☆ ᠴᠡᠯᠡᠭᠡᠷ
ᠪᠦᠮᠪᠦᠷᠴᠡᠭ᠌ ᠤᠨ ᠳᠠᠭᠤᠯᠠᠯ
ᠪᠦᠮᠪᠦᠷᠴᠡᠭ᠌
ᠽᠠᠮᠪᠣᠳᠢᠪ ᠭᠡᠵᠤ ᠰᠠᠷᠠᠨ ᠨᠠᠷᠠᠨ ᠶᠢᠡᠷ ᠭᠡᠢ᠌ᠭᠦᠯᠦᠭ᠍ᠰᠡᠨ ᠣᠷᠴᠢᠯᠠᠩ
ᠰᠠᠢ᠌ᠬᠠᠨ ᠨᠢ ᠭᠡᠵᠤ ᠠᠮᠢ ᠳᠡᠭᠡᠭᠡᠭ᠍ᠰᠡᠨ ᠴᠡᠩᠭᠡᠷ ᠪᠦᠮᠪᠦᠷᠴᠡᠭ᠌
ᠽᠠᠮᠪᠣᠳᠢᠪ ᠤᠨ ᠴᠡᠩᠭᠡᠷ ᠪᠣᠯᠠᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠮᠪᠦᠷᠴᠡᠭ᠌ ᠳᠡᠭᠡᠷᠡ
ᠰᠠᠷᠠᠨ ᠡᠩᠭᠦᠷᠡᠢ᠌ᠯᠡᠵᠤ ᠰᠡᠭᠦᠳᠡᠷ ᠶᠢᠡᠨ ᠣᠨᠠᠭᠠᠵᠤ ᠳᠤᠰᠬᠠᠭᠠ ᠥᠭᠡᠢ
ᠳᠡᠭ᠍ᠷᠢ ᠶᠢᠨ ᠨᠠᠷᠠᠨ ᠢᠯᠴᠢ ᠪᠠᠨ ᠥᠭ᠍ᠴᠤ ᠳᠤᠯᠠᠭᠠᠴᠠᠭᠤᠯᠳᠠᠭ ᠶᠤᠮ᠃
ᠽᠠᠮᠪᠣᠳᠢᠪ ᠤᠨ ᠴᠡᠩᠭᠡᠷ ᠪᠣᠯᠠᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠮᠪᠦᠷᠴᠡᠭ᠌ ᠳᠡᠭᠡᠷᠡ
ᠴᠠᠭ ᠬᠠᠢ᠌ᠷᠠ ᠢᠪᠠᠭᠡᠵᠤ ᠣᠷᠤᠮ ᠶᠢᠡᠨ ᠥᠯᠡᠳᠡᠭᠡᠵᠤ ᠵᠢᠷᠤᠭᠠ ᠥᠭᠡᠢ
ᠴᠡᠭᠡᠨ ᠭᠡᠷᠡᠯ ᠲᠡᠶ ᠣᠳᠤᠳ ᠰᠦᠨᠢᠵᠢᠨ ᠬᠠᠨᠢ ᠪᠣᠯᠵᠤ ᠪᠠᠷᠠᠭᠠᠯᠠᠳᠠᠭ ᠶᠤᠮ᠃
ᠽᠠᠮᠪᠣᠳᠢᠪ ᠤᠨ ᠴᠡᠩᠭᠡᠷ ᠪᠣᠯᠠᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠮᠪᠦᠷᠴᠡᠭ᠌ ᠳᠡᠭᠡᠷᠡ
ᠠᠶᠤᠩᠭᠠ ᠶᠢᠨ ᠠᠷᠭᠢᠷᠠᠭᠰᠠᠨ ᠳᠠᠭᠤᠨ ᠠᠶᠤᠵᠤ ᠥᠯᠡᠳᠡᠭᠡ ᠥᠭᠡᠢ
ᠭᠢᠯᠪᠠᠭᠠᠨ ᠳᠡᠭ᠍ᠷᠢ ᠶᠢᠨ ᠬᠠᠶᠠᠭᠠ ᠭᠦᠷᠦᠭᠡᠳ ᠵᠠᠮᠬᠠᠷᠠᠳᠠᠭ ᠶᠤᠮ᠃
ᠽᠠᠮᠪᠣᠳᠢᠪ ᠤᠨ ᠴᠡᠩᠭᠡᠷ ᠪᠣᠯᠠᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠮᠪᠦᠷᠴᠡᠭ᠌ ᠳᠡᠭᠡᠷᠡ
ᠰᠠᠯᠭᠢᠨ ᠳᠠᠢ᠌ᠹᠧᠩ ᠪᠣᠯᠤᠭᠰᠠᠨ ᠴᠤ ᠳᠤᠭᠳᠠᠵᠤ ᠴᠢᠳᠠᠭᠠ ᠥᠭᠡᠢ
ᠴᠠᠭᠢᠯᠤᠭᠰᠠᠨ ᠰᠤᠯᠢᠷ ᠭᠠᠵᠠᠷ ᠲᠤ ᠨᠢ ᠣᠨᠠᠭᠠᠤᠨ ᠰᠥᠢᠷᠡᠳᠡᠭ᠌ ᠶᠤᠮ᠃
ᠪᠠᠢ᠌ᠭᠠᠯᠢ
ᠪᠠᠢ᠌ᠭᠠᠯᠢ ᠭᠡᠵᠤ ᠪᠠᠢ᠌ᠭᠠ ᠯᠠ ᠣᠷᠤᠰᠢᠬᠤᠢ ᠶᠤᠮ
ᠪᠠᠢ᠌ᠭᠰᠠᠨ ᠪᠦᠭᠦᠨ ᠢ ᠨᠢ ᠡᠳ᠋ᠯᠡᠳᠡᠭ᠌ ᠣᠷᠴᠢᠬᠤᠢ ᠶᠤᠮ
ᠭᠦᠯ ᠳᠤ ᠳᠡᠭᠡᠭ᠌ ᠪᠣᠯᠤᠭᠰᠠᠨ ᠪᠣᠷᠤ ᠴᠢᠯᠠᠭᠤ ᠳᠤ ᠪᠣᠤ ᠠᠭᠰᠤᠮᠨᠠ
ᠭᠦᠡᠳᠡᠯᠡᠨ ᠤ ᠨᠡᠢ᠌ᠭᠡᠮ ᠳᠤ ᠠᠯᠬᠤᠬᠤ ᠳᠤ ᠰᠦᠰᠦ ᠴᠢᠨᠢ ᠴᠢᠩᠭ᠋ᠠᠷᠠᠨᠠ᠃
ᠪᠣᠷᠭᠠᠰᠤᠨ ᠲᠤ ᠡᠭᠦᠷᠯᠡᠳᠡᠭ᠌ ᠪᠣᠷᠤ ᠪᠢᠯᠵᠤᠤᠬᠠᠢ ᠳᠤ ᠪᠣᠤ ᠠᠭᠤᠷᠯᠠ
ᠪᠣᠳᠠᠭᠠ ᠵᠥᠭᠡᠭᠡᠭ᠍ᠰᠡᠨ ᠴᠤ ᠪᠣᠶᠠᠨ ᠭᠡᠰᠢᠭ᠌ ᠤᠨ ᠴᠢᠨᠢ ᠭᠦᠨᠡᠰᠤ ᠶᠢ ᠬᠤᠷᠠᠮᠳᠠᠭᠤᠯᠤᠨᠠ᠃
ᠳᠡᠯᠭᠡᠷᠡᠵᠤ ᠪᠠᠢ᠌ᠭᠰᠠᠨ ᠴᠡᠴᠡᠭ᠌ ᠢ ᠳᠤᠷᠠᠯᠠᠭᠰᠠᠨ ᠰᠡᠳᠭᠢᠯ ᠶᠢᠡᠷ ᠪᠣᠤ ᠳᠠᠰᠤᠳᠠ
ᠳᠡᠭᠡᠷᠡ ᠨᠢ ᠪᠦᠮᠪᠦᠷᠢᠭᠦ ᠰᠢᠭᠦᠳᠡᠷᠢ ᠶᠢᠨ ᠮᠦᠩᠭᠦᠨ ᠳᠤᠰᠤᠯ ᠰᠢᠷᠣᠢ᠌ᠳᠠᠴᠢᠬᠠᠨᠠ᠃
ᠦᠷᠭᠦᠵᠤ ᠳᠤᠳᠠᠭᠠᠭᠰᠠᠨ ᠭᠠᠭᠴᠠ ᠬᠤᠶᠠᠷ ᠥᠨᠡᠭᠡ ᠴᠢᠨ᠋ᠸᠠ ᠶᠢ ᠪᠣᠤ ᠬᠤᠷᠤᠭᠠ
ᠦᠯᠠᠳᠠᠵᠤ ᠬᠤᠴᠤᠷᠤᠭᠰᠠᠨ ᠠᠳᠤᠭᠤᠨ ᠳᠤ ᠴᠢᠨᠢ ᠳᠠᠷ ᠨᠠᠮᠠᠵᠤ ᠬᠠᠢ᠌ᠷᠠᠯᠠᠨᠠ᠃
ᠭᠦᠮᠤᠨ
ᠪᠠᠢ᠌ᠭᠠᠯᠢ ᠪᠠᠨ ᠳᠠᠨᠢᠭᠠᠳᠤᠢ ᠪᠠᠢ᠌ᠬᠤ ᠳᠤ ᠪᠠᠯᠠᠷ ᠭᠦᠮᠤᠨ
ᠪᠠᠶᠠᠯᠢᠭ ᠢ ᠨᠢ ᠮᠡᠳᠡᠭᠦ ᠳᠤ ᠳᠡᠭᠡᠳᠤ ᠵᠡᠷᠭᠡ ᠶᠢᠨ ᠠᠮᠢᠳᠠᠨ
ᠭᠠᠯᠪᠠ ᠳᠤ ᠭᠠᠭᠴᠠ ᠪᠦᠮᠪᠦᠷᠴᠡᠭ᠌ ᠤᠨ ᠶᠢᠡᠨ ᠨᠠᠰᠤ ᠶᠢ ᠪᠣᠤ ᠠᠰᠠᠭᠤ
ᠭᠠᠩᠭ᠋ᠠᠩ ᠪᠠᠢ᠌ᠭᠠᠯᠢ ᠲᠡᠶ ᠪᠠᠨ ᠦᠨᠢᠳᠠ ᠴᠤᠭ ᠪᠠᠢ᠌ᠳᠠᠭ ᠶᠤᠮ᠃
ᠭᠠᠢ᠌ᠭᠤᠢ ᠪᠠᠰᠠ ᠪᠠᠢ᠌ᠬᠤ ᠪᠣᠢ ᠭᠡᠵᠤ ᠥᠭᠡᠷᠡ ᠶᠢ ᠪᠣᠤ ᠡᠷᠢ
ᠭᠠᠷ ᠶᠢᠡᠨ ᠳᠡᠯᠭᠡᠨ ᠳᠤᠰᠳᠠᠭ ᠨᠢ ᠭᠠᠭᠴᠠ ᠨᠢᠭᠡ ᠶᠤᠮ᠃
ᠣᠯᠠᠨ ᠢ ᠥᠵᠡᠭᠦᠯᠦᠭ᠍ᠰᠡᠨ ᠠᠷᠢᠭᠤᠨ ᠳᠤᠩᠭ᠋ᠠᠯᠠᠭ ᠪᠣᠯᠠᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠳᠤ ᠪᠣᠢ
ᠣᠷᠴᠢᠯᠠᠩ ᠢ ᠳᠠᠨᠢᠭᠤᠯᠤᠭᠰᠠᠨ ᠴᠡᠩᠭᠡᠷ ᠪᠣᠯᠠᠭ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠮᠪᠦᠷᠴᠡᠭ᠌ ᠪᠣᠢ᠃
ᠴᠡᠩᠭᠡᠭ᠌ ᠮᠠᠠᠳᠠᠯ ᠳ᠋ᠠᠭᠢ ᠣᠰᠤ ᠭᠡᠢ ᠶᠢᠡᠷ ᠨᠢ ᠭᠦᠮᠤᠨ ᠮᠥᠩᠭᠡᠷᠡᠳᠡᠭ᠌ ᠶᠤᠮ᠃
ᠴᠡᠯᠡᠭᠡᠷᠯᠡᠨ ᠣᠷᠤᠰᠢᠬᠤ ᠳᠠᠷᠠ ᠪᠠᠢ᠌ᠭᠠᠯᠢ ᠪᠠᠷ ᠨᠢ ᠳᠡᠯᠡᠭᠡᠢ ᠮᠥᠩᠭᠡᠷᠡᠳᠡᠭ᠌ ᠶᠤᠮ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠳᠤᠰ
ᠵᠤᠬᠢᠶᠠᠭᠴᠢ᠄ ᠴᠡᠯᠡᠭᠡᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2636
ᠴᠠᠭ᠄ 2011 ᠤᠨ ᠤ 12 ᠰᠠᠷᠠ ᠶᠢᠨ 01
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ