☆ ᠣᠷᠭᠢᠯᠤᠮᠠ
ᠠᠮᠢ ᠶᠢᠨ ᠳᠠᠭᠤᠯᠠᠯ
ᠨᠢᠭᠡᠨ ᠠᠮᠢ
ᠣᠷᠴᠢᠯᠠᠩ ᠤᠨ ᠨᠢᠭᠤᠴᠠ ᠵᠤᠷ ᠶᠢᠡᠷ
ᠳᠤᠭᠤᠰᠤᠳᠤ ᠳᠡᠯᠡᠭᠡᠢ ᠶᠢᠨ ᠡᠯᠢᠭᠡᠨ ᠳᠤ
ᠣᠴᠢ ᠰᠢᠭ ᠣᠯᠠᠯᠵᠠᠨ ᠳᠤᠰᠴᠤ
ᠳᠡᠭ᠍ᠷᠢ ᠶᠢᠨ ᠳᠠᠨᠤᠮᠠᠯ ᠬᠤᠢ ᠳᠤ
ᠠᠮᠢᠰᠬᠤᠯ ᠪᠦᠳᠡᠮᠡᠷ ᠬᠤᠷᠣᠢ᠌ᠯᠵᠠᠨ
ᠳᠢᠭ᠌ ᠶᠢᠡᠨ ᠣᠯᠬᠤ ᠦᠭᠡᠶ ᠣᠳᠤᠭᠠᠰᠢᠬᠤ ᠳᠤ
ᠡᠭᠡ ᠶᠢᠨ ᠰᠦ᠋ ᠳᠤᠰᠤ ᠪᠣᠯᠳᠠᠭ
ᠡᠴᠢᠭᠡ ᠶᠢᠨ ᠬᠠᠢ᠌ᠷᠠ ᠨᠦᠮᠦᠷᠢ ᠪᠣᠯᠳᠠᠭ
ᠣᠯᠠᠯᠵᠠᠨ ᠨᠤᠴᠤᠬᠤ ᠶᠢᠨ ᠥᠯᠦᠭᠡᠢ ᠣᠯᠭᠤᠳᠠᠭ
ᠡᠨᠡ ᠠᠮᠢ
ᠬᠤᠵᠢᠮ ᠤᠨ ᠬᠣᠢ᠌ᠨᠠ
ᠭᠡᠯᠡ ᠳᠤ ᠣᠷᠤᠭᠠᠤᠨ
ᠭᠦᠯ ᠲᠡᠶ ᠪᠣᠯᠬᠤ ᠳ᠋ᠤ
ᠭᠦᠰᠡᠯ ᠣᠷᠭᠤᠭᠠᠤᠨ
ᠵᠡᠭᠦᠳᠤ ᠣᠯᠠᠰᠢᠷᠠᠬᠤ ᠳᠤ
ᠪᠠᠭᠰᠢ ᠶᠢᠨ ᠵᠢᠳᠭᠦᠯ ᠱᠠᠳᠤ ᠪᠣᠯᠳᠠᠭ
ᠬᠠᠨᠢ ᠶᠢᠨ ᠰᠢᠪᠠᠨᠡᠭᠡ ᠬᠤᠩᠬᠤ ᠪᠣᠯᠳᠠᠭ
ᠬᠤᠯᠠ ᠶᠢᠨ ᠳᠡᠭ᠍ᠷᠢ ᠬᠠᠷᠠᠴᠠ ᠪᠣᠯᠳᠠᠭ
ᠬᠤᠷᠤ ᠡ ᠳᠤ ᠮᠥᠩᠭᠡᠷᠡᠭᠦ ᠶᠢᠨ ᠰᠢᠳᠢ ᠬᠠᠢ᠌ᠳᠠᠭ
ᠬᠤᠵᠢᠮ ᠤᠨ ᠬᠣᠢ᠌ᠨᠠ
ᠡᠨᠡ ᠠᠮᠢ
ᠣᠴᠢ ᠥᠰᠦᠷᠦᠭ᠍ᠰᠡᠨ ᠰᠢᠭ᠌ ᠣᠯᠠᠯᠵᠠᠨᠠ
ᠠᠭᠤᠯᠠ ᠪᠣᠰᠤᠭᠰᠠᠨ ᠰᠢᠭ ᠰᠦᠨᠳᠠᠷᠯᠠᠨᠠ
ᠣᠷᠤᠰᠬᠠᠯ ᠨᠡᠢ᠌ᠯᠡᠭ᠍ᠰᠡᠨ ᠰᠢᠭ᠌ ᠭᠦᠷᠭᠢᠷᠡᠨᠡ
ᠢᠰᠡᠭᠡᠢ ᠰᠤᠠᠵᠤ ᠡᠷᠡ ᠪᠣᠯᠤᠨᠠ
ᠳᠡᠭᠡᠭᠡᠳ
ᠣᠷᠴᠢᠯᠠᠩ ᠤᠨ ᠨᠢᠭᠡᠨ ᠭᠦᠢ ᠵᠠᠯᠭᠠᠭᠰᠠᠨ
ᠣᠭᠰᠠᠭᠠ ᠶᠢᠨ ᠬᠠᠯᠠᠭᠤᠨ ᠴᠢᠰᠤ ᠣᠷᠭᠢᠯᠤᠭᠤᠯᠤᠭᠰᠠᠨ
ᠡᠷᠭᠡᠰ ᠤᠨ ᠡᠵᠡᠨ ᠪᠣᠯᠬᠤ ᠪᠠᠷ ᠳᠦᠷᠠᠯᠵᠠᠨᠠ
ᠡᠨᠡ ᠦᠶᠡ ᠳᠤ ᠪᠠᠨ
ᠡᠨᠡ ᠠᠮᠢ
ᠡᠷᠭᠡ ᠠᠳᠬᠤᠭᠠᠤᠨ
ᠡᠴᠢᠭᠡ ᠪᠠᠨ ᠳᠠᠨᠢᠬᠤ ᠦᠭᠡᠶ ᠴᠤ ᠮᠠᠭᠠᠤᠨ
ᠣᠯᠵᠠ ᠳᠤ ᠰᠢᠨᠤᠭᠠᠤᠨ
ᠦᠪ ᠶᠢᠡᠨ ᠬᠠᠷᠠᠮᠨᠠᠬᠤ ᠦᠭᠡᠶ ᠴᠤ ᠮᠠᠭᠠᠤᠨ
ᠭᠡᠯᠡ ᠪᠠᠨ ᠭᠤᠯᠤᠭᠠᠤᠨ
ᠬᠠᠷᠢ ᠶᠢ ᠰᠢᠳᠦᠭᠦ ᠴᠤ ᠮᠠᠭᠠᠤᠨ
ᠬᠠᠨᠢ ᠪᠠᠨ ᠭᠤᠮᠤᠳᠠᠭᠠᠨ
ᠬᠤᠪᠢ ᠪᠠᠨ ᠯᠠ ᠪᠣᠷᠤᠯᠠᠭᠤᠯᠬᠤ ᠴᠤ ᠮᠠᠭᠠᠤᠨ
ᠲ᠋ᠡᠭᠡᠪᠠᠯ
ᠭᠦᠯ ᠳᠡᠭᠡᠷᠡ ᠪᠠᠨ ᠵᠤᠭᠰᠤᠨ
ᠪᠣᠰᠤᠭᠠ ᠵᠠᠢ ᠠᠪᠤᠨ ᠶᠠᠪᠣᠭᠰᠠᠨ ᠴᠤ
ᠭᠠᠷ ᠡᠷᠭᠢᠭᠦᠯᠵᠤ ᠰᠦᠷ ᠳᠠᠳᠠᠨ
ᠭᠦᠮᠤᠨ ᠤ ᠳᠤᠮᠳᠠ ᠨᠠᠷᠠ ᠡᠷᠭᠦᠨ ᠶᠠᠪᠣᠭᠰᠠᠨ ᠴᠤ
ᠰᠢᠠᠵᠢ ᠪᠠᠨ ᠪᠠᠷᠠᠨ ᠭᠤᠳᠤᠮᠰᠢᠭ ᠪᠣᠯᠤᠨᠠ
ᠴᠢᠨᠠᠷ ᠶᠢᠡᠨ ᠠᠯᠳᠠᠨ ᠴᠢᠳᠭᠦᠷ ᠪᠣᠯᠤᠨᠠ
ᠠᠮᠢ ᠪᠣᠯᠤᠭᠰᠠᠨ ᠤ ᠣᠤᠠᠬᠠ ᠶᠢ ᠭᠤᠳᠤᠭᠠᠨᠠ
ᠠᠮᠢᠳᠤᠷᠠᠯ ᠣᠯᠤᠭᠰᠠᠨ ᠤ ᠠᠭᠤᠯᠭᠠ ᠶᠢ ᠪᠣᠵᠠᠷᠳᠠᠭᠤᠯᠤᠨᠠ
ᠣᠳᠤᠮ ᠣᠭᠰᠠᠭᠠ ᠶᠢᠨ ᠳᠡᠦᠭᠡ ᠶᠢ ᠬᠠᠷᠠᠯᠠᠭᠤᠯᠤᠨᠠ
ᠡᠨᠡ ᠦᠶᠡ ᠡᠴᠡ
ᠪᠢᠳᠠ
ᠬᠠᠢ᠌ᠷᠠ ᠶᠢ ᠣᠬᠠᠭᠰᠠᠨ ᠭᠦᠤ ᠪᠣᠯᠤᠶᠠ
ᠬᠠᠷᠢᠭᠤᠴᠠᠯᠭᠠ ᠶᠢ ᠳᠠᠨᠢᠭᠰᠠᠨ ᠠᠪᠣ ᠪᠣᠯᠤᠶᠠ
ᠢᠴᠢᠭᠦᠷᠢ ᠶᠢ ᠮᠡᠳᠡᠭᠦ ᠠᠷᠠᠤᠨ ᠪᠣᠯᠤᠶᠠ
ᠶᠢᠷᠳᠢᠠᠴᠤ ᠶᠢ ᠥᠩᠭᠡᠯᠡᠭᠦ ᠣᠷᠠᠴᠢᠨ ᠪᠣᠯᠤᠶᠠ
ᠡᠭᠡᠯ ᠬᠠᠷᠠᠴᠤ ᠶᠢᠨ ᠳᠤᠭᠠᠨ ᠳᠤ ᠪᠠᠭᠳᠠᠭᠰᠠᠨ ᠴᠤ
ᠢᠨᠢᠶᠠᠳᠤᠨ ᠳᠤ ᠪᠠᠨ ᠮᠠᠰᠠ ᠦᠭᠡᠶ
ᠡᠷᠡᠭᠡᠢ ᠳᠤ ᠪᠠᠨ ᠨᠢᠭᠦᠯ ᠦᠭᠡᠶ
ᠡᠷᠡᠭᠦᠯ ᠴᠠᠭᠠᠨ ᠮᠦᠷ ᠲᠡᠶ ᠶᠠᠪᠣᠶᠠ
ᠠᠮᠢᠳᠤᠷᠠᠯ ᠠᠯᠠᠭ ᠲᠡᠶ ᠭᠡᠵᠤ
ᠠᠮᠠ ᠲᠡᠶ ᠪᠣᠯᠭᠠᠨ ᠶᠠᠷᠢᠳᠠᠭ ᠴᠤ
ᠠᠮᠢᠳᠤᠷᠠᠯ ᠤᠨ ᠠᠯᠠᠭ
ᠰᠡᠳᠭᠢᠯ ᠤᠨ ᠡᠷᠢᠶᠡᠨ ᠡᠴᠡ ᠪᠣᠢ ᠪᠣᠯᠳᠠᠭ ᠢ
ᠰᠠᠷᠠᠵᠤ ᠮᠡᠳᠡᠷᠡᠭ᠍ᠰᠡᠨ ᠠᠮᠢ ᠴᠥᠭᠡᠨ
ᠠᠮᠢᠳᠤᠷᠠᠯ ᠬᠠᠯᠠ ᠲᠡᠶ ᠭᠡᠵᠤ
ᠭᠡᠯᠡ ᠲᠡᠶ ᠪᠣᠯᠭᠠᠨ ᠮᠡᠷᠭᠡᠯᠡᠳᠡᠭ᠌ ᠴᠤ
ᠠᠯᠢᠪᠠ ᠪᠠᠨ ᠠᠮᠢᠳᠤᠷᠠᠯ ᠳᠤ ᠡᠷᠭᠦᠭ᠍ᠰᠡᠳ ᠢ
ᠠᠮᠢᠳᠤᠷᠠᠯ ᠢᠨᠢᠶᠠᠳᠤ ᠪᠠᠷ ᠱᠠᠩᠨᠠᠳᠠᠭ ᠭᠡᠵᠤ
ᠣᠬᠠᠵᠤ ᠳᠠᠨᠢᠭᠰᠠᠨ ᠠᠮᠢ ᠭᠡᠳᠦᠭᠡᠨ
ᠠᠯᠳᠠᠨ ᠠᠮᠢ᠂ ᠠᠷᠢᠭᠤᠨ ᠠᠮᠢᠳᠤᠷᠠᠯ ᠬᠤᠶᠠᠷ
ᠣᠴᠢ ᠮᠠᠳᠤ ᠣᠯᠠᠯᠵᠠᠵᠤ
ᠣᠳᠤ ᠰᠢᠭ ᠭᠢᠯᠠᠯᠵᠠᠬᠤ ᠳᠤ ᠪᠠᠨ ᠳᠠᠭᠠᠷᠠᠨᠠ
ᠠᠯᠳᠠᠨ ᠠᠮᠢ᠂ ᠠᠷᠢᠭᠤᠨ ᠠᠮᠢᠳᠤᠷᠠᠯ ᠬᠤᠶᠠᠷ
ᠣᠳ᠋ᠪᠠᠯᠠ ᠠᠳᠠᠯᠢ ᠳᠡᠯᠭᠡᠷᠡᠵᠤ
ᠣᠷᠤᠰᠬᠠᠯ ᠭᠡᠮᠡᠷ ᠣᠠᠳᠤᠷᠬᠤ ᠳᠤ ᠪᠠᠨ ᠵᠦᠢ᠌
ᠠᠯᠳᠠᠨ ᠠᠮᠢ ᠪᠠᠨ ᠬᠠᠢ᠌ᠷᠠᠯᠠᠪᠠᠯ
ᠠᠷᠢᠭᠤᠨ ᠠᠮᠢᠳᠤᠷᠠᠯ ᠢ ᠪᠦᠳᠦᠭᠡ
ᠠᠷᠢᠭᠤᠨ ᠠᠮᠢᠳᠤᠷᠠᠯ ᠤᠨ ᠭᠦᠷᠦᠰᠤᠨ ᠳ᠋ᠤ
ᠠᠯᠳᠠᠨ ᠠᠮᠢ ᠭᠡᠵᠢᠶᠡᠳᠡ ᠵᠤᠯᠭᠠᠷᠠᠬᠤ ᠥᠭᠡᠢ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠣᠷᠭᠢᠯᠤᠮᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2637
ᠴᠠᠭ᠄ 2011 ᠤᠨ ᠤ 06 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ