☆ ᠵᠠᠩᠮᠠᠷ
ᠴᠠᠭᠠᠨ ᠮᠦᠷᠠᠨ ᠤ ᠭᠦᠪᠠᠭᠡᠨ ᠳ᠋ᠤ
ᠣᠷᠤᠰᠬᠠᠯ ᠳᠤᠩᠭ᠋ᠠᠯᠠᠭ ᠴᠠᠭᠠᠨ ᠮᠦᠷᠠᠨ
ᠲ᠋ᠠᠯᠠ ᠶᠢ ᠵᠦᠰᠤᠨ ᠴᠠᠢ᠌ᠯᠵᠠᠭᠠᠤᠨ
ᠣᠭᠠᠯᠵᠠ ᠭᠡ ᠲᠡᠶ ᠳᠤᠷᠳᠤᠩ ᠠᠳᠠᠯᠢ
ᠰᠠᠷᠠᠭᠤᠯ ᠴᠠᠢ᠌ᠳᠠᠮ ᠢ ᠡᠮᠵᠢᠶᠡᠷᠢᠯᠡᠭᠦ ᠳᠤ
ᠤᠭ᠍ᠶᠤ ᠱᠢᠷᠤ ᠰᠢᠭ ᠪᠠᠶᠠᠨ ᠰᠥᠷᠦᠭ᠌
ᠨᠤᠮᠢᠨ ᠳᠠᠠᠵᠢᠨ ᠳᠤ ᠪᠠᠯᠴᠢᠭᠡᠷᠯᠡᠨ
ᠣᠷᠢ ᠵᠠᠯᠠᠭᠤ ᠶᠢᠨ ᠢᠨᠠᠭ ᠤᠨ ᠪᠣᠯᠵᠤᠭᠠ
ᠲ᠋ᠡᠭᠦᠨ ᠤ ᠳᠡᠷᠭᠡᠳᠡ ᠬᠤᠤᠰᠯᠠᠨᠠ᠃
ᠭᠦᠭ᠍ᠵᠢᠭᠦᠨ ᠰᠡᠷᠭᠦᠯᠡᠩ ᠴᠤᠪᠣᠭᠤᠯᠢᠭ ᠵᠠᠯᠠᠭᠤ
ᠬᠠᠢ᠌ᠷᠠ ᠶᠢᠨ ᠬᠠᠷᠠᠴᠠ ᠪᠠᠨ ᠬᠠᠶᠠᠬᠤ ᠳ᠋ᠤ
ᠭᠦᠳᠡᠭᠡᠪᠦᠷᠢ ᠵᠠᠩ ᠲᠡᠶ ᠢᠴᠢᠮᠡᠳᠡᠭᠡᠢ ᠭᠡᠦᠭᠡᠨ
ᠬᠠᠷᠠᠭᠠ ᠪᠠᠨ ᠰᠢᠯᠵᠢᠭᠦᠯᠤᠨ ᠢᠨᠢᠶᠡᠮᠰᠦᠭᠯᠡᠨᠡ᠃
ᠭᠦᠩᠭᠡᠨ ᠳᠡᠭ᠍ᠵᠢᠨ ᠠᠯᠠᠭ ᠡᠷᠪᠠᠭᠡᠢ
ᠠᠳᠠᠭᠠ ᠭᠦᠳᠡᠯᠤᠨ ᠰᠥᠯᠵᠢᠯᠳᠦᠭᠡᠤᠨ
ᠭᠦᠭᠡᠪᠳᠦᠷ ᠶᠠᠭᠠᠨ ᠴᠡᠴᠡᠭ᠌ ᠤᠨ ᠳᠤᠮᠳᠠ
ᠬᠤᠤᠰ ᠬᠤᠤᠰ ᠶᠢᠡᠷ ᠴᠡᠩᠭᠡᠯᠳᠦᠨᠡ᠃
ᠬᠤᠷᠴᠢᠭᠢᠨᠠᠨ ᠣᠷᠤᠰᠬᠤ ᠮᠦᠷᠠᠨ ᠤ ᠣᠷᠤᠰᠬᠠᠯ
ᠨᠠᠢ᠌ᠷᠠᠯ ᠭᠦᠭ᠍ᠵᠢᠮ ᠡᠭᠦᠰᠭᠡᠨ
ᠬᠤᠩᠭ᠋ᠤᠷ ᠬᠤᠶᠠᠷ ᠤᠨ ᠰᠠᠤᠠᠭᠢᠯ ᠤᠨ ᠰᠢᠵᠢᠮ ᠢ
ᠢᠷᠠᠭᠤ ᠡᠭᠡᠰᠢᠭ᠌ ᠶᠢᠡᠷ ᠴᠢᠪᠬᠠᠳᠠᠨᠠ
ᠬᠤᠶᠠᠷ ᠵᠠᠯᠠᠭᠤ ᠶᠢᠨ ᠢᠨᠠᠭ ᠤᠨ ᠶᠠᠷᠢᠶᠠ
ᠢᠪᠢᠯᠦᠭ᠍ᠰᠡᠨ ᠰᠥ᠋ ᠰᠢᠭ᠌ ᠣᠠᠳᠤᠷᠤᠭᠠᠤᠨ
ᠬᠤᠵᠢᠮ ᠢᠷᠡᠭᠡᠳᠦᠢ ᠶᠢᠨ ᠰᠠᠢ᠌ᠬᠠᠨ ᠭᠦᠰᠡᠯᠡᠩ ᠶᠢᠡᠨ
ᠰᠠᠤᠠᠭᠢᠯ ᠠᠭᠤᠵᠢᠷᠠᠳᠠᠯᠠ ᠳᠡᠯᠭᠡᠨᠡ᠃
ᠣᠯᠠᠯᠵᠠᠨ ᠳᠡᠯᠭᠡᠷᠡᠭᠦ ᠴᠡᠴᠡᠭ᠌ ᠤᠨ ᠭᠡᠯᠳᠡᠰ
ᠢᠨᠠᠭ ᠤᠨ ᠥᠯᠢᠭᠡᠷ ᠲᠤ ᠰᠤᠭᠳᠤᠭᠤᠷᠠᠨ
ᠣᠷᠢᠬᠠᠨ ᠰᠠᠯᠭᠢᠨ ᠤ ᠡᠶᠡᠪᠠᠷᠭᠦᠤ ᠠᠶᠠ ᠪᠠᠷ
ᠨᠠᠭᠢᠰ ᠨᠠᠭᠢᠰ ᠪᠦᠵᠢᠭᠯᠡᠨᠡ᠃
ᠣᠶᠠᠩᠭ᠋ᠠᠳᠤ ᠰᠠᠢ᠌ᠬᠠᠨ ᠢᠨᠠᠭ ᠤᠨ ᠳᠠᠭᠤᠤ ᠪᠠᠨ
ᠬᠤᠤᠰ ᠵᠠᠯᠠᠭᠤ ᠬᠠᠩᠭᠢᠨᠠᠭᠤᠯᠬᠤ ᠳᠤ
ᠣᠶᠠᠬᠠᠨ ᠵᠠᠩᠳᠠᠢ ᠠᠩᠭᠢᠷ ᠭᠠᠯᠠᠭᠤ
ᠲ᠋ᠡᠷᠭᠡᠳᠡᠭᠦᠷ ᠨᠢ ᠡᠷᠭᠢᠯᠳᠤᠨ ᠣᠶᠠᠷᠠᠨᠠ᠃
ᠡᠶᠡᠯᠳᠡᠭ᠌ ᠭᠡᠦᠭᠡᠨ ᠤ ᠳᠤᠷᠮᠤᠭᠤᠷ ᠨᠢᠳᠤᠨ ᠳᠤ
ᠲ᠋ᠤᠷᠠᠯᠠᠯ ᠤᠨ ᠣᠴᠢ ᠭᠢᠯᠠᠯᠵᠠᠭᠠᠤᠨ
ᠡᠯᠢᠭᠡᠰᠡᠭ᠌ ᠰᠠᠢ᠌ᠬᠠᠨ ᠢᠨᠢᠶᠡᠮᠰᠦᠭᠯᠡᠯ ᠤᠨ ᠴᠢᠷᠠᠢ ᠳ᠋ᠤᠨᠢ
ᠬᠤᠤᠰ ᠬᠤᠠᠳᠠᠭᠠ ᠮᠠᠯᠳᠠᠯᠵᠠᠨᠠ᠃
ᠡᠷᠢᠶᠡᠯᠡᠨ ᠰᠤᠯᠤᠩᠭ᠋ᠠᠷᠠᠭᠰᠠᠨ ᠴᠡᠴᠡᠭ᠌ ᠤᠨ ᠳᠤᠮᠳᠠ
ᠬᠤᠨᠢᠴᠢᠨ ᠭᠡᠦᠭᠡᠨ ᠢᠰᠪᠠᠯᠵᠡᠭᠦ ᠳᠤ
ᠣᠢ᠌ᠷᠠᠳᠤᠨ ᠰᠠᠭᠤᠭᠰᠠᠨ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠶᠢᠨ
ᠰᠠᠤᠠᠭᠢᠯ ᠨᠢ ᠰᠥᠷᠡᠭᠡᠢ ᠳᠤᠭᠳᠤᠯᠤᠨᠠ᠃
ᠳᠤᠩᠭ᠋ᠠᠯᠠᠭ ᠭᠡᠭᠡᠡᠴᠢᠷ ᠴᠡᠴᠡᠷᠯᠢᠭ᠌ ᠪᠠᠢ᠌ᠭᠠᠯᠢ ᠳᠤ
ᠭᠡᠷᠡᠯ ᠵᠢᠷᠤᠭ ᠪᠠᠭᠤᠯᠭᠠᠬᠤ ᠰᠢᠭ
ᠳᠤᠨᠤᠯᠵᠠᠭᠰᠠᠨ ᠮᠦᠷᠠᠨ ᠤ ᠵᠥᠭᠡᠯᠡᠨ ᠠᠷ ᠲᠤ
ᠬᠤᠶᠠᠷ ᠰᠡᠭᠦᠳᠡᠷ ᠨᠢᠭᠡᠳᠭᠦ ᠳᠤ
ᠬᠤᠷᠤᠮᠬᠠᠨᠠ ᠪᠣᠰᠬᠤ ᠳᠤᠯᠭᠢᠨ ᠳᠠᠪᠠᠯᠭᠠᠨ
ᠡᠪᠭᠢᠰ ᠭᠦᠪᠭᠢᠰ ᠮᠤᠰᠭᠢᠷᠠᠭᠰᠠᠭᠠᠷ
ᠬᠠᠨᠢᠯᠠᠭᠰᠠᠨ ᠵᠠᠯᠠᠭᠤᠰ ᠤᠨ ᠬᠤᠩᠭ᠋ᠤᠷ ᠪᠠᠷᠠ ᠶᠢ
ᠭᠦᠭᠡᠰᠦᠷᠡᠭᠦ ᠳᠤᠯᠭᠢᠶᠠᠨ ᠶᠢᠡᠷ ᠪᠦᠵᠢᠭᠯᠡᠭᠦᠯᠦᠨᠡ᠃
1981.11
ᠵᠤᠬᠢᠶᠠᠭᠴᠢ᠄ ᠵᠠᠩᠮᠠᠷ
ᠢᠷᠡᠯᠲᠡ᠄ ᠨᠡᠷᠡᠡᠴᠡᠴᠡᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2891
ᠴᠠᠭ᠄ 2006 ᠤᠨ ᠤ 07 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ