☆ ᠪᠣᠷᠵᠢᠭᠢᠨ ᠷᠢᠠᠴᠢᠨ
ᠨᠠᠷᠠ ᠪᠣᠯᠤᠭᠰᠠᠨ ᠡᠵᠢ ᠮᠢᠨᠢ
ᠡᠨᠡ ᠰᠦᠨᠢ ᠪᠢ ᠨᠢᠭᠡᠨ ᠵᠡᠭᠦᠳᠤ ᠵᠡᠭᠦᠳᠦᠯᠡᠯᠡ᠃
ᠵᠡᠭᠦᠳᠤᠨ ᠳᠤ ᠡᠵᠢ ᠮᠢᠨᠢ ᠨᠠᠮᠢ᠋ᠢ ᠭᠦᠳᠦᠯᠤᠨ ᠵᠡᠭᠦᠨ ᠮᠠᠩᠬᠠᠨ ᠳᠡᠭᠡᠭᠦᠷ ᠮᠠᠠᠳᠤᠬᠤ ᠭᠠᠯ ᠣᠯᠠᠭᠠᠨ ᠳᠡᠷᠭᠡᠯ ᠨᠠᠷᠠᠨ ᠵᠥᠭ᠌ ᠶᠠᠪᠣᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠵᠢ ᠡ᠂ ᠪᠢᠳᠠ ᠬᠠᠮᠢᠭᠠ ᠣᠴᠢᠬᠤ ᠪᠣᠢ ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠷᠠᠨ ᠡᠪᠦᠭᠡ ᠶᠢᠨ ᠴᠢᠨᠢ ᠣᠴᠢᠶᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠷᠠᠨ ᠡᠪᠦᠭᠡ ᠨᠠᠳᠠ ᠳᠤ ᠶᠠᠮᠠᠷ ᠠᠮᠳᠠᠳᠤ ᠰᠢᠭᠢᠷ ᠥᠭ᠍ᠳᠡᠭ᠌ ᠪᠣᠯ ᠳ᠋ᠠ ᠭᠡᠵᠤ ᠰᠢᠯᠤᠰᠤ ᠪᠠᠨ ᠵᠠᠯᠭᠢᠨ ᠪᠢ ᠠᠰᠠᠭᠤᠨᠠ᠃
ᠡᠷᠭᠢᠭᠡᠳ ᠬᠠᠷᠠᠬᠤ ᠳᠤ ᠡᠵᠢ ᠮᠢᠨᠢ ᠨᠠᠷᠠ ᠪᠣᠯᠤᠭᠠᠤᠨ ᠨᠠᠳᠠ ᠶᠢ ᠪᠠᠨ ᠭᠡᠷᠡᠯᠳᠦᠭᠦᠯᠵᠤ ᠪᠠᠢ᠌ᠯᠠ᠃
ᠡᠵᠢ ᠳᠡᠭᠡᠨ ᠪᠢ ᠣᠴᠢᠨᠠ ᠭᠡᠳ ᠨᠠᠷᠠᠨ ᠵᠥᠭ᠌ ᠴᠢᠨᠡᠭᠡ ᠮᠠᠳᠠᠨ ᠭᠦᠶᠦᠯᠡ ᠁
ᠡᠵᠢ ᠡ᠂ ᠡᠵᠢ ᠡ ᠁ ᠨᠠᠷᠠ ᠁ ᠨᠠᠷᠠ ᠭᠡᠳ ᠪᠢ ᠵᠡᠭᠦᠳᠤ ᠡᠴᠠ ᠪᠠᠨ ᠰᠠᠷᠢᠯᠠ ᠁
ᠨᠢᠭᠡ ᠪᠣᠳᠤᠬᠤᠯᠠᠷ ᠨᠠᠷᠠ ᠪᠣᠯᠤᠭᠰᠠᠨ ᠡᠵᠢ ᠡᠴᠠ ᠪᠠᠨ ᠰᠠᠯᠤᠭᠠᠤᠨ ᠭᠤᠴᠢᠨ ᠳᠦᠷᠪᠠᠨ ᠵᠢᠯ ᠤ ᠨᠢᠭᠤᠷ ᠦᠵᠡᠯᠠ᠃ ᠳᠠᠷᠠ ᠦᠶᠡ ᠳᠤ ᠪᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠳᠠᠢ᠂ ᠦᠨᠳᠦᠷ ᠳᠤᠮᠳᠠᠳᠤ ᠳᠤ ᠪᠢᠴᠢᠭ᠌ ᠦᠵᠡᠵᠤ ᠪᠠᠢ᠌ᠯᠠ᠃ ᠳᠦᠴᠢᠨ ᠬᠤᠶᠠᠷ ᠵᠢᠯ ᠤᠨ ᠡᠮᠤᠨᠡ ᠪᠢ ᠨᠢ᠋ᠮᠠᠬᠠᠨ ᠨᠠᠰᠤᠳᠠᠢ ᠳᠠᠭᠠᠨ ᠡᠴᠢᠭᠡ ᠶᠢᠨ ᠬᠠᠢ᠌ᠷᠠ ᠪᠠᠨ ᠠᠯᠳᠠᠵᠠᠢ᠂ ᠳᠠᠷᠠ ᠦᠶᠡ ᠳᠤ ᠪᠢ ᠠᠩᠬᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠣᠱᠤᠭᠠ ᠶᠢ ᠠᠯᠬᠤᠵᠤ ᠪᠠᠢ᠌ᠯᠠ᠃ ᠡᠵᠢ ᠮᠢᠨᠢ ᠭᠤᠴᠢᠨ ᠨᠢ᠋ᠮᠠᠨ ᠨᠠᠰᠤᠨ ᠤ ᠪᠠᠨ ᠵᠠᠮ ᠳᠤᠮᠳᠠ ᠪᠠᠨ ᠠᠮᠠᠷᠠᠭ ᠬᠠᠨᠢ ᠪᠠᠨ ᠠᠯᠳᠠᠵᠠᠢ᠃ ᠡᠨᠡ ᠭᠡᠷ ᠤᠨ ᠬᠤᠶᠠᠷ ᠳᠤᠯᠭᠠᠭᠤᠷᠢ ᠶᠢᠨ ᠨᠢᠭᠡᠨ ᠨᠢ ᠨᠤᠷᠠᠭᠰᠠᠨ ᠴᠤ ᠥᠯᠡᠳᠡᠭ᠍ᠰᠡᠨ ᠨᠢᠭᠡ ᠨᠢ ᠡᠪᠦᠳᠦᠭ᠌ ᠨᠤᠭᠤᠷᠠᠭᠰᠠᠨ ᠦᠭᠡᠶ ᠡᠨᠡ ᠭᠡᠷ ᠶᠢᠡᠨ ᠡᠷᠭᠦᠨ ᠪᠣᠰᠤᠯᠠ᠃
ᠮᠠᠨᠠᠢ᠌ᠭᠢᠨ ᠭᠡᠵᠤ ᠪᠦᠯᠢ ᠣᠯᠠᠨ ᠲᠡᠶ᠂ ᠠᠬᠠ ᠡᠭᠡᠴᠢ ᠳᠡᠭᠦᠤ ᠨᠢ᠋ᠮᠠᠭᠤᠯᠠ᠂ ᠶᠡᠭᠡ ᠨᠢ ᠬᠤᠷᠢ᠂ ᠪᠠᠭᠠ ᠨᠢ ᠰᠠᠶᠢ ᠭᠤᠷᠪᠠᠬᠠᠨ ᠨᠠᠰᠤᠳᠠᠢ ᠦᠨᠦᠴᠢᠷᠠᠵᠠᠢ᠃ ᠦᠨᠦᠴᠢᠨ ᠶᠢᠡᠨ ᠦᠰᠭᠡᠭᠦ ᠪᠠᠷ ᠦᠰᠤ ᠪᠠᠨ ᠳᠤᠭᠠᠯᠠᠭᠰᠠᠨ ᠭᠦᠭᠡᠷᠦᠭᠦᠢ ᠮᠢᠨᠤ ᠬᠠᠢ᠌ᠷᠠᠳᠤ ᠡᠵᠢ ᠮᠢᠨᠢ ᠦᠷᠡ ᠳᠡᠭᠡᠨ ᠨᠢᠯᠪᠣᠰᠤᠨ ᠳᠤᠰᠤᠯ ᠶᠢᠡᠨ ᠥᠵᠡᠭᠦᠯᠦᠭᠡ ᠦᠭᠡᠶ ᠶᠠᠪᠣᠵᠤ᠂ ᠦᠵᠡᠵᠤ ᠬᠠᠷᠠᠬᠤ ᠶᠢᠨ ᠵᠠᠪ ᠲᠤ ᠦᠰᠤ ᠨᠢ ᠪᠣᠭᠤᠷᠤᠯᠳᠤᠯᠠ᠃ ᠦᠷᠡ ᠳᠡᠭᠡᠨ ᠡᠵᠢ ᠮᠢᠨᠢ ᠳᠠ ᠨᠠᠷᠠᠨ ᠪᠣᠯᠵᠤ ᠡᠭᠡ ᠶᠢᠨ ᠡᠨᠡᠷᠢᠯ᠂ ᠡᠴᠢᠭᠡ ᠶᠢᠨ ᠬᠠᠢ᠌ᠷᠠ ᠶᠢ ᠵᠡᠷᠭᠡᠪᠠᠷ ᠭᠦᠷᠳᠡᠭᠡᠯᠡ᠃ ᠦᠨᠦᠴᠢᠨ ᠦᠷᠦᠭᠡᠰᠤᠨ ᠭᠡᠰᠡᠨ ᠢ ᠦᠷᠡ ᠶᠢᠨ ᠶᠢᠡᠨ ᠰᠡᠳᠭᠢᠯ ᠳᠤ ᠬᠠᠪᠢᠳᠠᠭᠤᠯᠤᠯ ᠦᠭᠡᠶ ᠦᠷᠯᠦᠭᠡ ᠡᠴᠠ ᠦᠳᠡᠰᠢ ᠪᠣᠯᠳᠠᠯᠠ ᠥᠵᠦᠭᠦᠷ ᠤᠨ ᠨᠠᠷᠠ ᠶᠢ ᠳᠤᠯᠭᠠ ᠶᠢᠨ ᠶᠢᠡᠨ ᠳᠡᠷᠭᠡᠳᠡ ᠣᠭᠳᠤᠨ ᠦᠳᠡᠵᠤ᠂ ᠡᠳᠦᠷ ᠳᠤᠷᠰᠢ ᠭᠡᠷ ᠤᠨ ᠶᠢᠡᠨ ᠳᠤᠳᠤᠨᠠ ᠭᠠᠳᠠᠨᠠᠭᠢ ᠬᠠᠷᠠ ᠪᠣᠷᠤ ᠠᠵᠢᠯ ᠳᠤ ᠪᠣᠷᠪᠢ ᠨᠤᠭᠤᠷᠠᠯ ᠦᠭᠡᠶ ᠵᠢᠳᠭᠦᠵᠤ᠂ ᠦᠳᠡᠰᠢ ᠶᠢᠨ ᠳᠤᠰᠤᠨ ᠳ᠋ᠸᠩ ᠤᠨ ᠪᠦᠳᠡᠭᠢ ᠭᠡᠷᠡᠯ ᠤᠨ ᠳᠤᠤᠷᠠ ᠣᠢ᠌ᠯᠠ ᠣᠳᠠᠰᠤ ᠲᠡᠶ ᠪᠠᠨ ᠨᠤᠴᠤᠯᠳᠤᠭᠰᠠᠭᠠᠷ ᠶᠠᠳᠠᠷᠠᠵᠤ ᠲᠤᠢ᠌ᠯᠳᠠᠯᠠ᠂ ᠡᠪᠡᠳᠴᠢᠨ ᠡᠮᠭᠡᠭ᠌ ᠳᠤᠰᠤᠯᠠ᠂ ᠭᠡᠪᠠᠴᠤ ᠦᠷᠡ ᠳᠡᠭᠡᠨ ᠥᠭᠡ ᠰᠤᠨᠤᠰᠬᠠᠭᠠ ᠦᠭᠡᠶ᠂ ᠬᠠᠮᠤᠭ ᠬᠠᠢ᠌ᠷᠠ ᠪᠠᠨ ᠦᠷᠡ ᠳᠡᠭᠡᠨ ᠶᠡᠭᠦᠯᠡᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠦᠷᠡ ᠶᠢᠨ ᠶᠢᠡᠨ ᠦᠳᠦ ᠰᠦᠳᠤ ᠶᠢ ᠨᠢ ᠪᠦᠷᠢᠯᠳᠦᠭᠦᠯᠦᠮᠡᠭ᠍ᠴᠡ ᠦᠷᠡ ᠶᠢᠨ ᠶᠢᠡᠨ ᠰᠠᠢ᠌ᠨ ᠢ ᠦᠵᠡᠯ ᠦᠭᠡᠶ ᠪᠠᠷ ᠬᠠᠢ᠌ᠷᠠᠳᠤ ᠡᠵᠢ ᠮᠢᠨᠢ ᠬᠠᠯᠢᠨ ᠣᠳᠤᠯᠠ᠃
ᠠᠴᠢᠳᠤ ᠡᠵᠢ ᠡᠴᠠ ᠪᠠᠨ ᠰᠠᠯᠤᠭᠠᠤᠨ ᠭᠤᠴᠢᠨ ᠳᠦᠷᠪᠠᠨ ᠬᠠᠪᠣᠷ ᠨᠠᠮᠤᠷ ᠢ ᠣᠭᠳᠤᠵᠤ ᠦᠳᠡᠯᠠ᠂ ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠡᠴᠠ ᠮᠢᠨᠢ ᠭᠠᠷᠳᠠᠭ ᠦᠭᠡᠶ ᠡᠭᠡ ᠶᠢᠨ ᠡᠨᠡᠷᠢᠯ ᠬᠠᠢ᠌ᠷᠠ ᠠᠮᠢᠳᠤᠷᠠᠯ ᠣᠢ᠌ᠯᠠᠰ ᠲᠤ ᠮᠢᠨᠢ ᠨᠠᠷᠠᠨ ᠪᠣᠯᠵᠤ᠂ ᠠᠯᠬᠤᠵᠤ ᠭᠢᠰᠭᠢᠭᠦ ᠳᠤ ᠮᠢᠨᠢ ᠳᠦᠰᠢᠭ᠌ ᠪᠣᠯᠵᠤ᠂ ᠠᠯᠤᠰ ᠶᠠᠪᠣᠬᠤ ᠳᠤ ᠮᠢᠨᠢ ᠬᠠᠷᠠᠭᠠ ᠪᠣᠯᠪᠠ᠃
ᠭᠦᠭᠡᠷᠦᠭᠦᠢ ᠬᠠᠢ᠌ᠷᠠᠳᠤ ᠡᠵᠢ ᠮᠢᠨᠢ᠂ ᠡᠨᠡᠷᠢᠯ ᠠᠴᠢ ᠶᠢ ᠴᠢᠨᠢ ᠡᠨᠡ ᠨᠠᠰᠤᠨ ᠳᠠᠭᠠᠨ ᠬᠠᠷᠢᠭᠤᠯᠵᠤ ᠳᠡᠢ᠌ᠯᠭᠦ ᠦᠭᠡᠶ ᠴᠤ ᠡᠭᠡ ᠣᠷᠤᠨ ᠳᠠᠭᠠᠨ ᠡᠩ ᠤᠨ ᠨᠢᠭᠡᠨ ᠮᠤᠳᠤ ᠪᠣᠯᠤᠨ ᠣᠷᠭᠤᠵᠤ ᠡᠵᠢ ᠳᠠᠨ ᠢ ᠪᠠᠨ ᠪᠣᠷᠤᠭᠠᠨ ᠰᠠᠯᠭᠢᠨ ᠡᠴᠠ ᠬᠠᠯᠬᠠᠯᠠᠵᠤ ᠬᠠᠮᠠᠭᠠᠯᠠᠵᠤ ᠶᠠᠪᠣᠬᠤ ᠨᠢ ᠡᠷᠪᠠᠢ ᠦᠷᠡ ᠶᠢᠨ ᠴᠢᠨᠢ ᠭᠦᠰᠡᠯ ᠵᠤᠷᠢᠯᠳᠠ ᠪᠢᠯᠠ ᠁
ᠨᠠᠷᠠᠨ ᠪᠣᠯᠤᠭᠰᠠᠨ ᠬᠠᠢ᠌ᠷᠠᠳᠤ ᠡᠵᠢ ᠮᠢᠨᠢ ᠠᠮᠤᠷᠯᠢᠩᠭ᠋ᠤᠢ ᠨᠣᠢ᠌ᠷᠰᠤᠭᠠᠷᠠᠢ ︕
ᠨᠠᠷᠠᠳᠤ ᠶᠢᠷᠳᠢᠠᠴᠤ ᠳᠤ ᠦᠷᠡ ᠴᠢᠨᠢ ᠪᠢ ᠨᠠᠷᠠᠨ ᠤ ᠪᠡᠨ ᠳᠤᠤᠷᠠ 《ᠳᠡᠭ᠍ᠷᠢ ᠶᠢᠨ ᠦᠰᠦᠭ᠌》 ᠰᠢᠭ᠌ ᠶᠢᠡᠨ ᠪᠣᠰᠤᠭᠠ ᠶᠠᠪᠣᠨᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠦᠯᠤᠨ ᠪᠣᠢ᠌ᠷ ᠬᠤᠳᠠ ᠶᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠷᠢᠠᠴᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6192
ᠴᠠᠭ᠄ 2012 ᠤᠨ ᠤ 06 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ