☆ ᠷ·ᠲᠦᠮᠡᠠ᠊ᠦ᠌ᠯᠵᠠᠢ
ᠥᠯᠦᠭᠡᠢ ᠨᠤᠳᠤᠭ ᠤᠨ ᠮᠥᠩᠭᠦᠨ ᠳᠤᠭᠤᠰᠤ
ᠨᠢᠭᠡ
ᠳᠠᠨᠠᠨ ᠰᠦᠷᠦᠭ᠌ ᠤᠨ ᠮᠢᠨᠢ ᠳᠤᠭᠤᠷᠠᠢ ᠶᠢᠨ ᠳᠤᠤᠷᠠ ᠡᠴᠠ ᠳᠤᠨᠤᠷᠠᠭᠰᠠᠨ
ᠳᠠᠷᠬᠠᠨ ᠨᠤᠳᠤᠭ ᠤᠨ ᠮᠢᠨᠢ ᠮᠥᠩᠭᠦᠨ ᠴᠠᠭᠠᠨ ᠳᠤᠭᠤᠰᠤ ᠭᠡᠵᠢ ᠳ᠋ᠠ
ᠳᠠᠯᠠ ᠶᠢᠨ ᠶᠢᠡᠨ ᠡᠯᠢᠭᠡᠨ ᠳᠡᠭᠡᠷᠡ ᠳᠦᠷᠤᠵᠤ ᠦᠰᠦᠭ᠍ᠰᠡᠨ ᠨᠠᠳᠠ ᠳᠠᠭᠠᠨ ᠪᠣᠯ
ᠳᠠᠭᠠᠳᠠᠢ ᠪᠦᠭᠦᠨ ᠡᠴᠠ ᠬᠤᠯᠠ ᠨᠢᠭᠡ ᠯᠠ ᠳᠠᠭᠠᠳᠠᠢ᠌ᠬᠠᠨ ᠪᠠᠢ᠌ᠭᠰᠠᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠠᠴᠢᠳᠤ ᠡᠵᠢ ᠶᠢᠨ ᠶᠢᠡᠨ ᠠᠷᠢᠭᠤᠨ ᠭᠡᠪᠠᠯᠢ ᠡᠴᠠ ᠣᠨᠠᠭᠰᠠᠨ ᠵᠢᠠᠨ
ᠠᠯᠳᠠᠨ ᠬᠤᠷᠸᠠ ᠳᠡᠭᠡᠷᠡ ᠡᠷᠡ ᠶᠢᠨ ᠳᠤᠭᠠᠨ ᠳᠤ ᠢᠷᠡᠭᠦ ᠳᠤ ᠮᠢᠨᠢ
ᠠᠷᠳᠠᠢ ᠬᠤᠷᠭᠤᠢ ᠠᠭᠤᠳᠠᠮ ᠴᠠᠭᠠᠨ ᠬᠤᠷᠮᠤᠢ ᠳᠠᠭᠠᠨ ᠳᠠᠷᠠ
ᠠᠩᠬᠠ ᠨᠠᠮᠢ᠋ᠢ ᠪᠠᠨ ᠳᠤᠰᠴᠤ ᠠᠪᠣᠭᠠᠤᠨ ᠯᠠ ᠥᠨᠦᠰᠦᠭ᠍ᠰᠡᠨ ᠪᠢᠯᠠ ︕
ᠪᠣᠷᠭᠠᠰᠤᠨ ᠮᠤᠷᠢᠨ ᠤ ᠪᠠᠨ ᠥᠭᠡᠳᠡᠰᠤᠨ ᠴᠤᠯᠪᠣᠭᠤᠷ ᠢ ᠬᠤᠷᠣᠢ᠌ᠯᠠᠨ ᠭᠠᠷᠴᠤ
ᠪᠠᠯᠴᠢᠭᠡᠷ ᠤᠨ ᠦᠷᠤᠴᠠ ᠪᠠᠷ ᠳᠤᠭᠤᠯ ᠶᠢᠡᠨ ᠬᠠᠷᠢᠭᠤᠯᠤᠨ ᠶᠠᠪᠣᠬᠤ ᠳᠤ ᠮᠢᠨᠢ
ᠪᠣᠷᠭᠢᠵᠤ ᠪᠣᠰᠤᠭᠰᠠᠨ ᠮᠥᠩᠭᠦᠨ ᠴᠠᠭᠠᠨ ᠳᠤᠭᠤᠰᠤ ᠮᠢᠨᠢ ᠪᠦᠷ
ᠪᠣᠷᠪᠢᠳᠠᠵᠤ ᠢᠷᠡᠭᠡᠳ ᠮᠢᠨᠤᠭᠢ ᠳᠡᠭᠡᠷᠡ ᠪᠠᠭᠤᠳᠠᠭ ᠯᠠ ᠪᠠᠢ᠌ᠭᠰᠠᠨ᠃
ᠦᠷᠢᠶᠠ ᠭᠦᠯᠦᠭ᠌ ᠤᠨ ᠠᠯᠳᠠᠨ ᠪᠦᠭᠦᠷᠭᠡ ᠶᠢ ᠰᠢᠭᠦᠷᠡᠨ ᠮᠤᠷᠳᠠᠵᠤ
ᠣᠷᠭᠠ ᠲᠤᠬᠤᠢ᠌ᠯᠠᠨ ᠠᠳᠤᠭᠤᠨ ᠠᠷᠤ ᠡᠴᠠ ᠳᠠᠪᠭᠢᠭᠤᠯᠤᠨ ᠶᠠᠪᠣᠬᠤ ᠳᠤ ᠮᠢᠨᠢ
ᠦᠯᠦᠭᠡᠢ ᠨᠤᠳᠤᠭ ᠤᠨ ᠮᠥᠩᠭᠦᠨ ᠴᠠᠭᠠᠨ ᠳᠤᠭᠤᠰᠤ ᠮᠢᠨᠢ ᠳᠡᠭᠡᠭᠡᠳ
ᠥᠶᠡᠷᠭᠡᠵᠤ ᠨᠠᠮᠢ᠋ᠢ ᠪᠠᠨ ᠰᠠᠯᠤᠯ ᠦᠭᠡᠶ ᠳᠠᠭᠠᠳᠠᠭ ᠯᠠ ᠶᠠᠪᠣᠭᠰᠠᠨ᠃
ᠡᠷᠳᠡᠮ ᠰᠤᠶᠤᠯ ᠤᠨ ᠪᠣᠯᠪᠠᠰᠤᠨ ᠬᠠᠷᠭᠤᠢ ᠶᠢ ᠬᠠᠢ᠌ᠭᠰᠠᠨ ᠭᠠᠷᠴᠤ
ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠳᠠᠨ ᠪᠣᠱᠤᠭᠠ ᠶᠢ ᠵᠤᠷᠢᠭᠰᠠᠨ ᠳᠠᠪᠭᠢᠬᠤ ᠳᠤ ᠮᠢᠨᠢ
ᠡᠭᠡ ᠨᠤᠳᠤᠭ ᠤᠨ ᠮᠢᠨᠢ ᠮᠦᠩᠭᠦᠨ ᠴᠠᠭᠠᠨ ᠳᠤᠭᠤᠰᠤ ᠭᠡᠵᠤ ᠬᠠᠷᠢᠨ
ᠡᠩᠬᠦᠷᠡᠢ ᠨᠠᠮᠢ᠋ᠢ ᠪᠠᠨ ᠬᠤᠯᠠ ᠭᠠᠷᠳᠠᠯᠠ ᠪᠠᠨ ᠥᠳᠡᠭ᠍ᠰᠡᠨ ᠯᠠ ᠶᠤᠮ᠃
ᠴᠡᠭᠡᠯ ᠤᠨ ᠦᠨᠳᠦᠷ ᠨᠤᠳᠤᠭ ᠤᠨ ᠳᠠᠪᠠᠭᠠᠨ ᠤ ᠴᠠᠭᠠᠨᠠ ᠢᠷᠡᠭᠡᠳ
ᠡᠩ ᠦᠭᠡᠶ ᠴᠠᠭᠠᠨ ᠬᠠᠳᠠᠭ ᠤᠨ ᠠᠳᠠᠯᠢ ᠨᠠᠮᠢᠷᠠᠭᠰᠠᠭᠠᠷ ᠯᠠ ᠰᠠᠯᠤᠭᠰᠠᠨ
ᠴᠡᠭᠡᠵᠢ ᠲᠦᠪᠳᠡᠭᠦ ᠦᠭᠡᠶ ᠳᠡᠭᠡᠨ ᠡᠷᠭᠢᠭᠡᠳ ᠪᠢ ᠨᠢᠭᠡ ᠬᠠᠷᠠᠬᠤᠯᠠᠷ ᠨᠢ
ᠡᠵᠢ ᠶᠢᠨ ᠮᠢᠨᠢ ᠨᠠᠭᠠᠨᠠ ᠳᠠᠷᠠ ᠳᠠᠯᠠᠯᠤᠨ ᠳᠠᠯᠠᠯᠤᠭᠰᠠᠭᠠᠷ ᠬᠤᠴᠤᠷᠠᠭᠰᠠᠨ᠁
ᠬᠤᠶᠠᠷ
ᠰᠠᠷᠠ ᠶᠢᠨ ᠣᠯᠠᠨ ᠢ ᠰᠤᠶᠤᠯ ᠤᠨ ᠵᠠᠮ ᠳᠤ ᠡᠯᠡᠭᠡᠴᠢᠭᠡᠭᠡᠳ
ᠰᠠᠳᠤᠨ ᠶᠢᠡᠨ ᠡᠷᠭᠢᠭᠦ ᠪᠠᠷ ᠦᠨᠦᠳᠤᠷ ᠪᠢ ᠢᠷᠡᠭᠦᠯᠡᠷ ᠨᠢ
ᠰᠠᠨᠠᠭᠠᠤᠨ ᠣᠳᠠᠭᠰᠠᠨ ᠮᠦᠩᠭᠦᠨ ᠴᠠᠭᠠᠨ ᠳᠤᠭᠤᠰᠤ ᠮᠢᠨᠢ ᠭᠡᠵᠤ
ᠰᠠᠢ᠌ᠬᠠᠨ ᠪᠦᠭᠦᠳᠡ ᠡᠴᠠ ᠣᠯᠠᠮ ᠨᠢᠭᠡ ᠯᠠ ᠰᠠᠢ᠌ᠬᠠᠨ ᠪᠠᠢ᠌ᠨᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠪᠠᠯᠭᠡ ᠶᠢᠨ ᠵᠤᠪᠭᠢ ᠨᠢ ᠵᠢᠷᠪᠢᠰ ᠵᠢᠷᠪᠢᠰ ᠳᠠᠳᠠᠭᠰᠠᠨ
ᠪᠠᠢ᠌ᠳᠠᠯ ᠰᠢᠠᠵᠢ ᠪᠠᠷ ᠨᠠᠮᠢ᠋ᠢ ᠪᠠᠨ ᠢᠷᠡᠭᠦ ᠶᠢ ᠪᠠᠷᠤᠭᠯᠠᠭᠠ ᠦᠦ ︖
ᠪᠠᠶᠠᠷ ᠤᠨ ᠰᠤᠨᠤᠷ ᠳᠤᠨᠢ ᠵᠢᠩᠭᠢᠷ ᠵᠢᠩᠭᠢᠷ ᠳᠤᠭᠤᠯᠳᠠᠭᠰᠠᠨ
ᠠᠯᠤᠰ ᠤᠨ ᠬᠤᠯᠠ ᠡᠴᠠ ᠬᠠᠩᠭ᠋ᠠᠷᠠᠭᠠ ᠮᠢᠨᠢ ᠪᠣᠯᠬᠤ ᠶᠢ ᠳᠠᠨᠢᠨᠠ ᠦᠦ ︖
ᠵᠢᠷᠤᠭᠠ ᠭᠡᠭᠡᠷ ᠶᠢᠡᠷ ᠭᠡᠢ᠌ᠰᠭᠡᠭᠦᠯᠵᠤ ᠢᠷᠡᠭᠡ ᠨᠠᠳᠠ ᠳ᠋ᠠᠭᠠᠨ
ᠵᠠᠭᠤᠨ ᠭᠠᠵᠠᠷ ᠲᠤ ᠣᠭᠳᠤᠭᠤᠯ ᠤᠨ ᠰᠢᠷᠡᠭᠡ ᠪᠠᠨ ᠦᠷᠤᠯᠠ ᠭᠡᠮ
ᠵᠥᠭᠡᠯᠡᠨ ᠳᠤᠯᠠᠭᠠᠨ ᠣᠷᠤᠭᠤᠯ ᠬᠤᠰᠢᠭᠤ ᠪᠠᠨ ᠴᠤᠷᠪᠣᠢ᠌ᠯᠭᠠᠵᠤ
ᠵᠤᠯᠠᠢ ᠡᠴᠠ ᠠᠪᠣᠭᠠᠤᠨ ᠵᠢᠷᠦᠭᠡ ᠶᠢ ᠮᠢᠨᠢ ᠣᠷᠤᠳᠠᠯᠠ ᠦᠨᠦᠰᠤᠯᠠ ᠭᠡᠮ᠃
ᠠᠢ᠌ᠷᠠᠭ ᠰᠦ᠋ ᠶᠢᠨ ᠠᠩᠭᠢᠯᠤᠮᠠ ᠦᠨᠦᠷ ᠲᠡᠶ ᠬᠠᠳᠠᠭ ᠵᠢᠠᠨ
ᠠᠳᠠᠷ ᠤᠨ ᠭᠦᠪᠠᠭᠦᠨ ᠳᠤ ᠮᠢᠨᠤᠭᠢ ᠪᠠᠨ ᠡᠮᠦᠨᠡ ᠳᠠᠳᠠᠯᠠ ᠭᠡᠮ
ᠠᠳᠤᠭᠤ ᠮᠠᠯ ᠤᠨ ᠵᠤᠩᠭ᠋ᠠᠭ ᠭᠦᠯᠦᠰᠤ ᠲᠡᠶ ᠳᠡᠭᠡᠵᠢ ᠪᠠᠨ
ᠠᠯᠤᠰ ᠤᠨ ᠭᠦᠳᠡᠭᠡ ᠳᠤ ᠮᠢᠨᠤᠭᠢ ᠪᠠᠨ ᠡᠮᠦᠨᠡ ᠳᠡᠪᠰᠢᠭᠦᠯᠦᠯᠡ ᠭᠡᠮ ︕
ᠡᠪᠦᠭᠡ ᠭᠤᠯᠤᠮᠳᠠ ᠶᠢᠨ ᠶᠢᠡᠨ ᠰᠦᠯᠳᠡ ᠶᠢ ᠳᠠᠭᠢᠭᠰᠠᠨ ᠣᠪᠣᠭᠠᠨ ᠳᠡᠭᠡᠷᠡ
ᠦᠷᠢᠶᠠ ᠭᠦᠯᠦᠭ᠌ ᠶᠢᠡᠨ ᠴᠢᠳᠤᠷᠯᠠᠵᠤ ᠳᠠᠯᠪᠢᠭᠠᠤᠨ ᠰᠥᠭᠦᠳᠭᠦ ᠳ᠋ᠡᠭᠡᠨ
ᠦᠯᠵᠠᠢ ᠮᠥᠩᠭᠡ ᠶᠢᠨ ᠪᠠᠳᠤ ᠭᠡᠰᠢᠭ᠌ ᠶᠢᠡᠨ ᠳᠠᠭᠠᠳᠬᠠᠵᠤ ᠪᠢ
ᠦᠷᠤ ᠵᠢᠷᠦᠭᠡ ᠪᠠᠷ ᠶᠢᠡᠨ ᠮᠦᠷᠭᠦᠵᠤ ᠪᠠᠷᠠᠭᠠᠤᠨ ᠪᠣᠰᠬᠤ ᠳ᠋ᠠᠭᠠᠨ
ᠡᠳᠦᠷ ᠤᠨ ᠭᠠᠵᠠᠷ ᠡᠴᠠ ᠰᠠᠮᠰᠠᠨ ᠰᠠᠷᠠᠯ ᠳᠤ ᠮᠢᠨᠢ ᠭᠦᠷᠭᠡᠭ᠍ᠰᠡᠨ
ᠡᠷᠭᠦᠵᠤ ᠪᠠᠢ᠌ᠭᠠ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠶᠢ ᠨᠢ ᠭᠦᠡᠳᠡᠷᠴᠤ ᠪᠠᠢ᠌ᠨᠠ ︕
ᠦᠷᠢᠶᠠ ᠭᠦᠯᠦᠭ᠌ ᠲᠡᠭᠡᠨ ᠰᠤᠭᠳᠤᠵᠤ ᠮᠤᠷᠳᠠᠭᠰᠠᠨ ᠭᠢᠷᠢ ᠳᠡᠭᠡᠨ ᠯᠠ
ᠦᠯᠦᠭᠡᠢ ᠨᠤᠳᠤᠭ ᠤᠨ ᠮᠦᠩᠭᠦᠨ ᠳᠤᠭᠤᠰᠤ ᠪᠠᠨ ᠳᠠᠭᠤᠯᠠᠵᠤ ᠪᠠᠢ᠌ᠨᠠ ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ 1982 ᠣᠨ ᠤ ᠡᠪᠦᠯ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠳᠤᠰ ᠨᠠᠮ ᠤᠨ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠷ·ᠲᠦᠮᠡᠠ᠊ᠦ᠌ᠯᠵᠠᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 24609
ᠴᠠᠭ᠄ 2014 ᠤᠨ ᠤ 05 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ