☆ ᠪᠣᠷᠵᠢᠭᠢᠨ·ᠮᠦᠩᠬᠡᠤ᠋ᠳᠽᠡᠷ
ᠳᠠᠯᠠ ᠶᠢᠨ ᠨᠠᠮᠤᠷ
ᠳᠠᠯᠠ ᠶᠢᠨ ᠨᠠᠮᠤᠷ ᠶᠸᠯᠢ ᠲᠡᠶ ᠴᠤ ᠶᠤᠮ ᠦᠦ ︖
ᠳᠠᠷᠠᠭ ᠠᠢ᠌ᠷᠠᠭ ᠤᠨ ᠦᠨᠦᠷ ᠲᠡᠶ ᠴᠤ ᠶᠤᠮ ᠦᠦ︖
ᠡᠵᠢ ᠶᠢᠨ ᠮᠢᠨᠢ ᠨᠡᠷᠡᠭ᠍ᠰᠡᠨ ᠰᠠᠭᠠᠯᠠᠢ ᠶᠢᠨ ᠠᠷᠢᠭᠢᠨ ᠳᠤ
ᠡᠯᠳᠡᠩ ᠳᠠᠯᠠ ᠴᠤ ᠰᠤᠭᠳᠤᠴᠢᠬᠠᠪᠠᠤ ᠭᠡᠮᠡᠷᠭᠡᠨ᠃
ᠨᠠᠮᠤᠷ ᠤᠨ ᠠᠭᠤᠯᠠᠰ ᠰᠤᠭᠳᠤᠪᠠᠤ ᠭᠡᠮᠡᠷᠭᠡᠨ
ᠣᠷᠤᠢ ᠡᠴᠡ ᠪᠠᠨ ᠰᠢᠷᠠᠯᠠᠵᠤ ᠡᠭᠢᠯᠡᠯᠡ᠂
ᠨᠠᠭᠤᠷ ᠤᠨ ᠣᠰᠤᠨ ᠰᠤᠭᠳᠤᠪᠠᠤ ᠭᠡᠮᠡᠷᠭᠡᠨ
ᠨᠢᠳᠤ ᠨᠢ ᠳᠤᠭᠳᠠᠵᠤ ᠭᠦᠯᠦᠷᠡᠯᠡ᠂
ᠣᠷᠳᠤ ᠣᠭᠳᠠᠷᠭᠤᠢ ᠳᠤ ᠭᠠᠯᠠᠭᠤᠳ ᠰᠤᠭᠳᠤᠵᠤ
ᠳᠡᠭᠡᠰᠤ ᠴᠢᠩᠭ᠋ᠠᠯᠴᠢᠨ ᠭᠠᠩᠭ᠋ᠠᠨᠠᠯᠳᠤᠵᠤ
ᠣᠯᠠᠯᠵᠢ ᠶᠢᠨ ᠢᠷᠤᠭᠠᠷ ᠵᠠᠷᠠᠭᠠ ᠰᠤᠭᠳᠤᠵᠤ
ᠬᠠᠮ ᠬᠤᠭᠤᠯᠠᠢ ᠪᠠᠷ ᠠᠶᠠᠯᠠᠭᠤᠯᠤᠨᠠ᠂
ᠨᠠᠪᠴᠢ ᠴᠡᠴᠡᠭ᠌ ᠰᠤᠭᠳᠤᠪᠠᠤ ᠭᠡᠮᠡᠷᠭᠡᠨ
ᠳᠠᠯᠪᠢ ᠪᠠᠨ ᠳᠠᠯᠠ ᠵᠥᠭ᠌ ᠰᠠᠴᠤᠯᠠᠨ᠂
ᠨᠠᠷᠢᠮᠤ᠂ ᠰᠢᠰᠢ ᠰᠤᠭᠳᠤᠪᠠᠤ ᠭᠡᠮᠡᠷᠭᠡᠨ
ᠳᠤᠯᠤᠭᠠᠢ ᠳᠠᠷᠤᠨ ᠳᠤᠭᠢᠯᠵᠠᠨᠠ᠂
ᠣᠷᠭᠤᠴᠠ ᠰᠠᠢ᠌ᠳᠠᠢ ᠪᠠᠯᠴᠢᠭᠡᠷ ᠰᠤᠭᠳᠤᠵᠤ
ᠰᠠᠯᠭᠢᠨ ᠤ ᠠᠶᠠᠰ ᠶᠢᠡᠷ ᠨᠠᠢ᠌ᠭᠤᠯᠴᠢᠨ
ᠡᠰᠢ ᠪᠠᠨ ᠳᠠᠷᠤᠭᠰᠠᠨ ᠵᠢᠮᠢᠰ ᠰᠤᠭᠳᠤᠵᠤ
ᠨᠢᠭᠤᠷ ᠴᠢᠷᠠᠢ ᠪᠠᠨ ᠣᠯᠠᠢ᠌ᠯᠭᠠᠨᠠ
ᠳᠠᠯᠠ ᠶᠢᠨ ᠨᠠᠮᠤᠷ ᠶᠸᠯᠢ ᠲᠡᠶ ᠶᠤᠮ ᠦᠦ︖
ᠳᠠᠷᠠᠭ ᠠᠢ᠌ᠷᠠᠭ ᠤᠨ ᠦᠨᠦᠷ ᠲᠡᠶ ᠴᠤ ᠶᠤᠮ ᠦᠦ︖
ᠡᠵᠢ ᠶᠢᠨ ᠮᠢᠨᠢ ᠨᠡᠷᠡᠭ᠍ᠰᠡᠨ ᠰᠠᠭᠠᠯᠢ ᠶᠢᠨ ᠠᠷᠢᠭᠢᠨ ᠳᠤ
ᠡᠯᠳᠡᠩ ᠳᠠᠯᠠ ᠰᠤᠭᠳᠤᠪᠠᠤ ᠭᠡᠮᠡᠷᠭᠡᠨ᠂
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠪᠠᠭᠡᠵᠢᠩ ᠬᠤᠳᠠ ᠶᠢᠨ ᠨᠠᠢ᠌ᠷᠠᠯᠳᠤ ᠨᠠᠢ᠌ᠷᠠᠮᠳᠠᠬᠤ ᠰᠦᠮᠡ ᠶᠢᠨ 12 ᠨᠤᠮᠸᠷ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ·ᠮᠦᠩᠬᠡᠤ᠋ᠳᠽᠡᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2637
ᠴᠠᠭ᠄ 2010 ᠤᠨ ᠤ 06 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ