☆ ᠥᠭᠡᠯᠡᠳ·ᠣ·ᠪᠠᠭᠠᠳᠤᠷ
ᠡᠵᠢ ᠶᠢᠨ ᠬᠠᠢ᠌ᠷᠠ
1
ᠡᠵᠢ ᠶᠢᠨ ᠬᠠᠢ᠌ᠷᠠ ᠭᠡᠵᠤ
ᠡᠯᠢᠭᠡᠰᠡᠭ᠌ ᠬᠤᠷᠸᠠ ᠶᠢᠨ ᠳᠠᠭᠤᠤ ᠪᠠᠢ᠌ᠵᠠᠢ
ᠡᠯᠢᠭᠡ ᠪᠦᠳᠤᠨ ᠠᠮᠢᠳᠤᠷᠠᠯ ᠳᠤ ᠣᠶᠠᠩᠭ᠋ᠠᠷᠠᠭᠰᠠᠨ
ᠥᠭ᠍ᠭᠢᠶᠡᠮᠦᠷ ᠰᠡᠳᠬᠢᠯ ᠤᠨ ᠴᠤᠤᠷᠢᠶᠠ ᠪᠠᠢ᠌ᠵᠠᠢ
ᠠᠷᠪᠠᠨ ᠰᠠᠷᠠ ᠭᠡᠳᠡᠰᠤᠨ ᠳᠡᠭᠡᠨ ᠳᠡᠭᠡᠭᠡᠵᠤ᠂
ᠠᠩᠭᠢᠷ ᠣᠭᠤᠷᠠᠭ ᠶᠢᠡᠨ ᠰᠢᠮᠡᠭᠦᠯᠤᠨ ᠥᠰᠭᠡᠵᠤ
ᠡᠮᠨᠡᠭ᠌ ᠤᠨ ᠳᠦᠷᠦᠭᠡᠨ ᠳᠤ ᠭᠦᠯ ᠢ ᠮᠢᠨᠢ ᠭᠦᠷᠭᠡᠵᠤ
ᠡᠷᠡ ᠵᠠᠯᠠᠭᠤ ᠭᠡᠳᠡᠭ᠌ ᠠᠯᠳᠠᠷ ᠢ ᠮᠢᠨᠢ ᠲ᠋ᠠᠭᠤᠳᠠᠭᠤᠯᠤᠭᠰᠠᠨ
ᠡᠨᠡᠷᠢᠯ ᠶᠡᠭᠡᠳᠤ ᠡᠵᠢ ᠶᠢᠨ ᠴᠠᠢ᠌ᠯᠭᠠᠨ ᠰᠠᠨᠠᠭᠠ
ᠠᠨᠠᠪᠠᠤᠨ ᠶᠡᠭᠡ ᠳᠠᠯᠠᠢ ᠪᠠᠢ᠌ᠵᠠᠢ
ᠦᠷᠡ ᠶᠢᠨ ᠵᠠᠶᠠᠭᠠᠨ ᠳᠤ ᠮᠥᠩᠭᠡᠵᠢᠭ᠍ᠰᠡᠨ
ᠦᠷᠦᠪᠴᠢᠭᠡᠨ ᠰᠡᠳᠭᠢᠯ ᠤᠨ ᠪᠣᠷᠬᠠᠨ ᠪᠠᠢ᠌ᠵᠠᠢ ︕
2
ᠡᠵᠢ ᠶᠢᠨ ᠬᠠᠢ᠌ᠷᠠ ᠭᠡᠵᠤ
ᠳᠡᠯᠭᠡᠷ ᠠᠭᠤᠳᠠᠮ ᠬᠠᠩᠭ᠋ᠠᠢ ᠪᠠᠢ᠌ᠵᠠᠢ
ᠡᠩᠭᠦᠷᠡᠢ ᠦᠷᠡ ᠪᠠᠨ ᠳᠤᠭᠯᠠᠭᠤᠯᠤᠭᠠᠤᠨ ᠥᠰᠭᠡᠭ᠍ᠰᠡᠨ
ᠳᠠᠩᠴᠤ ᠭᠤᠶᠤᠬᠠᠨ ᠴᠡᠴᠡᠷᠯᠢᠭ᠌ ᠪᠠᠢ᠌ᠵᠠᠢ
ᠨᠤᠳᠤᠭ ᠤᠨ ᠳᠤᠭᠤᠰᠤᠨ ᠳᠤ ᠳᠠᠷᠤᠭᠳᠠᠨ
ᠨᠠᠷᠠᠳᠤ ᠶᠢᠨ ᠵᠠᠢ ᠳᠤ ᠵᠢᠷᠭᠠᠵᠤ᠂
ᠣᠢ᠌ᠯᠠᠰ ᠤᠨ ᠰᠠᠢ᠌ᠬᠠᠨ ᠢ ᠪᠦᠳᠦᠭᠡᠵᠤ
ᠢᠳᠡᠭᠡᠯ ᠳᠦᠭᠦᠷᠡᠩ ᠪᠠᠶᠠᠰᠴᠤ ᠶᠠᠪᠣᠬᠤ ᠳᠤ
ᠨᠢᠩᠵᠢᠨ ᠰᠡᠳᠬᠢᠯ ᠲᠡᠶ ᠡᠵᠢ ᠶᠢᠨ ᠬᠠᠢ᠌ᠷᠠ ᠭᠡᠵᠤ
ᠨᠠᠳᠠ ᠳᠠᠭᠠᠨ ᠵᠠᠶᠠᠭᠠᠭᠰᠠᠨ ᠨᠠᠷᠠ ᠪᠠᠢ᠌ᠵᠠᠢ
ᠪᠣᠭᠤᠨᠢ ᠪᠣᠳᠤᠯ ᠢ ᠮᠢᠨᠢ ᠭᠡᠭᠡᠷᠡᠭᠦᠯᠦᠭ᠍ᠰᠡᠨ
ᠪᠣᠷᠬᠠᠨ ᠪᠠᠭᠰᠢ ᠶᠢᠨ ᠢᠪᠠᠭᠡᠯ ᠪᠠᠢ᠌ᠵᠡᠢ᠃
3
ᠡᠵᠢ ᠶᠢᠨ ᠬᠠᠢ᠌ᠷᠠ ᠭᠡᠵᠤ
ᠴᠠᠯᠭᠢᠷᠠᠭᠰᠠᠨ ᠴᠠᠭᠠᠨ ᠰᠥ᠋ ᠪᠠᠢ᠌ᠵᠠᠢ
ᠡᠨᠡ ᠬᠤᠷᠸᠠ ᠳᠤ ᠦᠷᠡ ᠪᠠᠨ ᠭᠡᠰᠡᠨ
ᠴᠠᠢ᠌ᠯᠭᠠᠨ ᠰᠠᠨᠠᠭᠠᠨ ᠤ ᠤᠶᠠᠩᠭᠠ ᠪᠠᠢ᠌ᠵᠠᠢ᠂
ᠬᠤᠯᠠ ᠶᠢᠨ ᠭᠦᠰᠡᠯ ᠳᠤ ᠮᠢᠨᠢ ᠴᠠᠮᠬᠠᠭ ᠪᠣᠯᠵᠤ
ᠬᠤᠷᠸᠠ ᠶᠢᠨ ᠰᠠᠢ᠌ᠬᠠᠨ ᠢ ᠨᠠᠳᠠ ᠳᠠᠭᠠᠨ ᠣᠯᠭᠤᠵᠤ
ᠬᠠᠯᠠᠭᠤᠨ ᠭᠦᠢᠳᠡᠨ ᠳᠤ ᠮᠢᠨᠢ ᠰᠡᠳᠭᠢᠯ ᠶᠢᠡᠨ ᠵᠥᠳᠡᠭᠡᠵᠤ
ᠬᠠᠳᠠᠭᠤ ᠣᠴᠠᠷᠠᠯ ᠳᠤ ᠮᠢᠨᠢ ᠬᠠᠢ᠌ᠷᠠ ᠪᠠᠨ ᠢᠪᠠᠭᠡᠭ᠍ᠰᠡᠨ
ᠮᠤᠩᠭ᠋ᠤᠯ ᠤᠨ ᠠᠭᠤᠳᠠᠮ ᠳᠠᠯᠠ ᠪᠠᠢ᠌ᠵᠠᠢ
ᠮᠥᠩᠭᠡ ᠳᠡᠭ᠍ᠷᠢ ᠶᠢᠨ ᠳ᠋ᠠᠷᠠᠭᠢ ᠡᠭᠡ ᠪᠠᠢ᠌ᠵᠠᠢ ︕
4
ᠡᠵᠢ ᠶᠢᠨ ᠬᠠᠢ᠌ᠷᠠ ᠭᠡᠵᠤ
ᠰᠠᠢ᠌ᠷᠠᠮ ᠤᠨ ᠳᠤᠩᠭ᠋ᠠᠯᠠᠭ ᠨᠠᠭᠤᠷ ᠪᠠᠢ᠌ᠵᠠᠢ
ᠨᠠᠭᠤᠷ ᠤᠨ ᠳᠤᠮᠳᠠ ᠣᠮᠪᠠᠭᠰᠠᠨ
ᠨᠤᠭᠤᠰᠤᠨ ᠤ ᠵᠤᠯᠵᠠᠭᠠ ᠨᠢ ᠪᠢ ᠪᠠᠢ᠌ᠵᠠᠢ
ᠠᠯᠳᠠᠨ ᠳᠡᠯᠡᠭᠡᠢ ᠶᠢᠨ ᠦᠷᠤ ᠳᠡᠭᠡᠷᠡ
ᠠᠵᠠ ᠵᠢᠷᠭᠠᠯ ᠡᠳ᠋ᠯᠡᠵᠤ ᠶᠠᠪᠣᠬᠤ ᠳ᠋ᠠᠭᠠᠨ
ᠡᠵᠢ ᠶᠢᠨ ᠬᠠᠢ᠌ᠷᠠ ᠶᠢᠨ ᠳᠡᠭ᠍ᠷᠢ ᠳᠤ ᠪᠢ
ᠣᠳᠤ ᠪᠣᠯᠵᠤ ᠭᠡᠷᠡᠯᠳᠦᠵᠤ ᠶᠠᠪᠣᠭᠰᠠᠨ ᠶᠤᠮ
ᠰᠤᠳᠤ ᠪᠣᠯᠵᠤ ᠭᠢᠯᠠᠷᠠᠵᠤ ᠶᠠᠪᠣᠭᠰᠠᠨ ᠶᠤᠮ ︕
ᠡᠵᠢ ᠶᠢᠨ ᠬᠠᠢ᠌ᠷᠠ ᠭᠡᠵᠤ
ᠣᠯᠳᠠᠰᠢ ᠦᠭᠡᠶ ᠣᠷᠬᠤᠳᠠᠢ ᠪᠠᠢ᠌ᠵᠠᠢ
ᠦᠷᠡ ᠶᠢᠨ ᠰᠡᠳᠭᠢᠯ ᠳᠤ ᠮᠥᠩᠭᠡᠷᠡᠭ᠍ᠰᠡᠨ
ᠠᠷᠢᠭᠤᠨ ᠰᠢᠳᠦᠭᠡᠨ ᠤ ᠪᠦᠷᠢᠯᠸᠡ ᠪᠠᠢ᠌ᠵᠠᠢ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠠᠵᠢᠶᠠᠩ᠂ ᠪᠣᠷᠤᠳᠠᠯᠠ
ᠵᠤᠬᠢᠶᠠᠭᠴᠢ᠄ ᠥᠭᠡᠯᠡᠳ·ᠣ·ᠪᠠᠭᠠᠳᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4784
ᠴᠠᠭ᠄ 2012 ᠤᠨ ᠤ 03 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ