ᠬᠠᠢ᠌ᠯ ᠤᠨ ᠣᠰᠤ ᠲᠡᠶ ᠬᠠᠪᠣᠷ ᠤᠨ ᠴᠠᠰᠤ

ᠬᠠᠨ ᠳᠡᠯᠡᠭᠡᠢ ᠶᠢ ᠣᠶᠠᠰᠬᠠᠨ᠎ᠠ

ᠬᠠᠢ᠌ᠷ᠎ᠠ ᠶᠢᠨ ᠨᠤᠲ᠋ ᠲᠡᠶ ᠰᠡᠭᠦᠯᠴᠢ ᠶᠢᠨ ᠴᠠᠰᠤ

ᠬᠠᠨᠠᠭᠠᠷ ᠴᠡᠭᠡᠵᠢ ᠶᠢ ᠠᠭᠤᠵᠢᠷᠠᠭᠤᠯᠤᠨ᠎ᠠ

ᠠᠶᠠᠷ ᠠᠶᠠᠷ ᠯᠠᠪᠰᠠᠭᠰᠠᠨ ᠠᠷᠢᠭᠤᠨ ᠴᠠᠭᠠᠨ ᠯᠠᠪᠠᠢ

ᠠᠶ᠎ᠠ ᠡᠭᠡᠰᠢᠭ᠌ ᠨᠠᠢ᠌ᠷᠠᠭᠰᠠᠨ ᠮᠥᠩᠭᠦᠨ ᠴᠠᠭᠠᠨ ᠳᠠᠭᠢᠨᠢ

ᠢᠨᠠᠭ ᠤᠨ ᠮᠦᠰᠢᠶᠠᠳᠤ ᠨᠢᠭᠤᠭᠰᠠᠨ ᠳᠤᠭᠤᠷ ᠤᠨ ᠶᠠᠭᠠᠨ ᠴᠡᠴᠡᠭ᠌

ᠠᠷᠰᠢ ᠶᠢᠨ ᠦᠨᠦᠷ ᠠᠩᠭᠢᠯᠤᠭᠰᠠᠨ ᠡᠷᠳᠡᠨᠢᠨ ᠴᠠᠭᠠᠨ ᠳᠠᠯᠪᠢ

ᠤᠶᠠᠩ‍ᠭ᠎ᠠ ᠶᠢᠨ ᠪᠣᠯᠵᠤᠭᠠᠳᠤ ᠪᠠᠯᠭᠡᠳᠤ ᠰᠡᠢ᠌ᠬᠠᠨ ᠴᠠᠰᠤ

ᠤᠳᠬ᠎ᠠ ᠶᠢᠨ ᠢᠷᠠᠭᠤ ᠬᠤᠩᠭ᠋ᠤᠷ ᠭᠤᠶᠤ ᠴᠠᠰᠤ

ᠣᠬᠠᠭᠠᠨ ᠤ ᠮᠠᠯᠮᠠᠢ ᠠᠮᠠᠷᠠᠭ ᠴᠠᠭᠠᠨ ᠴᠠᠰᠤ

ᠣᠳᠤᠳ ᠤᠨ ᠠᠨᠢᠪᠴᠢᠭ᠎ᠠ ᠰᠢᠭᠢᠷ ᠭᠦᠯᠭᠦᠮ᠎ᠡ ᠴᠠᠰᠤ

ᠠᠰᠠᠷ ᠳᠠᠭᠳᠤ ᠶᠢ ᠴᠠᠭᠠᠨ ᠶᠢᠡᠷ ᠪᠣᠯᠬᠠᠭᠰᠠᠨ ᠡᠩᠭᠦᠷᠡᠢ ᠴᠠᠰᠤ

ᠠᠯᠳᠠᠨ ᠨᠠᠮᠤᠷ ᠢ ᠬᠤᠷᠢᠶᠠᠯᠳᠠ ᠪᠠᠷ ᠬᠤᠷᠣᠢ᠌ᠯᠠᠭᠰᠠᠨ ᠪᠣᠷᠠᠮ ᠴᠠᠰᠤ

ᠬᠡᠦᠬᠡᠳ ᠤᠨ ᠵᠢᠪᠬᠤᠭ᠎ᠠ ᠶᠢ ᠭᠦᠰᠡᠯ ᠶᠢᠡᠷ ᠳᠡᠭ᠍ᠵᠢᠭᠡᠭ᠍ᠰᠡᠨ ᠪᠠᠯ ᠴᠠᠰᠤ

ᠭᠡᠦᠭᠡᠨ ᠤ ᠰᠡᠳᠭᠢᠯ ᠢ ᠦᠨᠦᠰᠤᠯ ᠶᠢᠡᠷ ᠪᠦᠪᠠᠢ᠌ᠯᠡᠭ᠍ᠰᠡᠨ ᠰᠠᠷᠭᠠᠢ ᠴᠠᠰᠤ

ᠰᠠᠮᠠᠷᠠᠨ ᠰᠠᠮᠠᠷᠠᠨ ᠬᠠᠶᠠᠯᠠᠭᠰᠠᠨ ᠰᠠᠮᠪᠠᠢ ᠬᠠᠳᠠᠭ ᠤᠨ ᠰᠠᠵᠢᠯᠠᠭ᠎ᠠ

ᠰᠡᠮᠭᠡᠨ ᠰᠡᠮᠭᠡᠨ ᠰᠢᠪᠠᠭᠡᠨᠡᠭ᠍ᠰᠡᠨ ᠵᠢᠷᠤᠭ ᠰᠢᠯᠦᠭ᠌ ᠤᠨ ᠠᠩᠭᠢᠷ

ᠠᠶᠠᠷ ᠠᠶᠠᠷ ᠳᠡᠪᠢᠭ᠍ᠰᠡᠨ ᠠᠩᠭᠢᠷ ᠬᠤᠨ ᠤ ᠨᠦᠷᠭᠢᠯᠳᠠ

ᠠᠯᠢᠶᠠᠷᠬᠠᠨ ᠠᠯᠢᠶᠠᠷᠬᠠᠨ ᠳᠤᠭᠯᠠᠭᠰᠠᠨ ᠠᠯᠢᠶ᠎ᠠ ᠬᠡᠦᠬᠡᠳ ᠤᠨ ᠳᠡᠯᠡᠭᠡᠢ

ᠮᠠᠯᠮᠠᠷᠠᠨ ᠮᠠᠯᠮᠠᠷᠠᠨ ᠳᠤᠨᠤᠷᠠᠭᠰᠠᠨ ᠮᠥᠩᠭᠦᠨ ᠴᠠᠭᠠᠨ ᠭᠡᠪᠢᠰ

ᠮᠢᠷᠠᠯᠵᠠᠨ ᠮᠢᠷᠡᠯᠵᠡᠨ  ᠪᠦᠵᠢᠭ᠍ᠰᠡᠨ ᠠᠯᠢᠮᠠᠨ ᠴᠠᠭᠠᠨ ᠴᠡᠴᠡᠭ᠌

ᠵᠥᠭᠡᠯᠡᠨ ᠵᠥᠭᠡᠯᠡᠨ ᠮᠢᠰᠢᠯᠵᠠᠭᠰᠠ ᠵᠢᠰᠦᠯᠢᠭ᠌ ᠭᠤᠶᠤ ᠠᠪᠠᠬᠠᠢ

ᠵᠢᠮ ᠵᠢᠮ ᠶᠢᠡᠷ ᠳᠡᠯᠭᠡᠭ᠍ᠰᠡᠨ ᠵᠢᠷᠦᠭᠡᠨ ᠤ ᠴᠠᠭᠠᠨ ᠯᠢᠩᠬᠤᠸ᠎ᠠ ︕

         2012 ᠣᠨ ᠤ 3 ᠰᠠᠷ᠎ᠠ ᠶᠢᠨ 5 ᠊ᠨ᠎ᠠ

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠭᠢᠩᠭ᠋ᠠᠨ ᠤ ᠲᠦᠰᠢᠶᠠᠳᠤ