☆ ᠳᠠᠩᠨᠤᠳ ᠬᠠᠢ᠌ᠬᠤ
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠣᠪᠣᠭᠠ ᠶᠢᠨ ᠳᠠᠭᠢᠯᠭᠠ
ᠡᠷᠳᠡ ᠣᠵᠠᠭᠤᠷ ᠦᠶᠡ ᠡᠴᠡ ᠠᠪᠣᠭᠠᠤᠨ ᠳᠡᠭ᠍ᠷᠢ ᠡᠴᠢᠭᠡᠳᠤ ᠮᠤᠩᠭ᠋ᠤᠯᠴᠤᠳ ᠮᠠᠨᠢ ᠦᠨᠳᠦᠷ ᠭᠠᠵᠠᠷ ᠰᠢᠳᠦᠭᠡᠨ ᠣᠪᠣᠭᠠ ᠪᠠᠨ ᠪᠣᠰᠬᠠᠵᠤ ᠡᠴᠢᠭᠡ ᠳᠡᠭ᠍ᠷᠢ ᠲᠡᠶ ᠪᠠᠨ ᠬᠠᠷᠢᠴᠠᠨ᠂ ᠦᠷᠭᠡᠨ ᠳᠠᠯᠠ ᠳᠤ ᠮᠤᠩᠭ᠋ᠤᠯ ᠭᠡᠷ ᠶᠢᠡᠨ ᠪᠠᠢ᠌ᠭᠤᠯᠵᠤ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠶᠢᠡᠨ ᠡᠷᠭᠢᠯᠡᠭᠡᠳ ᠭᠦᠯᠦᠭ᠌ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠭᠦᠮᠤᠨ ᠤ ᠶᠢᠷᠳᠢᠠᠴᠤ ᠶᠢ ᠬᠤᠷᠢᠶᠠᠵᠤ ᠶᠠᠪᠣᠭᠰᠠᠨ ᠢᠷᠠᠭᠤ ᠠᠯᠳᠠᠷᠳᠤ ᠳᠡᠦᠭᠡ ᠲᠡᠶ ᠶᠤᠮ᠃
ᠣᠪᠣᠭᠠ ᠪᠣᠯ ᠮᠤᠩᠭ᠋ᠤᠯᠴᠤᠳ ᠤᠨ ᠡᠷᠳᠡ ᠢᠵᠠᠭᠤᠷ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠣᠯᠠᠮᠵᠢᠯᠠᠭᠰᠠᠨ ᠵᠥᠭ᠌ ᠴᠢᠭᠯᠡᠯ᠂ ᠠᠭᠤᠯᠠ ᠣᠰᠤᠨ ᠤ ᠬᠠᠭᠤᠯᠪᠣᠷᠢ᠂ ᠭᠤᠤ ᠭᠠᠩᠭ᠋ᠠ᠂ ᠪᠠᠷᠭᠡ ᠪᠠᠷᠳᠠᠭᠠᠨ ᠤ ᠳᠡᠮᠳᠡᠭ᠌ ᠶᠤᠮ᠂ ᠮᠦᠨ ᠴᠤ ᠮᠤᠩᠭ᠋ᠤᠯᠴᠤᠳ ᠤᠨ ᠦᠨᠢ ᠣᠳᠠᠭᠠᠨ ᠤ ᠳᠡᠭ᠍ᠷᠢ ᠭᠠᠵᠠᠷ᠂ ᠣᠰᠤ ᠯᠤᠤᠰ᠂ ᠪᠣᠷᠬᠠᠨ ᠰᠠᠭᠢᠭᠤᠯᠰᠤᠨ ᠳᠤ ᠳᠠᠭᠢᠯ ᠳᠠᠪᠢᠭ ᠡᠷᠭᠦᠳᠡᠭ᠌ ᠶᠠᠠᠳᠠᠷ ᠪᠣᠯᠤᠨᠠ᠃ ᠮᠤᠩᠭ᠋ᠤᠯᠴᠤᠳ ᠤᠨ ᠡᠷᠳᠡᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠠᠭᠤᠯᠠ ᠣᠰᠤ᠂ ᠪᠠᠷᠭᠡ ᠪᠠᠷᠳᠠᠭᠠ᠂ ᠭᠠᠳᠠᠭᠠ ᠪᠠᠷ ᠵᠤᠷᠴᠢᠬᠤ ᠳᠤ ᠪᠠᠨ ᠭᠡᠳᠤᠨ ᠴᠢᠯᠠᠭᠤ ᠮᠤᠳᠤ ᠣᠪᠣᠭᠠᠯᠠᠵᠤ ᠳᠡᠮᠳᠡᠭ᠌ ᠳᠠᠯᠪᠢᠳᠠᠭ ᠪᠠᠢ᠌ᠵᠠᠢ᠃ ᠪᠠᠰᠠ ᠳᠡᠭ᠍ᠷᠢ ᠭᠠᠵᠠᠷ ᠪᠣᠶᠤ ᠪᠠᠢ᠌ᠭᠠᠯᠢ ᠶᠢᠨ ᠶᠠᠩᠵᠤ ᠪᠦᠷᠢ ᠶᠢᠨ ᠥᠵᠡᠭ᠍ᠳᠡᠯ ᠢ ᠡᠯᠳᠡᠪ ᠶᠢᠡᠷ ᠳᠠᠭᠠᠭᠠᠮᠠᠭᠯᠠᠵᠤ᠂ ᠳᠡᠭᠦᠨ ᠢ ᠪᠦᠷ ᠨᠢᠭᠤᠴᠠ ᠳᠠᠯᠳᠠ ᠶᠢᠨ ᠷᠢᠳᠢ ᠰᠢᠳᠢ ᠲᠡᠶ ᠡᠵᠡᠳ ᠰᠠᠭᠢᠭᠤᠯᠰᠤᠨ ᠲᠡᠶ ᠭᠡᠵᠤ ᠳᠦᠰᠦᠭᠡᠯᠡᠵᠤ ᠢᠳᠡᠭᠡᠭᠡᠳ ᠭᠡᠳᠤᠨ ᠴᠢᠯᠠᠭᠤ ᠣᠪᠣᠭᠠᠯᠠᠵᠤ ᠪᠠᠯᠠᠷᠯᠢᠭ ᠦᠶᠡ ᠶᠢᠨ ᠳᠠᠭᠢᠯ ᠮᠦᠷᠭᠦᠯ ᠣᠢ᠌ᠯᠠᠳᠴᠤ ᠪᠠᠢ᠌ᠵᠠᠢ᠃ ᠢᠩᠭᠢᠭᠡᠳ ᠡᠨᠡᠭᠦ ᠣᠪᠣᠭᠠ ᠨᠢ ᠮᠤᠩᠭ᠋ᠤᠯᠴᠤᠳ ᠤᠨ ᠳᠡᠭ᠍ᠷᠢ᠂ ᠭᠠᠵᠠᠷ᠂ ᠯᠤᠤᠰ ᠢ ᠰᠢᠳᠤᠵᠤ ᠳᠠᠭᠢᠬᠤ ᠶᠠᠠᠳᠠᠷ ᠪᠣᠯᠵᠠᠢ᠃ ᠮᠤᠩᠭ᠋ᠤᠯᠴᠤᠳ ᠤᠨ ᠣᠪᠣᠭᠠ ᠳᠠᠭᠢᠯᠭᠠ ᠪᠣᠯ ᠮᠦᠨ ᠴᠤ ᠠᠭᠤᠯᠠ ᠬᠠᠢ᠌ᠷᠬᠠᠨ᠂ ᠭᠤᠤᠯ ᠣᠰᠤ᠂ ᠡᠪᠠᠰᠤ ᠮᠤᠳᠤ ᠪᠠᠨ ᠬᠠᠢ᠌ᠷᠠᠯᠠᠨ ᠬᠠᠮᠠᠭᠠᠯᠠᠭᠰᠠᠨ ᠴᠢᠬᠤᠯᠠ ᠠᠵᠢᠯᠯᠠᠭᠠᠨ ᠪᠣᠯᠬᠤ ᠶᠤᠮ᠃ ᠮᠤᠩᠭ᠋ᠤᠯᠴᠤᠳ ᠤᠨ ᠣᠪᠣᠭᠠ ᠪᠣᠰᠬᠠᠵᠤ ᠳᠠᠭᠢᠯ ᠳᠠᠪᠢᠭ ᠡᠷᠭᠦᠳᠡᠭ᠌ ᠵᠠᠩ ᠣᠢ᠌ᠯᠠ ᠭᠡᠳᠤᠨ ᠮᠢᠩᠭ᠋ᠠᠨ ᠵᠢᠯ ᠤᠨ ᠳᠡᠦᠭᠡ ᠲᠡᠶ ᠪᠣᠯᠵᠠᠢ᠃ ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠡᠯᠡ ᠬᠤᠰᠢᠭᠤᠳ ᠦᠪᠡᠷ ᠦᠪᠡᠷ ᠤᠨ ᠣᠪᠣᠭᠠ ᠲᠡᠶ ᠪᠠᠷ ᠪᠠᠷᠠᠬᠤ ᠦᠭᠡᠶ᠂ ᠡᠯᠡ ᠰᠤᠮᠤ ᠪᠠᠯᠭᠠᠰᠤ ᠠᠢ᠌ᠯ ᠳᠤᠰᠬᠤᠨ ᠨᠢ ᠴᠤ ᠣᠪᠣᠭᠠ ᠲᠡᠶ ᠪᠠᠢ᠌ᠳᠠᠭ᠃
ᠣᠪᠣᠭᠠ ᠳᠠᠭᠢᠯᠭᠠ ᠪᠣᠯ ᠪᠦᠭᠡ ᠶᠢᠨ ᠱᠠᠰᠢᠨ ᠢ ᠰᠢᠳᠦᠳᠡᠭ᠌ ᠮᠤᠩᠭ᠋ᠤᠯᠴᠤᠳ ᠤᠨ ᠣᠵᠠᠭᠤᠷ ᠰᠤᠶᠤᠯ ᠮᠦᠨ᠃ ᠮᠤᠩᠭ᠋ᠤᠯᠴᠤᠳ ᠳᠡᠭ᠍ᠷᠢ᠂ ᠭᠠᠵᠡᠷ᠂ ᠯᠤᠦᠰ ᠢ ᠭᠤᠷᠪᠠᠨ ᠶᠢᠷᠳᠢᠠᠴᠤ ᠭᠡᠵᠤ ᠭᠦᠡᠳᠦᠳᠭᠡᠨ ᠰᠢᠳᠦᠭᠦ ᠪᠦᠭᠡᠳ ᠬᠠᠮᠤᠭ ᠴᠢᠬᠤᠯᠠ ᠨᠢ ᠳᠡᠭ᠍ᠷᠢ ᠶᠢ 《ᠮᠥᠩᠭᠡ ᠳᠡᠭ᠍ᠷᠢ ᠶᠢᠨ ᠭᠦᠴᠦᠡ ᠲ᠋ᠦᠷ ᠁》 ᠭᠡᠵᠤ ᠰᠢᠳᠦᠳᠡᠭ᠌ ᠨᠢ ᠮᠦᠨ ᠴᠤ ᠪᠦᠭᠡ ᠶᠢᠨ ᠱᠠᠰᠢᠨ ᠲᠡᠶ ᠰᠢᠭᠤᠳ ᠬᠤᠯᠪᠣᠭᠳᠠᠨᠠ᠃ ᠪᠦᠭᠡ ᠶᠢ ᠳᠡᠭ᠍ᠷᠢ ᠶᠢᠨ ᠡᠯᠴᠢ᠂ ᠳᠡᠭ᠍ᠷᠢ ᠪᠠ ᠭᠦᠮᠤᠨ ᠤ ᠬᠤᠭᠤᠷᠤᠠᠳᠤᠭᠢ ᠵᠠᠭᠤᠴᠢ ᠭᠡᠵᠤ ᠥᠵᠡᠳᠡᠭ᠌᠃ ᠪᠦᠭᠡ ᠶᠢᠨ ᠥᠭᠡ ᠪᠣᠯ ᠳᠠᠷᠤᠢ ᠠᠯᠢᠪᠠ ᠶᠢ ᠪᠦᠳᠦᠭᠡᠭ᠍ᠴᠢ ᠳᠡᠭ᠍ᠷᠢ ᠶᠢᠨ ᠲᠦᠯᠦᠭᠡᠯᠡᠭ᠍ᠰᠡᠨ ᠥᠭᠡ ᠭᠡᠨᠡ᠃ ᠳᠤᠬᠠᠢ ᠶᠢᠨ ᠦᠶᠡ ᠶᠢᠨ ᠪᠦᠭᠡ ᠪᠣᠯ ᠭᠦᠮᠦᠰ ᠤᠨ ᠰᠡᠳᠭᠢᠯ ᠳᠤ ᠬᠠᠮᠤᠭ ᠪᠢᠰᠢᠷᠡᠭᠦᠰᠢᠳᠡᠢ ᠶᠡᠭᠡ ᠡᠷᠳᠡᠮᠳᠡᠨ ᠮᠦᠨ᠃ ᠳᠡᠳᠡᠭᠡᠷ ᠠᠯᠳᠠᠷ ᠭᠦᠡᠳᠦᠳᠡᠢ ᠪᠦᠭᠡ ᠨᠡᠷ ᠨᠢ ᠡᠪᠡᠳᠴᠢᠨ ᠥᠵᠡᠭᠦ᠂ ᠵᠠᠶᠠᠭᠠ ᠪᠣᠳᠤᠬᠤ᠂ ᠲᠦᠯᠭᠡ ᠥᠵᠡᠭᠦ ᠪᠠ ᠡᠳᠦᠷ ᠥᠵᠡᠭᠦ᠂ ᠣᠳᠤᠨ ᠣᠷᠤᠨ᠂ ᠨᠠᠷᠠᠨ ᠰᠠᠷᠠᠨ ᠤ ᠪᠠᠢ᠌ᠳᠠᠯ ᠢ ᠰᠢᠡᠵᠢᠭᠦ ᠬᠠᠷᠢᠭᠤᠴᠠᠯᠭᠠ ᠲᠡᠶ ᠪᠠᠢ᠌ᠵᠠᠢ᠃ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠨᠥᠯᠦᠭᠡ ᠶᠢ ᠭᠦᠨ ᠭᠦᠷᠳᠡᠭ᠍ᠰᠡᠨ ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠲᠦᠮᠡᠨ ᠪᠣᠳᠠᠰ ᠢ ᠪᠦᠷ ᠰᠥᠭ᠌ ᠰᠦᠨᠠᠰᠤ ᠲᠡᠶ᠂ ᠭᠡᠵᠤ ᠪᠦᠷ ᠨᠠᠪᠳᠠᠭ ᠰᠢᠪᠳᠠᠭ ᠣᠷᠤᠰᠢᠵᠤ ᠭᠦᠮᠤᠨ ᠠᠮᠢᠳᠠᠨ ᠤ ᠭᠦᠭ᠍ᠵᠢᠯ ᠪᠠᠳᠠᠷᠠᠯ ᠢ ᠢᠪᠠᠭᠡᠨ ᠰᠤᠶᠤᠷᠬᠠᠵᠤ᠂ ᠭᠡᠮᠵᠢᠶᠡᠯᠡᠰᠢ ᠦᠭᠡᠶ ᠳᠠᠷᠬᠠᠨ ᠣᠩᠭ᠋ᠤᠨ ᠷᠢᠳᠢ ᠰᠢᠳᠢ ᠲᠡᠶ ᠭᠡᠵᠤ ᠰᠢᠳᠤᠨ ᠪᠢᠰᠢᠷᠡᠭᠡᠳ᠂ ᠬᠤᠯᠠ ᠶᠢᠨ ᠪᠠᠷᠠ ᠭᠦᠢᠴᠡᠳ ᠬᠠᠷᠠᠭᠳᠠᠬᠤ ᠦᠨᠳᠦᠷ ᠭᠠᠵᠠᠷ᠂ ᠠᠭᠤᠯᠠ ᠭᠦᠳᠦᠯ᠂ ᠵᠠᠮ ᠤᠨ ᠠᠭᠤᠯᠵᠠᠭᠤᠷ᠂ ᠡᠭᠡᠷᠡᠮᠡ ᠳᠠᠯᠠ ᠳᠡᠭᠡᠷᠡ ᠣᠪᠣᠭᠠ ᠪᠣᠰᠬᠠᠭᠠᠤᠨ ᠳᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠡᠵᠡᠳ ᠰᠠᠭᠢᠭᠤᠯᠰᠤᠨ ᠢ ᠣᠠᠴᠠᠯᠠᠨ ᠭᠦᠡᠳᠦᠳᠭᠡᠨ ᠳᠠᠭᠢᠳᠠᠭ᠃
ᠨᠢᠭᠡ᠂ ᠣᠪᠣᠭᠠᠨ ᠳᠠᠭᠢᠯᠭᠠ ᠶᠢᠨ ᠶᠤᠰᠤᠨ ᠤ ᠡᠭᠦᠰᠦᠯ
ᠡᠷᠳᠡ ᠣᠵᠠᠭᠤᠷ ᠡᠴᠡ ᠮᠤᠩᠭ᠋ᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠨᠡᠷ ᠣᠷᠤᠰᠢᠯ ᠨᠤᠳᠤᠭ᠂ ᠭᠤᠯᠤᠮᠳᠠ ᠭᠠᠵᠠᠷ ᠳᠡᠭᠡᠷᠡ ᠪᠠᠨ ᠦᠶᠡ ᠶᠢᠨ ᠦᠶᠡ᠂ ᠠᠴᠢ ᠶᠢᠨ ᠠᠴᠢ ᠳᠤ ᠠᠵᠤ ᠳᠦᠷᠤᠨ ᠠᠮᠢᠳᠤᠷᠠᠨ ᠣᠷᠤᠰᠢᠬᠤ ᠳᠤ ᠪᠠᠨ ᠠᠭᠤᠯᠠ ᠬᠠᠢ᠌ᠷᠬᠠᠨ ᠤ ᠡᠵᠡᠳ ᠰᠠᠭᠢᠭᠤᠯᠰᠤᠨ᠂ ᠭᠠᠵᠠᠷ ᠣᠰᠤᠨ ᠤ ᠨᠠᠪᠳᠠᠭ ᠰᠢᠪᠳᠠᠭ ᠶᠢᠡᠨ ᠡᠷᠡᠭᠦᠯ ᠡᠩᠭᠡ᠂ ᠥᠭᠡᠳᠡᠯᠡᠯ ᠳᠡᠭ᠍ᠵᠢᠷᠡᠯ᠂ ᠰᠠᠢ᠌ᠨ ᠰᠠᠢ᠌ᠬᠠᠨ ᠦᠮᠦᠭ᠌ ᠳᠦᠰᠢᠭ᠌ ᠭᠡᠵᠤ ᠦᠵᠡᠨ ᠳᠠᠰᠤᠷᠠᠯᠳᠠ ᠦᠭᠡᠶ ᠳᠠᠭᠢᠵᠤ ᠪᠠᠢ᠌ᠭᠰᠠᠨ ᠮᠦᠷ ᠣᠯᠪᠠᠭᠠ ᠨᠢ ᠳᠡᠦᠭᠡᠨ ᠰᠤᠷᠪᠣᠯᠵᠢ ᠪᠢᠴᠢᠭ᠌ ᠤᠳ ᠲᠤ ᠬᠠᠶᠠ ᠦᠭᠡᠶ ᠬᠠᠷᠠᠭᠳᠠᠵᠤ ᠪᠠᠢ᠌ᠨᠠ᠃ 《ᠰᠤᠳᠤᠷ ᠳᠡᠮᠳᠡᠭᠯᠡᠯ᠂ ᠾᠦᠩᠨᠤ ᠶᠢᠨ ᠨᠠᠮᠳᠠᠷ》 ᠲᠤ 《ᠳᠠᠪᠣᠳᠤᠭᠠᠷ ᠰᠠᠷᠠ ᠳᠤ ᠯᠤᠩᠴᠸᠩ ᠬᠤᠳᠠ ᠳᠤ ᠶᠡᠭᠡ ᠴᠢᠭᠤᠯᠭᠠᠨ ᠪᠣᠯᠵᠤ ᠳᠠᠳᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠳᠡᠭ᠍ᠷᠢ ᠭᠠᠵᠠᠷ ᠣᠷᠤᠨ ᠰᠠᠭᠢᠭᠤᠯᠰᠤᠨ ᠶᠢᠠᠨ ᠳᠠᠭᠢᠮᠤᠢ》 ᠭᠡᠵᠡᠢ᠃ 《ᠵᠡᠭᠦᠨ ᠬᠠᠨ ᠣᠯᠤᠰ ᠤᠨ ᠪᠢᠴᠢᠭ᠌》 ᠲᠤ 《ᠾᠦᠩᠨᠤᠴᠤᠳ ᠴᠠᠭᠠᠨ ᠰᠠᠷᠠ᠂ ᠳᠠᠪᠤᠨ ᠰᠠᠷᠠ᠂ ᠶᠢᠰᠤᠨ ᠰᠠᠷᠠ ᠳᠤ ᠴᠢᠭᠤᠯᠭᠠᠨ ᠪᠣᠯᠵᠤ ᠳᠠᠭᠢᠯᠭᠠ ᠭᠢᠭᠦ ᠳᠤ ᠪᠠᠨ ᠮᠤᠷᠢ ᠳᠠᠪᠭᠢᠭᠤᠯᠵᠤ᠂ ᠳᠡᠮᠡᠭᠡ ᠣᠷᠤᠯᠳᠤᠭᠤᠯᠳᠠᠭ》 ᠭᠡᠵᠡᠢ᠃ ᠳᠠᠩ ᠣᠯᠤᠰ ᠤᠨ ᠶᠡᠭᠡ ᠡᠷᠳᠡᠮᠳᠡᠨ ᠶᠠᠨ ᠰᠢ ᠭᠦ᠋ ᠾᠦᠩᠨᠤ ᠶᠢᠨ ᠵᠠᠩᠰᠢᠯ ᠢ ᠳᠠᠢ᠌ᠯᠪᠣᠷᠢᠯᠠᠬᠤ ᠳᠤ ᠪᠠᠨ 《ᠮᠤᠳᠤᠨ ᠦᠭᠡᠶ ᠪᠣᠯᠪᠠᠰᠤ ᠣᠳᠠ ᠪᠣᠷᠭᠠᠰᠤᠨ ᠤ ᠨᠠᠮᠠᠭᠠ ᠶᠢ ᠬᠠᠳᠬᠤᠵᠤ ᠣᠷᠤᠯᠠᠭᠤᠯᠮᠤᠢ᠂ ᠣᠯᠠᠨ ᠮᠤᠷᠢᠳᠠᠨ ᠭᠤᠷᠪᠠᠠᠳᠠ ᠳᠤᠭᠤᠷᠢᠭᠰᠠᠨ ᠤ ᠰᠡᠭᠦᠯᠡᠷ ᠵᠤᠭᠰᠤᠮᠤᠢ᠂ ᠡᠨᠡ ᠪᠣᠯᠪᠠᠰᠤ ᠳᠠᠳᠠᠨ ᠤ ᠣᠯᠠᠮᠵᠢᠯᠠᠯᠳᠤ ᠵᠠᠩᠰᠢᠯ ᠪᠤᠯᠦᠮᠦᠢ》 ᠭᠡᠵᠡᠢ᠃ 《ᠮᠠᠷᠺᠦ ᠫᠣᠯᠤ ᠶᠢᠨ ᠠᠶᠠᠯᠠᠯ ᠤᠨ ᠳᠡᠮᠳᠡᠭᠯᠡᠯ》 ᠳ᠋ᠤ 《ᠳᠠᠳᠠ ᠪᠠᠰᠠ ᠨᠢᠭᠡ ᠨᠠᠳᠠᠭᠠᠢ ᠭᠡᠮᠡᠭᠦ ᠰᠠᠭᠢᠭᠤᠯᠰᠤᠨ ᠢ ᠳᠠᠭᠢᠮᠤᠢ᠃ ᠳᠡᠭᠦᠨ ᠤ ᠳᠦᠷᠢ ᠶᠢ ᠢᠨᠤ ᠢᠰᠡᠭᠡᠢ ᠪᠣᠶᠤ ᠡᠰᠡᠭᠦᠯᠡ ᠪᠦᠰ ᠮᠠᠳᠤᠰ ᠤᠨ ᠶᠠᠭᠤᠮᠠ ᠪᠠᠷ ᠪᠦᠳᠦᠭᠡᠵᠤ᠂ ᠠᠢ᠌ᠯ ᠪᠣᠯᠭᠠᠨ ᠳᠠᠭᠢᠵᠤ ᠠᠮᠤᠢ᠃ ᠳᠠᠳᠠ ᠡᠨᠡ ᠰᠠᠭᠢᠭᠤᠯᠰᠤᠨ ᠶᠢᠡᠨ ᠳᠠᠳᠠᠨ ᠤ ᠦᠷᠡ ᠭᠦᠪᠠᠭᠦᠤᠨ ᠢ ᠬᠠᠮᠠᠭᠠᠯᠠᠨ ᠰᠠᠭᠢᠵᠤ ᠪᠦᠭᠡᠳ ᠢᠯᠡᠩᠭ᠋ᠦᠶᠡ ᠭᠠᠵᠠᠷ ᠨᠤᠳᠤᠭ᠂ ᠮᠠᠯ ᠳᠡᠵᠢᠭᠡᠪᠦᠷᠢ᠂ ᠳᠠᠷᠢᠶᠠ ᠲᠦᠮᠦᠰᠦ ᠶᠢ ᠰᠠᠭᠢᠨ ᠬᠠᠷᠠᠮᠤᠢ ᠭᠡᠮᠡᠮᠦᠢ》 ᠭᠡᠵᠡᠢ᠃ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠴᠢᠩᠭᠢᠰ ᠬᠠᠭᠠᠨ ᠪᠣᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ ᠶᠢ ᠰᠢᠳᠤᠵᠤ ᠳᠠᠭᠢᠵᠤ ᠪᠠᠢ᠌ᠭᠰᠠᠨ ᠢ ᠳᠡᠮᠳᠡᠭᠯᠡᠭᠦ ᠳᠡᠭᠡᠨ
ᠬᠠᠯᠳᠤᠨ ᠠᠭᠤᠯᠠᠨ ᠳᠤ ᠨᠢᠭᠤᠭᠳᠠᠵᠤ
ᠬᠠᠷᠢᠶᠠᠴᠠᠢ ᠶᠢᠨ ᠳᠠᠳᠤᠢ ᠠᠮᠢ ᠪᠠᠨ
ᠬᠠᠯᠬᠠᠯᠠᠨ ᠭᠠᠷᠪᠠ᠃
ᠮᠠᠰᠢ ᠠᠶᠤᠵᠤ
ᠶᠡᠭᠡ ᠰᠠᠠᠳᠤᠷᠪᠠ᠃
ᠪᠣᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ ᠶᠢ
ᠦᠷᠯᠦᠭᠡ ᠪᠦᠷᠢ ᠮᠢᠯᠢᠶᠠᠶᠠ
ᠡᠳᠦᠷ ᠪᠦᠷᠢ ᠦᠴᠢᠶᠠ
ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ
ᠦᠨᠢᠳᠠ ᠳᠠᠭᠢᠶᠠ ᠭᠡᠵᠡᠢ᠃ ᠢᠩᠭᠢᠵᠤ ᠳᠠᠭᠠᠳᠬᠠᠬᠤ ᠳᠤ ᠪᠠᠨ ᠪᠦᠰ ᠶᠢᠡᠨ ᠭᠦᠵᠦᠭᠦᠨ ᠳᠡᠭᠡᠨ ᠡᠭᠡᠯᠳᠦᠷᠭᠡᠯᠡᠵᠤ᠂ ᠮᠠᠯᠠᠭᠠᠢ ᠪᠠᠨ ᠭᠠᠷ ᠲᠤ ᠪᠠᠨ ᠰᠡᠭᠡᠯᠳᠦᠷᠭᠡᠯᠡᠵᠤ᠂ ᠭᠠᠷ ᠶᠢᠡᠷ ᠶᠢᠡᠨ ᠡᠪᠴᠢᠭᠦᠤ ᠪᠠᠨ ᠳᠠᠷᠤᠵᠤ᠂ ᠨᠠᠷᠠ ᠥᠭᠡᠳᠡ ᠬᠠᠠᠳᠤᠨ ᠰᠥᠭᠦᠳᠴᠤ᠂ ᠶᠢᠰᠤᠠᠳᠠ ᠮᠦᠷᠭᠦᠵᠤ ᠰᠠᠷᠵᠢᠮ ᠡᠷᠭᠦᠨ ᠵᠠᠯᠪᠢᠷᠠᠳᠠᠭ᠃ ᠯᠤᠪᠰᠠᠩᠴᠣᠢ᠌ᠳᠠᠨ 《ᠮᠤᠩᠭ᠋ᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠣᠢ᠌ᠯᠠᠪᠣᠷᠢ》 ᠳ᠋ᠤ ᠪᠠᠨ 《ᠣᠪᠣᠭᠠ ᠳᠠᠭᠢᠭᠰᠠᠨ ᠣᠴᠢᠷ ᠪᠣᠯᠪᠠᠰᠤ ᠶᠡᠭᠡ ᠡᠷᠳᠡ ᠴᠠᠭ ᠳᠡᠭ᠍ᠷᠢ ᠶᠢ ᠰᠢᠳᠤᠵᠤ ᠠᠭᠤᠯᠠ ᠣᠰᠤᠨ ᠳᠤᠷ ᠠᠯᠢᠪᠠ ᠶᠢ ᠳᠠᠭᠠᠳᠬᠠᠨ ᠶᠠᠪᠣᠵᠤ ᠪᠠᠢ᠌ᠭᠰᠠᠨ ᠴᠠᠭ᠂ ᠣᠯᠠᠨ ᠡᠳᠦᠷ ᠴᠢᠭᠤᠯᠭᠠᠨ ᠪᠣᠯᠵᠤ ᠠᠭᠤᠯᠠ ᠪᠣᠶᠤ ᠶᠡᠭᠡ ᠮᠦᠷᠠᠨ ᠭᠤᠤᠯ ᠡᠰᠡ ᠪᠦᠭᠡᠰᠤ ᠶᠡᠭᠡ ᠨᠠᠭᠤᠷ ᠪᠣᠢ᠂ ᠡᠳᠡᠭᠡᠷ ᠭᠠᠵᠠᠷ ᠢ ᠰᠤᠩᠭ᠋ᠤᠵᠤ ᠳᠠᠭᠢᠯᠭᠠ ᠶᠢᠨ ᠣᠷᠤᠨ ᠪᠣᠯᠭᠠᠵᠤ ᠶᠡᠭᠡ ᠭᠦᠡᠳᠦᠳᠭᠡᠮᠦᠢ》 ᠭᠡᠰᠡᠨ ᠪᠠᠢ᠌ᠨᠠ᠃ ᠬᠠᠯᠬᠠ ᠳ᠋ᠠᠭᠢ ᠭᠡᠷᠦᠯᠤᠨ ᠮᠦᠷᠠᠨ ᠤ ᠪᠠᠶᠠᠨ ᠣᠯᠠᠭᠠᠨ ᠤ ᠣᠷᠭᠢᠯ ᠳᠡᠭᠡᠷᠡ ᠴᠢᠩᠭᠢᠰ ᠬᠠᠭᠠᠨ ᠤ ᠬᠤᠷᠢᠨ ᠳᠤᠯᠤᠭᠠᠨ ᠨᠠᠰᠤᠳᠠᠢ ᠳᠤ ᠪᠠᠨ ᠬᠠᠭᠠᠨ ᠣᠷᠤ ᠰᠠᠭᠤᠭᠰᠠᠨ ᠶᠢᠡᠨ ᠪᠠᠯᠭᠡᠳᠡᠵᠤ ᠪᠣᠰᠬᠠᠭᠰᠠᠨ ᠬᠤᠷᠢᠨ ᠳᠤᠯᠤᠭᠠᠨ ᠣᠪᠣᠭᠠ ᠨᠢ ᠣᠳᠤ ᠪᠣᠯᠳᠠᠯᠠ ᠣᠤᠯ ᠭᠡᠪ ᠶᠢᠡᠷ ᠶᠢᠡᠨ ᠪᠠᠢ᠌ᠭᠰᠠᠭᠠᠷ ᠭᠡᠨᠡ᠃ ᠡᠳᠡᠭᠡᠷ ᠳᠡᠦᠭᠡᠨ ᠰᠤᠷᠪᠣᠯᠵᠢ ᠳᠡᠮᠳᠡᠭᠯᠡᠯ ᠡᠴᠡ ᠪᠢᠳᠠ ᠣᠪᠣᠭᠠᠨ ᠳᠠᠭᠢᠯᠭᠠ ᠶᠢᠨ ᠶᠤᠰᠤᠨ ᠤ ᠡᠭᠦᠰᠦᠯ ᠴᠠᠭ ᠦᠶᠡ ᠶᠢ ᠲ᠋ᠤᠯᠤᠭᠠ᠂ ᠨᠢ᠋ᠮᠠᠳᠤᠭᠠᠷ ᠵᠠᠭᠤᠨ ᠭᠡᠭᠦ ᠪᠣᠶᠤ ᠡᠭᠦᠨ ᠡᠴᠡ ᠨᠠᠩ ᠡᠷᠳᠡ ᠦᠶᠡ ᠳᠤ ᠴᠤ ᠪᠠᠢ᠌ᠵᠤ ᠮᠠᠳᠠᠨᠠ ᠭᠡᠵᠤ ᠣᠢ᠌ᠯᠠᠭᠠᠬᠤ ᠪᠦᠭᠡᠳ ᠣᠪᠣᠭᠠ ᠪᠣᠰᠬᠠᠵᠤ ᠳᠠᠭᠢᠳᠠᠭ ᠤᠨ ᠰᠠᠨᠠᠭᠠ ᠵᠤᠷᠢᠯᠭᠠ ᠶᠢ ᠴᠤ ᠶᠡᠭᠡ ᠲᠦᠯᠤᠪ ᠦᠵᠡᠨ ᠭᠠᠷᠴᠠᠢ᠃
ᠬᠤᠶᠠᠷ᠂ ᠣᠪᠣᠭᠠᠨ ᠤ ᠳᠦᠷᠤᠯ ᠵᠣᠢ᠌ᠯ
ᠳᠠᠭᠢᠯᠭᠠ ᠶᠢᠨ ᠣᠪᠣᠭᠠᠨ ᠤ ᠳᠦᠷᠤᠯ ᠵᠣᠢ᠌ᠯ ᠲᠤᠢ᠌ᠯ ᠤᠨ ᠣᠯᠠᠨ ᠪᠠᠢ᠌ᠳᠠᠭ᠃ ᠶᠡᠷᠦᠩᠭᠡᠢ ᠳ᠋ᠤᠨᠢ ᠬᠤᠷᠢᠶᠠᠩᠭ᠋ᠣᠢ᠌ᠯᠠᠵᠤ ᠦᠵᠡᠪᠠᠯ᠂ 《ᠳᠡᠭ᠍ᠷᠢ ᠶᠢᠨ ᠣᠪᠣᠭᠠ》᠂ 《ᠭᠦᠮᠤᠨ ᠤ ᠣᠪᠣᠭᠠ》᠂ 《ᠰᠢᠪᠳᠠᠭ ᠤᠨ ᠣᠪᠣᠭᠠ》᠂ 《ᠳᠡᠮᠳᠡᠭ᠌ ᠣᠪᠣᠭᠠ》 ᠭᠡᠵᠤ ᠭᠡᠳᠤ ᠬᠤᠪᠢᠶᠠᠵᠤ ᠪᠣᠯᠤᠨᠠ᠃
ᠮᠤᠩᠭ᠋ᠤᠯᠴᠤᠳ ᠣᠤᠯ ᠨᠢ ᠭᠠᠭᠴᠠ ᠣᠪᠣᠭᠠ ᠳᠠᠭᠢᠳᠠᠭ ᠪᠠᠢ᠌ᠵᠠᠢ᠃ ᠰᠡᠭᠦᠯᠡᠷ ᠨᠢ ᠨᠢᠭᠡ ᠣᠪᠣᠭᠠ ᠳᠦᠭᠦᠷᠡᠩ ᠣᠪᠣᠭᠠ᠂ ᠬᠤᠶᠠᠷ ᠣᠪᠣᠭᠠ᠂ ᠭᠤᠷᠪᠠᠨ ᠣᠪᠣᠭᠠ᠂ ᠳᠦᠷᠪᠠᠨ ᠣᠪᠣᠭᠠ᠂ ᠳᠠᠪᠤᠨ ᠣᠪᠣᠭᠠ᠂ ᠳᠤᠯᠤᠭᠠᠨ ᠣᠪᠣᠭᠠ᠂ ᠶᠢᠰᠤᠨ ᠣᠪᠣᠭᠠ᠂ ᠠᠷᠪᠠᠨ ᠭᠤᠷᠪᠠᠨ ᠣᠪᠣᠭᠠ᠁ ᠵᠠᠭᠤ ᠨᠢ᠋ᠮᠠᠨ ᠣᠪᠣᠭᠠ ᠪᠣᠯᠳᠠᠯᠠ ᠣᠯᠠᠨ ᠣᠪᠣᠭᠠ ᠪᠠᠢ᠌ᠬᠤ ᠪᠠ ᠳᠦᠭᠦᠷᠡᠩ ᠡᠴᠡ ᠪᠣᠰᠤᠳ ᠨᠢ ᠪᠦᠷ ᠭᠤᠤᠯ ᠣᠪᠣᠭᠠ᠂ ᠪᠠᠭᠠ ᠣᠪᠣᠭᠠ ᠭᠡᠵᠤ ᠪᠠᠢ᠌ᠨᠠ᠃ 《ᠭᠤᠤᠯ ᠣᠪᠣᠭᠠ》 ᠳ᠋ᠤᠨᠢ ᠨᠤᠶᠠᠨ ᠤ ᠣᠪᠣᠭᠠ᠂ ᠵᠠᠩᠵᠤᠨ ᠤ ᠣᠪᠣᠭᠠ᠂ ᠶᠡᠭᠡ ᠣᠪᠣᠭᠠ᠂ ᠪᠦᠳᠦᠭᠦᠨ ᠣᠪᠣᠭᠠ᠂ ᠲᠦᠪ ᠣᠪᠣᠭᠠ ᠭᠡᠵᠤ ᠪᠠᠢ᠌ᠬᠤ ᠪᠠ 《ᠪᠠᠭᠠ ᠣᠪᠣᠭᠠ》 ᠳ᠋ᠤᠨᠢ ᠱᠠᠪᠢ ᠣᠪᠣᠭᠠ᠂ ᠭᠤᠴᠤᠭ ᠣᠪᠣᠭᠠ᠂ ᠬᠠᠷᠠᠭᠤᠯ ᠣᠪᠣᠭᠠ᠂ ᠬᠤᠶᠠᠭ ᠣᠪᠣᠭᠠ᠂ ᠰᠥᠪᠠᠭᠡ ᠣᠪᠣᠭᠠ᠂ ᠳᠠᠭᠠᠯᠳᠠ ᠣᠪᠣᠭᠠ᠂ ᠭᠡᠵᠤ ᠪᠠᠢ᠌ᠳᠠᠭ᠃ 《ᠳᠦᠭᠦᠷᠡᠩ ᠣᠪᠣᠭᠠ》 ᠪᠣᠯ ᠥᠨᠡ᠊ᠨᠳᠡᠭᠡᠨ ᠭᠠᠭᠴᠠ ᠣᠪᠣᠭᠠ ᠶᠢ ᠵᠢᠭᠠᠵᠤ ᠪᠠᠢ᠌ᠨᠠ᠃ ᠭᠡᠪᠠᠴᠤ 《ᠮᠤᠩᠭ᠋ᠤᠯ ᠭᠦᠮᠤᠨ ᠪᠠᠯᠭᠡ ᠪᠠᠷ》 ᠭᠡᠵᠤ ᠭᠠᠭᠴᠠ ᠪᠣᠶᠤ ᠨᠢᠭᠡ ᠭᠡᠭᠦ ᠡᠴᠡ ᠵᠠᠢ᠌ᠯᠠᠭᠤᠯᠵᠤ ᠳᠦᠭᠦᠷᠡᠩ ᠭᠡᠵᠤ ᠨᠡᠷᠡᠯᠡᠭ᠍ᠰᠡᠨ ᠪᠠᠢ᠌ᠨᠠ᠃ ᠡᠢ᠌ᠡᠭᠦ ᠣᠤᠯ ᠤᠨ ᠭᠠᠭᠴᠠ ᠣᠪᠣᠭᠠ ᠳᠠᠭᠢᠳᠠᠭ ᠪᠠᠢ᠌ᠭᠰᠠᠨ ᠡᠴᠡ ᠪᠠᠨ 《ᠳᠤᠤᠷᠠ ᠭᠤᠴᠢᠨ ᠭᠤᠷᠪᠠᠨ ᠳᠡᠭ᠍ᠷᠢ ᠡᠳᠦᠭᠡᠨ ᠡᠭᠡ》 ᠶ᠋ᠢ ᠰᠢᠳᠤᠵᠤ ᠭᠤᠴᠢᠨ ᠭᠤᠷᠪᠠᠨ ᠣᠪᠣᠭᠠ ᠪᠣᠰᠬᠠᠵᠤ ᠪᠠᠢ᠌ᠭᠰᠠᠨ ᠪᠠ ᠬᠤᠪᠢᠯᠠᠢ ᠰᠠᠴᠠᠨ ᠬᠠᠭᠠᠨ ᠲᠦᠪᠡᠳ ᠤᠨ ᠫᠠᠭᠪᠠ ᠯᠠᠮᠠ ᠡᠴᠡ ᠶᠡᠭᠡ ᠭᠦᠯᠭᠡᠨ ᠰᠤᠳᠤᠷ ᠤᠨ ᠭᠦᠨ ᠣᠤᠠᠬᠠ ᠰᠤᠨᠤᠰᠴᠤ ᠮᠠᠰᠢᠳᠠ ᠪᠢᠰᠢᠷᠠᠨ ᠱᠠᠩᠳᠤ ᠪᠠᠯᠭᠠᠤᠨ ᠤᠨ ᠡᠷᠭᠢᠨ ᠳᠤᠭᠤᠷᠢᠨ ᠳᠤ ᠵᠠᠭᠤ ᠨᠢ᠋ᠮᠠᠨ ᠣᠪᠣᠭᠠ ᠪᠣᠰᠬᠠᠵᠠᠢ ᠭᠡᠳᠡᠭ᠌᠃
ᠳᠠᠭᠢᠯᠭᠠ ᠶᠢᠨ ᠣᠪᠣᠭᠠ ᠶᠢᠨ ᠪᠦᠳᠦᠴᠡ ᠪᠠᠷ ᠨᠢ 《ᠰᠢᠷᠤᠢ᠌᠌ᠨ ᠣᠪᠣᠭᠠ》᠂ 《ᠳᠤᠭᠤᠰᠬᠠᠨ ᠣᠪᠣᠭᠠ》᠂ 《ᠴᠢᠯᠠᠭᠤᠨ ᠣᠪᠣᠭᠠ》᠂ 《ᠮᠤᠳᠤᠨ ᠣᠪᠣᠭᠠ》 ᠵᠡᠷᠭᠡ ᠪᠣᠢ᠃ ᠳᠠᠷᠬᠠᠨ ᠬᠤᠰᠢᠭᠤᠨ ᠤ ᠱᠸᠪᠠᠷᠳᠤ ᠪᠠᠯᠭᠠᠰᠤᠨ ᠤ ᠮᠢᠠᠵᠤᠲ᠋ᠦ᠋ᠨ ᠠᠢ᠌ᠯ ᠤᠨ ᠡᠮᠦᠨᠡ ᠪᠠᠢ᠌ᠭᠠ 《ᠭᠢᠳᠤᠭᠠᠨ ᠣᠪᠣᠭᠠ》 (ᠳᠠᠭᠢᠯᠭᠠ ᠵᠤᠭᠰᠤᠵᠠᠢ) ᠪᠣᠯ ᠰᠢᠷᠤᠢ ᠶᠢᠨ ᠣᠪᠣᠭᠠ ᠶᠤᠮ᠃ 《ᠣᠪᠣᠠᠳᠠᠢ ᠶᠢᠨ ᠣᠪᠣᠭᠠ》 ᠪᠣᠯ ᠳᠤᠭᠤᠰᠬᠠᠨ ᠣᠪᠣᠭᠠ᠂ ᠵᠢᠷᠦᠭᠡ ᠶᠢᠨ 《ᠵᠢᠷᠦᠭᠡᠨ ᠣᠪᠣᠭᠠ》 ᠪᠣᠯ ᠴᠢᠯᠠᠭᠤᠨ ᠣᠪᠣᠭᠠ ᠪᠣᠯᠤᠨᠠ᠃ ᠮᠠᠨ ᠤ ᠨᠤᠳᠤᠭ ᠲᠤ ᠮᠤᠳᠤᠨ ᠣᠪᠣᠭᠠ ᠬᠠᠷᠠᠭᠳᠠᠬᠤ ᠦᠭᠡᠶ᠃
《ᠳᠡᠭ᠍ᠷᠢ ᠶᠢᠨ ᠣᠪᠣᠭᠠ》 ᠪᠣᠯ ᠪᠦᠭᠡ ᠮᠦᠷᠭᠦᠯ ᠤᠨ ᠱᠠᠰᠢᠨ ᠤ ᠨᠥᠯᠦᠭᠡ ᠪᠠᠷ 《ᠮᠥᠩᠭᠡ ᠳᠡᠭ᠍ᠷᠢ ᠶᠢᠨ ᠭᠦᠴᠦᠡ ᠳᠦᠷ ᠁》 ᠭᠡᠵᠤ ᠳᠡᠭ᠍ᠷᠢ ᠶᠢ ᠰᠢᠳᠤᠵᠤ ᠳᠡᠭ᠍ᠷᠢ ᠳᠤ ᠳᠠᠭᠢᠯ ᠳᠠᠪᠢᠭ ᠡᠷᠭᠦᠳᠡᠭ᠌ ᠮᠤᠩᠭ᠋ᠤᠯᠴᠤᠳ ᠤᠨ ᠪᠦᠭᠦᠢ᠌ᠯᠡ ᠳᠠᠭᠢᠯᠭᠠ ᠶᠢᠨ ᠣᠪᠣᠭᠠᠨ ᠤ ᠳᠤᠳᠤᠷᠠᠭᠢ ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠣᠪᠣᠭᠠ ᠳᠤ ᠳᠤᠭᠠᠴᠢᠭᠳᠠᠬᠤ ᠶᠤᠮ᠃ ᠳᠡᠭ᠍ᠷᠢ ᠶᠢᠨ ᠣᠪᠣᠭᠠᠨ ᠳᠤ 《ᠰᠦᠯᠳᠡ ᠳᠡᠭ᠍ᠷᠢ ᠶᠢᠨ ᠣᠪᠣᠭᠠ》 《ᠣᠩᠭ᠋ᠤᠨ ᠳᠡᠭ᠍ᠷᠢ ᠶᠢᠨ ᠣᠪᠣᠭᠠ》 《ᠳᠤᠭᠰᠢᠨ ᠳᠡᠭ᠍ᠷᠢ ᠶᠢᠨ ᠣᠪᠣᠭᠠ》 ᠁ ᠭᠡᠵᠤ ᠣᠯᠠᠨ ᠵᠣᠢ᠌ᠯ ᠪᠠᠢ᠌ᠳᠠᠭ᠃ ᠳᠠᠭᠢᠳᠠᠭ ᠳᠡᠭ᠍ᠷᠢ ᠨᠢ ᠶᠠᠷᠤᠨᠢ ᠶᠠᠷᠢ ᠶᠢᠰᠤᠨ ᠳᠡᠭ᠍ᠷᠢ ᠪᠠᠷᠠᠭᠤᠨ ᠳᠠᠪᠢᠨ ᠳᠠᠪᠤᠨ ᠳᠡᠭ᠍ᠷᠢ᠂ ᠵᠡᠭᠦᠨ ᠳᠦᠴᠢᠨ ᠳᠦᠷᠪᠠᠨ ᠳᠡᠭ᠍ᠷᠢ ᠪᠠᠢ᠌ᠬᠤ ᠪᠠ ᠳᠡᠭᠡᠷᠡ ᠶᠠᠷᠡ ᠶᠢᠰᠤᠨ ᠮᠥᠩᠭᠡ ᠳᠡᠭ᠍ᠷᠢ ᠶᠢᠨ ᠰᠠᠭᠢᠭᠤᠯᠰᠤᠨ ᠲᠡᠶ ᠭᠡᠵᠤ ᠦᠵᠡᠨᠠ᠃ ᠳᠤᠬᠠᠢ᠌ᠯᠠᠪᠠᠯ᠂ ᠡᠳ᠋ ᠭᠦᠷᠦᠩᠭᠡ ᠨᠡᠮᠡᠭ᠍ᠳᠡᠭᠦᠯᠵᠤ᠂ ᠠᠳᠤᠭᠤ ᠮᠠᠯ ᠦᠷᠡᠵᠢᠭᠦᠯᠦᠭ᠍ᠴᠢ 《ᠡᠯᠪᠠᠭ᠍ᠰᠡᠭᠦᠢ ᠳᠡᠭ᠍ᠷᠢ》᠂ ᠣᠢ ᠣᠬᠠᠭᠠᠨ ᠢ ᠨᠡᠮᠡᠭ᠍ᠳᠡᠭᠦᠯᠦᠭ᠍ᠴᠢ 《ᠰᠦᠳᠠᠨ ᠳᠡᠭ᠍ᠷᠢ》᠂ ᠠᠩ ᠭᠦᠷᠦᠭᠡ ᠣᠯᠭᠤᠳᠠᠭ 《ᠮᠠᠨᠠᠬᠠᠨ ᠳᠡᠭ᠍ᠷᠢ》᠂ ᠡᠷᠡᠭᠦᠯ ᠰᠠᠢ᠌ᠬᠠᠨ ᠢ ᠬᠠᠮᠠᠭᠠᠯᠠᠬᠤ 《ᠠᠨᠠᠷᠪᠠ ᠳᠡᠭ᠍ᠷᠢ》᠂ 《ᠳᠠᠷᠢᠶᠠ ᠶᠢ ᠠᠷᠪᠢᠳᠬᠠᠭᠴᠢ ᠳᠡᠭ᠍ᠷᠢ》᠂ 《ᠬᠤᠷᠠ ᠪᠠᠭᠤᠯᠭᠠᠭᠴᠢ ᠳᠡᠭ᠍ᠷᠢ》 ᠭᠡᠭᠦ ᠵᠡᠷᠭᠡ ᠪᠣᠢ᠃
《ᠭᠦᠮᠤᠨ ᠤ ᠣᠪᠣᠭᠠ》 ᠳ᠋ᠤ ᠬᠠᠭᠠᠨ ᠢᠵᠠᠭᠤᠷᠳᠠᠨ ᠤ ᠳᠠᠭᠢᠳᠠᠭ 《ᠠᠯᠳᠠᠨ ᠣᠪᠣᠭᠠ》 ᠭᠡᠵᠤ ᠪᠠᠢ᠌ᠨᠠ᠃ ᠬᠠᠭᠠᠨ ᠭᠦᠮᠤᠨ ᠤ ᠣᠪᠣᠭᠠ ᠶᠢ ᠦᠨᠳᠦᠷ ᠠᠭᠤᠯᠠᠨ ᠤ ᠣᠷᠭᠢᠯ ᠳᠤ ᠪᠣᠰᠬᠠᠳᠠᠭ᠃ ᠦᠨᠳᠦᠰᠦᠳᠠᠨ ᠣᠭᠰᠠᠭᠠᠳᠠᠨ ᠤ ᠪᠠᠨ᠂ ᠠᠢ᠌ᠮᠠᠭ ᠳᠦᠷᠤᠯ ᠤᠨ ᠶᠢᠡᠨ ᠶᠠᠮᠠᠷ ᠨᠢᠭᠡᠨ ᠦᠷᠡᠭ᠍ᠳᠡᠭ᠍ᠰᠡᠨ ᠪᠠᠭᠠᠳᠤᠷ ᠭᠦᠮᠤᠨ ᠢ ᠲ᠋ᠤᠷᠠᠰᠬᠠᠵᠤ ᠳᠡᠭᠦᠨ ᠤ ᠭᠡᠷᠡᠭᠯᠡᠵᠤ ᠥᠩᠭᠡᠷᠡᠭ᠍ᠰᠡᠨ ᠵᠠᠷ ᠵᠡᠪᠰᠡᠭ᠌᠂ ᠬᠤᠪᠴᠠᠰᠤ ᠬᠤᠨᠠᠷ ᠪᠣᠶᠤ ᠱᠠᠷᠢᠯ ᠪᠠᠶᠠ ᠶᠢ ᠨᠢ ᠣᠷᠤᠰᠢᠭᠤᠯᠵᠤ ᠣᠪᠣᠭᠠ ᠪᠣᠰᠬᠠᠨ 《ᠪᠠᠭᠠᠳᠤᠷ ᠤᠨ ᠣᠪᠣᠭᠠ》 ᠭᠡᠵᠡᠢ᠃ ᠵᠢᠱᠢᠶᠠᠯᠠᠪᠠᠯ᠂ ᠳᠦᠡᠭᠯᠢᠶᠦᠤ ᠬᠤᠳᠠ ᠶᠢᠨ ᠠᠷᠤ ᠳᠤ ᠪᠠᠢ᠌ᠭᠤᠯᠤᠭᠰᠠᠨ 《ᠬᠠᠰᠠᠷ ᠤᠨ ᠣᠪᠣᠭᠠ》 ᠪᠣᠯ ᠡᠨᠡ ᠳᠦᠷᠤᠯ ᠤᠨ ᠣᠪᠣᠭᠠᠨ ᠳᠤ ᠳᠤᠭᠠᠴᠢᠭᠳᠠᠨᠠ᠃ 《ᠣᠩᠭ᠋ᠤᠨ ᠣᠪᠣᠭᠠ》 ᠪᠣᠯ ᠨᠢᠭᠡ ᠴᠢᠰᠤᠨ ᠳᠦᠷᠤᠯᠭᠢᠳᠠᠨ ᠤ ᠬᠠᠮᠳᠤ ᠶᠢᠨ ᠳᠡᠭᠡᠳᠦᠰ ᠶᠢᠡᠨ ᠰᠢᠳᠦᠭᠡᠨ ᠪᠣᠯᠭᠠᠵᠤ ᠥᠭᠦᠭᠡᠷ ᠣᠩᠭ᠋ᠤᠨ ᠳᠡᠭᠡᠷᠡ ᠨᠢ ᠨᠠᠩ ᠦᠨᠳᠦᠷ ᠣᠪᠣᠭᠠ ᠪᠣᠰᠬᠠᠨ ᠬᠠᠮᠳᠤ ᠪᠠᠷ ᠳᠠᠭᠢᠳᠠᠭ᠃ 《ᠭᠦᠮᠤᠨ ᠤ ᠣᠪᠣᠭᠠ》 ᠳ᠋ᠤ ᠪᠠᠰᠠ 《ᠨᠤᠶᠠᠨ ᠤ ᠣᠪᠣᠭᠠ》᠂ 《ᠵᠠᠩᠵᠤᠨ ᠤ ᠣᠪᠣᠭᠠ》᠂ 《ᠰᠢᠯᠢ ᠶᠢᠨ ᠰᠠᠢ᠌ᠨ ᠡᠷᠡ ᠶᠢᠨ ᠣᠪᠣᠭᠠ》᠂ 《ᠳᠤᠷᠠᠰᠬᠠᠯ ᠤᠨ ᠣᠪᠣᠭᠠ》 ᠵᠡᠷᠭᠡ ᠠᠳᠠᠯᠢ ᠪᠣᠰᠤ ᠶᠢᠨ ᠵᠤᠷᠢᠯᠭᠠ ᠲᠡᠶ ᠠᠳᠠᠯᠢ ᠪᠣᠰᠤ ᠶᠢᠨ ᠭᠦᠰᠡᠯ ᠰᠡᠳᠬᠢᠯᠭᠡ ᠶᠢ ᠢᠯᠡᠳᠭᠡᠭ᠍ᠰᠡᠨ ᠳᠠᠭᠢᠯᠭᠠ ᠶᠢᠨ ᠣᠪᠣᠭᠠ ᠪᠠᠢ᠌ᠳᠠᠭ᠃
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ ᠣᠪᠣᠭᠠᠨ ᠳᠠᠭᠢᠯᠭᠠ ᠳᠤ ᠭᠦᠮᠤᠨ ᠮᠠᠯ ᠤᠨ ᠦᠨᠢᠷ ᠦᠰᠦᠯᠳᠠ ᠶᠢᠨ ᠡᠵᠡᠳ ᠰᠠᠭᠢᠭᠤᠯᠰᠤᠨ ᠪᠣᠯᠤᠭᠰᠠᠨ ᠴᠠᠭᠠᠨ ᠡᠪᠦᠭᠡᠨ ᠤ ᠳᠠᠭᠢᠯᠭᠠ ᠪᠠᠢ᠌ᠬᠤ ᠳᠤ ᠪᠠᠨ ᠳᠠᠭᠠᠷᠠᠨᠠ᠃ ᠡᠢ᠌ᠮᠤ ᠮᠠᠲ᠋ᠸᠷᠢᠶᠠᠯ ᠣᠳᠤ ᠬᠠᠷᠠᠬᠠᠨ ᠣᠯᠳᠠᠭᠠ ᠦᠭᠡᠶ ᠪᠠᠢ᠌ᠭᠰᠠᠭᠠᠷ᠃ ᠣᠴᠢᠷ ᠨᠢ ᠡᠪᠦᠭᠡᠳ ᠨᠠᠰᠤᠳᠠᠨ ᠤ ᠵᠥᠩᠳᠡᠭᠡᠨ ᠶᠠᠷᠢᠭᠠᠤᠨ ᠪᠠᠢ᠌ᠳᠠᠭ ᠵᠡᠭᠦᠳᠤᠨ ᠳᠤ ᠢᠷᠡᠳᠡᠭ᠌ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠦᠰᠦᠭ᠍ᠰᠡᠨ᠂ ᠯᠤᠤ ᠶᠢᠨ ᠳᠠᠶᠢᠭ ᠳᠤᠯᠤᠭᠰᠠᠨ ᠴᠠᠭᠠᠨ ᠰᠠᠬᠠᠯᠳᠤ ᠡᠪᠦᠭᠡᠨ ᠨᠢ ᠳᠠᠳᠠᠨ ᠳᠤ ᠶᠠᠮᠠᠷ ᠨᠢᠭᠡᠨ ᠰᠤᠷᠭᠠᠯ ᠬᠠᠢ᠌ᠷᠠᠯᠠᠵᠤ ᠠᠮᠢᠳᠤᠷᠠᠯ ᠠᠬᠤᠢ ᠳ᠋ᠤᠨᠢ ᠵᠠᠮ ᠮᠦᠷ ᠵᠢᠭᠠᠳᠠᠭ ᠭᠡᠵᠤ ᠬᠤᠷᠴᠢᠨ ᠠᠮᠠᠨ ᠶᠠᠷᠢᠶᠠᠨ ᠳᠤ ᠳᠠᠩᠳᠠ ᠲᠤᠬᠢᠶᠠᠯᠳᠤᠨᠠ᠃
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ 《ᠨᠠᠢ᠌ᠨᠠᠢ ᠶᠢᠨ ᠣᠪᠣᠭᠠ》 ᠳᠠᠭᠢᠬᠤ ᠨᠢ ᠶᠠᠭ ᠣᠳᠤ ᠶᠢᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠨᠢᠭᠡᠨ ᠤ ᠬᠡᠦᠬᠡᠳ ᠤᠨ ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠶᠢᠡᠨ ᠪᠠᠯᠭᠡᠯᠡᠭᠦ ᠮᠠᠳᠤ ᠪᠠᠭᠠᠴᠤᠳ ᠬᠡᠦᠬᠡᠳ ᠤᠨ ᠬᠠᠮᠤᠭ ᠤᠨ ᠭᠦᠷ ᠭᠦᠭ᠍ᠵᠢᠶᠡ᠊ᠨᠳᠡᠢ ᠨᠠᠢ᠌ᠷ ᠨᠠᠭᠠᠳᠤᠮ ᠤᠨ ᠰᠢᠠᠵᠢ ᠲᠡᠶ ᠪᠠᠢ᠌ᠵᠤ᠂ ᠬᠡᠦᠬᠡᠳ ᠤᠨ ᠡᠷᠡᠭᠦᠯ ᠡᠩᠭᠡ ᠦᠰᠦᠨ ᠪᠣᠢ᠌ᠵᠢᠯᠳᠠ ᠶᠢ ᠵᠦᠩᠨᠠᠨ ᠪᠠᠯᠭᠡᠰᠢᠶᠡᠭ᠍ᠰᠡᠨ ᠪᠠᠢ᠌ᠨᠠ᠃ 《ᠨᠠᠢ᠌ᠨᠠᠢ ᠶᠢᠨ ᠣᠪᠣᠭᠠ》 ᠳᠠᠭᠢᠬᠤ ᠡᠳᠦᠷ ᠲᠤ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠳᠤᠮᠳᠠ ᠪᠠᠨ ᠬᠠᠮᠤᠭ ᠤᠨ ᠦᠨᠳᠦᠷ ᠨᠠᠰᠤᠳᠠᠢ᠂ ᠡᠯᠢᠭᠡ ᠪᠦᠳᠤᠨ᠂ ᠬᠠᠷᠠ ᠴᠠᠭᠠᠨ ᠦᠷᠡ ᠠᠴᠢ ᠳᠡᠭ᠍ᠰᠢ᠂ ᠣᠬᠠᠭᠠᠨ ᠳᠤᠮᠤᠭᠠ ᠲᠡᠶ᠂ ᠢᠳᠡᠭᠡᠯ ᠭᠦᠡᠳᠤ ᠲᠡᠶ ᠡᠮᠡᠭᠡᠨ ᠡᠵᠢ ᠶᠢ ᠵᠠᠯᠠᠵᠤ ᠳᠠᠭᠢᠯᠭᠠ ᠶᠢᠨ ᠡᠵᠡᠨ ᠪᠣᠯᠭᠠᠨᠠ᠃ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠨ ᠡᠴᠡ ᠳᠤᠷᠤᠭᠰᠢᠭᠢ ᠬᠡᠦᠬᠡᠳ ᠠᠯᠢ ᠰᠠᠢ᠌ᠬᠠᠨ ᠶᠢᠡᠨ ᠡᠮᠦᠰᠴᠤ ᠵᠡᠭᠦᠨ ᠣᠪᠣᠭᠠᠨ ᠳᠡᠭᠡᠷᠡ ᠴᠤᠭᠯᠠᠷᠠᠨ ᠢᠷᠠᠨᠠ᠃ ᠡᠨᠡ ᠦᠶᠡ ᠳᠤ ᠬᠡᠦᠬᠡᠳ ᠤᠨ ᠵᠢᠯᠭᠡ ᠡᠪᠡᠳᠴᠢᠨ 花儿痘,麻疹)᠊ᠢ ᠰᠡᠷᠭᠡᠢ᠌ᠯᠡᠵᠤ ᠭᠠᠷ ᠤᠨ ᠬᠠᠷᠢᠳᠤ ᠳᠡᠭᠡᠷᠡ ᠵᠠᠢ᠌ᠯᠠᠭᠰᠠᠨ ᠬᠤᠸᠠᠷ ᠭᠦᠷᠦᠰᠦᠯᠡᠵᠤ ᠭᠠᠵᠠ ᠰᠠᠭᠤᠬᠤ ᠪᠠᠢ᠌ᠭᠠ ᠦᠶᠡ ᠪᠣᠯᠬᠤ ᠪᠠ ᠬᠡᠦᠬᠡᠳ ᠤᠨ ᠮᠠᠩᠨᠠᠢ ᠶᠢᠨ ᠭᠤᠤᠯ ᠳᠤ ᠭᠦ᠋ ᠳᠦᠷᠭᠢᠵᠤ ᠴᠢᠳᠭᠦᠷ ᠰᠢᠮᠨᠤᠰ ᠤᠨ ᠬᠤᠤᠷᠯᠠᠯ ᠡᠴᠡ ᠵᠠᠢ᠌ᠯᠠᠭᠤᠯᠵᠤ ᠳᠤᠮ ᠰᠢᠪᠰᠢᠯᠭᠡ ᠭᠢᠵᠤ ᠨᠠᠢ᠌ᠨᠠᠢ ᠶᠢᠨ ᠣᠪᠣᠭᠠ ᠶᠢᠨ ᠳᠠᠭᠢᠯᠭᠠ ᠳᠤ ᠣᠷᠤᠯᠴᠠᠳᠠᠭ᠃
ᠣᠪᠣᠭᠠ ᠪᠠᠨ ᠰᠢᠨᠡᠳᠭᠡᠨ ᠵᠠᠰᠠᠵᠤ᠂ ᠳᠤᠷᠭᠠᠨ ᠭᠢᠪ ᠶᠢᠡᠷ ᠯᠠᠪᠷᠢ ᠪᠣᠯᠭᠠᠨ ᠴᠢᠮᠡᠭᠡᠳ ᠴᠠᠭᠠᠨ ᠢᠷᠭᠡ ᠬᠤᠨᠢ ᠶᠢᠨ ᠪᠦᠭᠦᠯᠢ ᠪᠠᠷ ᠳᠠᠭᠢᠨᠠ᠃ ᠡᠮᠡᠭᠡᠨ ᠡᠵᠢ ᠣᠪᠣᠭᠠ ᠶᠢᠨ ᠣᠷᠤᠢ ᠳᠤ ᠭᠠᠷᠤᠭᠠᠤᠨ ᠭᠠᠵᠠᠷ ᠨᠤᠳᠤᠭ ᠤᠨ ᠡᠵᠡᠳ ᠰᠠᠭᠢᠭᠤᠯᠰᠤᠨ ᠳᠤ ᠳᠠᠭᠢᠯᠭᠠ ᠡᠷᠭᠦᠨ ᠬᠡᠦᠬᠡᠳ ᠤᠨ ᠭᠡᠰᠢᠭ᠌ ᠪᠣᠶᠠᠨ ᠢ ᠬᠤᠷᠣᠢ᠌ᠯᠠᠨ
ᠣᠮ ᠰᠠᠢ᠌ᠨ ᠠᠮᠤᠭᠤᠯᠠᠩ ᠪᠣᠯᠳᠤᠭᠠᠢ
ᠠᠮᠢ ᠨᠠᠰᠤ ᠴᠢᠨᠢ ᠣᠷᠳᠤᠳᠬᠤ ᠪᠣᠯᠳᠤᠭᠠᠢ
ᠮᠥᠩᠭᠡ ᠨᠠᠰᠤ ᠶᠢ ᠨᠠᠰᠤᠯᠠᠬᠤ ᠪᠣᠯᠳᠤᠭᠠᠢ
ᠭᠠᠩᠭ᠋ᠠ ᠳᠠᠷᠠᠰᠤ ᠶᠢᠨ ᠴᠠᠭᠠᠨ ᠠᠷᠰᠯᠠᠨ ᠮᠠᠳᠤ
ᠣᠮᠤᠭ ᠭᠦᠴᠤ ᠶᠡᠭᠡᠳᠡᠢ
ᠭᠠᠯᠪᠢᠷ ᠽᠠᠠᠳᠠᠨ ᠤ ᠰᠠᠯᠠᠭᠠ ᠮᠠᠳᠤ
ᠪᠣᠶᠠᠨ ᠭᠡᠰᠢᠭ᠌ ᠶᠡᠭᠡᠳᠡᠢ
ᠳᠡᠭ᠍ᠷᠢ ᠡᠴᠡ ᠳᠡᠭ᠍ᠰᠢ ᠰᠠᠢ᠌ᠬᠠᠨ ᠵᠠᠶᠠᠭᠠᠳᠠᠢ
ᠣᠳᠤᠨ ᠡᠴᠡ ᠣᠯᠠᠨ ᠰᠠᠢ᠌ᠬᠠᠨ ᠳᠦᠷᠤᠯ ᠲᠡᠶ
ᠣᠷᠴᠢᠯᠠᠩ ᠡᠴᠡ ᠳᠦᠭᠦᠷᠡᠩ ᠰᠠᠢ᠌ᠬᠠᠨ ᠪᠣᠶᠠᠨ ᠲᠡᠶ
ᠳᠡᠭ᠍ᠷᠢ ᠶᠢᠨ ᠠᠭᠠᠷ ᠲ᠋ᠤ ᠳᠠᠳᠠᠭᠰᠠᠨ
ᠳᠠᠪᠤᠨ ᠥᠩᠭᠡ ᠶᠢᠨ ᠰᠤᠯᠤᠩᠭ᠋ᠠ ᠡᠴᠡ
ᠭᠤᠶᠤ ᠰᠠᠢ᠌ᠬᠠᠨ ᠥᠵᠡᠰᠭᠦᠯᠡᠩ ᠲᠡᠶ
ᠲᠦᠪ ᠰᠠᠢ᠌ᠬᠠᠨ ᠳᠦᠷᠤ ᠳᠤᠮᠳᠠ
ᠳᠡᠭᠦᠯᠳᠡᠷ ᠶᠡᠭᠡ ᠪᠣᠶᠠᠨ ᠤ ᠳᠤᠮᠳᠠ
ᠲᠦᠪᠰᠢᠨ ᠳᠦᠷᠤ ᠶᠢᠨ ᠳᠡᠷᠢᠭᠦᠨ ᠳᠤ
ᠳᠦᠷᠤ ᠨᠠᠢ᠌ᠷ ᠤᠨ ᠳᠤᠮᠳᠠ
ᠳᠡᠭᠦᠰ ᠠᠮᠤᠭᠤᠯᠠᠩ ᠵᠢᠷᠭᠠᠬᠤ ᠪᠣᠯᠳᠤᠭᠠᠢ ᠭᠡᠵᠤ ᠵᠦᠩᠨᠠᠨ ᠢᠷᠦᠭᠡᠭᠡᠳ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠬᠤᠪᠢ ᠣᠷᠤᠵᠤ ᠨᠡᠢ᠌ᠯᠡᠭᠦᠯᠦᠭ᠍ᠰᠡᠨ ᠣᠪᠣᠭᠠᠨ ᠰᠠᠴᠤᠯᠢ᠂ ᠳᠠᠭᠢᠯᠭᠠ ᠶᠢᠨ ᠭᠡᠰᠢᠭ᠌ ᠡᠴᠡ ᠨᠢ ᠨᠠᠢ᠌ᠨᠠᠢ ᠡᠴᠡ ᠣᠪᠣᠭᠠᠨ ᠤ ᠣᠷᠤᠢ ᠳᠡᠭᠡᠷᠡ ᠡᠴᠡ ᠨᠠᠯᠠᠤ ᠣᠷᠤᠭᠤ ᠭᠦᠴᠦᠯᠡᠨ ᠰᠠᠴᠤᠬᠤ ᠳᠤ ᠣᠯᠠᠨ ᠬᠡᠦᠬᠡᠳ ᠪᠣᠯᠢᠶᠠᠯᠳᠤᠨ ᠳᠡᠭᠦᠨ ᠢᠳᠠᠨᠠ᠃ ᠡᠭᠦᠨ ᠢ ᠬᠤᠷᠴᠢᠨ ᠨᠤᠳᠤᠭ ᠲᠤ 《ᠨᠠᠢ᠌ᠨᠠᠢ ᠶᠢᠨ ᠪᠣᠤᠪᠣ ᠬᠠᠶᠠᠬᠤ》 ᠭᠡᠳᠡᠭ᠌᠃
ᠬᠤᠷᠴᠢᠨ ᠮᠤᠩᠭ᠋ᠤᠯᠴᠤᠳ ᠤᠨ 《ᠴᠠᠭᠠᠨ ᠡᠪᠦᠭᠡᠨ ᠤ ᠣᠪᠣᠭᠠ》 ᠶ᠋ᠢ ᠶᠠᠭᠠᠭᠢᠵᠤ ᠳᠠᠭᠢᠳᠠᠭ ᠳᠤᠬᠠᠢ ᠰᠤᠷᠪᠣᠯᠵᠢ ᠮᠠᠲ᠋ᠸᠷᠢᠶᠠᠯ ᠬᠠᠷᠠᠬᠠᠨ ᠣᠯᠳᠠᠭᠠ ᠦᠭᠡᠶ᠃ ᠥᠨᠡ᠊ᠨᠳᠡᠭᠡᠨ ᠭᠦᠮᠤᠨ ᠮᠠᠯ ᠤᠨ ᠦᠨᠢᠷ ᠦᠰᠦᠯᠳᠠ ᠶᠢᠨ ᠰᠠᠭᠢᠭᠤᠯᠰᠤᠨ ᠪᠣᠯᠤᠭᠰᠠᠨ ᠴᠠᠭᠠᠨ ᠡᠪᠦᠭᠡᠨ ᠤ ᠳᠤᠬᠠᠢ ᠳᠠᠭᠢᠯᠭᠠ ᠪᠠᠢ᠌ᠬᠤ ᠳᠤ ᠪᠠᠨ ᠳᠠᠭᠠᠷᠠᠨᠠ᠃ ᠣᠴᠢᠷ ᠨᠢ ᠨᠤᠳᠤᠭ ᠤᠨ ᠡᠪᠦᠭᠡᠳ ᠨᠠᠰᠤᠳᠠᠤᠨ ᠮᠢᠨᠢ ᠴᠠᠭᠠᠨ ᠬᠤᠪᠴᠠᠰᠤᠳᠤ᠂ ᠣᠷᠢᠶᠠᠮᠠᠯ ᠯᠤᠤ ᠶᠢᠨ ᠳᠠᠶᠠᠭᠳᠤ ᠴᠠᠭᠠᠨ ᠰᠠᠬᠠᠯᠳᠤ ᠡᠪᠦᠭᠡᠨ ᠵᠡᠭᠦᠳᠤᠨ ᠳᠤ ᠢᠷᠡᠭᠡᠳ ᠶᠠᠮᠠᠷ ᠨᠢᠭᠡᠨ ᠪᠠᠯᠭᠡ ᠳᠠᠮᠪᠠᠷᠢᠯ ᠲᠡᠶ ᠰᠤᠷᠭᠠᠯ ᠬᠠᠢ᠌ᠷᠠᠯᠠᠵᠤ ᠠᠮᠢᠳᠤᠷᠠᠯ ᠠᠬᠤᠢ ᠳ᠋ᠤᠨᠢ ᠰᠠᠢ᠌ᠨ ᠰᠠᠢ᠌ᠬᠠᠨ ᠵᠠᠮ ᠮᠦᠷ ᠵᠢᠭᠠᠯᠠ ᠭᠡᠵᠤ ᠵᠥᠩᠳᠡᠭᠡᠨ ᠶᠠᠷᠢᠭᠠᠤᠨ ᠪᠠᠢ᠌ᠳᠠᠭ᠃
《ᠰᠢᠪᠳᠠᠭ ᠤᠨ ᠣᠪᠣᠭᠠ》 ᠪᠣᠯ ᠬᠤᠰᠢᠭᠤ ᠨᠤᠳᠤᠭ ᠡᠴᠡ ᠪᠣᠶᠤ ᠠᠢ᠌ᠯ ᠠᠢ᠌ᠮᠠᠭ ᠡᠴᠡ ᠣᠷᠤᠰᠢᠨ ᠰᠠᠭᠤᠭᠠ ᠨᠤᠳᠤᠭ ᠣᠰᠤᠨ ᠤ ᠨᠠᠪᠳᠠᠭ ᠰᠢᠪᠳᠠᠭ᠂ ᠡᠵᠡᠳ ᠰᠠᠭᠢᠭᠤᠯᠰᠤᠨ ᠶᠢᠡᠨ ᠪᠠᠶᠠᠰᠬᠠᠬᠤ ᠭᠡᠵᠤ ᠥᠡᠳᠦᠷᠯᠢᠭ᠌ ᠭᠠᠵᠠᠷ ᠢ ᠰᠤᠩᠭ᠋ᠤᠵᠤ ᠪᠣᠰᠬᠠᠭᠰᠠᠨ ᠣᠪᠣᠭᠠ ᠪᠣᠯᠤᠨᠠ᠃ ᠡᠨᠡ ᠳᠦᠷᠤᠯ ᠤᠨ ᠣᠪᠣᠭᠠ ᠨᠢ ᠮᠤᠩᠭ᠋ᠤᠯ ᠣᠷᠤᠨ ᠶᠢᠡᠷ ᠳᠤᠭᠠ ᠳᠤᠮᠰᠢ ᠦᠭᠡᠶ ᠣᠯᠠᠨ ᠪᠠᠢ᠌ᠳᠠᠭ᠃ ᠳᠠᠷᠬᠠᠨ ᠬᠤᠰᠢᠭᠤᠨ ᠤ ᠬᠤᠸᠠᠬᠤᠰᠢᠭᠤ ᠰᠤᠮᠤ ᠶᠢᠨ《ᠬᠤᠩᠭ᠋ᠤᠷ ᠣᠪᠣᠭᠠ》 (ᠪᠠᠢ᠌ᠨ ᠪᠠᠢ᠌ᠨ ᠳᠠᠭᠢᠳᠠᠭ)᠂ ᠣᠪᠣᠭᠠᠨ ᠠᠢ᠌ᠯ ᠤᠨ《ᠰᠢᠷᠤᠢ ᠶᠢᠨ ᠣᠪᠣᠭᠠ》 (ᠪᠠᠢ᠌ᠨ ᠪᠠᠢ᠌ᠨ ᠳᠠᠭᠢᠳᠠᠭ) ᠬᠠᠭ ᠤᠨ ᠰᠦᠮᠡ ᠶᠢᠨ《ᠴᠢᠯᠠᠭᠤᠨ ᠣᠪᠣᠭᠠ》 (ᠳᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ᠂ ᠳᠤᠯᠤᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠬᠤᠶᠠᠷ ᠲᠤ ᠳᠠᠭᠢᠳᠠᠭ)᠂ ᠰᠢᠪᠠᠭᠡᠬᠤᠧᠨ ᠰᠤᠮᠤ ᠶᠢᠨ《ᠪᠠᠶᠠᠠᠬᠤᠰᠢᠭᠤ ᠶᠢᠨ ᠣᠪᠣᠭᠠ》᠂ ᠬᠤᠸᠠᠳᠤᠭᠤᠯ ᠰᠤᠮᠤ ᠶᠢᠨ《ᠵᠤ᠋ ᠶᠢᠨ ᠣᠪᠣᠭᠠ》 (ᠳᠠᠭᠢᠯᠭᠠ ᠵᠤᠭᠰᠤᠭᠰᠠᠨ)᠂ ᠵᠢᠷᠦᠭᠡ ᠶᠢᠨ《ᠵᠢᠷᠦᠭᠡᠨ ᠣᠪᠣᠭᠠ》 ᠵᠡᠷᠭᠡ ᠶᠢᠨ ᠡᠷᠳᠡᠨ ᠡᠳᠦᠭᠡ ᠶᠢᠨ ᠣᠪᠣᠭᠠ ᠨᠤᠭᠤᠳ ᠨᠢ ᠥᠩᠭᠡᠷᠡᠭ᠍ᠰᠡᠨ ᠳᠤ ᠳᠠᠭᠢᠵᠤ ᠪᠠᠢ᠌ᠭᠰᠠᠨ᠂ ᠣᠳᠤ ᠴᠤ ᠳᠠᠭᠢᠵᠤ ᠪᠠᠢ᠌ᠭᠠ᠂ ᠡᠰᠡᠭᠦᠯᠡ ᠣᠳᠤ ᠳᠠᠭᠢᠬᠤ ᠪᠠᠨ ᠪᠣᠯᠢᠭᠰᠠᠨ ᠴᠤ ᠰᠤᠮᠤ ᠶᠢᠨ ᠨᠠᠷᠠ᠂ ᠠᠢ᠌ᠯ ᠤᠨ ᠨᠠᠷᠠ ᠪᠣᠯᠵᠤ ᠥᠯᠡᠳᠡᠭ᠍ᠰᠡᠨ ᠮᠠᠳᠤ ᠶᠢᠨ ᠶᠠᠩᠵᠤ ᠪᠦᠷᠢ ᠶᠢᠨ ᠪᠠᠢ᠌ᠳᠠᠯ ᠪᠠᠢ᠌ᠨᠠ᠃ 《ᠰᠢᠪᠳᠠᠭ ᠤᠨ ᠣᠪᠣᠭᠠ》 ᠳ᠋ᠤ 《ᠰᠦᠮᠡ ᠭᠡᠢ᠌ᠤᠨ ᠤᠨ ᠣᠪᠣᠭᠠ》᠂ 《ᠠᠢ᠌ᠯ ᠠᠢ᠌ᠮᠠᠭ ᠤᠨ ᠣᠪᠣᠭᠠ》᠂ 《ᠨᠠᠭᠤᠷ ᠣᠰᠤᠨ ᠤ ᠣᠪᠣᠭᠠ》᠂ 《ᠠᠮᠢᠳᠠᠨ ᠣᠷᠭᠤᠮᠠᠯ ᠤᠨ ᠣᠪᠣᠭᠠ》᠂ 《ᠠᠪᠠ ᠠᠩᠨᠠᠭᠤᠷ ᠤᠨ ᠣᠪᠣᠭᠠ》᠂ 《ᠳᠠᠯᠠ ᠶᠢᠨ ᠣᠪᠣᠭᠠ》 (ᠵᠥᠭ᠌ ᠴᠢᠭᠯᠡᠯ ᠢ ᠵᠢᠭᠠᠬᠤ) ᠭᠡᠭᠦ ᠵᠡᠷᠭᠡ ᠪᠣᠢ᠃
《ᠳᠡᠮᠳᠡᠭ᠌ ᠣᠪᠣᠭᠠ》 ᠪᠣᠯ ᠨᠠᠭᠤᠷ ᠣᠰᠤᠨ ᠤ ᠭᠦᠪᠠᠭᠡ᠂ ᠪᠠᠷᠳᠠᠭᠠ ᠳᠠᠪᠠᠭᠠᠨ ᠤ ᠭᠦᠳᠦᠯ᠂ ᠵᠠᠮ ᠤᠨ ᠠᠭᠤᠯᠵᠠᠭᠤᠷ᠂ ᠵᠠᠬᠠ ᠭᠢᠯᠢ ᠶᠢᠨ ᠥᠵᠦᠭᠦᠷ᠂ ᠡᠭᠡᠷᠡᠮᠡ ᠳᠠᠯᠠ ᠶᠢᠨ ᠳᠤᠮᠳᠠ ᠵᠡᠷᠭᠡ ᠭᠠᠵᠠᠷ ᠤᠳ ᠲᠤ ᠪᠣᠰᠬᠠᠵᠤ ᠳᠡᠮᠳᠡᠭ᠌ ᠪᠣᠯᠭᠠᠭᠰᠠᠨ ᠣᠪᠣᠭᠠ ᠶᠢ ᠭᠡᠯᠡᠨᠡ᠃ ᠳᠠᠷᠠ ᠨᠢ ᠣᠷᠤᠨ ᠨᠤᠳᠤᠭ ᠤᠨ ᠶᠢᠡᠨ ᠬᠠᠮᠤᠭ ᠦᠨᠳᠦᠷ ᠰᠦᠷᠯᠢᠭ᠌᠂ ᠥᠵᠡᠰᠭᠦᠯᠡᠩ ᠰᠠᠢ᠌ᠬᠠᠨ ᠰᠦᠷ ᠪᠠᠷᠳᠠᠭᠠ ᠲᠡᠶ ᠠᠭᠤᠯᠠ᠂ ᠬᠤᠧᠨ᠂ ᠵᠤ᠋ ᠮᠠᠳᠤ ᠶᠢᠨ 《ᠬᠠᠮᠤᠭ ᠶᠢ ᠰᠥᠭᠦᠳᠭᠡᠭ᠍ᠰᠡᠨ ᠮᠠᠳᠤ ᠰᠦᠷ ᠵᠢᠪᠬᠤᠯᠠᠩᠳᠤ ᠥᠡᠳᠦᠷᠯᠢᠭ᠌ ᠭᠠᠵᠠᠷᠠ》 ᠪᠣᠰᠬᠠᠳᠠᠭ᠃ 《ᠳᠠᠪᠠᠭᠠᠨ ᠣᠪᠣᠭᠠ》 ᠨᠢ 《ᠴᠠᠭᠠᠨ ᠮᠦᠷ ᠲᠡᠶ᠂ ᠴᠢᠠᠳᠠᠮᠤᠨᠢ ᠭᠡᠰᠢᠭ᠌ ᠲᠡᠶ》 ᠪᠠᠢ᠌ᠭᠠ ᠪᠠᠨ ᠪᠠᠯᠭᠡᠳᠡᠵᠤ᠂ ᠪᠠᠷᠳᠠᠭᠠᠳᠤ ᠳᠠᠪᠠᠭᠠ ᠶᠢ ᠠᠶᠤᠯ ᠦᠭᠡᠶ ᠡᠷᠡᠭᠦᠯ ᠡᠩᠭᠡ ᠪᠠᠷ ᠳᠠᠭᠤᠯᠠᠨ ᠭᠠᠷᠤᠭᠰᠠᠨ ᠳᠠᠭᠠᠨ ᠳᠠᠪᠠᠭᠠᠨ ᠤ ᠨᠠᠪᠳᠠᠭ ᠰᠢᠪᠳᠠᠭ ᠳᠠᠭᠠᠨ ᠳᠠᠭᠠᠳᠬᠠᠵᠤ ᠪᠣᠰᠬᠠᠭᠰᠠᠨ ᠪᠠᠢ᠌ᠳᠠᠭ᠃ 《ᠵᠠᠬᠠ ᠭᠢᠯᠢ ᠶᠢᠨ ᠣᠪᠣᠭᠠ》 ᠨᠢ ᠠᠢ᠌ᠯ ᠠᠢ᠌ᠯ᠂ ᠬᠤᠰᠢᠭᠤ ᠬᠤᠰᠢᠭᠤ ᠶᠢᠨ ᠬᠤᠭᠤᠷᠤᠠᠳᠤ ᠪᠠᠨ ᠵᠠᠬᠠ ᠭᠢᠯᠢ ᠪᠠᠨ ᠳᠤᠳᠤᠳᠬᠠᠭᠰᠠᠨ ᠣᠪᠣᠭᠠ ᠪᠣᠯᠬᠤ ᠶᠤᠮ᠃ 《ᠵᠥᠭ᠌ ᠴᠢᠭ᠌ ᠤᠨ ᠣᠪᠣᠭᠠ》 ᠭᠡᠵᠤ ᠨᠠᠩ ᠣᠯᠠᠨ ᠪᠠᠢ᠌ᠳᠠᠭ᠃ ᠵᠠᠮ ᠤᠨ ᠠᠭᠤᠯᠵᠠᠭᠤᠷ᠂ ᠡᠭᠡᠷᠡᠮᠡ ᠳᠠᠯᠠ ᠶᠢᠨ ᠳᠤᠮᠳᠠ ᠪᠣᠰᠬᠠᠵᠤ᠂ ᠠᠶᠠᠨ ᠳᠠᠢ᠌ᠨ ᠣᠳᠤᠷ ᠨᠡᠭᠦᠳᠡᠯ ᠭᠢᠵᠤ ᠶᠠᠪᠣᠬᠤ ᠶᠢᠨ ᠵᠥᠭ᠌ ᠴᠢᠭ᠌ ᠶᠢᠡᠨ ᠢᠯᠭᠠᠵᠤ ᠪᠣᠰᠬᠠᠵᠠᠢ᠃ ᠡᠷᠳᠡᠨ ᠤ ᠮᠤᠩᠭ᠋ᠤᠯ ᠴᠡᠷᠢᠭ᠌ ᠦᠷᠤᠨᠠᠳᠠᠭᠢᠨ ᠶᠢᠡᠷ ᠳᠠᠢ᠌ᠳᠤᠵᠤ ᠶᠠᠪᠣᠬᠤ ᠳᠤ ᠪᠠᠨ ᠵᠥᠭ᠌ ᠴᠢᠭ᠌ ᠶᠢᠡᠨ ᠢᠯᠭᠠᠵᠤ᠂ ᠪᠣᠴᠠᠬᠤ ᠵᠠᠮ ᠶᠢᠡᠨ ᠳᠡᠮᠳᠡᠭᠯᠡᠵᠤ ᠮᠤᠳᠤ ᠴᠢᠯᠠᠭᠤ ᠪᠠᠷ ᠣᠯᠠᠨ ᠣᠯᠠᠨ ᠣᠪᠣᠭᠠ ᠪᠣᠰᠬᠠᠵᠤ ᠪᠠᠢ᠌ᠭᠰᠠᠨ ᠢ ᠰᠤᠷᠪᠣᠯᠵᠢ ᠪᠢᠴᠢᠭ᠌ ᠲᠤ ᠳᠡᠮᠳᠡᠭᠯᠡᠭᠦᠰᠢᠳᠡᠢ᠃ 《ᠳᠡᠮᠳᠡᠭ᠌ ᠣᠪᠣᠭᠠ》 ᠶ᠋ᠢ ᠪᠣᠰᠬᠠᠬᠤ ᠳᠠᠭᠠᠨ ᠡᠩ ᠶᠡᠷᠦᠮᠳᠡᠭ᠌ ᠤᠨ ᠪᠠᠢ᠌ᠵᠤ ᠳᠡᠭᠡᠵᠤ ᠰᠠᠩ ᠪᠦᠳᠦᠭᠡᠨ ᠰᠢᠳᠦᠭᠡᠨ ᠠᠮᠢᠯᠠᠭᠤᠯᠳᠠᠭ ᠦᠭᠡᠶ᠂ ᠵᠥᠭᠡᠷ ᠪᠣᠰᠬᠠᠭᠰᠠᠨ ᠪᠠᠢ᠌ᠳᠠᠭ᠃
ᠭᠤᠷᠪᠠ᠂ ᠣᠪᠣᠭᠠ ᠪᠣᠰᠬᠠᠵᠤ ᠠᠮᠢᠯᠠᠭᠤᠯᠬᠤ
ᠣᠪᠣᠭᠠ ᠪᠣᠰᠬᠠᠵᠤ ᠠᠮᠢᠯᠠᠭᠤᠯᠬᠤ ᠳᠤ ᠡᠷᠭᠡᠪᠰᠢ ᠳᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠰᠢᠳᠠᠳᠤ ᠪᠦᠭᠡ ᠪᠣᠶᠤ ᠬᠤᠪᠢᠯᠭᠠᠨ ᠯᠠᠮᠠ ᠶᠢ ᠵᠠᠯᠠᠵᠤ ᠠᠪᠣᠷᠠᠯ ᠰᠤᠩᠳᠠᠭ ᠠᠪᠳᠠᠭ᠃ ᠬᠤᠷᠴᠢᠨ ᠨᠤᠳᠤᠭ ᠲᠤ ᠪᠦᠭᠡ ᠣᠯᠠᠨ ᠪᠠᠢ᠌ᠳᠠᠭ ᠳᠤᠯᠠ ᠵᠠᠷᠢᠮ ᠣᠪᠣᠭᠠ ᠶᠢ ᠪᠦᠭᠡ ᠨᠡᠷ ᠡᠷᠭᠢᠯᠡᠨ ᠥᠢᠯᠡᠳᠦᠳᠡᠭ᠌᠃ ᠡᠨᠡ ᠦᠶᠡ ᠳᠤ ᠯᠠᠮᠠ ᠨᠡᠷ ᠢ ᠤᠢ᠌ᠷᠠᠳᠠᠭᠤᠯᠳᠠᠭ ᠦᠭᠡᠶ ᠭᠡᠨᠡ᠃ ᠡᠭᠦᠨ ᠳᠤ ᠪᠤᠭᠡ ᠶᠢ ᠵᠠᠯᠠᠭᠰᠠᠨ ᠴᠤ᠂ ᠯᠠᠮᠠ ᠶᠢ ᠵᠠᠯᠠᠭᠰᠠᠨ ᠴᠤ ᠣᠪᠣᠭᠠ ᠳᠠᠭᠢᠯᠭᠠ ᠶᠢᠨ ᠶᠤᠰᠤᠨ ᠪᠣᠯ ᠡᠷᠳᠡᠨ ᠤ ᠪᠦᠭᠡ ᠮᠦᠷᠭᠦᠯ ᠤᠨ ᠰᠤᠶᠤᠯ ᠪᠣᠯᠬᠤᠷ ᠲ᠋ᠠᠭᠢᠯᠭᠠ ᠶᠢᠨ ᠣᠪᠣᠭᠠ ᠶᠢ ᠪᠣᠰᠬᠠᠵᠤ ᠠᠮᠢᠯᠠᠭᠤᠯᠬᠤ ᠠᠷᠭᠠ ᠭᠡᠯᠪᠠᠷᠢ᠂ ᠶᠤᠰᠤ ᠵᠢᠷᠤᠮ ᠨᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢᠪᠳᠤᠷ ᠪᠠᠢ᠌ᠳᠠᠭ᠃ ᠣᠴᠢᠷ ᠨᠢ ᠰᠢᠷᠠ ᠶᠢᠨ ᠱᠠᠰᠢᠨ ᠮᠤᠩᠭ᠋ᠤᠯ ᠣᠷᠤᠨ ᠳᠤ ᠪᠦᠭᠡ ᠶᠢᠨ ᠱᠠᠰᠢᠨ ᠢ ᠣᠷᠤᠯᠠᠵᠤ ᠨᠤᠶᠠᠷᠬᠠᠬᠤ ᠪᠠᠢ᠌ᠷᠢ ᠵᠢ ᠡᠵᠡᠯᠡᠭᠦ ᠳᠤ ᠪᠠᠨ ᠣᠷᠤᠨ ᠨᠤᠳᠤᠭ ᠤᠨ ᠮᠤᠩᠭ᠋ᠤᠯᠴᠤᠳ ᠤᠨ ᠣᠤᠷ ᠱᠠᠰᠢᠨ ᠤ ᠦᠵᠡᠯ ᠰᠡᠳᠬᠢᠯᠭᠡ ᠶᠢ ᠠᠮᠠᠷᠬᠠᠨ ᠡᠵᠡᠮᠳᠡᠭᠦ ᠶᠢᠨ ᠲᠦᠯᠦᠭᠡ ᠠᠷᠭᠠ ᠦᠭᠡᠶ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠵᠠᠷᠢᠮ ᠵᠣᠢ᠌ᠯ ᠢ ᠳᠠᠷᠠ ᠭᠡᠪ ᠶᠢᠡᠷ ᠨᠢ ᠰᠢᠩᠭᠡᠭᠡᠨ ᠠᠪᠣᠭᠰᠠᠨ ᠪᠠᠢ᠌ᠨᠠ᠃ ᠳᠤᠬᠠᠢ᠌ᠯᠠᠪᠠᠯ᠂ ᠯᠠᠮᠠ ᠶᠢᠨ ᠨᠤᠮ ᠤᠨ ᠣᠩᠰᠢᠯᠭᠠ ᠳᠤ ᠪᠠᠰᠠ ᠪᠦᠭᠡ ᠵᠢᠨ ᠱᠠᠰᠢᠨ ᠤ ᠣᠩᠭ᠋ᠤᠳ ᠰᠢᠳᠦᠭᠡᠨ᠂ ᠡᠵᠡᠳ ᠰᠠᠭᠢᠭᠤᠰᠤ ᠶᠢ᠌ ᠣᠷᠤᠭᠤᠯᠰᠠᠨ ᠪᠠ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠣᠩᠭ᠋ᠤᠳ ᠰᠢᠳᠦᠭᠡᠨ ᠢ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠭᠦᠷᠦᠭ᠌ ᠵᠢᠷᠤᠭ ᠶᠢᠡᠷ ᠣᠷᠤᠯᠠᠭᠤᠯᠬᠤ ᠭᠡᠳ ᠳᠠᠢ᠌ᠯᠦᠭᠰᠡᠨ ᠦᠭᠡᠶ ᠶᠤᠮ᠃ ᠵᠠᠯᠠᠭᠳᠠᠭᠰᠠᠨ ᠯᠠᠮᠠ ᠨᠢ ᠱᠤ᠋ ᠣᠷᠭᠢᠬᠤ᠂ ᠲᠦᠯᠭᠡ ᠥᠵᠡᠭᠦ᠂ ᠨᠤᠮ ᠣᠩᠰᠢᠵᠤ ᠪᠦᠳᠦᠭᠡᠯᠭᠡ ᠪᠦᠳᠦᠭᠡᠭᠦ᠂ ᠭᠡᠳᠤᠨ ᠰᠦᠨᠢ ᠪᠠᠷ ᠵᠡᠭᠦᠳᠤ ᠮᠠᠨᠠᠬᠤ ᠵᠡᠷᠭᠡ ᠠᠷᠭᠠ ᠪᠠᠷ ᠣᠪᠣᠭᠠ ᠪᠣᠰᠬᠠᠬᠤ ᠭᠠᠵᠠᠷ ᠪᠠ ᠴᠠᠭ ᠡᠳᠦᠷ ᠶᠢᠡᠨ ᠳᠤᠭᠳᠠᠭᠠᠨᠠ᠃ ᠬᠠᠨ ᠭᠦᠮᠤᠨ ᠤ ᠣᠪᠣᠭᠠ ᠪᠣᠯ ᠦᠨᠳᠦᠷ ᠠᠭᠤᠯᠠ ᠶᠢᠨ ᠣᠷᠭᠢᠯ ᠢ ᠰᠤᠩᠭ᠋ᠤᠨᠠ᠃ ᠥᠭᠡᠷᠡ ᠪᠣᠰᠤᠳ ᠣᠪᠣᠭᠠ ᠨᠢ ᠠᠭᠤᠯᠠ ᠣᠰᠤᠨ᠂ ᠮᠤᠳᠤᠨ ᠳᠡᠭᠦᠯᠳᠡᠷ ᠠᠷᠠᠤᠨ ᠣᠯᠠᠨ ᠴᠤᠭᠯᠠᠷᠠᠵᠤ ᠪᠣᠯᠬᠤ ᠰᠦᠷ ᠵᠢᠪᠬᠤᠯᠠᠩ ᠲᠡᠶ ᠥᠡᠳᠦᠷᠯᠢᠭ᠌ ᠭᠠᠵᠠᠷ᠂ ᠬᠤᠧᠨ ᠵᠤ᠋ ᠮᠠᠳᠤ ᠶᠢᠨ ᠬᠤᠯᠠ ᠡᠴᠡ ᠢᠯᠠ ᠬᠠᠷᠠᠭᠳᠠᠬᠤ ᠭᠠᠵᠠᠷ ᠲᠤ ᠪᠣᠰᠬᠠᠳᠠᠭ᠃
ᠣᠪᠣᠭᠠ ᠪᠣᠰᠬᠠᠬᠤ ᠭᠠᠵᠠᠷ ᠶᠢᠡᠨ᠂ ᠴᠠᠭ ᠶᠢᠡᠨ ᠳᠤᠭᠳᠠᠭᠠᠭᠰᠠᠨ ᠤ ᠳᠠᠷᠠᠭᠠ ᠡᠮᠦᠨᠡ ᠭᠤᠷᠪᠠᠨ ᠡᠳᠦᠷ ᠳᠤᠨᠢ ᠣᠪᠣᠭᠠ ᠪᠣᠰᠬᠠᠬᠤ ᠭᠠᠵᠠᠷ ᠲᠠᠭᠠᠨ ᠴᠠᠴᠠᠷ ᠳᠠᠭᠳᠤ᠂ ᠭᠡᠷ ᠮᠠᠢ᠌ᠬᠠᠨ ᠪᠠᠢ᠌ᠭᠤᠯᠤᠨ᠂ ᠨᠤᠮ ᠨᠤᠮᠯᠠᠬᠤ ᠯᠠᠮᠠ ᠪᠠᠨ ᠳᠤᠭᠳᠠᠭᠠᠨ᠂ ᠥᠢᠯᠡᠴᠢᠯᠭᠡᠨ ᠤ ᠭᠦᠮᠦᠰ ᠶᠢᠡᠨ ᠰᠤᠩᠭ᠋ᠤᠵᠤ ᠪᠠᠷᠢᠯᠭᠠᠴᠢᠨ ᠠᠵᠢᠯᠳᠠᠨ ᠶᠢᠡᠨ ᠰᠢᠯᠢᠭᠦ ᠮᠠᠳᠤ ᠶᠢᠨ ᠪᠡᠯᠡᠳᠭᠡᠯ ᠠᠵᠢᠯ ᠢ ᠡᠷᠭᠡᠪᠰᠢ ᠪᠦᠷᠢᠨ ᠪᠠᠯᠠᠨ ᠭᠦᠢᠴᠡᠳᠭᠡᠭᠦ ᠭᠡᠷᠡᠭ᠍ᠳᠡᠢ᠃
ᠣᠵᠠᠭᠤᠷ ᠮᠤᠩᠭ᠋ᠤᠯᠴᠤᠳ ᠡᠴᠡ ᠣᠪᠣᠭᠠ ᠪᠣᠯᠭᠠᠨ ᠳᠤ ᠡᠵᠡᠳ ᠰᠠᠭᠢᠭᠤᠰᠤ ᠲᠡᠶ ᠭᠡᠵᠤ ᠰᠡᠳᠭᠢᠳᠡᠭ᠌ ᠪᠣᠯᠬᠤᠷ ᠣᠯᠠᠩᠭᠢ ᠣᠪᠣᠭᠠ ᠶᠢ ᠪᠣᠰᠬᠠᠬᠤ ᠡᠴᠡ ᠪᠠᠨ ᠡᠮᠦᠨᠡ ᠭᠠᠵᠠᠷ ᠳᠤᠤᠷᠠ ᠨᠥᠭᠡ ᠮᠠᠯᠳᠠᠨ ᠡᠵᠡᠳ ᠰᠠᠭᠢᠭᠤᠰᠤ ᠳᠤ ᠪᠠᠨ ᠣᠷᠳᠤᠨ ᠭᠡᠷ ᠪᠠᠢ᠌ᠭᠤᠯᠵᠤ ᠶᠡᠭᠡ ᠰᠠᠩ ᠪᠦᠳᠦᠭᠡᠨᠡ᠃ ᠳᠠᠷᠤᠢ ᠪᠣᠰᠬᠠᠬᠤ ᠡᠳᠦᠷ ᠳᠡᠭᠡᠷᠡ ᠨᠢ ᠯᠠᠮᠠ ᠨᠡᠷ ᠨᠢ ᠰᠤᠩᠭ᠋ᠤᠭᠳᠠᠭᠰᠠᠨ ᠭᠠᠵᠠᠷ ᠲᠤ ᠬᠤᠷᠠᠯ ᠬᠤᠷᠠᠵᠤ ᠨᠤᠮ ᠣᠩᠰᠢᠨ ᠭᠠᠵᠠᠷ ᠣᠰᠤᠨ ᠤ ᠨᠠᠪᠳᠠᠭ ᠰᠢᠪᠳᠠᠭ ᠢ ᠵᠠᠯᠠᠵᠤ ᠪᠠᠢ᠌ᠮᠠᠨ ᠰᠠᠶᠢ ᠪᠣᠰᠬᠠᠬᠤ ᠭᠠᠵᠠᠷ ᠶᠢᠡᠨ ᠭᠦᠡᠳᠡᠵᠤ ᠣᠪᠣᠭᠠ ᠪᠣᠰᠬᠠᠬᠤ ᠠᠵᠢᠯ ᠶᠢᠡᠨ ᠡᠭᠢᠯᠡᠳᠡᠭ᠌᠃ ᠪᠠᠷᠢᠭᠠᠴᠢᠨ ᠠᠵᠢᠯᠳᠠᠨ ᠨᠡᠷ ᠮᠤᠩᠭ᠋ᠤᠯ ᠭᠡᠷ ᠤᠨ ᠭᠡᠯᠪᠠᠷᠢ ᠲᠡᠶ ᠨᠢᠭᠡ ᠵᠠᠩ ᠭᠢᠷᠢ ᠭᠦᠨ ᠨᠥᠭᠡ ᠣᠬᠤᠵᠤ᠂ ᠨᠥᠭᠡ ᠶᠢᠨ ᠣᠷᠤᠢ ᠶᠢ ᠮᠤᠩᠭ᠋ᠤᠯ ᠭᠡᠷ ᠤᠨ ᠮᠠᠶᠢᠭ ᠶᠢᠡᠷ ᠳᠦᠷᠪᠠᠨ ᠳᠤᠯᠭᠠᠭᠤᠷ᠂ ᠨᠢ᠋ᠮᠠᠨ ᠣᠨᠢ᠌ ᠶᠢ ᠳᠠᠭᠠᠷᠠᠭᠤᠯᠤᠨ᠂ ᠮᠠᠰᠢ ᠪᠠᠭᠢᠯᠢᠭ᠌ ᠪᠠᠭᠢ ᠳᠡᠭᠡᠪᠦᠷᠢᠯᠡᠨ ᠪᠢᠳᠡᠭᠦᠯᠦᠨᠡ᠃ ᠣᠷᠤᠭᠰᠢ ᠡᠭᠦᠳᠡ ᠭᠠᠷᠭᠠᠨ ᠣᠷᠳᠤᠨ ᠳᠤ ᠣᠷᠤᠬᠤ ᠵᠠᠮ ᠢ ᠴᠢᠯᠠᠭᠤ ᠳᠤᠭᠤᠰᠬᠠ ᠪᠠᠷ ᠰᠠᠢ᠌ᠬᠠᠨ ᠳᠠᠪᠢᠰᠤᠨᠠ᠃
ᠨᠤᠮ ᠡᠭᠢᠯᠡᠵᠤ ᠣᠩᠰᠢᠭᠰᠠᠨ ᠤ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠡᠳᠦᠷ ᠳᠤᠨᠢ ᠣᠪᠣᠭᠠ ᠪᠦᠳᠦᠭᠡᠯᠭᠡ ᠶᠢᠨ ᠠᠵᠢᠯ ᠪᠦᠷᠢᠮᠦᠰᠤᠨ ᠳᠠᠭᠤᠰᠬᠤ ᠭᠡᠷᠡᠭ᠍ᠳᠡᠢ᠃ ᠳᠡᠭᠡᠭᠡᠳ ᠯᠠᠮᠠ ᠨᠡᠷ ᠣᠪᠣᠭᠠᠨ ᠡᠵᠡᠳ ᠲᠤ ᠳᠠᠭᠢᠯᠭᠠ ᠪᠡᠯᠡᠳᠭᠡᠨᠡ᠃ ᠬᠠᠮᠤᠭ ᠳᠡᠷᠢᠭᠦᠨ ᠳᠤ ᠣᠷᠳᠤᠨ ᠤ ᠭᠦᠰᠡᠷ ᠤᠨ ᠭᠤᠤᠯ ᠳᠤᠮᠳᠠ ᠪᠦᠳᠦᠭᠦᠨ ᠳᠦᠷᠪᠠᠯᠵᠢᠨ ᠱᠤᠩ ᠪᠣᠰᠬᠠᠵᠤ᠂ ᠳᠦᠷᠪᠠᠨ ᠨᠢᠭᠤᠷ ᠳᠠᠯᠠ ᠳᠤ ᠨᠢ ᠣᠪᠣᠭᠠ ᠪᠣᠰᠬᠠᠭᠰᠠᠨ ᠭᠦᠮᠤᠨ᠂ ᠬᠤᠰᠢᠭᠤ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠨᠠᠷᠠ᠂ ᠨᠤᠮᠯᠠᠭᠰᠠᠨ ᠳᠡᠭᠡᠳᠤ ᠯᠠᠮᠠ᠂ ᠣᠩᠰᠢᠭᠰᠠᠨ ᠨᠤᠮ ᠤᠨ ᠨᠠᠷᠠ ᠵᠢᠴᠢ ᠪᠠᠢ᠌ᠭᠤᠯᠤᠭᠰᠠᠨ ᠣᠨ᠂ ᠰᠠᠷᠠ᠂ ᠡᠳᠦᠷ ᠵᠡᠷᠭᠡ ᠶᠢ ᠪᠢᠴᠢᠵᠤ᠂ ᠡᠰᠡᠭᠦᠯᠡ ᠰᠠᠢ᠌ᠯᠵᠤ ᠭᠠᠷᠭᠠᠭᠠᠤᠨ ᠭᠠᠳᠠᠭᠤᠷ ᠨᠢ ᠣᠯᠠᠭᠠᠨ ᠳᠤᠷᠭᠠ ᠪᠠᠷ ᠪᠦᠷᠭᠦᠵᠤ ᠪᠦᠳᠡᠭᠡᠵᠤ ᠳᠠᠯᠪᠢᠨᠠ᠃ ᠠᠷᠤ ᠳᠠᠯᠠ ᠶᠢᠨ ᠳᠠᠭᠢᠯᠭᠠ ᠶᠢᠨ ᠳᠠᠪᠴᠠᠩ ᠤᠨ ᠣᠷᠳᠤ ᠳᠠᠯᠠ ᠳᠤ ᠣᠪᠣᠭᠠᠨ ᠡᠵᠡᠨ ᠰᠢᠪᠳᠠᠭ ᠶᠢᠡᠨ ᠳᠠᠭᠢᠨᠠ᠃ ᠵᠡᠭᠦᠨ᠂ ᠪᠠᠷᠠᠭᠤᠨ᠂ ᠬᠣᠢ᠌ᠳᠤ ᠭᠤᠷᠪᠠᠨ ᠳᠠᠯᠠ ᠳᠤ ᠨᠢ ᠨᠠᠶᠠᠨ ᠬᠤᠶᠠᠷ ᠳ᠋ᠸᠪᠠᠵᠠᠨ ᠢ ᠳᠤᠭᠤᠷᠢᠭᠤᠯᠤᠨ ᠳᠠᠭᠢᠨᠠ᠃ ᠡᠭᠦᠨ ᠳᠤ ᠰᠢᠪᠳᠠᠭ ᠪᠣᠶᠤ ᠳ᠋ᠸᠪᠠᠵᠠᠤᠨ ᠤᠨ ᠳᠦᠷᠢ ᠳᠦᠷᠭᠦ ᠶᠢ ᠪᠦᠰ ᠳᠡᠭᠡᠷᠡ ᠵᠢᠷᠤᠬᠤ᠂ ᠮᠤᠳᠤᠨ ᠬᠠᠪᠳᠠᠰᠤᠨ ᠳᠡᠭᠡᠷᠡ ᠰᠡᠢ᠌ᠯᠭᠦ ᠪᠠ ᠭᠠᠤᠯᠢ ᠵᠠᠰ᠂ ᠭᠦᠷᠡᠯ ᠮᠠᠳᠤ ᠶᠢᠨ ᠳᠡᠮᠦᠷᠯᠢᠭ᠌ ᠤᠨ ᠵᠣᠢ᠌ᠯᠠᠰ ᠶᠢᠡᠷ ᠴᠢᠳᠬᠤᠵᠤ ᠪᠦᠳᠦᠭᠡᠭ᠍ᠰᠡᠨ ᠪᠠᠢ᠌ᠳᠠᠭ᠃ ᠡᠮᠦᠨᠡ ᠨᠢ ᠮᠥᠩᠭᠦ᠂ ᠭᠠᠤᠯᠢ ᠵᠠᠰ ᠤᠨ ᠭᠤᠷᠪᠠᠨ ᠳᠤᠮᠤ ᠴᠥᠭᠦᠴᠡ ᠳᠤ ᠵᠤᠯᠠ ᠠᠰᠠᠭᠠᠨ ᠣᠷᠳᠤᠨ ᠢ ᠦᠪᠴᠢ ᠭᠡᠷᠡᠯᠳᠦᠭᠦᠯᠦᠨᠡ᠃ ᠭᠠᠤᠯᠢᠨ ᠠᠶᠠᠭᠠᠨ ᠳᠤ ᠮᠠᠩᠵᠢᠨ ᠤ ᠳᠡᠭᠡᠵᠢ᠂ ᠭᠠᠤᠯᠢᠨ ᠬᠤᠠᠳᠠᠭᠠᠨ ᠳᠤ ᠰᠠᠷᠬᠤᠤᠨ ᠤᠨ ᠳᠡᠭᠡᠵᠢ᠂ ᠭᠤᠷᠪᠠᠨ ᠭᠠᠤᠯᠢᠨ ᠫᠢᠯᠠ ᠳᠤ ᠴᠠᠭᠠᠨ ᠢᠳᠡᠭᠡ᠂ ᠪᠣᠤᠪᠣ ᠪᠣᠭᠤᠷᠰᠤᠭ᠂ ᠰᠢᠭᠢᠷ ᠪᠣᠷᠠᠮ ᠤᠨ ᠠᠮᠳᠠᠳᠠᠨ ᠢ ᠳᠠᠭᠢᠵᠤ ᠳᠠᠯᠪᠢᠨᠠ᠃ ᠳᠡᠭᠦᠨ ᠤ ᠡᠮᠦᠨᠡ ᠨᠢ ᠪᠠᠰᠠ ᠶᠢᠰᠤᠨ ᠶᠤᠸᠠᠮᠪᠣᠤ ᠶᠢ ᠵᠡᠷᠭᠡᠯᠡᠨ ᠳᠠᠯᠪᠢᠵᠤ ᠳᠠᠭᠢᠨᠠ᠃ ᠪᠠᠷᠠᠭᠤᠨ ᠳᠠᠯᠠ ᠶᠢᠨ ᠳᠠᠪᠴᠠᠩ ᠳᠡᠭᠡᠷᠡ ᠨᠢ ᠣᠪᠣᠭᠠᠨ ᠰᠢᠪᠳᠠᠭ ᠤᠨ ᠭᠡᠷᠡᠭᠯᠡᠭᠦ ᠳᠦᠷᠪᠠᠨ ᠣᠯᠠᠷᠢᠯ ᠤᠨ ᠬᠤᠪᠴᠠᠰᠤ ᠬᠤᠨᠠᠷ᠂ ᠭᠢᠳᠤᠭᠠ ᠰᠠᠯᠠᠮᠠ᠂ ᠡᠮᠡᠭᠡᠯ ᠬᠠᠵᠠᠭᠠᠷ ᠵᠡᠷᠭᠡ ᠶᠢᠨ ᠵᠣᠢ᠌ᠯᠠᠰ ᠢ ᠳᠡᠭ᠍ᠰᠢᠭᠡᠨ ᠳᠠᠯᠪᠢᠨᠠ᠃ ᠽᠠᠠᠳᠠᠨ ᠱᠤᠩ ᠤᠨ ᠡᠮᠦᠨᠡ ᠳᠠᠯᠠ ᠳ᠋ᠤᠨᠢ ᠳᠤᠯᠭᠠ ᠶᠢᠨ ᠭᠦᠷᠢᠶᠡ ᠳᠤᠭᠢᠷᠠᠭᠤᠯᠵᠤ᠂ ᠳᠤᠮᠳᠠ ᠨᠢ ᠭᠠᠤᠯᠢᠨ ᠳᠤᠭᠤᠭᠠ ᠳᠠᠯᠪᠢᠭᠰᠠᠨ ᠭᠠᠩ ᠳᠤᠯᠭᠠ ᠪᠣᠰᠬᠠᠵᠤ ᠳᠤᠳᠤᠷᠠ ᠨᠢ ᠽᠠᠠᠳᠠᠠ᠂ ᠬᠠᠢ᠌ᠯᠠᠰᠤ ᠵᠡᠷᠭᠡ ᠶᠢᠨ ᠮᠤᠳᠤ ᠶᠢ ᠳᠢᠭ᠌ ᠲᠡᠶ ᠳᠠᠯᠪᠢᠵᠤ ᠭᠠᠯ ᠲᠦᠯᠦᠭᠦ ᠮᠠᠶᠢᠭ ᠭᠠᠷᠭᠠᠨᠠ᠃ ᠭᠠᠤᠯᠢᠨ ᠳᠠᠪᠣᠷᠠ᠂ ᠰᠠᠭᠤᠯᠭᠠ᠂ ᠰᠢᠨᠠᠭᠠ᠂ ᠬᠤᠰᠤᠭᠤᠷ ᠪᠠ ᠭᠠᠯ ᠤᠨ ᠬᠠᠢ᠌ᠴᠢ ᠵᠡᠷᠭᠡ ᠶᠢᠨ ᠭᠡᠷᠡᠭᠯᠡᠭᠦᠷ ᠢ ᠳᠠᠯᠪᠢᠨᠠ᠃ ᠪᠦᠭᠦᠢᠯᠡ ᠳᠠᠭᠢᠯᠭᠠ ᠶᠢᠨ ᠵᠣᠢ᠌ᠯ ᠶᠢᠡᠨ ᠪᠡᠯᠡᠳᠭᠡᠵᠤ ᠳᠠᠯᠪᠢᠭᠰᠠᠨ ᠤ ᠳᠠᠷᠠᠭᠠ᠂ ᠣᠷᠳᠤᠨ ᠭᠡᠷ ᠲᠤ ᠦᠪᠴᠢ ᠳᠡᠪᠢᠰᠭᠡᠷ ᠳᠠᠪᠢᠰᠴᠤ ᠮᠦᠨ ᠭᠡᠳᠤᠨ ᠭᠡᠪᠢᠰ ᠣᠯᠪᠣᠭ ᠳᠠᠯᠪᠢᠵᠤ ᠭᠤᠷᠪᠠᠨ ᠯᠠᠮᠠ ᠰᠠᠭᠤᠭᠠᠤᠨ ᠰᠠᠩ ᠤᠨ ᠣᠩᠰᠢᠯᠭᠠ ᠰᠠᠷᠵᠢᠮ ᠤᠨ ᠣᠩᠰᠢᠯᠭᠠ ᠶᠢ ᠭᠤᠷᠪᠠᠨ ᠡᠳᠦᠷ ᠣᠩᠰᠢᠨᠠ᠃ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠣᠷᠳᠤᠨ ᠡᠴᠡ ᠭᠠᠷᠬᠤ ᠳᠤ ᠪᠠᠨ ᠡᠭᠦᠳᠡ ᠶᠢ ᠰᠠᠢ᠌ᠬᠠᠨ ᠳᠠᠷᠤᠵᠤ᠂ ᠯᠠᠪᠠᠢ ᠳᠤᠩ᠂ ᠬᠠᠰ ᠤᠨ ᠳᠠᠮᠠᠭᠠ ᠳᠠᠷᠤᠮᠯᠠᠨ ᠴᠢᠮᠡᠭᠯᠡᠭ᠍ᠰᠡᠨ ᠴᠠᠭᠠᠨ ᠳᠤᠷᠭᠠ ᠪᠠᠷ ᠪᠦᠷᠭᠦᠭᠦ ᠪᠦᠭᠡᠳ ᠭᠠᠳᠠᠨᠠ ᠡᠴᠡ ᠨᠢ ᠴᠢᠯᠠᠭᠤ ᠴᠤᠬᠤᠢ ᠪᠠᠷ ᠰᠠᠢ᠌ᠳᠤᠷ ᠪᠠᠭᠢᠯᠠᠵᠤ ᠰᠢᠷᠤᠢ ᠳᠤᠭᠤᠰᠤ ᠣᠰᠤ ᠴᠠᠰᠤ ᠣᠷᠤᠬᠤ ᠶᠢ ᠰᠡᠷᠭᠡᠢ᠌ᠯᠡᠨᠡ᠃
ᠭᠡᠯᠡᠯᠭᠡᠨ ᠦᠭᠡᠶ ᠮᠤᠩᠭ᠋ᠤᠯ ᠭᠠᠵᠠᠷ ᠳᠤᠭᠠ ᠳᠤᠮᠰᠢ ᠦᠭᠡᠶ ᠣᠯᠠᠨ ᠣᠪᠣᠭᠠ ᠪᠠᠢ᠌ᠭᠠ ᠪᠣᠯᠬᠤᠷ ᠳᠠᠷᠠ ᠪᠦᠭᠦᠨ ᠳ᠋ᠤᠨᠢ ᠳᠡᠭᠡᠷᠡᠭᠢ ᠮᠠᠳᠤ ᠰᠠᠩ ᠪᠦᠳᠦᠭᠡᠵᠤ ᠪᠣᠰᠬᠠᠬᠤ ᠪᠢᠰᠢ᠃ ᠠᠯᠢ ᠣᠯᠠᠨ ᠡᠩ ᠤᠨ ᠣᠪᠣᠭᠠ᠂ ᠳᠡᠮᠳᠡᠭ᠌ ᠣᠪᠣᠭᠠ ᠨᠢ ᠪᠦᠷ ᠴᠤ ᠰᠠᠩ ᠳᠠᠷᠤᠭᠰᠠᠨ ᠦᠭᠡᠶ ᠪᠠᠷ ᠵᠥᠭᠡᠷ ᠪᠣᠰᠬᠠᠭᠰᠠᠨ ᠪᠠᠢ᠌ᠳᠠᠭ᠃ ᠪᠠᠭᠠ ᠰᠢᠭ ᠣᠪᠣᠭᠠ ᠪᠣᠶᠤ ᠰᠤᠮᠤ ᠶᠢᠨ ᠣᠪᠣᠭᠠ ᠶᠢ ᠪᠣᠰᠬᠠᠬᠤ ᠳᠤ ᠪᠠᠨ ᠯᠠᠮᠠ ᠨᠡᠷ ᠶᠢᠡᠷ ᠳᠠᠷᠨᠢᠳᠠᠭᠤᠯᠤᠭᠰᠠᠨ ᠳᠠᠪᠤᠨ ᠳᠠᠷᠢᠶᠠ ᠶᠢᠨ ᠦᠷᠡ᠂ ᠮᠠᠯ ᠤᠨ ᠭᠡᠰᠢᠭ᠌᠂ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠥᠰᠦᠭ᠌ ᠲᠡᠶ ᠳᠠᠷᠴᠤᠭ ᠵᠡᠷᠭᠡ ᠶᠢ ᠰᠢᠷᠤᠢ ᠶᠢᠨ ᠯᠤᠩᠬᠤᠨ ᠳᠤ ᠭᠢᠭᠦ ᠪᠣᠶᠤ ᠴᠢᠯᠠᠭᠤᠨ ᠳᠤᠮᠳᠠ ᠬᠠᠰᠢᠵᠤ ᠳᠠᠯᠪᠢᠭᠠᠤᠨ ᠳᠡᠭᠡᠷᠡ ᠨᠢ ᠣᠪᠣᠭᠠ ᠪᠠᠨ ᠪᠣᠰᠬᠠᠳᠠᠭ᠃
ᠡᠨᠡᠭᠦ ᠪᠠᠢ᠌ᠭᠤᠯᠤᠭᠰᠠᠨ ᠣᠷᠳᠤᠨ ᠤ ᠳᠡᠭᠡᠷᠡ ᠣᠪᠣᠭᠠ ᠪᠣᠰᠬᠠᠬᠤ ᠳᠤ ᠪᠠᠨ ᠴᠢᠯᠠᠭᠤ᠂ ᠳᠤᠭᠤᠰᠬᠠ᠂ ᠮᠤᠳᠤ᠂ ᠰᠢᠷᠤᠢ ᠵᠡᠷᠭᠡ ᠶᠢᠨ ᠠᠯᠢ ᠨᠢᠭᠡ ᠪᠠᠷ ᠨᠢ ᠶᠢᠰᠤᠨ ᠳᠤᠬᠤᠢ ᠦᠨᠳᠦᠷ᠂ ᠶᠢᠰᠤᠨ ᠳᠤᠬᠤᠢ ᠳ᠋ᠢᠶᠠᠮᠸᠲ᠋ᠷ ᠰᠠᠭᠤᠷᠢ ᠲᠡᠶ ᠭᠤᠷᠪᠠ ᠳᠡᠭ᠍ᠳᠡᠷᠯᠡᠨ ᠪᠣᠰᠬᠠᠵᠤ ᠳᠡᠭ᠍ᠳᠡᠷ ᠱᠠᠳᠤ ᠪᠦᠷᠢ ᠳᠤ ᠨᠠᠷᠠᠰᠤ᠂ ᠮᠠᠢ᠌ᠯᠠᠰᠤ᠂ ᠨᠠᠢ᠌ᠯᠵᠠᠭᠤᠷ ᠪᠣᠷᠭᠠᠰᠤ ᠵᠡᠷᠭᠡ ᠶᠢ ᠳᠤᠭᠤᠷᠢᠭᠤᠯᠤᠨ ᠢᠭᠴᠤ ᠬᠠᠳᠬᠤᠵᠤ ᠣᠪᠣᠭᠠᠨ ᠤ ᠣᠷᠤᠢ ᠶᠢᠨ ᠳᠡᠭ᠌ ᠳᠤᠮᠳᠠ ᠨᠢ ᠭᠠᠤᠯᠢᠨ ᠣᠷᠤᠢ ᠲᠡᠶ ᠽᠠᠠᠳᠠᠨ ᠮᠤᠳᠤᠨ ᠳ᠋ᠦᠭ ᠢ ᠪᠣᠰᠬᠠᠵᠤ ᠳᠡᠭᠦᠨ ᠡᠴᠡ ᠳᠦᠷᠪᠠᠨ ᠳᠠᠯᠠ ᠳᠠᠰᠢ ᠪᠠᠨ ᠰᠤᠩᠳᠠᠭ ᠵᠠᠯᠠ ᠳᠠᠳᠠᠵᠤ᠂ ᠰᠤᠩᠳᠠᠭ ᠡᠴᠡ ᠪᠠᠨ ᠳᠦᠷᠪᠠᠨ ᠭᠦᠴᠦᠳᠡᠨ ᠲ᠋ᠡᠭᠡᠷᠡ ᠳᠠᠯᠠ ᠶᠢᠨ ᠪᠠᠷᠠᠭᠤᠨ ᠥᠡᠴᠦᠭ᠌ ᠲᠤ ᠯᠤᠤ ᠵᠢᠷᠤᠵᠤ᠂ ᠵᠡᠭᠦᠨ ᠥᠡᠴᠦᠭ᠌ ᠲᠤ ᠭᠠᠷᠤᠳᠢ ᠵᠢᠷᠤᠨᠠ᠃ ᠳᠤᠤᠷᠠ ᠳᠠᠯᠠ ᠶᠢᠨ ᠵᠡᠭᠦᠨ ᠥᠡᠴᠦᠭ᠌ ᠲᠤ ᠪᠠᠷᠰ ᠵᠢᠷᠤᠵᠤ᠂ ᠪᠠᠷᠠᠭᠤᠨ ᠥᠡᠴᠦᠭ᠌ ᠲᠤ ᠠᠷᠰᠯᠠᠨ ᠵᠢᠷᠤᠨᠠ᠂ ᠳᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠥᠰᠦᠭ᠌ ᠵᠡᠷᠭᠡ ᠶᠢ ᠵᠢᠷᠤᠵᠤ ᠪᠢᠴᠢᠨ ᠯᠠᠪᠷᠢ ᠪᠣᠯᠭᠠᠨ ᠣᠠᠵᠢᠭᠤᠯᠤᠨ ᠡᠯᠭᠦᠨᠡ᠃
ᠣᠪᠣᠭᠠ ᠪᠠᠷᠢᠯᠭᠠ ᠪᠦᠳᠦᠭ᠍ᠰᠡᠨ ᠤ ᠳᠠᠷᠠᠭᠠ ᠯᠠᠮᠠ ᠨᠡᠷ ᠣᠩᠰᠢᠯᠭᠠ ᠪᠠᠨ ᠣᠩᠰᠢᠵᠤ ᠬᠤᠩᠬᠤ ᠳᠠᠮᠠᠷᠤ ᠪᠠᠨ ᠳᠤᠤᠭᠠᠷᠭᠠᠨ᠂ ᠭᠡᠩᠭᠡᠷᠭᠡ ᠴᠠᠩ ᠶᠢᠡᠨ ᠳᠠᠯᠠᠳᠴᠤ᠂ ᠪᠦᠷᠢᠶᠡ ᠪᠢᠰᠭᠢᠭᠦᠷ ᠦᠯᠢᠶᠠᠨ ᠴᠤᠭ ᠵᠢᠪᠬᠤᠯᠠᠩ ᠲᠡᠶ᠂ ᠰᠦᠷ ᠳᠠᠯᠠᠢ᠌ᠴᠠ ᠲᠡᠶ ᠬᠤᠷᠠᠯ ᠬᠤᠷᠠᠵᠤ ᠰᠠᠩ ᠳᠠᠯᠪᠢᠨ 《ᠫᠣᠩᠰᠤᠭᠷᠠᠰᠢ》 ᠪᠦᠷᠢᠨ ᠦᠯᠵᠡᠢ ᠭᠡᠮᠡᠭ᠍ᠳᠡᠭᠦ ᠳᠠᠯᠠᠯᠭᠠ ᠣᠷᠤᠰᠢᠪᠠᠢ ᠣᠩᠰᠢᠨᠠ᠃
ᠵᠢᠯ ᠪᠦᠷᠢ ᠶᠢᠨ ᠣᠪᠣᠭᠠ ᠳᠠᠭᠢᠯᠭᠠ ᠳᠤ ᠯᠠᠮᠠ ᠨᠡᠷ ᠢ ᠵᠠᠯᠠᠵᠤ ᠡᠳᠦᠷ ᠥᠵᠡᠭᠦᠯᠦᠨᠡ᠃ ᠳᠠᠷᠤᠢ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠳᠠᠪᠤᠨ ᠰᠠᠷᠠ ᠶᠢᠨ ᠶᠢᠰᠤᠨ᠂ ᠠᠷᠪᠠᠨ ᠭᠤᠷᠪᠠᠨ᠂ ᠬᠤᠷᠢᠨ ᠳᠠᠪᠤᠨ ᠪᠣᠶᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠳᠠᠪᠤᠨ᠂ ᠬᠤᠷᠢᠨ ᠵᠢᠷᠭᠤᠭᠠᠨ ᠡᠰᠡᠭᠦᠯᠡ ᠳᠤᠯᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠳᠠᠪᠤᠨ ᠤ ᠡᠳᠦᠷ ᠲᠤ ᠲᠤᠬᠢᠶᠠᠯᠳᠤᠭᠤᠯᠵᠤ ᠳᠠᠭᠢᠵᠠᠭᠠᠳᠠᠭ᠃ ᠵᠠᠷᠢᠮ ᠳᠠᠭᠠᠨ ᠶᠡᠭᠡ ᠭᠠᠩ ᠭᠠᠴᠢᠭ ᠪᠣᠯᠤᠭᠰᠠᠨ ᠪᠣᠯ ᠴᠢᠯᠦᠭᠡᠳᠡᠢ ᠪᠠᠷ ᠡᠳᠦᠷ ᠰᠤᠩᠭ᠋ᠤᠵᠤ ᠳᠠᠭᠢᠵᠤ ᠴᠤ ᠪᠣᠯᠳᠠᠭ᠃
ᠳᠦᠷᠪᠠ᠂ ᠣᠪᠣᠭᠠᠨ ᠳᠠᠭᠢᠯᠭᠠ ᠶᠢᠨ ᠪᠡᠯᠡᠳᠭᠡᠯ ᠵᠢᠴᠢ ᠳᠠᠭᠢᠬᠤ ᠶᠠᠪᠣᠴᠠ
ᠰᠤᠩᠭ᠋ᠤᠭᠰᠠᠨ ᠣᠪᠣᠭᠠ ᠳ᠋ᠠ ᠪᠣᠶᠤ ᠳᠤᠰᠬᠠᠢ ᠳᠤᠮᠢᠯᠠᠭᠰᠠᠨ ᠲᠦᠰᠢᠮᠠᠯ ᠬᠠᠷᠢᠭᠤᠴᠠᠨ ᠣᠪᠣᠭᠠᠨ ᠳᠠᠭᠢᠯᠭᠠ ᠶᠢᠨ ᠠᠵᠢᠯ ᠤᠨ ᠪᠡᠯᠡᠳᠭᠡᠯ ᠢ ᠭᠦᠢᠴᠡᠳᠭᠡᠨ ᠡᠩ ᠳᠡᠷᠢᠭᠦᠨ ᠳᠤ ᠣᠪᠣᠭᠠᠨ ᠤ ᠳᠡᠷᠭᠡᠳᠡ ᠭᠡᠷ ᠳᠡᠷᠭᠡ ᠵᠡᠷᠭᠡ ᠶᠢ ᠪᠠᠢ᠌ᠭᠤᠯᠵᠤ᠂ ᠳᠠᠭᠢᠨ ᠵᠠᠷᠤᠳᠠᠯ ᠭᠡᠷᠡᠭ᠍ᠰᠡᠯ ᠤᠨ ᠵᠤᠭᠤᠰ ᠮᠥᠩᠭᠦ᠂ ᠢᠳᠡᠭᠡ ᠰᠢᠭᠦᠰᠤ ᠵᠡᠷᠭᠡ ᠶᠢ ᠰᠠᠭᠤᠷᠢ ᠮᠥᠩᠭᠦ ᠲᠡᠶ ᠪᠣᠯ ᠣᠷᠢᠳᠠᠪᠠᠷ ᠭᠠᠷᠭᠠᠵᠤ᠂ ᠦᠭᠡᠶ ᠪᠣᠯ ᠰᠤᠮᠤ ᠨᠤᠳᠤᠭ᠂ ᠠᠢ᠌ᠯ ᠡᠷᠦᠭᠡ ᠪᠠᠷ ᠠᠯᠪᠠ ᠳᠤᠰᠢᠶᠠᠨ ᠬᠤᠷᠠᠮᠳᠤᠭᠤᠯᠤᠨᠠ᠃ ᠡᠰᠡᠭᠦᠯᠡ ᠮᠠᠯ ᠭᠦᠷᠦᠩᠭᠡ ᠵᠤᠵᠠᠭᠠᠨ ᠲᠡᠶ ᠰᠥᠰᠦᠭ᠍ᠳᠡᠨ ᠨᠡᠷ ᠶᠡᠭᠡ ᠭᠡᠮᠵᠢᠶᠡᠨ ᠤ ᠮᠥᠩᠭᠦ ᠵᠤᠭᠤᠰ᠂ ᠮᠠᠯ ᠬᠠᠷᠠ᠂ ᠡᠳ᠋ ᠪᠦᠳᠡᠰ ᠵᠡᠷᠭᠡ ᠶᠢ ᠪᠠᠷᠢᠴᠠ ᠡᠷᠭᠦᠨᠡ᠃ ᠳᠠᠭᠢᠯᠭᠠ ᠳᠤ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠭᠦᠷᠦᠩᠭᠡ ᠮᠥᠩᠭᠦ ᠶᠢ ᠬᠠᠭᠠᠰ ᠢ ᠨᠢ ᠣᠤᠪᠣᠭᠠᠨ ᠤ ᠭᠦᠷᠦᠩᠭᠡ ᠪᠣᠯᠭᠠᠨ ᠥᠯᠡᠳᠡᠭᠡᠨᠡ᠃ ᠥᠯᠡᠳᠡᠭ᠍ᠰᠡᠨ ᠬᠠᠭᠠᠰ ᠤᠨ ᠭᠤᠷᠪᠠᠨ ᠤ ᠨᠢᠭᠡ ᠬᠤᠪᠢ ᠶᠢ ᠵᠠᠯᠠᠭᠰᠠᠨ ᠯᠠᠮᠠ ᠨᠡᠷ ᠲᠤ ᠡᠷᠭᠦᠴᠡ ᠪᠠᠷᠢᠵᠤ᠂ ᠨᠢᠭᠡ ᠬᠤᠪᠢ ᠶᠢ ᠨᠢ ᠣᠪᠣᠭᠠᠨ ᠨᠠᠢ᠌ᠷ ᠤᠨ ᠱᠠᠩᠨᠠᠯ ᠳᠤ ᠭᠡᠷᠡᠭᠯᠡᠨ ᠥᠯᠡᠳᠡᠭ᠍ᠰᠡᠨ ᠨᠢᠭᠡ ᠬᠤᠪᠢ ᠶᠢ ᠨᠢ ᠡᠨᠡ ᠣᠳᠠᠭᠠᠨ ᠤ ᠣᠪᠣᠭᠠᠨ ᠳᠠᠭᠢᠯᠭᠠ ᠶᠢᠨ ᠰᠤᠯᠠ ᠵᠠᠷᠤᠳᠠᠯ ᠳᠤ ᠭᠡᠷᠡᠭᠯᠡᠨᠡ᠃
ᠳᠠᠭᠢᠬᠤ ᠪᠣᠯᠬᠤ ᠳᠤ ᠯᠠᠮᠠ ᠨᠡᠷ ᠠᠯᠢᠪᠠ ᠭᠡᠷᠡᠭ᠍ᠰᠡᠯ ᠶᠢᠡᠨ ᠠᠪᠴᠤ ᠢᠷᠠᠨ ᠬᠤᠰᠢᠭᠤ ᠪᠣᠶᠤ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠨᠤᠶᠠᠤᠨ ᠲᠦᠰᠢᠮᠠᠤᠨ ᠳᠡᠷᠢᠭᠦᠯᠡᠨ ᠪᠠᠰᠠ ᠬᠠᠷᠢ ᠶᠢᠨ ᠬᠤᠰᠢᠭᠤᠳ ᠤᠨ ᠠᠢ᠌ᠯ ᠳᠤᠰᠬᠠᠨ ᠤ ᠭᠡᠢ᠌ᠴᠢᠳ ᠵᠤᠴᠢᠳ ᠪᠠᠯᠡᠭ᠌ ᠡᠷᠭᠦᠴᠡ ᠪᠠ ᠣᠷᠤᠯᠳᠤᠭᠠᠨ ᠤ ᠪᠦᠭᠡ᠂ ᠮᠤᠷᠢ᠂ ᠬᠠᠷᠪᠣᠭᠠᠴᠢᠨ ᠶᠢᠡᠨ ᠠᠪᠴᠤ ᠢᠷᠠᠨᠠ᠃ ᠳᠡᠭᠡᠭᠡᠳ ᠠᠢ᠌ᠯ ᠠᠢ᠌ᠮᠠᠭ᠂ ᠤᠢ᠌ᠷᠠᠨ ᠳᠤᠭᠤᠷᠢᠨ ᠤ ᠥᠳᠡᠯᠡᠭ᠍ᠰᠡᠨ ᠵᠠᠯᠠᠭᠤ᠂ ᠡᠮᠡᠰ ᠬᠡᠦᠬᠡᠳ᠂ ᠦᠬᠢᠳ ᠪᠠᠷᠢᠶᠠᠤᠨ ᠭᠡᠰᠡᠨ ᠦᠭᠡᠶ ᠪᠦᠷ ᠴᠤ ᠰᠠᠢ᠌ᠨ ᠰᠠᠢ᠌ᠬᠠᠨ ᠶᠢᠡᠨ ᠡᠮᠦᠰᠴᠡᠭᠡᠵᠤ ᠳᠦᠷᠪᠠᠨ ᠵᠥᠭ᠌ ᠨᠢ᠋ᠮᠠᠨ ᠵᠤᠪᠭᠢᠰ ᠡᠴᠡ ᠭᠦᠷᠦᠯᠴᠡᠨ ᠢᠷᠡᠵᠡᠭᠡᠨᠡ᠃ ᠪᠠᠰᠠ ᠤᠢ᠌ᠷᠡ ᠣᠷᠴᠢᠨ ᠤ ᠠᠷᠠᠯᠵᠢᠶᠠᠴᠢᠨ ᠮᠠᠢ᠌ᠮᠠᠢ᠌ᠴᠢᠨ ᠨᠡᠷ ᠳᠠᠯᠠ ᠳᠠᠯᠠ ᠡᠴᠡ ᠪᠠᠷᠠᠭᠠ ᠳᠠᠸᠠᠷ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠠ ᠪᠠᠨ ᠠᠪᠴᠤ ᠢᠷᠠᠨ ᠬᠤᠳᠠᠯᠳᠤᠭᠠ ᠡᠷᠭᠢᠯᠡᠨᠡ᠃
ᠪᠠᠷᠤᠭ ᠦᠷᠯᠦᠭᠡ ᠶᠢᠨ ᠳᠠᠤᠯᠠᠢ ᠴᠠᠭ ᠤᠨ ᠦᠶᠡ ᠪᠠᠷ ᠪᠦᠭᠦᠳᠡᠭᠡᠷ ᠣᠪᠣᠭᠠᠨ ᠳᠡᠭᠡᠷᠡ ᠪᠠᠨ ᠴᠤᠭᠯᠠᠷᠠᠨᠠ᠃ ᠰᠢᠨᠠ ᠪᠣᠰᠬᠠᠭᠰᠠᠨ ᠣᠪᠣᠭᠠ ᠪᠣᠯ ᠰᠢᠭᠤᠳ ᠳᠠᠭᠢᠨᠠ᠃ ᠬᠠᠭᠤᠴᠢᠨ ᠣᠪᠣᠭᠠ ᠪᠣᠯ ᠣᠷᠴᠢᠨ ᠳᠤᠭᠤᠷᠢᠨ ᠶᠢᠡᠨ ᠴᠠᠪᠠᠷᠯᠠᠨ ᠠᠷᠢᠯᠭᠠᠵᠤ᠂ ᠣᠪᠣᠭᠠ ᠳᠤ ᠮᠤᠳᠤ ᠴᠢᠯᠠᠭᠤ᠂ ᠰᠢᠷᠤᠢ ᠳᠤᠭᠤᠰᠬᠠ ᠵᠡᠷᠭᠡ ᠵᠢ ᠭᠦᠮᠤᠨ ᠪᠦᠷᠢ ᠬᠤᠪᠢ ᠬᠤᠪᠢᠨ ᠤ ᠪᠠᠨ ᠨᠠᠮᠠᠵᠤ ᠰᠢᠨᠡᠳᠭᠡᠨ ᠵᠠᠰᠠᠭᠠᠤᠨ ᠳ᠋ᠦ᠋ᠭ᠌ ᠡᠴᠡ ᠨᠢ ᠰᠢᠨᠠ ᠰᠤᠩᠳᠠᠭ ᠳᠠᠳᠠᠵᠤ᠂ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠥᠰᠦᠭ᠌ ᠲᠡᠶ ᠳᠠᠪᠤᠨ ᠥᠩᠭᠡ ᠶᠢᠨ ᠳᠤᠷᠳᠤᠩ ᠶᠢᠡᠷ ᠳᠠᠷᠴᠤᠭ ᠣᠠᠵᠢᠭᠤᠯᠤᠨ᠂ ᠭᠡᠢ᠌ᠮᠦᠷᠢ ᠭᠡᠢ᠌ᠰᠭᠡᠵᠤ ᠬᠠᠳᠠᠭ ᠡᠷᠭᠦᠨᠡ᠃ ᠣᠪᠣᠭᠠᠨ ᠤ ᠡᠮᠦᠨᠡ ᠳᠠᠯᠠ ᠳᠤ ᠳᠠᠭᠢᠯᠭᠠ ᠶᠢᠨ ᠪᠦᠭᠦᠯᠢ ᠰᠢᠭᠦᠰᠤ᠂ ᠴᠠᠭᠠᠨ ᠢᠳᠡᠭᠡ ᠶᠢᠨ ᠵᠣᠢ᠌ᠯᠠᠰ᠂ ᠪᠣᠤᠪᠣ ᠪᠣᠭᠤᠷᠰᠤᠭ᠂ ᠠᠯᠢᠮᠠ ᠵᠢᠮᠢᠰ ᠵᠡᠷᠭᠡ ᠶᠢ ᠦᠷᠤᠵᠤ ᠳᠠᠯᠪᠢᠨᠠ᠃ ᠥᠨᠡ᠊ᠨᠳᠡᠭᠡᠨ ᠣᠪᠣᠭᠠᠨ ᠡᠵᠡᠳ᠂ ᠨᠠᠪᠳᠠᠭ ᠰᠢᠪᠳᠠᠭ᠂ ᠣᠩᠭ᠋ᠤᠳ ᠰᠢᠳᠦᠭᠡᠨ ᠨᠡᠷ ᠪᠣᠯ ᠴᠠᠭᠠᠨ ᠢᠳᠡᠭᠡ ᠵᠤᠭᠤᠭᠯᠠᠬᠤ ᠡᠴᠡ ᠪᠢᠰᠢ ᠣᠯᠠᠭᠠᠨ ᠢᠳᠡᠭᠡᠨ ᠠᠮᠰᠠᠳᠠᠭ ᠦᠭᠡᠶ ᠶᠤᠮ᠃ ᠭᠡᠪᠠᠴᠤ ᠮᠤᠩᠭ᠋ᠤᠯᠴᠤᠳ ᠡᠷᠳᠡ ᠣᠵᠠᠭᠤᠷ ᠡᠴᠡ ᠪᠠᠨ ᠪᠦᠭᠦᠯᠢ ᠰᠢᠭᠦᠰᠤ ᠪᠠᠷ ᠳᠠᠭᠢᠬᠤ ᠵᠠᠩᠰᠢᠯ ᠲᠡᠶ ᠪᠠᠢ᠌ᠭᠰᠠᠨ ᠳᠤᠯᠠ ᠮᠦᠨ ᠡᠨᠡᠭᠦ ᠶᠤᠰᠤ ᠪᠠᠨ ᠵᠠᠯᠭᠠᠮᠵᠢᠯᠠᠵᠤ ᠡᠳᠡᠭᠡᠷ ᠪᠦᠭᠦᠯᠢ ᠰᠢᠭᠦᠰᠤ ᠪᠠᠨ ᠣᠪᠣᠭᠠᠨ ᠡᠵᠡᠳ ᠲᠤ ᠳᠠᠯᠪᠢᠭᠠᠤᠨ᠂ ᠬᠠᠷᠢᠨ ᠪᠣᠰᠤᠳ ᠳᠤᠭᠰᠢᠳ ᠲᠤ ᠡᠷᠭᠦᠨ ᠵᠤᠭᠤᠭᠯᠠᠭᠤᠯᠬᠤ ᠶᠤᠮ ᠭᠡᠨᠡ᠃ ᠪᠠᠷᠤᠭ ᠯᠤᠤ ᠴᠠᠭ ᠤᠨ ᠦᠶᠡ ᠪᠠᠷ ᠣᠪᠣᠭᠠᠨ ᠳᠠᠭᠢᠯᠭᠠ ᠡᠭᠢᠯᠡᠵᠤ ᠯᠠᠮᠠ ᠨᠡᠷ ᠦᠨᠳᠦᠷ ᠭᠦᠭᠡ ᠳᠡᠭ᠍ᠷᠢ ᠵᠢᠨ ᠷᠠᠰᠢᠶᠠᠨ ᠬᠤᠷᠠ ᠪᠠᠨ ᠬᠠᠢ᠌ᠷᠠᠯᠠᠵᠤ ᠥᠭ᠍ᠭᠢᠶᠡᠮᠦᠷ ᠨᠤᠭᠤᠭᠠᠨ ᠳᠡᠯᠡᠭᠡᠢ ᠡᠴᠡ ᠡᠪᠠᠰᠤ ᠪᠠᠯᠴᠢᠭᠡᠷ ᠶᠢᠡᠨ ᠢᠪᠠᠭᠡᠵᠤ ᠡᠪᠦᠯ ᠤᠨ ᠣᠯᠠᠷᠢᠯ ᠳᠠᠭᠠᠨ ᠴᠠᠰᠤᠨ ᠵᠤᠳ ᠦᠭᠡᠶ ᠰᠠᠢ᠌ᠬᠠᠨ ᠬᠠᠪᠣᠷ ᠴᠠᠭ ᠲᠠᠭᠠᠨ ᠬᠠᠪᠰᠤᠷᠭᠠ ᠰᠠᠯᠭᠢᠨ ᠦᠭᠡᠶ ᠨᠠᠮᠵᠢᠭᠤᠨ ᠭᠢᠵᠢᠭ᠌ ᠡᠪᠡᠳᠴᠢᠨ ᠦᠭᠡᠶ ᠡᠷᠡᠭᠦᠯ ᠡᠩᠭᠡ ᠭᠡᠷᠡᠭᠦᠯ ᠴᠤᠤᠭᠢᠶᠠᠨ ᠦᠭᠡᠶ ᠡᠶᠡᠳᠡᠢ ᠡᠪᠳᠡᠢ ᠨᠠᠷᠠ ᠪᠣᠷᠤᠭᠠᠨ ᠳᠠᠩᠴᠠᠵᠤ ᠨᠠᠪᠴᠢ ᠴᠡᠴᠡᠭ᠌ ᠳᠡᠯᠭᠡᠷᠡᠵᠤ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠳᠠᠯᠠ ᠳᠦᠭᠦᠷᠡᠩ ᠪᠠᠯᠴᠢᠵᠤ ᠳᠠᠷᠠᠭ ᠠᠢ᠌ᠷᠠᠭ ᠢᠳᠡᠭᠡᠨ ᠭᠦᠨᠦᠭ᠌ ᠳᠦᠭᠦᠷᠡᠩ ᠪᠢᠯᠬᠠᠵᠤ ᠰᠠᠢ᠌ᠨ ᠰᠠᠢ᠌ᠬᠠᠨ ᠪᠦᠭᠦᠨ ᠢ ᠰᠠᠨᠠᠭᠠ ᠭᠦᠰᠡᠯ ᠡᠴᠡ ᠪᠠᠨ ᠪᠠᠯᠭᠡᠳᠡᠵᠤ ᠭᠤᠷᠪᠠᠠᠳᠠ ᠰᠥᠭᠦᠳᠴᠤ ᠶᠢᠰᠤᠠᠳᠠ ᠮᠦᠷᠭᠦᠨ ᠬᠤᠨ ᠴᠠᠭᠠᠨ ᠬᠤᠨᠢᠨ ᠰᠢᠭᠦᠰᠤ ᠪᠠᠨ ᠨᠢᠶᠠᠠᠳᠠᠷ ᠪᠣᠯᠭᠠᠨ ᠳᠠᠭᠢᠵᠤ ᠬᠤᠷᠤᠳ ᠦᠷᠤᠮᠠ ᠴᠠᠭᠠᠨ ᠢᠳᠡᠭᠡ ᠪᠠᠨ ᠳᠡᠭᠡᠵᠢ ᠪᠣᠯᠭᠠᠨ ᠡᠷᠭᠦᠵᠤ ᠬᠤᠤᠷᠠᠵᠠ ᠠᠷᠠᠵᠠ ᠴᠡᠭᠡ ᠪᠠᠨ ᠰᠠᠷᠵᠢᠮ ᠪᠣᠯᠭᠠᠨ ᠪᠠᠷᠢᠵᠤ ᠭᠦᠵᠢ᠂ ᠠᠷᠴᠠ᠂ ᠠᠭᠢ ᠡᠪᠠᠰᠤ ᠪᠠᠨ ᠰᠠᠩ ᠪᠣᠯᠭᠠᠨ ᠡᠭᠦᠰᠭᠡᠵᠤ ᠬᠤᠷᠠᠭᠰᠠᠨ ᠣᠯᠠᠨ ᠪᠦᠭᠦᠳᠡᠭᠡᠷ ᠶᠢᠡᠨ ᠠᠮᠳᠠᠳᠠᠨ ᠤ ᠳᠡᠭᠡᠵᠢ ᠪᠠᠨ ᠠᠳᠬᠤᠵᠤ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ ᠭᠡᠵᠤ ᠭᠡᠰᠢᠭ᠌ ᠪᠣᠶᠠᠨ ᠶᠢᠡᠨ ᠳᠠᠯᠠᠯᠵᠤ ᠬᠤᠳᠠ ᠣᠰᠤᠨ ᠤ ᠣᠪᠣᠭᠠ ᠪᠠᠨ ᠵᠦᠪ ᠶᠢᠡᠷ ᠶᠢᠰᠤᠠᠳᠠ ᠳᠤᠭᠤᠷᠢᠵᠤ ᠬᠤᠷᠠᠯ ᠳᠠᠭᠢᠯᠭᠠ ᠶᠢᠨ ᠯᠠᠮᠠ ᠳᠠᠭᠠᠨ ᠵᠠᠯᠪᠢᠷᠠᠵᠤ ᠰᠥᠰᠦᠭᠯᠡᠨ ᠮᠦᠷᠭᠦᠵᠤ ᠬᠤᠨᠢ᠂ ᠢᠮᠠᠭᠠ ᠢᠰᠢᠭᠡ ᠭᠡᠳ ᠬᠠᠳᠠᠭ ᠪᠠᠷᠢᠨ ᠠᠮᠠᠯᠠᠵᠤ ᠳᠠᠭᠢᠯᠭᠠ ᠳᠠᠢ᠌ᠯᠭᠠ ᠶᠢᠨ ᠶᠠᠪᠣᠳᠠᠯ ᠶᠢᠡᠨ ᠳᠠᠭᠠᠳᠠᠢ ᠰᠠᠢ᠌ᠬᠠᠨ ᠭᠦᠢᠴᠡᠳᠭᠡᠵᠤ᠁ ᠭᠡᠵᠤ ᠳᠠᠭᠢᠯᠭᠠ ᠶᠢᠨ ᠢᠷᠦᠭᠡᠯ ᠣᠩᠰᠢᠵᠤ ᠪᠦᠭᠦᠳᠡ ᠣᠯᠠᠨ ᠶᠢᠡᠷ ᠶᠢᠡᠨ ᠡᠷᠭᠢᠮ ᠳᠤᠤᠷᠠᠳᠤ ᠭᠡᠵᠤ ᠢᠯᠭᠠᠯ ᠦᠭᠡᠶ ᠣᠪᠣᠭᠠᠨ ᠳ᠋ᠠᠭᠠᠨ ᠭᠤᠷᠪᠠᠨ ᠰᠥᠭᠦᠳᠦᠯ ᠶᠢᠰᠤᠨ ᠮᠦᠷᠭᠦᠯ (ᠡᠨᠡ ᠮᠦᠷᠭᠦᠯ ᠪᠣᠯ ᠮᠤᠩᠭ᠋ᠤᠯᠴᠤᠳ ᠤᠨ ᠡᠷᠳᠡ ᠦᠶᠡ ᠡᠴᠡ ᠪᠠᠨ ᠣᠯᠠᠮᠵᠢᠯᠠᠨ ᠢᠷᠡᠭ᠍ᠰᠡᠨ ᠨᠢᠭᠡ ᠰᠥᠭᠦᠳᠴᠤ ᠡᠩᠭᠡᠷ ᠤᠨ ᠬᠤᠷᠮᠤᠢ ᠪᠠᠨ ᠣᠷᠤᠭᠰᠢ ᠳᠠᠪᠢᠰᠴᠤ ᠭᠠᠷ ᠤᠨ ᠠᠯᠠᠭᠠ ᠪᠠᠨ ᠭᠠᠵᠠᠷ ᠳᠤᠯᠭᠠᠨ ᠭᠤᠷᠪᠠ ᠣᠳᠠᠭᠠ ᠮᠠᠩᠨᠠᠢ ᠪᠠᠨ ᠬᠤᠷᠮᠤᠢ ᠳᠡᠭᠡᠷᠡ ᠪᠠᠨ ᠭᠦᠷᠭᠡᠵᠤ ᠮᠦᠷᠭᠦᠨ ᠡᠨᠡ ᠮᠠᠳᠤ ᠪᠠᠷ ᠭᠤᠷᠪᠠ ᠳᠠᠭᠢᠬᠤ ᠶᠢ ᠭᠡᠯᠡᠨᠡ) ᠶ᠋ᠢᠡᠷ ᠮᠦᠷᠭᠦᠵᠤ ᠵᠠᠯᠪᠢᠷᠠᠭᠠᠤᠨ ᠳᠠᠭᠢᠨ ᠬᠠᠳᠠᠭ ᠡᠷᠭᠦᠨ ᠬᠨ ᠪᠣᠶᠤ ᠢᠳᠡᠭᠡᠨ ᠤ ᠳᠡᠭᠡᠵᠢ ᠪᠠᠨ ᠪᠠᠷᠢᠨ
ᠪᠣᠶᠠᠨ ᠭᠡᠰᠢᠭ᠌ ᠬᠤᠷᠠᠬᠤ ᠪᠣᠯᠳᠤᠭᠠᠢ
ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ
ᠪᠣᠳᠤᠭᠰᠠᠨ ᠰᠠᠨᠠᠭᠰᠠᠨ ᠢ ᠮᠢᠨᠢ ᠪᠦᠳᠦᠭᠡᠨ ᠰᠤᠶᠤᠷᠬᠠ
ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ ᠁
ᠣᠨ ᠪᠦᠷᠢ ᠳᠤ ᠦᠯᠵᠡᠢ ᠲᠡᠶ ᠪᠣᠯᠭᠠᠨ ᠰᠤᠶᠤᠷᠬᠠ
ᠠᠰ ᠤᠨ ᠪᠠᠶᠠ ᠳᠤ ᠮᠢᠨᠢ ᠨᠠᠰᠤᠨ ᠬᠤᠳᠤᠭ ᠣᠯᠭᠤᠵᠤ
ᠠᠳᠤᠭᠤ ᠮᠠᠯ ᠢ ᠮᠢᠨᠢ ᠥᠰᠭᠡᠨ ᠰᠤᠶᠤᠷᠬᠠ᠁
ᠠᠳᠠ ᠴᠢᠳᠭᠦᠷ ᠡᠪᠡᠳᠴᠢᠨ ᠡᠮᠭᠡᠭ᠌ ᠡᠴᠡ ᠵᠠᠢ᠌ᠯᠠᠭᠤᠯᠵᠤ
ᠠᠵᠤ ᠠᠮᠢᠳᠤᠷᠠᠯ ᠢ ᠮᠢᠨᠢ ᠠᠮᠤᠷ ᠳᠠᠢ᠌ᠪᠣᠩ ᠪᠣᠯᠭᠠ
ᠠᠵᠠ ᠵᠢᠷᠭᠠᠯ ᠡᠳ᠋ ᠠᠭᠤᠷᠰᠤᠨ ᠢ ᠠᠰᠢᠳᠠ ᠭᠦᠢᠴᠡᠳ ᠡᠳ᠋ᠯᠡᠭᠦᠯᠤᠨ ᠰᠤᠶᠤᠷᠬᠠ᠁
ᠠᠰ ᠤᠨ ᠪᠠᠶᠠ ᠳᠤ ᠮᠢᠨᠢ ᠠᠮᠠᠷᠠᠭ ᠭᠡᠷᠭᠡᠢ ᠲᠡᠶ ᠪᠣᠯᠭᠠᠨ
ᠠᠩᠭ᠋ᠠ ᠬᠡᠦᠬᠡᠳ ᠳᠡᠭ᠍ᠰᠢ ᠦᠷᠤᠰᠢᠶᠠᠨ ᠰᠤᠶᠤᠷᠬᠠ
ᠠᠳᠤᠭᠤ ᠮᠠᠯ ᠢ ᠦᠨᠢᠷ ᠰᠠᠢ᠌ᠬᠠᠨ ᠥᠰᠭᠡᠵᠤ
ᠠᠳᠠᠯ ᠠᠮᠢᠳᠤᠷᠠᠯ ᠢ ᠥᠭᠡᠳᠡᠯᠡᠭᠦᠯᠤᠨ ᠰᠤᠶᠤᠷᠬᠠ ᠭᠡᠭᠦ ᠮᠠᠳᠤᠴᠢᠯᠠᠨ ᠦᠪᠡᠷ ᠦᠪᠡᠷ ᠤᠨ ᠭᠦᠰᠡᠯ ᠰᠡᠳᠭᠢᠯ ᠶᠢᠡᠨ ᠢᠯᠡᠳᠭᠡᠨ ᠳᠠᠯᠠᠯᠭᠠ ᠳᠠᠯᠯᠭᠠᠤᠨ ᠣᠪᠣᠭᠠ ᠪᠠᠨ ᠭᠤᠷᠪᠠᠨ ᠭᠤᠷᠪᠠ ᠶᠢᠰᠤ ᠪᠠᠷ ᠳᠤᠭᠤᠷᠢᠨ ᠡᠷᠭᠢᠨᠡ᠃
《ᠣᠪᠣᠭᠠᠨ ᠤ ᠭᠡᠰᠢᠭ᠌ ᠢ ᠣᠯᠠᠨ ᠶᠢᠡᠷ ᠶᠢᠡᠨ》 ᠭᠡᠵᠤ ᠣᠪᠣᠭᠠ ᠳᠠᠭᠢᠭᠰᠠᠨ ᠮᠢᠬᠠ᠂ ᠴᠠᠭᠠᠨ ᠢᠳᠡᠭᠡ᠂ ᠵᠢᠮᠢᠰ ᠪᠣᠭᠤᠷᠰᠤᠭ ᠵᠡᠷᠭᠡ ᠶᠢ ᠣᠯᠠᠨ ᠶᠢᠡᠷ ᠶᠢᠡᠨ ᠬᠤᠪᠢᠶᠠᠯᠴᠠᠨ ᠢᠳᠡᠵᠡᠭᠡᠵᠤ ᠭᠡᠳᠦᠢ ᠣᠯᠠᠨ ᠣᠯᠵᠤ ᠢᠳᠡᠭ᠍ᠰᠡᠨ ᠪᠣᠯ ᠳᠠᠳᠤᠢ ᠰᠠᠢ᠌ᠨ ᠭᠡᠵᠤ ᠪᠠᠯᠭᠡᠰᠢᠶᠡᠨ ᠥᠵᠡᠭᠦ ᠪᠣᠯᠬᠤᠷ ᠵᠠᠪᠳᠤᠨ ᠢᠳᠠᠨᠠ᠃ ᠳᠡᠭᠡᠭ᠍ᠡᠳ ᠳᠠᠭᠢᠯᠭᠠ ᠳᠡᠭᠦᠰᠦᠨᠡ᠃
ᠲ᠋ᠠᠪᠣ᠂ ᠣᠪᠣᠭᠠᠨ ᠨᠠᠢ᠌ᠷ
《ᠨᠠᠭᠠᠳᠤᠮ ᠤᠨ ᠳᠡᠭᠡᠵᠢ ᠰᠢᠳᠠᠷᠠ ᠨᠠᠭᠠᠳᠤᠮ᠂ ᠨᠠᠢ᠌ᠷ ᠤᠨ ᠳᠡᠭᠡᠵᠢ ᠣᠪᠣᠭᠠᠨ ᠨᠠᠢ᠌ᠷ》 ᠭᠡᠵᠤ ᠡᠵᠡᠳ ᠰᠠᠭᠢᠭᠤᠰᠤ ᠪᠠᠨ ᠳᠠᠭᠢᠵᠤ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠶᠢᠡᠨ ᠦᠷᠭᠦᠯᠵᠢᠯᠡᠭᠦᠯᠭᠦ ᠪᠣᠯ ᠨᠠᠢ᠌ᠳᠠ ᠮᠤᠩᠭ᠋ᠤᠯᠴᠤᠳ ᠤᠨ ᠨᠢᠭᠡ ᠶᠡᠭᠡ ᠳᠤᠷᠠᠰᠬᠠᠯᠳᠤ ᠨᠠᠢ᠌ᠷ ᠪᠣᠯᠬᠤ ᠶᠤᠮ᠃ ᠨᠠᠢ᠌ᠷ ᠤᠨ ᠳᠠᠯᠠᠪᠣᠷ ᠤᠨ ᠠᠷᠤ ᠳᠠᠯᠠ ᠳᠤ ᠪᠣᠰᠬᠠᠭᠰᠠᠨ ᠦᠨᠳᠦᠷ ᠰᠦᠷᠯᠢᠭ᠌ ᠶᠡᠭᠡ ᠴᠠᠴᠠᠷ ᠲᠤ᠂ ᠵᠡᠭᠦᠨ ᠳᠠᠯᠠ ᠪᠠᠷ ᠨᠢ ᠨᠤᠶᠠᠤᠨ ᠲᠦᠰᠢᠮᠠᠤᠨ᠂ ᠨᠠᠢ᠌ᠷ ᠤᠨ ᠠᠬᠠᠮᠠᠤᠨ᠂ ᠭᠡᠢ᠌ᠴᠢᠨ ᠵᠤᠴᠢᠨ ᠰᠠᠭᠤᠵᠤ᠂ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠨᠢ ᠬᠤᠪᠢᠯᠭᠠᠨ ᠭᠡᠭᠡᠳ᠂ ᠯᠠᠮᠠ ᠨᠡᠷ ᠰᠠᠭᠤᠯᠴᠠᠨ᠂ ᠥᠵᠡᠭ᠍ᠴᠢᠳ ᠣᠯᠠᠨ ᠲᠦᠮᠡᠨ ᠨᠠᠢ᠌ᠷ ᠤᠨ ᠳᠠᠯᠠᠪᠣᠷ ᠢ ᠳᠤᠭᠤᠷᠢᠵᠤ ᠭᠦᠷᠢᠶᠡᠯᠡᠨ ᠰᠠᠭᠤᠨᠠ᠃
ᠣᠪᠣᠭᠠᠨ ᠨᠠᠢ᠌ᠷ ᠤᠨ ᠳᠡᠷᠢᠭᠦᠨ ᠳᠤ ᠪᠦᠭᠡ ᠪᠠᠷᠢᠯᠳᠦᠨᠡ᠃ ᠪᠦᠭᠡ ᠶᠢᠨ ᠮᠡᠷᠭᠡᠵᠢᠯ ᠠᠷᠭᠠ ᠪᠠᠷᠢᠯ ᠳᠤ ᠪᠠᠷᠢᠴᠠ ᠪᠣᠯᠢᠶᠠᠯᠳᠤᠬᠤ ᠳᠠᠰᠢᠬᠤ᠂ ᠠᠴᠢᠬᠤ᠂ ᠪᠣᠬᠠᠬᠤ᠂ ᠭᠤᠬᠠᠳᠠᠬᠤ᠂ ᠳᠡᠭᠡᠭᠡᠯᠡᠭᠦ᠂ ᠬᠠᠪᠰᠤᠷᠬᠤ ᠳᠠᠳᠠᠭᠠ ᠵᠠᠢ᠌ᠯᠠᠭᠠ ᠵᠡᠷᠭᠡ ᠶᠢᠨ ᠮᠡᠷᠭᠡᠵᠢᠯ ᠭᠡᠷᠡᠭᠯᠡᠨᠡ᠃ ᠤᠷᠦᠯᠴᠡᠬᠤ ᠪᠦᠭᠡ ᠶᠢᠨ ᠳᠤᠭᠠ ᠨᠢ ᠨᠠᠢ᠌ᠷ ᠤᠨ ᠶᠡᠭᠡ ᠪᠠᠭᠠ ᠪᠠᠷ ᠭᠡᠪᠴᠢᠶᠡᠯᠡᠨ ᠳᠤᠭᠳᠠᠭᠠᠨᠠ᠃ ᠣᠳᠤ ᠮᠤᠩᠭ᠋ᠤᠯ ᠪᠦᠭᠡ ᠶᠢᠨ ᠭᠦᠭ᠍ᠵᠢᠯᠳᠡ ᠶᠢ ᠳᠠᠭᠠᠯᠳᠤᠨ ᠨᠠᠯᠢᠶᠠᠤᠨ ᠥᠭᠡᠷᠡᠴᠢᠯᠡᠯᠳᠡ ᠲᠡᠶ ᠪᠣᠯᠵᠤ ᠣᠯᠠᠮ ᠳᠡᠭᠦᠯᠳᠡᠷᠵᠢᠵᠤ ᠪᠠᠢ᠌ᠨᠠ᠃
ᠬᠤᠶᠠᠳᠤᠭᠠᠷ ᠲᠤ᠂ ᠮᠤᠷᠢᠨ ᠣᠷᠤᠯᠳᠤᠭᠠᠨ ᠶᠠᠪᠣᠭᠳᠠᠨᠠ᠃ ᠣᠷᠤᠯᠳᠤᠭᠠᠨ ᠳᠤ ᠬᠤᠯᠠ ᠭᠦᠶᠦᠳᠡᠯ ᠤᠨ ᠣᠷᠤᠯᠳᠤᠭᠠᠨ᠂ ᠤᠢ᠌ᠷᠡ ᠭᠦᠶᠦᠳᠡᠯ ᠤᠨ ᠣᠷᠤᠯᠳᠤᠭᠠᠨ᠂ ᠦᠷᠢᠶᠠ ᠮᠤᠷᠢᠨ ᠤ ᠣᠷᠤᠯᠳᠤᠭᠠᠨ᠂ ᠳᠠᠭᠠ ᠮᠤᠷᠢᠨ ᠤ ᠣᠷᠤᠯᠳᠤᠭᠠᠨ᠂ ᠵᠢᠷᠤᠭᠠ ᠮᠤᠷᠢᠨ ᠤ ᠣᠷᠤᠯᠳᠤᠭᠠᠨ ᠪᠠ ᠬᠠᠳᠠᠷᠢᠭᠠ ᠮᠤᠷᠢᠨ ᠤ ᠣᠷᠤᠯᠳᠤᠭᠠᠨ ᠭᠡᠵᠤ ᠵᠢᠷᠭᠤᠭᠠᠨ ᠵᠣᠢ᠌ᠯ ᠬᠤᠪᠢᠶᠠᠬᠤ ᠪᠦᠭᠡᠳ ᠮᠦᠨ ᠨᠠᠢ᠌ᠷ ᠤᠨ ᠶᠡᠭᠡ ᠪᠠᠭᠠ ᠶᠢᠨ ᠭᠡᠪᠴᠢᠶᠡ ᠪᠠᠷ ᠣᠷᠤᠯᠳᠤᠭᠠᠨ ᠤ ᠭᠡᠯᠪᠠᠷᠢ ᠪᠠᠢ᠌ᠳᠠᠯ ᠢ ᠳᠤᠭᠳᠠᠭᠠᠨᠠ᠃ ᠨᠠᠢ᠌ᠷ ᠪᠣᠯᠭᠠᠨ ᠳᠤ ᠡᠨᠡ ᠵᠢᠷᠭᠤᠭᠠᠨ ᠵᠣᠢ᠌ᠯ ᠤᠨ ᠣᠷᠤᠯᠳᠤᠭᠠᠨ ᠪᠦᠷ ᠶᠠᠪᠣᠭᠳᠠᠨᠠ ᠭᠡᠰᠡᠨ ᠥᠭᠡ ᠪᠢᠰᠢ᠃ ᠪᠠᠭᠠ ᠰᠢᠭ ᠨᠠᠢ᠌ᠷ ᠲᠤ ᠨᠢᠭᠡ ᠪᠣᠶᠤ ᠬᠤᠶᠠᠷ ᠵᠣᠢ᠌ᠯ ᠢ ᠰᠤᠩᠭ᠋ᠤᠵᠤ ᠡᠷᠭᠢᠯᠡᠨ ᠶᠠᠪᠣᠭᠳᠠᠭᠤᠯᠳᠠᠭ᠃ ᠣᠷᠤᠯᠳᠤᠭᠠᠨ ᠤ ᠮᠤᠷᠢᠳ ᠢ ᠣᠷᠤᠨ ᠨᠤᠳᠤᠭ ᠭᠡᠵᠤ ᠬᠤᠪᠢᠶᠠᠬᠤ ᠥᠭᠡᠢ ᠵᠡᠷᠭᠡ ᠳᠡᠭ᠍ᠰᠢ ᠪᠠᠷ ᠬᠠᠠᠳᠤᠨᠠ᠃ ᠳ᠋ᠤᠭᠠᠷ ᠲᠤ ᠣᠷᠤᠭᠰᠠᠨ ᠮᠤᠷᠢᠳ ᠢ ᠳᠤᠰ ᠳᠤᠰ ᠴᠤᠯᠠ ᠳᠠᠭᠤᠳᠠᠵᠤ᠂ ᠮᠠᠭᠳᠠᠭᠠᠯ ᠣᠩᠰᠢᠨ᠂ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠪᠣᠯᠤᠨ ᠠᠷᠢᠭᠤᠨ ᠴᠠᠭᠠᠨ ᠰᠦ᠋ ᠪᠠᠷ ᠮᠢᠯᠢᠶᠠᠳᠠᠭ᠃
ᠭᠤᠷᠪᠠᠳᠤᠭᠠᠷ ᠲᠤ᠂ ᠰᠤᠷ ᠬᠠᠷᠪᠣᠬᠤ ᠣᠷᠤᠯᠳᠤᠭᠠᠨ ᠪᠣᠯᠤᠨᠠ᠃ ᠮᠤᠩᠭ᠋ᠤᠯᠴᠤᠳ ᠰᠠᠭᠠᠳᠠᠭ ᠨᠤᠮᠤ ᠪᠠᠨ ᠠᠮᠢ ᠲᠡᠶ ᠪᠠᠨ ᠬᠤᠯᠪᠣᠵᠤ ᠬᠠᠢ᠌ᠷᠠᠯᠠᠳᠠᠭ᠃ 1225 ᠣᠨ ᠳᠤ ᠣᠢ᠌ᠭᠤᠷᠵᠢᠨ ᠮᠤᠩᠭ᠋ᠤᠯ ᠥᠰᠦᠭ᠌ ᠶᠢᠡᠷ ᠰᠡᠢ᠌ᠯᠦᠭ᠍ᠰᠡᠨ 《ᠴᠢᠩᠭᠢᠰ ᠤᠨ ᠴᠢᠯᠠᠭᠤᠨ ᠪᠢᠴᠢᠭ᠌》 ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠰᠠᠷᠳᠠᠭᠤᠯ ᠠᠢ᠌ᠮᠠᠭ ᠢ ᠪᠠᠢ᠌ᠯᠳᠤᠨ ᠳᠠᠭᠠᠭᠤᠯᠤᠭᠰᠠᠨ ᠳᠠᠢ᠌ᠨ ᠤ ᠢᠯᠠᠯᠳᠠ ᠪᠠᠨ ᠪᠠᠯᠭᠡᠯᠡᠭᠦ ᠨᠠᠢ᠌ᠷ ᠳᠡᠭᠡᠷᠡ ᠬᠠᠰᠠᠷ ᠤᠨ ᠭᠦᠪᠠᠭᠦᠨ ᠶᠢᠰᠦᠩᠭᠡ 335 ᠠᠯᠴᠢᠮ ᠤᠨ ᠵᠠᠢ ᠡᠴᠡ ᠫᠠᠢ ᠶᠢ ᠣᠨᠤᠭᠠᠭᠰᠠᠨ ᠭᠠᠢ᠌ᠬᠠᠮᠰᠢᠭᠳᠤ ᠰᠤᠷ ᠬᠠᠷᠪᠣᠯᠳᠠ ᠶᠢᠨ ᠮᠡᠷᠭᠡᠵᠢᠯ ᠢ ᠦᠨᠢᠳᠠ ᠳᠤᠷᠠᠰᠬᠠᠬᠤ ᠶᠢᠨ ᠲᠦᠯᠦᠭᠡ ᠪᠣᠰᠬᠠᠵᠤ ᠦᠭᠭᠦᠭ᠍ᠰᠡᠨ ᠭᠦᠰᠢᠶᠡ ᠮᠦᠨ᠃ ᠰᠤᠷ ᠬᠠᠷᠪᠣᠯᠳᠠ ᠳᠤ ᠡᠷᠡᠭ᠍ᠳᠡᠢ ᠡᠮᠡᠭ᠍ᠳᠡᠢ ᠭᠦᠭ᠍ᠰᠢᠨ ᠵᠠᠯᠠᠭᠤ ᠭᠡᠵᠤ ᠢᠯᠭᠠᠯ ᠦᠭᠡᠶ ᠪᠦᠷ ᠣᠷᠤᠯᠴᠠᠬᠤ ᠪᠣᠯᠤᠨᠠ᠃ ᠵᠤᠭᠰᠤᠭᠠ ᠪᠠᠷ ᠬᠠᠷᠪᠣᠬᠤ ᠪᠠ ᠳᠠᠪᠭᠢᠭᠠ ᠮᠤᠷᠢᠨ ᠳᠡᠭᠡᠷᠡ ᠡᠴᠡ ᠨᠠᠮᠨᠠᠬᠤ ᠭᠡᠵᠤ ᠬᠤᠶᠠᠷ ᠵᠣᠢ᠌ᠯ ᠬᠤᠪᠢᠶᠠᠳᠠᠭ᠃ ᠡᠨᠡ ᠦᠶᠡ ᠳᠤ ᠪᠦᠭᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠢᠯᠭᠠᠷᠠᠭᠠ ᠦᠭᠡᠶ ᠪᠣᠯ ᠮᠦᠨ ᠦᠷᠭᠦᠯᠵᠢᠯᠡᠨ ᠬᠠᠮᠳᠤᠪᠠᠷ ᠶᠠᠪᠣᠭᠳᠠᠨᠠ᠃
ᠣᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠳᠤ ᠥᠵᠦᠭᠦᠷ᠂ ᠳᠠᠳ᠋᠂ ᠭᠤᠳᠠᠭᠠᠷ᠂ ᠳᠦᠳᠡᠭᠡᠷ ᠁᠂ ᠭᠡᠵᠤ ᠶᠡᠭᠡ ᠱᠠᠩᠨᠠᠯ ᠶᠢᠡᠷ ᠱᠠᠩᠨᠠᠨᠠ᠃ ᠳᠠᠷᠤᠢ ᠡᠮᠡᠭᠡᠯ ᠬᠠᠵᠠᠭᠠᠷ ᠲᠡᠶ ᠮᠤᠷᠢ᠂ ᠮᠥᠩᠭᠦᠨ ᠪᠣᠢ᠌ᠯᠠ ᠲᠡᠶ ᠴᠠᠭᠠᠨ ᠳᠡᠮᠡᠭᠡ᠂ ᠳᠠᠪᠠᠯ ᠤᠨ ᠳᠤᠷᠭᠠ᠂ ᠭᠡᠪ ᠤᠨ ᠴᠠᠢ᠂ ᠥᠭᠡᠷ ᠬᠤᠨᠢ᠂ ᠮᠥᠩᠭᠦ ᠵᠤᠭᠤᠰ ᠭᠡᠵᠤ ᠣᠯᠠᠨ ᠶᠠᠩᠵᠤ ᠪᠠᠷ ᠱᠠᠩᠨᠠᠳᠠᠭ᠃ ᠭᠦᠮᠦᠰ ᠪᠠᠶᠠᠷᠯᠠᠨ ᠨᠠᠢ᠌ᠷᠯᠠᠪᠠᠯ 《ᠠᠭᠤᠯᠠ ᠣᠰᠤᠨ ᠤ ᠡᠵᠡᠳ ᠰᠠᠭᠢᠭᠤᠰᠤ ᠴᠤ ᠪᠠᠶᠠᠰᠴᠤ ᠪᠣᠷᠤᠭᠠᠨ ᠬᠤᠷᠠ ᠪᠠᠨ ᠪᠠᠭᠤᠯᠭᠠᠳᠠᠭ》 ᠭᠡᠳᠡᠭ᠌᠃ ᠥᠨᠡᠭᠡᠷ ᠤᠪᠤᠭᠠ ᠳᠠᠭᠢᠭᠰᠠᠨ ᠡᠳᠦᠷ ᠣᠯᠠᠩᠭᠢ ᠳᠠᠭᠠᠨ ᠪᠣᠷᠤᠭᠠᠨ ᠣᠷᠤᠳᠠᠭ ᠪᠠᠢ᠌ᠨᠠ᠃
ᠵᠢᠷᠭᠤᠭᠠ᠂ ᠣᠪᠣᠭᠠᠨ ᠴᠢᠭᠤᠯᠭᠠᠨ
ᠣᠪᠣᠭᠠᠨ ᠴᠢᠭᠤᠯᠭᠠᠨ ᠨᠢ ᠮᠦᠨ ᠣᠪᠣᠭᠠᠨ ᠳᠠᠭᠢᠯᠭᠠ ᠶᠢᠨ ᠶᠤᠰᠤᠨ ᠤ ᠨᠢᠭᠡᠨ ᠴᠢᠬᠤᠯᠠ ᠠᠭᠤᠯᠭᠠ ᠮᠦᠨ᠃ ᠡᠷᠳᠡᠨ ᠤ ᠦᠶᠡ ᠶᠢᠨ ᠵᠠᠰᠠᠭ ᠳᠦᠷᠤ ᠶᠢᠨ ᠳᠠᠯᠠ ᠡᠴᠡ ᠡᠰᠡᠭᠦᠯᠡ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠡᠪᠦᠭᠡᠳ ᠤᠨ ᠵᠠᠰᠠᠭ ᠤᠨ ᠳᠠᠯᠠ ᠡᠴᠡ ᠣᠪᠣᠭᠠᠨ ᠳᠠᠭᠢᠯᠭᠠ ᠳᠤ ᠣᠯᠠᠨ ᠭᠦᠮᠤᠨ ᠴᠤᠭᠯᠠᠷᠠᠬᠤ ᠶᠢ ᠲᠤᠬᠢᠶᠠᠯᠳᠠᠭᠤᠯᠤᠨ ᠴᠢᠭᠤᠯᠭᠠᠨ ᠴᠢᠭᠤᠯᠵᠤ᠂ ᠬᠤᠷᠠᠯ ᠬᠤᠷᠠᠯᠳᠠᠭᠤᠯᠤᠨ᠂ ᠥᠩᠭᠡᠷᠡᠭ᠍ᠰᠡᠨ ᠤ ᠰᠢ᠌ᠳᠪᠦᠷᠢᠯᠡᠭᠦ ᠴᠢᠬᠤᠯᠠᠳᠠᠢ ᠳᠤᠮᠤ ᠭᠡᠷᠡᠭ᠌ ᠶᠡᠭᠡ ᠶᠠᠪᠣᠳᠠᠯ ᠶᠢᠡᠨ ᠳᠠᠰᠤᠯᠠᠨ ᠰᠢ᠌ᠳᠭᠡᠵᠤ ᠣᠯᠠᠨ ᠤ ᠡᠮᠦᠨᠡ ᠳᠤᠷᠭᠤᠭᠠᠬᠤ ᠴᠢᠬᠤᠯᠳᠠᠢ ᠶᠢ ᠨᠢ ᠶᠠᠯᠠᠯᠠᠨ ᠳᠤᠷᠭᠤᠭᠠᠵᠤ᠂ ᠱᠠᠩᠨᠠᠬᠤ ᠴᠢᠬᠤᠯᠳᠠᠢ ᠶᠢ ᠭᠦᠭᠢᠭᠦᠯᠤᠨ ᠱᠠᠩᠨᠠᠨᠠ᠃ ᠵᠢᠱᠢᠶᠠᠯᠠᠪᠠᠯ᠂ ᠡᠷᠭᠦᠤ ᠶᠢᠨ ᠭᠡᠷᠡᠭ᠌᠂ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠤᠨ ᠣᠴᠢᠷ᠂ ᠭᠠᠵᠠᠷ ᠨᠤᠳᠤᠭ ᠪᠠᠯᠴᠢᠭᠡᠷ ᠭᠦᠷᠢᠶᠡ ᠶᠢᠨ ᠵᠠᠬᠠ ᠵᠠᠭᠠᠭ ᠤᠨ ᠭᠢᠮᠤᠷᠠᠯᠳᠤᠭᠠᠨ ᠵᠡᠷᠭᠡ ᠨᠡᠢ᠌ᠭᠡᠮ ᠤᠨ ᠭᠡᠷᠡᠭ᠌ ᠵᠠᠷᠭᠤ ᠡᠴᠡ ᠣᠷᠤᠭ ᠰᠠᠯᠬᠤ᠂ ᠡᠶᠢ ᠪᠠᠷᠢ ᠶᠢᠨ ᠵᠢᠭᠤᠷᠭᠠᠨ᠂ ᠨᠢᠯᠬᠠ ᠪᠠᠨ ᠬᠠᠢ᠌ᠷᠠᠯᠠᠬᠤ ᠦᠭᠡᠶ ᠨᠠᠰᠤᠳᠠᠨ ᠶᠢᠡᠨ ᠬᠠᠷᠠᠳᠠᠭᠰᠠᠨ ᠭᠡᠷᠡᠭ᠌ ᠵᠡᠷᠭᠡ ᠶᠢᠨ ᠭᠡᠷᠭᠡᠨ ᠵᠠᠭᠤᠷᠠ ᠶᠢᠨ ᠭᠡᠷᠡᠭ᠌ ᠣᠴᠢᠷ ᠲᠤ ᠭᠦᠷᠳᠡᠯᠡ ᠰᠢᠳᠭᠡᠨ ᠰᠢ᠌ᠤᠠᠪᠣᠷᠢᠯᠠᠨᠠ᠃
ᠮᠤᠩᠭ᠋ᠤᠯᠴᠤᠳ ᠤᠨ ᠣᠤᠷ ᠰᠤᠶᠤᠯ ᠣᠪᠣᠭᠠᠨ ᠳᠠᠭᠢᠯᠭᠠ ᠳᠤ ᠡᠭᠡ ᠪᠠᠢ᠌ᠭᠠᠯᠢ ᠪᠠᠨ ᠬᠠᠢ᠌ᠷᠠᠯᠠᠬᠤ᠂ ᠡᠪᠦᠭᠡ ᠳᠡᠭᠡᠳᠦᠰ ᠶᠢᠡᠨ ᠭᠦᠡᠳᠦᠳᠭᠡᠭᠦ᠂ ᠪᠠᠭᠠᠳᠤᠷ ᠭᠦᠮᠦᠰ ᠢ ᠪᠠᠬᠠᠳᠤᠨ ᠪᠢᠰᠢᠷᠡᠭᠦ᠂ ᠪᠠᠭᠠᠴᠤᠳ ᠬᠡᠦᠬᠡᠳ ᠶᠢᠡᠨ ᠳᠤᠷᠨᠢᠭᠤᠨ ᠥᠰᠭᠡᠭᠦ ᠰᠠᠢ᠌ᠨ ᠰᠠᠢ᠌ᠬᠠᠨ ᠤ ᠡᠷᠢᠯ ᠭᠦᠰᠡᠯ ᠤᠨ ᠰᠠᠨᠠᠭᠠ ᠠᠬᠤᠯᠠᠭᠳᠠᠵᠤ ᠪᠠᠢ᠌ᠬᠤ ᠪᠦᠭᠡᠳ ᠮᠠᠯᠴᠢᠨ ᠠᠷᠠᠤᠨ ᠤᠨ ᠠᠭᠤᠯᠵᠠᠨ ᠵᠤᠯᠭᠠᠬᠤ᠂ ᠡᠷᠢᠯ ᠰᠤᠷᠠᠭ ᠤᠨ ᠴᠢᠮᠡᠭᠡ ᠳᠠᠯᠪᠢᠬᠤ᠂ ᠰᠤᠨᠢᠨ ᠰᠤᠨᠤᠰᠬᠠᠯ ᠶᠢᠡᠨ ᠳᠠᠮᠵᠢᠭᠤᠯᠬᠤ᠂ ᠵᠠᠮ ᠳᠦᠭᠡᠷᠡᠭ᠍ᠰᠡᠳ ᠲᠤ ᠵᠥᠭ᠌ ᠴᠢᠭ᠌ ᠣᠯᠭᠤᠬᠤ᠂ ᠪᠣᠶᠤ ᠬᠤᠷᠢᠮᠯᠠᠭᠠᠤᠨ ᠭᠡᠳᠤᠨ ᠵᠢᠯ ᠪᠣᠯᠤᠭᠠᠤᠨ ᠬᠡᠦᠬᠡᠳ ᠭᠠᠷᠤᠭᠠ ᠦᠭᠡᠶ ᠭᠦᠮᠤᠨ ᠦᠷᠡ ᠶᠢᠨ ᠬᠤᠳᠤᠭ ᠭᠤᠶᠤᠬᠤ ᠪᠣᠶᠤ ᠵᠠᠯᠠᠭᠤᠴᠤᠳ ᠤᠨ ᠳᠠᠨᠢᠯᠴᠠᠨ ᠳᠠᠰᠤᠯᠴᠠᠵᠤ᠂ ᠢᠨᠠᠭ ᠰᠡᠳᠭᠢᠯ ᠶᠢᠡᠨ ᠶᠠᠷᠢᠯᠴᠠᠬᠤ ᠳᠤ ᠳᠤᠩ ᠳᠤᠭᠢᠷᠠᠮᠵᠢᠳᠠᠢ ᠭᠠᠵᠠᠷ ᠣᠷᠤᠨ ᠪᠣᠯᠵᠤ ᠪᠠᠢ᠌ᠭᠰᠠᠨ ᠶᠤᠮ᠃ ᠵᠢᠱᠢᠶᠠᠯᠠᠪᠠᠯ᠂ ᠬᠤᠷᠴᠢᠨ ᠠᠷᠠᠤᠨ ᠤᠨ ᠳᠠᠭᠤᠤ 《ᠣᠪᠣᠭᠠᠨ ᠳ᠋ᠠᠭᠢ ᠠᠭᠤᠯᠵᠠᠯᠳᠠ》 ᠳ᠋ᠤ
ᠠᠷᠪᠠᠨ ᠳᠠᠪᠤᠨ ᠤ ᠰᠠᠷᠠ ᠴᠢᠨᠢ
ᠠᠭᠠᠷ ᠳᠡᠭᠡᠷᠡ ᠳᠡᠭ᠍ᠳᠡᠯᠡ ᠭᠦᠶᠢ
ᠠᠷᠤ ᠦᠪᠣᠷ ᠢ ᠨᠢ ᠳᠠᠭᠠᠭᠠᠤᠨ
ᠡᠭᠦᠯᠡ ᠦᠭᠡᠶ ᠨᠢ ᠶᠠᠭᠤ ᠶᠤᠮ ᠳ᠋ᠡ ᠭᠦᠶᠢ
ᠬᠠᠢ᠌ᠷᠠᠳᠠᠢ ᠬᠤᠩᠭ᠋ᠤᠷ ᠠᠬᠠ ᠮᠢᠨᠢ
ᠬᠠᠯᠠᠰᠢᠷᠠᠯ ᠦᠭᠡᠶ ᠭᠦᠯᠢᠶᠡᠪᠠᠯ ᠭᠦᠶᠢ
ᠬᠠᠢ᠌ᠷᠠᠯᠠᠵᠤ ᠰᠠᠨᠠᠭᠰᠠᠨ ᠬᠤᠩᠭ᠋ᠤᠷ ᠳᠡᠭᠦᠤ ᠴᠢᠨᠢ
ᠠᠶᠠᠠᠳᠠᠭᠠᠨ ᠭᠦᠷᠦᠭᠡᠳ ᠢᠷᠡᠭᠦ ᠦᠭᠡᠶ ᠦᠦ ᠳ᠋ᠡ ᠭᠦᠶᠢ ᠭᠡᠵᠤ ᠳᠠᠭᠤᠯᠠᠵᠤ ᠪᠠᠢ᠌ᠭᠰᠠᠨ ᠨᠢ ᠳᠤᠬᠠᠢ ᠶᠢᠨ ᠦᠶᠡ ᠭᠦᠮᠤᠨ ᠪᠠᠢ᠌ᠭᠠᠯᠢ ᠶᠢᠨ ᠵᠤᠭᠢᠴᠠᠩᠭ᠋ᠤᠢ ᠰᠠᠢ᠌ᠬᠠᠨ ᠠᠭᠤᠷ ᠠᠮᠢᠰᠬᠤᠯ ᠭᠡᠴᠢᠨᠡᠨ ᠦᠳᠭᠡᠨ ᠵᠤᠵᠠᠭᠠᠨ ᠪᠠᠢ᠌ᠯᠠ ᠭᠡᠰᠡᠨ ᠢ ᠪᠢᠳᠠ ᠳᠤᠳᠤᠷᠬᠠᠢ ᠣᠯᠵᠤ ᠬᠠᠷᠠᠬᠤ ᠶᠤᠮ᠃
ᠣᠪᠣᠭᠠᠨ ᠳᠠᠭᠢᠯᠭᠠ ᠪᠣᠯ 《ᠪᠣᠳᠠᠰ ᠤᠨ ᠪᠣᠰᠤ》 ᠰᠤᠶᠤᠯ ᠤᠨ ᠭᠦᠷᠢᠶᠡ ᠴᠠᠷᠠ ᠳ᠋ᠠᠭᠢ ᠪᠣᠯᠪᠠᠰᠤᠨ ᠰᠤᠶᠤᠯ ᠪᠣᠯᠬᠤ ᠪᠦᠭᠡᠳ 《ᠣᠶᠤᠨ ᠤ ᠰᠤᠶᠤᠯ》 ᠊ᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠮᠦᠨ᠃ ᠭᠦᠮᠤᠨ ᠳᠦᠷᠤᠯᠭᠢᠳᠠᠨ ᠠᠮᠢᠳᠤᠷᠠᠯ ᠳᠠᠮᠠᠴᠠᠯ ᠤᠨ ᠳᠤᠮᠳᠠ ᠪᠠᠨ ᠭᠦᠮᠤᠨ ᠪᠠᠢ᠌ᠭᠠᠯᠢ ᠶᠢᠨ ᠬᠤᠭᠤᠷᠤᠠᠳᠤ᠂ ᠭᠦᠮᠤᠨ ᠭᠦᠮᠤᠨ ᠤ ᠬᠤᠭᠤᠷᠤᠠᠳᠤ ᠡᠶᠡ ᠨᠠᠢ᠌ᠷᠠᠮᠳᠠᠭᠤ ᠵᠤᠭᠢᠴᠠᠯᠳᠠᠩᠭ᠋ᠤᠢ ᠣᠷᠤᠰᠢᠬᠤ ᠶᠢᠨ ᠰᠠᠢ᠌ᠨ ᠰᠠᠢ᠌ᠬᠠᠨ ᠣᠴᠢᠷ ᠣᠬᠠᠭᠠᠨ ᠢ ᠣᠯᠠᠮ ᠡᠴᠡ ᠣᠯᠠᠮ ᠰᠡᠭᠡᠭᠡᠷᠡᠨ ᠣᠬᠠᠭᠠᠷᠠᠵᠤ᠂ ᠪᠠᠢ᠌ᠭᠠᠯᠯᠢᠭ ᠰᠤᠶᠤᠯ ᠤᠨ ᠥᠯᠡᠳᠡᠭ᠍ᠳᠡᠯ ᠪᠣᠯ ᠦᠴᠦᠭᠡᠳᠦᠷ ᠤᠨ ᠦᠪ᠂ ᠦᠨᠦᠳᠤᠷ ᠤᠨ ᠵᠠᠯᠭᠠᠮᠵᠢ᠂ ᠢᠷᠡᠭᠡᠳᠦᠢ ᠶᠢᠨ ᠴᠤᠭᠴᠠᠯᠠᠪᠣᠷᠢ ᠪᠣᠯᠬᠤ ᠶᠢ ᠨᠠᠩ ᠭᠦᠨ ᠳᠠᠨᠢᠵᠤ ᠣᠯᠤᠭᠰᠠᠨ ᠪᠠᠢ᠌ᠨᠠ᠃ ᠡᠢ᠌ᠮᠦᠷᠭᠦ ᠡᠭᠡ ᠪᠠᠢ᠌ᠭᠠᠯᠢ ᠪᠠᠨ ᠬᠠᠢ᠌ᠷᠠᠯᠠᠬᠤ᠂ ᠬᠠᠮᠠᠭᠠᠯᠠᠬᠤ᠂ ᠭᠦᠭ᠍ᠵᠢᠭᠦᠯᠭᠦ ᠪᠣᠯ ᠭᠦᠮᠤᠨ ᠪᠠᠢ᠌ᠭᠠᠯᠢ ᠶᠢᠨ ᠡᠶᠡ ᠵᠤᠭᠢᠴᠠᠩᠭ᠋ᠤᠢ ᠭᠦᠭ᠍ᠵᠢᠭᠦ ᠭᠦᠨ ᠣᠬᠠᠭᠠᠨ ᠮᠦᠨ᠃ ᠳᠡᠭᠡᠳᠦᠰ ᠤᠨ ᠶᠢᠡᠨ ᠪᠣᠭᠤᠷᠤᠯ ᠳᠡᠦᠭᠡ ᠣᠵᠠᠭᠤᠷ ᠰᠤᠶᠤᠯ ᠢ ᠦᠷᠡ ᠬᠣᠢ᠌ᠴᠢᠰ ᠲᠠᠭᠠᠨ ᠵᠠᠯᠭᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠤ᠂ ᠦᠷᠭᠦᠯᠵᠢᠯᠡᠨ ᠭᠦᠭ᠍ᠵᠢᠭᠦᠯᠭᠦ ᠪᠣᠯ ᠬᠣᠢ᠌ᠰᠢᠳᠠ ᠶᠢᠨ ᠡᠶᠡ ᠨᠠᠢ᠌ᠷᠠᠮᠳᠠᠭᠤ ᠨᠡᠢ᠌ᠭᠡᠮ ᠤᠨ ᠪᠦᠳᠦᠭᠡᠨ ᠪᠠᠢ᠌ᠭᠤᠯᠤᠯᠳᠠ᠂ ᠰᠤᠶᠤᠯ ᠤᠨ ᠳᠤᠮᠤ ᠬᠤᠰᠢᠭᠤ ᠶᠢᠨ ᠪᠦᠳᠦᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠳᠤ ᠪᠦᠷ ᠭᠦᠡᠳᠤ ᠴᠢᠬᠤᠯᠠ ᠠᠴᠢ ᠬᠤᠯᠪᠣᠭᠳᠠᠯ ᠲᠡᠶ ᠶᠤᠮ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠱᠸᠪᠠᠷᠳᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠳᠠᠩᠨᠤᠳ ᠬᠠᠢ᠌ᠬᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠵᠠᠩ ᠤᠢ᠌ᠯᠠᠳᠠᠷᠤᠮ᠄ 7471
ᠴᠠᠭ᠄ 2011 ᠤᠨ ᠤ 08 ᠰᠠᠷᠠ ᠶᠢᠨ 03
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ