☆ ᠳᠤᠷᠵᠢ
ᠦᠣᠷ ᠳᠦᠰᠢᠭ᠍ᠰᠡᠨ ᠰᠠᠷᠠᠯ
ᠰᠢᠩᠭᠡᠷᠡᠭ᠍ᠰᠡᠨ ᠣᠳᠤᠨ ᠡᠴᠠ
ᠰᠤᠯᠢᠷ ᠰᠠᠭᠠᠵᠤ
ᠰᠢᠷᠳᠡᠭ᠍ᠰᠡᠨ ᠴᠤᠯᠮᠤᠨ ᠡᠴᠠ
ᠰᠤᠨᠤᠷ ᠬᠠᠢ᠌ᠵᠤ
ᠰᠢᠵᠢᠷᠳᠡᠭ᠍ᠰᠡᠨ ᠦᠣᠷ ᠤᠨ
ᠬᠠᠶᠠᠭᠠ ᠲᠦᠰᠢᠵᠤ
ᠰᠢᠨᠡᠷᠡᠭᠦ ᠡᠳᠦᠷ ᠤᠨ
ᠣᠶᠠᠭᠠ ᠳᠠᠢ᠌ᠯᠠᠵᠤ
ᠳᠠᠯᠠ ᠶᠢᠨ ᠳᠠᠢ᠌ᠪᠠᠩ
ᠦᠣᠷ ᠢ ᠠᠵᠢᠪᠠᠯ
ᠬᠤᠯᠠ ᠶᠢᠨ ᠳᠠᠪᠢᠯᠠᠩ
ᠨᠣᠢ᠌ᠷ ᠡᠴᠠ ᠰᠠᠷᠢᠨᠠ
ᠪᠠᠯᠴᠢᠭᠦ ᠰᠦᠷᠦᠭ᠌ ᠤᠨ
ᠠᠨᠢᠷ ᠲᠤ ᠭᠦᠪᠦᠵᠤ
ᠮᠠᠯᠵᠢᠬᠤ ᠨᠤᠳᠤᠭ ᠤᠨ
ᠦᠨᠦᠷ ᠲᠤ ᠬᠤᠨᠤᠵᠤ
ᠬᠤᠯᠵᠢᠬᠤ ᠦᠣᠷ ᠤᠨ
ᠲ᠋ᠠᠨᠤᠷ ᠲᠤ ᠰᠢᠨᠤᠵᠤ
ᠰᠥᠯᠵᠢᠭᠦ ᠮᠠᠷᠭᠠᠰᠢ ᠵᠢᠨ
ᠣᠨᠢᠶᠠᠷ ᠲᠤ ᠳᠤᠠᠵᠤ
ᠳᠠᠯᠠ ᠶᠢᠨ ᠳᠠᠢ᠌ᠪᠠᠩ
ᠦᠣᠷ ᠢ ᠠᠵᠢᠪᠠᠯ
ᠬᠤᠯᠠ ᠶᠢᠨ ᠳᠠᠪᠢᠯᠠᠩ
ᠨᠣᠢ᠌ᠷ ᠡᠴᠠ ᠰᠠᠷᠢᠨᠠ᠃
ᠭᠠᠷᠬᠤ ᠨᠠᠷᠠᠨ ᠨᠢ
ᠣᠨᠢᠶᠠᠷ ᠳᠠᠪᠠᠷᠴᠤ
ᠭᠠᠪᠠᠷ ᠲᠡᠶ ᠣᠰᠤᠯᠢᠭ
ᠠᠭᠠᠷ ᠣᠭᠤᠴᠢᠵᠤ
ᠭᠠᠯ ᠮᠠᠨᠠᠭᠰᠠᠨ
ᠣᠳᠤᠭᠠ ᠡᠷᠭᠦᠵᠤ
ᠭᠠᠠᠵᠤᠭᠠ ᠳᠦᠭᠦᠷᠡᠩ
ᠣᠬᠠᠭᠠ ᠳᠤᠮᠤᠵᠤ
ᠳᠠᠯᠠ ᠶᠢᠨ ᠳᠠᠢ᠌ᠪᠠᠩ
ᠦᠣᠷ ᠢ ᠠᠵᠢᠪᠠᠯ
ᠬᠤᠯᠠ ᠶᠢᠨ ᠳᠠᠪᠢᠯᠠᠩ
ᠨᠣᠢ᠌ᠷ ᠡᠴᠠ ᠰᠠᠷᠢᠨᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠠᠵᠢᠶᠠᠩ ᠬᠤᠪᠣᠭᠰᠠᠢ᠌ᠷᠢ ᠳᠡᠪᠠᠭᠡᠡᠤᠰᠤᠨ
ᠵᠤᠬᠢᠶᠠᠭᠴᠢ᠄ ᠳᠤᠷᠵᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 11948
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 02
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ