☆ ᠰᠤ᠋·ᠠᠨᠢᠰᠤ
ᠪᠢ ᠮᠤᠷᠢᠳᠠᠢ ᠭᠦᠮᠤᠨ
ᠳᠡᠯᠡᠭᠡᠢ ᠳᠤ ᠭᠠᠭᠴᠠ ᠪᠠᠢ᠌ᠳᠠᠭ
ᠪᠣᠰᠤᠭᠠ ᠨᠠᠷᠠ ᠲᠡᠶ ᠨᠤᠳᠤᠭ ᠳᠤ
ᠲ᠋ᠡᠭᠡᠷᠡ ᠨᠢ ᠢᠯᠡᠭᠦᠤ ᠨᠢᠭᠡ ᠮᠤᠩᠭ᠋ᠤᠯ ᠭᠦᠮᠤᠨ ᠨᠠᠮᠠᠶᠠ ᠭᠡᠵᠤ
ᠲ᠋ᠡᠯᠡᠭᠡᠢ ᠨᠡᠮᠡ ᠶᠢ ᠳᠦᠷᠦᠭ᠍ᠰᠡᠨ ᠪᠢᠰᠢ᠂
ᠲ᠋ᠡᠭᠡᠳᠦᠰ ᠤᠨ ᠦᠮᠴᠢ ᠵᠢ
ᠲ᠋ᠠᠯᠠ ᠶᠢᠨ ᠨᠠᠷᠠ ᠲᠡᠶ ᠴᠤᠭ ᠮᠠᠠᠳᠤᠭᠤᠯᠵᠤ
ᠲ᠋ᠡᠭ᠍ᠷᠢᠯᠢᠭ᠌ ᠰᠦᠯᠳᠡ ᠲᠡᠶ ᠣᠮᠤᠭ ᠪᠠᠷᠳᠠᠮ ᠶᠠᠪᠣᠭᠤᠯᠬᠤ ᠭᠡᠵᠤ
ᠲ᠋ᠡᠯᠡᠭᠡᠢ ᠳᠤ ᠨᠠᠮᠠ ᠶᠢ᠌ ᠳᠦᠷᠦᠭᠦᠯᠦᠭ᠍ᠰᠡᠨ ᠶᠤᠮ᠃
ᠭᠦᠮᠤᠨ ᠭᠡᠵᠤ ᠭᠦᠯ ᠳᠤ ᠣᠷᠤᠬᠤ ᠵᠢᠨ ᠣᠬᠠᠭᠠᠨ ᠳ᠋ᠤ
ᠭᠦᠭᠡ ᠳᠡᠭ᠍ᠷᠢ ᠨᠠᠳᠠ ᠡᠴᠡ ᠬᠠᠮᠤᠭ ᠣᠢ᠌ᠷᠠᠬᠠᠨ ᠪᠠᠢ᠌ᠭᠰᠠᠨ
ᠭᠦᠯᠦᠭ᠌ ᠤᠨ ᠨᠢᠷᠤᠭᠤᠨ ᠳ᠋ᠤ ᠭᠠᠩ ᠳᠦᠷᠦᠭᠡ ᠭᠢᠰᠭᠢᠭᠦᠯᠵᠤ
ᠭᠦᠰᠡᠯ ᠤᠨ ᠵᠢᠯᠤᠭᠤ ᠶᠢ ᠬᠤᠯᠠ ᠰᠤᠩᠭ᠋ᠠᠭᠰᠠᠨ ᠶᠤᠮ᠃
ᠡᠮᠨᠢᠭ᠌ ᠣᠨᠠᠭᠤᠯᠵᠤ
ᠡᠷᠡ ᠨᠢᠭᠡ ᠭᠦᠮᠦᠵᠢᠭᠦᠯᠦᠨᠡ ᠭᠡᠵᠤ
ᠡᠭᠡᠷᠡᠮᠡ ᠳᠠᠯᠠ ᠳᠤ ᠶᠠᠰᠤ ᠡᠪᠠᠳᠦᠳᠡᠯᠡ ᠬᠠᠶᠠᠭᠳᠡᠭᠤᠯᠳᠠᠭ
ᠡᠴᠢᠭᠡ ᠶᠢᠨ ᠬᠠᠳᠠᠭᠤ ᠰᠤᠷᠭᠠᠯ ᠳᠤ ᠭᠡᠴᠡᠭᠦᠤ ᠭᠤᠮᠤᠳᠠᠬᠤ ᠳ᠋ᠠᠭᠠᠨ
ᠣᠶᠠᠭᠠ ᠲᠡᠶ ᠮᠤᠷᠢ ᠶᠢ ᠨᠢ ᠬᠠᠵᠠᠭᠠᠷ ᠲᠡᠶ ᠨᠢ ᠳᠤᠳᠠᠭᠠᠯᠭᠠᠵᠤ
ᠣᠷᠭᠠ ᠶᠢᠨ ᠡᠰᠢ ᠶᠢ ᠨᠢ ᠬᠤᠭᠤ ᠳᠠᠪᠰᠠᠵᠤ
ᠣᠨᠠᠭᠠ ᠭᠦᠳᠦᠯᠵᠤ ᠰᠥᠷᠦᠭ᠌ ᠳᠠᠭᠠᠵᠤ ᠶᠠᠪᠣᠳᠠᠭ
ᠣᠴᠢᠷ ᠦᠭᠡᠶ ᠰᠢᠷᠠ ᠭᠦᠤ ᠨᠢ ᠪᠢ ᠪᠠᠢ᠌ᠭᠰᠠᠨ ᠪᠢᠯᠠ᠃
ᠲ᠋ᠠᠯᠠ ᠳᠤ ᠳᠦᠷᠦᠳᠡᠭ᠌ ᠭᠡᠦᠭᠡᠤᠨ
ᠮᠤᠷᠢ ᠣᠨᠤᠳᠠᠭ ᠶᠤᠰᠤᠳᠠᠢ ᠪᠠᠢ᠌ᠵᠠᠢ
ᠮᠤᠷᠢ ᠣᠨᠤᠳᠠᠭ ᠭᠦᠮᠤᠨ
ᠲ᠋ᠠᠯᠠ ᠶᠢᠨ ᠪᠦᠷᠭᠦᠤᠨ ᠰᠢᠭ᠌ ᠡᠷᠡᠯᠭᠡᠭ᠌ ᠪᠣᠯᠪᠠᠰᠤᠷᠠᠳᠠᠭ ᠵᠠᠩ ᠲᠡᠶ᠃
ᠬᠤᠯᠠ ᠶᠢᠨ ᠬᠤᠯᠠ ᠡᠴᠡ ᠵᠡᠷᠭᠡᠯᠭᠡᠨ ᠳᠠᠰᠤᠯᠵᠤ ᠢᠷᠡᠭᠦ
ᠬᠤᠯᠠᠨ ᠵᠡᠭᠡᠷᠳᠡ ᠶᠢᠨ ᠮᠢᠨᠢ ᠭᠠᠩᠭ᠋ᠠᠨ ᠭᠦᠶᠦᠳᠡᠯ
ᠬᠤᠷᠠ ᠶᠢᠨ ᠳᠤᠰᠤᠯ ᠳᠤ ᠦᠰᠦ ᠨᠤᠷᠭᠠᠯ ᠦᠭᠡᠶ ᠵᠠᠪᠳᠤᠳᠠᠭ
ᠬᠤᠯᠠᠨ ᠵᠡᠭᠡᠷᠳᠡ ᠶᠢᠨ ᠮᠢᠨᠢ ᠰᠤᠮᠤᠨ ᠭᠦᠶᠦᠳᠡᠯ᠂
ᠠᠶᠠᠨ ᠤ ᠣᠷᠳᠤ ᠶᠢ ᠳᠠᠯ ᠬᠠᠮᠭᠢᠯ ᠦᠭᠡᠶ ᠡᠪᠭᠡᠵᠤ
ᠠᠯᠤᠰ ᠤᠨ ᠵᠠᠮ ᠳᠤ ᠳᠠᠷ ᠮᠠᠭᠤᠳᠠᠯ ᠦᠭᠡᠶ ᠳᠠᠪᠭᠢᠳᠠᠭ
ᠠᠷᠭᠤᠮᠠᠭ ᠭᠦᠯᠦᠭ᠌ ᠤᠨ ᠮᠢᠨᠢ ᠣᠩᠭ᠋ᠤᠨ ᠭᠦᠶᠦᠳᠡᠯ
ᠠᠭᠤᠤ ᠪᠠᠭᠠᠳᠤᠷᠴᠤᠳ ᠤᠨ ᠮᠢᠨᠢ ᠣᠮᠤᠭ ᠰᠦᠰᠦᠨ᠃
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠠᠭᠳᠠ ᠶᠢᠨ ᠳᠤᠭᠤᠷᠠᠢ
ᠠᠽᠢ ᠶᠢᠨ ᠴᠡᠭᠡᠵᠢᠨ ᠳᠤ ᠳᠠᠭᠠᠮᠠᠭᠯᠠᠭᠳᠠᠨ
ᠠᠷᠳᠠᠭ ᠳᠤᠭᠰᠢᠨ ᠭᠦᠯᠦᠭ᠌ ᠤᠨ ᠣᠮᠤᠭ
ᠠᠰᠢᠳᠠ ᠶᠢᠨ ᠳᠤᠮᠤᠭ ᠪᠣᠯᠵᠤ ᠲ᠋ᠠᠯᠠ ᠳᠤ ᠮᠥᠩᠭᠡᠷᠡᠨᠡ᠃
ᠡᠵᠡᠨ ᠴᠢᠩᠭᠢᠰ ᠮᠢᠨᠢ ᠳᠠᠭᠢᠨ ᠳᠦᠷᠦᠳᠡᠭ᠌ ᠥᠭᠡᠢ
ᠡᠷᠡᠯᠭᠡᠭ᠌ ᠪᠠᠭᠠᠳᠤᠷᠴᠤᠳ ᠨᠢ ᠣᠳᠤᠮ ᠵᠠᠯᠭᠠᠮᠵᠢᠯᠠᠭᠰᠠᠭᠠᠷ
ᠡᠷᠡᠨ ᠵᠠᠭᠤᠨ ᠤ ᠶᠡᠭᠡ ᠣᠢ᠌ᠯᠠᠰ ᠢ ᠪᠦᠳᠦᠭᠡᠵᠤ
ᠡᠮᠨᠢᠭ᠌ ᠭᠦᠯᠦᠭ᠌ ᠭᠦᠶᠦᠳᠡᠯ ᠵᠤᠭᠰᠤᠭᠠ ᠦᠭᠡᠶ ᠳᠠᠪᠭᠢᠳᠠᠭ᠂
ᠮᠤᠷᠢ ᠪᠣᠯ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠣᠮᠤᠭᠰᠢᠯ
ᠮᠤᠷᠢ ᠪᠣᠯ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠰᠦᠰᠦ ᠵᠤᠷᠢᠭ᠂
ᠮᠤᠷᠢ ᠪᠣᠯ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠪᠠᠭᠠᠳᠤᠷᠯᠢᠭ ᠳᠡᠦᠭᠡ
ᠮᠤᠷᠢ ᠪᠣᠯ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠮᠥᠩᠭᠡ ᠣᠷᠤᠰᠢᠬᠤᠢ︕
ᠰᠡᠷᠭᠦᠯᠡᠩ ᠵᠠᠩ ᠳᠠᠢ
ᠰᠠᠴᠠᠨ ᠣᠬᠠᠭᠠᠨ ᠳᠠᠢ
ᠭᠦᠮᠤᠨ ᠰᠡᠳᠬᠢᠯᠭᠡ ᠳᠠᠢ
ᠭᠦᠭᠡ ᠮᠤᠩᠭ᠋ᠤᠯ ᠤᠨ ᠮᠤᠷᠢ ᠪᠠᠢ᠌ᠳᠠᠭ ᠡᠴᠡ
ᠬᠠᠳᠠᠨ ᠵᠤᠷᠢᠭ ᠳᠠᠢ
ᠬᠠᠨ ᠣᠮᠤᠭ ᠳᠠᠢ
ᠬᠠᠢ᠌ᠷᠠ ᠬᠤᠷᠤᠰᠤᠯ ᠳᠤᠳᠤᠷᠬᠠᠢ
ᠬᠠᠮᠤᠭ ᠮᠤᠩᠭ᠋ᠤᠯᠴᠤᠳ ᠭᠡᠵᠢᠶᠡᠳᠡ ᠣᠮᠤᠭᠯᠠᠩ︕
ᠮᠤᠩᠭ᠋ᠤᠯ ᠭᠦᠮᠤᠨ ᠮᠤᠷᠢᠨ ᠤ ᠪᠠᠨ ᠳᠠᠪᠭᠢᠭᠠ ᠪᠠᠷ
ᠭᠠᠵᠠᠷ ᠤᠨ ᠶᠡᠭᠡ ᠶᠢ ᠡᠪᠭᠡᠭ᠍ᠰᠡᠨ ᠪᠣᠯ
ᠮᠤᠩᠭ᠋ᠤᠯ ᠭᠦᠮᠤᠨ ᠮᠤᠷᠢᠨ ᠤ ᠪᠠᠨ ᠣᠮᠤᠭ ᠵᠢᠠᠷ
ᠭᠠᠵᠢᠭᠤ ᠪᠣᠷᠤᠭᠤ ᠶᠢ ᠳᠦᠪᠰᠢᠦᠡᠭᠡᠭ᠍ᠰᠡᠨ᠂
ᠮᠤᠩᠭ᠋ᠤᠯ ᠭᠦᠮᠤᠨ ᠮᠤᠷᠢ ᠪᠠᠨ ᠠᠯᠳᠠᠪᠠᠯ
ᠮᠤᠩᠭ᠋ᠤᠯ ᠤᠨ ᠳᠠᠯᠠ ᠳᠤ ᠨᠡᠷᠡ ᠪᠦᠳᠡᠭᠢᠷᠡᠨᠡ᠂
ᠮᠤᠩᠭ᠋ᠤᠯᠴᠤᠳ ᠮᠤᠷᠢ ᠪᠠᠨ ᠬᠠᠢ᠌ᠷᠠᠯᠠᠬᠤ ᠦᠭᠡᠶ ᠪᠣᠯ
ᠮᠠᠷᠭᠠᠰᠢ ᠶᠢᠨ ᠳᠠᠯᠠ ᠳᠤ ᠨᠠᠷᠠ ᠪᠦᠳᠦᠷᠢᠨᠡ᠃
ᠪᠢ ᠮᠤᠷᠢᠳᠠᠢ ᠭᠦᠮᠤᠨ
ᠪᠢ ᠶᠠᠭᠤᠨ ᠡᠴᠡ ᠠᠶᠤᠬᠤᠪ︖
ᠪᠢᠳᠠ ᠮᠤᠷᠢᠳᠠᠨ ᠦᠨᠳᠦᠰᠦᠳᠠᠨ
ᠲ᠋ᠡᠯᠡᠭᠡᠢ ᠳᠤ ᠭᠠᠭᠴᠠ ᠪᠠᠢ᠌ᠳᠠᠭ ᠪᠣᠰᠤᠭᠠ ᠮᠤᠩᠭ᠋ᠤᠯᠴᠤᠳ ᠡ︕
（2007,5,6 ᠬᠦᠬᠡᠬᠤᠲᠠᠨᠡ）
ᠵᠤᠬᠢᠶᠠᠭᠴᠢ᠄ ᠰᠤ᠋·ᠠᠨᠢᠰᠤ
ᠢᠷᠡᠯᠲᠡ᠄ ᠰᠤ᠋·ᠠᠨᠢᠰᠤ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 6924
ᠴᠠᠭ᠄ 2007 ᠤᠨ ᠤ 09 ᠰᠠᠷᠠ ᠶᠢᠨ 14
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ