☆ ᠰᠦᠷᠳᠤ
ᠢᠨᠠᠭ ᠤᠨ ᠡᠷᠡᠮᠵᠡᠯᠡᠯ
ᠡᠨᠡ ᠰᠢᠯᠦᠭ᠌ ᠶᠢᠡᠨ ᠪᠢ ᠦᠨᠡᠨ ᠰᠡᠳᠭᠢᠯ ᠡᠴᠡ ᠪᠠᠨ ᠪᠢᠴᠢᠯᠠ
ᠡᠷᠢᠯ ᠭᠦᠰᠡᠯ ᠤᠨ ᠳᠤᠭᠳᠤᠯᠤᠯ ᠶᠢᠡᠨ ᠳᠠᠷᠤᠨ ᠪᠠᠢ᠌ᠵᠤ ᠪᠢᠴᠢᠯᠠ᠃
ᠬᠤᠯᠠ ᠭᠠᠵᠠᠷ ᠰᠤᠷᠬᠤ ᠪᠠᠷ ᠶᠠᠪᠣᠭᠴᠢ ᠳᠤ
ᠬᠤᠷᠭᠤᠳᠤᠨ ᠭᠤᠨᠢᠭᠯᠠᠬᠤ ᠰᠡᠳᠭᠢᠯ ᠤᠨ ᠦᠴᠢᠭ᠌ ᠣᠯᠠᠨ
ᠠᠪᠣ ᠡᠵᠢ᠂ ᠠᠬᠠ ᠳᠡᠭᠦᠤ᠂ ᠨᠠᠢ᠌ᠵᠠ ᠨᠡᠷ ᠲᠡᠶ ᠪᠠᠨ
ᠠᠶᠠᠯᠳᠠᠨ ᠴᠡᠩᠭᠡᠭᠦ ᠵᠢᠷᠭᠠᠯᠳᠤ ᠡᠳᠦᠷ ᠨᠢ ᠴᠥᠭᠡᠨ
ᠬᠤᠷᠢᠨ ᠨᠠᠰᠤᠨ ᠤ ᠬᠠᠩᠬᠤᠯᠤᠮᠠ ᠵᠠᠯᠠᠭᠤ ᠴᠠᠭ ᠲᠤ
ᠬᠠᠢ᠌ᠷᠠ ᠢᠨᠠᠭ ᠤᠨ ᠬᠠᠯᠠᠭᠤᠨ ᠪᠦᠪᠠᠢ᠌ᠯᠠᠯ ᠢ ᠭᠦᠰᠡᠭᠦ ᠴᠤ
ᠬᠠᠷᠢ ᠨᠤᠳᠤᠭ ᠤᠨ ᠭᠠᠩᠭ᠋ᠠᠩ ᠴᠤᠪᠣᠭᠤ ᠭᠡᠦᠭᠡᠡᠴᠦᠳ
ᠬᠤᠭᠤᠰᠤᠳᠠᠭᠰᠠᠨ ᠰᠡᠳᠭᠢᠯ ᠤᠨ ᠭᠠᠩᠳᠠᠭᠰᠠᠨ ᠵᠢᠷᠦᠭᠡ ᠶᠢ ᠣᠮᠳᠠᠯᠠᠬᠤ ᠦᠭᠡᠶ᠃
ᠲ᠋ᠠᠯᠠ ᠳᠤ ᠳᠡᠭᠦᠯᠢᠭᠦ ᠭᠡᠨᠡᠨ ᠠᠯᠢᠶᠠ ᠬᠠᠷᠴᠠᠭᠠᠢ
ᠳᠠᠷᠢᠶᠠᠨ ᠳᠤ ᠵᠢᠷᠭᠢᠭᠦ ᠭᠦᠭᠡᠷᠦᠭᠦᠨ ᠪᠣᠯᠵᠤᠮᠤᠷ ᠢ ᠳᠤᠭᠤᠬᠤ ᠦᠭᠡᠶ
ᠬᠠᠨ ᠳᠡᠭ᠍ᠷᠢ ᠳᠤ ᠬᠠᠮᠳᠤ ᠳᠤ ᠪᠠᠨ ᠳᠡᠭᠦᠯᠢᠭᠦ ᠵᠠᠶᠠᠭᠠ ᠪᠠᠨ
ᠬᠠᠷᠢ ᠶᠢᠨ ᠪᠢᠰᠢ᠂ ᠢᠵᠢᠯ ᠶᠠᠰᠤᠳᠠᠨ ᠲᠡᠶ ᠪᠠᠨ ᠬᠤᠯᠪᠣᠶᠠ᠃
ᠲᠦᠯ ᠶᠢᠡᠨ ᠭᠤᠯᠤᠭᠰᠠᠨ ᠳᠡᠩᠭᠡᠷᠤ ᠵᠦᠷᠢᠭᠦᠤ ᠬᠤᠨᠢ
ᠳᠤᠭᠢ ᠬᠤᠨᠢᠴᠢᠨ ᠤ ᠪᠦᠪᠠᠢ ᠶᠢᠨ ᠠᠶᠠᠯᠭᠤᠨ ᠳᠤ ᠣᠶᠠᠷᠠᠨᠠ
ᠳᠦᠭᠦᠰᠢ ᠬᠠᠳᠠᠭᠤ ᠳᠡᠨᠡᠭᠯᠢᠭ᠌ ᠭᠦᠤ ᠶᠢᠨ ᠰᠡᠳᠭᠢᠯ
ᠳᠤᠩᠭ᠋ᠠᠯᠠᠭ ᠠᠷᠢᠭᠤᠨ ᠮᠤᠩᠭ᠋ᠤᠯ ᠪᠦᠰᠡᠭᠦᠢ ᠶᠢᠨ ᠬᠠᠷᠠᠴᠠᠨ ᠳᠤ ᠳᠤᠭᠳᠤᠯᠤᠨᠠ᠃
ᠭᠦᠭᠡᠷᠦᠭᠦᠢ ᠮᠢᠨᠤ ᠪᠠᠶᠠ ᠰᠡᠳᠭᠢᠯ ᠬᠤᠶᠠᠷ ᠢ
ᠬᠠᠷᠴᠠᠭᠠᠢ᠂ ᠬᠤᠨᠢ ᠪᠠᠷ ᠬᠠᠪᠣᠯᠢᠭ ᠣᠨᠤᠭᠠᠬᠤ ᠶᠢ ᠭᠢᠴᠢᠶᠠᠪᠠᠴᠤ
ᠬᠠᠢ᠌ᠷᠠᠨ ᠰᠡᠳᠭᠢᠯ ᠤᠨ ᠢᠨᠠᠭ ᠤᠨ ᠳᠤᠬᠠᠢ ᠪᠣᠳᠤᠯ ᠢ
ᠬᠤᠶᠠᠷᠬᠠᠨ ᠪᠠᠳᠠᠭ ᠲᠤ ᠭᠡᠷᠭᠢᠨ ᠳᠤᠭᠠᠴᠢᠵᠤ ᠪᠠᠷᠠᠨᠠᠮ᠃
ᠬᠠᠷᠢ ᠭᠠᠵᠠᠷ ᠡᠷᠳᠡᠮ ᠭᠢᠴᠢᠶᠠᠯ ᠤᠨ ᠵᠠᠮ ᠳᠤ
ᠬᠠᠨᠢᠰᠠᠨ ᠶᠠᠪᠣᠬᠤ ᠬᠠᠢ᠌ᠷᠠᠳᠤ ᠪᠦᠰᠡᠭᠦᠢ ᠶᠢ ᠮᠦᠷᠦᠭᠡᠳᠦᠨᠡ
ᠬᠠᠳᠠᠭᠰᠠᠨ ᠣᠷᠤᠭᠤᠯ᠂ ᠭᠦᠷᠦᠭ᠍ᠰᠡᠨ ᠰᠡᠳᠭᠢᠯ ᠢ ᠢᠪᠢᠯᠢᠭᠦ
ᠬᠤᠩᠭ᠋ᠤᠷ ᠷᠤᠮᠠᠠᠲ᠋ᠢᠭ ᠮᠤᠩᠭ᠋ᠤᠯ ᠢᠨᠠᠭ ᠢ ᠭᠦᠰᠡᠨᠡ᠃
ᠮᠤᠩᠭ᠋ᠤᠯ ᠢᠨᠠᠭ᠂ ᠮᠤᠩᠭ᠋ᠤᠯ ᠪᠦᠰᠡᠭᠦᠢ
ᠮᠢᠨᠤ ᠵᠢᠷᠦᠭᠡᠨ ᠡᠴᠡ ᠮᠦᠴᠡ ᠴᠤ ᠰᠠᠯᠬᠤ ᠦᠭᠡᠶ
ᠮᠥᠩᠭᠦᠨ ᠰᠠᠷᠠᠨ ᠤ ᠵᠥᠭᠡᠯᠡᠨ ᠳᠤᠶᠠᠭᠠᠨ ᠤ ᠢᠯᠪᠢᠯᠳᠠ ᠳᠤ
ᠮᠦᠷᠤ ᠵᠡᠷᠭᠡᠴᠡᠨ ᠵᠤᠭᠠᠯᠠᠬᠤ ᠨᠥᠭᠦᠷ ᠢ ᠡᠷᠢᠨᠡᠮ᠃
ᠭᠠᠩᠭ᠋ᠠᠩ ᠵᠠᠯᠠᠭᠤ ᠨᠠᠰᠤᠨ ᠤ
ᠭᠠᠯ ᠴᠠᠭᠢᠯᠭᠠᠨ ᠮᠠᠳᠤ ᠬᠠᠢ᠌ᠷᠠ ᠪᠠᠨ
ᠭᠠᠭᠴᠠᠬᠠᠨ ᠴᠢᠮᠠ ᠳᠤ ᠪᠠᠨ
ᠮᠤᠩᠭ᠋ᠤᠯ ᠪᠦᠰᠡᠭᠦᠢ᠂ ᠴᠢᠮᠠ ᠳᠤ ᠪᠠᠨ ᠦᠭᠭᠦᠶᠡ᠃
ᠦᠪᠡᠷ ᠤᠨ ᠨᠤᠳᠤᠭ ᠤᠨ ᠦᠨᠢᠷ ᠳᠠᠯᠠ ᠳᠤ ᠪᠢᠰᠢ ᠴᠤ
ᠦᠨᠡᠨ ᠬᠠᠢ᠌ᠷᠠ ᠶᠢᠨ ᠢᠨᠠᠭ ᠤᠨ ᠴᠦᠮᠡ ᠳᠤ
ᠦᠨᠢ ᠮᠦᠩᠭᠡ ᠶᠢᠨ ᠢᠳᠡᠭᠡᠯ ᠭᠦᠴᠤᠨ ᠳᠤ
ᠬᠤᠶᠠᠭᠤᠯᠠ ᠪᠢᠳᠠᠨ ᠤ ᠬᠠᠢ᠌ᠷᠠ ᠶᠢᠨ ᠬᠤᠷᠸᠠ ᠬᠠᠮᠤᠭ
ᠡᠴᠡ ᠳᠤᠯᠠᠭᠠᠬᠠᠨ ᠭᠡᠵᠤ ᠢᠳᠡᠭᠡᠷᠡᠢ᠃
ᠭᠠᠷ ᠣᠳᠠᠰᠤ᠂ ᠰᠦᠯᠵᠢᠶᠠ ᠬᠠᠷᠢᠯᠴᠠᠭᠠ ᠪᠠᠷ
ᠭᠠᠯᠠᠯᠠᠭᠠᠤᠨ᠂ ᠮᠢᠨᠤ ᠵᠥᠭ᠌᠂ ᠰᠢᠷᠦᠭᠦᠨ ᠰᠢᠭ᠌
ᠭᠠᠭᠴᠠ ᠭᠦᠮᠤᠨ ᠤ ᠠᠶᠠᠨ ᠳᠤ ᠣᠢ᠌ᠳᠤᠭᠰᠠᠨ ᠴᠢᠨᠤ ᠰᠡᠳᠭᠢᠯ
ᠮᠤᠷᠳᠠᠭᠠᠤᠨ᠂ ᠮᠢᠨᠤ ᠵᠥᠭ᠌᠂ ᠳᠠᠰᠢᠭᠤᠷ ᠨᠡᠮᠡᠭᠡᠳ᠃
ᠭᠦᠢᠯᠡᠰᠤᠨ ᠮᠤᠳᠤᠨ ᠳᠤ ᠳᠡᠭᠦᠵᠢᠯᠡᠭ᠍ᠰᠡᠨ ᠵᠢᠮᠢᠰ ᠢ
ᠭᠠᠷ ᠶᠢᠡᠷ ᠳᠠᠰᠤᠳᠠᠨ᠂ ᠠᠮᠰᠠᠬᠤ ᠡᠴᠡ ᠨᠠᠭᠠᠰᠢ
ᠭᠠᠰᠢᠭᠤᠨ ᠪᠣᠶᠤ ᠳᠠᠰᠢᠭᠤᠨ ᠡᠰᠡᠭᠦ ᠶᠢ
ᠭᠠᠳᠠᠷᠯᠠᠵᠤ ᠶᠠᠭᠠᠭᠢᠵᠤ ᠮᠠᠳᠠᠨᠠ ᠳᠠ᠃
ᠭᠠᠷ ᠤᠨ ᠬᠠᠵᠠᠭᠤᠳᠠ ᠣᠳᠠᠰᠤ ᠳᠦᠲᠡ
ᠬᠤᠷᠤᠭᠤᠨ ᠤ ᠥᠵᠦᠭᠦᠷ ᠲᠤ ᠺᠤᠮᠫᠢᠦ᠋ᠲ᠋ᠧᠷ ᠤᠢ᠌ᠷᠡ
ᠶᠠᠮᠠᠷ ᠨᠢᠭᠡ ᠳᠡᠨᠡᠭ᠌ ᠠᠮᠢᠳᠠᠨ ᠪᠣᠯ ᠭᠡᠵᠤ
ᠶᠠᠯᠢᠮ ᠦᠭᠡᠶ ᠨᠢᠭᠡ ᠬᠠᠷᠢᠯᠴᠠᠵᠤ ᠦᠵᠡᠨᠡᠤ ︖
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠵᠠᠷᠤᠳ
ᠵᠤᠬᠢᠶᠠᠭᠴᠢ᠄ ᠰᠦᠷᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 12559
ᠴᠠᠭ᠄ 2011 ᠤᠨ ᠤ 08 ᠰᠠᠷᠠ ᠶᠢᠨ 17
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ