☆ ᠬᠠᠰᠭᠢᠷᠤᠯ
ᠮᠤᠩᠭ᠋ᠤᠯ ᠭᠡᠷ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠪᠣᠳᠤᠭᠠᠷ ᠣᠳᠠᠭᠠᠨ ᠤ 《ᠮᠥᠩᠭᠡ ᠡᠡᠷᠴᠡ》 ᠰᠢᠯᠦᠭ᠌ ᠤᠨ ᠣᠷᠤᠯᠳᠤᠭᠠᠨ ᠳ᠋ᠤ ᠺᠠᠳ᠋ᠷ ᠣᠶᠤᠳᠠᠤᠨ ᠤᠨ ᠳᠤᠭᠣᠢ᠌ᠯᠠᠩ ᠤᠨ ᠨᠢᠭᠡᠳᠦᠭᠡᠷ ᠳᠠᠰ ᠤᠨ ᠱᠠᠩᠨᠠᠯ ᠭᠦᠷᠳᠡᠭ᠍ᠰᠡᠨ ᠰᠢᠯᠦᠭ᠌
ᠳᠠᠩᠴᠢ ᠬᠤᠯᠠ ᠡᠴᠡ ᠴᠠᠢ᠌ᠯᠵᠠᠬᠤ ᠨᠢ
ᠳᠠᠪᠣᠰᠤᠨ ᠭᠤᠪᠢ ᠶᠢᠨ ᠮᠢᠨᠢ ᠪᠠᠷᠠ ᠪᠠᠢ᠌ᠨᠠ
ᠳᠠᠯᠠᠨ ᠭᠠᠵᠠᠷ ᠡᠴᠡ ᠥᠡᠳᠡᠯᠵᠡᠭᠦ ᠨᠢ
ᠳᠠᠯᠠᠭᠠᠷ ᠴᠠᠭᠠᠨ ᠥᠷᠦᠭᠡ ᠮᠢᠨᠢ ᠪᠠᠢ᠌ᠨᠠ
ᠨᠠᠷᠠ ᠰᠠᠷᠠ ᠶᠢᠨ ᠭᠦᠳᠦᠯ ᠰᠢᠭ᠌
ᠨᠠᠯᠠᠭᠠᠷ ᠴᠠᠭᠠᠨ ᠥᠷᠦᠭᠡ ᠪᠠᠢ᠌ᠨᠠ
ᠨᠢ᠋ᠮᠠᠨ ᠳᠠᠭᠢᠯ ᠪᠦᠷᠢᠳᠦᠭ᠍ᠰᠡᠨ
ᠨᠠᠷᠠᠨ ᠤ ᠦᠨᠦᠷᠳᠤ ᠥᠷᠦᠭᠡ ᠪᠠᠢ᠌ᠨᠠ
ᠰᠠᠩ ᠰᠠᠪᠰᠠᠷ ᠤᠨ ᠳᠠᠭᠢᠯᠭᠠ ᠳᠠᠢ
ᠰᠠᠭᠢᠭᠤᠯᠰᠤ ᠭᠡᠢ᠌ᠮᠦᠷᠳᠤ ᠥᠷᠦᠭᠡ ᠪᠠᠢ᠌ᠨᠠ
ᠰᠥ᠋ ᠴᠠᠭᠠᠨ ᠤ ᠳᠡᠭᠡᠵᠢ ᠳᠠᠢ
ᠰᠠᠭᠠᠯᠢᠴᠢᠨ ᠠᠷᠠᠤᠨ ᠤᠨ ᠮᠢᠨᠢ ᠥᠷᠦᠭᠡ ᠪᠠᠢ᠌ᠨᠠ
ᠳᠡᠭ᠍ᠷᠢ ᠭᠠᠵᠠᠷ ᠤᠨ ᠰᠠᠨᠠᠭᠠ
ᠳᠠᠮᠤᠵᠢᠨ ᠪᠠᠭᠠᠳᠤᠷ ᠤᠨ ᠵᠠᠶᠠᠭᠠ
ᠮᠤᠩᠭ᠋ᠤᠯ ᠤᠨ ᠮᠢᠨᠢ ᠥᠯᠦᠭᠡᠢ
ᠮᠠᠭᠤ ᠪᠠᠶᠠ ᠶᠢᠨ ᠮᠢᠨᠢ ᠳᠡᠯᠡᠭᠡᠢ
ᠮᠥᠩᠭᠡ ᠭᠠᠯ ᠤᠨ ᠮᠢᠨᠢ ᠲᠦᠯᠦ
ᠮᠥᠩᠭᠡ ᠠᠷᠴᠠᠨ ᠤ ᠮᠢᠨᠢ ᠵᠠᠯᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠮᠤᠩᠭ᠋ᠤᠯ ᠭᠡᠷ ᠵᠢᠠᠨ
ᠮᠤᠩᠭ᠋ᠤᠯ ᠭᠦᠤ ᠨᠢ ᠰᠢᠯᠦᠭᠯᠡᠵᠤ ᠪᠠᠢ᠌ᠨᠠ ⁈
ᠡᠵᠢ ᠶᠢᠨ ᠪᠢᠳᠡᠭᠦᠯᠡᠭ᠍ᠰᠡᠨ ᠠᠯᠠᠭᠠ ᠰᠢᠭ
ᠡᠯᠢᠭᠡᠨ ᠭᠡᠯᠪᠡᠷᠢᠳᠡᠢ ᠳᠡᠭᠡᠪᠦᠷᠢ ᠪᠠᠢ᠌ᠨᠠ
ᠡᠴᠢᠭᠡ ᠶᠢᠨ ᠳᠤᠯᠠᠭᠠᠬᠠᠨ ᠳᠠᠪᠠᠷᠢ ᠰᠢᠭ᠌
ᠡᠷᠭᠢᠭᠦᠯᠵᠤ ᠭᠦᠳᠦᠷᠦᠭ᠍ᠰᠡᠨ ᠳᠤᠭᠤᠷᠭᠠ ᠪᠠᠢ᠌ᠨᠠ
ᠡᠩᠭᠡᠷ ᠳᠠᠯᠠ ᠪᠠᠨ ᠵᠠᠳᠠᠭᠠᠢ᠌ᠯᠠᠭᠰᠠᠨ
ᠡᠯᠪᠠᠷᠢᠯ ᠦᠯᠵᠡᠢ᠌ᠳᠤ ᠡᠭᠦᠳᠡ ᠪᠠᠢ᠌ᠨᠠ
《ᠢᠷᠡᠭᠡᠷᠡᠢ︕》 ᠭᠡᠰᠡᠨ ᠪᠠᠯᠭᠡᠰᠢᠶᠡᠯ ᠳᠠᠢ
ᠢᠭᠢᠷᠠ ᠬᠤᠶᠠᠷ ᠬᠠᠭᠠᠯᠭᠠ ᠪᠠᠢ᠌ᠨᠠ
ᠥᠷᠪᠦᠭᠡ ᠳᠠᠭᠠᠯᠠᠭᠰᠠᠨ ᠮᠤᠳᠤᠷ ᠰᠢᠭ
ᠥᠡᠳᠡᠭᠡᠨ ᠴᠠᠭᠠᠨ ᠡᠷᠦᠭᠡ ᠪᠠᠢ᠌ᠨᠠ
ᠥᠷᠭᠢᠷᠢᠭ᠌ ᠪᠦᠳᠦᠨ ᠲ᠋ᠠᠭᠠᠷᠠᠭᠤᠯᠤᠭᠰᠠᠨ
ᠥᠮᠦᠭ᠌ ᠭᠤᠷᠪᠠᠨ ᠪᠦᠰᠡᠯᠡᠭᠦᠷ ᠪᠠᠢ᠌ᠨᠠ
ᠰᠠᠭᠠᠳᠠᠭ ᠨᠤᠮᠤ ᠶᠢᠨ ᠭᠦᠪᠴᠢ ᠰᠢᠭ᠌
ᠰᠠᠯᠠᠭᠠ ᠽᠠᠠᠳᠠᠨ ᠴᠠᠩᠬᠤᠷᠠ ᠪᠠᠢ᠌ᠨᠠ
ᠰᠠᠷᠯᠤᠭ ᠤᠨ ᠠᠷᠠᠰᠤ ᠪᠠᠷ ᠵᠥᠷᠮᠦᠯᠡᠭ᠍ᠰᠡᠨ
ᠰᠠᠷᠠᠨ ᠳᠤᠭᠤᠢ ᠬᠠᠷᠠᠭᠠᠴᠠ ᠪᠠᠢ᠌ᠨᠠ︕
ᠳᠡᠭ᠍ᠷᠢ ᠶᠢᠨ ᠣᠶᠤᠳᠠᠯ ᠰᠢᠭ ᠵᠤᠷᠠᠢ᠌ᠭᠰᠠᠨ
ᠳᠡᠨᠡᠢ᠌ᠭ᠍ᠰᠡᠨ ᠰᠠᠢ᠌ᠬᠠᠨ ᠳᠠᠷᠤᠭᠤᠯᠭᠠ ᠲᠡᠶ ᠪᠠᠢ᠌ᠨᠠ
ᠳᠡᠭᠡᠭ᠍ᠰᠢ ᠳᠤᠭᠤᠭᠰᠢ ᠪᠠᠨ ᠳᠠᠳᠠᠭᠰᠠᠨ
ᠳᠡᠩᠭᠡ ᠠᠰᠬᠠᠨ ᠴᠢᠭᠳᠠᠭᠠ ᠲᠡᠶ ᠪᠠᠢ᠌ᠨᠠ
ᠵᠠᠯᠠᠭᠠ ᠶᠢᠨ ᠰᠠᠴᠤᠭ ᠰᠢᠭ ᠠᠰᠬᠠᠷᠠᠭᠰᠠᠨ
ᠵᠠᠪᠢᠶᠠ ᠽᠠᠠᠳᠠᠨ ᠣᠨᠢ ᠪᠠᠢ᠌ᠨᠠ
ᠵᠢᠭᠠᠰᠤᠨ ᠤ ᠬᠠᠢ᠌ᠷᠰᠤ ᠰᠢᠭ ᠢᠷᠠᠢ᠌ᠭᠰᠠᠨ
ᠵᠠᠯᠠᠵᠤ ᠥᠳᠦᠭ᠍ᠰᠡᠨ ᠳᠠᠷᠢᠮᠠ ᠪᠠᠢ᠌ᠨᠠ
ᠵᠥᠭᠯᠡᠭᠦᠷ ᠪᠣᠯᠤᠨ ᠴᠢᠭᠯᠡᠭ᠍ᠰᠡᠨ
ᠵᠦᠪ ᠳᠦᠷᠪᠡᠨ ᠳᠤᠪᠳᠤᠯᠭᠠ ᠪᠠᠢ᠌ᠨᠠ
ᠵᠥᠪᠭᠡᠨ ᠮᠤᠩᠭ᠋ᠤᠯ ᠳᠤ ᠮᠢᠨᠢ ᠰᠤᠶᠤᠷᠬᠠᠭᠰᠠᠨ
ᠵᠦᠩ ᠪᠢᠯᠢᠭ᠌ ᠲᠡᠶ ᠭᠡᠷ ᠪᠠᠢ᠌ᠨᠠ︕
ᠳᠡᠭ᠍ᠷᠢ ᠭᠠᠵᠠᠷ ᠤᠨ ᠰᠠᠨᠠᠭᠠ
ᠳᠠᠮᠤᠵᠢᠨ ᠪᠠᠭᠠᠳᠤᠷ ᠤᠨ ᠵᠠᠶᠠᠭᠠ
ᠮᠤᠩᠭ᠋ᠤᠯ ᠤᠨ ᠮᠢᠨᠢ ᠥᠯᠦᠭᠡᠢ
ᠮᠠᠭᠤ ᠪᠠᠶᠠ ᠶᠢᠨ ᠮᠢᠨᠢ ᠳᠡᠯᠡᠭᠡᠢ
ᠮᠥᠩᠭᠡ ᠭᠠᠯ ᠤᠨ ᠮᠢᠨᠢ ᠲᠦᠯᠦ
ᠮᠥᠩᠭᠡ ᠠᠷᠴᠠᠨ ᠤ ᠮᠢᠨᠢ ᠵᠠᠯᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠮᠤᠩᠭ᠋ᠤᠯ ᠭᠡᠷ ᠵᠢᠠᠨ
ᠮᠤᠩᠭ᠋ᠤᠯ ᠭᠦᠤ ᠨᠢ ᠰᠢᠯᠦᠭᠯᠡᠵᠤ ᠪᠠᠢ᠌ᠨᠠ ⁈
ᠵᠠᠭ ᠥᠷᠳᠦᠭ᠍ᠰᠡᠨ ᠴᠤᠭ ᠳᠡᠭᠡᠷᠡ
ᠵᠠᠳᠠᠭᠠᠢ ᠳᠦᠯᠡᠭ᠍ᠰᠡᠨ ᠳᠠᠯᠤ ᠳᠠᠢ
ᠵᠠᠪᠢᠯᠠᠵᠤ ᠰᠠᠭᠤᠭᠰᠠᠨ ᠭᠡᠢ᠌ᠴᠢᠨ ᠳ᠋ᠡᠭᠡᠨ
ᠵᠠᠷᠤᠭᠰᠠᠨ ᠢᠷᠭᠡᠨ ᠤ ᠰᠢᠭᠦᠰᠤ ᠳᠠᠢ
ᠵᠠᠮ ᠤᠨ ᠭᠦᠮᠦᠰ ᠵᠤᠷᠢᠭᠰᠠᠨ ᠴᠤ
ᠵᠠᠪᠠᠭ ᠶᠢᠡᠷ ᠶᠢᠡᠨ ᠱᠠᠭᠠᠢ᠌ᠨ ᠬᠠᠷᠠᠳᠠᠭ ᠥᠭᠡᠢ
ᠵᠠᠬᠠ ᠪᠠᠭᠢᠰ ᠲᠤ ᠰᠠᠭᠤᠯᠭᠠᠳᠠᠭ ᠥᠭᠡᠢ
ᠡᠴᠡᠵᠤ ᠶᠠᠳᠠᠷᠠᠭᠠᠤᠨ ᠳᠠᠮᠢᠷᠳᠠᠭᠰᠠᠨ ᠴᠤ
ᠡᠷᠭᠡᠨ ᠳᠡᠭᠡᠷᠡ ᠪᠠᠨ ᠰᠠᠠᠳᠠᠯᠠᠢ᠌ᠳᠠᠳᠠᠭ ᠥᠭᠡᠢ
ᠡᠪᠳᠡᠷᠡᠵᠤ ᠮᠠᠭᠤᠳᠠᠭᠠᠤᠨ ᠶᠠᠪᠣᠭᠰᠠᠨ ᠴᠤ
ᠡᠭᠦᠳᠡ ᠪᠠᠨ ᠰᠠᠪᠠᠭᠠᠤᠨ ᠭᠠᠷᠳᠠᠭ ᠥᠭᠡᠢ
ᠶᠠᠷᠠᠨ ᠶᠢᠰᠤᠨ ᠣᠨᠢ ᠳᠠᠢ
ᠶᠢᠷᠳᠢᠠᠴᠤ ᠳᠡᠯᠡᠭᠡᠢ ᠡᠴᠡ ᠡᠭᠢ ᠳᠠᠢ
ᠨᠠᠶᠠᠨ ᠨᠢ᠋ᠮᠠᠨ ᠣᠨᠢ ᠳᠠᠢ
ᠨᠠᠷᠠᠨ ᠰᠠᠷᠠᠨ ᠭᠡᠯᠪᠠᠷᠢᠳᠡᠢ
ᠥᠷᠯᠦᠭ᠌ ᠪᠠᠭᠠᠳᠤᠷ ᠮᠤᠩᠭ᠋ᠤᠯ ᠊ᠤᠨ
ᠡᠷᠦᠭᠡᠨ ᠳᠤᠤᠷᠠ ᠪᠠᠨ ᠠᠮᠤᠭᠤᠯᠠᠩ
ᠥᠷᠯᠦᠭ᠌ ᠪᠠᠭᠠᠳᠤᠷ ᠤᠨ ᠦᠷᠡᠰ ᠪᠠᠢ᠌ᠨᠠ
ᠳᠢᠪ ᠳᠡᠯᠡᠭᠡᠢ ᠳᠤ ᠬᠤᠤᠰ ᠥᠭᠡᠢ
ᠳᠡᠭ᠍ᠷᠢ ᠶᠢᠨ ᠳᠠᠮᠠᠭᠠᠨ ᠪᠠᠭᠤᠷᠢ ᠪᠠᠢ᠌ᠨᠠ
ᠳᠠᠩᠭᠢᠰ ᠰᠢᠭ᠌ ᠠᠭᠤᠵᠢᠭᠤ ᠣᠭᠰᠠᠭᠠᠳᠠᠨ ᠤ
ᠳᠡᠭ᠍ᠷᠢ ᠪᠠᠭᠠᠨᠠᠳᠠᠭᠰᠠᠨ ᠥᠷᠦᠭᠡ ᠪᠠᠢ᠌ᠨᠠ
ᠳᠡᠭ᠍ᠷᠢ ᠭᠠᠵᠠᠷ ᠤᠨ ᠰᠠᠨᠠᠭᠠ
ᠳᠠᠮᠤᠵᠢᠨ ᠪᠠᠭᠠᠳᠤᠷ ᠤᠨ ᠵᠠᠶᠠᠭᠠ
ᠮᠤᠩᠭ᠋ᠤᠯ ᠤᠨ ᠮᠢᠨᠢ ᠥᠯᠦᠭᠡᠢ
ᠮᠠᠭᠤ ᠪᠠᠶᠠ ᠶᠢᠨ ᠮᠢᠨᠢ ᠳᠡᠯᠡᠭᠡᠢ
ᠮᠥᠩᠭᠡ ᠭᠠᠯ ᠤᠨ ᠮᠢᠨᠢ ᠲᠦᠯᠦ
ᠮᠥᠩᠭᠡ ᠠᠷᠴᠠᠨ ᠤ ᠮᠢᠨᠢ ᠵᠠᠯᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠮᠤᠩᠭ᠋ᠤᠯ ᠭᠡᠷ ᠵᠢᠠᠨ
ᠮᠤᠩᠭ᠋ᠤᠯ ᠭᠦᠤ ᠨᠢ ᠰᠢᠯᠦᠭᠯᠡᠵᠤ ᠪᠠᠢ᠌ᠨᠠ ⁈
ᠮᠤᠩᠭ᠋ᠤᠯ ᠭᠡᠷ ᠮᠢᠨᠢ ᠰᠥᠡᠳᠡᠷᠯᠡᠭ᠍ᠰᠡᠭᠡᠷ ᠯᠠ ᠪᠠᠢ᠌ᠨᠠ
ᠮᠤᠩᠭ᠋ᠤᠯ ᠰᠦᠰᠦ ᠮᠢᠨᠢ ᠰᠢᠯᠦᠭᠯᠡᠭ᠍ᠰᠡᠭᠡᠷ ᠯᠠ ᠪᠠᠢ᠌ᠨᠠ ⁈
ᠵᠤᠬᠢᠶᠠᠭᠴᠢ᠄ ᠬᠠᠰᠭᠢᠷᠤᠯ
ᠢᠷᠡᠯᠲᠡ᠄ ᠨᠡᠷᠡᠡᠴᠡᠴᠡᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4527
ᠴᠠᠭ᠄ 2007 ᠤᠨ ᠤ 09 ᠰᠠᠷᠠ ᠶᠢᠨ 14
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ