☆ ᠪᠣᠷᠵᠢᠭᠢᠨ ᠰᠦᠶᠠ
ᠳᠤᠳᠠᠨᠠ
ᠬᠤᠷᠠ ᠳᠤᠳᠠᠨᠠ
ᠳᠠᠯᠠ ᠰᠢᠷᠠᠯᠠᠵᠤ
ᠠᠮᠢᠯᠠᠯ ᠨᠤᠭᠤᠭᠠᠨ ᠶᠢᠠᠷ ᠳᠤᠳᠠᠨᠠ
ᠳᠠᠨᠠᠨ ᠴᠠᠭᠠᠨ ᠭᠡᠷ ᠤᠳ ᠬᠤᠯᠠᠳᠠᠵᠤ
ᠠᠷᠭᠠᠯ ᠤᠨ ᠣᠳᠤᠭᠠ ᠭᠡᠪᠢᠯᠭᠡ ᠳᠤᠳᠠᠨᠠ
ᠳᠠᠭᠤᠤ ᠳᠤᠳᠠᠨᠠ
ᠪᠣᠷᠬᠠᠨ ᠬᠠᠯᠳᠤᠨ ᠡᠵᠡᠭᠦᠢ᠌ᠷᠡᠵᠤ
ᠪᠣᠭᠳᠠ ᠵᠢᠨ ᠲ᠋ᠠᠭᠤᠤᠷᠠᠢ ᠳᠤᠳᠠᠨᠠ
ᠥᠡᠳᠦᠷᠯᠢᠭ᠌ ᠤᠨ ᠭᠦᠭᠡᠮᠡᠢ ᠨᠤᠲ᠋ ᠳᠠᠰᠤᠷᠠᠵᠤ
〈ᠴᠢᠩᠭᠢᠰ〉 ᠳᠠᠭᠤᠳᠤ ᠰᠢᠪᠠᠭᠤ ᠳᠤᠳᠠᠨᠠ
ᠮᠤᠷᠢ ᠳᠤᠳᠠᠨᠠ
ᠰᠥᠷᠦᠭ᠌ ᠰᠡᠢ᠌ᠷᠡᠭ᠍ᠵᠢᠵᠤ
ᠠᠭᠳᠠ ᠶᠢᠨ ᠳᠦᠪᠠᠷᠭᠡᠨ ᠳᠤᠳᠠᠨᠠ
ᠮᠤᠷᠢᠳᠠᠨ ᠤ ᠵᠡᠭᠦᠳᠤ ᠣᠶᠠᠭᠠᠨ ᠳᠡᠭᠡᠷᠡ ᠤᠷᠭᠠᠯᠠᠭᠳᠠᠵᠤ
ᠠᠳᠤᠭᠤᠳ ᠴᠢᠨ᠋ᠸᠠ ᠪᠠᠷ ᠳᠤᠳᠠᠨᠠ
ᠮᠠᠯᠮᠠᠢ ᠳᠤᠳᠠᠨᠠ
ᠳᠡᠭ᠍ᠷᠢ ᠪᠦᠷᠭᠦᠢ᠌ᠵᠤ
ᠠᠯᠳᠠᠨ ᠭᠠᠳᠠᠰᠤ ᠭᠡᠷᠡᠯ ᠵᠢᠠᠷ ᠲ᠋ᠤᠳᠠᠨᠠ
ᠳᠤᠧᠨ ᠰᠤᠬᠤᠷ ᠤᠨ ᠭᠠᠭᠴᠠᠬᠠᠨ ᠨᠢᠳᠤ ᠲ᠋ᠤᠭᠵᠢᠷᠠᠵᠤ
ᠠᠷᠢᠭᠤᠨ ᠰᠥᠰᠦᠭ᠌ ᠴᠢᠭ᠍ᠯᠡᠯ ᠶᠢᠡᠷ ᠳᠤᠳᠠᠨᠠ
ᠴᠢᠯᠠᠭᠤ ᠳᠤᠳᠠᠨᠠ
ᠡᠯᠡᠰᠤ ᠰᠢᠭᠤᠷᠴᠤ
ᠡᠭᠡ ᠭᠠᠵᠠᠷ ᠡᠶᠡ ᠵᠤᠭᠢᠴᠠᠯ ᠪᠠᠷ ᠳᠤᠳᠠᠨᠠ
ᠣᠩᠭ᠋ᠤᠨ ᠣᠪᠣᠭᠠ ᠰᠠᠴᠤᠯᠢ ᠪᠠᠷ ᠨᠢᠯᠪᠣᠰᠤᠷᠠᠵᠤ
ᠭᠦᠮᠤᠨ ᠴᠢᠯᠡᠭᠤ ᠳᠤᠯᠤᠭᠠᠢ ᠪᠠᠷ ᠳᠤᠳᠠᠨᠠ
ᠰᠦᠯᠳᠡ ᠳᠤᠳᠠᠨᠠ
ᠡᠷᠴᠢ ᠵᠤᠷᠢᠭ ᠵᠡᠭᠦᠷᠮᠡᠭᠯᠡᠵᠤ
ᠪᠦᠭᠡ ᠶᠢᠨ ᠦᠴᠢᠯ ᠳᠤᠳᠠᠨᠠ
ᠡᠷᠡᠨ ᠵᠠᠭᠤᠨ ᠳᠤ ᠬᠠᠶᠠᠭᠳᠠᠭᠰᠠᠨ ᠥᠡᠳᠦᠷᠯᠢᠭ᠌
ᠪᠤᠰᠤᠭᠠ ᠭᠡᠢ᠌ᠮᠦᠷᠢ ᠪᠠᠷ ᠳᠤᠳᠠᠨᠠ
ᠵᠠᠮᠤᠬᠠ ᠳᠤᠳᠠᠨᠠ
ᠳᠡᠦᠭᠡᠨ ᠭᠦᠷᠳᠤ ᠴᠢᠯᠠᠭᠤᠵᠢᠵᠤ
ᠠᠠᠳᠠ ᠶᠢᠨ ᠳᠠᠩᠭ᠋ᠠᠷᠢᠭ ᠳᠤᠳᠠᠨᠠ
ᠳᠡᠭ᠍ᠷᠢᠯᠢᠭ᠌ ᠣᠮᠤᠭ ᠪᠣᠳᠤᠩ ᠳᠤ ᠭᠦᠯᠴᠦᠭᠦᠷᠡᠵᠤ
ᠠᠯᠤᠨ ᠡᠭᠡ ᠶᠢᠨ ᠭᠦᠨ ᠣᠬᠠᠭᠠᠨ ᠳᠤᠳᠠᠨᠠ
ᠳᠤᠳᠠᠨᠠ ᠡ ᠳᠤᠳᠠᠨᠠ
ᠮᠤᠩᠭ᠋ᠤᠯ ᠥᠰᠦᠭ᠌ ᠭᠡᠯᠡ ᠪᠠᠷ ᠳᠤᠳᠠᠵᠤ
ᠮᠤᠷᠢᠨ ᠨᠢᠷᠤᠭᠤ ᠪᠠᠭᠠᠳᠤᠷ ᠶᠢᠡᠷ ᠳᠤᠳᠠᠨᠠ
ᠮᠤᠷᠢᠨ ᠬᠤᠭᠤᠷ ᠡᠭᠡᠰᠢᠭ᠌ ᠶᠢᠡᠷ ᠳᠤᠳᠠᠵᠤ
ᠮᠤᠩᠭ᠋ᠤᠯ ᠨᠤᠳᠤᠭ ᠭᠦᠤ ᠪᠠᠷ ᠳᠤᠳᠠᠨᠠ
ᠳᠤᠳᠠᠵᠤ ᠳᠤᠳᠠᠵᠤ
ᠮᠤᠩᠭ᠋ᠤᠯ ᠤᠨ ᠳᠦᠯᠦᠭᠡ ᠭᠡᠳᠡᠭ᠌ ᠰᠠᠨᠠᠭᠠ
ᠪᠢᠳᠠᠨ ᠤ ᠵᠢᠷᠦᠭᠡᠨ ᠳ᠋ᠤ ᠬᠤᠮᠰᠠᠳᠠᠵᠤ ᠳᠤᠳᠠᠨᠠ ᠡ
ᠢᠠᠳᠠᠷ ᠵᠢᠷᠭᠤᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
(《ᠵᠢᠷᠢᠮ ᠤᠨ ᠣᠷᠠᠨ ᠵᠤᠬᠢᠶᠠᠯ》 ᠤᠨ 2009.2 ᠳᠤ ᠨᠡᠢ᠌ᠳᠡᠯᠡᠭ᠍ᠳᠡᠪᠡ)
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠰᠦᠶᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2604
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 11
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ