☆ ᠪᠠ᠊·ᠣᠳᠬᠤᠠᠪᠠᠭᠠᠳᠤᠷ
ᠠᠪᠤᠨ ᠡᠵᠢᠨ ᠬᠤᠶᠠᠷ
ᠠᠯᠳᠠᠨ ᠣᠪᠣᠭᠠᠨ ᠤ ᠰᠢᠳᠦᠭᠡᠨ ᠰᠢᠭ᠌
ᠠᠪᠣ ᠪᠠᠨ ᠪᠢ ᠪᠢᠴᠢᠶᠠ︕
ᠠᠯᠳᠠᠢ ᠠᠭᠤᠯᠠᠨ ᠰᠢᠭ᠌ ᠰᠦᠷᠯᠢᠭ᠌
ᠳᠦᠷᠢ ᠶᠢ ᠴᠢᠨᠢ ᠪᠢ ᠴᠤ ᠪᠢᠴᠢᠨᠠ ︕
ᠠᠷᠤ ᠳᠠᠯᠠ ᠶᠢᠨ ᠡᠩᠭᠡᠷ ᠰᠢᠭ᠌
ᠡᠵᠢ ᠪᠠᠨ ᠪᠢ ᠴᠤ ᠪᠢᠴᠢᠶᠠ︕
ᠠᠷᠢᠭᠤᠨ ᠮᠦᠷᠠᠨ ᠤ ᠣᠷᠤᠰᠬᠠᠯ ᠰᠢᠭ
ᠰᠡᠳᠭᠢᠯ ᠢ ᠴᠢᠨᠢ ᠪᠢ ᠴᠤ ᠪᠢᠴᠢᠨᠠ︕
ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠨ
ᠳᠦᠷᠦᠭᠡ ᠶᠢ ᠢᠰᠭᠦᠯᠵᠤ
ᠬᠤᠷᠸᠠ ᠶᠢᠨ ᠠᠶᠠᠨ ᠳ᠋ᠤ
ᠳᠠᠮᠢᠷ ᠳᠡᠵᠢᠭᠡᠭ᠍ᠰᠡᠨ
ᠬᠠᠮᠢᠭᠠ ᠶᠠᠪᠣᠭᠰᠠᠨ ᠴᠤ
ᠬᠠᠢ᠌ᠷᠠ ᠪᠠᠷ ᠳᠤᠳᠠᠭᠠ ᠥᠭᠡᠢ
ᠬᠠᠮᠠᠷᠳᠠᠵᠤ ᠣᠨᠠᠭᠰᠠᠨ ᠴᠤ
ᠳᠦᠰᠢᠭ᠌ ᠶᠢᠡᠷ ᠬᠤᠮᠰᠠᠳᠠᠭᠠ ᠥᠭᠡᠢ
ᠬᠠᠨ ᠪᠠᠢ᠌ᠭᠠᠯᠢ ᠶᠢᠨ
ᠬᠠᠮᠤᠭ ᠠᠵᠠ ᠶᠢ ᠪᠢ ᠠᠳᠬᠤᠬᠤ ᠳᠠᠭᠠᠨ
ᠠᠪᠣ ᠳᠠᠭᠠᠨ ᠪᠢ ᠣᠮᠤᠭ ᠨᠢ ᠶᠤᠮ︕
ᠡᠵᠢ ᠳᠡᠭᠡᠨ ᠪᠢ ᠳᠠᠶᠠᠭ ᠨᠢ ᠶᠤᠮ︕
ᠠᠳᠤᠭᠤᠨ ᠢᠠᠴᠠᠭᠠ ᠪᠠᠷ
ᠳᠠᠭᠤᠤ ᠪᠠᠨ ᠢᠰᠭᠡᠷᠴᠤ
ᠠᠷᠤ ᠭᠡᠭᠡᠷᠡ ᠪᠠᠷ
ᠳᠡᠪᠢᠰᠭᠡᠷ ᠶᠢᠡᠨ ᠭᠢᠵᠤ
ᠠᠷᠢᠭᠤᠨ ᠮᠦᠷᠠᠨ ᠵᠢᠠᠷ
ᠣᠮᠳᠠ ᠪᠠᠨ ᠳᠠᠷᠤᠭᠰᠠᠨ
ᠰᠢᠯᠢ ᠶᠢᠨ ᠰᠠᠢ᠌ᠨ ᠡᠷᠡ
ᠠᠪᠣ ᠭᠡᠳᠡᠭ᠌ ᠳᠡᠯᠡᠭᠡᠢ︕
ᠬᠤᠨᠢᠨ ᠤ ᠮᠠᠢ᠌ᠯᠠᠭᠠ ᠪᠠᠷ
ᠭᠦᠤ ᠪᠠᠨ ᠰᠠᠭᠠᠳᠠᠭᠤᠯᠵᠤ
ᠬᠤᠷᠮᠤᠢ ᠶᠢᠨ ᠶᠢᠡᠨ ᠳᠤᠯᠠᠭᠠᠨ ᠳ᠋ᠤ
ᠦᠷᠡ ᠪᠠᠨ ᠪᠦᠪᠠᠢ᠌ᠯᠡᠭ᠍ᠰᠡᠨ
ᠭᠡᠨ ᠳᠤ ᠴᠤ ᠣᠯᠳᠠᠭᠠ ᠥᠭᠡᠢ
ᠥᠭ᠍ᠭᠢᠶᠡᠮᠦᠷ ᠬᠠᠢ᠌ᠷᠠ ᠪᠠᠷ
ᠦᠷᠡ ᠪᠠᠨ ᠣᠭᠵᠢᠵᠤ
ᠲᠦᠯᠵᠢᠵᠤ ᠥᠰᠭᠡᠳᠡᠭ᠌
ᠡᠵᠢ ᠭᠦᠮᠤᠨ ᠢ
ᠬᠤᠷᠸᠠ ᠭᠡᠳᠡᠭ᠌ ᠡ︕
ᠠᠪᠣ ᠡᠵᠢ ᠵᠢᠨ
ᠠᠷᠢᠭᠤᠨ ᠰᠦᠨᠠᠰᠤᠨ ᠳᠤ ᠴᠤ
ᠠᠴᠢᠷ ᠲᠠᠭᠠᠨ ᠥᠯᠡᠳᠡᠭᠡᠭ᠍ᠰᠡᠨ
ᠬᠠᠢ᠌ᠷᠠ ᠪᠠᠢ᠌ᠳᠠᠭ︕
ᠠᠳᠠᠯ ᠠᠬᠤᠢ ᠶᠢᠨ
ᠣᠷᠴᠢᠨ ᠵᠠᠢ ᠳᠤ ᠴᠤ
ᠠᠵᠠ ᠶᠢᠨ ᠭᠡᠢ᠌ᠮᠦᠷᠢ
ᠳᠡᠭ᠍ᠷᠢ ᠢᠪᠠᠭᠡᠳᠡᠭ᠌︕
ᠪᠣᠷᠬᠠᠨ ᠤ ᠳᠡᠭᠡᠳᠤ
ᠠᠪᠣ ᠡᠵᠢ ᠬᠤᠶᠠᠷ
ᠪᠠᠢ᠌ᠳᠠᠭ ᠰᠢᠳᠦᠭᠡᠨ ᠤ
ᠳᠡᠭᠡᠵᠢ ᠨᠢ ᠶᠤᠮ ᠰᠢᠤ︕
ᠪᠠᠢ᠌ᠭᠠᠯᠢ ᠣᠷᠴᠢᠯᠠᠩ
ᠪᠢᠳᠠᠨ ᠤ ᠳᠡᠯᠡᠭᠡᠢ ᠶᠢᠨ
ᠪᠣᠰᠴᠤ ᠳᠠᠯᠠᠯᠤᠭᠰᠠᠨ
ᠰᠦᠯᠳᠡ ᠨᠢ ᠶᠤᠮ ᠰᠢᠤ︕
ᠦᠨᠳᠦᠰᠦ ᠲᠡᠶ ᠮᠤᠳᠤ
ᠠᠪᠤᠨ ᠡᠵᠢᠨ ᠬᠤᠶᠠᠷ ᠭᠡᠳᠡᠭ᠌ ᠢ
ᠭᠦᠤ ᠳᠤ ᠪᠠᠨ ᠪᠢ ᠳᠠᠨᠢᠭᠤᠯᠤᠨᠠ︕
ᠦᠶᠡ ᠶᠢᠨ ᠦᠶᠡ
ᠦᠷᠡ ᠶᠢᠨ ᠦᠷᠡ ᠳᠡᠭᠡᠨ
ᠣᠳᠤᠮ ᠢ ᠨᠢ ᠪᠢ ᠥᠮᠴᠢᠯᠡᠭᠦᠯᠦᠨᠡ︕
2010 .12.10
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠳᠤᠰ ᠤᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠠᠵᠤ ᠣᠢ᠌ᠯᠠᠳᠪᠣᠷᠢ ᠬᠤᠳᠠᠯᠳᠤᠭᠠᠨ ᠤ ᠬᠤᠯᠪᠣᠭᠠ
ᠵᠤᠬᠢᠶᠠᠭᠴᠢ᠄ ᠪᠠ᠊·ᠣᠳᠬᠤᠠᠪᠠᠭᠠᠳᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2957
ᠴᠠᠭ᠄ 2010 ᠤᠨ ᠤ 12 ᠰᠠᠷᠠ ᠶᠢᠨ 10
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ