨ ᠳᠡᠭᠡᠷᠡᠭᠢ ᠠᠭᠤᠯᠠᠰ ᠵᠢᠠᠨ
ᠠᠶᠠᠭᠠ ᠲᠡᠶ ᠮᠢᠬᠠ ᠪᠠᠷ ᠡ᠊ᠨᠳᠡᠭᠦᠷᠡᠪᠡ
ᠠᠳᠤᠭᠤᠨ ᠰᠠᠢ᠌ᠬᠠᠨ ᠰᠤᠶᠤᠯ ᠵᠢᠠᠨ
ᠠᠷᠢᠭᠢᠨ ᠰᠤᠶᠤᠯ ᠶᠢᠡᠷ ᠡ᠊ᠨᠳᠡᠭᠦᠷᠡᠪᠡ
ᠳᠤᠤᠷ ᠲᠤ ᠬᠠᠰᠢᠭᠳᠠᠭᠰᠠᠨ ᠳᠠᠯᠠ ᠪᠠᠨ
ᠬᠠᠨᠠᠭᠠᠷ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠳᠤᠭᠤᠰᠤ ᠪᠣᠵᠢᠭᠢᠨᠠᠭᠰᠠᠨ ᠳᠡᠭ᠍ᠷᠢ ᠪᠠᠨ
ᠴᠡᠯᠮᠡᠭ᠌ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠳᠤᠪᠣ ᠣᠳᠤᠷ ᠤᠨ ᠠᠮᠢᠳᠤᠷᠠᠯ ᠵᠢᠠᠨ
ᠬᠠᠮᠠᠭᠠᠯᠠᠯ ᠭᠡᠵᠤ 《ᠡ᠊ᠨᠳᠡᠭᠦᠷᠡᠪᠡ》
ᠳᠤᠷᠤᠰᠬᠠ ᠳᠤ ᠪᠠᠭᠯᠠᠭᠳᠠᠭᠰᠠᠨ ᠮᠠᠯ ᠵᠢᠠᠨ
ᠳᠠᠷᠭᠤ ᠲᠡᠶ ᠭᠡᠵᠤ ᠡ᠊ᠨᠳᠡᠭᠦᠷᠡᠪᠡ
ᠭᠢᠯᠢᠩᠨᠡᠭᠡᠳ ᠨᠢᠭᠡ ᠡ᠊ᠨᠳᠡᠭᠦᠷᠡᠨᠡ
ᠭᠢᠮᠠᠭᠠᠳᠠᠭᠠᠤᠨ ᠪᠠᠰᠠ ᠨᠢᠭᠡ ᠡ᠊ᠨᠳᠡᠭᠦᠷᠡᠨᠡ
ᠬᠠᠢ᠌ᠷᠠᠯᠠᠭᠠᠤᠨ ᠮᠢᠩᠭᠠ ᠡ᠊ᠨᠳᠡᠭᠦᠷᠡᠨᠡ
ᠬᠠᠷᠠᠮᠰᠠᠭᠠᠤᠨ ᠲᠦᠮᠡ ᠡ᠊ᠨᠳᠡᠭᠦᠷᠡᠨᠡ
ᠡ᠊ᠨᠳᠡᠭᠦᠷᠡᠨᠡ᠂ ᠡ᠊ᠨᠳᠡᠭᠦᠷᠡᠨᠡ ᠁
ᠪᠠᠰᠠ ᠡ᠊ᠨᠳᠡᠭᠦᠷᠡᠨᠡ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠭᠦᠩ ᠳᠢᠶᠧ ᠯᠦᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2658
ᠴᠠᠭ᠄ 2012 ᠤᠨ ᠤ 02 ᠰᠠᠷᠠ ᠶᠢᠨ 28
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ