☆ ᠪᠠᠶᠠᠭᠤᠳ ᠳᠡᠭᠦᠦᠵᠡᠶᠠᠭᠠ
ᠰᠤᠭᠳᠤᠭᠤ ᠶᠢᠨ ᠬᠤᠯᠪᠣᠭᠠ
ᠬᠤᠭᠤᠷ ᠶᠢᠡᠨ ᠠᠳᠬᠤᠭᠠᠤᠨ ᠰᠠᠭᠤᠯᠠ ᠪᠢ
ᠬᠤᠷᠤᠭᠤ ᠪᠠᠷ ᠶᠢᠡᠨ ᠳᠠᠷᠤᠭᠠᠤᠨ ᠭᠦᠭᠯᠡᠭᠦᠯᠦᠯᠡ
ᠬᠤᠳᠠᠯᠠ ᠣᠯᠠᠨ ᠳᠠ ᠨᠡᠷ ᠲᠤ ᠪᠠᠨ
ᠬᠤᠯᠪᠣᠭᠠ ᠰᠢᠯᠦᠭ᠌ ᠶᠢᠡᠨ ᠭᠡᠯᠡᠵᠤ ᠦᠭᠭᠦᠶᠡ᠃
ᠠᠷᠠᠯᠳᠤ ᠬᠤᠭᠤᠷ ᠶᠢᠡᠨ ᠪᠠᠷᠢᠯᠠ ᠪᠢ
ᠠᠶᠠᠯᠭᠤ ᠨᠢ ᠳᠠᠷᠤᠭᠠᠤᠨ ᠭᠦᠭ᠍ᠵᠢᠮᠳᠡᠯᠡ
ᠠᠭᠰᠢᠷᠠᠭᠠ ᠵᠠᠯᠠᠭᠤ ᠳᠠ ᠨᠡᠷ ᠲᠤ ᠪᠠᠨ
ᠰᠤᠭᠳᠤᠭᠤ ᠶᠢᠨ ᠬᠤᠯᠪᠣᠭᠠ ᠭᠡᠯᠡᠵᠤ ᠦᠭᠭᠦᠶᠡ᠃
ᠰᠢᠯᠤᠰᠤ ᠣᠰᠤ ᠪᠠᠨ ᠰᠠᠢ᠌ᠷᠠᠭᠤᠯᠤᠭᠠᠤᠨ
ᠱᠥᠯᠭᠦᠭᠡ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠰᠢᠷᠢᠯᠳᠤᠨ ᠰᠢᠷᠢᠯᠳᠤᠨ ᠣᠤᠭᠤᠬᠤ ᠡᠴᠠ
ᠰᠢᠪᠰᠢᠭ᠌ ᠲᠡᠶ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠭᠡᠷ ᠭᠡᠷ ᠢ ᠳᠤᠭᠤᠷᠢᠭᠠᠤᠨ
ᠳᠡᠩᠰᠢᠭᠦᠷᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠭᠡᠵᠢᠭᠡ ᠦᠰᠦ ᠪᠠᠨ ᠦᠷᠪᠤᠢᠯᠭᠡᠭᠡᠳ
ᠪᠣᠭ ᠯᠠ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠭᠡᠯᠡᠭᠡᠳ ᠠᠪᠣᠪᠠᠯ ᠵᠤᠭᠰᠤᠳᠠᠭ ᠥᠭᠡᠢ
ᠭᠡᠯᠡᠮᠦᠷᠴᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠭᠡᠯᠡ ᠠᠮᠠ ᠪᠠᠨ ᠴᠢᠷᠦᠴᠢᠭᠡᠭᠡᠳ
ᠭᠡᠯᠡᠭᠡᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠥᠭᠡ ᠪᠦᠭᠦᠨ ᠢ ᠰᠡᠪᠠᠯᠡᠭᠡᠳ
ᠥᠭᠡᠯᠡᠰᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠥᠳᠦᠭᠡᠨ ᠥᠳᠦᠭᠡᠨ ᠭᠡᠷᠡᠯᠳᠦᠭᠦᠯᠴᠢᠭᠡᠭᠡᠳ
ᠥᠢᠮᠡᠭᠡᠨ ᠲᠡᠶ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠣᠩᠬᠤᠯᠠᠵᠤ ᠣᠨᠠᠪᠠᠯ ᠬᠤᠷᠭᠢᠷᠠᠭᠠᠤᠨ
ᠣᠠᠳᠠᠩᠬᠠᠢ ᠰᠤᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠣᠩ ᠰᠦᠨᠢ ᠳᠤ ᠪᠠᠨ ᠭᠤᠵᠣᠢ᠌ᠴᠢᠬᠠᠭᠠᠤᠨ
ᠮᠠᠨᠠᠭᠠᠴᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠣᠤᠭᠤᠭᠠᠤᠨ ᠣᠤᠭᠤᠭᠠᠤᠨ ᠬᠠᠨᠤᠰᠢ ᠥᠭᠡᠢ
ᠬᠤᠪᠳᠤᠭ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠣᠤᠭᠤᠨᠠᠷᠠᠨ ᠰᠤᠭᠳᠤᠴᠢᠬᠠᠳᠠᠭ
ᠣᠪ ᠲᠡᠶ ᠰᠤᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠥᠵᠡᠭᠦ ᠨᠢᠳᠤ ᠨᠢ ᠣᠯᠠᠢ᠌ᠴᠢᠬᠠᠭᠠᠤᠨ
ᠭᠠᠯᠵᠠᠭᠤ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠡᠷᠦᠭᠡ ᠭᠡᠷ ᠶᠢᠡᠨ ᠳᠠᠨᠢᠬᠤ ᠦᠭᠡᠶ ᠯᠠᠢ
ᠡᠷᠭᠢᠭᠦᠤ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠣᠤᠭᠤᠭᠰᠠᠨ ᠳᠤᠤᠷᠠ ᠪᠠᠨ ᠣᠯᠠᠩ᠌ᠴᠢᠬᠠᠳᠠᠭ
ᠯᠤᠦᠶᠧ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠣᠯᠳᠠᠭᠰᠠᠨ ᠪᠦᠭᠦᠨ ᠳᠤ ᠵᠠᠷᠤᠭᠳᠠᠴᠢᠬᠠᠭᠠᠤᠨ
ᠠᠵᠢᠯᠴᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠦᠮᠦᠳᠦᠨ ᠳᠠᠯᠠᠢ ᠪᠠᠨ ᠠᠯᠳᠠᠴᠢᠬᠠᠭᠠᠤᠨ
ᠦᠷᠦᠭᠡᠯ ᠲᠡᠶ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠡᠮᠦᠰᠦᠭ᠍ᠰᠡᠨ ᠪᠦᠭᠦᠨ ᠶᠢᠡᠨ ᠳᠠᠢ᠌ᠯᠤᠴᠢᠬᠠᠭᠠᠤᠨ
ᠱᠠᠯᠳᠠᠩ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠡᠮᠡᠰ ᠬᠡᠦᠬᠡᠳ ᠶᠢᠡᠨ ᠱᠠᠭᠠᠯᠠᠬᠤ ᠡᠴᠠ
ᠡᠮᠢᠶᠡᠯ ᠲᠡᠶ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠶᠢᠷᠳᠢᠠᠴᠤ ᠶᠢᠨ ᠣᠴᠢᠷ ᠢ ᠮᠡᠳᠡᠴᠢᠭᠡᠭᠡᠳ
《ᠮᠡᠷᠭᠡᠨ》 ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠣᠴᠠᠷᠴᠭᠰᠠᠨ ᠪᠦᠭᠦᠨ ᠲᠡᠶ ᠭᠡᠷᠡᠯᠳᠦᠭᠦ ᠡᠴᠠ
ᠭᠡᠷᠡᠭᠦᠯᠴᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠣᠰᠤ ᠡ᠂ ᠣᠰᠤ ᠡ ᠪᠠᠷᠭᠢᠷᠠᠭᠠᠤᠨ
ᠬᠠᠳᠠᠮᠠᠯ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠂
ᠥᠵᠡᠭᠦ ᠨᠢᠳᠤ ᠨᠢ ᠰᠡᠮᠡᠢ᠌ᠭᠡᠳ
ᠨᠣᠢ᠌ᠷᠮᠤᠭ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠦᠬᠢᠳ ᠡᠮᠡᠰ ᠲᠡᠶ ᠬᠠᠯᠳᠠᠬᠤ ᠡᠴᠠ
ᠱᠠᠯᠢᠭ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠭᠡᠢ ᠬᠤᠭᠤᠰᠤᠨ ᠥᠯᠢᠶᠡᠭᠦ ᠡᠴᠠ
ᠣᠮᠤᠷᠬᠠᠭ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠭᠡᠯᠡᠭ᠍ᠰᠡᠨ ᠪᠦᠭᠦᠨ ᠶᠢᠡᠨ ᠮᠡᠯᠵᠢᠴᠢᠭᠡᠭᠡᠳ
ᠬᠤᠯᠵᠢᠨ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠭᠦᠮᠤᠨ ᠪᠦᠭᠦᠨ ᠢ ᠵᠠᠩᠳᠤᠷᠤᠭᠠᠤᠨ
ᠨᠤᠶᠠᠠᠴᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠭᠦᠳᠡᠭᠡ ᠭᠡᠭᠡᠷᠡ ᠳᠠᠯᠢ᠌ᠴᠢᠬᠠᠭᠠᠤᠨ
ᠭᠦᠭᠡᠷᠦᠭᠦᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠢᠨᠢᠶᠡᠭᠡᠳ ᠠᠪᠣᠪᠠᠯ ᠵᠤᠭᠰᠤᠬᠤ ᠦᠭᠡᠶ ᠯᠠᠢ
ᠪᠠᠶᠠᠰᠤᠩᠭ᠋ᠤᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠢᠳᠡᠭ᠍ᠰᠡᠨ ᠪᠦᠭᠦᠨ ᠶᠢᠡᠨ ᠭᠠᠷᠭᠠᠴᠢᠬᠠᠭᠠᠤᠨ
ᠪᠣᠵᠠᠷ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠡᠷᠢᠶᠡᠨ ᠮᠠᠷᠢᠶᠠᠨ ᠶᠢᠡᠷ ᠣᠷᠢᠯᠠᠭᠠᠤᠨ
ᠪᠠᠷᠭᠢᠷᠠᠭᠠ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠡᠭ᠍ᠰᠢᠵᠤ ᠮᠡᠭ᠍ᠰᠢᠵᠤ ᠣᠭᠢᠯᠠᠭᠠᠤᠨ
ᠦᠷᠤᠪᠳᠤᠮᠠᠷ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠰᠢᠳᠤ ᠠᠮᠠ ᠨᠢ ᠵᠠᠭᠤᠷᠠᠭᠠᠤᠨ
ᠵᠠᠭᠤᠷᠮᠠᠭ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠴᠢᠨᠤᠭᠢ ᠮᠢᠨᠤᠭᠢ ᠪᠠᠨ ᠮᠡᠳᠡᠭᠦ ᠦᠭᠡᠶ ᠯᠠᠢ
ᠮᠤᠩᠬᠠᠭ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠤᠢ᠌ᠴᠢᠨ ᠤᠢ᠌ᠴᠢᠨ ᠣᠨᠠᠬᠤ ᠡᠴᠠ
ᠪᠦᠳᠦᠷᠢᠭᠡ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠣᠯᠤᠭᠰᠠᠨ ᠪᠦᠭᠦᠨ ᠶᠢᠡᠨ ᠪᠠᠷᠠᠭᠠᠬᠤ ᠡᠴᠠ
ᠪᠦᠷᠢᠯᠭᠡᠭ᠍ᠴᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠳᠠᠭᠤᠯᠠᠭᠠᠤᠨ ᠳᠠᠭᠤᠯᠤᠭᠠᠤᠨ ᠪᠠᠷᠠᠰᠢ ᠥᠭᠡᠢ
ᠳᠠᠭᠤᠴᠢᠨ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠳᠤᠬᠤ ᠳᠤᠯᠤᠭᠠᠢ ᠨᠢ ᠭᠦᠭᠡᠷᠦᠴᠢᠭᠡᠭᠡᠳ
ᠭᠦᠪᠰᠦᠭᠡᠷ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠣᠮᠤᠭ ᠰᠦᠰᠦ ᠨᠢ ᠪᠦᠳᠦᠭᠦᠷᠡᠭᠡᠳ
《ᠪᠠᠭᠠᠳᠤᠷ》 ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠣᠯᠤᠰ ᠤᠨ ᠬᠠᠤᠯᠢ ᠶᠢ ᠵᠦᠷᠢᠴᠢᠴᠢᠭᠡᠭᠡᠳ
ᠣᠶᠠᠭᠠᠰᠤ ᠲᠡᠶ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠦᠷᠦᠭᠡᠯ ᠤᠨ ᠠᠮᠢ ᠶᠢ ᠬᠤᠷᠤᠭᠠᠬᠤ ᠡᠴᠠ
ᠡᠷᠯᠢᠭ᠌ ᠰᠤᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠡᠷᠦᠭᠡ ᠭᠡᠷ ᠢ ᠨᠢ ᠬᠠᠷᠠᠯᠠᠭᠤᠯᠤᠭᠠᠤᠨ
ᠨᠢᠭᠦᠯ ᠲᠡᠶ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠳᠦᠷᠤ ᠶᠢᠨ ᠶᠤᠰᠤ ᠶᠢ ᠡᠪᠳᠡᠯᠡᠭᠦ ᠡᠴᠠ
ᠳᠦᠢᠦᠡᠭᠡᠷ ᠰᠤᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ
ᠳᠠᠮᠤᠷ ᠪᠠᠭᠤᠤ ᠵᠡᠭᠦᠴᠢᠭᠡᠭᠡᠳ
ᠬᠤᠷᠢᠭᠠᠰᠤᠳᠠᠢ ᠰᠤᠭᠳᠤᠭᠤ ᠪᠠᠰᠠ ᠨᠢᠭᠡ ᠪᠠᠢ᠌ᠨᠠ᠃
ᠡᠯᠳᠡᠪ ᠡᠯᠳᠡᠪ ᠤᠨ ᠰᠤᠭᠳᠤᠭᠤ ᠵᠢ
ᠥᠭᠡ ᠪᠠᠷ ᠭᠡᠯᠡᠭᠡᠳ ᠪᠠᠷᠠᠨᠠ ᠦᠦ ᠳ᠋ᠠ
ᠥᠵᠡᠭ᠍ᠳᠡᠵᠤ ᠪᠠᠷᠢᠭᠳᠠᠭᠰᠠᠨ ᠭᠡᠳᠤ ᠡᠴᠠ ᠨᠢ
ᠥᠯᠢᠭᠡᠷ ᠪᠣᠯᠭᠠᠵᠤ ᠭᠡᠯᠡᠵᠤ ᠦᠭᠭᠦᠯᠡ᠃
ᠵᠣᠢ᠌ᠯ ᠵᠣᠢ᠌ᠯ ᠤᠨ ᠰᠤᠭᠳᠤᠭᠤ ᠵᠢ
ᠵᠣᠢ᠌ᠴᠠᠵᠤ ᠬᠤᠯᠪᠣᠭᠠᠤᠨ ᠪᠠᠷᠠᠨᠠ ᠦᠦ ᠳ᠋ᠠ
ᠵᠥᠩᠳᠡᠭᠡᠨ ᠲᠤᠬᠢᠶᠠᠯᠳᠤᠭᠰᠠᠨ ᠭᠡᠳᠤ ᠡᠴᠠ ᠨᠢ
ᠵᠣᠢ᠌ᠷᠯᠠᠵᠤ ᠬᠤᠯᠪᠣᠭᠠᠤᠨ ᠭᠡᠯᠡᠵᠤ ᠦᠭᠭᠦᠯᠡ᠃
ᠠᠷᠢᠭᠢ ᠭᠦᠴᠦᠳᠡᠢ ᠪᠣᠯᠪᠠᠴᠤ
ᠠᠷᠢᠭᠢ ᠭᠦᠮᠤᠨ ᠢ ᠰᠤᠭᠳᠤᠭᠠᠬᠤ ᠥᠭᠡᠢ
ᠠᠯᠢ ᠠᠯᠢ ᠭᠡᠭ᠍ᠰᠡᠭᠡᠷ ᠡ
ᠣᠯᠢᠭ ᠶᠢᠡᠨ ᠪᠠᠷᠠᠳᠠᠭ ᠶᠢᠷᠳᠢᠠᠴᠤ ᠡ᠃
ᠳᠠᠷᠠᠰᠤ ᠭᠦᠴᠦᠳᠡᠢ ᠪᠣᠯᠪᠠᠴᠤ
ᠳᠠᠷᠠᠰᠤ ᠭᠦᠮᠤᠨ ᠢ ᠰᠤᠭᠳᠤᠭᠠᠬᠤ ᠥᠭᠡᠢ
ᠳᠠᠪᠰᠢᠨ ᠳᠠᠪᠰᠢᠨ ᠣᠤᠭᠤᠭᠰᠠᠭᠠᠷ
ᠳᠠᠷᠤᠭᠠᠤᠨ ᠣᠨᠠᠳᠠᠭ ᠶᠢᠷᠳᠢᠠᠴᠤ ᠡ᠃
ᠰᠠᠷᠬᠤᠤᠨ ᠭᠦᠴᠦᠳᠡᠢ ᠪᠣᠯᠪᠠᠴᠤ
ᠰᠠᠷᠬᠤᠤᠨ ᠭᠦᠮᠤᠨ ᠢ ᠰᠤᠭᠳᠤᠭᠠᠬᠤ ᠥᠭᠡᠢ
ᠴᠢᠮᠠᠯᠠᠨ ᠴᠢᠮᠠᠯᠠᠨ ᠣᠤᠭᠤᠭᠰᠠᠭᠠᠷ ᠡ
ᠴᠠᠭᠠᠰᠢ ᠪᠠᠨ ᠬᠠᠷᠠᠳᠠᠭ ᠶᠢᠷᠳᠢᠠᠴᠤ ᠡ᠃
ᠨᠠᠩᠵᠢᠳ ᠭᠦᠴᠦᠳᠡᠢ ᠪᠣᠯᠪᠠᠴᠤ
ᠨᠠᠩᠵᠢᠳ ᠭᠦᠮᠤᠨ ᠢ ᠰᠤᠭᠳᠤᠭᠠᠬᠤ ᠥᠭᠡᠢ
ᠨᠠᠰᠢ ᠪᠠᠨ ᠨᠠᠰᠢ ᠪᠠᠨ ᠭᠡᠭ᠍ᠰᠡᠭᠡᠷ
ᠨᠠᠯᠠᠭᠠᠤᠨ ᠣᠨᠠᠳᠠᠭ ᠶᠢᠷᠳᠢᠠᠴᠤ ᠡ᠃
ᠪᠠᠭᠠ ᠪᠠᠭᠠ ᠪᠠᠷ ᠣᠤᠭᠤᠪᠠᠯ
ᠪᠠᠯ ᠪᠣᠷᠠᠮ ᠥᠭᠡᠷᠡ ᠦᠦ ᠳ᠋ᠠ
ᠪᠠᠶᠠ ᠳᠤ ᠪᠠᠨ ᠳᠤᠭᠢᠷᠠᠭᠤᠯᠤᠭᠠᠤᠨ ᠭᠡᠷᠡᠭᠯᠡᠪᠠᠯ
ᠪᠣᠯᠬᠤ ᠦᠭᠡᠶ ᠣᠴᠢᠷ ᠪᠠᠢ᠌ᠨᠠ ᠦᠦ ᠳ᠋ᠠ᠃
ᠪᠣᠷᠬᠠᠨ ᠳᠡᠭᠡᠳᠦᠰ ᠤᠨ ᠮᠢᠨᠢ ᠡᠭᠦᠳᠦᠭ᠍ᠰᠡᠨ
ᠠᠷᠢᠭᠢᠨ ᠰᠠᠢ᠌ᠬᠠᠨ ᠰᠤᠶᠤᠯ ᠶᠤᠮ
ᠪᠣᠯᠪᠠᠰᠤᠨ ᠰᠠᠢ᠌ᠬᠠᠨ ᠡᠳ᠋ᠯᠡᠪᠠᠯ
ᠪᠣᠯᠬᠤ ᠦᠭᠡᠶ ᠣᠴᠢᠷ ᠪᠠᠢ᠌ᠨᠠ ᠦᠦ ᠳ᠋ᠠ᠃
ᠰᠠᠭᠢᠭᠤᠯᠰᠤᠨ ᠳᠡᠭᠡᠳᠦᠰ ᠤᠨ ᠮᠢᠨᠢ ᠡᠭᠦᠳᠦᠭ᠍ᠰᠡᠨ
ᠰᠠᠷᠬᠤᠤᠨ ᠤᠨ ᠰᠠᠢ᠌ᠬᠠᠨ ᠰᠤᠶᠤᠯ ᠶᠤᠮ
ᠰᠢᠡᠵᠢᠯᠡᠭᠦ ᠣᠬᠠᠭᠠᠴᠢ ᠪᠠᠷ ᠠᠰᠢᠭᠯᠠᠪᠠᠯ
ᠰᠢᠪᠰᠢᠭ᠌ ᠲᠡᠶ ᠣᠴᠢᠷ ᠭᠠᠷᠤᠨᠠ ᠦᠦ ᠳ᠋ᠠ ᠭᠦᠢ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠲᠦᠩᠯᠢᠶᠤᠤ ᠬᠤᠳᠠ᠂ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢ᠌ᠳᠤ ᠬᠤᠰᠢᠭᠤ᠂ ᠡᠮᠡᠭᠡᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠠᠶᠠᠭᠤᠳ ᠳᠡᠭᠦᠦᠵᠡᠶᠠᠭᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2625
ᠴᠠᠭ᠄ 2010 ᠤᠨ ᠤ 09 ᠰᠠᠷᠠ ᠶᠢᠨ 16
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ