☆ ᠳᠠᠪᠬᠤᠷᠪᠠᠶᠠᠷ
ᠬᠠᠷᠠ ᠨᠢᠳᠤᠨ ᠮᠢᠨᠢ
ᠬᠠᠢ᠌ᠷᠠᠯᠠᠵᠤ ᠴᠢᠳᠠᠭᠠ ᠦᠭᠡᠶ ᠬᠠᠷᠠ ᠨᠢᠳᠤᠨ ᠴᠢᠮᠠ ᠪᠠᠨ
ᠬᠠᠢ᠌ᠷᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠪᠢ ᠳᠠᠩᠰᠠᠯᠤᠨᠠ
ᠬᠠᠢ᠌ᠷᠠ ᠶᠢᠨ ᠶᠢᠡᠨ ᠭᠡᠰᠡᠭᠭᠡᠨ ᠨᠥᠭᠦᠭᠡᠰᠤ ᠪᠣᠯᠭᠠᠨ
ᠪᠠᠳᠠᠭ ᠰᠢᠯᠦᠭ᠌ ᠯᠠ ᠴᠢᠮᠠ ᠳᠤ ᠪᠠᠨ ᠦᠯᠡᠳᠡᠭᠡᠨᠡ
ᠶᠤᠵᠤᠭᠤᠷ ᠤᠨ ᠭᠢᠷᠢ ᠣᠬᠤᠷᠬᠠᠨ ᠪᠠᠳᠠᠭ ᠴᠤ
ᠶᠤᠭᠤᠵᠤ ᠪᠢᠴᠢᠭ᠍ᠰᠡᠨ ᠬᠠᠢ᠌ᠷᠠ ᠶᠢᠨ ᠮᠢᠨᠢ ᠰᠢᠪᠠᠨᠡᠭᠡ
ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠰᠡᠳᠭᠢᠯ ᠤᠨ ᠦᠷᠢ ᠶᠢᠨ
ᠶᠠᠩᠵᠤᠯᠠᠬᠤ ᠶᠢ ᠮᠡᠳᠡᠭ᠍ᠰᠡᠨ ᠦᠭᠡᠶ ᠳᠡᠨᠡᠭᠭᠡᠨ ᠬᠠᠷᠢᠭᠤᠯᠤᠯ
ᠬᠠᠷᠠᠴᠠ ᠪᠦᠭᠦᠨ ᠡᠴᠡ ᠬᠠᠷᠠᠮᠯᠠᠵᠤ ᠶᠠᠪᠣᠬᠤ ᠳᠤ ᠪᠠᠨ
ᠬᠠᠷᠠᠳᠠᠵᠤ ᠭᠡᠯᠡᠭ᠍ᠰᠡᠨ ᠥᠭᠡ ᠶᠢ ᠮᠢᠨᠢ ᠠᠭᠤᠴᠢᠯᠠ
ᠬᠠᠯᠠᠭᠤᠨ ᠠᠮᠢᠳᠤᠷᠠᠯ ᠳ᠋ᠤ ᠪᠠᠨ ᠬᠠᠷᠢᠭᠤᠴᠠᠯᠭᠠ ᠬᠤᠮᠰᠠᠬᠠᠨ
ᠬᠣᠢ᠌ᠷᠭᠤᠰᠢᠵᠤ ᠶᠠᠪᠣᠭᠰᠠᠨ ᠣᠢ᠌ᠯᠠ ᠶᠢ ᠮᠢᠨᠢ ᠠᠭᠤᠴᠢᠯᠠ
ᠶᠠᠩᠴᠢᠶᠠᠨ ᠦᠭᠡᠶ ᠠᠳᠠ ᠶᠢᠨ ᠳᠠᠪᠢᠯᠠᠩ ᠲᠡᠶ
ᠶᠠᠳᠠᠷᠠᠵᠤ ᠠᠮᠢᠳᠤᠷᠠᠬᠤ ᠨᠠᠰᠤ ᠶᠢ ᠮᠢᠨᠢ ᠠᠭᠤᠴᠢᠯᠠ
ᠢᠷᠠᠭᠤ ᠨᠠᠢ᠌ᠷᠠᠭ ᠲᠤ ᠰᠢᠨᠤᠯ ᠶᠢᠡᠨ ᠪᠣᠯᠢᠶᠠᠭᠳᠠᠭᠰᠠᠨ
ᠶᠠᠩᠪᠠ ᠦᠭᠡᠶ ᠵᠠᠶᠠᠭᠠ ᠶᠢ ᠮᠢᠨᠢ ᠠᠭᠤᠴᠢᠯᠠ
ᠨᠥᠭᠦᠵᠤ ᠳᠡᠢ᠌ᠯᠭᠦ ᠦᠭᠡᠶ ᠬᠠᠢ᠌ᠷᠠ ᠶᠢᠨ ᠶᠢᠡᠨ ᠲᠦᠯᠦᠭᠡᠨᠡ
ᠨᠤᠬᠤᠴᠢᠵᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌ ᠢ ᠮᠢᠨᠢ ᠠᠭᠤᠴᠢᠯᠠ
ᠪᠦᠭᠦᠢᠵᠤ ᠴᠢᠳᠠᠬᠤ ᠦᠭᠡᠶ ᠠᠷᠠᠠᠰᠢᠨ ᠶᠢᠡᠨ ᠳᠠᠭᠠᠵᠤ
ᠬᠠᠵᠠᠢ᠌ᠵᠤ ᠥᠳᠡᠯᠭᠦ ᠦᠭᠡᠶ ᠠᠮᠢᠳᠤᠷᠠᠯ ᠢ ᠮᠢᠨᠢ ᠠᠭᠤᠴᠢᠯᠠ
ᠬᠠᠢ᠌ᠷᠠᠯᠠᠵᠤ ᠴᠢᠳᠠᠭᠠ ᠦᠭᠡᠶ ᠬᠠᠷᠠ ᠨᠢᠳᠤᠨ ᠴᠢᠮᠠ ᠪᠠᠨ
ᠬᠠᠢ᠌ᠷᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠪᠢ ᠳᠠᠩᠰᠠᠯᠤᠨᠠ
ᠬᠠᠢ᠌ᠷᠠ ᠶᠢᠨ ᠭᠡᠰᠡᠭᠭᠡᠨ ᠨᠥᠭᠦᠭᠡᠰᠤ ᠪᠣᠯᠭᠠᠨ
ᠪᠠᠳᠠᠭ ᠰᠢᠯᠦᠭ᠌ ᠯᠠ ᠴᠢᠮᠠ ᠳᠤ ᠪᠠᠨ ᠦᠯᠡᠳᠡᠭᠡᠨᠡ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠲᠦᠰᠢᠶᠠᠳᠤ ᠶᠢᠨ ᠭᠦᠡᠳᠦᠯ
ᠵᠤᠬᠢᠶᠠᠭᠴᠢ᠄ ᠳᠠᠪᠬᠤᠷᠪᠠᠶᠠᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2627
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 17
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ