ᠬᠠᠢ᠌ᠷ᠎ᠠ ᠪᠣᠯ ᠪᠣᠷᠤᠭᠠᠨ

ᠬᠠᠯᠠᠭᠤᠨ ᠭᠦᠢᠳᠡᠨ ᠶᠢᠡᠨ ᠰᠢᠭᠤᠷᠴᠤ ᠴᠢᠳᠠᠬᠤ

ᠰᠡᠳᠭᠢᠯ ᠤᠨ ᠵᠠᠬ᠎ᠠ ᠦᠭᠡᠶ ᠪᠣᠷᠤᠭᠠᠨ

ᠬᠠᠭᠠᠴᠠᠯ ᠪᠣᠳᠠᠷᠠᠯ ᠶᠢᠡᠷ ᠭᠦᠭᠯᠡᠵᠤ ᠮᠡᠳᠡᠭᠦ

ᠰᠠᠯᠭᠢ ᠵᠠᠳᠠᠭᠠᠢ ᠪᠣᠷᠤᠭᠠᠨ

ᠬᠠᠷᠠᠮᠰᠠᠯ ᠬᠠᠷᠭᠤᠰᠠᠯ ᠳᠤ ᠢᠳᠡᠭᠡᠯ ᠬᠤᠭᠤᠷᠠᠳᠠᠭ

ᠬᠤᠪᠢᠠᠴᠢᠷ ᠬᠠᠢ᠌ᠷ᠎ᠠ ᠶᠢᠨ ᠪᠣᠷᠤᠭᠠᠨ

ᠬᠠᠳᠠᠭᠤ ᠵᠥᠭᠡᠯᠡᠨ ᠶᠢᠡᠷ ᠰᠤᠯᠤᠩᠭ᠋ᠠᠷᠠᠵᠤ ᠪᠠᠭᠤᠳᠠᠭ

ᠪᠦᠪᠠᠢ ᠶᠢᠨ ᠡᠭᠡᠰᠢᠭ᠍ᠳᠤ ᠪᠣᠷᠤᠭᠠᠨ

ᠬᠠᠢ᠌ᠷ᠎ᠠ ᠪᠣᠯ ᠪᠣᠷᠤᠭᠠᠨ  

ᠠᠷᠢᠭᠤᠨ ᠬᠠᠢ᠌ᠷ᠎ᠠ ᠶᠢᠨ ᠭᠠᠯ ᠳᠤ ᠰᠢᠳᠠᠬᠤ

ᠳᠤᠷᠠᠯᠠᠯ ᠤᠨ ᠴᠡᠩᠭᠡᠷ ᠪᠣᠷᠤᠭᠠᠨ

ᠠᠯᠳᠠᠭᠰᠠᠨ ᠬᠠᠢ᠌ᠷ᠎ᠠ ᠶᠢᠨ ᠬᠣᠢ᠌ᠨ᠎ᠠ ᠡᠴᠡ ᠵᠤᠪᠠᠨᠢᠵᠤ

ᠳᠠᠭᠤᠨ ᠦᠭᠡᠶ ᠰᠢᠪᠠᠷᠭᠦ ᠪᠣᠷᠤᠭᠠᠨ

ᠰᠢᠮᠡᠭᠡᠳ ᠬᠠᠨᠤᠬᠤ ᠦᠭᠡᠶ ᠵᠢᠷᠭᠠᠯ ᠳᠤ ᠰᠤᠭᠳᠤᠵᠤ

ᠨᠠᠷᠠ ᠲᠡᠶ ᠱᠠᠭᠢᠳᠠᠭ ᠪᠣᠷᠤᠭᠠᠨ

ᠰᠢᠮᠰᠢᠷᠡᠭᠡᠳ ᠳᠤᠠᠳᠠᠷᠠᠬᠤ ᠦᠭᠡᠶ ᠵᠤᠪᠠᠯᠠᠩ ᠳᠤ ᠴᠠᠳᠴᠤ

ᠨᠠᠰᠤ ᠪᠠᠷ ᠣᠭᠢᠯᠠᠳᠠᠭ ᠪᠣᠷᠤᠭᠠᠨ

ᠬᠠᠢ᠌ᠷ᠎ᠠ ᠪᠣᠯ ᠪᠣᠷᠤᠭᠠᠨ

ᠳᠤᠷᠠᠯᠠᠯ ᠤᠨ ᠨᠤᠭᠤᠭᠠᠨ ᠪᠣᠳᠤᠭ ᠨᠠᠢ᠌ᠷᠠᠵᠤ

ᠵᠢᠷᠦᠭᠡᠨ ᠳᠤ ᠳᠤᠨᠤᠷᠠᠳᠠᠭ ᠪᠣᠷᠤᠭᠠᠨ

ᠳᠤᠷᠠᠳᠬᠠᠯ ᠤᠳ ᠮᠦᠩᠭᠦᠨ ᠥᠯᠢᠭᠡᠷ ᠪᠦᠷᠢᠵᠤ

ᠵᠡᠭᠦᠳᠤᠨ ᠳᠤ ᠮᠡᠯᠮᠡᠷᠡᠳᠡᠭ᠌ ᠪᠣᠷᠤᠭᠠᠨ

ᠮᠠᠷᠳᠠᠵᠤ ᠴᠢᠳᠠᠬᠤ ᠦᠭᠡᠶ ᠳᠤᠷᠠᠰᠤᠯ ᠭᠦᠪᠦᠷᠢᠭᠦᠯᠵᠤ

ᠪᠣᠳᠤᠯ ᠳᠤ ᠪᠦᠮᠪᠦᠷᠢᠳᠡᠭ᠌ ᠪᠣᠷᠤᠭᠠᠨ

ᠮᠠᠷᠮᠠᠬᠠᠨ ①  ᠲ᠋ᠤᠷᠠᠯᠠᠯ ᠤᠨ ᠥᠭᠡᠰ ᠭᠡᠯᠭᠢᠵᠤ  

ᠪᠣᠯᠵᠤᠭᠠᠨ ᠳᠤ ᠱᠠᠭᠢᠳᠠᠭ ᠪᠣᠷᠤᠭᠠᠨ︕

① ᠭᠦᠶᠤ᠂   ᠭᠦᠭᠡᠷᠦᠭᠦᠨ

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠬᠦᠬᠡ‍ᠨᠠᠭᠤᠷ ᠮᠤᠵᠢ ᠶᠢᠨ ᠣᠯᠠᠭᠠᠨ ᠰᠢᠶᠠᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ