☆ ᠣᠷᠭᠢᠯᠤᠮᠠ
ᠮᠤᠩᠭ᠋ᠤᠯ ᠮᠢᠨᠢ ᠡ᠊ᠨᠳᠡ ᠪᠠᠢ᠌ᠵᠠᠢ
- ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠦᠪᠣᠷᠵᠢᠯᠠᠭᠠ ᠨᠤᠳᠤᠭ ᠲᠤ ᠭᠦᠷᠦᠭᠡᠳ
ᠥᠪᠦᠷ ᠳᠦᠴᠢ ᠶᠢᠰᠤᠨ ᠳᠤ
ᠦᠪᠡᠷ ᠤᠨ ᠨᠤᠳᠤᠭ ᠯᠠ ᠭᠤᠶᠤᠬᠠᠨ ᠭᠡᠰᠡᠨ
ᠡᠪᠦᠭᠡᠳ ᠤᠨ ᠦᠶᠡ ᠶᠢᠨ ᠰᠤᠷᠭᠠᠯ ᠢ
ᠦᠳᠡᠰᠢ ᠶᠢᠨ ᠵᠡᠭᠦᠳᠤᠨ ᠳᠤ ᠪᠠᠨ ᠴᠤ ᠵᠥᠪᠳᠡᠭᠡᠵᠤ ᠪᠠᠢ᠌ᠵᠠᠢ
ᠦᠨᠢᠷ ᠳᠠᠩᠰᠤᠭ ᠬᠤᠷᠴᠢᠨ ᠳᠤ
ᠠᠭᠤᠳᠠᠮ ᠪᠠᠶᠠᠯᠢᠭ ᠨᠤᠳᠤᠭ ᠦᠯᠠᠳᠠᠪᠠ ᠦᠦ ︖ ᠭᠡᠵᠤ
ᠦᠯᠢᠭᠡᠷ ᠳᠡᠦᠭᠡ᠂ ᠦᠨᠦ ᠦᠶᠡ ᠡᠴᠡ ᠴᠤ
ᠣᠩᠰᠢᠵᠤ ᠨᠢᠳᠦᠯᠡᠭ᠍ᠰᠡᠭᠡᠷ ᠢᠷᠠᠯᠠ᠂ ᠪᠢ
ᠭᠡᠶᠡ᠂ ᠮᠤᠩᠭ᠋ᠤᠯ ᠮᠢᠨᠢ ᠡ᠊ᠨᠳᠡ ᠪᠠᠢ᠌ᠵᠠᠢ
ᠭᠡᠷᠡᠯᠳᠦᠵᠤ ᠪᠠᠢ᠌ᠭᠠ ᠨᠠᠷᠠ ᠨᠢ ᠮᠤᠩᠭ᠋ᠤᠯ
ᠭᠡᠳᠡᠵᠤ ᠳᠠᠭᠠᠬᠤ ᠰᠡᠭᠦᠳᠡᠷ ᠨᠢ ᠮᠤᠩᠭ᠋ᠤᠯ
ᠭᠡᠵᠢᠭᠡ ᠶᠢ ᠢᠯᠪᠢᠭᠦ ᠰᠠᠯᠭᠢ ᠨᠢ ᠴᠤ ᠮᠤᠩᠭ᠋ᠤᠯ
ᠡᠭᠡ ᠮᠤᠩᠭ᠋ᠤᠯ ᠮᠢᠨᠢ ᠡ᠊ᠨᠳᠡ ᠪᠠᠢ᠌ᠵᠠᠢ
ᠣᠭᠳᠤᠵᠤ ᠢᠨᠢᠶᠡᠭᠦ ᠴᠢᠷᠠᠢ ᠨᠢ ᠮᠤᠩᠭ᠋ᠤᠯ
ᠣᠷᠳᠤᠭᠤᠯᠵᠤ ᠡᠭᠡᠰᠢᠭᠯᠡᠭᠦ ᠳᠠᠭᠤᠤ ᠨᠢ ᠮᠤᠩᠭ᠋ᠤᠯ
ᠣᠳᠤ ᠶᠢ ᠬᠤᠷᠮᠣᠢ᠌ᠯᠠᠭᠰᠠᠨ ᠳᠡᠭ᠍ᠷᠢ ᠨᠢ ᠴᠤ ᠮᠤᠩᠭ᠋ᠤᠯ
ᠨᠤᠭᠤᠭᠠᠨ ᠳᠠᠯᠠ᠂ ᠨᠠᠯᠣᠢ᠌ᠮᠠ ᠰᠦᠷᠦᠭ᠌ ᠢ
ᠵᠢᠷᠤᠭ ᠤᠨ ᠶᠢᠷᠳᠢᠠᠴᠤ ᠡᠴᠡ ᠬᠠᠷᠠᠵᠤ ᠪᠠᠢ᠌ᠭᠰᠠᠨ ᠪᠢ
ᠨᠤᠭᠤᠭᠠᠨ ᠳᠠᠯᠠ᠂ ᠨᠠᠯᠣᠢ᠌ᠮᠠ ᠰᠦᠷᠦᠭ᠌ ᠤᠨ ᠦᠨᠡᠨ ᠢ
ᠵᠠᠰᠠᠭᠳᠤ ᠶᠢᠨ ᠦᠪᠣᠷᠵᠠᠯᠠᠭᠠ ᠡᠴᠡ ᠰᠡᠭᠦᠳᠡᠷᠯᠡᠯᠡ
ᠮᠢᠨᠤ ᠮᠤᠩᠭ᠋ᠤᠯ ᠡ᠊ᠨᠳᠡ ᠪᠠᠢ᠌ᠵᠠᠢ
ᠭᠡᠷ ᠲᠤ ᠪᠠᠨ ᠭᠦᠡᠳᠦᠯᠡᠭᠦ ᠶᠤᠰᠤ ᠨᠢ ᠮᠤᠩᠭ᠋ᠤᠯ
ᠭᠡᠭᠡᠷᠡᠳᠡᠯᠡ ᠶᠠᠷᠢᠯᠴᠠᠭᠰᠠᠨ ᠴᠤ ᠭᠡᠯᠡ ᠨᠢ ᠮᠤᠩᠭ᠋ᠤᠯ
ᠭᠦᠢᠯᠡᠷ ᠭᠤᠤᠯ ᠤᠨ ᠠᠮᠢᠰᠬᠤᠭᠠ ᠨᠢ ᠴᠤ ᠮᠤᠩᠭ᠋ᠤᠯ ᠡ
ᠮᠢᠨᠤ ᠮᠤᠩᠭ᠋ᠤᠯ ᠡ᠊ᠨᠳᠡ ᠪᠠᠢ᠌ᠵᠠᠢ
ᠡᠮᠦᠰᠭᠡᠯ ᠵᠠᠰᠠᠯ ᠨᠢ ᠳᠡᠷᠯᠢᠭ᠌
ᠡᠮᠡᠭᠡᠯᠳᠤ ᠮᠤᠷᠢ ᠨᠢ ᠠᠷᠭᠤᠮᠠᠭ
ᠦᠨᠳᠦᠷ ᠠᠭᠤᠯᠠᠨ ᠨᠢ ᠴᠤ ᠪᠣᠷᠵᠢᠭᠢᠨ ᠡ
ᠮᠢᠨᠤ ᠮᠤᠩᠭ᠋ᠤᠯ ᠡ᠊ᠨᠳᠡ ᠪᠠᠢ᠌ᠵᠠᠢ
ᠠᠠᠳᠠ ᠶᠢᠨ ᠰᠡᠳᠭᠢᠯ ᠠᠷᠢᠭᠤᠨ ᠡᠴᠡ ᠠᠷᠢᠭᠤᠨ
ᠠᠢ᠌ᠯ ᠤᠨ ᠬᠡᠦᠭᠡᠡᠴᠦᠳ ᠴᠢᠷᠠᠢ᠌ᠯᠢᠭ ᠡᠴᠡ ᠴᠢᠷᠠᠢ᠌ᠯᠢᠭ
ᠠᠭᠤᠯᠠ ᠶᠢᠨ ᠣᠪᠣᠭᠠ ᠰᠦᠷᠯᠢᠭ᠌ ᠡᠴᠡ ᠰᠦᠷᠯᠢᠭ᠌
ᠮᠢᠨᠤ ᠮᠤᠩᠭ᠋ᠤᠯ ᠡ᠊ᠨᠳᠡ ᠪᠠᠢ᠌ᠵᠠᠢ
ᠮᠢᠨᠤ ᠶᠢᠰᠤᠨ ᠭᠦᠰᠡᠯ ᠡ᠊ᠨᠳᠡ ᠪᠠᠶᠠᠯᠠᠵᠠᠢ
ᠮᠤᠩᠭ᠋ᠤᠯ ᠨᠤᠳᠤᠭ ᠡᠢ᠌ᠮᠤ ᠳᠤ ᠪᠠᠨ ᠣᠮᠤᠭᠰᠢᠯᠳᠠᠢ
ᠮᠤᠩᠭ᠋ᠤᠯ ᠨᠤᠳᠤᠭ ᠶᠢᠡᠨ ᠡᠭᠦᠷᠢᠳᠡ ᠰᠠᠭᠢᠯᠳᠠᠢ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠣᠷᠭᠢᠯᠤᠮᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2626
ᠴᠠᠭ᠄ 2010 ᠤᠨ ᠤ 08 ᠰᠠᠷᠠ ᠶᠢᠨ 03
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ