ᠨᠢᠭᠡ

ᠶᠠᠭᠠᠷᠠᠪᠠᠴᠤ ᠳᠦᠷᠭᠡᠯᠡᠳᠡᠭ᠌ ᠥᠭᠡᠢ

ᠶᠠᠳᠠᠷᠠᠪᠠᠴᠤ ᠬᠤᠵᠢᠮᠳᠠᠳᠠᠭ ᠥᠭᠡᠢ

ᠶ‍ᠢᠷᠳᠢᠠᠴᠤ ᠳᠤ ᠬᠤᠪᠢᠷᠠᠳᠠᠭ ᠦᠭᠡᠶ

ᠶᠠᠷᠤ ᠪᠣᠰᠤ ᠶᠢᠨ ᠴᠢᠨᠠᠷ ᠲᠡᠶ

ᠴᠠᠭ ᠮᠦᠴᠡ ᠵᠢᠨ ᠳᠤᠭᠢᠶ᠎ᠠ ᠪᠠᠷ

ᠴᠠᠭᠯᠠᠰᠢ ᠦᠭᠡᠶ ᠪᠠᠳᠤ ᠦᠨᠡᠨ ᠵᠢᠠᠷ

ᠳᠦᠳᠡᠯᠡᠭᠡᠳ ᠭᠦᠶ‍ᠦᠭ᠍ᠰᠡᠨ ᠰᠢᠭ᠌ ᠬᠤᠷᠳᠤᠨ

ᠳᠦᠴᠢᠨ ᠨᠠᠰᠤ ᠮᠢᠨᠢ ᠢᠷᠠᠴᠢᠭᠡᠯ᠎ᠠ

ᠬᠤᠶᠠᠷ

ᠬᠠᠷᠠᠵᠠ ᠲᠡᠶ ᠪᠣᠯᠠᠭ ᠭᠦᠶ‍ᠦᠳᠡᠯ ᠳᠠᠢ

ᠬᠠᠷᠠᠭᠠᠴᠢ ᠲᠡᠶ ᠭᠡᠷ ᠨᠡᠭᠦᠳᠡᠯ ᠳᠠᠢ

ᠬᠠᠯᠠᠭᠠᠰᠤ ᠲᠡᠶ ᠪᠦᠰ ᠣᠶᠤᠳᠠᠯ ᠳᠠᠢ

ᠬᠠᠮᠤᠭ ᠶᠠᠭᠤᠮ᠎ᠠ ᠪᠠᠭᠤᠳᠠᠯ ᠲᠡᠶ ᠪᠠᠢ᠌ᠵᠠᠢ

ᠰᠠᠷᠠ ᠨᠠᠷᠠ ᠰᠤᠯᠢᠨ ᠪᠠᠢ᠌ᠵᠤ

ᠰᠠᠢ᠌ᠨ ᠮᠠᠭᠤ ᠶᠢ ᠬᠤᠯᠢᠨ ᠭᠡᠪᠢᠵᠤ

ᠵᠠᠯᠠᠭᠤ ᠨᠠᠰᠤᠨ ᠢ ᠬᠤᠷᠢᠶᠠᠵᠤ

ᠵᠠᠭᠢᠯᠠᠭᠤᠨ ᠰᠡᠭᠦᠳᠡᠷ ᠶᠢᠡᠷ ᠣᠷᠢᠶᠠᠪᠠ

ᠭᠤᠷᠪᠠ

ᠭᠡᠪᠠᠯᠢ ᠳᠤ ᠭᠦᠪᠦᠷᠡᠳᠡᠭ᠌ ᠵᠢᠮ᠎ᠠ ᠪᠠᠷ

ᠭᠡᠯᠪᠠᠷᠢ ᠳᠡᠭᠦᠰ ᠳᠦᠷᠦᠳᠡᠭ᠌

ᠭᠡᠪᠠᠷᠡᠨ ᠮᠥᠭᠦᠳᠡᠭ᠌ ᠬᠠᠤᠯᠢ ᠪᠠᠷ

ᠭᠡᠵᠢᠶ᠎ᠡ ᠨᠢᠭᠡ ᠰᠥᠨᠦᠳᠡᠭ᠌

ᠡᠳᠦᠷ ᠬᠤᠨᠤᠭ ᠤᠨ ᠡᠭᠡᠯᠵᠢᠶ᠎ᠡ ᠳᠠᠢ

ᠦᠷᠯᠦᠭᠡ ᠠᠰᠬᠤᠨ ᠤ ᠰᠦᠯᠵᠢᠶ᠎ᠠ ᠳᠠᠢ

ᠠᠮᠢᠳᠠᠨ ᠪᠦᠭᠦᠨ ᠳᠤ ᠲᠤᠬᠢᠶᠠᠳᠠᠭ

ᠠᠮᠢᠵᠢᠷᠠᠯ ᠤᠨ ᠴᠠᠭᠠᠨ ᠦᠨᠡᠨ᠃

ᠳᠦᠷᠪᠡ

ᠡᠭᠢᠯᠡᠵᠤ ᠭᠢᠭᠦ ᠡᠴᠠ ᠣᠷᠣᠢ᠌ᠳᠠᠭᠰᠠᠨ ᠰᠢᠭ

ᠡᠷᠳᠡᠯᠡᠭᠦ ᠰᠡᠯᠡᠭᠡᠨ ᠡᠴᠠ ᠬᠤᠵᠢᠮᠳᠠᠭᠰᠠᠨ ᠰᠢᠭ

ᠬᠠᠢ᠌ᠷ᠎ᠠ ᠴᠠᠭᠢᠯᠤᠭᠰᠠᠨ ᠳᠤᠷᠠᠳᠬᠠᠯ ᠵᠢᠠᠨ

ᠬᠠᠢ᠌ᠯ ᠲᠡᠶ ᠨᠢᠯᠪᠣᠰᠤ ᠪᠠᠷ ᠦᠳᠡᠵᠤ

ᠵᠡᠭᠡᠷ᠎ᠡ ᠦᠷᠭᠦᠭ᠍ᠰᠡᠨ ᠳᠠᠯ᠎ᠠ ᠡᠴᠠ

ᠭᠡᠭᠡᠷ᠎ᠡ ᠴᠤᠪᠣᠭᠰᠠᠨ ᠳᠤᠭᠤᠰᠤ ᠰᠢᠭ

ᠵᠥᠭᠡᠷᠢ ᠠᠴᠢᠭᠰᠠᠨ ᠠᠶᠠᠨ ᠡᠴᠠ

ᠵᠦᠩᠨᠠᠯ ᠳᠠᠰᠤᠷᠠᠬᠤ ᠨᠢ ᠪᠣᠷᠤᠭᠤ ᠰᠢᠤ

ᠲ᠋ᠠᠪᠣ

ᠳᠦᠷᠦᠭᠡ ᠭᠢᠰᠭᠢᠨ ᠴᠢᠩᠭ᠋ᠠᠷᠬᠤ ᠳ᠋ᠤ

ᠵᠤᠤᠵᠠᠢ ᠬᠤᠭᠤᠷᠠᠮ᠎ᠠ ᠢᠳᠠ ᠲᠡᠶ

ᠮᠦᠷᠦᠭᠡ ᠴᠢᠭᠯᠡᠨ ᠱᠤᠭᠰᠢᠬᠤ ᠳ᠋ᠤ

ᠵᠤᠳᠤᠭ ᠳᠠᠰᠤᠷᠠᠮ᠎ᠠ ᠭᠦᠴᠤ ᠲᠡᠶ

ᠵᠢᠩ ᠤᠨ ᠣᠷᠳᠤ ᠠᠶᠠᠨ ᠳ᠋ᠤ

ᠳᠠᠩ ᠤᠨ ᠠᠠᠴᠢ ᠠᠯᠳᠠᠳᠠᠭ ᠥᠭᠡᠢ

ᠳᠦᠨᠢᠨ ᠪᠣᠤᠷ᠎ᠠ ᠶᠢᠨ ᠳᠡᠪᠢᠯᠭᠡ ᠳᠠᠢ

ᠳᠦᠴᠢᠨ ᠨᠠᠰᠤ ᠪᠠᠨ ᠬᠠᠢ᠌ᠷᠠᠯᠠ

ᠵᠢᠷᠭᠤᠭ᠎ᠠ

ᠳᠤᠷᠰᠢᠯᠭ᠎ᠠ ᠰᠤᠷᠭᠠᠮᠵᠢ ᠬᠤᠶᠠᠷ ᠡᠴᠠ

ᠳᠤᠰᠤᠴᠢᠬᠠᠭᠰᠠᠨ ᠭᠠᠠᠵᠤᠭ᠎ᠠ ᠳᠠᠢ

ᠳᠡᠦᠭᠡ ᠱᠠᠰᠳᠢᠷ ᠬᠤᠶᠠᠷ ᠡᠴᠠ

ᠳᠤᠯᠤᠮ ᠳᠦᠭᠦᠷᠡᠩ ᠣᠯᠵᠠ ᠳᠠᠢ

ᠵᠠᠶᠠᠭ᠎ᠠ ᠬᠤᠪᠢ ᠬᠤᠶᠠᠷ ᠳᠤ

ᠵᠠᠪᠠᠯ ᠪᠠᠢ᠌ᠳᠠᠭ ᠶᠤᠰᠤ ᠳᠠᠢ

ᠵᠠᠯᠠᠭᠤ ᠢᠳᠠᠷ ᠬᠤᠶᠠᠷ ᠲᠤ

ᠵᠠᠩᠭᠢᠳᠠᠭ᠎ᠠ ᠳᠠᠢ᠌ᠯᠠᠳᠠᠭ ᠨᠠᠰᠤ ᠡ᠃

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ᠄ ᠰᠢᠠᠵᠢᠶᠠᠩ ᠬᠤᠪᠣᠭᠰᠠᠢ᠌ᠷᠢ ᠳᠡᠪᠠᠭᠡᠤᠰᠤᠨ