☆ ᠸᠠᠩ ᠰᠠᠷᠠᠭᠤᠯ
ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠳᠤᠮᠳᠠᠭᠢ ᠠᠪᠢᠶᠠ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠥᠭᠦᠯᠡᠭᠦ ᠨᠢ
ᠭᠢᠴᠢᠶᠡᠯᠡᠯᠭᠡ ᠶᠢᠨ ᠥᠭᠡᠷᠡᠴᠢᠯᠡᠯᠳᠡ ᠪᠦᠭᠦ ᠳᠠᠯᠠ ᠪᠠᠷ ᠶᠠᠪᠣᠭᠳᠠᠭᠰᠠᠨ ᠦᠨᠦᠳᠤᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠴᠤ ᠰᠢᠨᠡ ᠨᠢᠭᠡᠨ ᠬᠠᠭᠤᠳᠠᠰᠤ ᠶᠢ ᠳᠡᠯᠭᠡᠭ᠍ᠰᠡᠨ᠃ ᠣᠯᠤᠰ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠳᠤᠪᠴᠢᠶᠠᠨ ᠡᠴᠡ 2001 ᠣᠨ ᠡᠴᠡ ᠪᠦᠭᠦ ᠣᠯᠤᠰ ᠤᠨ ᠬᠤᠳᠠ᠂ ᠰᠢᠶᠠᠨ ᠤ ᠳᠠᠰ ᠤᠨ ᠰᠤᠷᠭᠠᠭᠤᠯᠢ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠭᠢᠴᠢᠶᠠᠯ ᠢ ᠨᠡᠭᠡᠭᠡᠭᠦ ᠭᠡᠷᠡᠭ᠍ᠳᠡᠢ ᠭᠡᠵᠤ ᠣᠷᠢᠶᠠᠯᠠᠭᠰᠠᠨ᠂ ᠡᠭᠦᠨ ᠤ ᠬᠠᠮᠳᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠭᠢᠴᠢᠶᠠᠯ ᠤᠨ ᠭᠤᠤᠯ ᠵᠤᠷᠢᠯᠭᠠ ᠪᠣᠯ ᠰᠤᠷᠤᠭᠴᠢ ᠶᠢᠨ ᠣᠷᠮᠠ ᠶᠢ ᠰᠡᠷᠭᠦᠭᠡᠭᠦ ᠪᠠᠷ ᠭᠤᠤᠯᠯᠠᠨ ᠠᠪᠢᠶᠠ ᠵᠢᠭᠠᠬᠤ ᠦᠭᠡᠶ ᠭᠡᠮᠡᠨ ᠳᠤᠳᠤᠷᠬᠠᠢ ᠳᠤᠷᠠᠳᠤᠨ ᠭᠠᠷᠭᠠᠭᠰᠠᠨ᠃ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠡᠮᠤᠨᠡ ᠹᠷᠤᠠᠲ᠋ ᠲᠤ ᠠᠵᠢᠯᠯᠠᠵᠤ ᠪᠠᠢ᠌ᠭᠠ ᠨᠢᠭᠡᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠪᠠᠭᠰᠢ ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠮᠢᠨᠤ ᠦᠵᠡᠯᠳᠠ ᠪᠣᠯ ᠵᠢᠭᠠᠬᠤ ᠴᠢᠬᠤᠯᠠᠳᠠᠢ᠃
ᠨᠢᠭᠡ᠂ ᠣᠳᠤᠭᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠳᠤ ᠳᠤᠯᠭᠠᠷᠠᠵᠤ ᠪᠠᠢ᠌ᠭᠠ ᠠᠰᠠᠭᠤᠳᠠᠯ᠄
ᠪᠣᠳᠠᠳᠠᠢ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠶᠠᠪᠣᠴᠠ ᠳᠤᠮᠳᠠ ᠳᠤᠯᠭᠠᠷᠠᠭᠰᠠᠨ ᠡᠡᠩᠭ᠍ᠯᠢ ᠭᠡᠯᠡ ᠰᠤᠷᠬᠤ ᠬᠠᠮᠤᠭ ᠡᠴᠠ ᠶᠡᠭᠡ ᠭᠦᠴᠢᠷᠳᠡᠢ ᠠᠰᠠᠭᠤᠳᠠᠯ ᠪᠣᠯ ᠠᠪᠢᠶᠠᠯᠠᠬᠤ ᠠᠰᠠᠭᠤᠳᠠᠯ ᠪᠣᠯᠤᠨᠠ᠃ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠢᠴᠢᠶᠡᠯᠡᠯᠭᠡ ᠳᠤ ᠠᠪᠢᠶᠠ ᠵᠢᠭᠠᠬᠤ ᠶᠢ ᠴᠢᠬᠤᠯᠠᠴᠢᠯᠠᠭᠰᠠᠨ ᠦᠭᠡᠶ ᠣᠴᠢᠷ ᠡᠴᠠ ᠰᠤᠷᠤᠭᠴᠢ ᠶᠢᠨ ᠠᠪᠢᠶᠠ ᠰᠤᠷᠬᠤ ᠪᠠ ᠣᠪᠣᠷ ᠨᠢ ᠠᠰᠠᠭᠤᠳᠠᠯ ᠲᠡᠶ ᠪᠠᠢ᠌ᠳᠠᠭ᠃
⒈ ᠭᠢᠳᠠᠤᠨ ᠭᠡᠯᠡ ᠪᠣᠶᠤ ᠡᠭᠡ ᠭᠡᠯᠡ ᠪᠠᠷ ᠶᠢᠡᠨ ᠣᠩᠰᠢᠯᠭᠠ ᠶᠢ ᠳᠡᠮᠳᠡᠭᠯᠡᠳᠡᠭ᠌᠃
ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠭᠦᠡᠳᠤ ᠥᠭᠡᠰ ᠤᠨ ᠣᠩᠰᠢᠯᠭᠠ ᠪᠠ ᠪᠢᠴᠢᠯᠭᠡ ᠨᠢ ᠵᠢᠮᠠ ᠶᠤᠰᠤ ᠲᠡᠶ ᠪᠠᠢ᠌ᠳᠠᠭ᠃ ᠭᠡᠪᠠᠴᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠠᠪᠢᠶᠠ ᠮᠡᠳᠡᠭᠦ ᠦᠭᠡᠶ ᠣᠴᠢᠷ ᠡᠴᠠ ᠦᠷᠭᠦᠯᠵᠢ ᠭᠢᠳᠠᠤᠨ ᠭᠡᠯᠡ ᠪᠣᠶᠤ ᠡᠭᠡ ᠭᠡᠯᠡ ᠪᠠᠷ ᠶᠢᠡᠨ ᠭᠦᠡᠳᠤ ᠥᠭᠡᠰ ᠤᠨ ᠣᠩᠰᠢᠯᠭᠠ ᠶᠢ ᠳᠡᠮᠳᠡᠭᠯᠡᠳᠡᠭ᠌᠃ ᠵᠢᠱᠢᠶᠠᠯᠠᠪᠠᠯ two ᠶ᠋ᠢ 兔 ᠭᠡᠵᠤ ᠳᠡᠮᠳᠡᠭᠯᠡᠭᠦ᠃ ᠡᠨᠡ ᠨᠢ ᠣᠩᠰᠢᠯᠭᠠ ᠶᠢ ᠪᠣᠷᠤᠭᠤ ᠡᠵᠡᠮᠰᠢᠭᠦ ᠪᠣᠶᠤ ᠭᠦᠡᠳᠤ ᠥᠭᠡᠰ ᠢ ᠪᠠᠳᠤ ᠡᠵᠡᠮᠰᠢᠵᠤ ᠳᠡᠢ᠌ᠯᠭᠦ ᠦᠭᠡᠶ ᠥᠵᠡᠭ᠍ᠳᠡᠯ ᠢ ᠪᠣᠢ ᠪᠣᠯᠭᠠᠨ᠂ ᠵᠢᠭᠠᠨ ᠰᠤᠷᠭᠠᠯᠳᠠ ᠳᠤ ᠬᠠᠷᠰᠢ ᠰᠠᠭᠠᠤᠨ ᠣᠴᠠᠷᠠᠭᠤᠯᠳᠠᠭ᠃
⒉ ᠭᠦᠡᠳᠤ ᠥᠭᠡᠰ ᠤᠨ ᠣᠩᠰᠢᠯᠭᠠ ᠶᠢ ᠪᠠᠳᠤ ᠡᠵᠡᠮᠰᠢᠵᠤ ᠳᠡᠢ᠌ᠯᠭᠦ ᠦᠭᠡᠶ᠃
ᠠᠪᠢᠶᠠᠨ ᠤ ᠳᠦᠷᠢᠮ ᠢ ᠮᠡᠳᠡᠭᠦ ᠦᠭᠡᠶ ᠣᠴᠢᠷ ᠡᠴᠠ ᠭᠦᠡᠳᠤ ᠥᠭᠡᠰ ᠢ ᠴᠡᠭᠡᠵᠢᠯᠡᠭᠦ ᠣᠷᠮᠠ ᠨᠢ ᠳᠤᠤᠷᠠ᠂ ᠬᠤᠷᠳᠤᠴᠠ ᠨᠢ ᠣᠳᠠᠭᠠᠨ ᠪᠠᠢ᠌ᠳᠠᠭ ᠡᠴᠠ ᠪᠠᠳᠤ ᠡᠵᠡᠮᠰᠢᠵᠤ ᠳᠡᠢ᠌ᠯᠭᠦ ᠦᠭᠡᠶ ᠥᠭᠦᠮᠡᠯ ᠶᠢᠡᠷ ᠴᠡᠭᠡᠵᠢᠯᠡᠳᠡᠭ᠌᠃
⒊ ᠰᠤᠷᠬᠤ ᠣᠷᠮᠠ ᠶᠢ ᠨᠢ ᠬᠠᠷᠰᠢᠯᠠᠵᠤ᠂ ᠡᠵᠡᠨ ᠮᠠᠳᠠᠵᠤ ᠦᠪᠠᠰᠤᠪᠠᠨ ᠰᠤᠷᠬᠤ ᠴᠢᠳᠠᠪᠣᠷᠢ ᠶᠢ ᠨᠢ ᠬᠠᠷᠰᠢᠯᠠᠳᠠᠭ᠃
ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠠᠯᠢᠪᠠ ᠣᠴᠢᠷ ᠲᠤ ᠰᠤᠨᠢᠭᠤᠴᠢ ᠴᠢᠨᠠᠷ ᠲᠡᠶ ᠪᠠᠢ᠌ᠳᠠᠭ᠂ ᠭᠡᠪᠠᠴᠤ ᠠᠪᠢᠶᠠᠯᠠᠬᠤ ᠳᠦᠷᠢᠮ ᠢ ᠮᠡᠳᠡᠭᠦ ᠦᠭᠡᠶ ᠠᠪᠢᠶᠠ ᠰᠤᠷᠤᠭᠰᠠᠨ ᠦᠭᠡᠶ ᠵᠥᠪᠭᠡᠨ ᠪᠠᠭᠰᠢ ᠳᠤ ᠳᠦᠰᠢᠭᠯᠡᠳᠡᠭ᠌ ᠣᠴᠢᠷ ᠡᠴᠠ ᠰᠤᠷᠬᠤ ᠣᠷᠮᠠ ᠨᠢ ᠬᠤᠭᠤᠷᠠᠵᠤ ᠢᠳᠠᠪᠭᠢᠵᠢᠯ ᠨᠢ ᠳᠤᠤᠷᠠ ᠪᠣᠯᠳᠠᠭ ᠡᠴᠠ ᠨᠠᠩ ᠴᠤ ᠣᠷᠢᠳᠴᠢᠯᠠᠨ ᠰᠤᠷᠬᠤ᠂ ᠡᠵᠡᠨ ᠮᠠᠳᠠᠵᠤ ᠰᠤᠷᠬᠤ ᠵᠤᠷᠢᠭ ᠦᠭᠡᠶ ᠪᠣᠯᠳᠠᠭ᠃
ᠬᠤᠶᠠᠷ᠄ ᠠᠪᠢᠶᠠ ᠵᠢᠭᠠᠬᠤ ᠶᠢᠨ ᠴᠢᠬᠤᠯᠠ ᠴᠢᠨᠠᠷ᠄
⒈ ᠰᠤᠷᠤᠭᠴᠢ ᠶᠢᠨ ᠰᠤᠷᠬᠤ ᠣᠷᠮᠠ ᠶᠢ ᠭᠦᠭ᠍ᠵᠢᠭᠡᠭᠦ᠃
ᠡᠡᠩᠭ᠍ᠯᠢ ᠭᠡᠯᠡ ᠰᠤᠷᠬᠤ ᠶᠠᠪᠣᠴᠠ ᠨᠢ ᠳᠦᠭᠦᠮ ᠶᠢᠡᠷ ᠶᠠᠷᠢᠵᠤ ᠢᠯᠡᠳᠭᠡᠭᠦ ᠡᠴᠡ ᠠᠭᠠᠵᠢᠮ ᠶᠢᠡᠷ ᠰᠤᠨᠤᠰᠬᠤ᠂ ᠶᠠᠷᠢᠬᠤ᠂ ᠣᠩᠰᠢᠬᠤ᠂ ᠪᠢᠴᠢᠭᠦ ᠵᠥᠭ᠌ ᠭᠦᠡᠵᠡᠭᠡᠢ᠌ᠷᠡᠵᠤ᠂ ᠠᠭᠤᠯᠭᠠ ᠨᠢ ᠴᠤ ᠬᠤᠪᠢᠷᠠᠯᠳᠠ ᠭᠠᠷᠳᠠᠭ᠃ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠰᠢᠨᠡ ᠰᠡᠪᠠᠭᠦᠨ ᠶᠠᠭᠤᠮᠠ ᠳᠤ ᠰᠤᠨᠢᠭᠤᠴᠢ ᠵᠠᠩ ᠲᠡᠶ ᠮᠦᠷᠳᠡᠭᠡᠨ ᠣᠢ᠌ᠯᠠᠭᠠᠵᠤ ᠮᠡᠳᠡᠭᠦ ᠪᠠᠷ ᠣᠷᠤᠯᠳᠠᠳᠠᠭ᠃ ᠭᠡᠪᠠᠴᠤ ᠠᠪᠢᠶᠠ ᠮᠡᠳᠡᠭᠦ ᠦᠭᠡᠶ ᠡᠴᠡ ᠬᠠᠷᠰᠢ ᠰᠠᠭᠠᠤᠨ ᠣᠴᠠᠷᠠᠳᠠᠭ ᠮᠦᠷᠳᠡᠭᠡᠨ ᠣᠯᠠᠩᠭᠢ ᠰᠤᠷᠤᠭᠴᠢ ᠪᠠᠭᠰᠢ ᠳᠤ ᠳᠦᠰᠢᠭᠯᠡᠵᠤ ᠪᠠᠭᠰᠢ ᠵᠢᠭᠠᠬᠤ ᠶᠢ ᠭᠦᠯᠢᠶᠡᠨ ᠠᠯᠵᠠᠭᠤ ᠵᠠᠩ ᠲᠡᠶ ᠪᠣᠯᠳᠠᠭ᠃ ᠭᠡᠷᠪᠡ ᠠᠪᠢᠶᠠ ᠶᠢ ᠡᠵᠡᠮᠰᠢᠭᠦᠯᠦᠭ᠍ᠰᠡᠨ ᠪᠣᠯ ᠰᠤᠷᠤᠭᠴᠢ ᠠᠪᠢᠶᠠ ᠶᠢ ᠠᠰᠢᠭᠯᠠᠨ ᠭᠦᠡᠳᠤ ᠥᠭᠡᠰ ᠤᠨ ᠣᠩᠰᠢᠯᠭᠠ ᠶᠢ ᠡᠵᠡᠮᠰᠢᠭᠦ ᠪᠠᠷ ᠦᠯᠦ ᠪᠠᠷᠠᠨ ᠵᠦᠪ ᠣᠩᠰᠢᠶᠠ ᠪᠠᠷᠢᠮᠵᠢᠶᠠ ᠣᠩᠰᠢᠶᠠ ᠭᠡᠮᠡᠨ ᠴᠢᠷᠮᠠᠢ᠌ᠨ᠂ ᠴᠢᠨᠠᠭᠰᠢᠯᠠᠪᠠᠯ ᠰᠢᠨᠡ ᠭᠢᠴᠢᠶᠠᠯ ᠤᠨ ᠠᠭᠤᠯᠭᠠ ᠶᠢ ᠴᠤ ᠣᠷᠢᠳᠴᠢᠯᠠᠨ ᠰᠤᠷᠤᠯᠴᠠᠨ ᠠᠭᠠᠵᠢᠮ ᠶᠢᠡᠷ ᠭᠦᠡᠳᠤ ᠥᠭᠡᠰ ᠣᠩᠰᠢᠬᠤ ᠵᠢᠮᠠ ᠶᠤᠰᠤ ᠶᠢ ᠴᠤ ᠡᠷᠢᠵᠤ ᠭᠠᠷᠭᠠᠵᠤ ᠳᠡᠢ᠌ᠯᠳᠡᠭ᠌᠃ ᠡᠨᠡᠭᠦ ᠶᠠᠪᠣᠴᠠ ᠳᠤ ᠰᠤᠷᠤᠭᠴᠢ ᠶᠢᠨ ᠰᠤᠷᠬᠤ ᠣᠷᠮᠠ ᠶᠢ ᠭᠦᠭ᠍ᠵᠢᠭᠡᠨ ᠳᠠᠳᠠᠨ ᠤ ᠣᠷᠢᠳᠴᠢᠯᠠᠨ ᠰᠤᠷᠬᠤ᠂ ᠡᠵᠡᠨ ᠮᠠᠳᠠᠵᠤ ᠰᠤᠷᠬᠤ ᠴᠢᠳᠠᠪᠣᠷᠢ ᠶᠢ ᠨᠢ ᠳᠡᠭᠡᠭ᠍ᠰᠢᠯᠡᠭᠦᠯᠵᠤ ᠳᠡᠢ᠌ᠯᠳᠡᠭ᠌᠃
⒉ ᠴᠡᠭᠡᠵᠢᠯᠡᠵᠤ ᠣᠩᠰᠢᠬᠤ ᠶᠠᠪᠣᠴᠠ ᠳᠤ ᠬᠠᠷᠰᠢ ᠰᠠᠭᠠᠤᠨ ᠢ ᠨᠢ ᠠᠷᠢᠯᠭᠠᠨ᠂ ᠣᠩᠰᠢᠬᠤ ᠴᠢᠳᠠᠪᠣᠷᠢ ᠶᠢ ᠨᠢ ᠳᠡᠭᠡᠭ᠍ᠰᠢᠯᠡᠭᠦᠯᠭᠦ᠃
ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠭᠦᠡᠳᠤ ᠥᠭᠡᠰ ᠢ ᠠᠪᠢᠶᠠᠯᠠᠵᠤ ᠣᠩᠰᠢᠬᠤ ᠵᠢᠮᠠ ᠶᠤᠰᠤ ᠲᠡᠶ ᠪᠠᠢ᠌ᠳᠠᠭ᠃ ᠭᠡᠷᠪᠡ ᠰᠤᠷᠤᠭᠴᠢ ᠠᠪᠢᠶᠠ ᠶᠢ ᠡᠵᠡᠮᠰᠢᠭ᠍ᠰᠡᠨ ᠦᠭᠡᠶ ᠪᠠᠢ᠌ᠳᠠᠯ ᠳᠤᠤᠷᠠ ᠣᠯᠠᠩᠭᠢ ᠳᠠᠭᠠᠨ ᠭᠦᠡᠳᠤ ᠥᠭᠡᠰ ᠤᠨ ᠣᠩᠰᠢᠯᠭᠠ ᠶᠢ ᠭᠢᠳᠠᠤᠨ ᠪᠣᠶᠤ ᠮᠤᠩᠭ᠋ᠤᠯ ᠶᠢᠡᠷ ᠳᠡᠮᠳᠡᠭᠯᠡᠳᠡᠭ᠌᠃ ᠡᠨᠡ ᠨᠢ ᠰᠤᠷᠤᠭᠴᠢ ᠶᠢᠨ ᠪᠠᠷᠢᠮᠵᠢᠶᠠ ᠣᠩᠰᠢᠬᠤ ᠶᠢ ᠶᠡᠭᠡ ᠪᠠᠷ ᠨᠥᠯᠦᠭᠡᠯᠡᠳᠡᠭ᠌᠃ ᠭᠡᠷᠪᠡ ᠠᠪᠢᠶᠠ ᠶᠢ ᠡᠵᠡᠮᠰᠢᠴᠢᠭᠡᠪᠠᠯ ᠭᠦᠡᠳᠤ ᠥᠭᠡᠰ ᠢ ᠰᠠᠶᠢ ᠪᠠᠷᠢᠮᠵᠢᠶᠠ ᠣᠩᠰᠢᠨ᠂ ᠡᠭᠦᠨ ᠤ ᠳᠠᠭᠠᠤ ᠵᠢᠮᠠ ᠶᠤᠰᠤ ᠶᠢ ᠠᠰᠢᠭᠯᠠᠨ ᠭᠦᠡᠳᠤ ᠥᠭᠡᠰ ᠢ ᠣᠨᠤᠪᠴᠢᠳᠠᠢ ᠪᠢᠴᠢᠵᠤ ᠳᠠᠢ᠌ᠯᠤᠨ᠂ ᠣᠩᠰᠢᠬᠤ ᠴᠢᠳᠠᠪᠣᠷᠢ ᠨᠢ ᠴᠤ ᠠᠭᠠᠵᠢᠮ ᠶᠢᠡᠷ ᠳᠡᠭᠡᠭ᠍ᠰᠢᠯᠡᠳᠡᠭ᠌᠃
ᠭᠤᠷᠪᠠ ᠄ ᠠᠪᠢᠶᠠ ᠵᠢᠭᠠᠬᠤ ᠠᠷᠭᠠ
⒈ ᠭᠢᠳᠠᠤᠨ ᠭᠡᠯᠡᠨ ᠤ ᠠᠪᠢᠶᠠ ᠶᠢ ᠠᠰᠢᠭᠯᠠᠵᠤ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠠᠪᠢᠶᠠ ᠶᠢ ᠵᠢᠭᠠᠬᠤ
ᠠᠪᠢᠶᠠᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠭᠤᠤᠯ ᠡᠭᠦᠷᠭᠡ ᠪᠣᠯ ᠰᠤᠨᠤᠰᠬᠤ᠂ ᠠᠵᠢᠭᠯᠠᠬᠤ᠂ ᠳᠠᠭᠤᠷᠢᠶᠠᠬᠤ ᠪᠠ ᠪᠣᠯᠪᠠᠰᠤᠷᠠᠬᠤ ᠪᠣᠯᠤᠨᠠ᠂ ᠭᠢᠳᠠᠤᠨ ᠪᠠ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠠᠪᠢᠶᠠ ᠶᠢᠨ ᠠᠳᠠᠯᠢ ᠴᠢᠨᠠᠷ ᠢ ᠠᠰᠢᠭᠯᠠᠨ ᠠᠪᠢᠶᠠ ᠶᠢ ᠵᠢᠭᠠᠵᠤ ᠪᠣᠯᠤᠨᠠ᠃
⒉ ᠳᠤᠭᠯᠠᠭᠠᠮ ᠤᠨ ᠭᠡᠯᠪᠠᠷᠢ
⑴ ᠭᠡᠭᠡᠭ᠍ᠰᠡᠨ ᠠᠪᠢᠶᠠ ᠶᠢ ᠡᠷᠢᠵᠤ ᠣᠯᠬᠤ᠃
ᠠᠪᠢᠶᠠ ᠶᠢᠨ ᠺᠠᠷᠲ᠋ ᠶᠢ ᠠᠰᠢᠭᠯᠠᠨ ᠳᠤᠭᠳᠠᠭᠰᠠᠨ ᠴᠠᠭ ᠳᠤᠳᠤᠷᠠ ᠳᠤᠳᠠᠭᠰᠠᠨ ᠠᠪᠢᠶᠠ ᠶᠢ ᠡᠷᠢᠵᠤ ᠣᠯᠬᠤ᠃
⑵ ᠠᠮᠠᠨ ᠤ ᠭᠡᠯᠪᠠᠷᠢ ᠪᠠᠷ ᠠᠪᠢᠶᠠ ᠶᠢ ᠳᠠᠭᠠᠭᠠᠬᠤ᠃
ᠪᠠᠭᠰᠢ ᠡᠴᠠ ᠳᠠᠭᠤ ᠭᠠᠷᠬᠤ ᠦᠭᠡᠶ ᠪᠠᠷ ᠠᠪᠢᠶᠠ ᠶᠢᠨ ᠭᠡᠯᠪᠠᠷᠢ ᠶᠢ ᠭᠠᠷᠭᠠᠨ ᠰᠤᠷᠤᠭᠴᠢ ᠳᠠᠭᠠᠭᠠᠬᠤ᠃
ᠠᠪᠢᠶᠠ ᠶᠢ ᠭᠡᠷᠪᠡ ᠨᠢᠭᠡ ᠯᠠ ᠭᠦᠭ᠌ ᠶᠢᠡᠷ ᠵᠢᠭᠠᠪᠠᠯ ᠦᠨᠦᠷ ᠠᠮᠳᠠ ᠦᠭᠡᠶ ᠪᠠᠢ᠌ᠳᠠᠭ᠃ ᠳᠠᠢ᠌ᠮᠤ ᠡᠴᠡ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠶᠠᠪᠣᠴᠠ ᠳᠤᠮᠳᠠ ᠪᠠᠨ ᠳᠤᠭᠯᠠᠭᠠᠮ ᠳᠤᠭᠢᠷᠠᠭᠤᠯᠵᠤ ᠠᠪᠢᠶᠠ ᠶᠢ ᠳᠤᠭᠯᠠᠭᠠᠮ ᠤᠨ ᠳᠤᠮᠳᠠ ᠠᠭᠤᠰᠬᠠᠪᠠᠯ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠶᠢᠨ ᠢᠳᠠᠪᠭᠢ ᠴᠢᠨᠠᠷ ᠢ ᠨᠢ ᠳᠠᠢ᠌ᠴᠢᠯᠠᠨ ᠳᠤᠭᠯᠠᠭᠠᠮ ᠤᠨ ᠳᠤᠮᠳᠠ ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠭᠦᠯᠵᠤ ᠳᠠᠢ᠌ᠯᠤᠨᠡ᠃
⒊ ᠴᠢᠳᠠᠪᠣᠷᠢ ᠪᠠ ᠭᠢᠷᠢ ᠪᠦᠳᠦᠮᠵᠢ ᠶᠢ ᠳᠡᠭᠡᠭ᠍ᠰᠢᠯᠡᠭᠦᠯᠭᠦ᠃
ᠠᠪᠢᠶᠠ ᠵᠢᠭᠠᠬᠤ ᠵᠤᠷᠢᠯᠭᠠ ᠨᠢ ᠵᠢᠭᠠᠬᠤ ᠶᠢᠨ ᠳᠠᠳᠤᠢ ᠪᠢᠰᠢ᠂ ᠬᠠᠷᠢᠨ ᠰᠤᠷᠤᠭᠴᠢ ᠶᠢᠨ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠡᠯᠡ ᠳᠠᠯᠠ ᠶᠢᠨ ᠴᠢᠳᠠᠪᠣᠷᠢ ᠶᠢ ᠳᠡᠭᠡᠭ᠍ᠰᠢᠯᠡᠭᠦᠯᠵᠤ ᠡᠭᠦᠨ ᠤ ᠣᠯᠠᠮ ᠡᠴᠡ ᠭᠢᠷᠢ ᠪᠦᠳᠦᠮᠵᠢ ᠶᠢ ᠳᠡᠭᠡᠭ᠍ᠰᠢᠯᠡᠭᠦᠯᠭᠦ ᠶᠢᠨ ᠲᠦᠯᠦᠭᠡ ᠶᠤᠮ᠃ ᠠᠪᠢᠶᠠ ᠵᠢᠭᠠᠬᠤ ᠶᠠᠪᠣᠴᠠ ᠳᠤᠮᠳᠠ ᠪᠠᠨ ᠮᠡᠳᠡᠯᠭᠡ ᠶᠢ ᠭᠦᠢᠭᠡᠨ ᠡᠴᠡ ᠭᠦᠨ ᠳᠠᠰᠢ ᠳᠤᠭᠢᠷᠠᠭᠤᠯᠵᠤ ᠰᠤᠷᠤᠭᠴᠢ ᠶᠢ ᠢᠳᠡᠭ᠌ ᠢᠳᠡᠭ᠌ ᠶᠢᠡᠷ ᠣᠩᠰᠢᠬᠤ ᠵᠢᠮᠠ ᠶᠤᠰᠤ ᠶᠢ ᠡᠵᠡᠮᠰᠢᠭᠦᠯᠵᠤ ᠰᠤᠷᠤᠭᠴᠢ ᠶᠢ ᠵᠤᠷᠢᠭᠵᠢᠭᠤᠯᠤᠨ ᠳᠤᠯᠢ ᠪᠢᠴᠢᠭ᠌ ᠢ ᠠᠰᠢᠭᠯᠠᠨ ᠰᠢᠨᠡ ᠭᠦᠡᠳᠤ ᠥᠭᠡᠰ ᠤᠨ ᠣᠩᠰᠢᠯᠭᠠ ᠶᠢ ᠪᠠᠶᠠ ᠪᠠᠨ ᠳᠠᠭᠠᠭᠠᠵᠤ ᠡᠵᠡᠮᠰᠢᠵᠤ ᠳᠠᠳᠠᠨ ᠤ ᠣᠷᠢᠳᠴᠢᠯᠠᠨ ᠰᠤᠷᠬᠤ ᠴᠢᠳᠠᠪᠣᠷᠢ ᠪᠠ ᠦᠪᠠᠰᠤᠪᠠᠨ ᠰᠤᠷᠬᠤ ᠴᠢᠳᠠᠪᠣᠷᠢ ᠶᠢ ᠨᠢ ᠭᠦᠮᠦᠵᠢᠭᠦᠯᠵᠤ ᠡᠭᠦᠨ ᠤ ᠣᠯᠠᠮ ᠡᠴᠡ ᠭᠢᠷᠢ ᠪᠦᠳᠦᠮᠵᠢ ᠶᠢ ᠨᠢ ᠳᠡᠭᠡᠭ᠍ᠰᠢᠯᠡᠭᠦᠯᠭᠦ ᠪᠣᠯᠤᠨᠠ᠃
ᠳᠦᠷᠪᠠ᠂ ᠠᠷᠭᠠ ᠭᠡᠯᠪᠠᠷᠢ ᠪᠠᠨ ᠠᠮᠢᠳᠤᠯᠢᠭᠵᠢᠭᠤᠯᠵᠤ᠂ ᠰᠤᠷᠬᠤ ᠣᠷᠮᠠ ᠶᠢ ᠭᠦᠭ᠍ᠵᠢᠭᠡᠭᠦ᠃
ᠳᠠᠩ ᠴᠤᠯᠭᠤᠢ ᠪᠠᠷ ᠠᠪᠢᠶᠠ ᠶᠢ ᠰᠤᠷᠤᠭᠴᠢ ᠳᠤ ᠵᠢᠭᠠᠬᠤ ᠳᠤ ᠰᠤᠷᠤᠭᠴᠢ ᠰᠤᠷᠬᠤ ᠣᠷᠮᠠ ᠦᠭᠡᠶ ᠪᠠᠢ᠌ᠳᠠᠭ᠃ ᠳᠠᠢ᠌ᠮᠤ ᠡᠴᠠ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠶᠠᠪᠣᠴᠠ ᠳᠤᠮᠳᠠ ᠵᠢᠭᠠᠬᠤ ᠠᠷᠭᠠ ᠮᠠᠶᠢᠭ ᠶᠢᠡᠨ ᠠᠮᠢᠳᠤᠯᠢᠭ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠵᠤ ᠰᠤᠷᠤᠭᠴᠢ ᠶᠢᠨ ᠣᠯᠤᠭᠰᠠᠨ ᠵᠢᠭᠠᠬᠠᠨ ᠠᠮᠵᠢᠯᠳᠠ ᠳᠤ ᠨᠢ ᠴᠤ ᠵᠤᠭᠢᠰᠳᠠᠢ ᠦᠨᠡᠯᠠᠯᠳᠠ ᠥᠭ᠍ᠴᠤ ᠵᠤᠷᠢᠭᠵᠢᠭᠤᠯᠤᠨ ᠰᠤᠷᠬᠤ ᠣᠷᠮᠠ ᠶᠢ ᠨᠢ ᠭᠦᠭ᠍ᠵᠢᠭᠡᠨ ᠢᠳᠠᠪᠭᠢᠵᠢᠯ ᠢ ᠨᠢ ᠥᠡᠳᠦᠷᠵᠢᠭᠦᠯᠤᠨᠡ᠃
ᠳᠠᠪᠣ᠂ ᠠᠪᠢᠶᠠ ᠰᠤᠷᠬᠤ ᠶᠢᠨ ᠠᠰᠢᠭᠳᠠᠢ ᠳᠠᠯᠠ ᠄
⒈ ᠠᠪᠢᠶᠠ ᠰᠤᠷᠪᠠᠯ ᠣᠩᠰᠢᠬᠤ ᠪᠠ ᠪᠢᠴᠢᠭᠦ ᠪᠠᠷ ᠭᠤᠤᠯ ᠪᠣᠯᠭᠠᠭᠰᠠᠨ ᠶᠠᠪᠠ ᠡᠡᠩᠭ᠍ᠯᠢ ᠭᠡᠯᠡᠨ ᠡᠴᠠ ᠠᠶᠠᠷᠯᠠᠵᠤ ᠵᠢᠮᠠ ᠶᠤᠰᠤ ᠶᠢ ᠡᠵᠡᠮᠰᠢᠨ ᠵᠦᠪ ᠠᠪᠢᠶᠠᠯᠠᠬᠤ ᠪᠠᠷ ᠳᠠᠮᠵᠢᠨ ᠦᠪᠡᠷ ᠢ ᠪᠠᠨ ᠢᠳᠡᠭᠡᠭᠦ ᠰᠡᠳᠬᠢᠯᠭᠡ ᠨᠢ ᠨᠡᠮᠡᠭ᠍ᠳᠡᠨ ᠰᠤᠷᠬᠤ ᠣᠷᠮᠠ ᠨᠢ ᠨᠡᠮᠡᠭ᠍ᠳᠡᠳᠡᠭ᠌᠃
⒉ᠠᠪᠢᠶᠠ ᠰᠤᠷᠪᠠᠯ ᠥᠭᠡᠰ ᠤᠨ ᠬᠤᠷᠠᠮᠳᠤᠭᠤᠯᠤᠯ ᠳᠤ ᠵᠠᠩᠭᠢᠯᠭᠠ ᠶᠢᠨ ᠴᠢᠨᠠᠷᠳᠠᠢ ᠣᠢ᠌ᠯᠠᠳᠤᠯ ᠥᠵᠡᠭᠦᠯᠵᠤ ᠪᠠᠢ᠌ᠳᠠᠭ᠃
⒊ ᠠᠪᠢᠶᠠ ᠰᠤᠷᠪᠠᠯ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠵᠦᠪ ᠣᠩᠰᠢᠯᠭᠠ ᠶᠢ ᠳᠡᠭᠡᠭ᠍ᠰᠢᠯᠡᠭᠦᠯᠵᠤ ᠴᠢᠳᠠᠳᠠᠭ᠃
⒋ ᠠᠪᠢᠶᠠ ᠰᠤᠷᠪᠠᠯ ᠰᠤᠷᠤᠭᠴᠢ ᠶᠢᠨ ᠡᠵᠡᠨ ᠮᠠᠳᠠᠨ ᠦᠪᠠᠰᠤᠪᠠᠨ ᠰᠤᠷᠬᠤ ᠪᠠ ᠣᠷᠢᠳᠴᠢᠯᠠᠨ ᠰᠤᠷᠬᠤ ᠴᠢᠳᠠᠪᠣᠷᠢ ᠨᠢ ᠴᠤ ᠳᠡᠭᠡᠭ᠍ᠰᠢᠯᠡᠳᠡᠭ᠌᠃
ᠮᠤᠩᠭ᠋ᠤᠯ ᠭᠡᠯᠡ ᠰᠤᠷᠬᠤ ᠶᠢᠨ ᠰᠠᠭᠤᠷᠢ ᠪᠣᠯ ᠴᠠᠭᠠᠨ ᠳᠤᠯᠤᠭᠠᠢ ᠶᠢ ᠡᠵᠡᠮᠰᠢᠭᠦ ᠪᠣᠯᠤᠨᠠ᠂ ᠡᠡᠩᠭ᠍ᠯᠢ ᠭᠡᠯᠡᠨ ᠳᠤ ᠠᠪᠴᠤ ᠭᠡᠯᠡᠪᠠᠯ ᠠᠪᠢᠶᠠ ᠰᠤᠷᠬᠤ ᠦᠭᠡᠶ ᠪᠣᠯ ᠡᠡᠩᠭ᠍ᠯᠢ ᠭᠡᠯᠡ ᠰᠤᠷᠴᠤ ᠳᠡᠢ᠌ᠯᠭᠦ ᠦᠭᠡᠶ ᠭᠡᠵᠤ ᠭᠡᠯᠡᠵᠤ ᠪᠣᠯᠬᠤ ᠦᠭᠡᠶ ᠴᠤ ᠠᠪᠢᠶᠠ ᠶᠢᠨ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠶᠠᠪᠣᠴᠠ ᠳᠤᠮᠳᠠᠭᠢ ᠴᠢᠬᠤᠯᠠ ᠪᠠᠢ᠌ᠷᠢ ᠰᠠᠭᠤᠷᠢ ᠶᠢ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠥᠢᠯᠡᠳᠦᠯᠭᠡ ᠡᠴᠡ ᠣᠯᠵᠤ ᠬᠠᠷᠬᠤ ᠶᠤᠮ᠃ ᠵᠥᠢᠷᠯᠡᠭᠡᠳ ᠭᠡᠯᠡᠪᠠᠯ ᠠᠪᠢᠶᠠ ᠡᠡᠩᠭ᠍ᠯᠢ ᠭᠡᠯᠡᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠶᠠᠪᠣᠴᠠ ᠳᠤᠮᠳᠠᠭᠢ ᠶᠠᠭ ᠬᠠᠷᠠᠩᠭ᠋ᠤᠢ ᠰᠦᠨᠢ ᠶᠢᠨ ᠨᠢᠭᠡᠨ ᠵᠢᠵᠢᠭ᠍ᠬᠡᠨ ᠳ᠋ᠸᠩ ᠠᠳᠠᠯᠢ 《ᠵᠠᠮᠴᠢ》 ᠶ᠋ᠢᠨ ᠣᠢ᠌ᠯᠠᠳᠤᠯ ᠲᠡᠶ ᠪᠢᠯᠠ᠃ ᠳᠠᠢ᠌ᠮᠤ ᠡᠴᠡ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠶᠠᠪᠣᠴᠠ ᠳᠤᠮᠳᠠ ᠠᠪᠢᠶᠠ ᠶᠢᠨ ᠠᠭᠤᠯᠭᠠ ᠶᠢ ᠵᠤᠭᠢᠰᠳᠠᠢ ᠳᠤᠭᠢᠷᠠᠭᠤᠯᠵᠤ ᠰᠤᠷᠤᠭᠴᠢ ᠶᠢᠨ ᠭᠡᠯᠡ ᠶᠢ ᠴᠡᠪᠠᠷᠰᠢᠭᠦᠯᠵᠤ ᠪᠠᠷᠢᠮᠵᠢᠶᠠᠭᠤᠯᠵᠤ ᠡᠯᠡ ᠳᠠᠯᠠ ᠶᠢᠨ ᠴᠢᠳᠠᠪᠣᠷᠢ ᠶᠢ ᠨᠢ ᠳᠡᠭᠡᠭ᠍ᠰᠢᠯᠡᠭᠦᠯᠭᠦ ᠪᠠᠷ ᠴᠢᠷᠮᠠᠢ᠌ᠶᠠ ︕
(ᠨᠠᠢ᠌ᠷᠠᠭᠤᠯᠤᠭᠴᠢ ᠡᠴᠡ ᠴᠤᠬᠤᠯᠠᠪᠤᠷᠢᠯᠠᠬᠤ ᠨᠢ᠄ ᠵᠤᠬᠢᠶᠠᠭᠴᠢ ᠡ᠊ᠨᠳᠡ ᠠᠪᠢᠶᠠ ᠭᠡᠵᠦ ᠪᠠᠢ᠌ᠭᠠ ᠨᠢ ᠤᠯᠠᠨ ᠤᠯᠤᠰ ᠤᠨ ᠭᠠᠯᠢᠭ ᠢ ᠵᠢᠭᠠᠵᠤ ᠪᠠᠢ᠌ᠬᠤ ᠮᠠᠭᠠᠳ᠃)
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠣᠯᠠᠭᠠᠠᠬᠤᠳᠠ ᠶᠢᠨ ᠮᠤᠩᠭ᠋ᠤᠯ ᠦᠨᠳᠦᠰᠦᠳᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠸᠠᠩ ᠰᠠᠷᠠᠭᠤᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠪᠠᠭᠰᠢ ᠶᠢᠨ ᠬᠠᠨᠢᠳᠠᠷᠤᠮ᠄ 11945
ᠴᠠᠭ᠄ 2013 ᠤᠨ ᠤ 05 ᠰᠠᠷᠠ ᠶᠢᠨ 13
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ