☆ ᠰ·ᠠᠭᠤᠯᠠ
ᠠᠷᠤ ᠶᠢᠨ ᠴᠡᠩᠭᠡᠷ ᠣᠷᠤᠢ
ᠠᠷᠤ ᠶᠢᠨ ᠴᠡᠩᠭᠡᠷ ᠣᠷᠤᠢ ᠪᠠᠢ᠌ᠨᠠ
ᠠᠪᠣ ᠶᠢᠨ ᠨᠤᠳᠤᠭ ᠤᠨ ᠰᠠᠭᠢᠭᠤᠰᠤ ᠪᠢᠯᠠ
ᠠᠯᠢᠶᠠᠷᠬᠠᠵᠤ ᠨᠠᠭᠠᠳᠬᠤ ᠵᠢᠯᠡᠭ᠍ᠰᠢᠭ᠍ᠰᠡᠨ ᠪᠣᠳᠤᠯ ᠤᠳ ᠢ
ᠠᠢ᠌ᠯ ᠤᠨ ᠠᠷᠤ ᠵᠥᠭ᠌ ᠰᠠᠭᠠᠤᠨ ᠦᠭᠡᠶ ᠬᠤᠮᠢᠳᠠᠭ ᠪᠠᠢ᠌ᠯᠠ᠃
ᠠᠷᠤ ᠶᠢᠨ ᠴᠡᠩᠭᠡᠷ ᠣᠷᠤᠢ ᠪᠠᠢ᠌ᠨᠠ
ᠠᠯᠤᠰ ᠢ ᠪᠠᠷᠠᠯᠠᠬᠤ ᠱᠠᠳᠤ ᠪᠢᠯᠠ
ᠬᠤᠷᠭᠤᠳᠠᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠳᠤᠭᠳᠠᠵᠤ ᠶᠠᠳᠠᠬᠤ ᠬᠠᠷᠠᠭᠠ ᠶᠢ
ᠬᠤᠯᠠ ᠶᠢᠨ ᠣᠷᠤᠨ ᠵᠠᠢ ᠵᠥᠭ᠌ ᠬᠤᠴᠤᠷᠭᠠᠯ ᠦᠭᠡᠶ ᠭᠦᠳᠦᠯᠳᠡᠭ᠌ ᠪᠠᠢ᠌ᠯᠠ᠃
ᠠᠷᠤ ᠶᠢᠨ ᠴᠡᠩᠭᠡᠷ ᠣᠷᠤᠢ ᠪᠠᠢ᠌ᠨᠠ
ᠠᠮᠠᠷᠠᠭ ᠪᠣᠯᠵᠤᠭᠠᠨ ᠤ ᠪᠠᠭᠤᠴᠠ ᠪᠢᠯᠠ
ᠨᠠᠳᠬᠤᠭᠰᠠᠨ ᠨᠠᠳᠬᠤᠭᠠ ᠦᠭᠡᠶ ᠢᠨᠠᠭ ᠰᠡᠳᠭᠢᠯ ᠤᠳ
ᠨᠠᠮᠬᠠᠨ ᠡᠡᠩᠭᠡᠷ ᠲᠤ ᠴᠢᠨᠢ ᠰᠢᠪᠠᠨᠡᠯᠴᠡᠳᠡᠭ᠌ ᠪᠠᠢ᠌ᠯᠠ᠃
ᠠᠷᠤ ᠶᠢᠨ ᠴᠡᠩᠭᠡᠷ ᠣᠷᠤᠢ ᠪᠠᠢ᠌ᠨᠠ
ᠠᠭᠢᠯᠳᠠ ᠶᠢᠨ ᠰᠥᠮᠡᠭᠡᠷ ᠪᠠᠷᠠ ᠪᠢᠯᠠ
ᠠᠢ᠌ᠯ ᠤᠨ ᠮᠢᠨᠢ ᠰᠢᠨᠠᠳᠤᠯ ᠠᠢ᠌ᠯ ᠤᠨ ᠮᠢᠨᠢ ᠬᠤᠪᠢᠷᠠᠯ ᠢ
ᠠᠯᠠᠭ ᠬᠤᠷᠸᠠ ᠳᠤ ᠪᠢᠴᠢᠭᠯᠡᠭ᠍ᠰᠡᠨ ᠪᠠᠢ᠌ᠯᠠ᠃
ᠠᠷᠤ ᠶᠢᠨ ᠴᠡᠩᠭᠡᠷ ᠣᠷᠤᠢ ᠪᠠᠢ᠌ᠨᠠ
ᠠᠩᠭ᠋ᠠᠬᠠᠢ ᠬᠠᠢ᠌ᠷᠠ ᠶᠢᠨ ᠱᠤᠩ ᠪᠢᠯᠠ
ᠠᠰᠳᠠᠭᠠᠨ ᠨᠤᠳᠤᠭ ᠲᠤ ᠣᠢ᠌ᠯᠠᠰ ᠳᠡᠭᠡᠳᠦᠯᠡᠭᠦ ᠭᠦᠤ ᠶᠢᠨ
ᠠᠮᠠᠭᠠᠢ ᠬᠠᠳᠠᠭᠤ ᠬᠠᠢ᠌ᠷᠠ ᠶᠢᠨ ᠭᠢᠨᠢ ᠠᠷᠭᠠᠮᠵᠢᠶᠠ ᠪᠢᠯᠠ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠨᠢ᠋ᠮᠠᠨ ᠬᠤᠰᠢᠭᠤᠨ ᠤ ᠣᠰᠤᠨ ᠤ ᠶᠠᠪᠣᠳᠠᠯ ᠤᠨ ᠳᠤᠪᠴᠢᠶᠠ
ᠵᠤᠬᠢᠶᠠᠭᠴᠢ᠄ ᠰ·ᠠᠭᠤᠯᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2626
ᠴᠠᠭ᠄ 2010 ᠤᠨ ᠤ 03 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ