☆ ᠳ᠋·ᠲᠦᠮᠡᠠᠰᠠᠩ
ᠳᠤᠶᠠᠭᠠᠳᠤ ᠰᠦᠨᠢ ᠶᠢᠨ ᠠᠶᠠᠯᠠᠯ
ᠮᠢᠨᠤ ᠪᠠᠷᠠᠭᠠᠨ ᠣᠢ᠌ᠤᠠᠬᠠᠷ ᠢ ᠴᠠᠰᠤ ᠦᠯᠳᠠᠵᠤ ᠪᠠᠢ᠌ᠨᠠ
ᠮᠤᠩᠭ᠋ᠤᠯ ᠤᠨ ᠭᠡᠭᠡᠷᠡ ᠳᠠᠯᠠ ᠶᠢ ᠴᠠᠰᠤ ᠥᠩᠭᠡᠯᠡᠵᠤ ᠪᠠᠢ᠌ᠨᠠ
ᠴᠠᠭᠠᠨ ᠬᠤᠳᠠ ᠶᠢᠨ ᠬᠠᠭᠤᠴᠢᠨ ᠪᠠᠭᠤᠷᠢ ᠳᠡᠭᠡᠷᠡ
ᠴᠠᠭ ᠤᠨ ᠣᠷᠳᠤ ᠶᠢ ᠡᠯᠡᠭᠡᠭ᠍ᠰᠡᠨ ᠠᠮᠠᠷ ᠮᠤᠳᠤᠨ ᠤ
ᠡᠪᠦᠭᠡᠨ ᠮᠦᠴᠢᠷ ᠳᠡᠭᠡᠷᠡ
ᠦᠨᠦ ᠦᠳᠡᠰᠢ ᠴᠠᠰᠤ ᠬᠠᠶᠠᠯᠠᠨᠠ
ᠣᠳᠤᠨ ᠰᠠᠷᠠᠨ ᠤ ᠭᠡᠯᠳᠡᠷᠭᠡᠢ
ᠳᠡᠯᠡᠭᠡᠢ ᠳᠦᠭᠦᠷᠡᠩ ᠪᠣᠳᠠᠷᠠᠨᠠ
ᠣᠷᠴᠢᠯᠠᠩ ᠳᠤ ᠡ᠊ᠨᠳᠡᠭ᠍ᠰᠡᠨ ᠬᠤᠨ ᠤ ᠦᠳᠦᠨ
ᠳᠡᠭ᠍ᠷᠢ ᠳᠦᠭᠦᠷᠡᠩ ᠭᠡᠢ᠌ᠰᠦᠨᠡ
ᠠᠮᠤᠷᠯᠢᠩᠭ᠋ᠤᠢ ᠣᠠᠳᠠᠭᠰᠠᠨ ᠡᠷᠳᠡᠨ ᠤ ᠨᠢᠭᠡᠨ ᠵᠡᠭᠦᠳᠤ
ᠠᠢ ᠳ᠋ᠠ᠂ ᠮᠢᠨᠤ ᠰᠡᠭᠦᠵᠤ ᠥᠵᠡᠭᠡ ᠦᠭᠡᠶ ᠬᠠᠭᠤᠳᠠᠰᠤ
ᠠᠯᠠᠭ ᠴᠤᠬᠤᠷ ᠮᠦᠷ ᠶᠢᠡᠷ ᠶᠢᠡᠨ ᠪᠢ
ᠠᠷᠢᠭᠤᠨ ᠴᠠᠭᠠᠨ ᠢ ᠊ᠭ᠍ᠬᠢᠷᠳᠦᠭᠡᠵᠤ ᠳᠦᠪᠳᠡᠭᠦ ᠦᠭᠡᠶ
ᠠᠶᠠᠷᠬᠠᠨ ᠭᠦᠪᠦᠭ᠍ᠰᠡᠭᠡᠷ ᠣᠶᠠᠬᠠᠨ ᠵᠥᠭᠡᠯᠡᠨ ᠳᠤᠶᠠᠭᠠᠨ ᠳᠤᠮᠳᠠᠭᠤᠷ ᠵᠤᠷᠴᠢᠨᠠ
ᠬᠠᠪᠣᠷ ᠤᠨ ᠴᠠᠰᠤᠨ᠂ ᠰᠦᠨᠢ ᠪᠠᠷ ᠬᠠᠶᠠᠯᠠᠨᠠ
ᠬᠠᠷᠠᠩᠭ᠋ᠤᠢ ᠳᠤ ᠪᠢ ᠭᠡᠷᠡᠯ ᠢ ᠳᠠᠮᠠᠴᠠᠨ ᠠᠶᠠᠯᠠᠨᠠ
ᠡᠯᠢᠭᠡ ᠪᠦᠳᠤᠨ ᠨᠤᠳᠤᠭ ᠪᠠᠢ᠌ᠯᠠ ᠭᠡᠵᠤ ᠳᠤᠷᠭᠠᠨ ᠠᠯᠠᠭᠠ ᠪᠠᠷ ᠶᠢᠡᠨ
ᠴᠠᠰᠤ ᠢᠯᠪᠢᠭᠦᠢ
ᠡᠪᠦᠯ ᠳᠤ ᠪᠠᠨ ᠴᠤ ᠪᠦᠯᠢᠶᠡᠭᠡᠨ ᠠᠯᠳᠠᠨ ᠰᠢᠷᠤᠢ ᠳᠤ
ᠴᠢᠮᠡᠭᠡ ᠦᠭᠡᠶ ᠠᠭᠤᠰᠬᠤᠢ
ᠳᠦᠢᠦᠡᠭᠡᠷᠳᠤ ᠬᠠᠷᠠ ᠳᠡᠷᠢᠭᠦᠳᠡᠨ ᠤ ᠶᠠᠯᠠ ᠨᠢᠭᠦᠯ ᠢ
ᠲᠦᠮᠡᠨ ᠨᠢᠳᠤᠳᠤ ᠳᠡᠭ᠍ᠷᠢ ᠠᠭᠤᠴᠢᠯᠠᠬᠤ ᠦᠭᠡᠶ
ᠳᠡᠭ᠍ᠰᠢ ᠠᠷᠢᠭᠤᠨ ᠤ ᠪᠦᠷᠢᠯᠸᠡ
ᠳᠦᠨᠠᠷ ᠬᠠᠷᠠᠩᠭ᠋ᠤᠢ ᠳᠤ ᠰᠦᠨ ᠴᠡᠴᠡᠭ᠌ ᠶᠢᠡᠨ ᠰᠠᠴᠤᠵᠤ ᠪᠠᠢ᠌ᠨᠠ
ᠭᠠᠵᠠᠷ ᠤᠨ ᠰᠢᠷᠬᠠ ᠠᠨᠠᠵᠤ ᠡᠭᠢᠯᠡᠯᠡ
ᠭᠠᠩᠳᠠᠮᠠᠯ ᠳᠠᠯᠠ ᠬᠠᠨᠤᠵᠤ ᠡᠭᠢᠯᠡᠯᠡ
ᠨᠢᠯᠬᠠ ᠨᠤᠭᠤᠭᠠ ᠴᠠᠰᠤᠨ ᠤ ᠰᠢᠮᠠ ᠪᠠᠷ
ᠭᠦᠷᠦᠰᠤᠨ ᠡᠴᠡ ᠴᠤᠬᠣᠢ᠌ᠬᠤ ᠠᠮᠢᠯᠠᠯ
ᠨᠠᠢ᠌ᠷᠠᠭ ᠤᠨ ᠠᠳᠠᠷ ᠲᠤ ᠰᠢᠯᠦᠭ᠌ ᠤᠨ ᠰᠠᠨᠠᠭᠠ
ᠰᠡᠳᠭᠢᠯ ᠡᠴᠡ ᠣᠷᠭᠤᠬᠤ ᠪᠠᠶᠠᠰᠤᠯ
ᠴᠠᠰᠤᠨ ᠤ ᠨᠣᠢ᠌ᠳᠠᠨ ᠳᠤᠶᠠᠭᠠ
ᠰᠢᠯᠦᠭ᠌ ᠤᠨ ᠣᠷᠮᠠᠰ ᠢ ᠠᠰᠠᠭᠠᠵᠤ
ᠴᠠᠪ ᠴᠠᠭᠠᠨ ᠭᠡᠯᠳᠡᠰ
ᠴᠠᠭ ᠤᠨ ᠪᠣᠵᠠᠷ ᠢ ᠰᠦᠯᠡᠵᠦ
ᠮᠢᠨᠤ ᠡᠮᠦᠨᠡ ᠵᠠᠮ ᠴᠠᠢ᠌ᠷᠠᠯᠠ
ᠵᠠᠮ ᠤᠨ ᠥᠵᠦᠭᠦᠷ ᠲᠤ
ᠥᠤᠷ ᠴᠠᠢ᠌ᠯᠠ
ᠵᠤᠬᠢᠶᠠᠭᠴᠢ᠄ ᠳ᠋·ᠲᠦᠮᠡᠠᠰᠠᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2608
ᠴᠠᠭ᠄ 2008 ᠤᠨ ᠤ 12 ᠰᠠᠷᠠ ᠶᠢᠨ 29
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ