☆ ᠴ·ᠪᠠᠶᠠᠰᠤᠯ
ᠬᠠᠢ᠌ᠷᠠ ᠶᠢᠨ ᠬᠦᠯᠢᠶᠡᠯᠲᠡ
ᠣᠶᠠᠷᠠᠨ ᠵᠦᠰᠠᠷᠠᠵᠤ ᠪᠣᠷᠤᠭᠠ ᠰᠢᠪᠠᠷᠠᠨᠠ
ᠣᠳᠠᠨ ᠤ ᠳᠠᠯᠳᠠ ᠳᠤ ᠴᠢ ᠮᠢᠨᠢ ᠵᠤᠭᠰᠤᠨᠠ
ᠰᠢᠭᠦᠷ ᠴᠤ ᠦᠭᠡᠶ᠂ ᠴᠤᠪᠠ ᠴᠤ ᠦᠭᠡᠶ
ᠰᠠᠤᠠᠭᠢᠯ ᠤᠨ ᠬᠤᠩᠭ᠋ᠤᠷ ᠨᠠᠮᠢ᠋ᠢ ᠪᠠᠨ ᠭᠦᠯᠢᠶᠡᠨᠡ
ᠠᠮᠠᠷᠠᠭ ᠬᠠᠢ᠌ᠷᠠ ᠭᠡᠵᠢᠶᠡᠳᠡ ᠬᠤᠪᠢᠷᠠᠬᠤ ᠦᠭᠡᠶ
ᠠᠮᠢᠳᠤᠷᠠᠯ ᠤᠨ ᠴᠡᠩᠭᠡᠯ ᠡ᠊ᠨᠳᠡ ᠡᠴᠡ ᠡᠭᠢᠯᠡᠨᠡ
ᠠᠷᠢᠭᠤᠨ ᠰᠠᠤᠠᠭᠢᠯ ᠤᠨ ᠭᠦᠯᠢᠶᠡᠯᠳᠡ ᠳᠤ
ᠠᠭᠠᠳᠤᠷ ᠪᠣᠷᠤᠭᠠᠨ ᠶᠠᠭᠤ ᠪᠣᠢ
ᠵᠢᠭᠡᠭᠦᠨ ᠰᠠᠯᠭᠢ ᠵᠢᠩᠭᠢᠨᠠᠳᠠᠯᠠ ᠦᠯᠢᠶᠠᠨᠠ
ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠴᠢ ᠮᠢᠨᠢ ᠵᠤᠭᠰᠤᠨᠠ
ᠵᠤᠪᠴᠠᠭᠠ ᠴᠤ ᠦᠭᠡᠶ᠂ ᠳᠡᠷᠯᠢᠭ᠌ ᠴᠤ ᠦᠭᠡᠶ᠂
ᠵᠠᠶᠠᠭᠠᠨ ᠤ ᠠᠮᠠᠷᠠᠭ ᠨᠠᠮᠢ᠋ᠢ ᠪᠠᠨ ᠭᠦᠯᠢᠶᠡᠨᠡ
ᠬᠠᠢ᠌ᠷᠠ ᠶᠢᠨ ᠢᠯᠴᠢ ᠭᠡᠵᠢᠶᠡᠳᠡ ᠪᠠᠭᠤᠷᠠᠬᠤ ᠦᠭᠡᠶ
ᠬᠠᠨᠢᠯᠠᠬᠤ ᠶᠢᠨ ᠵᠢᠷᠭᠠᠯ ᠢ ᠡ᠊ᠨᠳᠡ ᠡᠴᠡ ᠡᠳ᠋ᠯᠡᠨᠡ
ᠬᠠᠯᠠᠭᠤᠨ ᠬᠠᠢ᠌ᠷᠠ ᠶᠢᠨ ᠭᠦᠯᠢᠶᠡᠯᠳᠡ ᠳᠤ
ᠬᠠᠭᠢᠷ ᠭᠦᠢᠳᠡᠨ ᠶᠠᠭᠤ ᠪᠣᠢ
ᠵᠤᠬᠢᠶᠠᠭᠴᠢ᠄ ᠴ·ᠪᠠᠶᠠᠰᠤᠯ
ᠢᠷᠡᠯᠲᠡ᠄ ᠵᠠᠷᠤᠳ ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠᠲᠤ ᠬᠤᠷᠠᠯ ᠬᠠᠩᠭᠠᠪᠠ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3503
ᠴᠠᠭ᠄ 2004 ᠤᠨ ᠤ 10 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ