☆ ᠵᠦᠩ
ᠰᠠᠢ᠌ᠨ ᠣᠢ᠌ᠯᠠ ᠶᠢ ᠵᠥᠭᠯᠡᠵᠤ ᠰᠠᠢ᠌ᠨ ᠠᠮᠠᠯᠠᠭᠠᠴᠢ ᠡ᠂ ᠠᠷᠠᠤᠨ ᠲᠦᠮᠡᠨ ᠮᠢᠨᠢ︕
ᠦᠰᠴᠦ ᠪᠠᠢ᠌ᠭᠠ ᠬᠡᠦᠬᠡᠳ ᠶᠢᠡᠨ
ᠥᠭᠡᠳᠡ ᠦᠭᠡᠶ ᠨᠢ ᠭᠡᠵᠤ ᠪᠣᠤ ᠵᠠᠩᠨᠠ
ᠦᠷᠡ ᠶᠢᠨ ᠪᠣᠶᠠᠨ ᠴᠢᠨᠢ ᠦᠯᠵᠠᠢ ᠪᠣᠰᠤ ᠪᠣᠯᠵᠤ
ᠦᠨᠡᠨ ᠤ ᠬᠤᠷᠸᠠ ᠳᠤ ᠳᠠᠪᠢᠯᠠᠩ ᠵᠠᠶᠠᠭᠠ ᠴᠢᠨᠢ ᠬᠠᠵᠠᠢ᠌ᠬᠤ ᠶᠤᠮ ᠰᠢᠤ
ᠦᠩ ᠲᠡᠶ ᠥᠭᠡᠳᠡ ᠲᠡᠶ ᠪᠠᠢ᠌ᠨᠠ ᠭᠡᠵᠤ ᠡᠳᠦᠷ ᠪᠦᠷᠢ ᠠᠮᠠᠯᠠ
ᠦᠷᠯᠦᠭᠡ ᠦᠷᠯᠦᠭᠡ ᠶᠢᠨ ᠨᠠᠷᠠ ᠰᠢᠭ ᠮᠠᠠᠳᠤᠵᠤ ᠪᠠᠢ᠌ᠨᠠ ᠭᠡᠵᠤ ᠠᠮᠠᠯᠠ
ᠮᠥᠭᠦᠨᠡ ᠭᠡᠵᠤ ᠪᠠᠢ᠌ᠨᠠ ᠭᠡᠵᠤ ᠪᠣᠤ ᠠᠮᠠᠯᠠ
ᠮᠥᠭᠦᠭᠦ ᠮᠠᠠᠳᠤᠬᠤ ᠪᠣᠯ ᠢᠵᠢᠯ ᠠᠯᠬᠤᠮ ᠶᠤᠮ ᠰᠢᠤ
ᠮᠥᠩᠭᠡ ᠶᠢᠨ ᠳᠠᠮᠪᠠᠷᠢᠯ ᠶᠢᠡᠷ ᠥᠭᠡ ᠪᠠᠨ ᠡᠭᠢᠯᠡᠳᠡᠭ᠌ ᠠᠷᠠᠤᠨ ᠲᠦᠮᠡᠨ ᠪᠠᠢ᠌ᠭᠠᠤᠨ
ᠮᠦᠷ ᠪᠣᠷᠤᠭᠤᠯᠠᠵᠤ ᠮᠠᠭᠤᠬᠠᠢ ᠠᠮᠠᠯᠠᠵᠤ ᠪᠣᠤ ᠰᠤᠯᠢᠶᠠᠷᠠ
ᠳᠤᠯᠭᠠᠨ ᠡᠴᠠ ᠴᠢᠨᠢ ᠭᠠᠯ ᠠᠰᠠᠵᠤ ᠳᠡᠭᠡᠭ᠍ᠰᠢ ᠳᠦᠷᠠᠯᠵᠠᠵᠤ ᠪᠠᠢ᠌ᠨᠠ
ᠳᠤᠭᠤᠨᠤᠨ ᠡᠴᠠ ᠴᠢᠨᠢ ᠣᠳᠤᠭᠠ ᠰᠤᠭᠤᠨᠠᠭᠯᠠᠵᠤ ᠳᠡᠭ᠍ᠷᠢ ᠳᠤ ᠮᠠᠠᠳᠤᠵᠤ ᠪᠠᠢ᠌ᠨᠠ
ᠳᠤᠭᠤᠯᠵᠤ ᠪᠠᠢ᠌ᠭᠠ ᠠᠮᠢᠳᠤᠷᠠᠯ ᠮᠢᠨᠢ ᠥᠭᠡᠳᠡ ᠪᠠᠨ ᠥᠭᠡᠳᠡ ᠪᠠᠨ ᠭᠡᠵᠤ
ᠳᠤᠭᠤᠭᠠ ᠲᠡᠶ ᠰᠦ᠋ ᠪᠠᠨ ᠳᠡᠭᠡᠭ᠍ᠰᠢ ᠭᠦᠭᠡᠷᠦᠭᠦᠯᠤᠨ ᠰᠠᠮᠤᠷᠳᠠᠭ ᠪᠠᠢ᠌ᠭᠠᠤᠨ
ᠳᠤᠷᠣᠢ᠌ᠳᠠᠵᠤ ᠪᠠᠢ᠌ᠨᠠ ᠭᠡᠵᠤ ᠪᠣᠤ ᠠᠮᠠᠯᠠ
ᠳᠤᠯᠤᠭᠠᠨ ᠪᠣᠷᠬᠠᠨ ᠳᠤ ᠣᠰᠤᠯᠳᠠᠵᠤ ᠳᠤᠤᠷᠠ ᠦᠶᠡ ᠳᠤ ᠠᠯᠳᠠᠰ ᠪᠣᠯᠤᠨᠠ
ᠬᠤᠯᠠ ᠶᠢᠨ ᠣᠬᠠᠭᠠᠨ ᠰᠡᠢ᠌ᠯᠦᠭ᠍ᠰᠡᠨ ᠮᠡᠷᠭᠡᠳ ᠶᠢᠡᠨ ᠪᠣᠯᠠᠵᠤ
ᠬᠤᠷᠤᠨ ᠮᠠᠭᠤ ᠰᠠᠨᠠᠭᠠ ᠪᠠᠷ ᠬᠤᠳᠤᠭᠤᠳᠤ ᠪᠠᠨ ᠳᠦᠭᠦᠷᠭᠡᠵᠤ
ᠬᠤᠭᠰᠢᠯ ᠮᠦᠩᠭᠦ ᠭᠦᠶᠦᠯᠭᠡᠵᠤ ᠪᠠᠢ᠌ᠵᠤ ᠳᠢᠳᠢᠮ ᠵᠡᠭᠦᠴᠢᠭᠡᠭᠡᠳ
ᠬᠤᠴᠤᠷᠴᠤ ᠪᠠᠢ᠌ᠨᠠ ᠪᠢᠳᠠ ᠭᠡᠵᠤ ᠪᠣᠤ ᠮᠠᠭᠤ ᠠᠮᠠᠯᠠ
ᠬᠤᠯᠤᠰᠤᠳᠠᠢ ᠨᠠᠭᠤᠷ ᠶᠢᠠᠨ ᠲ᠋ᠣᠢ᠌ᠮᠤᠷᠳᠠᠵᠤ ᠬᠠᠷᠠᠯᠠᠭᠤᠯᠤᠭᠠᠤᠨ
ᠬᠤᠰᠤ ᠲᠡᠶ ᠣᠢ ᠪᠠᠨ ᠴᠦᠯᠪᠠᠵᠤ ᠳᠠᠭᠤᠰᠤᠭᠠᠤᠨ
ᠬᠤᠪᠣᠷ ᠠᠮᠢᠳᠠᠤᠨ ᠢ ᠨᠢ ᠠᠯᠠᠵᠤ ᠪᠠᠷᠠᠭᠠᠭᠠᠤᠨ
ᠬᠤᠷᠠ ᠦᠭᠡᠶ ᠪᠣᠯᠤᠯᠠ ᠭᠡᠵᠤ ᠪᠣᠤ ᠮᠠᠭᠤ ᠠᠮᠠᠯᠠ
ᠳᠠᠨ ᠤ ᠭᠢ ᠮᠠᠨ ᠤ ᠭᠢ ᠪᠦᠭᠦᠳᠡᠭᠡᠷ ᠯᠠ
ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠡᠶ ᠪᠠᠢ᠌ᠭᠰᠠᠨ ᠶᠤᠮ
ᠳᠠᠪᠠ ᠦᠭᠡᠶ ᠬᠠᠷᠢᠶᠠᠳᠤ ᠣᠷᠤᠰᠬᠠᠭᠰᠠᠭᠠᠷ ᠪᠠᠢ᠌ᠵᠤ
ᠳᠠᠯᠠ ᠡᠴᠠ ᠪᠠᠨ ᠮᠠᠯ ᠶᠢᠡᠨ ᠵᠠᠯᠠᠴᠢᠬᠠᠭᠰᠠᠨ ᠶᠤᠮ
ᠭᠦᠭᠡᠰ ᠭᠦᠭᠡᠰ ᠳᠠᠰᠢᠶᠠ ᠪᠠᠷ ᠡᠳᠦᠷᠵᠢᠨ ᠠᠶᠠᠯᠠᠭᠠᠤᠨ ᠮᠤᠬᠤᠳᠠᠭ ᠦᠭᠡᠶ
ᠭᠦᠷᠡᠩ ᠭᠤᠪᠢ ᠶᠢ ᠳᠤᠭᠤᠯᠳᠠᠭ ᠭᠦᠴᠦᠳᠤ ᠣᠨᠤᠭᠠ
ᠭᠦᠰᠡᠯ ᠤᠨ ᠠᠯᠤᠰ ᠲᠤ ᠭᠦᠷᠭᠡᠭᠡᠳ ᠥᠭ᠍ᠳᠡᠭ᠌ ᠡᠷᠳᠡᠨᠢ ᠶᠢᠨ ᠭᠦᠯᠦᠭ᠌
ᠭᠦᠵᠦᠭᠦᠨ ᠡᠴᠠ ᠨᠢ ᠳᠡᠭᠦᠵᠢᠯᠡᠭ᠍ᠰᠡᠨ ᠬᠤᠩᠬᠤᠨ ᠡᠴᠠ ᠨᠢ ᠦᠯᠢᠭᠡᠷ ᠡᠭᠦᠰᠳᠡᠭ᠌
ᠨᠢᠭᠦᠯ ᠬᠠᠷᠭᠤᠰᠤᠯ ᠬᠤᠶᠠᠷ ᠢ ᠴᠢᠨᠢ ᠨᠠᠪᠳᠠ ᠬᠠᠷᠠᠭᠰᠠᠨ ᠰᠢᠭ
ᠨᠢᠯᠪᠣᠰᠤ ᠪᠦᠮᠪᠦᠷᠢᠭᠦᠯᠵᠤ ᠣᠶᠠᠷᠠᠵᠤ ᠥᠭ᠍ᠳᠡᠭ᠌ ᠬᠠᠨᠢᠳᠠᠨ ᠶᠢᠡᠨ
《ᠭᠤᠪᠣᠷᠤᠤ》 ᠭᠡᠵᠤ ᠭᠤᠳᠤᠭᠠᠨ ᠬᠠᠷᠢᠶᠠᠵᠤ ᠪᠠᠢ᠌ᠭᠠᠤᠨ
ᠭᠤᠪᠢ ᠡᠴᠠ ᠪᠠᠨ ᠶᠠᠭᠤᠨ ᠳᠤ ᠳᠡᠮᠡᠭᠡ ᠪᠠᠨ ᠮᠤᠷᠳᠠᠭᠤᠯᠤᠨᠠ ᠪᠣᠢ
ᠴᠡᠭᠡᠯ ᠰᠠᠢ᠌ᠬᠠᠨ ᠳᠠᠭᠤᠤ ᠮᠤᠷᠢ ᠪᠠᠷ ᠡᠭᠢᠯᠡᠳᠡᠭ᠌
ᠴᠡᠩᠭᠡᠯ ᠵᠢᠷᠭᠠᠯ ᠤᠨ ᠨᠠᠢ᠌ᠷ ᠴᠡᠭᠡ ᠪᠠᠷ ᠡᠭᠢᠯᠡᠳᠡᠭ᠌
ᠭᠠᠯ ᠰᠠᠴᠤᠭᠰᠠᠨ ᠳᠠᠯ ᠲᠡᠶ ᠭᠠᠩ ᠳᠤᠭᠤᠷᠠᠢ᠌ᠳᠤ ᠭᠦᠯᠦᠭ᠌ ᠤᠨ ᠳᠠᠪᠭᠢᠭᠠ ᠪᠠᠷ
ᠭᠠᠳᠠᠭᠠᠳᠤ ᠳᠤᠳᠤᠭᠠᠳᠤ ᠳᠤ ᠭᠠᠢ᠌ᠬᠠᠭᠳᠠᠭᠰᠠᠨ ᠨᠠᠭᠠᠳᠤᠮ ᠡᠭᠢᠯᠡᠳᠡᠭ᠌
ᠳᠤᠭᠤᠷᠠᠢ ᠶᠢᠨ ᠬᠡ ᠶᠢ ᠨᠢ ᠳᠠᠭᠤᠷᠢᠶᠠᠵᠤ ᠴᠡᠴᠡᠭ᠌ ᠳᠡᠯᠭᠡᠷᠡᠳᠡᠭ᠌ ᠡ
ᠳᠤᠮᠤᠭ ᠮᠥᠩᠭᠡᠷᠡᠭ᠍ᠰᠡᠨ ᠭᠠᠵᠠᠷ ᠡᠴᠠ ᠨᠢ ᠬᠤᠭᠤᠷ ᠤᠨ ᠡᠭᠡᠰᠢᠭ᠌ ᠡᠭᠦᠰᠳᠡᠭ᠌ ᠡ
ᠳᠤᠤᠯᠢ ᠶᠢᠨ ᠪᠠᠭᠠᠳᠤᠷ ᠤᠨ ᠰᠢᠳᠢ ᠶᠢᠨ ᠭᠦᠯᠦᠭ᠌ ᠪᠣᠯᠵᠤ ᠮᠠᠩᠭ᠋ᠤᠰ ᠢ ᠳᠠᠷᠤᠳᠠᠭ ᠦᠯᠢᠭᠡᠷ ᠲᠡᠶ
ᠳᠤᠭᠤᠷᠭᠠ ᠳᠤᠰᠠᠭᠠᠷ ᠮᠤᠩᠭ᠋ᠤᠯ ᠤᠨ ᠳᠦᠷᠤ ᠳᠤ ᠮᠤᠷᠢ ᠦᠭᠡᠶ ᠣᠢ᠌ᠯᠠ ᠪᠠᠢ᠌ᠭᠰᠠᠨ ᠦᠭᠡᠶ
ᠣᠩᠰᠢᠭᠠᠤᠨ ᠳᠠᠭᠤᠰᠬᠤ ᠦᠭᠡᠶ ᠦᠯᠢᠭᠡᠷ ᠲᠡᠶ
ᠣᠴᠢᠷᠯᠠᠭᠠᠤᠨ ᠪᠠᠷᠠᠬᠤ ᠦᠭᠡᠶ ᠰᠤᠶᠤᠯ ᠲᠡᠶ
ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠭᠡᠢ᠌ᠮᠦᠷᠢ ᠵᠤᠯᠪᠣᠭᠠ
ᠮᠤᠯᠤᠷ ᠡᠷᠳᠡᠨᠢ ᠶᠢᠨ ᠳᠤᠯᠤᠭᠠᠢ᠌ᠳᠤ ᠮᠤᠷᠢ ᠪᠠᠨ
ᠮᠤᠲ᠋ᠤᠷ ᠳᠠᠮᠤᠷ ᠶᠢᠡᠷ ᠠᠷᠠᠯᠵᠢᠵᠤ
ᠮᠤᠩᠬᠠᠷᠠᠵᠤ ᠪᠢᠳᠡᠭᠡᠢ ᠵᠠᠩᠨᠠ
ᠪᠣᠭᠣᠢ᠌ᠯᠢ ᠬᠠᠶᠠᠵᠤ ᠪᠠᠷᠢᠵᠤ ᠨᠢᠷᠤᠭᠤᠨ ᠳ᠋ᠤᠨᠢ ᠵᠠᠯᠠᠷᠠᠴᠢᠬᠠᠭᠠᠤᠨ
《ᠪᠣᠭᠤᠮᠠ》 ᠭᠡᠵᠤ ᠬᠠᠷᠢᠶᠠᠵᠤ ᠪᠣᠤ ᠭᠠᠯᠵᠠᠭᠤᠷᠠ
ᠪᠣᠷᠬᠠᠨ ᠳᠡᠭ᠍ᠷᠢ ᠳᠤ ᠪᠣᠷᠤᠭᠤ ᠬᠠᠷᠠᠭᠳᠠᠵᠤ
ᠪᠣᠶᠠᠨ ᠭᠡᠰᠢᠭ᠌ ᠶᠢᠡᠨ ᠵᠠᠢ᠌ᠯᠠᠭᠤᠯᠵᠤ ᠪᠠᠢ᠌ᠭᠠ ᠪᠠᠨ ᠮᠠᠳᠠ
ᠴᠠᠭᠠᠨ ᠰᠦ᠋ ᠶᠢᠨ ᠰᠠᠩ ᠡᠴᠠ ᠨᠢ ᠰᠠᠴᠤᠯᠢ ᠡᠷᠭᠦᠵᠤ ᠪᠠᠷᠳᠠᠮ ᠠᠮᠢᠳᠤᠷᠠᠵᠤ
ᠴᠠᠭ ᠤᠨ ᠬᠤᠭᠤᠯᠠᠨ ᠳᠤ ᠳᠡᠭᠡᠵᠢ ᠪᠣᠯᠭᠠᠵᠤ ᠰᠢᠷᠠ ᠳᠤᠰᠤ᠂ ᠬᠤᠷᠤᠳ᠂ ᠠᠭᠠᠷᠤᠤᠯ ᠁ ᠳᠠᠯᠪᠢᠳᠠᠭ
ᠵᠢᠰᠤ ᠨᠢ ᠨᠢᠭᠡ ᠪᠠᠷ ᠦᠷᠠᠵᠢᠵᠤ ᠴᠢᠮᠠ ᠶᠢ ᠪᠠᠶᠠᠵᠢᠭᠤᠯᠵᠤ ᠪᠠᠢ᠌ᠳᠠᠭ
ᠵᠢᠦᠡᠭᠦᠵᠤ ᠪᠠᠢ᠌ᠵᠤ ᠳᠤᠰᠠ ᠪᠠᠨ ᠥᠭ᠍ᠴᠤ ᠴᠢᠮᠠ ᠶᠢ ᠵᠢᠷᠭᠠᠭᠤᠯᠵᠤ ᠪᠠᠢ᠌ᠭᠰᠠᠨ
ᠵᠠᠭᠤᠨ ᠵᠠᠭᠤᠨ ᠢ ᠳᠡᠭᠡᠭᠡᠵᠤ ᠣᠷᠤᠭᠰᠢ ᠳᠠᠮᠠᠤᠯᠵᠤ ᠢᠷᠡᠭ᠍ᠰᠡᠨ
ᠵᠤᠪᠠᠯ ᠢ ᠴᠢᠨᠢ ᠬᠤᠪᠢᠶᠠᠵᠤ ᠵᠦᠳᠡᠵᠦ ᠢᠷᠡᠭ᠍ᠰᠡᠨ ᠠᠴᠢᠳᠠᠨ
《ᠥᠪᠦᠧ ᠥᠪᠦᠧ》 《ᠡᠮᠧ ᠡᠮᠧ》 ᠭᠡᠵᠤ ᠮᠥᠭᠡᠷᠦᠭᠡᠳ ᠢᠷᠡᠳᠡᠭ᠌ ᠥᠭᠡᠷ ᠶᠢᠡᠨ
ᠦᠭᠡᠶ ᠭᠢᠵᠤ ᠴᠢ 《ᠮᠢᠯᠵᠠᠩ》 ᠭᠡᠵᠤ ᠶᠠᠭᠤᠨ ᠳᠤ ᠬᠠᠷᠢᠶᠠᠨᠠ ᠪᠣᠢ
ᠦᠷᠤᠰᠢᠶᠠᠯ ᠡᠨᠡᠷᠢᠯ ᠦᠭᠡᠶ ᠠᠮᠠᠨ ᠤ ᠮᠠᠭᠤ ᠡᠴᠠ ᠴᠢᠨᠢ
ᠣᠢ᠌ᠯᠠ ᠶᠢᠨ ᠦᠷᠡ ᠳᠡᠯᠭᠡᠷᠡᠭᠡᠳ
ᠥᠶᠦᠭ᠌ ᠰᠠᠢ᠌ᠬᠠᠨ ᠠᠮᠢᠳᠤᠷᠠᠯ ᠶᠢᠡᠨ ᠰᠠᠵᠢᠵᠤ ᠪᠠᠷᠠᠭᠠᠤᠨ ᠴᠢ
ᠦᠷᠦᠭᠡᠯ ᠡᠴᠠ ᠰᠥ᠋ ᠭᠤᠶᠤᠵᠤ ᠪᠠᠢ᠌ᠭᠠ ᠪᠠᠨ ᠮᠠᠳᠠ
ᠣᠩᠭ᠋ᠤᠨ ᠰᠢᠳᠦᠭᠡᠨ ᠶᠢᠡᠨ ᠳᠠᠭᠢᠬᠤ ᠳᠤ ᠰᠢᠭᠦᠰᠤ ᠶᠢ ᠨᠢ ᠳᠡᠪᠰᠢᠭᠦᠯᠳᠡᠭ᠌
ᠣᠷᠳᠤ ᠴᠠᠭᠠᠨ ᠭᠡᠷ ᠶᠢᠡᠨ ᠪᠠᠷᠢᠬᠤ ᠳᠤ ᠣᠩᠭ᠋ᠠᠰᠤ ᠪᠠᠷ ᠨᠢ ᠪᠦᠷᠢᠳᠡᠭ᠌
ᠴᠠᠰᠤ ᠮᠦᠰᠤᠳᠤ ᠡᠪᠦᠯ ᠢ ᠠᠷᠠᠰᠤ ᠪᠠᠷ ᠨᠢ ᠳᠤᠯᠠᠭᠠᠯᠠᠵᠤ ᠭᠡᠳᠦᠯᠳᠡᠭ᠌
ᠴᠠᠭ ᠴᠠᠭ ᠤᠨ ᠬᠤᠭᠤᠯᠠᠨ ᠳᠤ ᠮᠢᠬᠠ ᠪᠠᠷ ᠨᠢ ᠦᠯ ᠳᠠᠷᠤᠳᠠᠭ
ᠴᠠᠳᠬᠤᠯᠠᠩ ᠳᠠᠪᠠᠳᠠᠢ ᠠᠮᠢᠳᠤᠷᠠᠯ ᠢ ᠴᠢᠮᠠ ᠳᠤ ᠡᠳ᠋ᠯᠡᠭᠦᠯᠳᠡᠭ᠌
ᠴᠠᠭᠯᠠᠰᠢ ᠦᠭᠡᠶ ᠪᠠᠶᠠᠷ ᠵᠢᠷᠭᠠᠯ ᠢ ᠴᠢᠮᠠ ᠳᠤ ᠥᠭ᠍ᠳᠡᠭ᠌
ᠡᠷᠭᠢᠮ ᠪᠠᠯᠡᠭ᠌ ᠲᠤ ᠬᠠᠯᠠᠭᠤᠨ ᠬᠤᠰᠢᠭᠤᠳᠤ ᠭᠡᠵᠤ ᠳᠦᠷᠦᠭᠦᠨ ᠳᠤ ᠨᠢ ᠶᠠᠪᠣᠳᠠᠭ
ᠡᠷᠳᠡᠨᠢᠳᠤ ᠰᠦᠷᠦᠭ᠌ ᠤᠨ ᠮᠠᠨᠢ ᠪᠣᠶᠠᠨ ᠤ ᠬᠤᠷᠤᠢ ᠬᠤᠨᠢ ᠡ
ᠶᠠᠭᠤᠮᠠᠨ ᠤ ᠬᠠᠷᠢᠭᠤ ᠳᠠᠷᠤᠢ ᠳᠤ ᠪᠠᠨ
ᠢᠮᠠᠭᠠᠨ ᠮᠢᠬᠠ ᠬᠠᠯᠠᠭᠤᠨ ᠳᠤ ᠪᠠᠨ ᠭᠡᠳᠡᠭ᠌
ᠶᠠᠳᠠᠷᠠᠭᠰᠠᠨ ᠭᠦᠮᠤᠨ ᠢ ᠢᠮᠠᠭᠠ ᠪᠠᠷ ᠲᠡᠳᠬᠦ
ᠶᠠᠭᠠᠷᠠᠭᠰᠠᠨ ᠭᠦᠮᠤᠨ ᠢᠮᠠᠭᠠ ᠳᠡᠵᠢᠭᠡ ᠭᠡᠳᠡᠭ᠌
ᠶᠠᠠᠳᠤᠩ ᠬᠠᠳᠠᠨ ᠳᠤ ᠳᠤᠭᠯᠠᠳᠠᠭ
ᠶᠠᠩᠭᠢᠷ ᠤᠨ ᠰᠦᠷᠦᠭ᠌ ᠤᠨ ᠳᠠᠰᠤᠷᠬᠠᠢ
ᠶᠠᠷᠢᠬᠤ ᠶᠢ ᠴᠢᠨᠢ ᠭᠦᠷᠳᠡᠯᠡ ᠳᠦᠭᠦᠭᠡᠷᠴᠤ ᠴᠢᠳᠠᠳᠠᠭ ᠢᠮᠠᠭᠠ ᠪᠠᠨ
ᠶᠠᠷᠰᠢᠭ ᠪᠣᠯᠭᠠᠵᠤ ᠴᠢ ᠶᠠᠭᠤᠨ ᠳᠤ ᠭᠤᠯᠤᠨᠠ ᠪᠣᠢ
ᠬᠤᠪᠢᠳᠠᠢ ᠵᠢᠷᠭᠠᠯᠳᠠᠢ ᠠᠮᠢᠳᠤᠷᠠᠯ ᠢ ᠬᠤᠷᠤᠭᠠᠨ ᠳᠤ ᠴᠢᠨᠢ ᠵᠠᠯᠠᠳᠠᠭ
ᠬᠤᠨᠢ ᠢᠮᠠᠭᠠ ᠬᠤᠶᠠᠷ ᠡᠷᠳᠡᠨᠢ ᠪᠠᠨ
《ᠭᠤᠳᠤᠢ》 ᠭᠡᠵᠤ ᠴᠢ ᠮᠠᠭᠤ ᠪᠠᠷ ᠬᠠᠷᠢᠶᠠᠭᠠᠤᠨ
ᠭᠤᠷᠢ ᠳᠠᠰᠤᠷᠠᠵᠤ ᠠᠮᠢᠳᠤᠷᠠᠬᠤ ᠳᠠᠪᠢᠯᠠᠩ ᠳᠤ ᠭᠦᠷᠦᠭ᠍ᠰᠡᠨ ᠶᠢᠡᠨ ᠮᠠᠳᠠ
ᠲᠦᠯ ᠤᠨ ᠳᠠᠭᠤᠤ ᠬᠠᠩᠭᠢᠨᠠᠭᠰᠠᠨ ᠳᠦᠷᠦᠭ᠍ᠰᠡᠨ ᠨᠤᠳᠤᠭ ᠤᠨ ᠮᠢᠨᠢ ᠬᠠᠪᠣᠷ
ᠳᠡᠭᠦᠯᠳᠡᠷ ᠣᠷᠴᠢᠯᠠᠩ ᠤᠨ ᠬᠠᠮᠢᠭᠠ ᠨᠢ ᠴᠤ ᠥᠭᠡᠷᠡ ᠥᠭᠡᠢ
ᠳᠦᠭᠦᠷᠢᠭ᠌ ᠰᠠᠷᠠᠨ ᠦᠷᠭᠦᠭᠡ ᠲᠡᠶ ᠲᠦᠮᠡᠨ ᠮᠠᠯ ᠤᠨ ᠭᠡᠰᠢᠭ᠌ ᠳᠠᠢ
ᠳᠡᠭᠦᠰ ᠵᠢᠷᠭᠠᠯᠳᠠᠢ ᠠᠷᠠᠤᠨ ᠲᠦᠮᠡᠨ ᠥᠭᠡᠷᠡ ᠬᠠᠮᠢᠭᠠ ᠪᠠᠢ᠌ᠨᠠ ᠪᠣᠢ
ᠪᠣᠳᠤᠯ ᠣᠬᠠᠭᠠᠨ ᠪᠠᠯᠠᠷᠳᠤᠵᠤ ᠪᠣᠷᠤᠭᠤ ᠵᠥᠭ᠌ ᠲᠤ ᠪᠣᠤ ᠠᠮᠠᠯᠠ
ᠪᠣᠶᠠᠨ ᠤ ᠠᠮᠢᠳᠤᠷᠠᠯ ᠢ ᠪᠣᠭᠤᠯ ᠤᠨ ᠠᠮᠢᠳᠤᠷᠠᠯ ᠶᠢᠡᠷ ᠪᠣᠤ ᠠᠷᠠᠯᠵᠢ ᠡ ᠠᠷᠠᠤᠨ ᠲᠦᠮᠡᠨ ᠮᠢᠨᠢ
ᠠᠮᠠᠨ ᠤ ᠬᠤᠰᠢᠭᠤ ᠠᠠᠵᠢᠰᠤᠨ ᠬᠤᠰᠢᠭᠤ ᠨᠡᠢ᠌ᠯᠡᠭᠦ ᠶᠤᠮ ᠪᠣᠯ
ᠠᠯᠳᠠᠨ ᠳᠡᠯᠡᠭᠡᠢ ᠳᠤ ᠠᠮᠢᠳᠤᠷᠠᠬᠤ ᠳᠠᠪᠢᠯᠠᠩ ᠮᠡᠭᠦᠰᠳᠡᠨᠡ ᠰᠢᠤ ᠠᠷᠠᠤᠨ ᠲᠦᠮᠡᠨ ᠮᠢᠨᠢ
ᠭᠠᠵᠠᠷ ᠣᠷᠪᠠᠭᠤᠯᠵᠤ ᠨᠥᠭᠡ ᠮᠠᠯᠳᠠᠭᠰᠠᠨ ᠡᠴᠠ ᠬᠣᠢ᠌ᠰᠢ
ᠭᠠᠰᠠᠯᠠᠩ ᠤᠨ ᠳᠠᠭᠤ ᠰᠤᠨᠤᠰᠳᠠᠵᠤ ᠯᠠ ᠪᠠᠢ᠌ᠨᠠ ᠠᠷᠠᠤᠨ ᠲᠦᠮᠡᠨ ᠮᠢᠨᠢ ᠡ
ᠭᠠᠬᠠᠢ ᠶᠢᠨ ᠠᠮᠢᠳᠤᠷᠠᠯ ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠳᠤ ᠳᠤᠭᠢᠷᠠᠬᠤ ᠦᠭᠡᠶ ᠵᠢ
ᠭᠠᠴᠢᠭᠳᠠᠵᠤ ᠪᠠᠢ᠌ᠵᠤ ᠮᠠᠳᠠᠪᠠᠯ ᠣᠷᠣᠢ᠌ᠳᠠᠨᠠ ᠰᠢᠤ ᠠᠷᠠᠤᠨ ᠲᠦᠮᠡᠨ ᠮᠢᠨᠢ ᠡ
ᠡᠵᠡᠨ ᠤ ᠮᠡᠷᠭᠡᠨ ᠵᠠᠭᠢᠶᠠ ᠪᠠᠷ
ᠡᠭᠡ ᠨᠤᠳᠤᠭ ᠶᠢᠡᠨ ᠭᠠᠮᠨᠠ
ᠡᠷᠳᠡᠨᠢᠳᠤ ᠰᠦᠷᠦᠭ᠌ ᠶᠢᠡᠨ ᠬᠠᠢ᠌ᠷᠠᠯᠠᠪᠠᠯ
ᠡᠷᠭᠡ ᠵᠢᠷᠭᠠᠯ ᠴᠢᠨᠢ ᠮᠥᠩᠭᠡ ᠪᠠᠢ᠌ᠳᠠᠭ ᠡ
ᠰᠠᠠᠰᠠᠷ ᠳᠡᠭ᠍ᠷᠢ ᠶᠢᠨ ᠳᠤᠤᠷᠠ
ᠰᠠᠷᠠᠭᠤᠯ ᠣᠬᠠᠭᠠᠨ ᠭᠡᠷᠡᠭ᠍ᠳᠡᠢ ᠪᠠᠢ᠌ᠨᠠ ᠠᠷᠠᠤᠨ ᠲᠦᠮᠡᠨ ᠮᠢᠨᠢ ᠡ
ᠰᠠᠢ᠌ᠨ ᠣᠢ᠌ᠯᠠ ᠶᠢ ᠵᠥᠭᠯᠡᠵᠤ
ᠰᠠᠢ᠌ᠨ ᠠᠮᠠᠯᠠᠭᠠᠴᠢ ᠡ ᠠᠷᠠᠤᠨ ᠲᠦᠮᠡᠨ ᠮᠢᠨᠢ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠬᠠᠢ᠌ᠯᠠᠰᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠵᠦᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2635
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ