☆ ᠬᠠᠰᠠᠭᠤᠯᠠ
ᠭᠡᠷ ᠲᠡᠭᠡᠨ ᠬᠠᠷᠢᠬᠤᠢ
ᠭᠡᠷ ᠲᠡᠭᠡᠨ ᠬᠠᠷᠢᠨᠠ ᠭᠡᠭ᠍ᠰᠡᠭᠡᠷ ᠣᠠᠳᠠᠬᠤ ᠨᠣᠢ᠌ᠷ ᠴᠤ ᠵᠠᠮᠬᠠᠷᠠᠨ ᠵᠢᠪᠬᠠᠷᠠᠵᠤ᠂ ᠨᠦᠷᠢ ᠶᠡᠭᠡ ᠪᠠᠶᠠᠰᠬᠤᠯᠠᠩ ᠴᠡᠭᠡᠵᠢᠨ ᠳᠤ ᠪᠠᠭᠳᠠᠮᠠ ᠦᠭᠡᠶ ᠬᠠᠯᠭᠢᠯᠠᠵᠤ᠂ ᠭᠡᠷ ᠭᠡᠰᠡᠨ ᠳᠠᠷᠠ ᠪᠣᠷᠬᠠᠨ ᠪᠣᠮᠪᠠ ᠶᠢᠨ ᠣᠷᠤᠨ ᠬᠠᠯᠠᠭᠤ ᠳᠦᠦᠭᠢᠭᠦᠯᠤᠨ ᠨᠢᠳᠤᠨ ᠳᠤ ᠳᠤᠮᠤᠷᠠᠨ ᠳᠤᠷᠮᠣᠢ᠌ᠨ ᠬᠠᠷᠠᠭᠳᠠᠬᠤ ᠰᠢᠭ ᠪᠣᠯᠵᠤ᠂ ᠵᠢᠭᠦᠷ ᠲᠡᠶ ᠯᠠ ᠪᠣᠯ ᠮᠦᠩᠭᠦᠨ ᠴᠡᠩᠭᠡᠷ ᠲᠡᠭᠷᠢ ᠪᠠᠷ ᠬᠠᠯᠢᠨ ᠳᠡᠭᠦᠯᠢᠨ ᠰᠤᠮᠤᠳᠠᠵᠤ᠂ ᠭᠡᠷ ᠤᠨ ᠶᠢᠡᠨ ᠳᠡᠭᠡᠷᠡ ᠡᠴᠠ ᠳᠠᠪᠢᠨ ᠳᠠᠪᠢᠨ ᠪᠠᠭᠤᠮᠠᠷ ᠨᠢᠯᠬᠠᠰᠠᠭ ᠠᠷᠢᠭᠤᠬᠠᠨ ᠳᠦᠷᠦᠭ᠍ᠳᠡᠯ ᠬᠠᠷᠭᠢᠯᠠᠨ ᠪᠠᠭᠤᠳᠠᠭ ᠰᠠᠨ᠃
ᠭᠡᠷ ᠭᠡᠵᠤ ᠭᠡᠯᠡᠭᠦ ᠳᠤ ᠯᠠ ᠠᠪᠣ ᠡᠵᠢ ᠬᠤᠶᠠᠷ ᠮᠢᠨᠢ ᠨᠢᠳᠤᠨᠡ ᠰᠦᠮᠠᠯᠵᠠᠨᠠᠮ᠃ ᠠᠯᠢ ᠡᠷᠳᠡᠨ ᠡᠴᠠ ᠬᠠᠷᠢᠵᠤ ᠣᠴᠢᠨᠠ ᠭᠡᠰᠡᠨ ᠰᠤᠷᠠᠭ ᠥᠭ᠍ᠴᠢᠭᠡᠭᠡᠳ᠂ ᠡᠳᠦᠷ ᠬᠤᠨᠤᠭ ᠶᠢᠡᠨ ᠳᠤᠭᠠᠯᠠᠨ ᠪᠠᠢ᠌ᠵᠤ᠂ ᠨᠤᠳᠤᠭ ᠤᠨ ᠶᠢᠡᠨ ᠭᠦᠳᠡᠩ ᠮᠠᠨᠠᠨ ᠳᠠᠳᠠᠭᠤᠯᠤᠭᠰᠠᠨ ᠪᠣᠭᠤᠷᠤᠯ ᠬᠠᠢ᠌ᠷᠬᠠᠤᠨ ᠢ ᠪᠠᠷᠠ ᠡᠴᠠ ᠨᠢ ᠡᠪᠭᠡᠨ ᠡᠪᠭᠡᠭ᠍ᠰᠡᠭᠡᠷ ᠡᠪᠦᠷ ᠬᠤᠷᠮᠤᠢ ᠳ᠋ᠤᠨᠢ ᠳᠤᠯᠤᠭᠠᠤᠨ ᠯᠠ ᠣᠴᠢᠬᠤ ᠳᠤ ᠨᠠᠷᠠ ᠵᠦᠪ ᠡᠷᠭᠢᠭ᠍ᠰᠡᠨ ᠨᠠᠯᠠᠭᠠᠷ ᠳᠤᠭᠤᠢ ᠳᠤ ᠪᠠᠢ᠌ᠷᠢᠯᠠᠭᠰᠠᠨ ᠬᠠᠰᠢᠶᠠ ᠬᠤᠷᠤᠭᠠ᠂ ᠭᠡᠷ ᠪᠠᠢ᠌ᠰᠢᠩ ᠮᠠᠨᠢ ᠭᠡᠭᠡ ᠳᠠᠳᠠᠨ ᠬᠠᠷᠠᠭᠳᠠᠵᠤ᠂ ᠭᠡᠷ ᠤᠨ ᠭᠢᠨᠢ ᠳᠤᠳᠤᠷᠠᠭᠢ ᠵᠣᠢ᠌ᠯᠠᠰ ᠴᠤ ᠭᠡᠪ ᠶᠢᠡᠷ ᠶᠢᠡᠨ ᠥᠵᠡᠭ᠍ᠳᠡᠭᠡᠳ ᠪᠠᠢ᠌ᠬᠤ ᠰᠢᠭ ᠪᠣᠯᠳᠠᠭ ᠶᠤᠮ᠃ ᠭᠡᠷ ᠲᠡᠭᠡᠨ ᠣᠷᠤᠬᠤ ᠳᠤ᠂ ᠡᠮᠡᠭᠡ᠂ ᠠᠪᠣ ᠡᠵᠢ ᠭᠤᠷᠪᠠᠭᠤᠯᠠ ᠮᠢᠨᠢ ᠠᠷᠭᠠᠯ ᠲᠦᠯᠡᠭᠡᠨ ᠤ ᠢᠯᠴᠢ ᠰᠠᠩ ᠭᠡᠯᠭᠡᠵᠤ (︖)᠂ ᠰᠦ᠋ ᠲᠡᠶ ᠴᠠᠢ᠌ᠨ ᠤ ᠦᠨᠦᠷ ᠭᠡᠷ ᠳᠦᠭᠦᠷᠡᠩ ᠬᠠᠩᠬᠤ ᠳᠠᠳᠠᠭᠤᠯᠵᠤ᠂ ᠬᠠᠪᠢᠷᠭᠠ᠂ ᠴᠢᠮᠦᠭᠡ᠂ ᠳᠤᠯᠤᠭᠠᠢ ᠭᠤᠷᠭᠤᠯᠳᠠᠢ᠂ ᠢᠷᠪᠢᠰ ᠤᠨ ᠳᠠᠪᠠᠭ᠂ ᠭᠤᠷᠠ (ᠰᠢᠷᠠᠭᠰᠠᠨ ᠪᠣᠤᠪᠣ) ᠫᠦᠩᠽᠢ ᠳᠦᠭᠦᠷᠡᠩ ᠣᠪᠣᠭᠠᠯᠠᠴᠢᠬᠠᠭᠰᠠᠨ ᠢᠳᠡᠭᠦᠯᠵᠤ ᠣᠤᠭᠤᠯᠭᠠᠬᠤ ᠭᠡᠵᠤ ᠰᠤᠢ᠌ᠳ ᠪᠣᠯᠵᠤ᠂ ᠬᠤᠯᠠ ᠶᠢᠨ᠂ ᠬᠤᠳᠠ ᠶᠢᠨ ᠰᠤᠨᠢᠨ ᠵᠠᠩᠭᠢ ᠰᠤᠨᠤᠰᠬᠤ ᠭᠡᠵᠤ ᠶᠠᠭᠠᠷᠠᠨᠠ᠃ ᠶᠠᠷᠠ ᠶᠢᠨ ᠪᠠᠷᠠ ᠬᠠᠷᠠᠭᠰᠠᠨ ᠡᠮᠡᠭᠡ ᠮᠢᠨᠢ ᠣᠷᠤ ᠪᠠᠨ ᠲᠦᠰᠢᠨ ᠱᠤᠮᠪᠣᠢ᠌ᠴᠢᠬᠠᠭᠰᠠᠨ ᠡᠷᠢᠭᠡ ᠪᠠᠨ ᠢᠮᠠᠷᠤᠨ ᠢᠮᠠᠷᠤᠨ ᠪᠠᠢ᠌ᠨ ᠪᠠᠢ᠌ᠨ ᠥᠭᠡ ᠬᠠᠪᠴᠢᠭᠤᠯᠤᠨᠠ᠃ ᠡᠪᠦᠯᠵᠢᠶᠡ ᠪᠠᠨ ᠳᠤᠭᠤᠷᠢᠭᠰᠠᠨ ᠮᠠᠯ ᠬᠠᠰᠢᠶᠠ ᠬᠤᠷᠤᠭᠠ ᠪᠠᠨ ᠳᠤᠭᠤᠷᠢᠨ ᠭᠤᠳᠤᠷ ᠭᠤᠳᠤᠷ ᠭᠢᠨ ᠡᠷᠭᠢᠯᠳᠦᠵᠤ᠂ ᠳᠡᠵᠢᠭᠡᠯ ᠭᠤᠷᠢᠳᠠᠭᠰᠠᠨ ᠬᠤᠪᠳᠤᠭ ᠬᠤᠨᠢᠳ ᠡᠭᠦᠳᠡᠨ ᠤ ᠡᠮᠦᠨᠡᠭᠦᠷ ᠡᠷᠭᠢᠯᠳᠤᠨ᠂ ᠪᠦᠯᠳᠦᠭᠡᠷ ᠰᠢᠷᠠ ᠨᠢᠳᠤ ᠪᠠᠨ ᠭᠢᠯᠠᠯᠵᠠᠭᠤᠯᠤᠨ᠂ ᠬᠠᠮᠠᠷ ᠶᠢᠡᠨ ᠱᠤᠤᠭᠢᠳᠠᠨᠠᠭᠤᠯᠤᠨ ᠣᠷᠤᠭᠤᠯ ᠠᠮᠠ ᠪᠠᠨ ᠳᠤᠯᠢᠶᠠᠯᠠᠨ ᠥᠩᠭᠡᠯᠵᠡᠨᠡ᠃ ᠭᠦᠭ᠍ᠰᠢᠨ ᠬᠠᠯᠳᠠᠷ ᠨᠤᠬᠠᠢ ᠮᠢᠨᠢ ᠭᠦᠷᠳᠡᠯᠡ ᠭᠦᠯᠦᠭᠡᠨ ᠨᠤᠬᠠᠢ᠌ᠨ ᠤᠨ ᠵᠠᠩ ᠣᠷᠤᠴᠢᠬᠠᠭᠰᠠᠨ ᠡᠭᠦᠳᠡᠨ ᠬᠠᠪᠢ ᠪᠠᠷ ᠣᠴᠣᠢ᠌ᠴᠢᠬᠠᠭᠰᠠᠨ ᠳᠤᠯᠤᠭᠠᠢ ᠳᠦᠷᠦᠭᠦᠤ ᠪᠠᠨ ᠢᠯᠪᠢᠭᠦᠯᠵᠤ᠂ ᠵᠠᠪᠠᠵᠢ ᠠᠮᠠ ᠪᠠᠨ ᠳᠠᠳᠠᠭᠤᠯᠵᠤ ᠡᠷᠭᠡᠯᠡᠭᠦᠯᠭᠦ ᠶᠢ ᠭᠤᠷᠢᠳᠠᠨ ᠳᠠᠮᠪᠠᠭᠠᠨᠠᠵᠤ᠂ ᠬᠠᠠᠵᠤ ᠢᠷᠮᠡᠭ᠍ᠳᠡᠨ ᠣᠠᠳᠠᠵᠤ ᠪᠠᠢ᠌ᠳᠠᠭ ᠴᠠᠰᠤ ᠴᠠᠭᠠᠨ ᠮᠤᠤᠷ ᠮᠢᠨᠢ ᠵᠠᠯᠬᠠᠭᠤᠳᠠᠢ᠌ᠬᠠᠨ ᠡᠪᠰᠢᠶᠡᠯᠭᠡᠵᠤ ᠰᠤᠨᠢᠶᠠᠴᠢᠬᠠᠭᠠᠤᠨ᠂ ᠬᠠᠵᠠᠭᠤᠳᠠ ᠳᠢᠭ᠌ ᠭᠡᠳᠡᠯᠡ ᠦᠰᠦᠷᠤᠨ ᠪᠠᠭᠤᠵᠤ ᠢᠷᠡᠭᠡᠳ ᠭᠠᠷ ᠭᠤᠤᠷ ᠦᠨᠦᠷᠯᠠᠨ ᠳᠤᠯᠢᠶᠠᠵᠤ᠂ ᠡᠪᠦᠷ ᠡᠩᠭᠡᠷ ᠥᠭᠡᠳᠡ ᠮᠠᠴᠤᠭᠠᠤᠨ ᠡᠵᠢ ᠪᠠᠷ ᠵᠠᠩᠳᠠᠷᠠᠭᠤᠯᠤᠨᠠ᠃
ᠬᠠᠮᠢᠭᠠ ᠡᠴᠠ ᠨᠢ ᠴᠤ ᠰᠢᠭᠡᠭ᠌ ᠠᠷᠭᠠᠯ ᠮᠤᠳᠤᠨ ᠲᠦᠯᠡᠭᠡᠨ ᠤ ᠳᠠᠰᠤᠯᠬᠠᠨ ᠦᠨᠦᠷ ᠬᠠᠩᠬᠤᠯᠠᠭᠠᠤᠨ ᠯᠠ᠂ ᠪᠣᠭᠤᠷᠤᠯ ᠤᠳ ᠤᠨ ᠮᠢᠨᠢ ᠬᠠᠢ᠌ᠷᠠ ᠡᠨᠡᠷᠢᠯ ᠪᠢᠯᠬᠠᠭᠰᠠᠨ ᠢᠯᠴᠢ ᠳᠦᠭᠡᠨᠡᠭᠡᠳ ᠯᠠ᠂ ᠰᠡᠳᠭᠢᠯ ᠴᠠᠳᠴᠤ᠂ ᠪᠠᠶᠠ ᠳᠠᠯᠪᠢᠭᠤᠷᠠᠨ ᠨᠢᠭᠡ ᠯᠠ ᠰᠠᠢ᠌ᠬᠠᠨ ᠪᠠᠢ᠌ᠳᠠᠭ ᠰᠠᠨ᠃
ᠨᠢᠭᠡ ᠮᠡᠳᠡᠭᠦ ᠳᠤ᠂ ᠭᠡᠷ ᠭᠡᠵᠤ ᠮᠦᠷᠦᠭᠡᠳᠦᠯ ᠪᠣᠯᠳᠠᠭ ᠶᠡᠭᠡ ᠭᠡᠢ᠌ᠷᠭᠡᠯ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠠᠢ᠌ᠪᠠ᠃ ᠣᠷᠤᠨ ᠳ᠋ᠤᠨᠢ ᠨᠢᠭᠡ ᠯᠠ ᠶᠡᠭᠡ ᠭᠤᠳᠤᠷᠠᠯ᠂ ᠭᠤᠨᠢᠭ᠂ ᠡᠵᠡᠭᠦᠢᠷᠡᠯ᠂ ᠡᠩᠰᠡᠷᠡᠭ᠍ᠰᠡᠨ ᠶᠡᠭᠡ ᠮᠦᠷᠦᠭᠡᠰᠦᠯ ᠡᠪᠭᠡᠷᠡᠨ ᠬᠣᠢ᠌ᠷᠠᠨ ᠥᠯᠡᠳᠡᠭ᠍ᠰᠡᠨ ᠪᠠᠢ᠌ᠪᠠ᠃ ᠡᠷᠭᠢᠭᠦ ᠪᠣᠭᠤᠷᠤᠯ ᠣᠷᠴᠢᠯᠠᠩ ᠤᠨ ᠡᠨᠡᠷᠢᠯ ᠦᠭᠡᠶ ᠶᠢ ᠶᠠᠭᠤ ᠭᠡᠭᠦᠪ ᠳ᠋ᠠ᠂ ᠨᠢᠭᠡ ᠮᠡᠳᠡᠭᠦ ᠳᠤ ᠡᠮᠡᠭᠡ ᠮᠢᠨᠢ᠂ ᠠᠪᠣ ᠮᠢᠨᠢ ᠪᠢᠳᠠ ᠪᠢᠳᠠᠨ ᠤ ᠪᠠᠨ ᠡᠯᠢᠭᠡ ᠶᠢ ᠭᠡᠳᠤ ᠭᠡᠳᠤ ᠡᠮᠳᠡᠯᠡᠨ ᠬᠣᠢ᠌ᠨᠠ ᠬᠣᠢ᠌ᠨᠠ ᠡᠴᠠ ᠪᠠᠨ ᠶᠠᠪᠣᠵᠤ ᠣᠳᠤᠯᠠ᠃ ᠡᠵᠢ ᠮᠢᠨᠢ ᠪᠢᠳᠠᠨ ᠤ ᠳᠡᠷᠭᠡᠳᠡ ᠢᠷᠠᠵᠤ ᠰᠠᠭᠤᠭᠰᠠᠨ᠃ ᠳᠡᠭᠡᠭᠡᠳ ᠯᠠ ᠳᠠᠷᠠ ᠭᠡᠷ ᠲᠡᠭᠡᠨ ᠬᠠᠷᠢᠨᠠ ᠭᠡᠳᠡᠭ᠌ ᠰᠠᠢ᠌ᠬᠠᠨ ᠮᠦᠴᠡ ᠨᠥᠭᠦᠤᠨ ᠳᠤᠷᠠᠳᠬᠠᠯ ᠪᠣᠯᠤᠨ ᠦᠯᠠᠳᠠᠵᠤ᠂ ᠨᠤᠳᠤᠭ ᠶᠢᠡᠨ ᠡᠷᠭᠢᠨᠡ ᠭᠡᠵᠤ ᠣᠨ ᠵᠢᠯ ᠥᠡᠵᠢᠭᠦᠯᠤᠨ ᠪᠠᠢ᠌ᠵᠤ᠂ ᠬᠠᠶᠠ ᠬᠠᠶᠠ ᠨᠢᠭᠡ ᠶᠠᠪᠣᠳᠠᠭ ᠪᠣᠯᠤᠭᠰᠠᠨ᠃ ᠡᠵᠡᠨ ᠦᠭᠡᠶ ᠭᠡᠷ ᠬᠠᠩᠬᠠᠢ᠌ᠵᠤ᠂ ᠮᠠᠯ ᠦᠭᠡᠶ ᠬᠠᠰᠢᠶᠠ ᠣᠩᠭ᠋ᠣᠢ᠌ᠵᠤ ᠬᠠᠷᠠᠯᠠᠭᠠᠤᠨ᠂ ᠪᠠᠯᠴᠢᠭᠡᠷ ᠢ ᠰᠤᠯᠠᠯᠠᠨᠠ ᠭᠡᠳ ᠮᠠᠯ ᠢ ᠨᠢ ᠪᠦᠷ ᠵᠠᠢ᠌ᠯᠠᠭᠤᠯᠴᠢᠬᠠᠭᠰᠠᠨ ᠪᠣᠯᠬᠤᠷ᠂ ᠬᠤᠨᠢ ᠢᠮᠠᠭᠠ᠂ ᠮᠤᠷᠢ ᠳᠡᠮᠡᠭᠡᠨ ᠤ ᠮᠦᠷ ᠣᠷᠤ ᠳᠠᠰᠤ ᠪᠠᠯᠠᠷᠠᠭᠠᠤᠨ ᠳᠠᠨᠢᠯ ᠳᠠᠰᠤᠯ ᠪᠣᠯᠤᠭᠰᠠᠨ ᠠᠠᠭᠤᠯᠠ ᠨᠢᠷᠤᠭᠤᠳ ᠮᠢᠨᠢ ᠬᠤᠪᠠᠬᠠᠢ᠌ᠷᠠᠵᠤ ᠬᠠᠷᠠᠭᠳᠠᠨᠠ᠃ ᠮᠠᠯ ᠤᠨ ᠮᠦᠷ ᠶᠢᠡᠷ ᠳᠤᠰᠤ ᠭᠤᠭᠤᠵᠢᠨᠠ ᠭᠡᠳᠡᠭ᠌ ᠦᠨᠡᠨ ᠠᠵᠢ᠃᠃ ᠣᠴᠢᠬᠤ ᠦᠭᠡᠶ ᠭᠡᠭᠦ ᠳᠤ ᠨᠤᠳᠤᠭ ᠰᠠᠨᠠᠭᠳᠠᠬᠤ ᠨᠢ ᠭᠡᠴᠡᠭᠦᠤ᠂ ᠣᠴᠢᠴᠢᠬᠠᠭᠠᠤᠨ ᠢᠷᠡᠭᠦ ᠪᠠᠷ ᠭᠡᠳᠤᠨ ᠡᠳᠦᠷᠵᠢᠨ ᠰᠡᠳᠭᠢᠯ ᠰᠢᠨᠠᠯᠠᠬᠤ ᠨᠢ ᠨᠠᠩ ᠭᠡᠴᠡᠭᠦᠤ᠃
ᠶᠠᠷᠤᠨᠢ ᠯᠠ᠂ ᠬᠠᠪᠣᠷ ᠤᠨ ᠠᠭᠤᠷ ᠣᠷᠤᠵᠤ᠂ ᠭᠦᠭᠦᠭᠡ ᠳᠤᠩᠭ᠋ᠤᠳᠬᠤ ᠦᠶᠡ ᠪᠣᠶᠤ ᠨᠠᠮᠤᠷ ᠤᠨ ᠵᠥᠭᠡᠯᠡᠭᠡᠨ ᠰᠠᠯᠭᠢ ᠰᠡᠷᠡᠭᠦᠤ ᠳᠠᠳᠠᠭᠤᠯᠤᠨ ᠰᠠᠪᠠᠯᠵᠠᠵᠤ᠂ ᠰᠢᠯᠢ ᠭᠦᠪᠴᠢ᠂ ᠠᠳᠠᠷᠠᠭᠠ ᠮᠦᠷᠭᠡ ᠬᠤᠩᠭ᠋ᠤᠷᠳᠠᠨ ᠰᠢᠷᠠᠯᠠᠭᠠᠤᠨ ᠯᠠ ᠢᠷᠡᠭᠦ ᠶᠢᠨ ᠦᠶᠡ ᠨᠤᠳᠤᠭ ᠪᠦᠷ ᠰᠠᠨᠠᠭᠳᠠᠭᠠᠤᠨ᠂ ᠳᠤᠭᠳᠠᠪᠣᠷᠢ ᠠᠯᠳᠠᠭᠤᠯᠤᠭᠠᠤᠨ᠂ ᠰᠡᠳᠭᠢᠯ ᠳᠡᠩᠰᠡᠯᠡᠭᠡᠳ ᠢᠷᠡᠭᠦ ᠪᠠᠷ ᠦᠪᠡᠷ ᠤᠨ ᠮᠠᠳᠠᠯ ᠦᠬᠡᠢ ᠣᠷᠤᠨ ᠭᠠᠷᠤᠨ 《ᠭᠠᠵᠠᠷ ᠨᠤᠳᠤᠭ ᠶᠢᠡᠨ ᠰᠠᠨᠠᠬᠤᠢ ᠳᠤ᠂ ᠭᠠᠩᠭ᠋ᠠᠨᠠᠨ ᠰᠠᠭᠤᠵᠤ ᠬᠠᠷᠠᠭᠳᠠᠨᠠ》 ᠭᠡᠮᠡᠨ ᠰᠠᠮ ᠰᠠᠮ ᠭᠡᠩᠰᠢᠭᠦ ᠳᠤ ᠠᠪᠣ ᠰᠠᠨᠠᠭᠳᠠᠵᠤ ᠪᠦᠷᠵᠢᠭᠡᠷ ᠦᠰᠦ ᠲᠡᠶ ᠳᠤᠯᠤᠭᠠᠢ ᠶᠢ ᠮᠢᠨᠢ ᠬᠠᠯᠠᠭᠤ ᠳᠦᠭᠡᠨᠡᠭ᠍ᠰᠡᠨ ᠵᠤᠵᠠᠭᠠᠨ ᠭᠠᠷ ᠪᠠᠷ ᠪᠠᠨ ᠡᠩᠭᠦᠷᠡᠢ᠌ᠯᠡᠨ ᠢᠯᠢᠵᠤ ᠪᠠᠢ᠌ᠭᠠ ᠰᠢᠭ ᠪᠣᠳᠤᠭᠳᠠᠨᠠ᠃
《ᠪᠣᠳᠤᠭᠳᠠᠨᠠ ᠳ᠋ᠠ᠂ ᠰᠠᠨᠠᠭᠳᠠᠨᠠ ᠳ᠋ᠠ》 ᠭᠡᠵᠤ ᠪᠠᠰᠠᠯᠠ ᠭᠡᠩᠰᠢᠨ ᠳᠠᠭᠤᠯᠠᠮᠠᠷ᠃ ᠭᠡᠷ ᠨᠤᠳᠤᠭ ᠶᠢᠡᠨ ᠭᠡᠵᠤ ᠭᠦᠰᠡᠵᠤ ᠮᠦᠷᠦᠭᠡᠳᠴᠤ᠂ ᠪᠠᠬᠠᠷᠬᠠᠵᠤ ᠰᠠᠨᠠᠵᠤ ᠶᠠᠪᠣᠳᠠᠭ ᠳᠠᠢ᠌ᠮᠤ ᠯᠠ ᠨᠢᠭᠡ ᠭᠦᠰᠡᠯᠡᠩ ᠮᠦᠷᠦᠭᠡᠳᠦᠯ ᠮᠢᠨᠤ ᠦᠶᠡ ᠳᠤ ᠳᠡᠭᠦᠰᠭᠡᠯ ᠶᠢᠡᠨ ᠣᠯᠬᠤ ᠣᠴᠢᠷ ᠲᠡᠶ ᠪᠠᠢ᠌ᠵᠢ ᠦᠦ ᠳ᠋ᠠ ᠭᠡᠵᠤ ᠪᠣᠳᠤᠬᠤᠯᠠᠷ ᠵᠢᠷᠦᠭᠡ ᠵᠢᠮᠵᠢᠭᠢᠨᠠᠨᠡ᠃ ᠽᠠᠮᠪᠣᠯᠢᠩ ᠬᠤᠷᠸᠠ ᠭᠡᠵᠢ ᠳ᠋ᠠ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠷᠠᠤᠨ ᠤᠨ ᠰᠢᠭᠦᠭᠦ ᠬᠤᠷᠢᠶᠠ
ᠵᠤᠬᠢᠶᠠᠭᠴᠢ᠄ ᠬᠠᠰᠠᠭᠤᠯᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6183
ᠴᠠᠭ᠄ 2012 ᠤᠨ ᠤ 02 ᠰᠠᠷᠠ ᠶᠢᠨ 04
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ