☆ ᠭᠦᠭ᠍ᠵᠢᠯ
ᠠᠮᠢᠳᠤᠷᠠᠯ ᠬᠠᠢ᠌ᠷᠠ ᠳᠡᠭᠡᠷᠡ ᠳᠤᠭᠳᠠᠳᠠᠭ
ᠠᠮᠢᠳᠤᠷᠠᠯ ᠬᠠᠢ᠌ᠷᠠ ᠳᠡᠭᠡᠷᠡ ᠳᠤᠭᠳᠠᠳᠠᠭ
ᠠᠮᠢᠯᠠᠯ ᠤᠨ ᠠᠮᠢ ᠲᠡᠶ ᠠᠮᠢᠨ ᠴᠡᠮᠴᠡᠭᠡᠷ ᠪᠠᠢ᠌ᠭᠠᠯᠢ
ᠠᠵᠠ ᠪᠠᠷ ᠵᠠᠶᠠᠭᠠᠭᠰᠠᠨ ᠨᠤᠳᠤᠭ ᠶᠢᠡᠨ ᠡᠯᠢᠭᠡ ᠵᠢᠷᠦᠭᠡ ᠪᠠᠨ ᠰᠢᠭ ᠰᠠᠨᠠᠬᠤ ᠰᠠᠨ
ᠬᠤᠷᠸᠠ ᠶᠢᠨ ᠥᠩᠭᠡ ᠶᠢ ᠮᠥᠴᠡᠷᠭᠡᠨ ᠰᠠᠭᠠᠳᠠᠭᠰᠠᠨ ᠬᠤᠨᠤᠭ ᠤᠨ ᠶᠠᠭᠠᠨ ᠵᠡᠭᠦᠳᠤᠨ
ᠬᠤᠩᠭ᠋ᠤᠷ ᠰᠠᠢ᠌ᠬᠠᠨ ᠳᠤᠷᠠᠳᠬᠠᠯ ᠭᠦᠰᠡᠯ ᠱᠠᠭᠢᠬᠤ ᠪᠣᠳᠤᠯ ᠪᠣᠢ
ᠭᠤᠷᠴᠢᠭᠢᠨᠠᠬᠤ ᠭᠤᠷᠤᠬᠠ ᠶᠢᠨ ᠡᠭᠡᠰᠢᠭᠯᠡᠭᠦ ᠳᠠᠭᠤᠨ ᠡᠴᠡ
ᠭᠤᠪᠢ ᠶᠢᠨ ᠳᠡᠮᠡᠭᠡᠳ ᠤᠨ ᠠᠯᠬᠤᠭᠠ ᠲᠡᠶ ᠣᠠᠳᠤᠷᠬᠤ ᠰᠢᠯᠦᠭ᠌ ᠣᠷᠤᠰᠬᠤ ᠰᠢᠭ
ᠭᠦᠭᠡᠷᠡᠭᠦ ᠨᠤᠭᠤᠭᠠᠨ ᠳᠠᠯᠠ ᠳᠤ ᠳᠠᠪᠤᠨ ᠬᠤᠰᠢᠭᠤ ᠪᠠᠯᠴᠢᠭ᠍ᠰᠡᠨ
ᠭᠦᠭᠡᠷᠦᠭᠦᠨ ᠲ᠋ᠡᠭᠢᠨᠢ ᠰᠢᠭ ᠢᠷᠠᠭᠤᠬᠠᠨ ᠦᠷ ᠤᠨ ᠬᠠᠴᠠᠷ ᠢ ᠳᠡᠪᠠᠷᠢᠭᠡᠳ ᠥᠨᠦᠰᠴᠢᠭᠡᠮᠡᠷ
ᠣᠳᠤᠳ ᠵᠢᠷᠭᠠᠵᠤ ᠰᠠᠷᠠ ᠮᠥᠰᠢᠶᠡᠭ᠍ᠰᠡᠨ ᠬᠠᠳᠠᠭ ᠪᠠᠷᠢᠭᠰᠠᠨ ᠳᠠᠯᠠ ᠵᠢᠨ
ᠣᠬᠠᠭᠠ ᠴᠡᠩᠭᠡᠷᠯᠡᠭ᠍ᠰᠡᠨ ᠠᠮᠢᠳᠤᠷᠠᠯ ᠤᠨ ᠳᠤᠷᠭᠠᠨ ᠪᠠᠭᠤᠴᠠ ᠳ᠋ᠤ
ᠣᠯᠢᠶᠠᠷᠬᠠᠭ ᠭᠡᠦᠭᠡᠨ ᠤ ᠬᠠᠢ᠌ᠷᠠ ᠰᠢᠩᠭᠡᠭᠡᠭ᠍ᠰᠡᠨ ᠣᠷᠤᠭᠤᠯ ᠳᠡᠭᠡᠷᠡ ᠠᠮᠢᠳᠤᠷᠠᠯ ᠳᠤᠭᠳᠠᠳᠠᠭ ᠡ
ᠣᠷᠴᠢᠯᠠᠩ ᠢ ᠭᠡᠮᠵᠢᠭ᠍ᠰᠡᠨ ᠣᠨᠠᠭᠠ ᠶᠢᠨ ᠳᠤᠭᠤᠷᠢ ᠳᠤ ᠣᠴᠢᠯᠠᠬᠤ ᠰᠠᠢ᠌ᠬᠠᠨ ᠪᠣᠳᠤᠯ ᠳ᠋ᠤ
ᠣᠳᠤ ᠴᠢᠷᠦᠭ᠍ᠰᠡᠨ ᠣᠷᠭᠠ ᠶᠢᠨ ᠮᠢᠨᠢ ᠦᠵᠦᠭᠦᠷ ᠥᠨᠦᠰᠦᠭᠡᠳ ᠪᠠᠭᠤᠬᠤ
ᠣᠬᠠᠭᠠᠨ ᠬᠠᠳᠠᠭᠤ ᠠᠪᠣ ᠶᠢᠨ ᠰᠤᠷᠭᠠᠯ ᠳᠠᠭᠤᠯᠬᠤ ᠰᠢᠭ
ᠣᠬᠠᠭᠠᠵᠢᠬᠤ ᠵᠠᠮ ᠤᠨ ᠳᠦᠷᠦᠭᠡ ᠢᠰᠭᠦᠯᠦᠭ᠍ᠰᠡᠨ ᠴᠠᠢ᠌ᠯᠵᠠᠬᠤ ᠠᠮᠢᠳᠤᠷᠠᠯ ᠳ᠋ᠤ
ᠣᠳᠤ ᠮᠠᠨᠠᠭᠰᠠᠨ ᠣᠷᠭᠤᠬᠤ ᠦᠷ ᠢ ᠣᠶᠠᠰᠬᠠᠵᠤ ᠪᠣᠰᠳᠠᠭ
ᠣᠶᠠᠬᠠᠨ ᠬᠤᠩᠭ᠋ᠤᠷ ᠤᠨ ᠮᠢᠨᠢ ᠰᠡᠳᠭᠢᠯ ᠳᠤ ᠬᠠᠢ᠌ᠷᠠ ᠢᠪᠢᠯᠵᠤ ᠵᠢᠷᠭᠠᠯ ᠣᠠᠳᠤᠷᠤᠨᠠ
ᠰᠠᠷᠠ ᠪᠠᠭᠤᠳᠠᠯᠯᠠᠭᠰᠠᠨ ᠳᠠᠯᠠ ᠪᠠᠨ ᠰᠦ᠋ ᠪᠠᠷ ᠮᠢᠯᠢᠶᠠᠳᠠᠭ
ᠰᠠᠭᠠᠯᠢ ᠶᠢᠨ ᠵᠠᠯᠠᠨ ᠳᠤ ᠰᠠᠷᠠᠨ ᠳᠠᠭᠢᠨᠢ ᠪᠦᠵᠢᠭᠯᠡᠨᠡ
ᠰᠠᠭᠠᠮᠠ ᠰᠦᠨ ᠤ ᠴᠠᠯᠭᠢᠶᠠᠨ ᠳᠤ ᠰᠠᠷᠠᠭᠤᠯ ᠬᠤᠷᠸᠠ ᠭᠡᠢ᠌ᠯᠡ
ᠰᠠᠭᠠᠯᠢᠴᠢᠨ ᠭᠡᠦᠭᠡᠨ ᠤ ᠰᠡᠳᠭᠢᠯ ᠳᠤ ᠣᠷᠭᠤᠬᠤ ᠨᠠᠷᠠ ᠮᠠᠠᠳᠤᠨᠠ
ᠰᠠᠨᠠᠭᠠ ᠰᠡᠳᠭᠢᠯ ᠤᠨ ᠵᠠᠢ᠌ᠴᠢᠨ ᠳᠤ ᠠᠢ᠌ᠷᠠᠭ ᠣᠤᠭᠤᠭᠰᠠᠨ ᠨᠠᠢ᠌ᠷᠠᠭ ᠣᠠᠳᠤᠷᠤᠨᠠ
ᠪᠣᠷᠤᠭᠠᠨ ᠳᠤ ᠮᠥᠰᠢᠶᠡᠭ᠍ᠰᠡᠨ ᠳᠤᠷᠭᠠᠨ ᠳᠠᠯᠠ ᠮᠢᠨᠢ ᠨᠤᠭᠤᠭᠠᠨ ᠶᠢᠡᠷ ᠠᠮᠢᠰᠬᠤᠭᠠᠨᠠ
ᠪᠣᠳᠤᠯ ᠳᠤ ᠪᠠᠯᠴᠢᠭ᠍ᠰᠡᠨ ᠰᠢᠯᠦᠭ᠌ ᠮᠢᠨᠢ ᠳᠠᠯᠠ ᠪᠠᠨ ᠳᠦᠷᠦᠭᠡᠯᠡᠵᠤ ᠮᠤᠷᠳᠠᠨᠠ
ᠪᠦᠳᠤᠨ ᠨᠠᠷᠠ ᠲᠡᠶ ᠨᠤᠳᠤᠭ ᠤᠨ ᠮᠢᠨᠢ ᠡᠪᠦᠷ ᠲᠤ ᠪᠦᠱᠦᠷᠭᠡᠵᠤ ᠪᠠᠭᠤᠭᠰᠠᠨ
ᠪᠣᠯᠤᠷ ᠰᠢᠭ ᠳᠤᠩᠭ᠋ᠠᠯᠠᠭ ᠰᠤᠪᠣᠤᠨ ᠤᠨ ᠭᠡᠯᠭᠢᠶᠡ ᠨᠢ
ᠳᠤᠭᠤᠷᠠᠢ ᠶᠢᠨ ᠳᠠᠮᠠᠭᠠ ᠲᠡᠶ ᠭᠦᠷᠦᠰᠤᠨ ᠳ᠋ᠤ
ᠳᠤᠭᠯᠠᠵᠤ ᠦᠰᠦᠭ᠍ᠰᠡᠨ ᠭᠦᠤ ᠶᠢᠨ ᠮᠢᠨᠢ ᠳᠤᠷᠠᠨ ᠬᠠᠷᠠ ᠮᠠᠯᠮᠠᠢ ᠰᠢᠭ᠌
ᠪᠣᠷᠬᠠᠨ ᠡᠭᠡ ᠣᠷᠤᠨ ᠶᠢᠡᠨ ᠰᠢᠠᠵᠢᠨᠠ
ᠥᠩᠭᠡ ᠶᠢᠨ ᠴᠡᠴᠡᠭᠡᠰ ᠶᠢᠡᠷ ᠨᠠᠢ᠌ᠷᠠᠭᠰᠠᠨ ᠳᠠᠯᠠ ᠶᠢᠨ ᠮᠢᠨᠢ ᠨᠠᠢ᠌ᠷᠠᠭ
ᠣᠶᠠᠩᠭ᠋ᠠ ᠶᠢᠨ ᠣᠷᠴᠢᠯᠠᠩ ᠳᠤ ᠰᠤᠭᠳᠤᠭᠤᠷᠠᠨᠠ
ᠣᠬᠠᠭᠠᠠᠴᠢ ᠪᠣᠭᠤᠷᠤᠯ ᠤᠳ ᠤᠨ ᠵᠢᠷᠦᠭᠡᠨ ᠡᠭᠡᠰᠢᠭ᠌ ᠶᠢᠡᠷ
ᠣᠷᠢ ᠳᠠᠮᠢᠷ ᠢᠭ᠍ᠳᠦᠭᠦᠯᠦᠭ᠍ᠰᠡᠨ ᠰᠡᠳᠭᠢᠯ ᠤᠨ ᠮᠢᠨᠢ ᠣᠶᠠᠩᠭ᠋ᠠ
ᠣᠶᠤᠨ ᠴᠡᠩᠭᠡᠷ ᠬᠠᠶᠠᠭᠠ ᠳᠡᠯᠡᠭ᠍ᠰᠡᠨ ᠬᠠᠩᠭ᠋ᠠᠢ ᠳ᠋ᠤ
ᠣᠬᠠᠭᠠᠨ ᠤ ᠴᠡᠭᠡᠨ ᠨᠠᠷᠠ ᠲᠡᠶ ᠭᠦᠮᠦᠰ ᠤᠨ ᠶᠢᠡᠨ ᠰᠤᠨᠤᠷ ᠢ ᠮᠢᠯᠢᠶᠠᠵᠤ ᠣᠷᠤᠰᠤᠨᠠ
ᠳᠠᠯᠠ᠂ ᠪᠣᠳᠤᠯ ᠢᠭᠢᠷᠡ ᠳᠦᠷᠦᠭ᠍ᠰᠡᠨ ᠬᠤᠶᠠᠭᠤᠯᠠ
ᠨᠠᠷᠠᠨ ᠤ ᠰᠠᠴᠤᠷᠠᠭ ᠶᠢᠡᠷ ᠳᠤᠮᠢᠯᠠᠭᠰᠠᠨ ᠳᠤᠯᠤᠭᠠᠨ ᠥᠩᠭᠡ ᠶᠢᠨ ᠰᠤᠯᠤᠩᠭ᠋ᠠ ᠪᠠᠷ
ᠨᠠᠢ᠌ᠷᠰᠠᠭ ᠰᠡᠳᠭᠢᠯ ᠶᠢᠡᠷ ᠮᠥᠰᠢᠶᠡᠭ᠍ᠰᠡᠨ ᠪᠣᠷᠬᠠᠨ ᠭᠡᠷ ᠤᠨ ᠪᠣᠱᠤᠭᠠ ᠮᠢᠯᠢᠶᠠᠵᠤ
ᠳᠠᠷᠭᠤᠨ ᠰᠦᠷᠦᠭ᠌ ᠬᠤᠳᠠ ᠴᠠᠢ᠌ᠯᠵᠠᠭᠤᠯᠵᠤ ᠳᠠᠷᠠᠭ ᠠᠢ᠌ᠷᠠᠭ ᠭᠦᠨᠦᠭ᠌ ᠪᠢᠯᠬᠠᠮᠠ
ᠳᠠᠩᠰᠤᠭ ᠠᠮᠢᠳᠤᠷᠠᠯ ᠤᠨ ᠵᠢᠷᠦᠭᠡᠨ ᠳᠡᠭᠡᠷᠡ ᠨᠢ ᠦᠨᠦᠰᠤᠨᠠ
ᠰᠦᠨ ᠴᠠᠭᠠᠨ ᠮᠢᠨᠢ ᠰᠡᠳᠭᠢᠯ ᠳ᠋ᠤ
ᠨᠤᠳᠤᠭ ᠤᠨ ᠴᠢᠯᠠᠭᠤᠳ ᠵᠢᠡᠨ ᠥᠨᠦᠰᠦᠭ᠍ᠰᠡᠨ ᠢᠳᠡᠭᠡᠯ ᠤᠨ ᠮᠥᠩᠭᠡ ᠳᠦᠰᠢᠭ᠌ ᠵᠢᠷᠦᠭᠡᠨ ᠬᠠᠯᠠᠭᠤᠨ ᠳᠠᠮᠢᠷ
ᠰᠦᠰᠦ ᠬᠠᠳᠠᠭᠤ ᠵᠤᠷᠢᠭ ᠡᠷᠭᠦᠵᠤ ᠪᠣᠰᠬᠠᠨᠠ
ᠰᠠᠷᠠᠭᠤᠯ ᠬᠤᠷᠸᠠ ᠶᠢ ᠨᠠᠷᠠ ᠲᠡᠶ ᠳᠤᠭᠤᠷᠢᠬᠤ ᠮᠥᠩᠭᠡ ᠳᠡᠭ᠍ᠷᠢ ᠶᠢᠨ ᠢᠪᠠᠭᠡᠯ ᠳᠦᠭᠦᠷᠡᠩ
ᠰᠠᠢ᠌ᠬᠠᠨ ᠬᠠᠩᠬᠠᠯ ᠭᠦᠰᠡᠯ ᠳᠤ ᠢᠷᠡᠭᠦ ᠮᠠᠷᠭᠠᠰᠢ ᠶᠢ ᠳᠠᠯᠠᠯᠤᠭᠰᠠᠨ ᠴᠡᠩᠭᠡᠷ ᠪᠣᠳᠤᠯ ᠴᠦᠷᠭᠦᠭᠦᠯᠦᠨᠡ
2013.6.18
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠶᠠᠠᠨᠠᠭᠤᠷ ᠬᠤᠳᠠ ᠶᠢᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠳᠤᠪᠴᠢᠶᠠ
ᠵᠤᠬᠢᠶᠠᠭᠴᠢ᠄ ᠭᠦᠭ᠍ᠵᠢᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 14127
ᠴᠠᠭ᠄ 2014 ᠤᠨ ᠤ 02 ᠰᠠᠷᠠ ᠶᠢᠨ 27
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ