☆ ᠰ·ᠮᠥᠩᠭᠡᠨᠡᠷᠡᠰᠤ
ᠯᠣᠢ᠌ᠪᠠᠷᠴᠢᠨ ᠢ ᠬᠠᠢ᠌ᠷᠠᠯᠠᠭᠰᠠᠨ ᠭᠡᠦᠭᠡᠨ
ᠭᠠᠳᠠᠨᠠ ᠲᠦᠨᠡᠷ ᠬᠠᠷᠠᠩᠭ᠋ᠤᠢ᠂ ᠳᠡᠭ᠍ᠷᠢ ᠳᠤ ᠭᠡᠳᠦᠭᠡᠨ ᠣᠳᠤ ᠠᠨᠢᠪᠠᠯᠵᠠᠨ ᠬᠤᠳᠠ ᠡᠴᠠ ᠵᠠᠢ᠌ᠳᠠᠭᠤᠬᠠᠨ ᠪᠠᠢ᠌ᠷᠢᠯᠠᠭᠰᠠᠨ ᠡᠨᠡᠭᠦ ᠰᠤᠷᠭᠠᠭᠤᠯᠢ ᠶᠢᠨ ᠭᠦᠷᠢᠶᠡ ᠶᠢ ᠣᠯᠠᠮ ᠴᠤ ᠵᠡᠯᠢᠭᠦᠤᠨ ᠣᠢ᠌ᠤᠠᠬᠠᠷᠳᠠᠢ ᠪᠣᠯᠭᠠᠵᠠᠢ᠃ ᠰᠠᠶᠢᠬᠠᠨ ᠪᠠᠰᠠ ᠡᠨᠡᠭᠦᠷ ᠳᠡᠨᠡᠭᠦᠷ ᠭᠠᠷ ᠳ᠋ᠸᠩ ᠪᠠᠷᠢᠯᠴᠠᠨ ᠭᠦᠶᠦᠯᠳᠦᠵᠤ ᠪᠠᠢ᠌ᠭᠰᠠᠨ ᠰᠤᠷᠤᠭᠴᠢᠳ ᠴᠤ ᠨᠣᠢ᠌ᠷ ᠲᠤ ᠪᠠᠨ ᠴᠤᠭᠢᠭᠤᠯᠤᠭᠠᠤᠨ ᠨᠠᠮ ᠵᠢᠮᠭᠡᠨ᠃
ᠣᠰᠬᠠᠯ ᠭᠡᠦᠭᠡᠨ ᠭᠠᠷᠢᠭ ᠪᠦᠷᠢ ᠨᠢᠭᠡ ᠲᠤᠬᠢᠶᠠᠯᠳᠤᠳᠠᠭ ᠰᠦᠨᠢ ᠶᠢᠨ ᠳᠠᠪᠳᠠᠯᠭᠠ ᠶᠢᠨ ᠡᠭᠡᠯᠵᠢᠨ ᠡᠴᠠ ᠪᠠᠨ ᠪᠠᠭᠤᠵᠤ ᠵᠡᠭᠡᠯᠢ ᠶᠢᠨ ᠳ᠋ᠸᠩ ᠡᠴᠠ ᠵᠠᠢ᠌ᠳᠠᠨ ᠪᠦᠳᠡᠭᠢ ᠭᠡᠷᠡᠯ ᠲᠡᠶ ᠨᠠᠷᠢᠨ ᠭᠤᠳᠤᠮᠵᠢ ᠪᠠᠷ ᠣᠷᠢᠶᠠᠵᠤ ᠣᠷᠤᠬᠤ ᠳᠤ ᠪᠠᠨ ᠪᠠᠬᠠᠨ ᠠᠶᠤᠳᠠᠰ ᠭᠦᠷᠴᠤ ᠵᠢᠷᠦᠭᠡ ᠨᠢ ᠭᠦᠴᠦᠳᠡᠢ ᠳᠦᠭ᠍ᠰᠢᠵᠤ ᠠᠯᠬᠤᠮ ᠶᠢᠡᠨ ᠳᠦᠷᠭᠡᠳᠭᠡᠪᠡ᠃
ᠡᠮᠤᠨᠡ ᠡᠴᠠ ᠨᠢ ᠭᠡᠳᠤᠨ ᠡᠷᠡᠭ᠍ᠳᠡᠢ ᠭᠦᠮᠤᠨ ᠤ ᠬᠠᠷᠢᠶᠠᠯᠴᠠᠬᠤ ᠳᠠᠭᠤ ᠣᠯᠠᠮ ᠣᠯᠠᠮ ᠤᠢ᠌ᠷᠠᠳᠴᠤ ᠠᠷᠢᠭᠢᠨ ᠤ ᠦᠨᠦᠷ ᠬᠠᠮᠠᠷ ᠭᠠᠳᠠᠬᠤ ᠳᠤ ᠶᠠᠮᠠᠷ ᠨᠢᠭᠡᠨ ᠮᠠᠭᠤ ᠰᠤᠪᠢᠩ ᠳᠠᠳᠠᠬᠤ ᠰᠢᠭ ᠪᠣᠯᠵᠤ ᠠᠯᠬᠤᠮ ᠨᠢ ᠡᠷᠭᠡ ᠦᠭᠡᠶ ᠣᠳᠠᠭᠠᠰᠢᠷᠠᠯᠠ᠃ ᠭᠡᠳᠤᠨ ᠵᠠᠯᠠᠭᠤ ᠭᠢᠳᠠᠤᠨ ᠶᠢᠡᠷ ᠬᠠᠷᠢᠶᠠᠯ ᠳᠠᠯᠪᠢᠵᠤ ᠵᠦᠷᠢᠵᠤ ᠭᠠᠷᠬᠤ ᠳᠤ ᠪᠠᠨ ᠳᠡᠭᠦᠨ ᠢ ᠴᠤᠭᠤᠯᠴᠢᠬᠠᠮᠠᠷ ᠰᠢᠷᠳᠡᠭᠦ ᠰᠢᠭ᠌ ᠰᠠᠨᠠᠭᠳᠠᠬᠤ ᠳᠤ ᠳᠤᠷᠤᠭᠰᠢ ᠬᠠᠷᠠᠭᠰᠠᠨ ᠭᠡᠪ ᠶᠢᠡᠷ ᠶᠢᠡᠨ ᠵᠦᠷᠢᠵᠤ ᠭᠠᠷᠬᠤ ᠶᠢ ᠵᠠᠪᠳᠤᠪᠠ᠃ ᠳᠡᠭᠡᠳᠡᠯᠡ ᠨᠢᠭᠡ ᠨᠢ ᠬᠠᠰᠢᠵᠤ ᠵᠤᠭᠰᠤᠭᠠᠤᠨ ᠨᠥᠭᠦᠭᠡ ᠨᠢ ᠭᠠᠷ ᠪᠣᠭᠴᠤ ᠶᠢ ᠨᠢ ᠪᠣᠯᠢᠶᠠᠪᠠ᠃ ᠺᠢᠨᠤ᠋ ᠳᠸᠯᠸᠢᠰ ᠳᠡᠭᠡᠷᠡ ᠭᠠᠷᠳᠠᠭ ᠵᠣᠢ᠌ᠯ ᠤᠨ ᠳᠦᠭ᠍ᠰᠢᠭᠦᠷᠢᠳᠤ ᠥᠵᠡᠭ᠍ᠳᠡᠯ ᠤᠳ ᠳᠠᠷᠢᠭᠢᠨ ᠳᠤ ᠨᠢ ᠨᠦᠷᠢᠨ ᠢᠷᠡᠭᠦ ᠳᠤ ᠳᠠᠷᠠ ᠶᠠᠭᠠᠭᠢᠬᠤ ᠪᠠᠨ ᠴᠤ ᠮᠠᠳᠠᠯ ᠦᠭᠡᠶ ᠳᠤᠯᠤᠭᠠᠢ ᠨᠢ ᠨᠢᠭᠡᠯᠡ ᠥᠩᠭᠢᠨᠡᠭᠡᠳ ᠶᠠᠪᠣᠴᠢᠬᠠᠪᠠ᠃ ᠣᠷᠳᠤ ᠦᠰᠦᠳᠠᠢ ᠨᠢᠭᠡ ᠨᠢ ᠳᠠᠮᠠᠭᠢ ᠪᠠᠨ ᠳᠡᠭᠡᠭ᠍ᠰᠢ ᠰᠢᠳᠡᠭᠡᠳ ᠤᠢ᠌ᠷᠠᠳᠬᠤ ᠳᠤ ᠠᠮᠠᠨ ᠡᠴᠠ ᠨᠢ ᠵᠤᠷᠯᠤᠩ ᠤᠨ ᠠᠷᠤ ᠡᠴᠠ ᠪᠣᠷᠭᠢᠳᠠᠭ ᠳᠤᠭᠤᠰᠤ ᠰᠢᠭ ᠥᠮᠡᠭᠡᠢ ᠦᠨᠦᠷ ᠰᠡᠩᠭᠢᠨᠡᠭᠦ ᠳᠤ ᠳᠤᠷᠠ ᠪᠣᠯᠭᠢᠵᠤ ᠡᠷᠡᠤ ᠶᠢ ᠨᠢ ᠳᠡᠭᠡᠭ᠍ᠰᠢ ᠡᠷᠭᠦᠭ᠍ᠰᠡᠨ ᠭᠠᠷ ᠢ ᠨᠢ ᠭᠦᠴᠦᠯᠡᠨ ᠰᠠᠵᠢᠵᠤ ᠶᠠᠪᠣᠭᠤᠯᠤᠯᠠ᠃ 《ᠶᠠᠮᠠᠷ ᠨᠠᠷᠠ ᠲᠡᠶ ᠪᠣᠢ︖ ᠠᠪᠠᠬᠠᠢ ᠡ︖ ᠁》᠂ 《ᠮᠠᠨ ᠢ ᠳᠠᠭᠠᠭᠠᠤᠨ ᠶᠠᠪᠣᠬᠤ ᠦᠭᠡᠶ ᠦᠦ︖》᠂ 《ᠰᠠᠢ᠌ᠬᠠᠨ ᠠᠮᠢᠳᠠᠨ ᠪᠠᠢ᠌ᠨᠠ》 ᠁ ᠭᠡᠵᠤ ᠪᠣᠰᠤᠳ ᠨᠢ ᠴᠤ ᠭᠠᠷ ᠡᠴᠠ ᠨᠢ ᠳᠠᠳᠠᠳᠠᠯᠠ ᠭᠡᠵᠢᠭᠡ ᠪᠠᠷ ᠨᠢ ᠣᠷᠤᠯᠳᠤᠭᠠᠤᠨ ᠨᠤᠤᠷᠠᠯᠳᠤᠬᠤ ᠳᠤ ᠪᠠᠷᠭᠢᠷᠠᠬᠤ ᠭᠡᠳ ᠪᠠᠷᠭᠢᠷᠠᠵᠤ ᠴᠢᠳᠠᠯ ᠦᠭᠡᠶ ᠭᠦᠮᠦᠭᠡᠢ ᠪᠠᠨ ᠭᠦᠴᠦᠳᠡᠢ ᠵᠠᠭᠤᠵᠤ ᠵᠤᠭᠰᠤᠨᠠ᠃ ᠣᠭᠢᠯᠠᠵᠤ ᠴᠤ ᠴᠢᠳᠠᠭᠰᠠᠨ ᠦᠭᠡᠶ᠂ ᠪᠦᠭᠦ ᠪᠠᠶᠠ ᠨᠢ ᠮᠢᠡᠴᠦᠭᠦᠷᠡᠵᠤ ᠣᠶᠠᠭᠳᠠᠭᠰᠠᠨ ᠮᠠᠳᠤ ᠪᠣᠯᠴᠢᠬᠠᠭᠰᠠᠨ ᠪᠠᠢ᠌ᠯᠠ᠃ ᠣᠰᠬᠠᠯ ᠳᠤ ᠠᠯᠢᠪᠠ ᠪᠦᠭᠦᠨ ᠨᠢ ᠰᠣᠢ᠌ᠤᠠᠴᠤ ᠰᠥᠢᠷᠡᠭᠦ ᠮᠠᠳᠤ ᠠᠶᠤᠮᠰᠢᠭᠳᠠᠢ ᠪᠣᠳᠤᠭᠳᠠᠵᠤ ᠦᠪᠡᠷ ᠤᠨ ᠪᠠᠶᠠ ᠨᠢ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠣᠯᠵᠠᠯᠠᠭᠳᠠᠭᠴᠢ ᠪᠣᠯᠤᠭᠰᠠᠨ ᠶᠢᠡᠨ ᠣᠬᠠᠭᠠᠷᠠᠨ 《ᠪᠣᠷᠬᠠᠨ ᠮᠢᠨᠢ᠂ ︕ ᠡᠳᠡᠭᠡᠷ ᠵᠢᠭ᠍ᠰᠢᠭᠦᠷᠢᠳᠤ ᠶᠠᠭᠤᠮᠠᠰ ᠢ ᠨᠠᠳᠠ ᠡᠴᠠ ᠬᠤᠷᠳᠤᠬᠠᠨ ᠵᠠᠢ᠌ᠯᠠᠭᠤᠯᠤᠭᠠᠴᠢ︕》 ᠭᠡᠵᠤ ᠯᠠ ᠳᠤᠳᠤᠷᠠ ᠪᠠᠨ ᠵᠠᠯᠪᠠᠷᠢᠨᠠ᠃
《ᠳᠠᠯᠪᠢ︕》 ᠭᠡᠵᠤ ᠣᠭᠵᠤᠮ ᠭᠦᠴᠦᠳᠡᠢ ᠳᠠᠭᠤ ᠬᠤᠯᠠ ᠪᠢᠰᠢ ᠣᠢ᠌ᠪ ᠤᠢ᠌ᠷᠡ ᠳᠤᠤᠭᠠᠷᠬᠤ ᠳᠤ ᠳᠠᠪ ᠭᠢᠨ ᠬᠠᠷᠠᠵᠤ ᠥᠵᠡᠭ᠍ᠰᠡᠨ ᠨᠢ ᠭᠠᠭᠴᠠ ᠣᠰᠬᠠᠯ ᠪᠢᠰᠢ ᠪᠠᠢ᠌ᠯᠠ᠃ ᠣᠷᠳᠤ ᠦᠰᠦᠳᠤ ᠶᠢᠨ ᠠᠷᠤ ᠳᠤ ᠨᠢ ᠵᠤᠭᠰᠤᠵᠤ ᠪᠠᠢ᠌ᠭᠰᠠᠨ ᠳᠠᠷᠠ ᠵᠠᠯᠠᠭᠤ ᠴᠠᠭᠠᠳᠤᠭᠢ ᠡᠴᠠ ᠪᠠᠨ ᠭᠠᠷ ᠪᠣᠭᠴᠤ ᠶᠢ ᠠᠪᠴᠤ ᠣᠰᠬᠠᠯ ᠳᠤ ᠭᠠᠷᠳᠠᠭᠤᠯᠬᠤ ᠶᠢᠨ ᠳᠠᠭᠠᠤ ᠪᠣᠰᠤᠳ ᠶᠢᠡᠨ ᠴᠢᠷᠠᠢ᠌ᠳᠠᠪᠠ᠃ ᠡᠨᠡᠭᠦ ᠰᠠᠨᠠᠭᠠᠨ ᠳᠤ ᠣᠷᠤᠮᠠᠷ ᠦᠭᠡᠶ ᠬᠤᠪᠢᠷᠠᠯᠳᠠ ᠳᠤ ᠪᠣᠰᠤᠳ ᠨᠢ ᠬᠠᠷᠢᠶᠠᠯ ᠵᠥᠭᠡᠯ ᠳᠠᠯᠪᠢᠵᠤ ᠶᠠᠪᠣᠵᠤ ᠣᠤᠠᠪᠠ᠃ 《ᠳᠠᠯᠠᠷᠬᠠᠯᠠ︕》 ᠣᠰᠬᠠᠯ ᠤᠨ ᠵᠢᠷᠦᠭᠡ ᠭᠦᠴᠦᠳᠡᠢ ᠳᠤᠯᠭᠢᠰᠬᠤ ᠨᠢ ᠨᠠᠮᠳᠠᠭᠠ ᠦᠭᠡᠶ ᠳᠦᠩᠭᠡᠵᠢ ᠰᠤᠨᠤᠰᠳᠠᠬᠤ ᠨᠠᠮ ᠳᠠᠭᠤ ᠪᠠᠷ ᠭᠡᠯᠡᠭᠡᠳ ᠳᠠᠷᠠ ᠵᠠᠯᠠᠭᠤ ᠶᠢ ᠳᠠᠭᠠᠵᠤ ᠠᠯᠬᠤᠭᠰᠠᠨ ᠨᠢ ᠶᠠᠭ ᠰᠠᠶᠢᠬᠠᠨ ᠭᠡᠷ ᠲᠤ ᠪᠠᠨ ᠬᠠᠷᠢᠬᠤ ᠵᠠᠮ ᠨᠢ ᠪᠠᠢ᠌ᠯᠠ᠃ ᠶᠠᠭᠤ ᠨᠢᠭᠡ ᠶᠢ ᠶᠠᠷᠢᠵᠤ᠂ ᠳᠠᠯᠠᠷᠬᠠᠮᠠᠷ ᠰᠠᠨᠠᠭᠳᠠᠭᠰᠠᠨ ᠴᠤ ᠣᠰᠬᠠᠯ ᠳᠤ ᠳᠤᠭᠢᠳᠠᠢ ᠥᠭᠡ ᠣᠯᠳᠠᠭᠰᠠᠨ ᠦᠭᠡᠶ᠃ 《ᠡᠢ᠌ᠮᠤ ᠣᠷᠤᠢ ᠶᠠᠭᠤᠨ ᠳᠤ ᠭᠠᠭᠴᠠᠭᠠᠷ ᠶᠢᠡᠨ ᠶᠠᠪᠣᠳᠠᠭ ᠪᠣᠢ ︖》 ᠭᠡᠵᠤ ᠡᠨᠡ ᠳᠠᠷᠠ ᠶᠢ ᠠᠰᠠᠭᠤᠨ ᠵᠤᠭᠤᠭ ᠰᠡᠳᠦᠭᠦ ᠪᠣᠯᠪᠠ ᠦᠦ ᠭᠡᠵᠤ ᠪᠣᠳᠤᠭᠰᠠᠨ ᠨᠢ ᠪᠣᠷᠤᠭᠤᠳᠠᠵᠤ ᠳᠠᠭᠤ ᠦᠭᠡᠶ ᠲᠦᠩᠰᠣᠢ᠌ᠨ ᠠᠯᠬᠤᠬᠤ ᠨᠢ ᠶᠡᠭᠡᠯᠡ ᠬᠠᠴᠢᠷᠬᠠᠯᠳᠠᠢ ᠰᠠᠨᠠᠭᠳᠠᠪᠠ᠃ ᠭᠡᠶᠡ ᠬᠠᠨᠢᠳᠠᠤᠨ ᠡᠴᠠ ᠪᠠᠨ ᠳᠠᠷᠰᠯᠠᠵᠤ ᠳᠡᠭᠦᠨ ᠢ ᠥᠮᠦᠭᠯᠡᠵᠤ ᠠᠪᠣᠭᠰᠠᠨ ᠡᠨᠡ ᠭᠦᠮᠤᠨ ᠦᠪᠡᠷ ᠲᠤ ᠨᠢ ᠶᠠᠭᠠᠭᠢᠬᠤ ᠠᠷᠭᠠ ᠦᠭᠡᠶ ᠳᠤᠳᠤᠨᠤᠰᠤᠭ ᠪᠣᠳᠤᠭᠳᠠᠵᠤ ᠣᠯᠠᠮ ᠨᠢᠭᠡ ᠠᠯᠬᠤᠮ ᠣᠢ᠌ᠯᠠᠭᠠᠵᠤ ᠤᠢ᠌ᠷᠠᠳᠤᠯᠴᠠᠬᠤ ᠭᠦᠰᠡᠯ ᠣᠷᠭᠤᠨ ᠠᠰᠠᠷ ᠤᠨ ᠶᠢᠡᠨ ᠳᠤᠤᠷᠠ ᠢᠷᠡᠭᠡᠳ ᠭᠠᠷ ᠰᠤᠩᠭ᠋ᠠᠨ᠄ 《ᠳᠠᠨ ᠳᠤ ᠳᠠᠯᠠᠷᠬᠠᠵᠤ ᠪᠠᠢ᠌ᠨᠠ︕ ᠪᠢ ᠣᠰᠬᠠᠯ ᠭᠡᠳᠡᠭ᠌》 ᠭᠡᠪᠡ᠃ 《ᠪᠠᠶᠠᠷᠳᠠᠢ︕》 ᠳᠠᠷᠠ ᠬᠠᠷᠢᠨ ᠣᠰᠬᠠᠯ ᠢ ᠡᠭ᠍ᠴᠡᠯᠡᠨ ᠰᠢᠷᠳᠡᠭ᠍ᠰᠡᠭᠡᠷ ᠬᠠᠷᠮᠠᠨ ᠳᠤ ᠪᠠᠨ ᠭᠠᠷ ᠶᠢᠡᠨ ᠴᠢᠭᠢᠭᠦ ᠳᠤ᠂ ᠴᠤᠩᠬᠤ ᠪᠠᠷ ᠳᠤᠯᠠᠢ᠌ᠬᠤ ᠳ᠋ᠸᠩ ᠤᠨ ᠭᠡᠷᠡᠯ ᠳᠤ ᠳᠡᠭᠦᠨ ᠤ ᠪᠣᠷᠤᠪᠳᠤᠷ ᠴᠢᠷᠠᠢ᠂ ᠭᠦᠩᠭᠦᠢᠭ᠍ᠰᠡᠨ ᠬᠠᠷᠠ ᠨᠢᠳᠤ᠂ ᠪᠣᠰᠤᠭᠠ ᠬᠠᠮᠠᠷ᠂ ᠮᠠᠩᠨᠠᠢ ᠳᠡᠭᠡᠷᠡᠭᠢ ᠳᠤᠪᠴᠢᠨ ᠭᠢᠷᠢᠳᠠᠢ ᠰᠤᠷᠪᠢ ᠨᠢ ᠬᠠᠷᠠᠭᠳᠠᠵᠤ᠂ ᠡᠨᠡ ᠰᠤᠷᠪᠢ ᠡᠴᠢᠨᠡ ᠳᠠᠯᠳᠠ ᠶᠢᠨ ᠨᠢᠭᠤᠴᠠᠭᠠᠢ ᠵᠣᠢ᠌ᠯ ᠢ ᠠᠬᠤᠭᠤᠯᠤᠭᠰᠠᠨ ᠮᠠᠳᠤ ᠣᠢ᠌ᠯᠠᠭᠠᠭᠳᠠᠰᠢ ᠦᠭᠡᠶ ᠰᠠᠨᠠᠭᠳᠠᠵᠠᠢ ᠁
ᠰᠦᠨᠢ ᠨᠢ ᠣᠰᠬᠠᠯ ᠨᠣᠢ᠌ᠷ ᠬᠤᠯᠵᠢᠯᠠ᠃ 《ᠶᠠᠭᠠᠭᠢᠬᠤ ᠳᠤ ᠪᠠᠨ ᠳᠠᠢ᠌ᠮᠤ ᠭᠦᠵᠢᠭᠦᠤᠨ ᠶᠤᠮ ᠪᠣᠢ ︖ ᠭᠦᠮᠤᠨ ᠭᠠᠷ ᠠᠳᠬᠤᠬᠤ ᠭᠡᠵᠤ ᠪᠠᠢ᠌ᠬᠤ ᠳᠤ ᠣᠢ᠌ᠰᠢᠶᠠᠬᠤ ᠴᠤ ᠦᠭᠡᠶ᠂ ᠭᠦᠮᠤᠨ ᠢ ᠠᠪᠣᠷᠠᠴᠢᠬᠠᠭᠠᠤᠨ ᠪᠠᠰᠠ ᠳᠠᠢ᠌ᠮᠤ ᠭᠦᠢᠳᠡᠮᠰᠦᠭ᠌ ᠭᠡᠳᠡᠭ᠌ ᠨᠢ᠂ ᠶᠠᠭᠤ ᠭᠢᠳᠡᠭ᠌ ᠭᠦᠮᠤᠨ ᠪᠣᠢ︖ ᠶᠠᠭᠠᠭᠢᠭᠠᠤᠨ ᠳᠡᠢ᠌ᠮᠦᠷᠭᠦ ᠯᠣᠢ᠌ᠪᠠᠷᠴᠢᠳ ᠲᠡᠶ ᠬᠠᠮᠳᠤ ᠶᠠᠪᠣᠳᠠᠭ ᠪᠣᠢ︖ ᠳᠠᠷᠠ ᠰᠤᠷᠪᠢ ᠁》᠃ ᠣᠷᠪᠠᠨ ᠭᠦᠷᠪᠠᠨ ᠣᠯᠠᠨ ᠢ ᠪᠣᠳᠤᠬᠤ ᠳᠤᠳᠤᠮ ᠳᠡᠭᠦᠨ ᠲᠡᠶ ᠳᠠᠨᠢᠯᠴᠠᠬᠤ᠂ ᠣᠢ᠌ᠯᠠᠭᠠᠯᠴᠠᠬᠤ ᠭᠦᠰᠡᠯ ᠣᠷᠭᠢᠯᠵᠤ ᠦᠯᠤ ᠮᠡᠳᠡᠭ᠍ᠳᠡᠭᠦ ᠨᠢᠭᠡ ᠵᠣᠢ᠌ᠯ ᠤᠨ ᠰᠡᠳᠬᠢᠯᠭᠡ ᠰᠠᠨᠠᠭᠠ ᠪᠣᠳᠤᠯ ᠢ ᠨᠢ ᠡᠵᠡᠯᠡᠨᠡ᠃
ᠬᠤᠶᠠᠷ ᠭᠠᠷᠠᠭ ᠥᠩᠭᠡᠷᠡᠴᠢᠭᠡᠯᠡ᠃ ᠭᠠᠷᠠᠭ ᠤᠨ ᠡᠳᠦᠷ᠂ ᠣᠰᠬᠠᠯ ᠭᠠᠭᠴᠠᠭᠠᠷ ᠵᠡᠭᠡᠯᠢ ᠳᠤᠭᠤᠷᠢᠵᠤ ᠶᠠᠪᠣᠭᠰᠠᠭᠠᠷ ᠺᠢᠨᠤ᠋ ᠣᠷᠳᠤᠨ ᠤ ᠡᠭᠦᠳᠡ ᠪᠠᠷ ᠥᠩᠭᠡᠷᠡᠭᠦ ᠳᠤ ᠣᠯᠠᠨ ᠭᠦᠮᠤᠨ ᠪᠦᠭᠡᠮᠨᠡᠷᠡᠯᠳᠦᠵᠤ ᠣᠢ᠌ᠮᠠᠯᠳᠤᠨᠡ᠃ ᠣᠤᠯ ᠨᠢ ᠬᠤᠶᠠᠷ ᠬᠤᠳᠠᠯᠳᠤᠭᠠᠴᠢᠨ ᠨᠠᠷᠠᠨ ᠬᠤᠸᠠᠷ ᠬᠤᠳᠠᠯᠳᠤᠬᠤ᠂ ᠠᠯᠢᠮᠠ ᠬᠤᠳᠠᠯᠳᠤᠬᠤ ᠭᠠᠵᠠᠷ ᠶᠢᠡᠨ ᠪᠣᠯᠢᠶᠠᠯᠳᠤᠵᠤ ᠪᠠᠷᠭᠢᠷᠠᠯᠳᠤᠨᠠ᠃ ᠳᠠᠷᠠ ᠢᠨᠢᠶᠠᠳᠤ ᠭᠦᠷᠴᠤ ᠣᠬᠤᠰᠭᠢᠨ ᠡᠷᠭᠢᠳᠡᠯᠡ ᠨᠢᠭᠡ ᠭᠦᠮᠤᠨ ᠲᠡᠶ ᠬᠠᠯᠵᠠ ᠮᠦᠷᠭᠦᠪᠡ᠃ 《ᠥ᠂ ᠴᠢ ᠶᠤᠮ ᠦᠦ︖ ᠠᠮᠢ ᠠᠪᠣᠷᠠᠭᠰᠠᠨ ᠠᠴᠢᠳᠠᠨ ᠪᠠᠢ᠌ᠨᠠ ᠰᠢᠳᠠ︕》 ᠭᠡᠵᠤ ᠪᠠᠶᠠᠷᠳᠠᠢ ᠨᠢ ᠠᠷᠭᠠ ᠦᠭᠡᠶ ᠢᠨᠢᠶᠡᠭᠡᠳ ᠭᠡᠮ ᠶᠢᠡᠨ ᠠᠯᠳᠠᠨ ᠳᠦᠭ᠍ᠰᠢᠵᠤ ᠡᠭᠢᠯᠡᠭ᠍ᠰᠡᠨ ᠵᠢᠷᠦᠭᠡ ᠶᠢ ᠨᠢ ᠣᠯᠵᠤ ᠥᠵᠡᠭᠦ ᠡᠴᠠ ᠠᠶᠤᠭᠰᠠᠨ ᠰᠢᠭ ᠬᠤᠷᠤᠭᠤ ᠪᠠᠨ ᠣᠷᠤᠯᠳᠤᠪᠠ᠃ ᠵᠠᠯᠠᠭᠤ ᠴᠤ ᠦᠯᠤ ᠮᠡᠳᠡᠭ᠌ ᠢᠨᠢᠶᠠᠰᠭᠢᠨ᠄ 《ᠪᠠᠰᠠᠯᠠ ᠭᠠᠭᠴᠠᠭᠠᠷ ᠶᠢᠡᠨ ᠶᠠᠪᠣᠵᠤ ᠪᠠᠢ᠌ᠬᠤ ᠶᠤᠮ ᠦᠦ︖》 ᠭᠡᠵᠤ ᠳᠡᠭᠦᠨ ᠢ ᠳᠡᠭᠡᠷᠡ ᠡᠴᠠ ᠳᠤᠷᠤᠭᠰᠢ ᠠᠵᠢᠭᠯᠠᠵᠤ ᠠᠪᠣᠯᠠ᠃ 《ᠡᠳᠦᠷ ᠶᠢᠡᠷ ᠦᠦ︖》 ᠣᠰᠬᠠᠯ ᠭᠡᠳᠡᠷᠭᠦ ᠠᠰᠠᠭᠤᠭᠠᠤᠨ ᠳᠠᠰᠭᠢᠯ ᠦᠭᠡᠶ ᠢᠨᠢᠶᠡᠭᠦ ᠳᠤ ᠳᠠᠷᠠ ᠴᠤ ᠳᠡᠭ᠍ᠰᠢ ᠴᠠᠭᠠᠨ ᠰᠢᠳᠤ ᠭᠠᠷᠭᠠᠨ ᠢᠷᠠᠯᠵᠠᠳᠠᠯᠠ ᠰᠠᠢ᠌ᠬᠠᠨ ᠢᠨᠢᠶᠡᠴᠢᠭᠡᠪᠡ᠃ 《ᠣᠤᠯ ᠨᠢ ᠡᠨᠡ ᠴᠢᠨᠢ ᠪᠠᠰᠠ ᠢᠨᠢᠶᠠᠵᠤ ᠴᠢᠳᠠᠬᠤ ᠭᠦᠮᠤᠨ ᠰᠢᠳᠠ》 ᠭᠡᠵᠤ ᠪᠣᠳᠤᠭᠰᠠᠨ ᠣᠰᠬᠠᠯ ᠠᠯᠢᠶᠠ ᠨᠢ ᠭᠦᠳᠡᠯᠵᠤ᠄ 《ᠪᠢ ᠴᠢᠮᠠ ᠶᠢ ᠶᠠᠭᠤ ᠭᠡᠵᠤ ᠳᠠᠭᠤᠳᠠᠳᠠᠭ ᠪᠢᠯᠠ︖》 ᠭᠡᠵᠤ ᠨᠢᠳᠤ ᠶᠢ ᠨᠢ ᠡᠭ᠍ᠴᠡᠯᠡᠨ ᠰᠢᠷᠳᠡᠭᠦ ᠳᠤ ᠣᠢ᠌ᠯᠠᠭᠠᠭᠳᠠᠮᠠ ᠦᠭᠡᠶ ᠰᠤᠨᠢᠬᠠᠨ ᠭᠡᠷᠡᠯ ᠭᠢᠯᠠᠰ ᠭᠡᠵᠤ ᠬᠠᠷᠪᠣᠭᠰᠠᠨ ᠶᠢᠡᠨ᠄ 《ᠰᠦᠮᠠᠨ︕》 ᠭᠡᠵᠤ ᠣᠭᠵᠤᠮ ᠦᠴᠢᠪᠠ᠃ ᠣᠰᠬᠠᠯ ᠳᠡᠷᠡᠭᠦ ᠬᠤᠷᠴᠠ ᠭᠡᠷᠡᠯᠳᠡᠢ ᠨᠢᠳᠤᠨ ᠬᠠᠷᠠᠴᠠᠨ ᠡᠴᠠ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠳᠠᠯᠳᠠᠷᠢᠨ᠄ 《ᠪᠢ ᠴᠢᠮᠠ ᠶᠢ ᠺᠤᠹᠧ ᠪᠠᠷ ᠳᠠᠢ᠌ᠯᠠᠶᠠ︕》 ᠭᠡᠪᠡ᠃ 《ᠪᠣᠯᠬᠤ ᠦᠭᠡᠶ︕ ᠪᠢ ᠳᠠᠢ᠌ᠯᠠᠪᠠᠯ ᠪᠣᠯᠤᠨᠠ》᠃ ᠣᠰᠬᠠᠯ ᠠᠷᠭᠠ ᠪᠣᠰᠤ ᠵᠦᠪᠰᠢᠶᠠᠷᠠᠪᠠ᠃ ᠳᠠᠳᠠ ᠬᠤᠶᠠᠭᠤᠯᠠ ᠣᠳᠠᠳᠠᠯᠠ ᠵᠤᠭᠤᠭᠳᠠᠵᠤ ᠰᠠᠭᠤᠬᠤ ᠳᠤ ᠪᠠᠨ ᠰᠦᠮᠠᠨ ᠤ ᠣᠴᠠᠷᠠᠯ ᠲᠤᠬᠢᠶᠠᠯᠳᠤᠯ ᠨᠢ ᠲᠤᠢ᠌ᠯ ᠤᠨ ᠵᠥᠴᠦᠭᠡᠯᠢᠭ᠌ ᠪᠠᠢ᠌ᠭᠠ ᠳᠤ ᠣᠰᠬᠠᠯ ᠡᠷᠭᠡ ᠦᠭᠡᠶ ᠰᠤᠨᠢᠷᠬᠠᠯ ᠳᠦᠷᠤᠨᠡ᠂ ᠳᠡᠭᠦᠨ ᠤ ᠨᠠᠢ᠌ᠵᠠ ᠶᠢᠨ ᠮᠠᠭᠤ ᠪᠠᠷ ᠨᠥᠭᠡᠨ ᠳᠤ ᠣᠨᠠᠵᠤ ᠳᠠᠮᠵᠢᠨ ᠪᠣᠷᠤᠯᠠᠭᠤᠯᠬᠤ ᠠᠵᠢᠯ ᠭᠢᠵᠤ ᠮᠡᠭᠡᠯᠡᠭ᠍ᠳᠡᠵᠤ ᠶᠠᠪᠣᠭᠰᠠᠨ᠂ ᠮᠡᠭᠡᠯᠡᠵᠤ ᠢᠷᠡᠭ᠍ᠰᠡᠨ ᠳᠡᠦᠭᠡ᠂ ᠨᠠᠢ᠌ᠵᠠ ᠶᠢᠨ ᠶᠢᠡᠨ ᠲᠦᠯᠦᠭᠡ ᠶᠠᠭᠤ ᠭᠢᠭᠦ ᠡᠴᠠ ᠴᠤ ᠪᠣᠴᠠᠬᠤ ᠦᠭᠡᠶ ᠶᠠᠪᠣᠳᠠᠯ ᠪᠦᠭᠦᠨ ᠨᠢ ᠭᠢᠵᠠᠭᠠᠷᠯᠠᠰᠢ ᠦᠭᠡᠶ ᠳᠠᠳᠠᠬᠤ ᠭᠦᠴᠤᠨ ᠲᠡᠶ ᠪᠠᠢ᠌ᠵᠤ ᠡᠴᠦᠰ ᠲᠤ ᠨᠢ ᠰᠦᠮᠠᠨ ᠤ ᠬᠤᠪᠢ ᠪᠠᠶᠠ ᠨᠢ ᠴᠤ ᠶᠠᠮᠠᠷ ᠨᠢᠭᠡᠨ ᠳᠠᠯᠳᠠ ᠶᠢᠨ ᠳᠠᠳᠠᠬᠤ ᠭᠦᠴᠤᠨ ᠲᠡᠶ ᠶᠤᠮ ᠰᠢᠭ᠌ ᠰᠠᠨᠠᠭᠳᠠᠨ ᠦᠪᠡᠷ ᠶᠢᠡᠨ ᠴᠤ ᠳᠠᠷᠠ ᠵᠥᠴᠦᠭᠡ ᠳᠤᠳᠤᠷᠠ ᠨᠢ ᠣᠷᠤᠭᠠᠤᠨ ᠳᠤᠭᠯᠠᠵᠤ ᠪᠠᠢ᠌ᠬᠤ ᠮᠠᠳᠤ ᠰᠠᠨᠠᠭᠳᠠᠵᠠᠢ᠃ 《ᠴᠢᠨᠤ ᠮᠠᠩᠨᠠᠢ ᠳᠡᠭᠡᠷᠡᠭᠢ ᠰᠤᠷᠪᠢ ᠴᠢᠨᠢ ᠁》 ᠭᠡᠵᠤ ᠰᠤᠨᠢᠭᠤᠴᠢᠯᠠᠬᠤ ᠳᠤ ᠵᠤᠭᠤᠰ ᠨᠠᠭᠠᠳᠤᠭᠠᠤᠨ ᠦᠷᠢᠳᠡᠭ᠍ᠰᠡᠨ ᠨᠠᠢ᠌ᠵᠠ ᠪᠠᠨ ᠥᠮᠦᠭᠯᠡᠵᠤ ᠭᠦᠮᠤᠨ ᠳᠤ ᠴᠤᠭᠢᠭᠳᠠᠭᠰᠠᠨ ᠶᠢᠡᠨ ᠶᠠᠷᠢᠵᠤ᠂ ᠡᠨᠡ ᠰᠤᠷᠪᠢᠨ ᠡᠴᠠ ᠪᠣᠯᠤᠭᠠᠤᠨ ᠭᠤᠷᠪᠠᠨ ᠵᠢᠯ ᠡᠵᠢ ᠲᠡᠶ ᠪᠠᠨ ᠵᠤᠯᠭᠤᠬᠤ ᠪᠠᠷ ᠶᠠᠪᠣᠵᠤ ᠴᠢᠳᠠᠭᠠ ᠦᠭᠡᠶ᠂ ᠺᠢᠨᠤ᠋ ᠣᠷᠳᠤᠨ ᠤ ᠡᠭᠦᠳᠡᠨ ᠳᠤ ᠵᠤᠭᠰᠤᠭᠰᠠᠨ ᠳᠡᠷᠭᠡ ᠶᠢ ᠬᠠᠷᠠᠵᠤ ᠵᠤᠭᠤᠰ ᠣᠯᠵᠤ ᠪᠠᠢ᠌ᠭᠠ ᠪᠠᠨ ᠴᠤ ᠭᠡᠯᠡᠵᠤ ᠥᠭ᠍ᠪᠡ᠃ 《ᠳᠠᠭᠢᠭᠠᠤᠨ ᠳᠡᠭᠡᠵᠤ ᠮᠠᠭᠤᠬᠠᠢ ᠠᠭᠠᠰᠢᠯᠠᠬᠤ ᠦᠭᠡᠶ᠂ ᠪᠠᠰᠠ ᠰᠤᠷᠪᠢ ᠨᠡᠮᠡᠴᠢᠭᠡᠪᠠᠯ ᠡᠵᠢ ᠲᠡᠶ ᠪᠠᠨ ᠶᠠᠭᠠᠭᠢᠵᠤ ᠠᠭᠤᠯᠵᠠᠬᠤ ᠪᠣᠢ︖》 ᠭᠡᠳ ᠢᠨᠢᠶᠡᠭᠦ ᠳᠤ ᠣᠰᠬᠠᠯ ᠥᠭᠡᠳᠡ ᠡᠴᠠ ᠨᠢ ᠬᠠᠯᠠᠭᠤᠬᠠᠨ ᠬᠠᠷᠠᠭᠠᠤᠨ ᠪᠠᠢ᠌ᠪᠠᠯ ᠢᠴᠢᠵᠤ ᠳᠤᠷᠤᠭᠰᠢ ᠬᠠᠷᠠᠵᠠᠢ᠃ ᠦᠨᠦᠭᠢ ᠵᠤᠷᠢᠮᠠᠭ ᠡᠳᠡᠭᠡᠳ ᠠᠭᠠᠰᠢ ᠨᠢ ᠪᠠᠢ᠌ᠬᠤ ᠦᠭᠡᠶ ᠪᠣᠯᠤᠭᠰᠠᠨ ᠳᠤ ᠣᠰᠬᠠᠯ᠄ 《ᠴᠢ ᠁ ᠳᠠᠷᠠ ᠣᠳᠠᠭᠠ᠂ ᠶᠠᠭᠠᠭᠢᠭᠠᠤᠨ ᠭᠡᠨᠡᠳᠲᠡ ᠨᠠᠮᠠ ᠶᠢ ᠠᠪᠣᠷᠠᠭᠰᠠᠨ ᠪᠣᠢ︖》 ᠭᠡᠪᠡ᠃ 《ᠬᠡ ᠬᠡ᠂ ᠶᠠᠭᠤ ᠭᠡᠵᠤ ᠭᠡᠯᠡᠭᠦ ᠪᠢᠯᠠ︖》 ᠭᠡᠳ ᠰᠦᠮᠠᠨ ᠳᠡᠭᠦᠨ ᠤ ᠡᠮᠦᠨᠡᠭᠢ ᠴᠤᠮᠤᠨ ᠳᠤ ᠣᠮᠳᠠᠭᠠᠨ ᠭᠢᠵᠤ ᠦᠭᠭᠦᠭᠡᠳ᠄ 《ᠳᠠᠷᠠ ᠦᠶᠡ ᠳᠤ᠁ ᠪᠢ ᠦᠵᠡᠵᠤ ᠳᠦᠪᠳᠡᠭ᠍ᠰᠡᠨ ᠦᠭᠡᠶ᠂ ᠶᠠᠭᠠᠭᠢᠭᠠᠤᠨ ᠶᠤᠮ ᠮᠡᠳᠡᠭᠦ ᠦᠭᠡᠶ᠂ ᠶᠠᠭ ᠯᠠ ᠮᠢᠨᠤ ᠶᠠᠭᠤᠮᠠ ᠶᠢ ᠣᠷᠤᠯᠳᠤᠵᠤ ᠪᠠᠢ᠌ᠭᠠ ᠰᠢᠭ ᠰᠠᠠᠳᠤᠷᠤᠭᠰᠠᠨ ᠁ ᠡᠨ᠂ ᠪᠢ ᠴᠢᠨᠢ ᠶᠠᠭᠤ ᠶᠠᠷᠢᠵᠤ ᠪᠠᠢ᠌ᠬᠤ ᠪᠣᠢ︖ ᠨᠠᠳᠠ ᠳᠤ ᠴᠤ ᠭᠡᠦᠭᠡᠨ ᠳᠡᠭᠦᠤ ᠲᠡᠶ ᠪᠠᠢ᠌ᠭᠰᠠᠨ ᠪᠣᠯ ᠥᠭᠡᠷᠡ ᠦᠦ ᠳ᠋ᠠ ︖》 ᠭᠡᠵᠤ ᠴᠢᠳᠠᠬᠤ ᠶᠢᠨ ᠳᠤᠳᠤᠷᠠ ᠡᠪᠳᠡᠢ ᠭᠡᠯᠡᠭᠦ ᠭᠡᠵᠤ ᠴᠢᠷᠮᠠᠢ᠌ᠪᠠ᠃
ᠰᠠᠯᠬᠤ ᠳᠤ ᠪᠠᠨ ᠣᠰᠬᠠᠯ ᠦᠪᠡᠷ ᠤᠨ ᠣᠳᠠᠰᠤᠨ ᠨᠤᠮᠸᠷ ᠶᠢᠡᠨ ᠦᠯᠡᠳᠡᠭᠡᠵᠤ ᠦᠭᠭᠦᠭᠡᠳ ᠬᠠᠷᠢᠯᠴᠠᠬᠤ ᠰᠠᠨᠠᠭᠠ ᠪᠠᠨ ᠢᠯᠡᠳᠭᠡᠪᠠᠯ ᠰᠦᠮᠠᠨ ᠬᠠᠷᠢᠨ᠄ 《ᠨᠠᠳᠠ ᠡᠴᠠ ᠬᠤᠯᠠᠬᠠᠨ ᠪᠠᠢ︕》 ᠭᠡᠵᠤ ᠡᠷᠡᠰ ᠭᠡᠯᠡᠪᠡ᠃ 《ᠡᠨ ︖》 ᠣᠰᠬᠠᠯ ᠣᠭᠢᠯᠠᠮᠠᠷ ᠰᠠᠨᠠᠭᠳᠠᠭᠰᠠᠨ ᠴᠤ᠄ 《ᠶᠠᠭᠤᠨ ᠳᠤ ︖》 ᠭᠡᠵᠤ ᠡᠭ᠍ᠴᠡᠯᠡᠨ ᠰᠢᠷᠳᠠᠪᠠ᠃ 《ᠣᠰᠬᠠᠯ᠂ ᠪᠢ ᠪᠣᠯ ᠶᠠᠮᠠᠷ ᠭᠦᠮᠤᠨ ᠭᠡᠳᠡᠭ᠌ ᠢ ᠴᠢ ᠶᠠᠮᠠᠷ ᠮᠡᠳᠡᠭᠦ ᠦᠭᠡᠶ ᠪᠢᠰᠢ ᠁》 ᠭᠡᠳᠡᠯᠡ ᠳᠠᠷᠠ ᠥᠭᠡ ᠶᠢ ᠨᠢ ᠳᠠᠰᠤᠯᠵᠤ᠄ 《ᠮᠠᠳᠠᠨᠡ᠂ ᠴᠢ ᠪᠣᠯ ᠰᠠᠢ᠌ᠨ ᠭᠦᠮᠤᠨ᠂ ᠪᠢ ᠶᠠᠷᠤ ᠡᠴᠠ ᠴᠢᠮᠠ ᠶᠢ ᠮᠠᠭᠤ ᠭᠡᠵᠤ ᠪᠣᠳᠤᠭᠠ ᠦᠭᠡᠶ︕》 ᠭᠡᠵᠤ ᠵᠢᠷᠦᠭᠡᠯᠡᠵᠤ ᠭᠡᠯᠡᠭᠦ ᠳᠤ ᠬᠤᠭᠤᠯᠠᠢ ᠨᠢ ᠴᠡᠴᠡᠷᠭᠡᠨᠡᠵᠤ ᠬᠠᠮᠠᠷ ᠤᠨ ᠥᠵᠦᠭᠦᠷ ᠨᠢ ᠱᠠᠷᠭᠢᠷᠠᠭᠠᠤᠨ ᠶᠠᠪᠣᠴᠢᠬᠠᠪᠠ᠃ ᠰᠦᠮᠠᠨ ᠤ ᠬᠤᠷᠴᠠ ᠭᠡᠷᠡᠯᠳᠡᠢ ᠭᠦᠩᠭᠦᠭᠡᠷ ᠨᠢᠳᠤᠨ ᠳᠤ ᠭᠤᠨᠢᠭ᠂ ᠪᠠᠶᠠᠰᠤᠯ᠂ ᠳᠤᠭᠳᠤᠯᠤᠯ᠂ ᠪᠠᠴᠢᠮᠳᠠᠯ ᠵᠡᠷᠭᠡᠪᠠᠷ ᠢᠯᠡᠷᠡᠭ᠍ᠰᠡᠨ ᠶᠢᠠᠨ ᠣᠳᠠᠳᠠᠯᠠ ᠥᠭᠡᠳᠡ ᠡᠴᠠ ᠨᠢ ᠰᠢᠷᠳᠠᠵᠤ ᠭᠠᠷ ᠢ ᠨᠢ ᠴᠢᠩᠭᠠ ᠠᠳᠬᠤᠭᠠᠤᠨ᠄ 《ᠪᠠᠶᠠᠷᠳᠠᠢ︕》 ᠭᠡᠪᠡ᠃
ᠣᠰᠬᠠᠯ ᠶᠠᠭᠤ ᠴᠤ ᠭᠢᠭᠦ ᠳᠤᠷᠠ ᠦᠭᠡᠶ ᠰᠦᠨᠠᠰᠤ ᠦᠭᠡᠶ ᠭᠦᠮᠤᠨ ᠰᠢᠭ᠌ ᠪᠣᠯᠵᠤ ᠰᠦᠮᠠᠨ ᠡᠴᠠ ᠥᠭᠡᠷᠡ ᠶᠠᠭᠤ ᠴᠤ ᠪᠣᠳᠤᠭᠳᠠᠬᠤ ᠦᠭᠡᠶ᠃ ᠳᠠᠷᠠ ᠦᠪᠡᠷ ᠢ ᠪᠠᠨ 《ᠳᠡᠨᠡᠭ᠌᠂ ᠰᠤᠯᠢᠶᠠᠳᠤ》 ᠭᠡᠵᠤ ᠭᠡᠴᠢᠨᠡᠨ ᠪᠣᠳᠤᠭᠰᠠᠨ ᠴᠤ ᠰᠡᠳᠭᠢᠯ ᠨᠢ ᠰᠠᠨᠠᠭᠠ ᠶᠢ ᠨᠢ ᠶᠠᠷᠤ ᠳᠠᠭᠠᠬᠤ ᠦᠭᠡᠶ ᠪᠠᠢ᠌ᠯᠠ᠃ ᠰᠦᠮᠠᠨ ᠢ ᠬᠠᠢ᠌ᠷᠠᠯᠠᠴᠢᠬᠠᠭᠰᠠᠨ ᠭᠡᠵᠤ ᠪᠣᠳᠤᠬᠤ ᠡᠴᠠ ᠣᠷᠤᠨ ᠭᠠᠷᠤᠨ ᠪᠣᠭᠢᠨᠢᠳᠤᠵᠤ ᠭᠠᠷ ᠣᠳᠠᠰᠤ ᠪᠠᠨ ᠪᠠᠢ᠌ᠨ ᠪᠠᠢ᠌ᠨ ᠠᠪᠴᠤ ᠦᠵᠡᠨᠡ᠃
ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ ᠳᠤ ᠰᠦᠮᠠᠨ ᠳᠡᠭᠦᠨ ᠲᠡᠶ ᠪᠣᠯᠵᠤᠵᠤ ᠠᠭᠤᠯᠵᠠᠬᠤ ᠭᠡᠰᠡᠨ ᠮᠡᠳᠡᠭᠡ ᠢᠷᠡᠭᠦᠯᠦᠭ᠍ᠰᠡᠨ ᠳᠤ ᠳᠠᠷᠠ ᠣᠳᠤ ᠯᠠ ᠨᠢᠭᠡ ᠪᠣᠳᠤᠭᠰᠠᠨ ᠰᠠᠨᠠᠭᠰᠠᠨ ᠶᠢᠠᠨ ᠪᠦᠭᠦᠨ ᠢ ᠠᠭᠤᠳᠠᠯᠤᠭᠠᠤᠨ ᠰᠠᠨᠠᠭᠠ ᠠᠮᠤᠷᠠᠨᠠ ᠳ᠋ᠠ᠂ ᠶᠠᠭᠠᠭᠢᠪᠠᠯ ᠶᠠᠭᠠᠭᠢᠭ ᠭᠡᠵᠤ ᠪᠣᠳᠤᠭᠰᠠᠭᠠᠷ ᠳᠦᠷᠭᠡᠯᠡᠨ ᠠᠯᠬᠤᠯᠠᠵᠤ ᠴᠡᠴᠡᠷᠯᠢᠭ᠌ ᠲᠤ ᠢᠷᠠᠪᠠ᠃ ᠳᠠᠷᠠ ᠰᠦᠮᠠᠨ ᠳᠤ ᠤᠢ᠌ᠷᠠᠳᠤᠨ ᠢᠷᠡᠮᠡᠭ᠍ᠴᠡ ᠭᠡᠷᠡᠯᠳᠡᠢ ᠨᠢᠳᠤᠨ ᠬᠠᠷᠠᠴᠠᠨ ᠡᠴᠠ ᠨᠢ ᠪᠠᠰᠠᠯᠠ ᠳᠠᠯᠳᠠᠷᠢᠵᠤ ᠬᠠᠷᠠᠴᠠ ᠪᠠᠨ ᠪᠣᠷᠤᠭᠤᠯᠠᠨ᠄ 《ᠴᠢ ᠳᠤᠩ ᠬᠠᠷᠠ ᠰᠡᠳᠭᠢᠯ ᠲᠡᠶ︕》 ᠭᠡᠪᠡ᠃ 《ᠳᠠᠢ᠌ᠮᠤ ᠡ》 ᠰᠦᠮᠠᠨ ᠤ ᠲᠦᠪ ᠳᠦᠭᠦᠮᠭᠡᠨ ᠨᠢᠭᠡᠯᠡ ᠥᠭᠡ ᠳᠡᠭᠦᠨ ᠤ ᠵᠢᠷᠦᠭᠡ ᠶᠢ ᠪᠠᠵᠠᠵᠤ ᠪᠠᠢ᠌ᠬᠤ ᠰᠢᠭ ᠡᠪᠠᠳᠦᠭᠦᠯᠵᠤ᠄ 《ᠳᠡᠭᠡᠭᠡᠳ ᠴᠢ ᠨᠠᠮᠠ ᠶᠢ ᠶᠠᠭᠤᠨ ᠳᠤ ᠬᠠᠮᠢᠶᠠᠷᠤᠭᠰᠠᠨ ᠪᠣᠢ︖ ᠪᠢ ᠶᠠᠭᠠᠭᠢᠪᠠᠯ ᠶᠠᠭᠠᠭᠢᠭ᠂ ᠴᠢ ᠨᠠᠮᠠ ᠶᠢ ᠳᠠᠳᠠᠨ ᠶᠢᠡᠷ ᠮᠠᠭᠤᠴᠢᠯᠠᠭᠤᠯᠪᠠᠯ ᠪᠠᠷᠠᠯᠠ》 ᠭᠡᠳ ᠬᠠᠰᠭᠢᠷᠴᠢᠬᠠᠪᠠ᠃ ᠰᠦᠮᠠᠨ ᠤ ᠬᠤᠷᠴᠠ ᠭᠡᠷᠡᠯᠳᠡᠢ ᠨᠢᠳᠤ ᠮᠦᠨ ᠯᠠ ᠭᠢᠯᠠᠰᠭᠢᠵᠤ ᠣᠷᠤᠭᠤᠯ ᠨᠢ ᠦᠯᠤ ᠮᠡᠳᠡᠭ᠌ ᠴᠡᠴᠡᠷᠭᠡᠨᠡᠵᠤ᠄ 《ᠣᠰᠤᠯᠳᠤᠯᠠ》 ᠭᠡᠪᠡ᠃ ᠣᠰᠬᠠᠯ ᠦᠪᠡᠷ ᠤᠨ ᠭᠡᠢ ᠪᠣᠳᠤᠯ ᠳᠤ ᠰᠤᠭᠳᠤᠭᠤᠷᠠᠵᠤ ᠶᠠᠪᠣᠭᠰᠠᠨ ᠬᠤᠤᠷ ᠶᠢᠡᠨ ᠠᠮᠰᠠᠵᠤ ᠪᠠᠢ᠌ᠭᠠ ᠳᠤ ᠪᠠᠨ ᠨᠢᠭᠤᠷ ᠳᠦᠭᠦᠷᠡᠩ ᠨᠢᠯᠪᠣᠰᠤ ᠲᠡᠶ ᠪᠣᠴᠠᠵᠤ ᠠᠯᠬᠤᠯᠠ᠃
ᠣᠰᠬᠠᠯ ᠶᠠᠭ ᠯᠠ ᠡᠪᠡᠳᠴᠢᠨ ᠳᠤ ᠨᠡᠷᠪᠠᠭ᠍ᠳᠡᠭ᠍ᠰᠡᠨ ᠰᠢᠭ᠌ ᠢᠳᠡᠭᠡᠳ ᠠᠮᠳᠠ ᠦᠭᠡᠶ᠂ ᠣᠠᠳᠠᠭᠠᠤᠨ ᠨᠣᠢ᠌ᠷ ᠦᠭᠡᠶ᠃ 《ᠶᠠᠭ ᠯᠠ ᠮᠢᠨᠤ ᠶᠠᠭᠤᠮᠠ ᠲᠡᠶ ᠣᠷᠤᠯᠳᠤᠵᠤ ᠪᠠᠢ᠌ᠬᠤ ᠰᠢᠭ ᠰᠠᠠᠳᠤᠷᠤᠭᠰᠠᠨ》 ᠭᠡᠭᠦ ᠰᠦᠮᠠᠨ ᠤ ᠥᠭᠡ ᠪᠠᠢ᠌ᠨ ᠪᠠᠢ᠌ᠨ ᠰᠤᠨᠤᠰᠳᠠᠵᠤ ᠳᠡᠭᠦᠨ ᠤ ᠭᠡᠷᠡᠯᠳᠡᠢ ᠬᠤᠤᠰ ᠨᠢᠳᠤᠨ ᠬᠠᠷᠠᠴᠠ ᠥᠭᠡᠳᠡ ᠡᠴᠠ ᠨᠢ ᠬᠠᠷᠠᠵᠤ ᠪᠠᠢ᠌ᠭᠠ ᠰᠢᠭ᠃ ᠳᠡᠷᠡᠭᠦ ᠬᠠᠷᠠᠴᠠ ᠳᠡᠭᠦᠨ ᠤ ᠰᠡᠳᠭᠢᠯ ᠢ ᠭᠡᠵᠢᠭᠡᠳᠡᠵᠤ᠂ ᠵᠢᠷᠦᠭᠡ ᠶᠢ ᠨᠢ ᠪᠣᠯᠭᠢᠭᠤᠯᠳᠠᠭ ᠰᠢᠳᠢ ᠲᠡᠶ ᠠᠵᠠᠢ᠃ ᠳᠠᠷᠠ ᠵᠠᠷᠢᠮ ᠳᠤ ᠪᠠᠨ ᠺᠢᠨᠤ᠋ ᠣᠷᠳᠤᠨ ᠤ ᠡᠭᠦᠳᠡᠨ ᠳᠤ ᠣᠴᠢᠴᠢᠬᠠᠭᠠᠤᠨ ᠳᠡᠨᠡᠭ᠌ ᠭᠦᠮᠤᠨ ᠰᠢᠭ᠌ ᠮᠡᠨᠡᠭ᠍ᠷᠡᠵᠤ ᠵᠤᠭᠰᠤᠳᠠᠭ ᠪᠣᠯᠵᠠᠢ᠃ ᠰᠦᠮᠠᠨ ᠭᠡᠳᠦᠭᠡᠨ ᠠᠯᠬᠤᠮ ᠤᠨ ᠴᠠᠭᠠᠨᠠ ᠪᠠᠢ᠌ᠪᠠᠴᠤ ᠳᠠᠷᠠ ᠬᠠᠵᠠᠭᠤ ᠳᠤ ᠨᠢ ᠣᠴᠢᠳᠠᠭ ᠦᠭᠡᠶ᠂ ᠰᠦᠮᠠᠨ ᠴᠤ ᠢᠷᠡᠳᠡᠭ᠌ ᠦᠭᠡᠶ᠂ ᠪᠠᠢ᠌ᠨ ᠪᠠᠢ᠌ᠨ ᠳᠡᠭᠦᠨ ᠢ ᠬᠠᠷᠠᠵᠤ ᠦᠵᠡᠵᠤ ᠪᠠᠢ᠌ᠪᠠᠴᠤ ᠮᠦᠨ ᠯᠠ ᠭᠢᠳᠡᠭ᠌ ᠶᠢᠡᠨ ᠭᠢᠨᠡ᠃
ᠡᠨᠡ ᠣᠷᠤᠢ ᠮᠦᠨ ᠯᠠ ᠳᠠᠰᠤ ᠬᠠᠷᠠᠩᠭ᠋ᠤᠢ᠃ ᠣᠰᠬᠠᠯ ᠣᠤᠯ ᠶᠤᠰᠤᠭᠠᠷ ᠶᠢᠡᠨ ᠭᠤᠨᠢ ᠭᠠᠭᠴᠠᠭᠠᠷ ᠶᠠᠪᠣᠵᠤ ᠣᠢ᠌ᠳᠤᠭᠰᠠᠨ ᠪᠦᠳᠡᠭᠢ ᠭᠡᠷᠡᠯᠳᠡᠢ ᠭᠤᠳᠤᠮᠵᠢ ᠪᠠᠷ ᠶᠢᠡᠨ ᠣᠷᠢᠶᠠᠵᠤ ᠶᠠᠪᠣᠬᠤ ᠳᠤ ᠪᠠᠨ ᠪᠠᠶᠠ ᠪᠠᠨ ᠵᠤᠷᠢᠭᠵᠢᠭᠤᠯᠵᠤ ᠬᠤᠷᠳᠤᠨ ᠬᠤᠷᠳᠤᠨ ᠠᠯᠬᠤᠨᠠ᠃ ᠭᠡᠨᠡᠳᠲᠡ ᠠᠷᠤ ᠳᠤ ᠨᠢ ᠭᠦᠯ ᠤᠨ ᠴᠢᠮᠡᠭᠡ ᠭᠠᠷᠬᠤ ᠰᠢᠭ ᠪᠣᠯᠬᠤ ᠳᠤ ᠬᠣᠢ᠌ᠬᠠ ᠶᠢᠨ ᠦᠰᠦ ᠨᠢ ᠠᠷᠵᠠᠰ ᠭᠢᠵᠤ᠄ 《ᠡᠨ︕》 ᠭᠡᠳ ᠪᠠᠷᠭᠢᠷᠠᠴᠢᠬᠠᠪᠠ᠃ 《ᠭᠦᠢ᠂ ᠣᠰᠬᠠᠯ ᠡ᠂ ᠪᠢ ᠪᠠᠢ᠌ᠨᠠ》 ᠭᠡᠭᠦ ᠰᠦᠮᠠᠨ ᠤ ᠳᠠᠭᠤ ᠪᠠᠴᠢᠮᠳᠠᠩᠭ᠋ᠤᠢ ᠳᠤᠭᠤᠯᠳᠠᠵᠤ᠂ 《ᠪᠢᠳᠡᠭᠡᠢ ᠠᠶᠤ︕》 ᠭᠡᠳ ᠠᠷᠤ ᠡᠴᠠ ᠨᠢ ᠭᠦᠢᠴᠡᠨ ᠢᠷᠡᠭᠦ ᠳᠤ ᠠᠶᠤᠭᠰᠠᠨ ᠭᠦᠴᠤᠨ ᠳᠤ ᠪᠠᠨ ᠦᠦ ︖ ᠪᠠᠶᠠᠷᠯᠠᠭᠰᠠᠨ ᠳᠤ ᠪᠠᠨ ᠦᠦ ︖ ᠣᠰᠬᠠᠯ ᠨᠦᠷᠢᠨ ᠣᠴᠢᠵᠤ ᠡᠯᠢᠭᠡᠨ ᠳᠤ ᠨᠢ ᠨᠠᠭᠠᠯᠳᠤᠭᠠᠤᠨ ᠮᠡᠭ᠍ᠰᠢᠴᠢᠭᠡᠪᠡ᠃ ᠣᠤᠯ ᠨᠢ ᠰᠦᠮᠠᠨ ᠳᠡᠭᠦᠨ ᠢ ᠠᠶᠤᠬᠤ ᠡᠴᠠ ᠪᠣᠯᠭᠤᠮᠵᠢᠯᠠᠵᠤ ᠭᠠᠭᠴᠠᠭᠠᠷ ᠶᠠᠪᠣᠬᠤ ᠪᠣᠯᠭᠠᠨ ᠠᠷᠤ ᠳᠤ ᠨᠢ ᠰᠡᠮᠡᠭᠡᠷ ᠳᠠᠭᠠᠵᠤ ᠭᠡᠷ ᠲᠤ ᠨᠢ ᠭᠦᠷᠭᠡᠳᠡᠭ᠌ ᠪᠠᠢ᠌ᠵᠠᠢ᠃ 《ᠮᠠᠭᠤ ᠶᠠᠭᠤᠮᠠ᠂ ᠶᠠᠭᠠᠭᠢᠭᠰᠠᠨ ᠣᠯᠢᠭ ᠦᠭᠡᠶ ᠪᠣᠢ︖》 ᠭᠡᠵᠤ ᠣᠰᠬᠠᠯ ᠨᠢᠯᠪᠣᠰᠤ ᠪᠠᠨ ᠠᠷᠴᠢᠨ ᠭᠡᠯᠡᠭᠦ ᠳᠤ ᠰᠦᠮᠠᠨ ᠳᠡᠭᠦᠨ ᠢ ᠳᠡᠪᠠᠷᠢᠭ᠍ᠰᠡᠨ ᠭᠡᠪ ᠶᠢᠡᠷ ᠶᠢᠡᠨ ᠴᠢᠭᠢᠨ ᠳᠤ ᠨᠢ᠄ 《ᠴᠢ ᠴᠢᠨᠢ ᠳᠤᠷᠠᠳᠠᠢ ᠪᠢᠰᠢ ᠶᠤᠮ ᠦᠦ ︖》 ᠭᠡᠵᠤ ᠰᠢᠪᠠᠨᠠᠪᠠ᠃ ᠳᠠᠷᠠ ᠵᠤᠷᠢᠭᠤᠳᠠ ᠳᠡᠯᠴᠢᠯᠡᠭᠦ ᠳᠤ ᠰᠦᠮᠠᠨ ᠣᠯᠠᠮ ᠴᠢᠩᠭᠠ ᠳᠠᠪᠠᠷᠢᠨ᠄ 《ᠳᠤᠳᠠᠭᠠᠵᠤ ᠭᠠᠷᠬᠤ ᠦᠭᠡᠶ ᠰᠢᠤ︕ ᠪᠢ ᠴᠢᠮᠠ ᠶᠢ ᠳᠤᠭᠤᠴᠢᠬᠠᠭᠰᠠᠨ ᠡᠴᠠ ᠬᠣᠢ᠌ᠰᠢ︕》 ᠭᠡᠵᠤ ᠠᠯᠢᠶᠠᠯᠠᠨᠡ᠃ 《ᠪᠢ ᠴᠢᠮᠠ ᠳᠤ ᠳᠤᠷᠠ ᠦᠭᠡᠶ᠂ ᠳᠤᠷᠠ ᠦᠭᠡᠶ᠂ ᠳᠤᠷᠠ ᠦᠭᠡᠶ᠁》 ᠭᠡᠵᠤ ᠳᠠᠷᠠ ᠬᠠᠠᠳᠠᠯᠠ ᠭᠡᠯᠡᠶᠡ ᠭᠡᠳᠡᠯᠡ ᠰᠦᠮᠠᠨ ᠤ ᠬᠠᠯᠠᠭᠤᠨ ᠦᠨᠦᠰᠤᠯᠳᠠ ᠣᠷᠤᠭᠤᠯ ᠢ ᠨᠢ ᠳᠠᠰᠤ ᠪᠦᠭᠯᠡᠵᠤ ᠵᠠᠯᠭᠠᠭᠠᠤᠨ ᠭᠡᠯᠡᠵᠤ ᠭᠠᠷᠤᠭᠰᠠᠨ ᠦᠭᠡᠶ᠁
ᠣᠰᠬᠠᠯ ᠳᠠᠭᠢᠵᠤ ᠶᠠᠷᠤ ᠭᠠᠭᠴᠠᠭᠠᠷ ᠵᠠᠮᠨᠠᠭᠰᠠᠨ ᠦᠭᠡᠶ᠁
2002.8 ᠰᠠᠷᠠ ᠳᠤ ᠪᠢᠴᠢᠵᠤ 2010.8.8 ᠳᠤ ᠵᠠᠰᠠᠪᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠢᠪᠠᠷᠳᠠᠢ ᠭᠤᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠰ·ᠮᠥᠩᠭᠡᠨᠡᠷᠡᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠥᠭᠥᠯᠡᠯᠭᠡᠳᠠᠷᠤᠮ᠄ 18409
ᠴᠠᠭ᠄ 2010 ᠤᠨ ᠤ 08 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ