☆ ᠶᠢᠨ ᠯᠦᠩ
ᠨᠠᠮᠠ ᠶᠢ ᠳᠤᠷᠠᠰ ᠡ
ᠬᠠᠷᠭᠢᠶᠠᠳᠤᠨ ᠳᠤᠨᠢᠶᠠᠷᠠᠭᠰᠠᠨ
ᠰᠠᠢ᠌ᠪᠣᠷ ᠤᠨ ᠣᠰᠤ ᠮᠢᠨᠢ
ᠪᠣᠯᠠᠩᠭᠢᠷ ᠦᠭᠡᠶ
ᠬᠠᠨᠢᠰᠤᠨ ᠪᠠᠶᠠᠰᠤᠭᠰᠠᠨ
ᠵᠢᠷᠦᠭᠡᠨ ᠤ ᠳᠠᠯᠠ ᠮᠢᠨᠢ
ᠰᠡᠭᠦᠳᠡᠷ ᠦᠭᠡᠶ
ᠨᠣᠢ᠌ᠳᠠᠨ ᠣᠷᠤᠮ ᠲᠡᠶ
ᠨᠡᠭᠦᠳᠡᠯ ᠤᠨ ᠮᠦᠷ ᠮᠢᠨᠢ
ᠰᠢᠩᠭᠡᠷᠡᠭᠡ ᠦᠭᠡᠶ
ᠨᠠᠢ᠌ᠷ ᠤᠨ ᠳᠠᠭᠤᠤ ᠲᠡᠶ
ᠰᠡᠳᠭᠢᠯ ᠤᠨ ᠮᠦᠷ ᠮᠢᠨᠢ
ᠵᠠᠩᠭᠢᠷᠠᠭᠠ ᠦᠭᠡᠶ
ᠡᠯᠢᠭᠡᠨ ᠳᠠᠯᠠ ᠳᠠᠭᠠᠨ
ᠨᠢᠭᠤᠵᠤ ᠣᠭᠢᠯᠠᠭᠰᠠᠨ
ᠰᠡᠳᠭᠢᠯ ᠢ ᠮᠢᠨᠢ ᠪᠣᠳᠤᠪᠠᠯ
ᠡᠷᠭᠢᠵᠤ ᠪᠣᠴᠠᠬᠤ ᠦᠭᠡᠶ
ᠵᠠᠶᠠᠭᠠᠨ ᠳᠤ ᠮᠢᠨᠢ ᠣᠶᠠᠰᠤᠭᠠᠤᠨ
ᠨᠠᠮᠠ ᠶᠢ ᠳᠤᠷᠠᠰ ᠡ ︕
ᠲ᠋ᠠᠩᠨᠠᠢ ᠳᠠᠭᠰᠢᠭᠤᠯᠤᠭᠰᠠᠨ
ᠳᠠᠯᠠ ᠶᠢᠨ ᠴᠡᠴᠡᠭ᠌ ᠮᠢᠨᠢ
᠊ᠭ᠍ᠬᠢᠷ ᠦᠭᠡᠶ
ᠳᠠᠭᠠᠯᠠᠨ ᠥᠶᠡᠷᠭᠡᠭ᠍ᠰᠡᠨ
ᠳᠠᠪᠢᠯᠠᠩ ᠵᠠᠶᠠᠭᠠ ᠮᠢᠨᠢ
ᠬᠠᠵᠠᠭᠠᠢ ᠦᠭᠡᠶ
ᠰᠠᠯᠬᠤ ᠳ᠋ᠭᠠᠨ ᠣᠩᠰᠢᠭᠰᠠᠨ
ᠰᠢᠯᠦᠭ᠌ ᠤᠨ ᠮᠦᠷ ᠮᠢᠨᠢ
ᠳᠠᠰᠤᠷᠠᠭᠠ ᠦᠭᠡᠶ
ᠰᠠᠨᠠᠬᠤ ᠳᠠᠭᠠᠨ ᠢᠪᠢᠯᠦᠭ᠍ᠰᠡᠨ
ᠬᠠᠢ᠌ᠷᠠ ᠶᠢᠨ ᠡᠭᠡᠰᠢᠭ᠌ ᠮᠢᠨᠢ
ᠵᠠᠪᠰᠠᠷᠯᠠᠭᠠ ᠥᠭᠡᠢ
ᠡᠯᠢᠭᠡᠨ ᠳᠠᠯᠠ ᠳᠠᠭᠠᠨ
ᠨᠢᠭᠤᠵᠤ ᠣᠭᠢᠯᠠᠭᠰᠠᠨ
ᠰᠡᠳᠭᠢᠯ ᠢ ᠮᠢᠨᠢ ᠪᠣᠳᠤᠪᠠᠯ
ᠡᠷᠭᠢᠵᠤ ᠪᠣᠴᠠᠬᠤ ᠦᠭᠡᠶ
ᠵᠠᠶᠠᠭᠠᠨ ᠳᠤ ᠮᠢᠨᠢ ᠣᠶᠠᠰᠤᠭᠠᠤᠨ
ᠨᠠᠮᠠ ᠶᠢ ᠳᠤᠷᠠᠰ ᠡ ︕
ᠡᠭᠡ ᠡᠨᠡᠷᠢᠭᠦᠯᠵᠤ
ᠪᠣᠳᠤᠭᠤᠨ ᠪᠣᠢ᠌ᠯᠠᠭᠠᠨ
ᠰᠤᠨᠤᠷᠳᠤᠭᠠᠤᠨ ᠪᠠᠢ᠌ᠨᠠ
ᠡᠯᠢᠭᠡ ᠡᠮᠳᠡᠯᠵᠤ
ᠪᠣᠳᠤᠯ ᠤᠨ ᠬᠤᠷᠠ
ᠵᠥᠰᠡᠷᠡᠭᠡᠳ ᠪᠠᠢ᠌ᠨᠠ
ᠭᠠᠵᠠᠷ ᠤᠨ ᠳᠠᠯᠳᠠ ᠳᠤ
ᠮᠢᠨᠤ ᠪᠠᠷᠠ
ᠰᠢᠩᠭᠡᠷᠡᠭᠡᠳ ᠶᠠᠪᠣᠨᠠ
ᠰᠡᠳᠭᠢᠯ ᠤᠨ ᠠᠯᠳᠠ ᠳᠤ
ᠴᠢᠨᠤᠭᠢ ᠳᠦᠷᠭᠦ
ᠳᠤᠷᠣᠢ᠌ᠭᠠᠤᠨ ᠢᠷᠠᠨᠠ
ᠡᠯᠢᠭᠡᠨ ᠳᠠᠯᠠ ᠳᠠᠭᠠᠨ
ᠨᠢᠭᠤᠵᠤ ᠣᠭᠢᠯᠠᠭᠰᠠᠨ
ᠰᠡᠳᠭᠢᠯ ᠢ ᠮᠢᠨᠢ ᠪᠣᠳᠤᠪᠠᠯ
ᠡᠷᠭᠢᠵᠤ ᠪᠣᠴᠠᠬᠤ ᠦᠭᠡᠶ
ᠵᠠᠶᠠᠭᠠᠨ ᠳᠤ ᠮᠢᠨᠢ ᠣᠶᠠᠰᠤᠭᠠᠤᠨ
ᠨᠠᠮᠠ ᠶᠢ ᠳᠤᠷᠠᠰ ᠡ ᠁᠁
2010ᠣᠨ ᠤ 7ᠰᠠᠷᠠ ᠶᠢᠨ 21
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠵᠠᠷᠤᠳ ᠬᠤᠰᠢᠭᠤ ᠭᠠᠬᠠᠢ᠌ᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠶᠢᠨ ᠯᠦᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2646
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ