ᠰᠡᠪᠳᠦᠭᠡ ᠦᠭᠡᠶ ᠣᠩᠭ᠋ᠤᠨ ᠬᠠᠢ᠌ᠷ᠎ᠠ ᠮᠢᠨᠢ

ᠪᠣᠷᠤᠭᠤ ᠦᠭᠡᠶ ᠡᠴᠡ ᠬᠣᠢ᠌ᠨ᠎ᠠ

ᠰᠡᠳᠭᠢᠯ ᠠᠯᠳᠠᠨ ᠳᠤᠷᠯᠠᠭᠰᠠᠨ ᠶᠢᠡᠨ

ᠪᠣᠰᠤᠳ ᠡᠴᠡ ᠪᠢ ᠨᠢᠭᠤᠬᠤ ᠦᠭᠡᠶ᠂

ᠭᠦᠭᠡᠷᠦᠭᠦᠨ ᠦᠬᠢᠨ ᠵᠠᠶᠠᠭ᠎ᠠ ᠶᠢ ᠴᠢᠨᠢ

ᠭᠠᠮᠨᠠᠵᠤ ᠨᠠᠰᠤ ᠪᠠᠷ ᠶᠢᠡᠨ ᠡᠩᠭᠦᠷᠡᠢ᠌ᠯᠡᠨ

ᠭᠦᠷᠡᠩ ᠵᠢᠷᠦᠭᠡᠨ ᠤ ᠬᠠᠢ᠌ᠷ᠎ᠠ ᠪᠠᠨ

ᠭᠠᠭᠴᠠᠬᠠᠨ ᠴᠢᠮ᠎ᠠ ᠡᠴᠡ ᠪᠠᠨ ᠬᠠᠷᠠᠮᠨᠠᠬᠤ ᠦᠭᠡᠶ᠃

ᠢᠨᠠᠭᠰᠢᠬᠤ ᠠᠮᠢᠳᠤᠷᠠᠯ ᠤᠨ ᠵᠢᠷᠭᠠᠯ ᠢ

ᠳᠡᠩᠴᠡᠭᠦᠤ ᠬᠤᠪᠢᠶᠠᠯᠴᠠᠨ ᠡᠳ᠋ᠯᠡᠯᠴᠡᠵᠤ

ᠢᠷᠦᠭᠡᠯ ᠶᠢᠡᠷ ᠣᠴᠠᠷᠠᠭᠰᠠᠨ ᠳᠠᠪᠢᠯᠠᠩ ᠶᠢᠡᠨ

ᠳᠠᠷᠰᠠᠯᠠᠵᠤ ᠪᠢ ᠭᠤᠳᠤᠭᠠᠬᠤ ᠦᠭᠡᠶ᠂

ᠣᠶᠠᠷᠠᠬᠤ ᠵᠢᠷᠦᠭᠡᠨ ᠤ ᠴᠤᠭᠢᠯᠭ᠎ᠠ

ᠡᠴᠦᠰ ᠤᠨ ᠮᠦᠴᠡ ᠶᠢ ᠬᠤᠷᠢᠶᠠᠳᠠᠯ᠎ᠠ

ᠣᠶᠠᠬᠠᠨ ᠢᠯᠳᠠᠮ᠎ᠠ ᠴᠢᠮ᠎ᠠ ᠳᠠᠭᠠᠨ

ᠡ᠊ᠨᠳᠡᠭᠦᠷᠴᠤ ᠪᠢ ᠣᠰᠤᠯᠳᠠᠬᠤ ᠦᠭᠡᠶ᠃

ᠬᠠᠮᠤᠭ ᠠᠩᠬᠠᠨ ᠤ ᠣᠴᠠᠷᠠᠯ ᠳᠠᠭᠠᠨ

ᠬᠤᠶᠠᠭᠤᠯᠠᠨ ᠰᠢᠳᠠᠭᠰᠠᠨ ᠳᠤᠷᠠᠰᠤᠮᠵᠢ

ᠬᠠᠨᠢ ᠶᠢᠨ ᠵᠠᠶᠠᠭ᠎ᠠ ᠶᠢ ᠳᠡᠭᠡᠳᠦᠯᠡᠨ

ᠬᠤᠨᠤᠭ ᠤᠨ ᠣᠳᠠᠭᠠᠨ ᠳᠤ ᠬᠠᠭᠤᠴᠢᠷᠠᠬᠤ ᠦᠭᠡᠶ᠃

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ᠄ ᠪᠠᠶᠠᠠᠭᠤᠤᠯ ᠵᠸᠤ ᠤᠨ ᠾᠸᠵᠢᠩ ᠰᠢᠶᠠᠨ