ᠣᠷᠤᠢ ᠨᠢ ᠴᠠᠰᠤᠳᠠᠢ ᠠᠭᠤᠯᠠᠰ ᠨᠡᠭᠦᠨ᠎ᠡ

ᠠᠭᠤᠯᠠᠰ ᠢ ᠳᠠᠭᠠᠭᠠᠤᠨ ᠡᠭᠦᠯᠡᠰ ᠨᠡᠭᠦᠨ᠎ᠡ

ᠡᠭᠦᠯᠡᠰ ᠢ ᠳᠠᠭᠠᠭᠠᠤᠨ ᠣᠰᠤ ᠨᠡᠭᠦᠨ᠎ᠡ

ᠣᠰᠤ ᠶᠢ ᠳᠠᠭᠠᠭᠠᠤᠨ ᠬᠠᠷᠠᠴᠠ ᠮᠢᠨᠢ ᠨᠡᠭᠦᠨ᠎ᠡ

ᠰᠠᠯᠭᠢ ᠶᠢ ᠳᠠᠭᠠᠭᠠᠤᠨ ᠨᠠᠪᠴᠢᠰ ᠨᠡᠭᠦᠨ᠎ᠡ

ᠰᠢᠷᠭᠠᠯ ᠨᠠᠮᠤᠷ ᠡᠮᠦᠨᠡᠭᠡᠭᠦᠷ ᠮᠢᠨᠢ ᠨᠡᠭᠦᠨ᠎ᠡ

ᠰᠠᠷᠠ ᠶᠢ ᠳᠠᠭᠠᠭᠠᠤᠨ ᠰᠢᠪᠠᠭᠤᠳ ᠨᠡᠭᠦᠨ᠎ᠡ

ᠰᠢᠪᠠᠭᠤᠳ ᠢ ᠳᠠᠭᠠᠭᠠᠤᠨ ᠨᠤᠳᠤᠭ ᠮᠢᠨᠢ ᠨᠡᠭᠦᠨ᠎ᠡ

ᠨᠢᠳᠤ ᠰᠢᠭ᠌ ᠨᠠᠭᠤᠷ ᠮᠡᠯᠮᠡᠷᠡᠭᠡᠳ ᠬᠤᠴᠤᠷᠤᠨ᠎ᠠ

ᠨᠠᠪᠴᠢᠰ ᠢ ᠳᠡᠪᠠᠷᠢᠭᠡᠳ ᠣᠢ᠌ᠮᠤᠷᠠᠭᠠᠤᠨ ᠣᠭᠢᠯᠠᠨ᠎ᠠ

ᠨᠠᠭᠤᠷ ᠢ ᠬᠠᠷᠠᠭᠠᠤᠨ ᠰᠡᠳᠬᠢᠯ ᠮᠢᠨᠢ ᠰᠠᠮᠠᠷᠠᠨ᠎ᠠ

ᠨᠠᠮᠤᠷ ᠤᠨ ᠳᠡᠭ᠍ᠷᠢ ᠳᠤ ᠨᠢᠯᠪᠣᠰᠤ ᠮᠢᠨᠢ ᠪᠣᠷᠤᠭᠠᠯᠠᠨ᠎ᠠ

ᠨᠣᠢ᠌ᠷ ᠤᠨ ᠳᠤᠮᠳᠠ ᠵᠡᠭᠦᠳᠤ ᠡᠷᠭᠢᠴᠡᠨ᠎ᠡ

ᠨᠠᠮᠢ᠋ᠢ ᠳᠠᠶᠠᠯᠠᠭᠠᠤᠨ ᠳᠠᠷᠠ ᠮᠢᠨᠢ ᠳᠤᠷᠮᠣᠢ᠌ᠨ᠎ᠠ

ᠨᠠᠷᠠ ᠰᠢᠭ ᠬᠠᠢ᠌ᠷ᠎ᠠ ᠵᠢᠷᠦᠭᠡᠨ ᠳᠤ ᠰᠢᠳᠠᠨ᠎ᠠ

ᠨᠠᠮᠤᠷ ᠤᠨ ᠨᠡᠭᠦᠳᠡᠯ ᠳᠤ ᠣᠢ᠌ᠤᠠᠬᠠᠷ ᠠᠰᠠᠨ᠎ᠠ᠁

ᠴᠠᠰᠤ

ᠲ᠋ᠠᠭᠤ ᠦᠭᠡᠶ ᠣᠨᠠᠳᠠᠭ ᠴᠠᠰᠤ

ᠣᠭᠢᠯᠠᠭᠠᠤᠨ ᠳᠦᠷᠦᠳᠡᠭ᠌ ᠪᠠᠶ᠎ᠠ

ᠳᠤᠭᠤᠯᠤᠭᠠᠤᠨ ᠪᠠᠷᠠᠭᠳᠠᠳᠠᠭ ᠦᠭᠡᠶ ᠵᠠᠮ

ᠳᠠᠭᠤᠯᠠᠭᠠᠤᠨ ᠬᠠᠨᠤᠳᠠᠭ ᠦᠭᠡᠶ ᠳᠤᠷᠠᠯᠠᠯ

ᠨᠢᠯᠪᠣᠰᠤᠨ ᠳᠤ ᠴᠠᠬᠠᠳᠠᠭ ᠦᠭᠡᠶ ᠬᠤᠷᠸ᠎ᠠ

ᠵᠢᠷᠭᠠᠯ ᠳᠤ ᠴᠠᠳᠤᠳᠠᠭ ᠭᠦᠰᠡᠯ

ᠬᠠᠢ᠌ᠯᠠᠭᠠᠤᠨ ᠣᠷᠤᠰᠳᠠᠭ ᠴᠠᠰᠤ

ᠭᠢ᠌ᠰᠦᠭᠡᠳ ᠵᠠᠮᠬᠠᠷᠠᠳᠠᠭ ᠣᠨ

ᠰᠤᠶᠤᠭᠠᠯᠠᠭᠠᠤᠨ ᠣᠷᠭᠤᠳᠠᠭ ᠨᠤᠭᠤᠭ᠎ᠠ

ᠴᠡᠴᠡᠭᠯᠡᠭᠡᠳ ᠳᠡᠯᠭᠡᠷᠡᠳᠡᠭ᠌ ᠵᠡᠭᠦᠳᠤ

ᠲ᠋ᠠᠭᠤ ᠦᠭᠡᠶ ᠣᠨᠠᠳᠠᠭ ᠴᠠᠰᠤ

ᠳᠠᠭᠤ ᠲᠡᠶ ᠥᠩᠭᠡᠷᠡᠳᠡᠭ᠌ ᠨᠠᠰᠤ

ᠲ᠋ᠠᠷᠠ ᠰᠦᠨᠢ (ᠲ᠋ᠠᠭᠤᠤ ᠶᠢᠨ ᠥᠭᠡ)

ᠵᠡᠭᠦᠳᠦᠨ ᠤ ᠰᠠᠷᠠ ᠳᠤᠶᠠᠭᠠᠷᠠᠭᠰᠠᠨ

ᠴᠡᠩᠭᠡᠷ ᠰᠦᠨᠢ ᠪᠠᠢ᠌ᠭᠰᠠᠨ

ᠵᠢᠷᠦᠭᠡᠨ ᠤ ᠬᠠᠢ᠌ᠷ᠎ᠠ ᠣᠠᠳᠤᠷᠤᠭᠰᠠᠨ

ᠵᠢᠷᠭᠠᠯ ᠲᠡᠶ ᠮᠦᠴᠡ ᠪᠠᠢ᠌ᠭᠰᠠᠨ

ᠳᠠᠷᠠ ᠰᠦᠨᠢ ᠪᠠᠳᠠᠨ ᠤ ᠭᠢ ᠪᠠᠢ᠌ᠭᠰᠠᠨ

ᠳᠡᠭ᠍ᠷᠢ ᠶᠢᠨ ᠳᠤᠤᠷ᠎ᠠ ᠬᠤᠶᠠᠭᠤᠯᠬᠠᠨ ᠶᠢᠡᠨ ᠪᠠᠢ᠌ᠭᠰᠠᠨ

ᠳᠠᠷᠠ ᠰᠦᠨᠢ ᠰᠢᠳᠠᠵᠤ ᠪᠠᠢ᠌ᠭᠰᠠᠨ

ᠳᠡᠩᠳᠡᠭᠦᠤ ᠬᠠᠢ᠌ᠷ᠎ᠠ ᠮᠠᠨᠢ ᠬᠠᠢ᠌ᠯᠵᠤ ᠯᠠ ᠪᠠᠢ᠌ᠭᠰᠠᠨ

ᠴᠡᠴᠡᠭ᠌ ᠪᠦᠭᠦᠨ ᠵᠡᠭᠦᠳᠦᠯᠡᠭ᠍ᠰᠡᠨ

ᠴᠡᠩᠭᠡᠷᠭᠡᠨ ᠰᠦᠨᠢ ᠪᠠᠢ᠌ᠭᠰᠠᠨ

ᠴᠢᠩ ᠬᠠᠢ᠌ᠷ᠎ᠠ ᠳᠡᠪᠠᠷᠢᠭ᠍ᠰᠡᠨ

ᠴᠡᠩᠭᠡᠯ ᠲᠡᠶ ᠰᠦᠨᠢ ᠪᠠᠢ᠌ᠭᠰᠠᠨ

ᠳᠠᠭᠢᠯᠳᠠ

ᠣᠳᠤᠳ ᠪᠦᠭᠦᠨ ᠱᠤᠬᠤᠭᠠᠷᠠᠭᠰᠠᠨ

ᠣᠭᠳᠤᠷᠭᠤᠢ ᠶᠢᠨ ᠰᠦᠨᠢ ᠪᠠᠢ᠌ᠭᠰᠠᠨ

ᠣᠤᠭᠠᠨ ᠬᠠᠢ᠌ᠷ᠎ᠠ ᠳᠡᠯᠪᠠᠭᠡᠯᠡᠭ᠍ᠰᠡᠨ

ᠣᠶᠠᠩᠭ᠋᠎ᠠ ᠶᠢᠨ ᠰᠦᠨᠢ ᠪᠠᠢ᠌ᠭᠰᠠᠨ

ᠳᠠᠭᠢᠯᠳᠠ

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠰᠢᠠᠵᠢᠶᠠᠩ ᠢᠯᠢ ᠵᠸᠤ ᠶᠢᠨ ᠳᠤᠷᠰᠢᠯᠳᠠ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ