☆ ᠰᠠᠷᠠᠭᠤᠯ
ᠴᠠᠭᠠᠠᠨᠠᠭᠤᠷ ᠶᠢᠡᠷ ᠠᠶᠠᠯᠠᠭᠰᠠᠨ ᠨᠢ
ᠦᠷ ᠤᠨ ᠵᠢᠪᠠᠷ ᠵᠥᠭᠡᠯᠡᠨ ᠰᠥᠢᠯᠡᠭᠦᠯᠦᠭ᠍ᠰᠡᠨ
ᠥᠩᠭᠡᠳᠤ ᠰᠠᠢ᠌ᠬᠠᠨ ᠵᠤᠨ ᠤ ᠦᠷᠯᠦᠭᠡ
ᠣᠢ᠌ᠯᠠᠰ ᠨᠢᠭᠡᠳᠡᠨ ᠵᠠᠭᠤᠭᠠᠤᠨ ᠨᠠᠷᠠᠰ
ᠡᠳᠦᠷ ᠤᠨ ᠵᠤᠭᠠᠴᠠᠯ ᠳᠤ ᠮᠤᠷᠳᠠᠯᠠ
ᠬᠤᠯᠠ ᠭᠠᠵᠠᠷ ᠵᠤᠭᠠᠴᠠᠨᠠ ᠭᠡᠭᠦ ᠡᠴᠠ
ᠬᠤᠪᠳᠤᠯ ᠵᠢᠷᠦᠭᠡ ᠨᠢ ᠳᠤᠭᠳᠤᠯᠤᠨᠠ
ᠥᠩᠭᠡᠳᠤ ᠦᠵᠡᠮᠵᠢ ᠰᠤᠨᠢᠷᠬᠠᠨᠠ ᠭᠡᠭᠦ ᠡᠴᠠ
ᠡᠯᠢᠭᠡ ᠵᠢᠷᠦᠭᠡ ᠨᠢ ᠦᠨᠳᠠᠯᠵᠠᠨᠡ
ᠠᠶᠠᠨ ᠤ ᠮᠠᠰᠢᠨ ᠵᠢᠷᠪᠢᠰᠭᠢᠨ
ᠭᠦᠳᠦᠯ ᠤᠨ ᠳᠤᠭᠤᠰᠤ ᠶᠢ ᠬᠤᠯᠠ ᠬᠠᠶᠠᠯᠠ
ᠠᠯᠪᠠ ᠨᠢᠭᠡᠳᠡᠨ ᠠᠯᠵᠢᠶᠠᠯ ᠣᠮᠠᠷᠳᠠᠨ
ᠬᠤᠯᠠ ᠶᠢᠨ ᠵᠠᠮ ᠢ ᠡᠯᠭᠦᠯᠡ
ᠭᠢᠷᠢᠨ ᠮᠤᠵᠢ ᠶᠢᠨ ᠮᠤᠳᠤ ᠡᠪᠠᠰᠤ
ᠵᠠᠬᠠ ᠡᠴᠠ ᠪᠠᠨ ᠡᠩᠨᠡᠷᠡᠵᠤ ᠨᠤᠭᠤᠭᠠᠷᠠᠨᠠ
ᠡᠪᠠᠰᠤ ᠨᠤᠭᠤᠭᠠ ᠪᠠᠨ ᠬᠠᠮᠠᠭᠠᠯᠠᠵᠤ ᠶᠠᠪᠣᠭᠠ
ᠡ᠊ᠨᠳᠡᠭᠢ ᠭᠦᠮᠦᠰ ᠪᠢᠰᠢᠷᠠᠯᠳᠠᠢ ᠰᠠᠨᠠᠭᠳᠠᠨᠠ
ᠬᠤᠩᠭ᠋ᠤᠷ ᠰᠠᠯᠭᠢ ᠡᠮᠤᠨᠡ ᠡᠴᠠ ᠦᠯᠢᠶᠠᠨ
ᠰᠡᠷᠮᠡᠭᠦᠨ ᠦᠵᠡᠮᠵᠢ ᠬᠠᠷᠠᠭᠠ ᠪᠠᠶᠠᠰᠬᠠᠨᠠ
ᠬᠤᠯᠠ ᠶᠢᠨ ᠮᠠᠰᠢᠨ ᠬᠤᠷᠳᠤᠯᠠᠨ ᠳᠠᠪᠭᠢᠭᠰᠠᠭᠠᠷ
ᠵᠤᠷᠢᠭᠰᠠᠨ ᠭᠠᠵᠠᠷ ᠣᠳᠠᠯ ᠦᠭᠡᠶ ᠭᠦᠷᠦᠯᠡ᠃
ᠴᠠᠭᠠᠠᠨᠠᠭᠤᠷ ᠤᠨ ᠬᠤᠯᠠ ᠶᠢᠨ ᠦᠵᠡᠮᠵᠢ
ᠬᠤᠯᠠ ᠡᠴᠠ ᠴᠠᠢ᠌ᠯᠵᠠᠭᠰᠠᠨ ᠴᠠᠭᠠᠠᠨᠠᠭᠤᠷ
ᠬᠤᠪᠢᠯᠭᠠᠨ ᠤ ᠳᠤᠳᠤᠷᠠᠭᠢ ᠬᠤᠪᠢᠯᠭᠠᠨ
ᠬᠤᠷᠴᠢᠭᠢᠨᠠᠨ ᠮᠡᠯᠳᠡᠭᠡᠨᠡᠭᠦ ᠭᠤᠤᠯ ᠤᠨ ᠣᠰᠤ
ᠵᠢᠷᠤᠭ ᠤᠨ ᠳᠤᠳᠤᠷᠠᠭᠢ ᠵᠢᠷᠤᠭ
ᠭᠤᠤᠯ ᠤᠨ ᠭᠦᠪᠠᠭᠡ ᠳᠡᠭ᠍ᠷᠢ ᠶᠢᠨ ᠬᠠᠶᠠᠭᠠ
ᠪᠦᠳᠤᠨ ᠴᠤᠭᠴᠠ ᠪᠣᠯᠤᠷᠤᠨ
ᠭᠠᠢ᠌ᠬᠠᠮᠰᠢᠭ ᠤᠨ ᠳᠤᠳᠤᠷᠠᠭᠢ ᠭᠠᠢ᠌ᠬᠠᠮᠰᠢᠭ
ᠨᠢᠳᠤᠨ ᠡᠮᠤᠨᠡ ᠢᠯᠠᠷᠠᠪᠠᠢ
ᠳᠤᠩᠭ᠋ᠠᠯᠠᠭ ᠳᠤᠯᠢ᠂ ᠳᠤᠨᠤᠮᠠᠯ ᠨᠠᠭᠤᠷ
ᠳᠤᠩᠭ᠋ᠠᠭᠰᠠᠨ ᠬᠠᠰ ᠂ ᠳᠤᠷᠭᠠᠨ ᠮᠠᠯᠮᠠᠢ
ᠳᠡᠭ᠍ᠷᠢ ᠶᠢᠨ ᠣᠷᠳᠤᠨᠠ
ᠵᠡᠭᠦᠳᠤᠨ ᠶᠢᠡᠷ ᠠᠶᠠᠯᠠᠭᠰᠠᠨ ᠰᠢᠭ
ᠳᠢᠶᠠᠨ ᠳᠠᠨ ᠴᠡᠴᠡᠷᠯᠢᠭ᠌ ᠳᠤ
ᠪᠠᠶᠠ ᠪᠠᠷ ᠭᠦᠷᠦᠭ᠍ᠰᠡᠨ ᠮᠠᠳᠤ
ᠨᠠᠷᠠ ᠳᠤ ᠪᠠᠨ ᠳᠤᠭᠢᠷᠠᠭᠰᠠᠨ ᠴᠠᠭᠠᠠᠨᠠᠭᠤᠷ
ᠨᠠᠯᠣᠢ᠌ᠨ ᠴᠡᠯᠡᠢ᠌ᠭ᠍ᠰᠡᠨ ᠣᠰᠤᠨ ᠣᠷᠳᠤᠨ
ᠬᠤᠪᠢᠯᠭᠠᠨ ᠭᠡᠦᠭᠡᠨ ᠤ ᠠᠷᠰᠢ ᠶᠢᠨ ᠮᠠᠯᠮᠠᠢ ᠰᠢᠭ᠌
ᠬᠤᠯᠠ ᠶᠢᠨ ᠵᠤᠴᠢᠨ ᠶᠢᠡᠨ ᠣᠭᠳᠤᠨ ᠳᠤᠨᠤᠯᠵᠠᠨᠠ᠃
ᠴᠠᠭᠠᠨ ᠭᠤᠸᠠ ᠭᠡᠦᠭᠡᠨ
ᠨᠠᠭᠢᠯᠵᠠᠨ ᠪᠦᠵᠢᠭᠯᠡᠭ᠍ᠰᠡᠨ ᠴᠠᠭᠠᠨ ᠭᠤᠸᠠ ᠭᠡᠦᠭᠡᠨ
ᠨᠠᠮᠰᠠᠷᠠᠢ ᠪᠣᠷᠬᠠᠨ ᠤ ᠪᠦᠷᠢᠯᠸᠡ
ᠳᠠᠩᠰᠤᠭ ᠭᠤᠸᠠ ᠳᠦᠷᠭᠦ ᠳᠠᠢ
ᠳᠤᠨᠤᠮᠠᠯ ᠨᠠᠭᠤᠷ ᠤᠨ ᠬᠠᠷᠠᠴᠠ ᠳᠠᠢ
ᠣᠷᠭᠤᠭᠠ ᠯᠢᠩᠬᠤᠸᠠ ᠶᠢᠨ ᠵᠢᠰᠤ ᠳᠠᠢ
ᠣᠷᠠᠨ ᠵᠥᠭᠡᠯᠡᠨ ᠭᠦᠳᠡᠯᠦᠯ ᠳᠠᠢ
ᠠᠭᠤᠳᠠᠮ ᠵᠥᠭᠡᠯᠡᠨ ᠬᠠᠷᠠᠴᠠ ᠪᠠᠷ ᠵᠢᠠᠨ
ᠨᠠᠭᠤᠷ ᠶᠢᠡᠨ ᠴᠢᠮᠠᠨ ᠮᠡᠯᠮᠡᠷᠡᠭ᠍ᠰᠡᠨ
ᠨᠤᠳᠤᠭ ᠤᠨ ᠣᠯᠠᠨ ᠲᠦᠮᠡᠨ ᠳᠤ ᠪᠠᠨ
ᠵᠢᠷᠦᠭᠡᠨ ᠬᠠᠢ᠌ᠷᠠ ᠪᠠᠨ ᠡᠷᠭᠦᠭ᠍ᠰᠡᠨ
ᠴᠡᠴᠡᠭ᠌ ᠤᠨ ᠦᠨᠦᠷ ᠠᠩᠭᠢᠯᠤᠭᠤᠯᠤᠭᠰᠠᠨ
ᠴᠡᠪᠠᠷᠭᠡᠨ ᠭᠡᠦᠭᠡᠨ ᠴᠠᠭᠠᠨ ᠭᠤᠸᠠ
ᠴᠢᠩ ᠵᠤᠷᠢᠭᠳᠤ ᠢᠳᠡᠭᠡᠯ ᠵᠢᠠᠷ
ᠴᠠᠭᠳᠠᠭᠤᠯ ᠪᠣᠯᠤᠭᠰᠠᠨ ᠴᠠᠭᠠᠨ ᠭᠤᠸᠠ
ᠨᠠᠭᠤᠷ ᠶᠢᠡᠨ ᠰᠠᠭᠢᠭᠠᠤᠨ ᠮᠡᠯᠮᠡᠷᠡᠭᠦ
ᠨᠤᠭᠤᠭᠠᠨ ᠳ᠋ᠠᠷᠠ ᠶᠢᠨ ᠬᠤᠪᠢᠯᠭᠠᠨ
ᠨᠤᠳᠤᠭ ᠤᠨ ᠳᠦᠷᠭᠦ ᠳᠤ ᠪᠠᠨ ᠰᠤᠭᠳᠤᠭᠤᠷᠠᠭᠰᠠᠨ
ᠨᠠᠷᠠᠨ ᠳᠠᠭᠢᠨᠢ ᠶᠢᠨ ᠪᠦᠷᠢᠯᠸᠡ
ᠣᠨ ᠵᠢᠯ ᠤᠨ ᠠᠯᠤᠰᠵᠢᠷᠠᠯ ᠳ᠋ᠤ
ᠡᠯᠡᠭ᠍ᠳᠡᠵᠤ ᠶᠠᠷᠤ ᠴᠤᠴᠠᠷᠠᠭᠠ ᠥᠭᠡᠢ
ᠣᠤᠠᠬᠠ ᠤᠶᠠᠩᠭᠠ ᠶᠢᠨ ᠣᠷᠠᠨ ᠳᠦᠷᠢ ᠪᠠᠷ
ᠣᠯᠠᠨ ᠤ ᠰᠡᠳᠭᠢᠯ ᠢ ᠪᠠᠶᠠᠰᠬᠠᠭᠰᠠᠨ
ᠴᠠᠭᠠᠨ ᠭᠤᠸᠠ ᠶᠢᠨ ᠣᠷᠠᠨ ᠳᠦᠷᠢ
ᠰᠡᠳᠭᠢᠯ ᠳᠤ ᠦᠨᠢᠳᠠ ᠮᠥᠩᠭᠡᠷᠡᠨᠡ
ᠴᠠᠭᠠᠠᠨᠠᠭᠤᠷ ᠤᠨ ᠭᠤᠶᠤ ᠳᠠᠭᠢᠨᠢ
ᠵᠢᠷᠦᠭᠡᠨ ᠳᠤ ᠭᠡᠵᠢᠶᠡᠳᠡ ᠠᠮᠢᠳᠤᠷᠠᠨᠠ᠃
ᠮᠢᠶᠤᠤ ᠶᠢᠨ ᠰᠧ ᠰᠦᠮᠡ
ᠦᠨᠳᠦᠷ ᠰᠦᠷᠯᠢᠭ᠌ ᠮᠢᠶᠤᠤ ᠶᠢᠨ ᠰᠧ ᠰᠦᠮᠡ
ᠡᠭᠦᠯᠡᠨ ᠳᠤ ᠰᠢᠷᠭᠤᠮᠠᠷ ᠰᠥᠡᠳᠡᠷᠯᠡᠭᠡᠳ
ᠡᠩᠭᠡ ᠲᠦᠪᠰᠢᠨ ᠤ ᠠᠷᠢᠭᠤᠨ ᠭᠦᠵᠢᠰ
ᠲᠦᠮᠡᠨ ᠭᠠᠵᠠᠷ ᠬᠠᠩᠬᠤᠯᠤᠨᠠ
ᠭᠠᠵᠠᠷ ᠡᠴᠠ ᠭᠡᠨᠡᠳᠲᠡ ᠴᠤᠭᠤᠷᠠᠭᠰᠠᠨ ᠰᠢᠭ
ᠭᠠᠢ᠌ᠬᠠᠮᠰᠢᠭᠳᠤ ᠨᠢᠭᠡ ᠰᠦᠮᠡ
ᠭᠠᠵᠠᠷ ᠤᠨ ᠬᠤᠯᠠ ᠵᠤᠷᠢᠭᠰᠠᠤᠨ ᠤᠨ
ᠬᠠᠷᠠᠴᠠ ᠶᠢ ᠪᠠᠶᠠᠰᠬᠠᠨ ᠭᠢᠯᠠᠯᠵᠠᠨᠠ
ᠨᠤᠭᠤᠭᠠᠨ ᠥᠩᠭᠡᠳᠤ ᠴᠡᠴᠡᠭ᠍ᠳᠤ ᠣᠷᠤᠢ ᠨᠢ
ᠨᠤᠮᠢᠨ ᠡᠭᠦᠯᠡ ᠭᠡᠵᠢᠭᠡᠳᠡᠭᠡᠳ
ᠰᠢᠷᠠ ᠥᠩᠭᠡ ᠶᠢᠨ ᠳᠤᠮᠤ ᠳᠤᠭᠠᠩ
ᠳᠡᠭ᠍ᠷᠢ ᠪᠠᠭᠠᠨᠠᠳᠠᠨᠠᠨ ᠰᠦᠨᠳᠠᠷᠯᠠᠨᠡ
ᠰᠥᠰᠦᠭ᠌ ᠪᠢᠰᠢᠷᠠᠯ ᠤᠨ ᠭᠡᠭᠡᠨ ᠪᠣᠷᠬᠠᠤᠨ
ᠠᠷᠰᠢ ᠶᠢᠨ ᠭᠠᠷ ᠶᠢᠡᠷ ᠨᠠᠮᠠᠠᠴᠢᠯᠠᠨ
ᠰᠥᠭᠦᠳᠡᠯ ᠮᠦᠷᠭᠦᠯ ᠤᠨ ᠰᠥᠰᠦᠭ᠍ᠳᠡᠨ
ᠳᠤᠯᠤᠭᠠᠢ ᠳᠠᠷᠤᠨ ᠵᠠᠯᠪᠠᠷᠢᠵᠠᠭᠠᠨᠠ
ᠬᠣᠢ᠌ᠨᠠ ᠡᠮᠤᠨᠡ ᠬᠤᠶᠠᠷ ᠠᠰᠠᠷ
ᠬᠤᠷᠴᠠ ᠨᠠᠷᠠᠨᠠ ᠭᠢᠯᠠᠯᠵᠠᠭᠠᠤᠨ
ᠲᠦᠮᠡᠨ ᠪᠣᠷᠬᠠᠤᠨ ᠤᠨ ᠭᠡᠭᠡᠨ ᠳᠦᠷᠢ
ᠡᠩ ᠡᠩ ᠶᠢᠡᠷ ᠵᠢᠭ᠍ᠳᠡᠷᠡᠨᠡ
ᠶᠢᠰᠤ ᠶᠢᠰᠤᠨ ᠨᠠᠶᠠᠨ ᠨᠢᠭᠡᠨ ᠶᠠᠠᠳᠠᠷ
ᠶᠸᠯᠢ ᠶᠢᠨ ᠰᠢᠳᠢ ᠶᠢ ᠭᠠᠢ᠌ᠬᠠᠭᠤᠯᠵᠤ
ᠳᠡᠭ᠍ᠳᠡᠷ ᠳᠡᠭ᠍ᠳᠡᠷ ᠳᠦᠷᠪᠠᠨ ᠳᠠᠪᠬᠤᠷ ᠠᠰᠠᠷ
ᠳᠡᠭ᠍ᠷᠢ ᠶᠢᠨ ᠣᠷᠳᠤᠨ ᠰᠢᠭ ᠰᠤᠯᠤᠩᠭ᠋ᠠᠷᠠᠨᠠ
ᠭᠠᠵᠠᠷ ᠳᠡᠭ᠍ᠷᠢ ᠶᠢᠨ ᠳᠤᠮᠳᠠ
ᠪᠠᠭᠠᠨᠠ ᠰᠢᠭ ᠰᠥᠮᠪᠦᠷᠯᠡᠭᠡᠳ
ᠭᠠᠷᠠᠭ ᠣᠳᠤᠨ ᠤ
ᠳᠤᠶᠠᠭᠠ ᠰᠢᠭ ᠭᠢᠯᠠᠯᠵᠠᠨ ᠰᠤᠪᠣᠷᠠᠭᠰᠠᠨ
ᠭᠠᠠᠳᠢᠭ ᠴᠢᠯᠠᠭᠤᠨ ᠶᠢᠡᠷ ᠰᠠᠢ᠌ᠯᠵᠤ ᠣᠷᠠᠯᠠᠭᠰᠠᠨ
ᠭᠠᠪᠢᠷᠠ ᠴᠡᠴᠡᠭ᠌ ᠤᠨ ᠣᠷᠠᠨ ᠵᠢᠷᠤᠭ ᠳᠤᠳᠤᠷᠠᠭᠰᠠᠨ
ᠮᠦᠩᠭᠦᠨ ᠥᠩᠭᠡᠳᠤ ᠣᠷᠤᠢ ᠨᠢ
ᠮᠢᠩᠭ᠋ᠠᠨ ᠤ ᠪᠠᠷᠠ ᠳᠤ ᠭᠢᠯᠠᠯᠵᠠᠭᠠᠤᠨ
ᠮᠢᠠᠳᠠᠰᠤᠨ ᠣᠯᠪᠣᠭᠳᠤ ᠴᠡᠴᠡᠭ᠍ᠳᠤ ᠳᠡᠪᠢᠰᠭᠡᠷ ᠳᠤ
ᠮᠦᠷᠭᠦᠯᠴᠢᠳ ᠤᠨ ᠭᠦᠰᠡᠯ ᠰᠢᠩᠭᠡᠭ᠍ᠰᠡᠨ
ᠮᠢᠶᠤᠤ ᠶᠢᠨ ᠰᠧ ᠰᠦᠮᠡ ᠶᠢᠨ ᠭᠠᠢ᠌ᠬᠠᠮᠰᠢᠭ ᠢ
ᠮᠦᠴᠢᠳ ᠪᠢᠷ ᠶᠢᠡᠷ ᠥᠭᠦᠯᠡᠭᠦᠶᠡ ᠪᠠᠷᠭᠡ
ᠮᠡᠷᠭᠡᠨ ᠭᠡᠭᠡᠳ ᠤᠨ ᠰᠤᠷᠳᠠᠬᠤᠨ ᠮᠥᠩᠭᠡᠷᠡᠭ᠍ᠰᠡᠨ
ᠮᠠᠩᠯᠠᠢ ᠰᠢᠳᠦᠭᠡᠨ ᠤ ᠣᠷᠳᠤᠨ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠠᠬᠤᠰᠢᠭᠤ ᠳᠦᠷᠪᠠᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠰᠠᠷᠠᠭᠤᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2639
ᠴᠠᠭ᠄ 2011 ᠤᠨ ᠤ 09 ᠰᠠᠷᠠ ᠶᠢᠨ 29
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ