☆ ᠪᠠ᠊·ᠷ·ᠡᠷᠳᠡᠨᠢᠮᠦ᠋ᠩᠭᠡ
ᠪᠢ ᠬᠤᠯᠠ ᠡᠴᠡ ᠢᠷᠡᠭ᠍ᠰᠡᠨ ᠭᠦᠮᠤᠨ
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ
ᠠᠭᠳᠠ ᠶᠢᠨ ᠳᠦᠷᠪᠠᠭᠡᠨ ᠡᠴᠡ ᠢᠷᠠᠯᠠ
ᠠᠽᠢᠶᠠ ᠶᠢᠨ ᠦᠷᠦᠴᠠᠨ ᠳᠡᠭᠡᠷᠡᠭᠢ
ᠨᠢᠭᠡ ᠮᠤᠩᠭ᠋ᠤᠯ ᠠᠢ᠌ᠯ ᠡᠴᠡ ᠢᠷᠠᠯᠠ
ᠠᠴᠢᠳᠠᠢ ᠭᠡᠵᠤ ᠡᠵᠢ ᠳᠡᠭᠡᠨ ᠮᠥᠷᠭᠦᠭᠡᠤᠨ ᠢᠷᠠᠯᠠ
ᠡᠭᠡ ᠭᠡᠯᠡ ᠪᠠᠨ ᠭᠡᠵᠤ ᠡᠨᠡ ᠬᠤᠯᠠ ᠶᠢ ᠳᠤᠭᠤᠯᠵᠤ ᠢᠷᠠᠯᠠ
ᠭᠦᠭᠡ ᠰᠤᠳᠤᠷ ᠤᠨ ᠬᠠᠭᠤᠳᠠᠰᠤᠨ ᠳᠤᠮᠳᠠ ᠡᠴᠡ ᠢᠷᠠᠯᠠ
ᠭᠦᠭᠡ ᠮᠤᠩᠭ᠋ᠤᠯ ᠤᠨ ᠬᠠᠷᠠ ᠰᠦᠯᠳᠡ ᠡᠴᠡ ᠢᠷᠠᠯᠠ
ᠭᠦᠭᠡ ᠳᠡᠭ᠍ᠷᠢ ᠶᠢᠨ ᠰᠢᠷᠠ ᠨᠠᠷᠠᠨ ᠡᠴᠡ ᠢᠷᠠᠯᠠ
ᠭᠦᠭᠡᠷᠦᠭᠦᠢ ᠳᠠᠷᠠ ᠳᠡᠷᠭᠡᠯ ᠰᠠᠷᠠ ᠡᠴᠡ ᠢᠷᠠᠯᠠ
ᠮᠤᠩᠭ᠋ᠤᠯ ᠭᠡᠳᠡᠭ᠌ ᠥᠭᠡᠨ ᠤ ᠬᠤᠶᠠᠷ ᠳᠤᠰᠤᠯ ᠡᠴᠡ ᠨᠢ ᠢᠷᠠᠯᠠ
ᠮᠤᠩᠭ᠋ᠤᠯ ᠮᠢᠨᠢ ᠮᠥᠭᠦᠰᠢ ᠦᠭᠡᠶ ᠮᠥᠩᠭᠡ ᠶᠢᠨ ᠭᠡᠵᠤ ᠢᠷᠠᠯᠠ
ᠮᠥᠩᠭᠡ ᠭᠠᠯ ᠤᠨ ᠣᠯᠠᠭᠠᠨ ᠲᠦᠯᠦ ᠶᠢ ᠳᠦᠷᠡᠯᠵᠡᠭᠦᠯᠦᠶᠡ ᠭᠡᠮᠡᠨ ᠢᠷᠠᠯᠠ
ᠮᠥᠩᠭᠡ ᠶᠢᠨ ᠣᠯᠠᠨ ᠮᠤᠩᠭ᠋ᠤᠯᠴᠤᠳ ᠲᠡᠶ ᠪᠠᠨ ᠠᠭᠤᠯᠵᠠᠶᠠ ᠭᠡᠮᠡᠨ ᠢᠷᠠᠯᠠ
ᠪᠢ ᠬᠤᠯᠠ ᠡᠴᠡ ᠢᠷᠡᠭ᠍ᠰᠡᠨ ᠭᠦᠮᠤᠨ
ᠭᠠᠷ ᠬᠠᠳᠠᠭᠤ ᠭᠦᠮᠦᠰ ᠲᠡᠶ ᠨᠢ ᠪᠢ ᠪᠠᠷᠢᠯᠳᠤᠶᠠ ᠭᠡᠮᠡᠨ ᠢᠷᠠᠯᠠ
ᠭᠠᠵᠠᠷ ᠨᠢ ᠬᠠᠳᠠᠭᠤ ᠰᠢᠷᠤᠢ ᠳᠡᠭᠡᠷᠡ ᠪᠢ ᠰᠥᠭᠦᠳᠦᠶᠡ ᠭᠡᠮᠡᠨ ᠢᠷᠠᠯᠠ
ᠭᠠᠰ ᠤᠨ ᠴᠠᠭᠠᠨ ᠳᠠᠷᠠᠰᠤᠨ ᠳ᠋ᠤᠨᠢ ᠪᠢ ᠨᠠᠢ᠌ᠭᠤᠶᠠ ᠭᠡᠮᠡᠨ ᠢᠷᠠᠯᠠ
ᠭᠠᠳᠤᠰ ᠵᠤᠷᠢᠭᠰᠠᠨ ᠯᠤᠪᠰᠠᠩᠳᠠᠠᠵᠢᠨ ᠶᠢᠡᠨ ᠪᠢ ᠳᠠᠭᠤᠯᠠᠶᠠ ᠭᠡᠮᠡᠨ ᠢᠷᠠᠯᠠ
ᠬᠠᠮᠢᠭᠠ ᠴᠤ ᠮᠤᠩᠭ᠋ᠤᠯ ᠶᠢᠡᠷ ᠶᠢᠡᠨ ᠪᠠᠢ᠌ᠳᠠᠭ ᠠᠢ᠌ᠯ ᠤᠨ ᠡᠵᠢ ᠶᠢᠨ
ᠭᠡᠰᠢᠭ᠌ ᠳᠤᠨᠢ ᠭᠦᠷᠳᠡᠶᠡ ᠭᠡᠮᠡᠨ ᠢᠷᠠᠯᠠ
ᠬᠠᠯᠠᠰᠢᠷᠠᠯ ᠦᠭᠡᠶ ᠳᠠᠭᠢᠨ ᠳᠠᠭᠢᠨ ᠳᠤᠷᠠᠯᠠᠭᠤᠯᠵᠤ
ᠬᠠᠢ᠌ᠷᠠ ᠳᠠᠭᠠᠭᠠᠬᠤ ᠭᠡᠦᠭᠡᠨ ᠢ ᠨᠢ ᠪᠢ ᠬᠠᠢ᠌ᠷᠠᠯᠠᠶᠠ ᠭᠡᠮᠡᠨ ᠢᠷᠠᠯᠠ
ᠥᠭᠡ ᠬᠠᠳᠠᠭᠤ ᠭᠦᠮᠦᠰ ᠲᠡᠶ ᠨᠢ ᠪᠢ ᠭᠡᠯᠡᠯᠴᠡᠶᠡ ᠭᠡᠮᠡᠨ ᠢᠷᠠᠯᠠ
ᠣᠷᠠᠨ ᠰᠢᠯᠦᠭ᠌ ᠤᠨ ᠣᠪᠠᠳᠢᠰ ᠲᠤ ᠪᠢ ᠰᠤᠭᠳᠤᠭᠤᠷᠠᠶᠠ ᠭᠡᠮᠡᠨ ᠢᠷᠠᠯᠠ
ᠦᠨᠡᠠᠴᠢ ᠵᠢᠷᠦᠭᠡᠳᠡᠨ ᠲᠡᠶ ᠨᠢ ᠨᠠᠢ᠌ᠵᠢᠯᠠᠶᠠ ᠭᠡᠮᠡᠨ ᠢᠷᠠᠯᠠ
ᠦᠶᠡ ᠶᠢᠨ ᠣᠯᠠᠨ ᠭᠦᠮᠦᠰ ᠲᠡᠶ ᠪᠠᠨ ᠪᠢ ᠨᠠᠭᠠᠳᠤᠶᠠ ᠭᠡᠮᠡᠨ ᠢᠷᠠᠯᠠ
ᠪᠢ ᠬᠤᠯᠠ ᠡᠴᠡ ᠢᠷᠡᠭ᠍ᠰᠡᠨ ᠭᠦᠮᠤᠨ
ᠪᠣᠴᠠᠬᠤ ᠰᠢᠪᠠᠭᠤᠳ ᠤᠨ ᠵᠡᠯᠡᠯᠭᠡ ᠶᠢ ᠣᠶᠠᠷᠠᠨ ᠣᠶᠠᠷᠠᠳᠠᠯᠠ ᠨᠢ ᠰᠢᠯᠦᠭᠯᠡᠵᠤ
ᠰᠢᠷᠭᠠᠯ ᠨᠠᠮᠤᠷ ᠤᠨ ᠭᠡᠢ᠌ᠰᠭᠦ ᠨᠠᠪᠴᠢᠰ ᠢ ᠳᠠᠷᠪᠠᠨ ᠳᠠᠷᠪᠠᠳᠠᠯᠠ ᠨᠢ ᠰᠢᠯᠦᠭᠯᠡᠵᠤ
ᠪᠢ ᠬᠤᠯᠠ ᠡᠴᠡ ᠢᠷᠡᠭ᠍ᠰᠡᠨ ᠭᠦᠮᠤᠨ
ᠳᠠᠭᠤᠯᠠᠵᠤ ᠴᠢᠳᠠᠳᠠᠭ ᠭᠦᠮᠤᠨ ᠲᠡᠶ ᠨᠢ ᠬᠠᠮᠳᠤ ᠳᠠᠭᠠᠨ
ᠳᠠᠭᠤᠯᠠᠶᠠ ᠭᠡᠮᠡᠨ ᠢᠷᠠᠯᠠ
ᠳᠤᠷᠠᠯᠠᠵᠤ ᠪᠣᠯᠤᠮᠠᠷ ᠦᠬᠢᠨ ᠳ᠋ᠤᠨᠢ ᠳᠤᠷᠠᠯᠠᠵᠤ
ᠬᠠᠮᠳᠤ ᠳᠠᠭᠠᠨ ᠶᠠᠪᠣᠯᠴᠠᠶᠠ ᠭᠡᠮᠡᠨ ᠢᠷᠠᠯᠠ
ᠮᠣᠢ᠌ᠯ ᠬᠠᠷᠠ ᠨᠢᠳᠤᠳᠠᠨ ᠢ ᠨᠢ ᠬᠠᠷᠠᠭᠠᠤᠨ
ᠮᠦᠰᠢᠶᠠᠶᠠ ᠭᠡᠮᠡᠨ ᠢᠷᠠᠯᠠ
ᠮᠥᠰᠢᠶᠡᠭᠡᠤᠨ ᠪᠠᠰᠠ ᠢᠴᠢᠮᠭᠡᠢ᠌ᠷᠡᠵᠤ
ᠴᠠᠰᠢ ᠪᠠᠨ ᠬᠠᠷᠠᠨ ᠵᠤᠭᠰᠤᠶᠠ ᠭᠡᠮᠡᠨ ᠢᠷᠠᠯᠠ
ᠪᠢ ᠬᠤᠯᠠ ᠡᠴᠡ ᠢᠷᠡᠭ᠍ᠰᠡᠨ ᠭᠦᠮᠤᠨ
ᠮᠤᠩᠭ᠋ᠤᠯ ᠤᠨ ᠵᠤᠷᠢᠭ ᠬᠠᠳᠠᠭᠤ ᠭᠡᠵᠤ
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ
ᠮᠤᠷᠢᠨ ᠰᠠᠯᠠᠮᠠ ᠶᠠᠷᠢᠵᠤ ᠪᠠᠢ᠌ᠭᠰᠠᠨ
ᠰᠠᠯᠠᠮᠠ ᠪᠠᠷᠢᠭᠰᠠᠨ ᠡᠷᠡᠴᠦᠳ ᠶᠠᠪᠣᠵᠤ ᠪᠠᠢ᠌ᠭᠰᠠᠨ
《ᠮᠤᠩᠭ᠋ᠤᠯ ᠤᠨ ᠦᠷᠡᠰ ᠮᠠᠰᠢ ᠣᠯᠠᠨ ᠪᠣᠯᠳᠤᠭᠠᠢ》 ᠭᠡᠵᠤ
ᠨᠠᠴᠤᠭᠳᠤᠷᠵᠢ ᠶᠢᠨ ᠭᠡᠷᠢᠶᠡᠰ ᠪᠠᠢ᠌ᠭᠰᠠᠨ
ᠢᠩᠭᠢᠵᠤ ᠡᠨᠡ ᠭᠡᠷᠢᠶᠡᠰ ᠶᠢᠡᠷ ᠨᠢ
ᠷᠢᠠᠴᠢᠨ ᠤ ᠴᠣᠢ᠌ᠨᠤᠮ ᠬᠠᠰᠭᠢᠷᠴᠤ ᠪᠠᠢ᠌ᠭᠰᠠᠨ
ᠡᠨᠡ ᠠᠭᠤᠤ ᠦᠨᠳᠦᠰᠦᠳᠠᠨ ᠳᠤ ᠭᠡᠷᠢᠶᠡᠰ ᠪᠣᠯᠤᠭᠰᠠᠨ ᠡᠨᠡ ᠥᠭᠡᠰ ᠶᠢᠡᠷ
ᠡᠷᠳᠡᠨᠢᠮᠥᠩᠭᠡ ᠳᠠᠨᠠᠷ ᠲᠤ ᠰᠤᠨᠤᠰᠬᠠᠶᠠ ᠭᠡᠮᠡᠨ ᠢᠷᠠᠯᠠ
《ᠮᠤᠩᠭ᠋ᠤᠯ ᠤᠨ ᠦᠷᠡᠰ ᠮᠠᠰᠢ ᠣᠯᠠᠨ ᠪᠣᠯᠳᠤᠭᠠᠢ》
ᠮᠤᠩᠭ᠋ᠤᠯ ᠰᠤᠶᠤᠯ ᠮᠠᠨᠢ ᠳᠡᠯᠡᠭᠡᠢ ᠶᠢᠨ ᠭᠡᠯᠡ ᠪᠣᠯᠳᠤᠭᠠᠢ︕
ᠮᠤᠩᠭ᠋ᠤᠯ ᠭᠦᠮᠤᠨ ᠬᠤᠷᠸᠠ ᠶᠢᠨ ᠡᠵᠡᠨ ᠪᠣᠯᠳᠤᠭᠠᠢ︕
ᠮᠥᠩᠭᠡ ᠶᠢᠨ ᠣᠯᠠᠭᠠᠨ ᠭᠠᠯ ᠡᠭᠦᠷᠢᠳᠡ ᠳᠦᠷᠡᠯᠵᠡᠳᠦᠭᠡᠢ︕
ᠵᠤᠬᠢᠶᠠᠭᠴᠢ᠄ ᠪᠠ᠊·ᠷ·ᠡᠷᠳᠡᠨᠢᠮᠦ᠋ᠩᠭᠡ
ᠢᠷᠡᠯᠲᠡ᠄ ᠨᠡᠷᠡᠡᠴᠡᠴᠡᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3602
ᠴᠠᠭ᠄ 2006 ᠤᠨ ᠤ 09 ᠰᠠᠷᠠ ᠶᠢᠨ 06
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ