☆ ᠪᠠᠶᠠᠭᠤᠳ ᠰᠦᠷ
ᠦᠷᠳᠡᠭ᠌ ᠦᠭᠡᠶ ᠦᠨᠡᠮᠯᠠᠯ
ᠡᠨ ᠬᠤᠰᠢᠭᠤ ᠡᠨᠠ ᠵᠢᠯ ᠭᠦᠳᠡᠭᠡ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠴᠡᠭ᠍ᠴᠡᠯᠡᠯᠳᠡ ᠭᠢᠵᠤ ᠤᠤᠯ ᠤᠨ ᠭᠦᠳᠡᠭᠡ ᠶᠢᠨ ᠳᠠᠪᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢ ᠬᠤᠰᠢᠭᠤᠨ ᠲᠦᠪ ᠲᠤ ᠳᠦᠪᠯᠡᠷᠡᠭᠦᠯᠤᠨ ᠨᠡᠢ᠌ᠯᠡᠭᠦᠯᠦᠭ᠍ᠰᠡᠨ ᠡᠴᠡ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠠᠵᠢᠯ ᠳᠤ ᠬᠤᠯᠪᠣᠭᠳᠠᠭᠰᠠᠨ ᠶᠡᠭᠡ ᠬᠤᠪᠢᠰᠬᠠᠯ ᠭᠠᠷᠴᠤ᠂ ᠬᠤᠰᠢᠭᠤ ᠳᠠᠶᠠᠭᠠᠷ ᠶᠠᠷᠢᠶᠠᠨ ᠤ ᠰᠠᠳᠤᠪ ᠪᠣᠯᠵᠤ ᠨᠢᠭᠡ ᠶᠡᠭᠡ ᠭᠦᠯ ᠥᠢᠮᠡᠭᠡᠨ ᠪᠣᠯᠤᠯᠠ᠃
ᠰᠤᠷᠤᠭᠴᠢ ᠶᠢᠨ ᠢᠷᠠᠯᠳᠠ ᠪᠠᠭᠠᠰᠴᠤ᠂ ᠪᠠᠭᠰᠢ ᠶᠢᠨ ᠤᠷᠤᠨ ᠳᠤᠭᠠ ᠭᠡᠳᠦᠷᠡᠵᠤ ᠪᠠᠢ᠌ᠬᠤ ᠡᠨᠡᠭᠦ ᠡᠷᠡᠨ ᠳᠤ ᠰᠤᠷᠭᠠᠭᠤᠯᠢ ᠶᠢ ᠨᠡᠢ᠌ᠯᠡᠭᠦᠯᠦᠭ᠍ᠰᠡᠨ ᠨᠢ ᠪᠠᠭᠰᠢ ᠨᠡᠷ ᠤᠨ ᠰᠡᠳᠭᠢᠯ ᠤᠨ ᠳᠠᠷᠤᠭᠠᠰᠤ ᠶᠢ ᠨᠠᠩ ᠭᠦᠡᠳᠦᠷᠡᠭᠦᠯᠵᠤ᠂ ᠬᠠᠮᠢᠭᠠ ᠬᠤᠪᠢᠶᠠᠭᠳᠠᠬᠤ ᠪᠠᠨ ᠮᠡᠳᠡᠭᠦ ᠥᠭᠡᠢ ᠬᠠᠯᠠᠭᠤᠨ ᠳᠤᠭᠤᠭᠠᠨ ᠳ᠋ᠠᠭᠢ ᠰᠢᠷᠭᠤᠯᠵᠢ ᠰᠢᠭ ᠵᠥᠭ᠌ ᠪᠣᠯᠭᠠᠨ ᠳᠤ ᠴᠢᠮᠡᠭᠡ ᠰᠤᠷᠠᠭᠯᠠᠵᠤ᠂ ᠭᠦᠮᠤᠨ ᠲᠡᠶ ᠨᠢ ᠭᠦᠮᠤᠨ ᠡᠷᠢᠵᠤ᠂ ᠮᠦᠩᠭᠦ ᠲᠡᠶ ᠨᠢ ᠮᠦᠩᠭᠦ ᠭᠠᠷᠭᠠᠵᠤ᠂ ᠠᠷᠤ ᠡᠭᠦᠳᠡ ᠭᠡᠭ᠍ᠴᠢ ᠶᠢ ᠠᠷᠤ ᠠᠷᠤ ᠡᠴᠡ ᠪᠠᠨ ᠳᠤᠭᠰᠢᠵᠤ ᠡᠭᠢᠯᠠᠯᠠ᠃
ᠬᠤᠷᠯᠤ ᠭᠤᠸᠠᠢ ᠳᠤ ᠬᠤᠳᠠ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠳᠤᠪᠴᠢᠶᠠᠨ ᠳᠤ ᠭᠠᠭᠴᠠ ᠳᠠᠨᠢᠯ ᠪᠠᠢ᠌ᠳᠠᠭ ᠥᠭᠡᠢ ᠪᠠᠷ ᠥᠯᠤ ᠪᠠᠷᠠᠨ ᠮᠠᠢ ᠭᠡᠵᠤ ᠭᠠᠷᠳᠠᠭᠤᠯᠴᠢᠬᠠᠮᠠᠷ ᠮᠦᠩᠭᠦ ᠴᠤ ᠪᠠᠢ᠌ᠭᠰᠠᠨ ᠥᠭᠡᠢ᠃ ᠰᠡᠳᠭᠢᠯ ᠶᠢᠡᠨ ᠰᠠᠭᠠᠳᠠᠭᠤᠯᠬᠤ ᠭᠠᠭᠴᠠ ᠡᠷᠳᠡᠨᠢ ᠭᠡᠪᠠᠯ ᠥᠪᠦᠷ ᠮᠤᠩᠭ᠋ᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠰᠠᠯᠪᠣᠷᠢ ᠭᠡᠭᠦ ᠳᠤᠮᠤᠬᠠᠨ ᠥᠰᠦᠭ᠌ ᠲᠡᠶ ᠵᠢᠩᠭᠢᠨᠢ ᠠᠩᠭᠢ ᠡᠴᠡ ᠳᠡᠭᠦᠰᠦᠭ᠍ᠰᠡᠨ ᠥᠨᠡᠮᠯᠡᠭᠦ ᠯᠠ ᠪᠣᠯᠤᠨᠠ᠃
ᠬᠠᠮᠳᠤ ᠠᠵᠢᠯᠯᠠᠭᠰᠠᠤᠨ ᠤᠨ ᠭᠢᠨᠢ ᠴᠢᠮᠡᠭᠡ ᠬᠣᠢ᠌ᠨᠠ ᠬᠣᠢ᠌ᠨᠠ ᠡᠴᠡ ᠪᠠᠨ ᠢᠷᠠᠵᠤ ᠯᠠ ᠪᠠᠢ᠌ᠨᠠ᠃ ᠤᠯᠴᠠᠭᠠᠷ ᠳᠠᠭᠠᠭᠤᠯ ᠳᠤᠭᠠᠨ ᠤ ᠪᠠᠭᠰᠢ ᠪᠠᠷ᠂ ᠤᠩᠭᠢᠷᠠᠭᠠ ᠮᠦᠷᠠᠨ ᠠᠩᠭ᠍ᠯᠢ ᠭᠡᠯᠡᠨ ᠤ᠂ ᠳᠠᠷᠪᠠᠭᠠᠷ ᠰᠡᠩᠭᠡ ᠭᠠᠵᠠᠷ ᠵᠦᠢ᠌᠂ ᠳᠠᠮᠪᠠ ᠴᠤ ᠵᠥᠭᠡᠷ ᠰᠠᠭᠤᠭᠰᠠᠨ ᠥᠭᠡᠢ ᠠᠮᠢᠳᠤ ᠪᠣᠳᠠᠰ ᠤᠨ ᠪᠠᠭᠰᠢ ᠪᠠᠷ ᠬᠤᠪᠢᠶᠠᠭᠳᠠᠯᠠ ᠭᠡᠨᠡ᠃ ᠨᠠᠷᠠ ᠪᠠᠨ ᠴᠤ ᠡᠪᠯᠢᠭ᠌ ᠪᠢᠴᠢᠵᠤ ᠴᠢᠳᠠᠬᠤ ᠥᠭᠡᠢ ᠷᠢᠠᠴᠢᠨ ᠭᠤᠸᠠᠢ ᠴᠤ ᠳᠠᠮᠵᠢᠭᠤᠯᠬᠤ ᠳᠠᠰᠤᠭ ᠲᠤ ᠠᠵᠢᠯᠯᠠᠯᠠ ᠭᠡᠨᠡ᠃
ᠭᠦᠮᠤᠨ ᠤ ᠴᠢᠮᠡᠭᠡ ᠪᠦᠷ ᠢᠷᠡᠴᠢᠭᠡᠯᠡ᠃ ᠴᠢᠨᠤᠭᠢ ᠴᠢᠨᠢ ᠶᠠᠭᠠᠭᠢᠴᠢᠬᠠᠪᠠ︖ ᠤᠴᠢᠵᠤ ᠥᠵᠡᠭᠦ ᠥᠭᠡᠢ ᠦᠦ︖ ᠠᠬᠠᠮᠠᠤᠨ ᠪᠠᠭᠰᠢ ᠶᠢᠨ ᠰᠠᠨᠠᠭᠤᠯᠭᠠ︕
ᠰᠢᠷᠪᠠᠭᠠ ᠰᠠᠮᠪᠠᠯ ᠭᠤᠷᠪᠠᠨ ᠮᠢᠩᠭ᠋ᠠᠨ ᠳᠦᠭᠦᠷᠢᠭ᠌ ᠡᠪᠦᠷᠳᠦᠯᠡᠭᠡᠳ ᠳᠤᠪᠴᠢᠶᠠᠨ ᠵᠥᠭ᠌ ᠮᠤᠷᠳᠠᠭᠰᠠᠨ ᠭᠡᠨᠡ᠂ ᠮᠠᠨᠤᠰ ᠴᠤ ᠵᠡᠭᠦᠨ ᠪᠠᠷᠠᠭᠤᠨ ᠭᠡᠷ ᠡᠴᠡ ᠪᠠᠨ ᠵᠢᠭᠡᠯᠡᠵᠤ ᠥᠵᠡᠭᠦ ᠥᠭᠡᠢ ᠦᠦ︖ ᠡᠮᠡᠭᠡᠨ ᠤ ᠭᠢᠨᠢ ᠰᠠᠨᠠᠭᠠᠰᠢᠷᠠᠯ᠃
ᠭᠦᠶᠢ︕ ᠬᠤᠷᠯᠤ ᠭᠤᠸᠠᠢ ᠴᠢᠨᠢ ᠤᠷᠤᠨ ᠤ ᠰᠡᠳᠭᠦᠯ ᠳᠤ ᠤᠪᠤᠭᠠ ᠨᠠᠷᠠ ᠲᠡᠶ ᠶᠠᠪᠣᠵᠤ ᠪᠠᠢ᠌ᠭᠠ ᠪᠢᠰᠢᠤ︖ ᠪᠦᠳᠦᠭᠡᠯ ᠶᠢᠡᠨ ᠠᠪᠣᠭᠠᠤᠨ ᠭᠦᠷᠴᠤ ᠥᠵᠡᠵᠤ ᠪᠣᠯᠤᠨᠠ ᠰᠢᠳᠠ︕ ᠨᠠᠢ᠌ᠵᠠ ᠨᠥᠭᠦᠤᠨ ᠤᠨ ᠭᠢᠨᠢ ᠶᠠᠷᠢᠶᠠ᠃
᠁
ᠬᠤᠷᠯᠤ ᠭᠤᠸᠠᠢ ᠴᠤ ᠡᠳᠤᠷᠵᠢᠨ ᠪᠣᠳᠤᠯᠭᠠ ᠪᠣᠯᠵᠤ᠂ ᠰᠦᠨᠢᠵᠢᠨ ᠨᠣᠢ᠌ᠷ ᠬᠤᠯᠵᠢᠭᠰᠠᠭᠠᠷ ᠠᠷᠪᠠᠭᠠᠤᠨ ᠬᠤᠨᠤᠴᠢᠬᠠᠯᠠ᠃ ᠶᠠᠭᠤ ᠴᠤ ᠭᠡᠰᠡᠨ ᠳᠤᠪᠴᠢᠶᠠᠨ ᠳᠤ ᠭᠦᠷᠴᠤ ᠥᠵᠡᠭᠦ ᠶᠤᠮᠰᠠᠨ ᠭᠡᠵᠤ ᠬᠤᠷᠭᠤ ᠠᠪᠳᠠᠷᠠ ᠪᠠᠨ ᠠᠭᠤᠳᠠᠯᠠᠵᠤ᠂ ᠬᠤᠷᠢᠭᠠᠤᠨ ᠵᠢᠯ ᠤᠨ ᠴᠤᠭᠯᠠᠭᠤᠯᠤᠭᠰᠠᠨ ᠤᠯᠠᠭᠠᠨ ᠭᠠᠳᠠᠷᠳᠤ ᠱᠠᠩᠨᠠᠯ ᠭᠦᠭᠢᠭᠦᠯᠦᠯ᠂ ᠤᠷᠤᠨ ᠠᠢ᠌ᠮᠠᠭ ᠤᠨ ᠰᠤᠨᠢᠨ ᠰᠡᠳᠭᠦᠯ ᠳᠤ ᠨᠡᠢ᠌ᠳᠡᠯᠡᠭ᠍ᠳᠡᠭ᠍ᠰᠡᠨ ᠤᠯᠡᠨ ᠪᠦᠳᠦᠭᠡᠯ ᠪᠠ ᠳᠦᠭᠦᠷᠡᠩ ᠬᠤᠪᠢ ᠪᠠᠷ ᠳᠡᠭᠦᠰᠦᠭ᠍ᠰᠡᠨ ᠥᠪᠦᠷ ᠮᠤᠩᠭ᠋ᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠭᠡᠰᠡᠨ ᠳᠤᠮᠤᠬᠠᠨ ᠠᠯᠳᠠᠨ ᠥᠰᠦᠭ᠌ ᠲᠡᠶ ᠳᠡᠭᠦᠰᠭᠦ ᠥᠨᠡᠮᠯᠡᠯ ᠶᠢᠡᠨ ᠡᠭᠦᠷᠦᠭᠡᠳ ᠪᠠᠯᠭᠠᠰᠤ ᠤᠷᠦᠬᠤ ᠠᠴᠢᠶᠠᠨ ᠤ ᠮᠠᠰᠢᠨ ᠳᠤ ᠰᠠᠭᠤᠯᠠ᠃
ᠤᠷᠤᠨ ᠳᠤᠭᠠ ᠨᠢᠭᠡᠨᠲᠡ ᠳᠢᠭᠯᠡᠭᠡᠳ ᠪᠠᠷᠠᠴᠢᠭᠰᠠᠨ ᠡ︕ ᠳᠤᠪᠴᠢᠶᠠᠨ ᠳᠠᠷᠤᠭᠠ ᠶᠢᠨ ᠬᠠᠷᠢᠭᠤᠯᠳᠠ᠃
ᠳᠡᠭᠡᠭᠡᠳ ᠮᠢᠨᠤᠭᠢ ᠁ ︖ ᠬᠤᠷᠯᠤ ᠭᠤᠸᠠᠢ ᠶᠢᠨ ᠰᠤᠴᠢᠭᠰᠠᠨ᠂ ᠭᠠᠢ᠌ᠬᠠᠭᠰᠠᠨ᠂ ᠰᠠᠮᠭᠠᠷᠳᠠᠭᠰᠠᠨ ᠠᠰᠠᠭᠤᠯᠳᠠ᠃
ᠤᠷᠤᠨ ᠨᠤᠳᠤᠭ ᠤᠨ ᠴᠢᠨᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠳᠠᠨ ᠤ ᠤᠷᠤᠨ ᠳᠤᠭᠠ ᠶᠢ ᠶᠠᠪᠣᠭᠤᠯᠴᠢᠭᠰᠠᠨ ᠡ︕ ᠳᠠᠠᠳᠠᠭᠢ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠤᠴᠢᠵᠤ ᠨᠠᠷᠠ ᠪᠠᠨ ᠮᠡᠳᠡᠭᠦᠯ︕ ᠭᠡᠵᠤ ᠭᠡᠯᠡᠮᠡᠭ᠍ᠴᠡ ᠲᠦᠯᠭᠢᠭᠦ ᠡᠴᠡ ᠨᠠᠭᠠᠭᠤᠷᠬᠠᠨ ᠭᠡᠷ ᠡᠴᠡ ᠪᠠᠨ ᠭᠠᠷᠭᠠᠵᠤ᠂ ᠬᠠᠭᠠᠯᠭᠠ ᠪᠠᠨ ᠴᠢᠩᠭ᠋ᠠᠬᠠᠨ ᠬᠠᠭᠠᠵᠠᠢ᠃
ᠤᠮᠤᠭᠯᠠᠩ ᠳᠠᠷᠤᠭᠠ ᠶᠢᠨ ᠳᠤᠭᠰᠢᠨ ᠳᠦᠷᠢ ᠳᠤ ᠥᠭᠡᠷᠡ ᠶᠠᠭᠤ ᠭᠡᠯᠡᠪᠠᠴᠤ ᠳᠤᠰᠠ ᠥᠭᠡᠢ ᠳᠤᠯᠠ ᠬᠤᠷᠯᠤ ᠭᠤᠸᠠᠢ ᠴᠤ ᠤᠷᠦᠢ ᠶᠢᠨ ᠳᠡᠷᠭᠡᠨ ᠳᠤ ᠰᠠᠭᠤᠵᠤ ᠨᠤᠳᠤᠭ ᠵᠥᠭ᠌ ᠶᠢᠡᠨ ᠪᠣᠴᠠᠯᠠ᠃
ᠲ᠋ᠠᠷᠤᠭᠠ ᠶᠢᠨ ᠬᠠᠳᠠᠭᠤ ᠵᠠᠷᠯᠢᠭ ᠲᠤ ᠴᠡᠭᠡᠵᠢ ᠳᠦᠭᠦᠷᠴᠤ᠂ ᠳᠡᠷᠭᠡᠨ ᠤ ᠪᠢᠳᠡᠭᠦᠤ ᠰᠠᠵᠢᠯᠯᠠᠭᠠᠨ ᠳᠤ ᠪᠠᠶᠠ ᠰᠡᠳᠭᠢᠯ ᠨᠢᠭᠡᠨᠲᠡ ᠶᠠᠳᠠᠷᠠᠵᠤ ᠲᠤᠢ᠌ᠯᠳᠠᠭᠰᠠᠨ ᠬᠤᠷᠯᠤ ᠭᠤᠸᠠᠢ ᠶᠢ ᠭᠡᠷ ᠤᠨ ᠶᠢᠡᠨ ᠡᠭᠦᠳᠡ ᠭᠦᠷᠭᠦ ᠳᠤ ᠭᠦᠭ᠍ᠰᠢᠨ ᠨᠢ ᠳᠤᠰᠴᠤ ᠠᠪᠣᠭᠠᠤᠨ ᠭᠦᠶᠢ︕ ᠡᠪᠦᠭᠡᠨ ᠡ︕ ᠴᠢᠮᠠ ᠶᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠳᠤᠭᠤᠭᠠᠴᠢ ᠪᠠᠷ ᠬᠤᠪᠢᠶᠠᠵᠤ ᠭᠡᠨᠡ᠃ ᠥᠨᠤ ᠤᠷᠦᠢ ᠳᠤ ᠪᠠᠨ ᠨᠠᠷᠠ ᠪᠠᠨ ᠮᠡᠳᠡᠭᠦᠯ ᠭᠡᠵᠤ ᠪᠠᠢ᠌ᠨᠠ︕ ᠭᠡᠯᠡ᠃
ᠬᠤᠷᠯᠤ ᠭᠤᠸᠠᠢ ᠶᠢᠨ ᠳᠡᠭᠡᠷᠡ ᠠᠶᠤᠩᠭᠠ ᠨᠢᠷᠭᠢᠭ᠍ᠰᠡᠨ ᠰᠢᠭ᠌ ᠳᠤᠯᠤᠭᠠᠢ ᠨᠢ ᠲᠦᠨᠡᠷᠠᠵᠤ᠂ ᠳᠤᠪᠴᠢᠶᠠᠨ ᠳᠠᠷᠤᠭᠠ ᠳᠤ ᠥᠵᠡᠭᠦᠯᠭᠦ ᠭᠡᠵᠤ ᠳᠢᠭᠯᠡᠵᠤ ᠠᠪᠣᠭᠰᠠᠨ ᠤᠯᠡᠨ ᠱᠠᠩᠨᠠᠯ ᠪᠦᠳᠦᠭᠡᠯ ᠶᠢᠡᠨ ᠮᠦᠷᠤᠪᠴᠢᠯᠠᠵᠤ ᠡᠭᠦᠷᠦᠮᠡᠭ᠍ᠴᠡ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠦᠷᠢᠶᠡ ᠶᠢ ᠴᠢᠭᠯᠡᠯᠡ᠃
ᠨᠠᠮᠠ ᠶᠢ ᠶᠠᠭᠠᠭᠢᠭᠠᠤᠨ ᠳᠤᠭᠤᠭᠠᠨ ᠭᠡᠷ ᠲᠤ ᠳᠤᠭᠢᠷᠠᠭᠤᠯᠴᠢᠬᠠᠪᠠ ᠳ᠋ᠠ︖
ᠤᠷᠤᠨ ᠳᠤᠭᠠ ᠨᠢᠭᠡᠨᠲᠡ ᠳᠦᠭᠦᠷᠴᠢᠭᠡᠭ᠍ᠰᠡᠨ︕ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠭᠢᠷᠤᠯ ᠤᠨ ᠥᠭᠡ᠂ ᠳᠤᠪᠴᠢᠶᠠᠨ ᠳᠠᠷᠤᠭᠠ ᠶᠢᠨ ᠴᠤᠤᠷᠢᠶᠠ᠃
ᠪᠢ ᠮᠤᠩᠭ᠋ᠤᠯ ᠭᠡᠯᠡ ᠰᠤᠷᠤᠭᠰᠠᠨ ᠭᠦᠮᠤᠨ ᠰᠢᠤ ᠳ᠋ᠠ᠂ ᠳᠡᠭᠡᠭᠦ ᠮᠦᠷᠳᠡᠭᠡᠨ ᠥᠪᠦᠷ ᠮᠤᠩᠭ᠋ᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠤᠯᠢ ᠶᠢᠨ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠰᠠᠯᠪᠣᠷᠢ ᠶᠢᠨ ᠵᠢᠩᠭᠢᠨᠢ ᠠᠩᠭᠢ ᠰᠢᠤ᠁
ᠪᠢ ᠮᠠᠳᠠᠨᠠ ᠡ︕ ᠭᠡᠭᠦ ᠳᠤ ᠳᠠᠷᠠ ᠥᠡᠳᠦᠷ ᠰᠤᠶᠤᠯ ᠴᠢᠨᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠳᠠᠩᠴᠢ ᠭᠡᠷᠡᠭᠯᠡᠭ᠍ᠳᠡᠭᠦ ᠥᠭᠡᠢ ᠯᠠ ᠳ᠋ᠠ︕ ᠮᠠᠨ ᠤ ᠰᠤᠷᠭᠠᠭᠤᠯᠢ ᠳᠤ ᠴᠠᠭᠠᠨ ᠳᠤᠯᠤᠭᠠᠢ ᠪᠠᠨ ᠳᠠᠨᠢᠭᠤᠯᠵᠤ᠂ ᠵᠠᠭᠤ ᠳᠤᠳᠤᠷᠠᠭᠢ ᠳᠤᠭᠠ ᠶᠢ ᠯᠠ ᠵᠢᠭᠠᠨᠠ ᠰᠢᠤ ᠳ᠋ᠠ︕ ᠳᠠᠢ᠌ᠮᠤ ᠠᠷᠪᠢᠨ ᠤᠨᠤᠯ ᠤᠨ ᠭᠦᠮᠦᠵᠢᠯ ᠭᠡᠷᠡᠭ᠍ᠴᠡᠭᠡ ᠥᠭᠡᠢ᠃ ᠵᠠᠭᠢᠷᠤᠯ ᠤᠨ ᠴᠢᠷᠠᠢ ᠳᠤ ᠱᠤᠤᠯᠠᠭᠰᠠᠨ ᠢᠨᠢᠶᠠᠳᠤ ᠳᠤᠳᠤᠷᠠᠨᠠ᠃
ᠳᠠᠢ᠌ᠮᠤ ᠴᠤ ᠳᠠᠢ᠌ᠮᠤ ᠡ︕ ᠮᠤᠩᠭ᠋ᠤᠯ ᠭᠡᠯᠡ ᠪᠢᠴᠢᠭ᠌ ᠲᠤ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠢᠯᠭᠠᠭᠠ ᠪᠠᠢ᠌ᠬᠤ ᠥᠭᠡᠢ ᠰᠢᠳᠠ︕ ᠳᠠᠷᠠᠴᠢᠯᠠᠨ ᠪᠢ ᠮᠦᠨ ᠤᠷᠤᠨ ᠤ ᠳᠤᠳᠤᠨᠠ ᠭᠠᠳᠠᠨᠠᠭᠢ ᠰᠤᠨᠢᠨ ᠰᠡᠳᠭᠦᠯ ᠶᠢᠡᠷ ᠤᠯᠡᠨ ᠪᠦᠳᠦᠭᠡᠯ ᠶᠢᠡᠨ ᠨᠡᠢ᠌ᠳᠡᠯᠡᠭᠦᠯᠦᠭ᠍ᠰᠡᠨ ᠰᠢᠤ︕ ᠢᠳᠡᠭᠡᠭᠦ ᠥᠭᠡᠢ ᠪᠣᠯ ᠵᠠᠭᠢᠷᠤᠯ ᠳᠠ ᠥᠵᠡᠭᠦ ᠥᠭᠡᠢ ᠦᠦ︖ ᠤᠷᠤᠨ ᠰᠠᠭᠤᠴᠠ ᠤᠪᠤᠭ ᠨᠠᠷᠠ ᠮᠢᠨᠢ ᠴᠦᠮ ᠵᠡᠭᠦᠯᠳᠡ ᠲᠡᠶ ᠪᠠᠢ᠌ᠨᠠ᠃
ᠬᠤ᠋ ᠪᠠᠭᠰᠢ ᠡ︕ ᠵᠤᠬᠢᠶᠠᠯᠴᠢ ᠪᠣᠯ ᠵᠤᠬᠢᠶᠠᠯᠴᠢ᠂ ᠪᠠᠭᠰᠢ ᠪᠣᠯ ᠪᠠᠭᠰᠢ᠃ ᠳᠠᠭᠢᠭᠠᠤᠨ ᠭᠡᠯᠡᠪᠠᠯ ᠪᠠᠭᠰᠢ ᠭᠦᠮᠤᠨ ᠤ ᠵᠤᠬᠢᠶᠠᠨ ᠪᠢᠴᠢᠭᠦ ᠨᠢ ᠴᠢᠬᠤᠯᠠ ᠶᠠᠪᠣᠳᠠᠯ ᠪᠢᠰᠢ᠃ ᠪᠢᠳᠠ ᠪᠠᠭᠰᠢ ᠠᠪᠣᠨᠠ ᠭᠡᠰᠡᠨ ᠡᠴᠡ ᠪᠢᠰᠢ ᠵᠤᠬᠢᠶᠠᠯᠴᠢ ᠠᠪᠣᠨᠠ ᠭᠡᠰᠡᠨ ᠥᠭᠡᠢ ᠰᠢᠤ ᠳ᠋ᠠ︕ ᠳᠠ ᠤᠢ᠌ᠯᠠᠭᠠᠬᠤ ᠪᠣᠯᠪᠠᠤ︖
ᠵᠠᠭᠢᠷᠤᠯ ᠤᠨ ᠴᠢᠷᠠᠢ ᠳᠤ ᠡᠭᠦᠯᠡ ᠨᠠᠳᠣᠢ᠌ᠵᠤ ᠡᠭᠢᠯᠠᠯᠠ᠃
ᠳᠡᠭᠡᠪᠡᠯ ᠪᠢ ᠨᠤᠮ ᠤᠨ ᠰᠠᠩ ᠶᠤᠮ ᠦᠦ︖ ᠡᠰᠡᠭᠦᠯᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠨᠢᠨ ᠰᠡᠳᠭᠦᠯ᠂ ᠵᠢᠴᠢ ᠳᠠᠩᠰᠠ ᠬᠠᠷᠠ ᠶᠢ ᠨᠠᠢ᠌ᠷᠠᠭᠤᠯᠵᠤ ᠳᠢᠭᠯᠡᠭᠦ ᠠᠵᠢᠯ ᠴᠤ ᠪᠣᠯᠤᠨᠠ ᠰᠢᠳᠠ︕
ᠬᠤᠷᠯᠤ ᠪᠠᠭᠰᠢ ᠶᠢᠨ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠭᠤᠶᠤᠳᠠᠯ᠃
ᠳᠠ ᠪᠠᠢ᠌ᠴᠢᠬᠠ︕ ᠮᠠᠨ ᠤ ᠰᠤᠷᠭᠠᠭᠤᠯᠢ ᠳᠤ ᠮᠤᠩᠭ᠋ᠤᠯ ᠶᠢᠡᠷ ᠪᠢᠴᠢᠭᠦ ᠶᠠᠭᠤᠮᠠ ᠭᠡᠵᠤ ᠠᠯᠠᠭᠠ ᠰᠢᠤ ᠳ᠋ᠠ︕ ᠠᠯᠢᠪᠠ ᠵᠣᠢ᠌ᠯᠠᠰ ᠢ ᠳᠤᠤᠷ ᠰᠦᠯᠵᠢᠶᠠ ᠡᠴᠡ ᠪᠠᠭᠤᠯᠭᠠᠭᠠᠤᠨ ᠠᠪᠣᠪᠠᠯ ᠪᠣᠯᠴᠢᠬᠠᠨᠠ᠃ ᠳᠠᠢ᠌ᠮᠤ ᠪᠠᠯᠠᠨ ᠶᠠᠭᠤᠮᠠ ᠪᠠᠢ᠌ᠬᠤ ᠳᠤ ᠳᠠᠳᠤᠢ ᠭᠦᠴᠦᠯᠡᠭᠡᠳ ᠶᠠᠭᠠᠭᠢᠬᠤ ᠪᠣᠢ︖ ᠳᠠᠭᠢᠭᠠᠤᠨ ᠭᠡᠯᠡᠪᠠᠯ ᠴᠢᠨᠤ ᠮᠤᠩᠭ᠋ᠤᠯ ᠶᠢᠡᠷ ᠪᠢᠴᠢᠭ᠍ᠰᠡᠨ ᠵᠤᠬᠢᠶᠠᠯ ᠢ ᠴᠢᠨᠢ ᠭᠡᠨ ᠤᠩᠰᠢᠨᠡ ᠳ᠋ᠠ︖ ᠤᠳᠤ ᠳᠤᠭᠤᠭᠠᠨ ᠭᠡᠷ ᠲᠤ ᠭᠠᠭᠴᠠ ᠳᠤᠭᠤᠭᠠᠴᠢ ᠶᠢᠨ ᠤᠷᠤᠨ ᠳᠤᠭᠠ ᠥᠯᠡᠳᠡᠭᠡᠳ ᠪᠣᠢ᠂ ᠭᠢᠭᠦ ᠡᠰᠡᠭᠦ ᠪᠠᠨ ᠥᠪᠠᠷᠳᠡᠭᠡᠨ ᠮᠠᠳᠠ ᠡ︕ ᠭᠡᠵᠤ ᠴᠠᠭᠠᠳᠤᠭᠢ ᠺᠤᠮᠫᠢᠦ᠋ᠲ᠋ᠧᠷ ᠲᠤ ᠪᠠᠨ ᠭᠦᠵᠦᠷ ᠳᠤᠭᠯᠠᠵᠤ ᠰᠠᠭᠤᠯᠠ᠃
ᠬᠤᠷᠯᠤ ᠭᠤᠸᠠᠢ ᠭᠠᠷ ᠳᠠᠭᠢ ᠥᠪᠦᠷ ᠮᠤᠩᠭ᠋ᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠰᠠᠯᠪᠣᠷᠢ ᠭᠡᠰᠡᠨ ᠠᠯᠳᠠᠨ ᠥᠰᠦᠭ᠌ ᠲᠡᠶ ᠥᠨᠡᠮᠯᠡᠯ ᠶᠢᠡᠨ ᠳᠠᠭᠢᠨ ᠨᠢᠭᠡ ᠬᠠᠷᠠᠵᠤ ᠠᠪᠣᠭᠠᠤᠨ᠂ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠥᠭᠡᠢ ᠪᠠᠶᠠ ᠨᠢ ᠰᠤᠯᠠᠷᠠᠨ᠂ ᠰᠠᠠᠳᠠᠯᠢ ᠳᠡᠭᠡᠷᠡ ᠯᠠᠭᠭᠢᠳᠠᠯᠠ ᠰᠠᠭᠤᠯᠠ᠃ ᠤᠯᠠᠭᠠᠨ ᠥᠨᠡᠮᠯᠡᠯ ᠴᠤ ᠡᠵᠡᠨ ᠤ ᠪᠠᠨ ᠭᠠᠷ ᠡᠴᠡ ᠱᠤᠯᠪᠣᠷᠢᠨ ᠤᠨᠠᠵᠤ᠂ ᠭᠦᠰᠡᠷ ᠭᠡᠪᠳᠡᠨᠡ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠵᠡᠭᠦᠨ ᠪᠠᠭᠠᠷᠢᠨ ᠪᠠᠶᠠᠨ ᠠᠭᠤᠯᠠ
ᠵᠤᠬᠢᠶᠠᠭᠴᠢ᠄ ᠪᠠᠶᠠᠭᠤᠳ ᠰᠦᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠥᠭᠥᠯᠡᠯᠭᠡᠳᠠᠷᠤᠮ᠄ 15959
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 13
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ