☆ ᠣᠷᠭᠢᠯᠤᠮᠠ
ᠮᠢᠨᠤ ᠳᠠᠪᠢᠯᠠᠩ
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠳᠤ
ᠠᠭᠳᠠ ᠶᠢᠨ ᠨᠢᠷᠤᠭᠤᠨ ᠳᠤ ᠭᠡᠳᠡᠢ᠌ᠨ ᠰᠠᠭᠤᠵᠤ
ᠠᠼᠢᠶᠠ ᠧᠦᠷᠦᠫᠡ ᠶᠢᠨ ᠡᠭᠡ ᠬᠠᠭᠤᠷᠠᠢ ᠶᠢ
ᠬᠤᠳᠤᠯᠵᠠᠳᠠᠯᠠ ᠳᠤᠪᠳᠤᠯᠤᠨ ᠶᠠᠪᠣᠭᠠ ᠦᠭᠡᠶ ᠴᠤ
ᠬᠤᠤᠰ ᠦᠭᠡᠶ ᠠᠪᠣᠷᠭᠤ ᠡᠷᠡ ᠶᠢᠨ ᠭᠢᠨ
ᠬᠤᠪᠳᠤᠯ ᠵᠢᠷᠦᠭᠡᠨ ᠤ ᠭᠢᠨᠢ ᠳᠤᠰᠤᠯ ᠴᠢᠰᠤ ᠪᠠᠷ
ᠭᠡᠳᠦᠢ ᠵᠠᠭᠤᠨ ᠤ ᠬᠣᠢ᠌ᠨᠠ ᠠᠮᠢ ᠣᠯᠬᠤ ᠳᠤ
ᠬᠤᠪᠢ ᠳᠠᠪᠢᠯᠠᠩ ᠢ ᠮᠢᠨᠢ ᠮᠤᠩᠭ᠋ᠤᠯ ᠭᠡᠵᠤ ᠳᠠᠮᠠᠭᠠᠯᠠᠭᠰᠠᠨ
ᠨᠠᠷᠠᠨ ᠣᠷᠭᠤᠬᠤ ᠵᠥᠭ᠌ ᠡᠴᠡ
ᠨᠠᠷᠠᠨ ᠵᠢᠷᠭᠠᠬᠤ ᠣᠷᠤᠨ ᠭᠦᠷᠳᠡᠯᠡᠭᠢ ᠵᠠᠢ ᠳᠤ
ᠦᠵᠡᠮᠵᠢᠳᠤ ᠣᠷᠤᠨ᠂ ᠥᠯᠢᠭᠡᠷᠳᠤ ᠨᠤᠳᠤᠭ
ᠣᠳᠤᠨ ᠰᠢᠭ ᠶᠢᠡᠷ ᠳᠦᠭᠡᠭᠡᠵᠤ ᠪᠠᠢ᠌ᠭᠰᠠᠨ ᠴᠤ
ᠬᠠᠷᠪᠣᠯᠭᠠ ᠮᠡᠷᠭᠡᠨ ᠬᠠᠰᠠᠷ ᠤᠨ ᠬᠣᠢ᠌ᠴᠢᠰ ᠤᠨ
ᠬᠠᠯᠠᠭᠤᠨ ᠠᠮᠢ ᠶᠢᠨ ᠭᠢᠨ ᠰᠢᠳᠦᠭᠡᠨ ᠪᠣᠯᠤᠭᠰᠠᠨ
ᠬᠤᠷᠴᠢᠨ ᠤ ᠳᠠᠩᠰᠤᠭ ᠣᠷᠤᠨ
ᠬᠤᠪᠢ ᠳᠠᠪᠢᠯᠠᠩ ᠤᠨ ᠮᠢᠨᠢ ᠳᠠᠷᠬᠠᠨ ᠥᠯᠦᠭᠡᠢ ᠪᠣᠯᠤᠭᠰᠠᠨ
ᠬᠠᠭᠤᠴᠢᠨ ᠨᠡᠢ᠌ᠭᠡᠮ ᠤᠨ ᠣᠷᠳᠤ ᠰᠦᠨᠢ ᠶᠢᠨ
ᠬᠠᠯᠠ ᠳᠠᠮᠤ ᠳᠤ ᠣᠨᠠᠵᠤ
ᠬᠤᠭᠤᠯᠠ ᠦᠭᠡᠶ ᠬᠤᠨᠤᠭ᠂ ᠬᠤᠪᠴᠠᠰᠤ ᠦᠭᠡᠶ ᠡᠳᠦᠷ ᠢ
ᠬᠤᠪᠢᠳᠠᠨ ᠡᠳ᠋ᠯᠡᠵᠤ ᠶᠠᠪᠣᠭᠠ ᠦᠭᠡᠶ ᠴᠤ
ᠬᠠᠭᠤᠴᠢ ᠶᠠᠷᠢᠳᠠᠭ ᠡᠪᠦᠭᠡ ᠶᠢᠨ ᠰᠢᠯᠤᠰᠤᠨ ᠥᠰᠦᠷᠭᠡᠨ ᠡᠴᠡ
ᠭᠡᠳᠦᠢ ᠴᠤ ᠣᠳᠠᠭᠠ ᠰᠤᠨᠤᠰᠴᠤ ᠶᠠᠪᠣᠭᠰᠠᠨ
ᠰᠢᠨᠠ ᠴᠠᠭ ᠤᠨ ᠴᠠᠳᠬᠤᠯᠠᠩ ᠣᠨᠠᠭᠠ
ᠴᠢᠨᠡᠭᠡᠯᠢᠭ᠌ ᠨᠡᠢ᠌ᠭᠡᠮ ᠤᠨ ᠣᠮᠤᠭᠯᠠᠩ ᠦᠷᠢᠶᠠ ᠪᠣᠯᠤᠭᠰᠠᠨ
ᠬᠤᠭᠤᠯᠠᠢ ᠠᠮᠠ ᠪᠠᠨ ᠰᠦᠭᠡᠩᠭᠢᠷᠡᠳᠠᠯᠠ ᠮᠡᠷᠭᠡᠯᠡᠳᠡᠭ᠌
ᠬᠤᠭᠤᠷ ᠤᠨ ᠨᠤᠮᠤ ᠪᠠᠨ ᠵᠢᠳᠠ ᠰᠢᠭ ᠳᠠᠯᠠᠢ᠌ᠳᠠᠭ
ᠭᠦᠮᠤᠨ ᠤ ᠭᠢᠨ ᠢ ᠭᠡᠯᠡᠵᠤ ᠪᠠᠢ᠌ᠭᠠᠤᠨ
ᠬᠤᠪᠢ ᠪᠠᠷ ᠶᠢᠡᠨ ᠥᠩᠭᠡᠷᠡᠭᠦᠯᠦᠭ᠍ᠰᠡᠨ ᠮᠠᠳᠤ
ᠭᠡᠢ ᠬᠤᠤ ᠲᠡᠶ ᠬᠤᠭᠤᠷᠴᠢ ᠠᠪᠣ ᠶᠢᠨ ᠥᠯᠢᠭᠡᠷ ᠡᠴᠡ
ᠵᠢᠰᠦᠯᠢᠭ᠌ ᠭᠡᠦᠭᠡᠨ ᠢ ᠵᠡᠭᠦᠳᠦᠯᠡᠭ᠍ᠰᠡᠨ
ᠵᠠᠯᠢᠬᠠᠢ ᠭᠡᠳᠡᠭ᠌ ᠢ ᠨᠢ ᠳᠠᠨᠢᠭᠰᠠᠨ
ᠵᠠᠩᠵᠤᠨ ᠪᠣᠯᠬᠤ ᠶᠢ ᠴᠤ ᠭᠦᠰᠡᠭ᠍ᠰᠡᠨ
ᠬᠤᠷᠠᠬᠤ ᠪᠣᠯᠭᠠᠨ ᠴᠢᠬᠤᠯᠠ ᠶᠠᠷᠢᠶᠠ ᠳᠠᠯᠪᠢᠳᠠᠭ
ᠵᠠᠯᠠᠭᠠ ᠶᠡᠭᠡᠳᠡᠨ ᠪᠢᠰᠢ ᠴᠤ ᠂ ᠮᠢᠨᠤ ᠠᠪᠣ
ᠡᠷᠭᠡ ᠳᠤ ᠠᠮᠠᠭᠠᠢ᠌ᠯᠠᠭᠳᠠᠬᠤ ᠦᠭᠡᠶ ᠭᠦᠮᠤᠨ ᠮᠦᠰᠤ ᠶᠢ
ᠮᠢᠨᠤ ᠡᠰ ᠪᠦᠭᠦᠨ ᠳᠤ ᠳᠠᠷᠢᠭᠰᠠᠨ ᠠᠴᠢᠳᠠᠨ ᠭᠦᠮᠤᠨ
ᠭᠦᠮᠤᠨ ᠪᠦᠭᠦᠨ ᠤ ᠨᠢᠳᠤ ᠶᠢ ᠣᠯᠠᠢ᠌ᠯᠭᠠᠳᠠᠭ
ᠭᠦᠷᠦᠩᠭᠡ ᠵᠤᠵᠠᠭᠠᠨ ᠪᠠᠶᠠᠨ ᠪᠢᠰᠢ ᠴᠤ᠂ ᠮᠢᠨᠤ ᠪᠠᠭᠰᠢ
ᠭᠦᠴᠢᠷ ᠲᠤ ᠰᠥᠭᠦᠷᠡᠳᠡᠭ᠌ ᠦᠭᠡᠶ ᠡᠷᠡᠰ ᠴᠢᠨᠠᠷ ᠢ
ᠮᠢᠨᠤ ᠵᠢᠷᠦᠭᠡᠨ ᠰᠤᠳᠠᠯ ᠳᠤ ᠠᠮᠢᠯᠠᠭᠤᠯᠤᠭᠰᠠᠨ ᠭᠠᠪᠢᠶᠠᠳᠠᠨ ᠭᠦᠮᠤᠨ
ᠡᠷᠡᠭᠡᠢ ᠴᠢᠨᠡᠭᠡᠨ ᠴᠤ ᠳᠡᠯᠡᠭᠡᠢ ᠶᠢ ᠭᠡᠷᠡᠯᠳᠦᠭᠦᠯᠭᠦ ᠵᠤᠯᠠ ᠮᠠᠳᠤ
ᠢᠳᠠ ᠬᠤᠮᠰᠬᠠᠨ ᠴᠤ ᠡᠷᠳᠡᠮᠳᠡᠨ ᠢ ᠡᠷᠭᠦᠭᠦ ᠱᠠᠳᠤ ᠪᠣᠯᠵᠤ
ᠡᠷᠭᠡ ᠡᠳ᠋ ᠤᠨ ᠠᠯᠢᠨ ᠶᠢᠡᠷ ᠴᠤ ᠳᠤᠯᠢᠮᠠᠭᠬᠠᠨ ᠪᠠᠭᠰᠢ ᠶᠢᠨ ᠠᠯᠪᠠᠨ ᠳᠤ
ᠰᠡᠳᠭᠢᠯ ᠳᠦᠭᠦᠷᠡᠩ ᠴᠤ ᠰᠠᠨᠠᠭᠠ ᠳᠤᠮᠳᠠᠭᠤᠷ ᠭᠦᠶᠦᠵᠤ ᠶᠠᠪᠣᠨᠠ
ᠰᠠᠷᠠᠨ ᠳᠠᠭᠢᠨᠢ ᠰᠢᠭ ᠥᠩᠭᠡᠳᠡᠨ ᠪᠢᠰᠢ ᠴᠤ ᠴᠠᠢ᠌ᠯᠭᠠᠨ ᠰᠡᠳᠭᠢᠯᠳᠠᠨ ᠤ ᠨᠢᠭᠡᠨ
ᠰᠦᠨᠢ ᠶᠢᠨ ᠵᠡᠭᠦᠳᠤᠨ ᠳᠤ ᠭᠡᠷᠡᠯ ᠶᠢᠡᠷ ᠢᠷᠡᠭ᠍ᠰᠡᠨ ᠮᠤᠩᠭ᠋ᠤᠯ ᠭᠡᠵᠢᠭ᠍ᠡᠳᠡᠨ ᠤ ᠨᠢᠭᠡᠨ
ᠰᠠᠨᠠᠵᠤ ᠨᠡᠢ᠌ᠯᠡᠭᠦ ᠶᠢᠷᠳᠢᠠᠴᠤ ᠶᠢᠨ ᠵᠢᠮᠠ ᠪᠠᠷ ᠨᠠᠳᠠ ᠲᠡᠶ ᠬᠠᠮᠳᠤ
ᠴᠠᠮᠬᠠᠭ ᠬᠠᠢ᠌ᠭᠰᠠᠨ ᠣᠷᠳᠤ ᠠᠶᠠᠨ ᠳᠤ ᠳᠦᠷᠦᠭᠡ ᠬᠠᠷᠰᠢᠭᠤᠯᠵᠤ ᠶᠠᠪᠣᠨᠠ
ᠭᠡᠯᠡ ᠮᠢᠨᠢ ᠭᠡᠵᠤ ᠪᠣᠷᠬᠠᠨ ᠬᠠᠯᠳᠤᠨ ᠤ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠭᠡ ᠰᠢᠭ᠌
ᠬᠤᠷᠸᠠ ᠳᠤ ᠬᠤᠤᠰ ᠦᠭᠡᠶ ᠭᠠᠢ᠌ᠬᠠᠮᠰᠢᠭ ᠤᠨ ᠳᠡᠭᠡᠳᠤ
ᠭᠡᠷᠡᠮ ᠭᠡᠳᠡᠭ᠌ ᠭᠡᠵᠢᠶᠡᠨ ᠡᠴᠡ ᠪᠣᠰᠤᠭᠰᠠᠨ ᠬᠠᠰᠢᠵᠤ ᠢᠷᠡᠭᠦ ᠰᠢᠭᠤᠷᠭᠠ
ᠭᠡᠯᠡᠨ ᠤ ᠰᠠᠢ᠌ᠬᠠᠨ ᠶᠢᠡᠨ ᠭᠡᠨ ᠡᠴᠡ ᠴᠤ ᠨᠢᠭᠤᠯ ᠦᠭᠡᠶ ᠪᠢ ᠮᠠᠵᠤᠤᠯᠠᠨᠠ
ᠭᠡᠷᠡᠮ ᠤᠨ ᠦᠨᠳᠦᠷ ᠢ ᠭᠡᠨ ᠤ ᠣᠷᠰᠢᠭ ᠭᠡᠵᠤ ᠪᠢ ᠶᠠᠷᠢᠭᠯᠠᠬᠤ ᠦᠭᠡᠶ
ᠭᠡᠵᠢᠶᠡ ᠪᠣᠯᠤᠭᠰᠠᠨ ᠴᠤ ᠭᠡᠯᠡ ᠨᠢᠭᠡᠳᠡᠨ ᠭᠦᠮᠦᠰ᠂ ᠵᠢᠰᠤ ᠨᠢᠭᠡᠳᠡᠨ ᠪᠣᠯᠪᠠᠯ
ᠭᠡᠯᠡ ᠪᠠᠨ ᠭᠡᠯᠡᠵᠤ ᠴᠢᠳᠠᠬᠤ ᠡᠴᠦᠰ ᠤᠨ ᠭᠤᠨᠢᠭᠳᠠᠨ ᠪᠣᠯᠬᠤ ᠦᠭᠡᠶ ᠪᠠᠷ
ᠭᠡᠷᠡᠮ ᠢ ᠳᠠᠪᠠᠭᠰᠠᠨ ᠳᠡᠷᠢᠭᠦᠨ ᠤ ᠡᠩᠨᠡᠭᠡᠨ ᠳᠤ ᠬᠤᠰᠢᠭᠤᠴᠢᠯᠠᠵᠤ ᠴᠢᠳᠠᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠣᠷᠭᠢᠯᠤᠮᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2634
ᠴᠠᠭ᠄ 2010 ᠤᠨ ᠤ 10 ᠰᠠᠷᠠ ᠶᠢᠨ 30
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ