ᠬᠠᠩᠭ᠋ᠠᠢ ᠶᠢᠨ ᠰᠤᠭᠤ ᠰᠢᠭ᠌ ᠳᠦᠷᠭᠦ ᠶᠢ ᠴᠢᠨᠢ

ᠬᠠᠷᠠᠨ ᠳᠤᠤᠷ᠎ᠠ ᠪᠠᠨ ᠳᠤᠭᠤᠯ᠎ᠠ ᠪᠢ

ᠬᠠᠮᠤᠭ ᠢ ᠠᠳᠠᠭᠠᠷᠬᠠᠭᠤᠯᠤᠮ᠎ᠠ ᠬᠠᠢ᠌ᠷ᠎ᠠ ᠶᠢ ᠴᠢᠨᠢ

ᠬᠠᠯᠠᠭᠤᠬᠠᠨ ᠰᠡᠳᠬᠢᠯ ᠳᠡᠭᠡᠨ ᠰᠢᠩᠭᠡᠭᠡᠯ᠎ᠡ ᠪᠢ

ᠳᠤᠷᠠᠯᠠᠨᠠᠮ ᠭᠡᠵᠤ ᠳᠤᠷᠠᠯᠠᠭᠰᠠᠨ ᠶᠤᠮ ᠴᠢᠮ᠎ᠠ ᠳᠠᠭᠠᠨ

ᠳᠤᠮᠳᠠᠭᠤᠷ ᠪᠣᠰᠤ ᠪᠦᠭᠦ ᠰᠡᠳᠬᠢᠯ ᠶᠢᠡᠷ ᠶᠢᠡᠨ

ᠳᠤᠭᠣᠢ᠌ᠬᠠᠨ ᠰᠢᠷ᠎ᠠ ᠦᠬᠢᠨ ᠴᠢᠮ᠎ᠠ ᠲᠡᠶ ᠪᠠᠨ

ᠳᠤᠳᠠᠭᠤᠬᠠᠨ ᠬᠤᠷᠸ᠎ᠠ ᠶᠢ ᠭᠦᠢᠴᠡᠳᠭᠡᠭᠦ ᠪᠠᠷ ᠳᠤᠷᠯᠠᠭᠰᠠᠨ ᠶᠤᠮ

ᠢᠷᠡᠭᠡᠳᠦᠢ ᠶᠢᠨ ᠠᠮᠢᠳᠤᠷᠠᠯ ᠮᠢᠨᠢ

ᠢᠯᠴᠢ ᠴᠤᠭ ᠲᠡᠶ ᠪᠣᠯᠤᠭ ᠭᠡᠵᠤ

ᠢᠴᠢᠮᠡᠳᠡᠭᠡᠢ ᠰᠢᠷ᠎ᠠ ᠦᠬᠢᠨ ᠴᠢᠮ᠎ᠠ ᠲᠡᠶ

ᠢᠨᠠᠭᠯᠠᠨᠠᠮ ᠭᠡᠵᠤ ᠢᠨᠠᠭᠯᠠᠭᠰᠠᠨ ᠶᠤᠮ

ᠡᠭᠡᠯ ᠪᠡᠶ᠎ᠠ ᠮᠢᠨᠢ ᠦᠰᠴᠦ

ᠡᠷ᠎ᠡ ᠶᠢᠨ ᠴᠡᠭᠡᠯ ᠳᠤ ᠭᠦᠷᠦᠯ᠎ᠡ ᠭᠡᠵᠤ

ᠡᠶᠡᠯᠳᠡᠭ᠌ ᠳᠤᠳᠤᠨᠤᠬᠠᠨ ᠴᠢᠮ᠎ᠠ ᠪᠠᠨ

ᠡᠷᠳᠡᠯᠡᠵᠤ ᠪᠠᠭᠤᠯᠭᠠᠭᠰᠠᠨ ᠤ ᠮᠢᠨᠢ ᠣᠴᠢᠷ ᠶᠤᠮ

ᠮᠠᠯᠴᠢᠨ ᠠᠪᠣ ᠡᠵᠢ ᠡᠴᠡ ᠵᠠᠶᠠᠭᠠᠭᠰᠠᠨ ᠪᠣᠯᠪᠠᠴᠤ

ᠮᠠᠩᠨᠤᠭ ᠳᠠᠯ᠎ᠠ ᠳᠠᠭᠠᠨ ᠭᠢᠰᠭᠡᠭᠡ ᠦᠭᠡᠶ ᠴᠢ ᠮᠢᠨᠢ

ᠮᠠᠩᠬᠠᠨ ᠳᠦᠭᠡᠯᠳᠤ ᠶᠢᠨ ᠵᠤ᠋ ᠳᠡᠭᠡᠷ᠎ᠡ ᠥᠰᠦᠭ᠍ᠰᠡᠨ

ᠮᠠᠭᠵᠢᠭᠠᠷ ᠪᠣᠷᠤᠬᠠᠨ ᠨᠠᠮ᠎ᠠ ᠪᠠᠨ ᠳᠤᠷᠯᠠᠭᠤᠯᠠᠭᠰᠠᠨ

ᠴᠡᠩᠭᠡᠯ ᠨᠢᠷᠭᠡᠭᠡᠡᠳᠤ ᠴᠡᠮᠴᠡᠭᠡᠷ ᠬᠤᠳᠠ ᠶᠢᠨ

ᠴᠡᠭᠡᠯ ᠳᠤ ᠴᠢᠭᠯᠡᠭᠦᠯᠦᠭ᠍ᠰᠡᠨ ᠠᠷᠢᠭᠤᠬᠠᠨ ᠭᠦᠰᠡᠯᠡᠩ ᠶᠢᠡᠨ

ᠴᠡᠪᠠᠷᠭᠡᠨ ᠳᠠᠯ᠎ᠠ ᠳᠠᠭᠠᠨ ᠳᠤᠷ᠎ᠠ ᠪᠠᠷ ᠬᠦᠯᠭᠡᠵᠤ ᠥᠰᠦᠭ᠍ᠰᠡᠨ

ᠴᠡᠭᠡ ᠠᠢ᠌ᠷᠠᠭ ᠤᠨ ᠦᠨᠦᠷᠳᠤ ᠨᠠᠳᠠ ᠲᠡᠶ ᠬᠤᠯᠪᠣᠭᠰᠠᠨ

ᠦᠷᠭᠡᠨ ᠠᠭᠤᠳᠠᠮ ᠭᠦᠳᠡᠭᠡ ᠰᠢᠭ᠌ ᠰᠡᠳᠬᠢᠯ ᠲᠡᠶ

ᠦᠨᠳᠦᠷ ᠰᠦᠷᠯᠢᠭ᠌ ᠠᠭᠤᠯᠠ ᠰᠢᠭ᠌ ᠬᠠᠷᠠᠴᠠ ᠲᠡᠶ

ᠥᠩᠭᠡ ᠪᠣᠯᠢᠶᠠᠯᠳᠤᠮ᠎ᠠ ᠴᠡᠴᠡᠭ᠌ ᠰᠢᠭ᠌ ᠭᠤᠶᠤᠬᠠᠨ

ᠥᠭ᠍‍ᠭᠢᠶᠡᠮᠦᠷ ᠰᠡᠳᠭᠢᠯᠳᠤ ᠪᠦᠰᠡᠭᠦᠢ ᠴᠢᠮ᠎ᠠ ᠳᠠᠭᠠᠨ ᠪᠢ ᠬᠠᠢ᠌ᠷᠠᠳᠠᠢ

ᠣᠷᠴᠢᠯᠠᠩ ᠤᠨ ᠭᠦᠪᠠᠭᠦᠤᠨ ᠣᠯᠠᠨ ᠪᠣᠯᠪᠠᠴᠤ

ᠣᠠᠴᠠᠯᠢᠵᠤ ᠨᠠᠮ᠎ᠠ ᠪᠠᠨ ᠭᠦᠡᠳᠦᠳᠭᠡᠨ ᠬᠠᠢ᠌ᠷᠠᠯᠠᠭᠰᠠᠨ

ᠣᠶᠤᠳᠠᠨ ᠳᠠᠪᠢᠯᠠᠩ ᠶᠢᠡᠨ ᠣᠷᠭᠢᠵᠤ ᠶᠠᠪᠣᠭᠤᠯᠤᠭᠰᠠᠨ

ᠣᠠᠴᠠᠳᠠᠢ᠌ᠬᠠᠨ ᠳᠦᠷᠦᠭ᠍ᠰᠡᠨ ᠴᠢᠮ᠎ᠠ ᠳᠠᠭᠠᠨ ᠪᠢ ᠣᠠᠴᠠ ᠬᠠᠢ᠌ᠷᠠᠳᠠᠢ

ᠮᠠᠷᠭᠠᠰᠢ ᠶᠢᠨ ᠠᠮᠢᠳᠤᠷᠠᠯ ᠤᠨ ᠰᠠᠢ᠌ᠨ ᠰᠠᠢ᠌ᠬᠠᠨ ᠤ ᠲᠦᠯᠦᠭᠡ

ᠮᠠᠯᠴᠢᠨ ᠳᠤ ᠴᠤ ᠭᠡᠰᠡᠨ ᠮᠠᠰᠢᠠᠴᠢᠯᠠᠭᠰᠠᠨ ᠬᠤᠳᠠ ᠴᠤ ᠭᠡᠰᠡᠨ

ᠮᠠᠩᠨᠠᠢ ᠳᠡᠨᠢᠭᠡᠷ ᠠᠵᠠ ᠬᠤᠯᠪᠣᠵᠤ ᠶᠠᠪᠣᠭ᠎ᠠ

ᠮᠠᠠᠳᠤᠬᠤ ᠰᠠᠷᠠᠨ ᠮᠠᠳᠤ ᠴᠢᠮ᠎ᠠ ᠳᠠᠭᠠᠨ ᠪᠢ ᠮᠠᠰᠢ ᠬᠠᠢ᠌ᠷᠠᠳᠠᠢ

ᠡᠭᠢᠯᠡᠭᠦᠯᠦᠭ᠍ᠰᠡᠨ ᠠᠮᠢᠳᠤᠷᠠᠯ ᠮᠢᠨᠢ ᠡᠷᠴᠢ ᠲᠡᠶ ᠶᠠᠪᠣᠭᠳᠠᠳᠤᠭᠠᠢ ᠭᠡᠵᠤ

ᠡᠷᠳᠡᠯᠡᠨ ᠪᠣᠰᠴᠤ ᠣᠷᠤᠢ ᠣᠠᠳᠠᠵᠤ

ᠡᠪᠦᠳᠦᠭ᠌ ᠪᠣᠭᠢᠷᠠᠯ ᠦᠭᠡᠶ ᠬᠠᠮᠵᠢᠯᠴᠠᠵᠤ ᠶᠠᠪᠣᠭ᠎ᠠ

ᠡᠷᠭᠡ ᠰᠢᠷᠠᠬᠠᠨ ᠪᠦᠰᠡᠭᠦᠢ ᠴᠢᠮ᠎ᠠ ᠳᠠᠭᠠᠨ ᠪᠢ ᠡᠩ ᠦᠭᠡᠶ ᠬᠠᠢ᠌ᠷᠠᠳᠠᠢ

ᠠᠪᠣ ᠡᠵᠢ ᠶᠢᠨ ᠮᠢᠨᠢ ᠠᠯᠬᠤᠭᠰᠠᠨ ᠠᠷᠢᠭᠤᠨ ᠮᠦᠷ ᠢ

ᠠᠳᠠᠯᠠᠵᠤ ᠬᠠᠶᠠᠯ ᠦᠭᠡᠶ ᠣᠯᠠᠮᠵᠢᠯᠠᠵᠤ ᠶᠠᠪᠣᠭ᠎ᠠ

ᠠᠭᠠᠷ ᠲᠤ ᠳᠡᠭ᠍ᠳᠡᠭᠦ ᠴᠡᠮᠴᠡᠭᠡᠷ ᠴᠠᠭᠠᠨ ᠡᠭᠦᠯᠡᠨ ᠰᠢᠭ᠌

ᠠᠮᠷᠠᠭ ᠪᠦᠰᠡᠭᠦᠢ ᠴᠢᠮ᠎ᠠ ᠳᠠᠭᠠᠨ ᠪᠢ ᠠᠷᠭ᠎ᠠ ᠦᠭᠡᠶ ᠶᠡᠭᠡ ᠬᠠᠢ᠌ᠷᠠᠳᠠᠢ

ᠬᠠᠢ᠌ᠷᠠᠯᠠᠭᠰᠠᠨ ᠬᠠᠢ᠌ᠷ᠎ᠠ ᠶᠢᠨ ᠮᠢᠨᠢ ᠬᠠᠷᠢᠭᠤ ᠳᠤ

ᠬᠠᠢ᠌ᠮ᠎ᠠ ᠦᠭᠡᠶ ᠨᠢᠩᠵᠢᠭᠦᠨ ᠰᠡᠳᠬᠢᠯ ᠶᠢᠡᠷ ᠶᠢᠡᠨ

ᠬᠠᠪᠣᠷ ᠶᠢᠨ ᠣᠷᠢᠬᠠᠨ ᠰᠠᠯᠭᠢ ᠳᠠᠳᠠᠭᠤᠯᠤᠭᠰᠠᠭᠠᠷ

ᠬᠠᠭᠵᠠ ᠶᠢᠨ ᠨᠢᠯᠬ᠎ᠠ ᠨᠤᠭᠤᠭ᠎ᠠ ᠠᠮᠢᠯᠠᠭᠤᠯᠵᠤ

ᠬᠠᠨᠠᠠᠳᠤ ᠭᠡᠷ ᠤᠨ ᠮᠢᠨᠢ ᠬᠣᠢ᠌ᠮᠤᠷ ᠢ ᠳᠦᠭᠦᠷᠭᠡᠭᠦ

ᠬᠣᠢ᠌ᠰᠢᠳᠠ ᠶᠢᠨ ᠦᠶ᠎ᠡ ᠶᠢᠨ ᠮᠢᠨᠢ ᠣᠭ ᠳᠠᠭᠤᠳᠠᠭᠤᠯᠬᠤ

ᠬᠠᠷᠠᠬᠠᠨ ᠳᠤᠯᠤᠭᠠᠢ᠌ᠳᠤ ᠰᠢᠷᠠᠬᠠᠨ ᠭᠦᠤ ᠮᠡᠡᠳᠦᠯᠡᠭ᠍ᠰᠡᠨ

ᠬᠤᠩᠭ᠋ᠤᠷ ᠪᠦᠰᠡᠭᠦᠢ ᠴᠢᠮ᠎ᠠ ᠳᠠᠭᠠᠨ ᠪᠢ ᠨᠠᠩ ᠬᠠᠢ᠌ᠷᠠᠳᠠᠢ

ᠡ᠊ᠨᠳᠡᠭᠦᠷᠡᠯ ᠶᠡᠭᠡᠳᠡᠢ ᠡᠨᠡᠦᠭᠡᠨ ᠨᠠᠰᠤᠨ ᠳᠠᠭᠠᠨ

ᠡᠯᠳᠡᠪ ᠤᠨ ᠰᠠᠢ᠌ᠨ ᠰᠠᠢ᠌ᠬᠠᠨ ᠢ ᠡᠰᠡ ᠡᠳ᠋ᠯᠡᠭᠦᠯᠡᠨ ᠵᠢᠷᠭᠠᠭᠤᠯᠪᠠᠴᠤ

ᠡᠩ ᠦᠭᠡᠶ ᠶᠡᠭᠡ ᠦᠨᠡᠠᠴᠢ ᠴᠠᠢ᠌ᠯᠭᠠᠨ ᠰᠡᠳᠬᠢᠯ ᠶᠢᠡᠷ ᠶᠢᠡᠨ

ᠡᠩᠭᠦᠷᠡᠢ ᠬᠠᠢ᠌ᠷᠠᠳᠠᠢ ᠪᠦᠰᠡᠭᠦᠢ ᠴᠢᠮ᠎ᠠ ᠳᠠᠭᠠᠨ᠁

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ᠄ ᠰᠢᠠᠵᠢᠶᠠᠩ ᠤᠨ ᠪᠠᠶᠠᠠᠭᠤᠤᠯ ᠵᠸᠤ ᠶᠢᠨ ᠪᠠᠶᠠᠪᠣᠯᠠᠭ ᠪᠠᠯᠭᠠᠰᠤᠨ