☆ ᠫᠦᠱᠺᠢᠨ (ᠴ·ᠳᠠᠮᠳᠢᠨᠰᠦ᠋ᠷᠦᠩ ᠮᠤᠩᠭᠤᠯᠴᠢᠯᠠᠪᠠ)
ᠡᠪᠦᠯ ᠤᠨ ᠥᠷᠯᠦᠭᠡ
ᠭᠦᠢᠳᠡᠨ ᠳᠤᠩᠭ᠋ᠠᠯᠠᠭ ᠦᠷᠯᠦᠭᠡ ᠪᠣᠯᠪᠠ᠃
ᠭᠦᠤ ᠮᠢᠨᠢ ᠣᠳᠤ ᠨᠣᠢ᠌ᠷ ᠡᠴᠠ ᠰᠠᠷᠢ᠃
ᠭᠡᠷᠡᠯᠳᠤ ᠰᠠᠢ᠌ᠬᠠᠨ ᠨᠢᠳᠤ ᠪᠠᠨ ᠨᠡᠭᠡᠭᠡᠵᠤ
ᠭᠡᠭᠡᠨ ᠣᠳᠤ ᠰᠢᠭ ᠭᠢᠯᠠᠯᠵᠠᠭᠠᠤᠨ ᠪᠤᠰ᠃
ᠦᠵᠡᠰᠭᠦᠯᠡᠩᠳᠤ ᠪᠦᠰᠡᠭᠦᠢ ᠮᠢᠨᠢ᠂ ᠦᠷᠯᠦᠭᠡ ᠪᠣᠯᠵᠠᠢ᠃
ᠦᠳᠡᠰᠢ ᠶᠠᠮᠠᠷ ᠪᠠᠢ᠌ᠭᠰᠠᠨ ᠢ ᠰᠠᠨᠠᠵᠤ ᠪᠠᠢ᠌ᠨᠠᠤ ︖
ᠰᠢᠭᠤᠷᠭᠠ ᠳᠤᠭᠰᠢᠷᠠᠨ ᠣᠢ᠌ᠮᠠᠵᠤ
ᠳᠡᠭ᠍ᠷᠢ ᠪᠣᠯᠠᠩᠭᠢᠷᠳᠤᠨ ᠬᠠᠷᠠᠩᠭ᠋ᠣᠢ᠌ᠯᠠᠵᠤ
ᠪᠠᠷᠠᠭᠠᠨ ᠡᠭᠦᠯᠡᠨ ᠤ ᠳᠤᠳᠤᠷᠠ᠂
ᠴᠠᠭᠠᠨ ᠰᠠᠷᠠ ᠪᠠᠷᠤᠭ ᠬᠠᠷᠠᠭᠳᠠᠬᠤ ᠦᠭᠡᠶ ᠪᠦᠷᠦᠯᠵᠡᠵᠤ ᠪᠠᠢ᠌ᠭᠰᠠᠨ᠂
ᠭᠦᠤ ᠮᠢᠨᠢ ᠣᠳᠤ ᠴᠤᠩᠬᠤ ᠪᠠᠷ ᠬᠠᠷᠠ ︕
ᠳᠡᠭ᠍ᠷᠢ ᠶᠢᠨ ᠳᠡᠭᠡᠷᠡ ᠴᠠᠭᠠᠨ ᠴᠠᠰᠤ ᠭᠢᠯᠠᠯᠵᠤ
ᠰᠢᠭᠦᠳᠡᠷᠢ ᠶᠢᠨ ᠳᠤᠮᠳᠠ ᠡᠴᠠ ᠭᠠᠴᠤᠷᠠ ᠮᠤᠳᠤ ᠨᠤᠭᠤᠭᠠᠷᠠᠵᠤ
ᠮᠦᠰᠤᠨ ᠳᠤᠭᠤᠤᠷ ᠭᠤᠷᠤᠬᠠ ᠶᠢᠨ ᠣᠰᠤ ᠵᠢᠷᠠᠯᠵᠠᠨᠡ᠃
ᠪᠠᠢ᠌ᠰᠢᠩ ᠳᠤ ᠭᠡᠷᠡᠯ ᠳᠦᠭᠡᠵᠤ
ᠫᠢᠰᠢᠩ ᠳᠤ ᠭᠠᠯ ᠨᠤᠴᠤᠵᠤ
ᠳᠤᠯᠠᠭᠠᠨ ᠰᠠᠢ᠌ᠬᠠᠨ ᠪᠠᠢ᠌ᠨᠠ᠃
ᠵᠠ ᠮᠤᠷᠢ ᠪᠠᠨ ᠴᠢᠷᠭᠠᠨ ᠳᠤ ᠭᠦᠯᠯᠡᠭᠡᠳ
ᠰᠢᠨᠡ ᠴᠠᠰᠤᠨ ᠳᠤ ᠭᠤᠯᠭᠤᠵᠤ
ᠬᠤᠭᠤᠰᠤᠨ ᠴᠠᠭᠠᠨ ᠳᠠᠯᠠ ᠳᠤ
ᠭᠦᠨ ᠶᠡᠭᠡ ᠣᠢ ᠳᠤ ᠵᠤᠭᠠᠴᠠᠨ ᠳᠠᠪᠭᠢᠶᠠ᠃
1829 ᠣᠨ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠳᠦᠷᠪᠠᠤᠨ ᠤᠨ ᠵᠢᠭᠠᠬᠤ ᠶᠢ ᠰᠤᠳᠤᠯᠬᠤ ᠳᠠᠰᠤᠭ
ᠵᠤᠬᠢᠶᠠᠭᠴᠢ᠄ ᠫᠦᠱᠺᠢᠨ (ᠴ·ᠳᠠᠮᠳᠢᠨᠰᠦ᠋ᠷᠦᠩ ᠮᠤᠩᠭᠤᠯᠴᠢᠯᠠᠪᠠ)
ᠢᠷᠡᠯᠲᠡ᠄ ᠪᠠ᠊·ᠷᠢᠠᠴᠢᠨ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 12805
ᠴᠠᠭ᠄ 2013 ᠤᠨ ᠤ 10 ᠰᠠᠷᠠ ᠶᠢᠨ 28
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ