☆ ᠴᠤᠭᠳᠤ
ᠰᠢᠵᠢᠷ ᠠᠯᠳᠠᠨ ᠬᠤᠪᠬᠠᠢ ᠵᠡᠭᠦᠳᠤ
ᠳᠠᠷᠠ ᠳᠤᠯᠤᠭᠠᠢ ᠨᠡᠢ᠌ᠯᠡᠮᠡᠭ᠍ᠴᠡ
ᠳᠠᠯᠪᠠ ᠪᠠᠶᠠᠵᠢᠨᠠ︕ ᠭᠡᠵᠤ ᠵᠡᠭᠦᠳᠦᠯᠡᠨᠡ᠃
ᠳᠡᠯᠡᠭᠡᠢ ᠳ᠋ᠠᠭᠢᠨ ᠤ ᠰᠠᠢ᠌ᠬᠠᠨ ᠢ
ᠳᠡᠷᠭᠡᠳᠡ ᠪᠠᠨ ᠠᠪᠴᠢᠷᠠᠨᠠ ︕ ᠭᠡᠵᠤ ᠣᠷᠠᠮᠠᠰᠢᠨᠠ᠃
ᠬᠠᠷᠠᠭᠠ ᠠᠯᠳᠠᠮᠠ ᠳᠠᠯᠠ ᠪᠠᠷ
ᠡᠪᠠᠰᠤᠨ ᠡᠮ ᠳᠡᠭᠦᠵᠤ
ᠬᠠᠷᠠᠩᠭ᠋ᠤᠢ ᠪᠠᠯᠠᠷ ᠣᠢ ᠪᠠᠷ
ᠮᠤᠳᠤ ᠴᠢᠯᠠᠭᠤ ᠴᠢᠪᠴᠢᠨ
ᠠᠭᠤᠯᠠ ᠮᠠᠩᠬᠠ ᠳᠠᠮᠵᠢᠨ
ᠡᠷᠳᠡᠨ ᠤ ᠣᠩᠭ᠋ᠤᠨ ᠬᠠᠢ᠌ᠵᠤ
ᠠᠭᠤᠷᠠᠬᠠᠢ ᠬᠤᠳᠳᠤᠭ ᠮᠠᠯᠳᠠᠨ
ᠡᠳ᠋ ᠡᠷᠳᠡᠨᠢᠰ ᠣᠯᠵᠠᠯᠠᠵᠤ
ᠳᠠᠪᠠᠷᠢ ᠳᠠᠪᠠᠷᠢ ᠪᠠᠷᠠᠭᠠ ᠵᠢ
ᠳᠡᠭᠡᠭᠡᠪᠦᠷᠢ ᠶᠢᠨ ᠮᠠᠰᠢᠨ ᠳᠤ ᠠᠴᠢᠵᠤ
ᠳᠡᠷᠭᠡ ᠳᠡᠷᠭᠡ ᠳᠠᠸᠠᠷ ᠢ
ᠳᠡᠩᠭᠡ ᠮᠠᠳᠠᠨ ᠬᠤᠳᠠᠯᠳᠤᠨᠠ᠃
ᠮᠤᠩᠭ᠋ᠤᠯ ᠨᠤᠳᠤᠭ ᠤᠨ ᠭᠠᠵᠠᠷ
ᠮᠤᠯᠤᠷ ᠡᠷᠳᠡᠨᠢ ᠠᠷᠪᠢᠨ︕ ᠭᠡᠵᠤ
ᠠᠷᠤ ᠭᠠᠵᠠᠷ ᠤᠨ ᠠᠷᠢᠯᠵᠢᠶᠠᠴᠢᠨ
ᠠᠷᠠᠤᠨ ᠤᠨ ᠵᠤᠭᠤᠰ ᠶᠢᠡᠷ ᠭᠡᠢ᠌ᠰᠴᠤ
ᠮᠠᠯᠴᠢᠨ ᠮᠤᠩᠭ᠋ᠤᠯ ᠤᠨ ᠨᠤᠳᠤᠭ ᠣᠷᠤᠭᠤ
ᠮᠠᠨᠢ ᠶᠢᠨ ᠡᠷᠢᠭᠡ ᠰᠢᠭ᠌ ᠴᠤᠪᠣᠵᠤ
ᠮᠠᠯ ᠲᠡᠶ ᠭᠦᠮᠤᠨ ᠲᠡᠶ ᠨᠢ ᠵᠠᠯᠭᠢᠴᠢᠬᠠᠮᠠᠷ
ᠮᠠᠰᠢᠨ ᠮᠸᠬᠠᠨᠢᠭ ᠲᠡᠶ ᠴᠦᠮᠦᠷᠠᠨᠡ᠃
ᠪᠠᠯᠡᠭ᠌ ᠵᠤᠭᠤᠰ ᠢ ᠨᠢ ᠭᠠᠷᠳᠠᠨ
ᠪᠠᠯᠴᠢᠭᠡᠷ ᠨᠤᠳᠤᠭ ᠶᠢᠡᠨ ᠬᠤᠳᠠᠯᠳᠤᠨ
ᠳᠠᠯᠪᠠ ᠪᠠᠶᠠᠵᠢᠬᠤ ᠶᠢᠨ ᠵᠠᠪᠰᠢᠶᠠᠨ︕ ᠭᠡᠵᠤ
ᠳᠡᠭᠡᠷᠡ ᠦᠨᠡ ᠬᠠᠶᠠᠯᠴᠠᠨᠠ᠃
ᠨᠡᠭᠦᠷᠡᠰᠤ ᠳᠤᠰᠤ ᠭᠠᠷᠤᠨᠠ︕ ᠭᠡᠵᠤ
ᠨᠢᠭᠦᠯ ᠤᠨ ᠨᠢᠳᠤ ᠨᠢ ᠣᠯᠠᠢ᠌ᠵᠤ
ᠨᠡᠭᠦᠳᠡᠯ ᠤᠨ ᠴᠤᠪᠣᠭᠠ ᠴᠤ ᠥᠯᠡᠳᠡᠭᠡᠯ ᠥᠭᠡᠢ
ᠨᠥᠭᠡ ᠮᠠᠯᠳᠠᠵᠤ ᠣᠷᠭᠢᠨᠠ᠃
ᠡᠪᠦᠭᠡ ᠶᠢᠨ ᠦᠪ ᠶᠢᠠᠨ ᠬᠤᠳᠠᠯᠳᠤᠭᠠᠤᠨ
ᠡᠪᠦᠷ ᠳᠦᠭᠦᠷᠡᠩ ᠪᠠᠶᠠᠵᠢᠪᠠ ᠭᠡᠨᠡ᠃
ᠰᠢᠨᠡᠭᠡᠨ ᠣᠯᠠᠭᠠᠨ ᠵᠤᠭᠤᠰ
ᠰᠢᠵᠢᠷ ᠠᠯᠳᠠ ᠬᠤᠪᠢᠯᠤᠭᠰᠠᠨ ᠭᠡᠨᠡ᠃
ᠠᠪᠳᠠᠷᠠ ᠬᠤᠷᠭᠤ ᠳᠠᠭᠠᠨ ᠭᠢᠶᠠ ᠭᠡᠭᠦ ᠳ᠋ᠤ
ᠪᠠᠭᠳᠠᠵᠤ ᠦᠭᠭᠦ ᠦᠭᠡᠶ ᠰᠠᠠᠳᠤᠷᠭᠠᠨᠠ
ᠠᠪᠰᠠᠨ ᠳᠠᠭᠠᠨ ᠠᠪᠣᠭᠠᠤᠨ ᠣᠷᠤᠶᠠ ᠭᠡᠭᠦ ᠳ᠋ᠤ
ᠪᠠᠷᠠᠬᠤ ᠦᠭᠡᠶ ᠥᠭᠦᠪᠠᠯ ᠬᠠᠷᠠᠮᠰᠠᠨᠠ᠃
ᠪᠠᠯᠢᠳᠠᠵᠤ ᠰᠠᠠᠳᠤᠷᠤᠭᠰᠠᠨ ᠭᠦᠴᠤᠨ ᠳ᠋ᠡᠭᠡᠨ
ᠪᠠᠯ ᠲᠡᠶ ᠵᠡᠭᠦᠳᠡᠨ ᠡᠴᠡ ᠪᠠᠨ ᠰᠠᠷᠢᠵᠤ
《ᠠᠯᠳᠠ᠂ ᠠᠯᠳᠠ︕》 ᠭᠡᠵᠤ
ᠠᠷᠪᠠᠨ ᠬᠤᠷᠤᠭᠤ ᠨᠢ ᠠᠷᠵᠠᠢ᠌ᠪᠠ᠃
ᠰᠢᠵᠢᠷ ᠠᠯᠳᠠᠨ ᠵᠤᠭᠤᠰ
ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢ ᠬᠠᠷᠠᠭᠳᠠᠭᠰᠠᠨ ᠥᠭᠡᠢ
ᠰᠢᠷᠤᠢ ᠳᠤᠭᠤᠰᠤᠨ ᠮᠥᠭᠦᠯᠢᠭ᠌
ᠰᠢᠯᠢᠨ ᠴᠤᠩᠬᠤ ᠶᠢ ᠨᠢ ᠪᠦᠷᠭᠦᠵᠡᠢ᠃
ᠡᠭᠦᠳᠡ ᠪᠠᠨ ᠨᠡᠭᠡᠭᠡᠳ ᠬᠠᠷᠠᠬᠤ ᠳ᠋ᠤ
ᠦᠯᠦᠨ ᠳᠤᠭᠤᠰᠤ ᠳᠡᠭ᠍ᠳᠡᠵᠤ
ᠰᠢᠵᠢᠷ ᠠᠯᠳᠠᠨ ᠵᠤᠭᠤᠰ ᠨᠢ ᠭᠡᠮᠡᠷ
ᠰᠢᠷᠣᠢ᠌ᠨ ᠰᠢᠭᠤᠷᠭᠠ ᠪᠣᠰᠤᠨᠠ ᠡ᠃
2009.8.16 ᠱᠠᠩᠳᠤ ᠪᠠᠯᠭᠠᠰᠤᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠴᠤᠭᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2631
ᠴᠠᠭ᠄ 2010 ᠤᠨ ᠤ 04 ᠰᠠᠷᠠ ᠶᠢᠨ 19
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ