☆ ᠦ᠊·ᠠᠯᠳᠠᠠᠪᠣᠯᠠᠭ
ᠵᠥᠭᠡᠯᠡᠨ ᠠᠮᠠ
ᠠᠮᠠᠨ ᠳᠡᠭᠡᠷᠡ ᠪᠠᠨ ᠡᠯᠭᠦᠭ᠍ᠰᠡᠨ
ᠠᠶᠠ ᠵᠠᠰᠠᠭᠰᠠᠨ ᠥᠭᠡᠨ ᠤ
ᠠᠮᠳᠠ ᠨᠢ ᠰᠠᠢ᠌ᠬᠠᠨ ᠪᠠᠢ᠌ᠳᠠᠭ ᠶᠤᠮ
ᠠᠭᠢᠭᠠᠤᠨ ᠵᠠᠵᠢᠯᠬᠤ ᠳᠤ ᠭᠠᠰᠢᠭᠤᠨ ᠶᠤᠮ᠃
ᠣᠷᠴᠢᠨ ᠠᠬᠤᠢ ᠳᠤ ᠵᠤᠭᠢᠴᠠᠭᠰᠠᠨ
ᠣᠷᠠᠨ ᠪᠢᠯᠳᠠᠤᠴᠢ ᠥᠭᠡᠨ ᠤ
ᠠᠭᠤᠯᠭᠠ ᠬᠤᠳᠠᠯ ᠪᠠᠢ᠌ᠳᠠᠭ ᠶᠤᠮ
ᠠᠭᠤᠳᠠᠯᠠᠬᠤ ᠳᠤᠳᠤᠮ ᠵᠠᠯᠢᠴᠢᠨ ᠶᠤᠮ ᠃
ᠥᠩᠭᠡᠪᠴᠢ ᠭᠦᠮᠤᠨ ᠤ ᠠᠮᠠ ᠭᠡᠭ᠍ᠴᠢ
ᠦᠷᠠᠵᠤ ᠨᠢᠮᠭᠡᠷᠡᠭ᠍ᠰᠡᠨ ᠭᠢᠳᠤᠭᠠ ᠶᠤᠮ
ᠰᠠᠯᠭᠢ ᠰᠢᠷᠭᠤᠳᠠᠭ ᠵᠠᠢ ᠪᠠᠷ ᠴᠤ
ᠰᠠᠭᠢᠯ ᠦᠭᠡᠶ ᠣᠷᠤᠳᠠᠭ ᠶᠤᠮ᠃
ᠦᠨᠡᠨ ᠰᠡᠳᠭᠢᠯ ᠶᠢᠡᠨ ᠭᠠᠵᠢᠳᠠᠭ
ᠦᠪᠡᠷ ᠤᠨ ᠵᠢᠮᠠ ᠡᠴᠡ ᠭᠠᠷᠳᠠᠭ
ᠪᠣᠰᠤᠳ ᠤᠨ ᠳᠤᠭᠤᠰᠤᠨ ᠳᠤ ᠪᠣᠯᠠᠭᠳᠠᠳᠠᠭ
ᠪᠣᠵᠠᠷ ᠶᠢᠡᠨ ᠳᠠᠯᠳᠠ ᠨᠢᠭᠤᠳᠠᠭ
ᠵᠥᠭᠡᠯᠡᠨ ᠠᠮᠠ ᠲᠡᠶ ᠭᠦᠮᠤᠨ ᠤ
ᠵᠢᠷᠦᠭᠡ ᠨᠢ ᠬᠠᠷᠠ ᠪᠠᠢ᠌ᠳᠠᠭ ᠶᠤᠮ
ᠵᠦᠷᠢᠵᠤ ᠭᠠᠷᠬᠤ ᠵᠠᠪᠰᠢᠶᠠᠨ ᠳ᠋ᠤ
ᠮᠠᠭᠳᠠᠵᠤ ᠮᠠᠭᠤᠯᠠᠵᠤ ᠠᠮᠵᠢᠳᠠᠭ ᠶᠤᠮ᠃
ᠵᠦᠪ ᠪᠣᠷᠤᠭᠤ ᠬᠤᠶᠠᠷ ᠢ
ᠵᠦᠷᠢᠭᠦᠤ ᠶᠢ ᠨᠢ ᠳᠠᠭᠠᠷᠠᠭᠤᠯᠵᠤ ᠪᠣᠭᠴᠢᠬᠠᠳᠠᠭ
ᠵᠢᠳᠭᠦᠯ ᠥᠭᠦᠯ ᠬᠤᠶᠠᠷ ᠢ
ᠵᠢᠪᠡ ᠲᠡᠶ ᠳᠤᠭᠤᠭᠠᠨ ᠳᠤ ᠴᠢᠨᠠᠴᠢᠬᠠᠳᠠᠭ
ᠡᠮᠦᠨᠡ ᠴᠢᠨᠢ ᠨᠢᠭᠡ ᠵᠢ
ᠠᠷᠤ ᠳᠤ ᠴᠢᠨᠢ ᠬᠤᠶᠠᠷ ᠢ
ᠡᠷᠭᠢᠭᠦᠯᠭᠡ ᠶᠢ ᠨᠢ ᠰᠠᠢ᠌ᠬᠠᠨ ᠵᠤᠭᠢᠴᠠᠭᠤᠯᠵᠤ
ᠳᠡᠯᠡᠭᠡ ᠢᠰᠢᠭᠡ ᠰᠢᠭ᠌ ᠭᠦᠭᠦᠳᠡᠭ᠌ ᠶᠤᠮ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠳᠦᠷᠪᠠᠤᠨ ᠬᠤᠰᠢᠭᠤᠨ ᠤ ᠵᠢᠭᠠᠬᠤ ᠶᠢ ᠰᠤᠳᠤᠯᠬᠤ ᠳᠠᠰᠤᠭ
ᠵᠤᠬᠢᠶᠠᠭᠴᠢ᠄ ᠦ᠊·ᠠᠯᠳᠠᠠᠪᠣᠯᠠᠭ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2653
ᠴᠠᠭ᠄ 2012 ᠤᠨ ᠤ 04 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ