ᠲᠦᠮᠡᠨ ᠵᠠᠯᠠᠭᠤᠰ ᠤᠨ ᠬᠠᠷᠠᠴᠠ ᠶᠢ ᠳᠠᠳᠠᠳᠠᠭ

ᠴᠡᠴᠡᠭ᠍ᠳᠤ ᠶ‍ᠢᠰᠦᠳᠦᠭᠡᠷ ᠪᠠᠢ᠌ᠷᠢ ᠭᠡᠵᠤ ᠪᠠᠢ᠌ᠳᠠᠭ

ᠳᠦᠷᠦᠭᠦᠭᠡᠨ ᠪᠢ ᠬᠠᠵᠠᠭᠤ ᠪᠠᠷ ᠨᠢ ᠥᠩᠭᠡᠷᠡᠭ᠍ᠰᠡᠨ

ᠡᠷᠭᠢᠵᠤ ᠭᠡᠵᠢᠶ᠎ᠡ ᠴᠤ ᠴᠡᠴᠡᠭᠯᠡᠭᠦ ᠶᠤᠰᠤ ᠦᠭᠡᠶ

ᠥᠯᠢᠭᠡᠷ ᠨᠢ ᠨᠣᠢ᠌ᠳᠠᠨ ᠳᠠᠷᠠ ᠨᠢᠭᠡ ᠮᠤᠳᠤᠨ ᠤ ᠮᠦᠴᠢᠷ ᠡᠴᠡ

ᠦᠪᠡᠷ ᠢ ᠪᠠᠨ ᠳᠡᠭᠦᠭᠦ ᠭᠡᠵᠤ

ᠡᠯᠡᠭ᠍ᠳᠡᠵᠤ ᠣᠷᠠᠭᠳᠠᠭᠰᠠᠨ ᠬᠠᠢ᠌ᠷ᠎ᠠ ᠪᠠᠨ ᠳᠡᠭᠦᠭᠦ ᠭᠡᠵᠤ

ᠦᠨᠦᠳᠤᠷ ᠪᠢ

ᠡᠭᠦᠳᠡᠨ ᠳᠤ ᠴᠢᠨᠢ ᠢᠷᠠᠯ᠎ᠠ

ᠶ‍ᠢᠰᠦᠳᠦᠭᠡᠷ ᠠᠰᠠᠷ ᠢᠨᠠᠭ ᠶᠢᠡᠷ ᠠᠮᠢᠰᠬᠤᠨ᠎ᠠ

ᠥᠭᠡ ᠪᠠᠨ ᠪᠢ ᠪᠣᠴᠠᠭᠠᠵᠤ ᠴᠢᠳᠠᠬᠤ ᠦᠭᠡᠶ ᠡ

ᠳᠤᠷᠤᠨᠠᠳᠠᠭᠢᠨ ᠤ ᠰᠢᠷ᠎ᠠ ᠪᠦᠷᠦᠢ ᠰᠢᠭ ᠰᠢᠳᠠᠵᠤ

ᠳᠤᠭᠣᠢ᠌ᠬᠠᠨ ᠠᠰᠠᠵᠤ ᠲ᠋ᠤᠭᠳᠤᠯᠵᠤ ᠲ᠋ᠤᠤᠷ᠎ᠠ ᠨᠢ ᠵᠤᠭᠰᠤᠭᠰᠠᠨ

ᠵᠢᠷ ᠤᠨ ᠳᠠᠷᠠ ᠨᠢᠭᠡ ᠮᠤᠳᠤᠨ ᠤ ᠮᠦᠴᠢᠷ ᠡᠴᠡ

ᠵᠢᠷᠭᠢᠵᠤ ᠣᠳᠤᠭᠰᠠᠨ ᠣᠨ ᠰᠠᠷ᠎ᠠ ᠨᠤᠭᠤᠳ

ᠵᠢᠪᠠᠷᠯᠠᠵᠤ ᠢᠷᠡᠭᠡᠳ ᠵᠢᠪᠠᠷᠯᠠᠵᠤ ᠣᠳᠤᠨ᠎ᠠ

ᠣᠠᠳᠠᠷᠠᠵᠤ ᠴᠤᠴᠠᠰᠢ ᠦᠭᠡᠶ ᠭᠠᠯ ᠪᠣᠯᠵᠤ ᠳᠦᠷᠡᠯᠵᠡᠭᠦ

ᠦᠨᠢ ᠶᠢᠨ ᠨᠢᠭᠡᠨ ᠬᠠᠢ᠌ᠷ᠎ᠠ ᠳᠤ ᠦᠷᠪᠦᠯᠵᠠᠨ᠎ᠠ

ᠪᠢ ᠶ‍ᠢᠰᠦᠳᠦᠭᠡᠷ ᠠᠰᠠᠷ ᠶᠢᠡᠷ ᠠᠮᠢᠰᠬᠤᠯ᠎ᠠ

ᠡᠷᠭᠢᠨ ᠬᠠᠷᠠᠬᠤ ᠳᠤ ᠶ‍ᠢᠰᠦᠳᠦᠭᠡᠷ ᠠᠰᠠᠷ

ᠣᠰᠤᠨ ᠤ ᠮᠠᠠᠳᠠᠯ ᠰᠢᠭ ᠦᠶᠡᠯᠵᠠᠨ᠎ᠠ

ᠰᠡᠭᠦᠳᠡᠷ ᠢ ᠮᠢᠨᠢ ᠭᠦᠷᠳᠡᠯ᠎ᠡ ᠣᠯᠠᠨ ᠰᠠᠴᠤᠷᠠᠭ ᠶᠢᠡᠷ ᠵᠢᠷᠤᠳᠠᠭ

ᠰᠦᠨᠢ ᠶᠢᠨ ᠳ᠋ᠸᠩ ᠤᠨ ᠳᠤᠤᠷ᠎ᠠ

ᠰᠡᠮᠡᠷᠡᠭ᠍ᠰᠡᠨ ᠨᠢᠭᠡᠨ ᠬᠠᠢ᠌ᠷ᠎ᠠ ᠶᠢᠨ ᠪᠠᠯᠠᠷᠠᠵᠤ ᠣᠤᠠᠬᠤ ᠮᠦᠷ ᠶᠢᠡᠷ

ᠰᠡᠳᠭᠢᠯ ᠶᠢᠡᠨ ᠰᠡᠷᠢᠭᠦᠴᠡᠭᠦᠯᠤᠨ ᠱᠥᠭᠦᠭᠦ ᠳᠤ

ᠰᠡᠭᠦᠯᠴᠢ ᠶᠢᠨ ᠭᠡᠷᠡᠯ ᠶᠢᠡᠨ ᠬᠤᠷᠢᠶᠠᠨ ᠬᠤᠷᠢᠶᠠᠳᠠᠯ᠎ᠠ

ᠴᠡᠴᠡᠭ᠍ᠳᠤ ᠶ‍ᠢᠰᠦᠳᠦᠭᠡᠷ ᠠᠰᠠᠷ ᠢᠨᠠᠭ ᠤᠨ ᠥᠩᠭᠡ ᠪᠠᠷ ᠰᠤᠯᠤᠩᠭ᠋ᠠᠷᠠᠨ᠎ᠠ

ᠥᠭᠡ ᠦᠭᠡᠶ ᠪᠣᠴᠠᠶ᠎ᠠ ᠭᠡᠵᠤ

ᠥᠭᠡ ᠪᠠᠨ ᠪᠢ ᠪᠣᠴᠠᠭᠠᠶ᠎ᠠ ᠭᠡᠵᠤ

ᠦᠪᠡᠷ ᠡᠴᠡ ᠪᠠᠨ ᠠᠰᠠᠭᠤᠬᠤ ᠳᠤ

ᠶ‍ᠢᠰᠦᠳᠦᠭᠡᠷ ᠠᠰᠠᠷ ᠬᠠᠷᠢᠭᠤᠯᠳᠠ ᠪᠠᠢ᠌ᠯ᠎ᠠ

ᠡᠷᠭᠢᠨ ᠬᠠᠷᠠᠬᠤ ᠳᠤ ᠡᠷᠭᠢᠨ ᠬᠠᠷᠠᠬᠤ ᠳᠤ ᠯᠠ

ᠶ‍ᠢᠰᠦᠳᠦᠭᠡᠷ ᠠᠰᠠᠷ ᠴᠢᠨᠢ ᠮᠦᠨ ᠯᠠ ᠣᠰᠤᠨ ᠴᠡᠩᠭᠡᠷᠯᠡᠨ᠎ᠡ ᠁

ᠪᠠᠭᠡᠵᠢᠩ 《ᠶᠡᠭᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠶᠠᠨ》 ᠣᠯᠠᠨ ᠣᠯᠤᠰ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠥᠢᠯᠡᠴᠢᠯᠡᠭᠡᠨ ᠤ ᠺᠦᠮᠫᠠᠨᠢ

msn: Borjin80@yahoo.cn