☆ ᠭᠦᠩ ᠳᠢᠶᠧ ᠯᠦᠩ
ᠳᠤᠮᠤᠭᠠ ᠦᠭᠡᠶ ᠪᠠᠭᠠ ᠨᠠᠰᠤ
ᠨᠠᠳᠠ ᠶᠢ ᠠᠩᠬᠠ ᠰᠤᠷᠭᠠᠭᠤᠯᠢ ᠳᠤ ᠣᠷᠤᠬᠤ ᠦᠶᠡ ᠳᠤ ᠮᠢᠨᠤ ᠡᠭᠡ ᠰᠤᠷᠭᠠᠭᠤᠯᠢ ᠭᠡᠵᠤ ᠭᠤᠷᠪᠠᠨ ᠳᠠᠰᠤᠯᠭᠠ ᠰᠢᠪᠠᠷ ᠪᠠᠢ᠌ᠰᠢᠩ ᠠᠢ᠌ᠯ ᠤᠨ ᠪᠠᠷᠠᠭᠤᠨ ᠵᠤ᠋ ᠶᠢᠨ ᠡᠩᠭᠡᠷ ᠲᠤ ᠪᠠᠢ᠌ᠷᠢᠰᠢᠵᠤ ᠪᠠᠢ᠌ᠭᠰᠠᠨ ᠶᠤᠮ᠃ ᠪᠢ ᠡ᠊ᠨᠳᠡ ᠪᠠᠶᠠᠷ ᠭᠤᠨᠢᠭ ᠤᠨ ᠳᠠᠭᠤᠤ ᠪᠠᠨ ᠬᠤᠴᠤᠷᠭᠠᠵᠤ ᠶᠠᠪᠣᠭᠰᠠᠨ ᠶᠤᠮ᠃ ᠪᠢ ᠡ᠊ᠨᠳᠡ ᠡᠴᠠ ᠭᠦᠭᠡ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠠᠩᠬᠠᠨ ᠤ ᠵᠠᠮ ᠶᠢᠡᠨ ᠡᠯᠭᠦᠭ᠍ᠰᠡᠨ ᠶᠤᠮ᠃
ᠣᠤᠯ ᠳᠤ ᠪᠠᠨ ᠮᠢᠨᠤ ᠠᠪᠣ ᠠᠢ᠌ᠯ ᠤᠨ ᠰᠤᠷᠭᠠᠭᠤᠯᠢ ᠳᠤ ᠭᠠᠭᠴᠠᠭᠠᠷ ᠳᠠᠪᠤᠨ ᠣᠨ ᠳᠤ ᠭᠢᠴᠢᠶᠠᠯᠯᠠᠵᠤ ᠪᠠᠢ᠌ᠭᠰᠠᠨ ᠶᠤᠮ᠃ ᠶᠠᠭ ᠨᠠᠳᠠ ᠶᠢ ᠰᠤᠷᠭᠠᠭᠤᠯᠢ ᠳᠤ ᠣᠷᠤᠬᠤ ᠦᠶᠡ ᠳᠤ ᠠᠪᠣ ᠶᠢᠨ ᠮᠢᠨᠢ ᠳᠤᠯᠤᠭᠠᠢ ᠶᠢᠨ ᠡᠪᠡᠳᠴᠢᠨ ᠨᠢ ᠭᠦᠡᠳᠦᠷᠡᠵᠤ ᠠᠮᠠᠷᠠᠬᠤ ᠴᠢᠬᠤᠯᠠ ᠲᠡᠶ ᠪᠣᠯᠤᠭᠰᠠᠨ ᠡᠴᠠ ᠨᠢᠭᠡ ᠡᠴᠡᠩᠭᠡᠷ ᠰᠢᠷᠠ ᠭᠦᠮᠤᠨ ᠠᠪᠣ ᠶᠢᠨ ᠣᠷᠤᠨ ᠳᠤ ᠭᠦᠡᠳᠤ ᠡᠭᠦᠷᠭᠡ ᠶᠢ ᠡᠭᠦᠷᠭᠡᠯᠡᠵᠤ ᠠᠪᠴᠠᠢ᠃
ᠪᠢ ᠭᠡᠵᠤ ᠭᠤᠷᠪᠠᠨ ᠨᠠᠰᠤᠨ ᠡᠴᠠ ᠪᠠᠨ ᠠᠪᠣ ᠪᠠᠨ ᠳᠠᠭᠠᠵᠤ ᠰᠤᠷᠭᠠᠭᠤᠯᠢ ᠳᠤ ᠣᠯᠠᠨ ᠣᠳᠠᠭᠠ ᠢᠷᠠᠵᠤ ᠳᠤᠮᠪᠣᠢ᠌ᠵᠤ ᠰᠠᠭᠭᠤᠭᠠᠤᠨ ᠠᠪᠣ ᠶᠢᠨ ᠭᠢᠴᠢᠶᠠᠯ ᠳᠠᠢ᠌ᠯᠪᠣᠷᠢᠯᠠᠬᠤ ᠶᠢ ᠰᠤᠨᠤᠰᠳᠠᠭ ᠪᠠᠢ᠌ᠭᠰᠠᠨ ᠣᠴᠢᠷ ᠡᠴᠠ ᠡᠨᠡ ᠰᠤᠷᠭᠠᠭᠤᠯᠢ ᠶᠢᠨ ᠶᠠᠭᠤ ᠪᠦᠭᠦᠨ ᠨᠠᠳᠠ ᠳᠤ ᠬᠠᠴᠢᠨ ᠰᠤᠨᠢᠨ ᠪᠢᠰᠢ ᠪᠣᠯᠤᠭᠰᠠᠨ ᠪᠦᠭᠡᠳ ᠰᠤᠷᠭᠠᠭᠤᠯᠢ ᠳᠤ ᠣᠷᠤᠬᠤ ᠡᠴᠠ ᠡᠮᠤᠨᠡ ᠴᠠᠭᠠᠨ ᠳᠤᠯᠤᠭᠠᠢ ᠶᠢᠨ ᠭᠤᠷᠪᠠᠨ ᠬᠤᠪᠢᠷᠠᠯ ᠪᠠ ᠨᠢᠭᠡ ᠡᠴᠠ ᠵᠠᠭᠤ ᠭᠦᠷᠳᠡᠯᠡ ᠳᠤᠭᠠᠨ ᠤ ᠨᠠᠮᠠᠵᠤ ᠬᠠᠰᠤᠬᠤ ᠣᠢ᠌ᠯᠠᠳᠤᠯ ᠢ ᠪᠦᠷᠢᠨ ᠴᠢᠳᠠᠬᠤ ᠪᠣᠯᠤᠭᠰᠠᠨ ᠡᠴᠠ ᠰᠤᠷᠤᠯᠭᠠ ᠶᠢᠨ ᠳᠠᠯᠠ ᠪᠠᠷ ᠣᠮᠤᠭᠯᠠᠩ᠃ ᠭᠡᠪᠠᠴᠤ ᠰᠠᠶᠢ ᠠᠭᠤᠯᠵᠠᠭᠰᠠᠨ ᠳᠠᠷᠠ ᠡᠴᠡᠩᠭᠡᠷ ᠰᠢᠷᠠ ᠪᠠᠭᠰᠢ ᠡᠴᠠ ᠪᠠᠬᠠᠨ ᠪᠦᠱᠦᠭᠦᠷᠭᠡᠵᠤ ᠪᠠᠢ᠌ᠭᠰᠠᠨ᠃ ᠭᠡᠳᠡᠯᠡ ᠳᠠᠷᠠ ᠪᠠᠭᠰᠢ ᠭᠡᠵᠤ ᠬᠠᠷᠢᠨ ᠣᠪᠣᠭᠠ ᠡᠶᠡᠯᠰᠡᠭ᠌ ᠮᠦᠷᠳᠡᠭᠡᠨ ᠠᠶᠤᠮᠠᠷ ᠱᠤᠭᠴᠢ ᠭᠦᠮᠤᠨ ᠪᠠᠢ᠌ᠭᠰᠠᠨ ᠳᠤᠯᠠ ᠳᠤᠤᠷᠠᠬᠠᠨ ᠪᠦᠭᠦ ᠰᠤᠷᠤᠭᠴᠢᠳ ᠤᠨ ᠰᠡᠳᠭᠢᠯ ᠤᠨ ᠬᠠᠨᠢ᠂ ᠪᠢᠰᠢᠷᠠᠯ ᠤᠨ ᠰᠢᠳᠦᠭᠡᠨ ᠪᠣᠯᠤᠭᠰᠠᠨ ᠪᠠᠢ᠌ᠯᠠ᠃ ᠡᠨᠡ ᠡᠴᠡᠩᠭᠡᠷ ᠰᠢᠷᠠ ᠪᠠᠭᠰᠢ ᠶᠢ ᠰᠧ᠊ ᠪᠠᠭᠰᠢ ᠭᠡᠳᠡᠭ᠌᠃ ᠰᠧ᠊ ᠪᠠᠭᠰᠢ ᠦᠷᠯᠦᠭᠡ ᠪᠦᠷᠢ ᠨᠠᠷᠠᠨ ᠪᠢᠳᠡᠭᠦᠤ ᠪᠠᠷ ᠠᠢ᠌ᠯ ᠡᠴᠠ ᠪᠠᠨ ᠰᠤᠷᠭᠠᠭᠤᠯᠢ ᠳᠤ ᠢᠷᠠᠵᠤ ᠳᠠᠪᠤᠨ ᠠᠩᠭᠢ ᠰᠤᠷᠤᠭᠴᠢ ᠳᠤ ᠪᠠᠨ ᠨᠢᠭᠡ ᠳᠠᠯᠠ ᠡᠴᠠ ᠨᠢ ᠭᠢᠴᠢᠶᠠᠯ ᠣᠷᠤᠵᠤ᠂ ᠳᠠᠰᠬᠠᠯ ᠥᠯᠡᠳᠡᠭᠡᠵᠤ᠂ ᠳᠠᠰᠬᠠᠯ ᠵᠠᠰᠠᠵᠤ ᠶᠠᠭᠠᠷᠠᠨᠠ᠃ ᠭᠡᠴᠦᠨᠡᠨ ᠣᠯᠠᠨ ᠵᠢᠯ ᠤᠨ ᠬᠣᠢ᠌ᠨᠠ ᠪᠢ ᠦᠪᠡᠷ ᠶᠢᠡᠨ ᠪᠠᠭᠰᠢ ᠶᠢᠨ ᠠᠵᠢᠯ ᠭᠢᠭᠡᠳ ᠰᠠᠶᠢ ᠰᠧ᠊ ᠪᠠᠭᠰᠢ ᠳᠠᠷᠠ ᠦᠶᠡ ᠳᠠᠩᠳᠠ ᠣᠢ᠌ᠯᠠ ᠪᠠᠨ ᠪᠠᠷᠠᠵᠤ ᠦᠰᠦ ᠪᠠᠨ ᠳᠡᠭᠦᠯᠡ ᠭᠡᠵᠤ ᠪᠣᠳᠤᠬᠤ ᠡᠴᠠ ᠵᠢᠷᠦᠭᠡ ᠰᠢᠮᠰᠢᠷᠠᠵᠤ ᠨᠢᠳᠤᠨ ᠵᠤᠪᠭᠢ ᠣᠯᠠᠢ᠌ᠭᠰᠠᠨ᠃
ᠰᠢᠨᠡ ᠰᠤᠷᠤᠯᠭᠠ ᠶᠢᠨ ᠬᠤᠭᠤᠴᠠᠭᠠ ᠡᠭᠢᠯᠡᠭᠦ ᠪᠦᠷᠢ ᠪᠢ ᠰᠢᠨᠡ ᠨᠤᠮ ᠤᠨ ᠠᠩᠭᠢᠯᠤᠮᠠ ᠦᠨᠦᠷ ᠪᠠ ᠰᠢᠨᠡᠭᠡᠨ ᠰᠠᠢ᠌ᠬᠠᠨ ᠵᠢᠷᠤᠭ ᠲᠤ ᠨᠢ ᠰᠤᠭᠳᠤᠳᠠᠭ ᠪᠠᠢ᠌ᠭᠰᠠᠨ ᠶᠤᠮ᠃ ᠨᠠᠩ ᠰᠧ᠊ ᠪᠠᠭᠰᠢ ᠶᠢᠨ ᠣᠠᠴᠠ ᠱᠤᠭᠳᠠᠢ ᠭᠢᠴᠢᠶᠠᠯ ᠳᠠᠢ᠌ᠯᠪᠣᠷᠢᠯᠠᠬᠤ ᠳᠤ ᠨᠢ ᠰᠡᠳᠭᠢᠯ ᠳᠠᠳᠠᠭᠳᠠᠵᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠮᠢᠳᠤᠷᠠᠯ ᠶᠢᠡᠨ ᠪᠠᠶᠠᠷ ᠵᠢᠷᠭᠠᠯ ᠲᠡᠶ ᠥᠩᠭᠡᠷᠭᠡᠵᠤ ᠪᠠᠢ᠌ᠯᠠ᠃ ᠰᠧ᠊ ᠪᠠᠭᠰᠢ ᠰᠤᠯᠠ ᠰᠡᠯᠡᠭᠦᠤ ᠴᠠᠭ ᠶᠢᠡᠷ ᠶᠢᠡᠨ ᠪᠢᠳᠠᠨ ᠲᠡᠶ ᠨᠠᠭᠠᠳᠤᠨ ᠳᠤᠭᠯᠠᠵᠤ᠂ ᠣᠯᠠᠨ ᠣᠯᠠᠨ ᠬᠤᠱᠤᠩ ᠶᠦᠮᠤᠷ ᠥᠯᠢᠭᠡᠷ ᠶᠠᠷᠢᠵᠤ ᠥᠭ᠍ᠳᠡᠭ᠌ ᠡᠴᠠ ᠪᠦᠭᠦ ᠰᠤᠷᠤᠭᠴᠢᠳ ᠤᠨ ᠰᠡᠳᠭᠢᠯ ᠢ ᠨᠢᠭᠡᠮᠦᠰᠤᠨ ᠡᠵᠡᠮᠳᠡᠵᠤ ᠴᠢᠳᠠᠭᠰᠠᠨ ᠶᠤᠮ᠃
ᠨᠠᠳᠠ ᠶᠢ ᠭᠤᠷᠪᠠᠳᠤᠭᠠᠷ ᠣᠨ ᠪᠣᠯᠬᠤ ᠳᠠᠷᠠ ᠵᠢᠯ ᠰᠧ᠊ ᠪᠠᠭᠰᠢ ᠶᠢ ᠨᠢᠭᠡᠳᠦᠯ (ᠣᠳᠤ ᠶᠢᠨ ᠰᠤᠮᠤ) ᠊ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠠᠵᠢᠯ ᠰᠢᠯᠵᠢᠭᠦᠯᠵᠤ᠂ ᠣᠷᠤᠨ ᠳᠤ ᠨᠢ ᠭᠤᠷᠪᠠᠨ ᠡᠮᠡᠭ᠍ᠳᠡᠢ ᠪᠠᠭᠰᠢ ᠢᠷᠡᠭ᠍ᠰᠡᠨ ᠶᠤᠮ᠃ ᠰᠠᠶᠢ ᠡᠭᠢᠯᠡᠭᠡᠳ ᠳᠠᠷᠠ ᠭᠤᠷᠪᠠᠨ ᠪᠠᠭᠰᠢ ᠣᠯᠠᠩᠭᠢ ᠭᠦᠮᠦᠰ ᠲᠤ ᠶᠠᠷᠤ ᠳᠠᠭᠠᠯᠠᠭᠳᠠᠳᠠᠭ ᠦᠭᠡᠶ᠃ ᠣᠴᠢᠷ ᠨᠢ ᠳᠠᠳᠠ ᠰᠧ᠊ ᠪᠠᠭᠰᠢ ᠰᠢᠭ ᠱᠤᠭᠳᠠᠢ ᠥᠯᠢᠭᠡᠷ ᠶᠠᠷᠢᠵᠤ ᠴᠢᠳᠠᠳᠠᠭ ᠦᠭᠡᠶ᠂ ᠵᠥᠪᠭᠡᠨ ᠣᠯᠠᠩᠭᠢ ᠴᠠᠭ ᠢ ᠠᠰᠢᠭᠯᠠᠵᠤ ᠪᠢᠳᠠᠨ ᠳᠤ ᠳᠠᠭᠤᠤ ᠪᠦᠵᠢᠭ᠌ ᠵᠢᠭᠠᠳᠠᠭ᠃ ᠪᠢ ᠭᠡᠵᠤ ᠳᠠᠭᠤᠤ ᠪᠦᠵᠢᠭ᠌ ᠵᠢᠭᠠᠳᠠᠭ ᠲᠤ ᠨᠢ ᠶᠡᠭᠡ ᠡᠭ᠍ᠳᠡᠭᠦᠤ ᠭᠦᠷᠳᠡᠭ᠌ ᠪᠠᠢ᠌ᠭᠰᠠᠨ᠃ ᠨᠢᠭᠡ ᠣᠳᠠᠭᠠ ᠪᠠᠭᠰᠢ ᠨᠠᠳᠠ ᠶᠢ ᠵᠠᠪᠠᠯ ᠨᠢᠭᠡ ᠳᠠᠭᠤᠤ ᠳᠠᠭᠤᠯᠠ ᠭᠡᠨᠡ᠃ ᠪᠢ ᠴᠢᠨᠢ ᠨᠢᠭᠡ ᠰᠤᠷᠤᠭᠰᠠᠨ 《ᠯᠸᠢ ᠹᠸᠩ ᠡᠴᠠ ᠰᠤᠷᠤᠯᠴᠠᠶᠠ》 ᠭᠡᠳᠡᠭ᠌ ᠳᠠᠭᠤᠤ ᠶᠢ ᠦᠪᠡᠷ ᠤᠨ ᠵᠤᠬᠢᠶᠠᠭᠰᠠᠨ ᠠᠶᠠᠰ ᠶᠢᠡᠷ ᠶᠢᠡᠨ ᠡᠷᠢᠶᠡᠨ ᠮᠠᠷᠢᠶᠠᠨ ᠬᠤᠭᠤᠯᠠᠢ ᠪᠠᠷ ᠨᠢᠭᠡ ᠯᠠ ᠥᠭᠦᠯᠡᠪᠦᠷᠢ ᠪᠠᠰᠠ ᠳᠠᠭᠤᠯᠠᠵᠤ ᠪᠠᠷᠠᠬᠤ ᠡᠴᠠ ᠡᠮᠤᠨᠡ ᠮᠠᠨ ᠤ ᠪᠠᠭᠰᠢ ᠪᠠ ᠬᠠᠮᠳᠤ ᠨᠥᠭᠦᠤᠨ ᠨᠢᠳᠤᠨ ᠡᠴᠠ ᠪᠠᠨ ᠨᠢᠯᠪᠣᠰᠤ ᠪᠦᠮᠪᠦᠷᠢᠳᠡᠯᠡ᠂ ᠣᠩᠬᠤᠯᠢᠵᠤ ᠳᠤᠩᠬᠤᠯᠢᠳᠤᠯᠠ ᠢᠨᠢᠶᠠᠯᠳᠤᠯᠠ᠃ ᠪᠢ ᠴᠢᠷᠠᠢ ᠪᠠᠨ ᠫᠠᠤᠨ ᠣᠯᠠᠢ᠌ᠯᠭᠠᠵᠤ ᠳᠠᠭᠤᠯᠬᠤ ᠪᠠᠨ ᠵᠤᠭᠰᠤᠭᠰᠠᠨ ᠳᠤ ᠪᠠᠭᠰᠢ ᠨᠠᠳᠠ ᠶᠢ᠄ 《ᠴᠢ ᠭᠡᠵᠤ ᠶᠠᠭ ᠳᠠᠭᠤᠤ ᠳᠠᠭᠤᠯᠠᠵᠤ ᠴᠢᠳᠠᠬᠤ ᠦᠭᠡᠶ ᠭᠦᠮᠤᠨ ᠪᠠᠢ᠌ᠨᠠ ᠳ᠋ᠠ᠃ ᠡᠭᠦᠨ ᠡᠴᠠ ᠬᠣᠢ᠌ᠰᠢ ᠳᠠᠭᠤᠤ ᠳᠠᠭᠤᠯᠠᠬᠤ ᠪᠠᠨ ᠪᠣᠯᠢ》 ᠭᠡᠳ ᠳᠠᠭᠢᠨ ᠣᠯᠠᠨ ᠤ ᠵᠥᠭ᠌ ᠬᠠᠠᠳᠤᠨ᠄ 《ᠦᠨᠦ ᠮᠠᠨ ᠤ ᠰᠤᠷᠭᠠᠭᠤᠯᠢ ᠥᠭᠡᠷᠡ ᠠᠢ᠌ᠯ ᠤᠳ ᠶᠢᠡᠷ ᠶᠠᠪᠣᠵᠤ ᠣᠷᠠᠨ ᠰᠠᠢ᠌ᠬᠠᠨ ᠤ ᠳᠤᠭᠯᠠᠯᠳᠠ ᠭᠠᠷᠭᠠᠬᠤ ᠪᠠᠷ ᠳᠤᠭᠳᠠᠭᠰᠠᠨ ᠶᠤᠮ᠃ ᠳᠠᠭᠤ ᠪᠦᠵᠢᠭ᠌ ᠲᠤ ᠪᠠᠨ ᠳᠤᠰᠠ ᠦᠭᠡᠶ ᠨᠢ ᠳᠠᠭᠤᠤ ᠪᠦᠵᠢᠭ᠌ ᠪᠣᠯᠪᠠᠰᠤᠷᠠᠬᠤ ᠴᠠᠭ ᠥᠪᠠᠷᠳᠡᠭᠡᠨ ᠨᠠᠭᠠᠳᠴᠢᠬᠠ︕》 ᠭᠡᠵᠤ ᠵᠠᠭᠢᠯᠠ᠃
ᠳᠡᠭᠦᠨ ᠡᠴᠠ ᠬᠣᠢ᠌ᠰᠢ ᠪᠢᠳᠠᠨ ᠤ ᠳᠠᠭᠤ ᠪᠦᠵᠢᠭ᠌ ᠲᠤ ᠪᠠᠨ ᠳᠠᠭ ᠭᠡᠳᠤᠨ ᠭᠦᠮᠦᠰ᠂ ᠳᠠᠭᠤᠤ ᠪᠦᠵᠢᠭ᠌ ᠪᠣᠯᠪᠠᠰᠤᠷᠠᠬᠤ ᠴᠠᠭ ᠪᠣᠯᠭᠠᠨ ᠳᠤᠷᠠ ᠵᠤᠷᠢᠭ ᠶᠢᠡᠷ ᠶᠢᠡᠨ ᠳᠦᠷᠰᠤ ᠥᠭᠡᠢ᠌ᠳᠡᠳᠡᠭ᠌ ᠪᠣᠯᠤᠭᠰᠠᠨ ᠶᠤᠮ᠃ ᠨᠢᠭᠡ ᠣᠳᠠᠭᠠ ᠳᠠᠭᠤᠤ ᠪᠦᠵᠢᠭ᠌ ᠪᠣᠯᠪᠠᠰᠤᠷᠠᠬᠤ ᠭᠢᠴᠢᠶᠠᠯ ᠳᠡᠭᠡᠷᠡ ᠪᠢᠳᠠᠨ ᠤ 《ᠴᠥᠯᠡᠭ᠍ᠳᠡᠭ᠍ᠰᠡᠨ》 ᠭᠡᠳᠦᠭᠦᠯᠡ ᠪᠠᠰᠠ ᠯᠠ ᠠᠩᠭᠢ ᠳᠤ ᠪᠠᠨ ᠣᠴᠢᠵᠤ ᠨᠠᠭᠠᠳᠴᠠᠢ᠃ ᠪᠢᠴᠢᠭ᠍ᠳᠤ ᠭᠡᠳᠡᠭ᠌ ᠨᠠᠷᠠ ᠲᠡᠶ ᠮᠠᠨ ᠤ ᠨᠢᠭᠡ ᠨᠠᠢ᠌ᠵᠠ ᠳᠡᠭᠦᠨ ᠤ ᠳᠠᠰᠬᠠᠯ ᠤᠨ ᠳᠠᠪᠳᠠᠷ ᠨᠢ ᠭᠠᠵᠠᠷ ᠣᠨᠠᠭᠠᠤᠨ ᠰᠢᠷᠡᠭᠡᠨ ᠭᠦᠯ ᠤᠨ ᠳᠤᠤᠷᠠ ᠳᠠᠷᠤᠭᠳᠠᠭᠠᠤᠨ ᠪᠠᠢ᠌ᠭᠰᠠᠨ ᠳᠤ ᠪᠢᠴᠢᠭ᠍ᠳᠤ ᠰᠢᠭᠤᠳ ᠳᠠᠰᠬᠠᠯ ᠤᠨ ᠳᠠᠪᠳᠠᠷ ᠶᠢᠡᠨ ᠠᠪᠬᠤ ᠭᠡᠳ ᠴᠢᠩᠭ᠋ᠠᠭᠠᠭᠰᠠᠨ ᠴᠢᠨᠢ ᠳᠠᠰᠬᠠᠯ ᠤᠨ ᠳᠠᠪᠳᠠᠷ ᠨᠢ ᠣᠷᠠᠭᠳᠠᠴᠢᠬᠠᠪᠠ᠃ ᠳᠠᠷᠠ ᠦᠶᠡ ᠶᠢᠨ ᠠᠷᠪᠠᠨ ᠮᠦᠩᠭᠦ ᠶᠢᠨ ᠳᠠᠰᠬᠠᠯ ᠤᠨ ᠳᠠᠪᠳᠠᠷ ᠭᠡᠵᠤ ᠶᠡᠭᠡ ᠵᠤᠭᠤᠰ ᠤᠨ ᠶᠠᠭᠤᠮᠠ ᠰᠢᠤ᠃ ᠪᠢᠴᠢᠭ᠍ᠳᠤ ᠳᠠᠷᠠ ᠳᠠᠷᠤᠢ ᠳ᠋ᠤᠨᠢ ᠣᠭᠢᠯᠠᠭᠰᠠᠭᠠᠷ ᠪᠠᠭᠰᠢ ᠳᠤ ᠣᠴᠢᠵᠤ ᠵᠠᠭᠠᠯᠳᠤᠪᠠ᠃ ᠪᠠᠭᠰᠢ ᠳᠡᠭᠦᠨ ᠡᠴᠠ ᠶᠠᠭᠠᠭᠢᠵᠤ ᠣᠷᠠᠭᠳᠠᠭᠰᠠᠨ ᠢ ᠠᠰᠠᠭᠤᠭᠰᠠᠨ ᠳᠤ ᠳᠠᠷᠠ 《ᠮᠡᠳᠡᠭᠦ ᠦᠭᠡᠶ》 ᠭᠡᠯᠡ᠃ ᠪᠠᠭᠰᠢ᠄ 《ᠴᠢᠮᠠ ᠶᠢ ᠠᠩᠭᠢ ᠳᠤ ᠣᠷᠤᠬᠤ ᠳᠤ ᠭᠦᠮᠤᠨ ᠪᠠᠢ᠌ᠭᠰᠠᠨ ᠦᠦ︖》 ᠭᠡᠭᠦ ᠳᠤ ᠪᠢᠴᠢᠭ᠍ᠳᠤ᠄ 《ᠰᠦᠯᠳᠡ ᠭᠠᠭᠴᠠᠭᠠᠷ ᠪᠠᠢ᠌ᠭᠰᠠᠨ》 ᠭᠡᠰᠡᠨ ᠡᠴᠠ ᠪᠠᠭᠰᠢ ᠳᠠᠷᠠ ᠳᠠᠷᠤᠢ ᠳ᠋ᠤᠨᠢ ᠨᠠᠳᠠ ᠶᠢ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠳᠠᠭᠤᠳᠠᠪᠠ᠃ ᠨᠠᠳᠠ ᠶᠢ ᠪᠠᠭᠰᠢ ᠶᠢᠨ ᠠᠯᠪᠠᠨ ᠭᠡᠷ ᠤᠨ ᠡᠭᠦᠳᠡ ᠶᠢ ᠳᠤᠭᠰᠢᠨ ᠣᠷᠤᠬᠤ ᠳᠤ ᠪᠠᠭᠰᠢ ᠪᠢᠴᠢᠭ᠍ᠳᠤ ᠶᠢᠨ ᠣᠷᠠᠭᠳᠠᠭᠰᠠᠨ ᠳᠠᠰᠬᠠᠯ ᠤᠨ ᠳᠠᠪᠳᠠᠷ ᠢ ᠮᠢᠨᠤ ᠡᠮᠤᠨᠡ ᠳᠠᠯᠪᠢᠵᠤ ᠦᠨᠳᠦᠷ ᠳᠠᠭᠤᠤ ᠪᠠᠷ᠄ 《ᠭᠡᠨ ᠪᠢᠴᠢᠭ᠍ᠳᠤ ᠶᠢᠨ ᠳᠠᠰᠬᠠᠯ ᠶᠢᠨ ᠤᠨ ᠳᠠᠪᠳᠠᠷ ᠢ ᠣᠷᠠᠭᠰᠠᠨ ᠪᠣᠢ︖》 ᠭᠡᠵᠤ ᠵᠠᠩᠳᠤᠷᠪᠠ᠃ ᠪᠢ ᠳᠤᠳᠤᠷᠠ ᠪᠠᠨ ᠶᠡᠭᠡᠳᠡ ᠭᠠᠢ᠌ᠬᠠᠭᠰᠠᠨ ᠪᠣᠯᠪᠠᠴᠤ ᠨᠢᠭᠡ ᠳᠤ ᠵᠦᠷᠢᠭᠦᠤᠨ ᠵᠠᠩ ᠭᠦᠳᠡᠯᠵᠤ᠂ ᠬᠤᠶᠠᠷ ᠲᠤ ᠪᠠᠭᠰᠢ ᠨᠡᠷ ᠤᠨ ᠳᠠᠭᠤᠤ ᠪᠦᠵᠢᠭ᠌ ᠤᠨ ᠪᠣᠯᠪᠠᠰᠤᠷᠠᠬᠤ ᠠᠩᠭᠢ ᠳᠤ ᠪᠠᠨ ᠣᠷᠤᠭᠤᠯᠤᠭᠰᠠᠨ ᠦᠭᠡᠶ ᠮᠦᠷᠳᠡᠭᠡᠨ ᠮᠠᠨ ᠢ ᠣᠢ᠌ᠰᠢᠶᠠᠬᠤ ᠦᠭᠡᠶ ᠪᠠᠢ᠌ᠬᠤ ᠳᠤ ᠨᠢ ᠥᠰᠢᠶᠡᠷᠭᠡᠵᠤ᠄ 《ᠮᠡᠳᠡᠭᠦ ᠦᠭᠡᠶ》 ᠭᠡᠵᠤ ᠴᠢᠩᠭᠠ ᠰᠢᠭ ᠭᠡᠯᠡᠪᠡ᠃ ᠭᠤᠷᠪᠠᠨ ᠪᠠᠭᠰᠢ ᠨᠠᠳᠠ ᠶᠢ ᠡᠭᠡᠯᠵᠢᠶᠡ ᠪᠠᠷ ᠠᠷᠭᠠᠳᠠᠨᠠ᠂ ᠵᠠᠩᠳᠤᠷᠠᠨᠠ᠃ ᠭᠡᠪᠠᠴᠤ ᠮᠢᠨᠤ ᠠᠮᠠᠨ ᠡᠴᠠ 《ᠮᠡᠳᠡᠭᠦ ᠦᠭᠡᠶ》 ᠭᠡᠰᠡᠨ ᠥᠭᠡ ᠡᠴᠠ ᠪᠣᠰᠤᠳ ᠶᠠᠭᠤ ᠴᠤ ᠣᠯᠤᠭᠠ ᠦᠭᠡᠶ᠃ ᠭᠡᠪᠠᠴᠤ ᠳᠠᠷᠠ ᠡᠳᠦᠷ ᠡᠴᠠ ᠬᠣᠢ᠌ᠰᠢ ᠪᠢ 《ᠭᠡᠷᠡᠭ᠍ᠳᠡᠨ》 ᠪᠣᠯᠵᠤ ᠡᠳᠦᠷ ᠪᠦᠷᠢ ᠪᠠᠭᠰᠢ ᠶᠢᠨ ᠠᠯᠪᠠᠨ ᠭᠡᠷ ᠲᠤ ᠳᠦᠷᠪᠠᠳᠦᠭᠡᠷ ᠪᠠᠭᠰᠢ ᠪᠣᠯᠵᠤ 《ᠠᠵᠢᠯᠯᠠᠬᠤ》 ᠪᠣᠯᠤᠭᠰᠠᠨ ᠶᠤᠮ᠃ ᠡᠨᠡ ᠣᠴᠢᠷ ᠪᠠᠷᠤᠭ ᠨᠢᠭᠡ ᠬᠤᠭᠤᠴᠠᠭᠠ ᠦᠷᠭᠦᠯᠵᠢᠯᠡᠵᠤ᠂ ᠳᠠᠷᠠᠭᠠ ᠬᠤᠭᠤᠴᠠᠭᠠ ᠨᠢ ᠮᠢᠨᠤ ᠠᠪᠠᠭᠠ ᠡᠭᠡᠴᠢ ᠶᠢᠨ ᠭᠦᠤ ᠪᠢᠴᠢᠭ᠍ᠳᠤ ᠲᠡᠶ ᠰᠠᠢ᠌ᠨ ᠨᠠᠢ᠌ᠵᠠ ᠪᠣᠯᠬᠤᠷ ᠳᠡᠭᠦᠨ ᠲᠡᠶ ᠵᠦᠪᠳᠠᠵᠤ ᠪᠠᠢ᠌ᠭᠠᠤᠨ ᠨᠠᠮᠠ ᠶᠢ ᠴᠠᠭᠠᠳᠬᠠᠵᠤ ᠠᠪᠣᠭᠰᠠᠨ ᠡᠴᠠ ᠰᠠᠶᠢ ᠳᠠᠭᠤᠰᠤᠭᠰᠠᠨ ᠶᠤᠮ᠃
ᠳᠠᠷᠠ ᠦᠶᠡ ᠶᠢᠨ ᠮᠢᠨᠤ ᠵᠦᠷᠢᠭᠦᠤᠨ ᠵᠤᠵᠢᠭ ᠵᠠᠩ ᠭᠡᠵᠤ ᠭᠦᠮᠦᠰ ᠢ ᠰᠤᠴᠢᠭᠠᠮᠠ ᠪᠠᠢ᠌ᠭᠰᠠᠨ ᠳ᠋ᠠᠭ᠃ ᠨᠢᠭᠡ ᠣᠳᠠᠭᠠ ᠮᠠᠨ ᠤ ᠪᠠᠭᠰᠢ ᠨᠠᠳᠠ ᠪᠠᠷ ᠮᠤᠩᠭ᠋ᠤᠯ ᠭᠡᠯᠡ ᠣᠩᠰᠢᠭᠤᠯᠬᠤ ᠳᠤ ᠪᠢ ᠮᠦᠨ ᠪᠠᠭᠰᠢ ᠲᠡᠶ ᠥᠰᠢᠶᠡᠷᠭᠡᠵᠤ 《ᠡᠭᠡ ᠣᠯᠤᠰ ᠶᠢᠡᠨ ᠬᠠᠢ᠌ᠷᠠᠯᠠᠵᠤ》 ᠭᠡᠰᠡᠨ ᠥᠭᠦᠯᠡᠪᠦᠷᠢ ᠶᠢᠨ ᠬᠠᠢ᠌ᠷᠠᠯᠠᠵᠤ ᠭᠡᠰᠡᠨ ᠥᠰᠦᠭ᠌ ᠤᠨ ᠰᠡᠭᠦᠯ ᠤᠨ ᠬᠤᠶᠠᠷ ᠦᠶᠡ ᠶᠢ ᠵᠤᠷᠢᠭᠤᠳᠠ ᠰᠠᠯᠭᠠᠵᠤ ᠳᠠᠭᠤ ᠪᠠᠨ ᠥᠡᠳᠦᠷᠵᠢᠭᠦᠯᠵᠤ ᠠᠶᠠ ᠶᠢ ᠨᠢ ᠣᠷᠳᠤᠳᠬᠠᠵᠤ ᠣᠩᠰᠢᠭᠰᠠᠨ ᠴᠢᠨᠢ ᠮᠠᠨ ᠤ ᠭᠢᠳ ᠭᠦᠷᠴᠢᠭᠢᠨᠡᠳᠡᠯᠡ ᠢᠨᠢᠶᠠᠯᠳᠤᠵᠤ ᠭᠠᠷᠪᠠ᠃ ᠪᠠᠭᠰᠢ ᠡᠨᠡ ᠪᠠᠢ᠌ᠳᠠᠯ ᠳᠤ ᠠᠷᠭᠠ ᠪᠠᠨ ᠪᠠᠷᠠᠬᠤ ᠳᠤ ᠪᠠᠨ ᠨᠠᠳᠠ ᠶᠢ 《ᠣᠬᠠᠭᠠᠨ》 ᠲᠡᠶ ᠭᠡᠵᠤ ᠠᠷᠭᠠᠳᠠᠪᠠ᠃
ᠳᠠᠷᠠ ᠦᠶᠡ ᠡᠴᠠ ᠡᠭᠢᠯᠡᠵᠤ ᠪᠢ ᠪᠣᠯᠤᠨ ᠪᠠᠭᠰᠢ 《ᠦᠰᠢᠶᠠᠳᠠᠨ》 ᠪᠣᠯᠤᠭᠰᠠᠨ ᠶᠤᠮ᠃ ᠪᠠᠭᠰᠢ ᠨᠠᠮᠠ ᠶᠢ ᠳᠦᠢᠳᠭᠡᠷ ᠤᠨ ᠡᠵᠡᠨ ᠭᠡᠵᠤ ᠠᠩᠭᠢ ᠶᠢᠨ ᠭᠡᠷ ᠤᠨ ᠵᠡᠭᠦᠨ ᠬᠣᠢ᠌ᠳᠤ ᠪᠣᠯᠤᠩ ᠳᠤ ᠰᠠᠭᠤᠯᠭᠠᠭᠰᠠᠨ ᠴᠢᠨᠢ ᠨᠠᠩ ᠴᠤ ᠪᠠᠷᠠᠯᠠ᠃ ᠪᠢ ᠣᠯᠠᠮ 《ᠳᠤᠭᠰᠢᠷᠠᠵᠤ》 ᠪᠠᠭᠠ ᠯᠠ ᠴᠠᠭ ᠢ ᠠᠠᠳᠠᠯ ᠦᠭᠡᠶ ᠠᠩᠭᠢ ᠶᠢ 《ᠳᠦᠢᠪᠠᠭᠡᠭᠦ》 ᠪᠣᠯᠪᠠ᠃ ᠨᠢᠭᠡᠨ ᠣᠳᠠᠭᠠ ᠪᠢ ᠪᠠᠭᠰᠢ ᠶᠢ ᠳᠠᠯᠪᠠ ᠠᠭᠤᠷᠯᠠᠭᠤᠯᠵᠤ ᠳᠠᠯᠪᠢᠭᠰᠠᠨ ᠡᠴᠠ ᠪᠠᠭᠰᠢ ᠶᠢᠨ ᠬᠤᠭᠤᠯᠠᠢ ᠨᠢ ᠭᠦᠷᠳᠡᠯᠡ ᠴᠠᠴᠠᠷᠭᠢᠯᠠᠵᠤ ᠨᠠᠳᠠ ᠶᠢ ᠵᠢᠭᠠᠵᠤ᠄ 《ᠭᠢᠯᠠᠩ ᠳᠤᠳᠤᠷᠠ ᠰᠠᠭᠤᠭᠠᠤᠨ ᠪᠣᠯᠤᠩ ᠪᠣᠯᠤᠩ (ᠪᠣᠯᠤᠩ ᠪᠣᠯᠤᠨ ᠭᠢᠯᠠᠩ ᠢ ᠰᠤᠯᠢᠵᠠᠢ) ᠭᠡᠳ ᠴᠢ ᠰᠠᠢ᠌ᠨ ᠶᠠᠭᠤᠮᠠ ᠪᠢᠰᠢ᠃ ᠭᠡᠩᠭᠡᠷᠭᠡ ᠶᠢᠨ ᠡᠵᠡᠨ ᠭᠡᠷᠡᠭ᠌ ᠤᠨ ᠳᠤᠭᠢᠭᠤᠷ (ᠭᠡᠩᠭᠡᠷᠭᠡ ᠪᠠ ᠭᠡᠷᠡᠭ᠌ ᠢ ᠰᠤᠯᠢᠵᠠᠢ) ᠴᠢ ᠪᠠᠶᠠ ᠪᠠᠨ ᠮᠠᠳᠠᠪᠠᠯ ᠮᠠᠯ᠂ ᠪᠠᠯᠴᠢᠭᠡᠷ ᠶᠢᠡᠨ ᠳᠠᠨᠢᠪᠠᠯ ᠭᠦᠮᠤᠨ (ᠭᠦᠮᠤᠨ ᠮᠠᠯ ᠢ ᠰᠤᠯᠢᠵᠠᠢ)》 ᠭᠡᠵᠤ ᠵᠠᠩᠳᠤᠷᠬᠤ ᠳᠤ ᠮᠠᠨ ᠤ ᠭᠢᠳ ᠪᠠᠭᠰᠢ ᠶᠢᠨ ᠠᠭᠤᠷᠯᠠᠬᠤ ᠡᠴᠠ ᠠᠶᠤᠭᠰᠠᠨ ᠶᠤᠮ ᠦᠦ᠂ ᠡᠰᠡᠭᠦᠯᠡ ᠠᠩᠬᠠᠷᠤᠭᠰᠠᠨ ᠦᠭᠡᠶ ᠶᠤᠮ ᠦᠦ︖ ᠶᠠᠭᠤ ᠴᠤ ᠭᠡᠰᠡᠨ ᠨᠢᠳᠤ ᠪᠠᠨ ᠳᠤᠳᠣᠢ᠌ᠨ ᠰᠠᠭᠤᠵᠠᠭᠠᠵᠤ ᠯᠠ ᠪᠠᠢ᠌ᠯᠠ᠃ ᠪᠢ ᠭᠡᠵᠤ ᠳᠠᠢ᠌ᠮᠤ ᠣᠴᠢᠷ ᠲᠤ ᠰᠠᠷ ᠭᠡᠪᠠᠯ ᠵᠢᠷ ᠭᠡᠭᠦ ᠶᠢ ᠠᠠᠳᠠᠳᠠᠭ ᠦᠭᠡᠶ ᠠᠮᠢᠳᠠᠨ᠂ ᠪᠠᠭᠰᠢ ᠶᠢᠨ ᠪᠣᠷᠤᠭᠤ ᠭᠡᠯᠡᠭ᠍ᠰᠡᠨ ᠢ ᠰᠤᠨᠤᠰᠮᠠᠭᠴᠠ ᠬᠠᠳᠠᠭᠠᠨᠠᠳᠠᠯᠠ ᠢᠨᠢᠶᠠᠪᠠ᠃ ᠬᠠᠮᠳᠤ ᠨᠥᠭᠦᠤᠨ ᠨᠡᠷ ᠨᠠᠳᠠ ᠶᠢ ᠪᠠᠷᠤᠭ ᠰᠤᠯᠢᠶᠠᠷᠴᠢᠬᠠᠯᠠ ᠭᠡᠵᠤ ᠪᠣᠳᠤᠭᠰᠠᠨ ᠪᠣᠯᠤᠯᠳᠠᠢ ᠨᠠᠳᠠ ᠶᠢ ᠬᠠᠴᠢᠨ ᠬᠠᠷᠠᠴᠠ ᠪᠠᠷ ᠬᠠᠷᠠᠵᠠᠭᠠᠵᠤ ᠪᠠᠢ᠌ᠯᠠ᠃ ᠪᠠᠭᠰᠢ ᠣᠯᠠᠮ ᠴᠠᠴᠠᠷᠳᠠᠯᠠ ᠠᠭᠤᠷᠯᠠᠵᠤ ᠨᠠᠳᠠ ᠶᠢ 《ᠭᠠᠳᠠᠨᠠ ᠭᠠᠷ》 ᠭᠡᠵᠤ ᠵᠠᠩᠳᠤᠪᠠ᠃ ᠡᠭᠦᠨ ᠳᠤ ᠪᠢ᠄ 《ᠪᠠᠭᠰᠢ ᠡ᠂ ᠴᠢ ᠰᠠᠶᠢ ᠪᠣᠷᠤᠭᠤ ᠶᠠᠷᠢᠯᠠ》 ᠭᠡᠭᠦ ᠳᠤ ᠬᠠᠮᠳᠤ ᠨᠥᠭᠦᠤᠨ ᠶᠢᠨ ᠨᠢᠳᠤ ᠪᠦᠷ ᠣᠷᠤᠢ ᠪᠠᠷ ᠶᠢᠡᠨ ᠭᠠᠷᠬᠤ ᠰᠢᠬᠠᠪᠠ᠃ ᠪᠠᠭᠰᠢ ᠶᠡᠭᠡᠯᠡ ᠳᠤᠷᠠᠮᠠᠭᠴᠢᠬᠠᠨ ᠨᠠᠳᠠ ᠣᠷᠤᠭᠤ ᠬᠠᠷᠠᠵᠤ᠄ 《ᠪᠢ ᠬᠠᠮᠢᠭᠠ ᠨᠢ ᠪᠣᠷᠤᠭᠤ ᠶᠠᠷᠢᠭᠰᠠᠨ ᠪᠣᠢ︖ ᠴᠢ ᠭᠡᠯᠡᠵᠤ ᠭᠠᠷᠭᠠᠪᠠᠯ ᠪᠢ ᠴᠢᠮᠠ ᠲᠡᠶ ᠨᠠᠢ᠌ᠵᠠᠯᠠᠶᠠ︕》 ᠭᠡᠨᠡ᠃ ᠪᠢ ᠪᠠᠭᠰᠢ ᠶᠢᠨ ᠰᠠᠶᠢ ᠶᠢᠨ ᠠᠭᠤᠷᠯᠠᠵᠤ ᠭᠡᠯᠡᠭ᠍ᠰᠡᠨ ᠢ ᠳᠠᠷᠠ ᠶᠠᠩᠵᠤ ᠪᠠᠷ ᠨᠢ ᠨᠤᠷᠰᠢᠵᠤ ᠶᠠᠷᠢᠭᠰᠠᠨ ᠴᠢᠨᠢ ᠪᠦᠭᠦ ᠨᠥᠭᠦᠤᠨ ᠳᠦᠷᠴᠢᠭᠢᠨᠠᠳᠠᠯᠠ ᠢᠨᠢᠶᠠᠯᠴᠠᠯᠠ᠃ ᠪᠠᠭᠰᠢ ᠴᠤ ᠢᠨᠢᠶᠡᠴᠢᠭᠡᠯᠡ᠃ ᠪᠠᠭᠰᠢ ᠢᠨᠢᠶᠡᠭ᠍ᠰᠡᠭᠡᠷ ᠮᠢᠨᠤ ᠬᠠᠵᠠᠭᠤ ᠳᠤ ᠢᠷᠡᠭᠡᠳ᠄ 《ᠴᠢᠨᠤ ᠳᠠᠷᠢᠭᠢ ᠦᠨᠡᠨ ᠳᠤ ᠪᠠᠨ ᠲᠤᠢ᠌ᠯ ᠤᠨ ᠰᠡᠷᠭᠡᠭ᠌ ᠪᠠᠢ᠌ᠨᠠ᠃ ᠪᠠᠰᠠ ᠶᠡᠭᠡ ᠠᠯᠢᠶᠠ ᠠᠮᠢᠳᠠᠨ ᠪᠠᠢ᠌ᠨᠠ᠃ ᠡᠭᠦᠨ ᠡᠴᠠ ᠬᠤᠵᠢᠮ ᠭᠢᠴᠢᠶᠠᠯ ᠳᠤ ᠪᠠᠨ ᠰᠢᠮᠳᠠ᠃ ᠰᠠᠢ᠌ᠨ ᠴᠢᠷᠮᠠᠢ᠌ᠪᠠᠯ ᠬᠣᠢ᠌ᠳᠠᠢ ᠡᠳᠦᠷ ᠭᠡᠷᠡᠭ᠍ᠴᠡᠭᠡ ᠲᠡᠶ ᠭᠦᠮᠤᠨ ᠪᠣᠯᠤᠨᠠ᠃ ᠡᠨᠡ ᠮᠠᠳᠤ ᠳᠤᠮᠤᠭᠠ ᠦᠭᠡᠶ ᠠᠭᠠᠰᠢᠯᠠᠭᠠᠤᠨ ᠪᠠᠢ᠌ᠪᠠᠯ ᠰᠠᠮᠵᠠ ᠪᠣᠯᠵᠤ ᠴᠤ ᠮᠠᠳᠠᠨᠡ》 ᠭᠡᠵᠤ ᠰᠤᠷᠭᠠᠬᠤ ᠳᠤ ᠪᠢ᠄ 《ᠪᠢ ᠮᠠᠳᠠᠯᠠ᠂ ᠪᠠᠭᠰᠢ ᠡ︕ ᠭᠦᠮᠤᠨ ᠡᠴᠠ ᠮᠠᠯ ᠪᠣᠯᠬᠤ ᠳᠤ ᠭᠢᠯᠪᠠᠷ᠂ ᠮᠠᠯ ᠡᠴᠠ ᠭᠦᠮᠤᠨ ᠪᠣᠯᠵᠤ ᠭᠡᠵᠢᠶᠡᠳᠡ ᠳᠡᠢ᠌ᠯᠭᠦ ᠦᠭᠡᠶ᠃ ᠳᠠᠢ᠌ᠮᠤ ᠪᠢᠵᠠ︖》 ᠭᠡᠭᠦ ᠳᠤ ᠪᠠᠭᠰᠢ ᠳᠠᠢ᠌ᠮᠤ ᠰᠢᠷᠦᠭᠦᠨ ᠪᠢᠰᠢ ᠬᠠᠷᠠᠴᠠ ᠪᠠᠷ ᠨᠠᠳᠠ ᠶᠢ ᠰᠢᠷᠪᠢᠭᠡᠳ᠄ 《ᠴᠢ ᠯᠠ ᠮᠡᠷᠭᠡᠨ》 ᠭᠡᠯᠡ᠃ ᠳᠡᠭᠦᠨ ᠡᠴᠠ ᠬᠣᠢ᠌ᠰᠢ ᠪᠠᠭᠰᠢ ᠥᠨᠡᠭᠡᠷ ᠨᠠᠳᠠ ᠲᠡᠶ ᠰᠠᠢ᠌ᠨ ᠨᠠᠢ᠌ᠵᠠ ᠪᠣᠯᠤᠭᠰᠠᠨ ᠶᠤᠮ᠃
ᠵᠤᠨ ᠤ ᠨᠢᠭᠡᠨ ᠭᠠᠷᠠᠭ ᠤᠨ ᠨᠢᠭᠡᠨ ᠤ ᠦᠷᠯᠦᠭᠡ ᠪᠢᠳᠠ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠭᠢᠴᠢᠶᠡᠯᠯᠡᠭᠦ ᠪᠠᠷ ᠢᠷᠡᠭ᠍ᠰᠡᠨ ᠳᠤ ᠰᠤᠷᠭᠠᠭᠤᠯᠢ ᠳᠤ ᠳᠤᠮᠤ ᠭᠡᠷᠡᠭ᠌ ᠭᠠᠷᠴᠢᠬᠠᠭᠠᠤᠨ ᠪᠠᠢ᠌ᠯᠠ᠃ ᠠᠢ᠌ᠯ ᠤᠨ ᠠᠯᠢ ᠭᠡᠳᠤᠨ ᠠᠯᠢᠶᠠ ᠵᠠᠯᠠᠭᠤᠴᠤᠳ ᠨᠢ ᠥᠢᠯᠡᠳᠦᠭ᠍ᠰᠡᠨ ᠢ ᠪᠣᠤ ᠮᠠᠳᠠ᠂ ᠮᠠᠨ ᠤ ᠠᠩᠭᠢ ᠶᠢᠨ ᠴᠤᠩᠬᠤ ᠶᠢ ᠡᠪᠳᠡᠵᠤ ᠣᠷᠤᠵᠤ ᠢᠷᠡᠭᠡᠳ᠂ ᠰᠠᠮᠪᠠᠷᠠ ᠳᠡᠭᠡᠷᠡ ᠭᠤᠷᠪᠠᠨ ᠪᠦᠳᠦᠭᠦᠨ ᠡᠷᠡ ᠶᠢ ᠬᠤᠪᠴᠠᠰᠤ ᠬᠤᠨᠠᠷ ᠦᠭᠡᠶ ᠡᠭᠡ ᠡᠴᠠ ᠳᠦᠷᠦᠭ᠍ᠰᠡᠨ ᠪᠠᠶᠠ ᠪᠠᠷ ᠨᠢ ᠵᠢᠷᠤᠴᠢᠬᠠᠭᠠᠤᠨ ᠳᠠᠯᠪᠢᠵᠤ ᠪᠠᠢ᠌ᠯᠠ᠃ ᠮᠠᠨ ᠤ ᠭᠤᠷᠪᠠᠨ ᠡᠮᠡᠭ᠍ᠳᠡᠢ ᠪᠠᠭᠰᠢ ᠪᠦᠷ ᠬᠤᠷᠢᠮᠯᠠᠭᠠ ᠦᠭᠡᠶ ᠬᠤᠷᠢᠨ ᠭᠡᠳᠦᠳᠡᠢ ᠭᠡᠦᠭᠡᠨ ᠭᠦᠮᠤᠨ ᠪᠠᠢ᠌ᠭᠰᠠᠨ ᠶᠤᠮ᠃ ᠳᠡᠭᠦᠨ ᠢ ᠥᠵᠡᠮᠡᠭ᠍ᠴᠡ ᠠᠭᠤᠷᠯᠠᠵᠤ ᠢᠴᠢᠭᠦ ᠬᠤᠤᠰᠯᠠᠭᠠᠤᠨ ᠣᠭᠢᠯᠠᠴᠢᠬᠠᠪᠠ᠃ ᠪᠢ ᠪᠠᠭᠰᠢ ᠶᠢᠨ ᠬᠠᠵᠠᠭᠤ ᠳᠤ ᠭᠦᠷᠦᠭᠡᠳ ᠳᠤᠤᠷᠠ ᠳᠠᠭᠤᠨ ᠶᠢᠡᠷ᠄ 《ᠪᠠᠭᠰᠢ ᠡ᠂ ᠳᠠ ᠪᠢᠳᠡᠭᠡᠢ ᠣᠭᠢᠯᠠ᠃ ᠪᠠᠷᠢᠭᠠᠳᠠ ᠶᠢᠨ ᠳᠠᠷᠤᠭᠠ ᠶᠢ ᠡᠷᠢᠭᠦ ᠦᠭᠡᠶ ᠦᠦ︖》 ᠭᠡᠰᠡᠨ ᠳᠤ ᠪᠠᠭᠰᠢ ᠰᠡᠭᠡᠰᠭᠢᠭ᠍ᠰᠡᠨ ᠪᠣᠯᠤᠯᠳᠠᠢ ᠮᠢᠨᠤ ᠳᠤᠯᠤᠭᠠᠢ ᠶᠢ ᠢᠯᠪᠢᠵᠤ᠂ ᠮᠠᠩᠨᠠᠢ ᠳᠡᠭᠡᠷᠡ ᠱᠤᠪ ᠭᠢᠳᠠᠯᠠ ᠥᠨᠦᠰᠦᠭᠡᠳ ᠪᠠᠷᠢᠭᠠᠳᠠ ᠶᠢᠨ ᠳᠠᠷᠤᠭᠠ ᠳᠤ ᠣᠴᠢᠵᠤ ᠮᠡᠳᠡᠭᠦᠯᠪᠡ᠃
ᠲ᠋ᠠᠷᠠ ᠦᠶᠡ ᠳᠤ 《ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ》 ᠊ᠤᠨ ᠬᠠᠷᠠ ᠰᠢᠭᠤᠷᠭᠠ ᠰᠢᠪᠳᠤᠷᠭᠠᠨ ᠳᠤ ᠪᠠᠨ ᠣᠷᠤᠭᠰᠠᠨ ᠪᠣᠯᠪᠠᠴᠤ ᠵᠠᠷᠢᠮ ᠰᠠᠯᠭᠢ ᠬᠠᠷᠬᠠᠨ ᠨᠠᠮᠳᠠᠭᠠ ᠦᠭᠡᠶ ᠪᠠᠢ᠌ᠭᠰᠠᠨ ᠴᠠᠭ᠂ ᠳᠡᠭᠡᠭᠡᠳ ᠪᠠᠷᠢᠭᠠᠳᠠ ᠶᠢᠨ ᠭᠡᠷ ᠲᠤ ᠣᠷᠤᠢ ᠪᠦᠷᠢ ᠬᠤᠷᠠᠯ ᠨᠡᠭᠡᠭᠡᠵᠤ ᠬᠡᠷᠡᠭ᠍ᠳᠡᠨ ᠢ ᠡᠷᠢᠵᠤ ᠯᠠ ᠪᠠᠢ᠌ᠯᠠ᠃ ᠪᠢ ᠭᠡᠵᠤ ᠶᠠᠭᠤᠮᠠᠨ ᠳᠤ ᠳᠤᠷᠠ ᠲᠡᠶ ᠭᠦᠮᠤᠨ᠃ ᠣᠷᠤᠢ ᠪᠦᠷᠢ ᠭᠡᠷ ᠡᠴᠠ ᠪᠠᠨ ᠭᠤᠯᠭᠤᠵᠤ ᠭᠠᠷᠤᠭᠠᠤᠨ ᠪᠠᠷᠢᠭᠠᠳᠠ ᠶᠢᠨ ᠭᠡᠷ ᠲᠤ ᠭᠦᠷᠴᠤ ᠭᠡᠷᠡᠭ᠍ᠳᠡᠨ ᠨᠢ ᠭᠡᠨ ᠪᠣᠯ ᠭᠡᠵᠤ ᠡᠭᠦᠳᠡ ᠴᠤᠩᠬᠤ ᠪᠠᠷ ᠨᠢ ᠥᠩᠭᠡᠢ᠌ᠨᠡ᠃ ᠳᠡᠭᠡᠭᠡᠳ ᠳᠤᠮᠤᠴᠤᠤᠯ ᠳᠤ ᠰᠡᠷᠡᠭ᠍ᠳᠡᠵᠤ 《ᠶᠠᠭᠤᠮᠠᠨ ᠳᠤ ᠳᠤᠷᠠ ᠲᠡᠶ ᠬᠡᠦᠬᠡᠳ》 ᠭᠡᠵᠤ ᠭᠦᠭᠡᠭᠡᠭ᠍ᠳᠡᠵᠤ ᠭᠦᠳᠦᠯᠦᠭ᠍ᠳᠡᠨᠡ᠃ ᠭᠡᠴᠦᠨᠡᠨ ᠣᠯᠠᠨ ᠡᠳᠦᠷ ᠤᠨ ᠰᠢᠭᠦᠯᠳᠡ ᠪᠠᠷ ᠳᠠᠮᠵᠢᠨ ᠭᠠᠴᠠᠭᠠᠨ ᠳᠠᠷᠤᠭᠠ ᠭᠡᠷᠡᠭ᠍ᠳᠡᠨ ᠶᠢᠡᠨ ᠢᠯᠡᠷᠡᠭᠦᠯᠵᠤ᠂ ᠪᠠᠭᠰᠢ ᠳᠤ ᠮᠢᠨᠢ ᠪᠣᠷᠤᠭᠤ ᠮᠡᠳᠡᠭᠦᠯᠵᠤ᠂ ᠬᠠᠭᠠᠰ ᠵᠢᠯ ᠤᠨ ᠭᠦᠳᠡᠯᠮᠦᠷᠢᠯᠡᠭ᠍ᠰᠡᠨ ᠬᠤᠪᠢ ᠶᠢ ᠨᠢ ᠬᠠᠰᠤᠵᠤ᠂ ᠨᠢᠭᠡ ᠭᠠᠷᠠᠭ ᠳᠡᠭᠡᠷᠮᠡ ᠶᠢᠨ ᠭᠡᠷ ᠲᠤ ᠬᠤᠷᠢᠵᠤ ᠳᠡᠳᠡᠭᠡᠷ ᠭᠡᠷᠡᠭ᠍ᠳᠡᠨ ᠤ ᠶᠠᠯᠠ ᠶᠢ ᠨᠢ ᠪᠠᠷᠭᠠᠪᠠ᠃
ᠳᠠᠷᠠ ᠦᠶᠡ ᠶᠠᠭ ᠣᠯᠤᠰ ᠳᠠᠶᠠᠭᠠᠷ ᠯᠸᠢ ᠹᠧᠩ ᠡᠴᠠ ᠲᠠᠭᠠᠨ ᠰᠤᠷᠤᠯᠴᠠᠬᠤ ᠭᠦᠳᠡᠯᠭᠡᠭᠡᠨ ᠦᠷᠨᠢᠵᠤ ᠪᠠᠢ᠌ᠭᠰᠠᠨ ᠴᠠᠭ ᠶᠤᠮ᠃ ᠪᠢᠳᠠ ᠭᠢᠴᠢᠶᠠᠯ ᠤᠨ ᠪᠢᠴᠢᠭ᠌ ᠡᠴᠠ ᠯᠸᠢ ᠹᠧᠩ ᠠᠪᠠᠭᠠ ᠨᠢᠭᠡ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢ ᠵᠠᠮ ᠭᠠᠳᠤᠯᠠᠭᠤᠯᠤᠭᠰᠠᠨ ᠥᠯᠢᠭᠡᠷ ᠢ ᠰᠤᠷᠴᠠᠢ᠃ ᠪᠠᠭᠰᠢ ᠪᠠᠰᠠ ᠮᠠᠨ ᠳᠤ 《ᠯᠸᠢ ᠹᠧᠩ ᠰᠢᠭ᠌ ᠠᠷᠠᠤᠨ ᠲᠦᠮᠡᠨ ᠳᠤ ᠪᠠᠨ ᠳᠤᠰᠠᠳᠠᠢ ᠭᠦᠮᠤᠨ ᠪᠣᠯᠤᠭᠠᠷᠠᠢ︕》 ᠭᠡᠵᠤ ᠦᠷᠭᠦᠯᠵᠢ ᠵᠠᠭᠢᠵᠤ ᠰᠤᠷᠭᠠᠳᠠᠭ ᠪᠠᠢ᠌ᠭᠰᠠᠨ᠃ ᠪᠢᠳᠠ ᠴᠤ ᠨᠢᠭᠡ ᠭᠦᠭ᠍ᠰᠢᠨ ᠡᠮᠡᠭᠡ ᠣᠯᠵᠤ ᠯᠸᠢ ᠹᠧᠩ ᠰᠢᠭ᠌ ᠵᠠᠮ ᠭᠠᠳᠤᠯᠠᠭᠤᠯᠤᠶᠠ ᠭᠡᠭᠦ ᠳᠤ ᠮᠠᠨ ᠤ ᠭᠦᠳᠡᠭᠡ ᠠᠢ᠌ᠯ ᠳᠤ ᠭᠡᠳᠤᠨ ᠭᠦᠭ᠍ᠰᠢᠨ ᠡᠮᠡᠭᠡ ᠪᠠᠢ᠌ᠨᠠ ᠭᠡᠵᠢ᠃ ᠨᠠᠩ ᠬᠤᠳᠠ ᠰᠢᠭ ᠪᠢᠰᠢ ᠪᠣᠯᠬᠤᠷ ᠵᠠᠮ ᠭᠠᠳᠤᠯᠬᠤ ᠶᠠᠪᠣᠳᠠᠯ ᠳᠤᠩ ᠴᠥᠭᠡᠨ ᠲᠤᠬᠢᠶᠠᠯᠳᠤᠳᠠᠭ ᠡᠴᠠ ᠪᠢᠳᠠᠨ ᠤ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢ ᠵᠠᠮ ᠭᠠᠳᠤᠯᠠᠭᠤᠯᠬᠤ ᠶᠠᠪᠣᠳᠠᠯ ᠨᠢ ᠳᠤᠮᠤ ᠠᠰᠠᠭᠤᠳᠠᠯ ᠪᠣᠯᠵᠠᠢ᠃ ᠪᠢᠳᠠ ᠡᠳᠦᠷ ᠳᠤᠵᠢ ᠭᠦᠭ᠍ᠰᠢᠨ ᠡᠮᠡᠭᠡ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠪᠠᠢ᠌ᠬᠤ ᠶᠢ ᠠᠩᠬᠠᠷᠤᠨᠠ᠃ ᠨᠢᠭᠡ ᠡᠳᠦᠷ ᠵᠤᠯ ᠤᠨ ᠳᠡᠭ᠍ᠷᠢ ᠢᠪᠠᠭᠡᠵᠤ ᠠᠢ᠌ᠯ ᠤᠨ ᠵᠡᠭᠦᠨ ᠡᠮᠤᠨᠡ ᠵᠠᠬᠠ ᠶᠢᠨ ᠭᠦᠭ᠍ᠰᠢᠨ ᠡᠮᠡᠭᠡ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠰᠠᠭᠤᠵᠤ ᠪᠠᠢ᠌ᠬᠤ ᠶᠢ ᠣᠯᠵᠤ ᠬᠠᠷᠠᠮᠠᠭᠴᠠ ᠪᠠᠨ ᠪᠢᠳᠠ ᠭᠡᠳᠦᠭᠦᠯᠡ ᠪᠠᠨ ᠪᠣᠯᠢᠶᠠᠯᠳᠤᠨ ᠭᠦᠶᠦᠵᠤ ᠣᠴᠢᠭᠠᠤᠨ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢ ᠰᠤᠭᠤᠨ ᠡᠴᠠ ᠨᠢ ᠲᠦᠰᠢᠨ ᠪᠣᠰᠬᠠᠵᠤ᠄ 《ᠡᠮᠡᠭᠡ ᠡ᠂ ᠪᠢᠳᠠ ᠴᠢᠮᠠ ᠶᠢ ᠵᠠᠮ ᠭᠠᠳᠤᠯᠠᠭᠤᠯᠵᠤ ᠦᠭᠭᠦᠶᠡ》 ᠭᠡᠵᠤ ᠡᠨᠡ ᠨᠢ ᠭᠡᠯᠡᠳᠡᠯᠡ᠂ ᠳᠠᠷᠠ ᠨᠢ ᠱᠠᠯᠠᠨᠠ᠃ ᠡᠭᠦᠨ ᠳᠤ ᠭᠦᠭ᠍ᠰᠢᠨ ᠡᠮᠡᠭᠡ ᠦᠷᠴᠢᠭᠡᠷ ᠴᠢᠷᠠᠢ ᠳᠤ ᠪᠠᠨ ᠮᠦᠰᠢᠶᠠᠳᠤ ᠪᠢᠯᠬᠠᠭᠤᠯᠤᠭᠰᠠᠭᠠᠷ᠄ 《ᠪᠣᠯᠵᠠᠢ᠂ ᠬᠡᠦᠬᠡᠳ ᠮᠢᠨᠢ》 ᠭᠡᠵᠤ ᠪᠠᠢ᠌ᠳᠠᠯᠠ ᠪᠢᠳᠠ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢ ᠵᠥᠭ᠌ ᠳᠤᠯᠤᠭᠠᠢ ᠮᠡᠳᠡᠭᠦᠯᠦᠯ ᠦᠭᠡᠶ᠂ ᠪᠠᠷᠤᠭ ᠴᠢᠷᠴᠤ ᠡᠭᠦᠷᠦᠭ᠍ᠰᠡᠭᠡᠷ ᠵᠠᠮ ᠢ ᠭᠠᠳᠤᠯᠠᠭᠤᠯᠵᠤ 《ᠡᠭᠦᠷᠭᠡ》 ᠪᠠᠨ ᠠᠮᠵᠢᠯᠳᠠ ᠲᠡᠶ ᠪᠠᠶᠡᠯᠡᠭᠦᠯᠴᠢᠭᠡᠭᠡᠳ ᠭᠦᠭ᠍ᠰᠢᠨ ᠡᠮᠡᠭᠡ ᠮᠠᠨ ᠢ ᠮᠠᠭᠳᠠᠬᠤ ᠪᠠᠢ᠌ᠯᠭᠦᠢ ᠭᠡᠵᠤ ᠪᠣᠳᠤᠭᠰᠠᠨ ᠴᠢᠨᠢ ᠶᠠᠭᠤᠨ ᠤ ᠭᠢᠨᠢ ᠳᠠᠯᠠᠷᠬᠠᠬᠤ ᠪᠣᠢ᠂ ᠭᠦᠭ᠍ᠰᠢᠨ ᠡᠮᠡᠭᠡ ᠶᠡᠭᠡ ᠠᠭᠤᠷᠯᠠᠵᠤ ᠠᠮᠢᠰᠬᠤᠳᠠᠭᠰᠠᠭᠠᠷ᠄ 《ᠡᠨᠡ ᠮᠠᠭᠤ ᠵᠤᠯᠠᠭᠠ ᠤᠳ ᠢ ᠵᠥᠭᠡᠷ᠂ ᠪᠢ ᠰᠠᠶᠢ ᠴᠠᠭᠠᠨᠠ ᠳᠠᠯᠠ ᠡᠴᠠ ᠢᠷᠡᠭᠡᠳ ᠡ᠊ᠨᠳᠡ ᠵᠢᠭᠠᠬᠠᠨ ᠠᠮᠢᠰᠬᠤᠶᠠ ᠭᠡᠵᠤ ᠰᠠᠭᠤᠵᠤ ᠪᠠᠢ᠌ᠳᠠᠯᠠ᠂ ᠡᠨᠡ ᠮᠠᠭᠤ ᠭᠠᠢ᠌ᠬᠠᠯ ᠤᠳ ᠨᠠᠳᠠ ᠶᠢ ᠡᠷᠭᠢᠭᠡᠳ ᠣᠭ ᠤᠨ ᠣᠷᠤᠨ ᠳᠤ ᠠᠪᠴᠢᠷᠠᠭᠠᠤᠨ ᠬᠠᠶᠠᠴᠢᠬᠠᠯᠠ》 ᠭᠡᠨᠡ᠃ ᠪᠢᠳᠠ ᠭᠡᠳᠦᠭᠦᠯᠡ ᠨᠢᠭᠡᠨ ᠨᠢᠭᠡ ᠪᠠᠨ ᠬᠠᠷᠠᠭᠠᠤᠨ ᠭᠡᠯᠡ ᠪᠠᠨ ᠪᠣᠯᠳᠠᠢ᠌ᠯᠭᠠᠵᠤ ᠮᠤᠳᠤᠨ ᠭᠦᠮᠤᠨ ᠪᠣᠯᠪᠠ᠃ ᠠᠢ᠂ ᠳᠠᠷᠠ ᠦᠶᠡ ᠳᠤ ᠭᠦᠭ᠍ᠰᠢᠨ ᠡᠮᠡᠭᠡ ᠡᠷᠢᠭᠡᠳ ᠣᠯᠳᠠᠬᠤ ᠦᠭᠡᠶ 《ᠯᠸᠢ ᠹᠧᠩ》 ᠊ᠢ ᠵᠤᠪᠠᠭᠠᠨᠠ᠃ ᠣᠳᠤ ᠳᠤ ᠭᠦᠭ᠍ᠰᠢᠨ ᠡᠮᠡᠭᠡ ᠣᠯᠠᠰᠢᠷᠠᠬᠤ ᠳᠤ 《ᠯᠸᠢ ᠹᠧᠩ》 ᠬᠠᠷᠢᠨ ᠠᠯᠠᠭᠠ ᠪᠣᠯᠴᠢᠬᠠᠭᠰᠠᠨ ᠢ ᠶᠠᠭᠠᠭᠢᠯᠳᠠᠢ ᠪᠢᠯᠠ ⁈
ᠨᠢᠭᠡ ᠣᠳᠠᠭᠠ ᠪᠢᠳᠠ ᠪᠠᠭᠰᠢ ᠡᠴᠠ ᠯᠸᠢ ᠹᠧᠩ ᠠᠪᠠᠭᠠ ᠡᠪᠦᠭᠡᠨ ᠠᠪᠣ ᠶᠢᠨ ᠪᠠᠶᠠ ᠶᠢ ᠣᠭᠢᠶᠠᠵᠤ ᠦᠭᠭᠦᠭ᠍ᠰᠡᠨ ᠥᠯᠢᠭᠡᠷ ᠢ ᠳᠤᠭᠤᠯᠠᠭᠠᠤᠨ ᠡᠪᠦᠭᠡᠨ ᠠᠪᠣ ᠡᠷᠢᠭᠡᠳ ᠰᠣᠢ᠌ᠤᠨ ᠪᠣᠯᠤᠭᠰᠠᠨ ᠶᠤᠮ᠃ ᠡᠪᠦᠭᠡᠨ ᠠᠪᠣ ᠡᠷᠢᠭᠡᠳ ᠶᠠᠭ ᠣᠯᠬᠤ ᠦᠭᠡᠶ ᠪᠣᠯᠬᠤ ᠳᠤ ᠪᠠᠨ ᠨᠢᠭᠡ ᠨᠢ ᠡᠪᠦᠭᠡᠨ ᠠᠪᠣ ᠪᠣᠯᠵᠤ ᠪᠣᠰᠤᠳ ᠨᠢ 《ᠯᠸᠢ ᠹᠧᠩ》 ᠪᠣᠯᠵᠤ 《ᠡᠪᠦᠭᠡᠨ ᠠᠪᠣ》 ᠵᠢ ᠬᠤᠪᠴᠠᠰᠤ ᠡᠮᠦᠰᠭᠦ ᠵᠠᠪ ᠦᠭᠡᠶ ᠪᠣᠯᠭᠠᠵᠤ 《ᠡᠪᠦᠭᠡᠨ ᠠᠪᠣ》 ᠵᠢᠨ ᠠᠪᠣ ᠪᠠᠷ ᠨᠢ ᠵᠠᠩᠨᠠᠭᠤᠯᠵᠤ ᠪᠠᠢ᠌ᠭᠰᠠᠨ᠃ ᠪᠠᠰᠠ ᠨᠢᠭᠡᠨ ᠣᠳᠠᠭᠠ ᠪᠢᠳᠠ ᠯᠸᠢ ᠹᠧᠩ ᠠᠪᠠᠭᠠ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢᠨ ᠦᠰᠦ ᠶᠢ ᠵᠠᠰᠠᠵᠤ ᠦᠭᠭᠦᠭ᠍ᠰᠡᠨ ᠥᠯᠢᠭᠡᠷ ᠢ ᠰᠤᠷᠤᠭᠠᠤᠨ ᠭᠡᠳᠦᠭᠦᠯᠡ ᠪᠠᠨ ᠡᠵᠢ ᠶᠢᠨ ᠶᠢᠡᠨ ᠬᠠᠢ᠌ᠴᠢ ᠶᠢ ᠬᠤᠯᠠᠭᠠᠢ᠌ᠯᠠᠨ ᠠᠪᠴᠤ ᠵᠡᠭᠦᠨ ᠬᠣᠢ᠌ᠳᠤ ᠭᠡᠷ ᠤᠨ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢᠨ ᠦᠰᠦ ᠶᠢ ᠵᠠᠰᠠᠵᠤ ᠦᠭᠭᠦ ᠪᠠᠷ ᠣᠴᠢᠵᠠᠢ᠃ ᠭᠦᠭ᠍ᠰᠢᠨ ᠡᠮᠡᠭᠡ ᠶᠠᠭ ᠨᠤᠭᠤᠭᠠᠨ ᠬᠠᠰᠢᠶᠠᠨ ᠳᠤ ᠪᠠᠨ ᠡᠪᠠᠰᠤ ᠥᠭ᠍ᠳᠡᠭᠡᠵᠤ ᠪᠠᠢ᠌ᠵᠠᠢ᠃ ᠪᠢᠳᠠ ᠬᠠᠢ᠌ᠴᠢ ᠪᠠᠨ ᠠᠷᠤ ᠳᠤ ᠪᠠᠨ ᠨᠢᠭᠤᠭᠰᠠᠭᠠᠷ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢᠨ ᠵᠠᠬᠠ ᠳᠤ ᠭᠦᠷᠦᠭᠡᠳ ᠢᠷᠡᠭ᠍ᠰᠡᠨ ᠣᠴᠢᠷ ᠶᠢᠡᠨ ᠭᠡᠯᠡᠪᠠᠯ᠂ ᠭᠦᠭ᠍ᠰᠢᠨ ᠡᠮᠡᠭᠡ ᠮᠥᠰᠢᠶᠡᠭ᠍ᠰᠡᠭᠡᠷ᠄ 《ᠵᠠ᠂ ᠬᠡᠦᠬᠡᠳ ᠮᠢᠨᠢ︕ ᠳᠠ ᠨᠡᠷ ᠦᠰᠦ ᠠᠪᠴᠤ ᠴᠢᠳᠠᠨᠠ ᠦᠦ︖》 ᠭᠡᠵᠤ ᠠᠰᠠᠭᠤᠭᠰᠠᠨ ᠳᠤ ᠪᠢᠳᠠ ᠳᠠᠷᠠ ᠳᠠᠷᠤᠢ ᠳᠤ ᠨᠢ 《ᠴᠢᠳᠠᠨᠠ》 ᠭᠡᠵᠤ ᠳᠠᠭᠤ ᠨᠢᠭᠡᠳᠡᠢ ᠬᠠᠷᠢᠭᠤᠯᠪᠠ᠃ ᠭᠦᠭ᠍ᠰᠢᠨ ᠡᠮᠡᠭᠡ ᠵᠦᠪᠰᠢᠶᠠᠷᠠᠨ ᠭᠡᠷ ᠲᠤ ᠪᠠᠨ ᠣᠷᠤᠭᠠᠤᠨ ᠰᠠᠠᠳᠠᠯᠢ ᠳᠤ ᠪᠠᠨ ᠰᠠᠭᠤᠪᠠ᠃ ᠪᠢᠳᠠ ᠥᠯᠢᠭᠡᠷ ᠤᠨ ᠶᠤᠰᠤᠭᠠᠷ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢᠨ ᠦᠰᠦ ᠶᠢ ᠵᠠᠰᠠᠪᠠ᠃ ᠡᠭᠡᠯᠵᠢᠯᠡᠨ ᠵᠠᠰᠠᠭᠰᠠᠭᠠᠷ ᠭᠦᠭ᠍ᠰᠢᠨ ᠡᠮᠡᠭᠡ ᠶᠢᠨ ᠮᠦᠷᠤ ᠳᠠᠪᠠᠭᠰᠠᠨ ᠰᠠᠢ᠌ᠬᠠᠨ ᠭᠡᠵᠢᠭᠡ ᠲᠡᠶ ᠳᠤᠯᠤᠭᠠᠢ ᠶᠢ ᠨᠢ ᠴᠠᠪᠠᠭᠠᠠᠴᠠ ᠶᠢᠨ ᠳᠤᠯᠤᠭᠠᠢ ᠪᠣᠯᠭᠠᠵᠤ ᠳᠠᠯᠪᠢᠭᠠᠤᠨ ᠠᠪᠣ ᠶᠢᠨ ᠶᠢᠡᠨ 《ᠳᠠᠰᠢᠭᠤᠷ ᠳᠠᠩ》 ᠊ᠢ ᠰᠠᠢ᠌ᠨ ᠨᠢᠭᠡ 《ᠠᠮᠰᠠᠭᠰᠠᠨ》 ᠶᠤᠮ᠃
ᠨᠠᠳᠠ ᠶᠢ ᠳᠠᠪᠣᠳᠤᠭᠠᠷ ᠣᠨ ᠤ ᠳᠠᠷᠠ ᠵᠢᠯ ᠮᠠᠨ ᠤ ᠭᠤᠷᠪᠠᠨ ᠪᠠᠭᠰᠢ ᠶᠢᠨ ᠨᠢᠭᠡ ᠨᠢ ᠨᠢᠭᠡᠳᠦᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠠᠵᠢᠯ ᠰᠢᠯᠵᠢᠵᠤ᠂ ᠨᠢᠭᠡ ᠨᠢ ᠠᠢ᠌ᠯ ᠳᠤ ᠪᠠᠨ ᠰᠢᠯᠵᠢᠵᠤ ᠶᠠᠪᠣᠭᠰᠠᠨ ᠡᠴᠠ ᠨᠢᠭᠡ ᠯᠠ ᠡᠮᠡᠭ᠍ᠳᠡᠢ ᠪᠠᠭᠰᠢ ᠬᠤᠴᠤᠷᠠᠪᠠ᠃ ᠳᠡᠭᠡᠭᠡᠳ ᠳᠡᠭ᠍ᠡᠷᠡ ᠱᠠᠳᠤᠨ ᠡᠴᠠ ᠨᠢᠭᠡ ᠡᠷᠡᠭ᠍ᠳᠡᠢ ᠪᠠᠭᠰᠢ ᠳᠤᠭᠢᠷᠠᠭᠤᠯᠵᠤ ᠦᠭᠭᠦᠭ᠍ᠰᠡᠨ ᠶᠤᠮ᠃ ᠳᠠᠷᠠ ᠡᠷᠡᠭ᠍ᠳᠡᠢ ᠪᠠᠭᠰᠢ ᠭᠡᠵᠤ ᠰᠠᠶᠢ ᠬᠤᠷᠢᠨ ᠭᠡᠳᠦᠳᠡᠢ ᠵᠠᠯᠭᠠᠤ ᠪᠠᠢ᠌ᠳᠠᠯᠠ ᠪᠠᠨ ᠳᠤᠯᠤᠭᠠᠢ ᠶᠢᠨ ᠭᠢᠨᠢ ᠦᠰᠦ ᠨᠢ ᠪᠦᠷ ᠬᠠᠯᠴᠠᠭᠠᠢ᠌ᠷᠠᠭᠰᠠᠨ ᠡᠴᠠ ᠭᠦᠮᠦᠰ ᠲᠤ ᠨᠠᠯᠢᠶᠠᠤᠨ ᠡᠪᠦᠭᠡᠵᠢᠶᠡᠷ ᠬᠠᠷᠠᠭᠳᠠᠨᠠ᠃ ᠳᠠᠷᠠ ᠪᠠᠭᠰᠢ ᠮᠠᠨ ᠲᠡᠶ ᠬᠤᠯᠠ ᠶᠢᠨ ᠰᠠᠳᠤᠨ ᠪᠣᠯᠤᠨᠠ ᠭᠡᠨᠡ᠃ ᠳᠠᠷᠠ ᠦᠷᠭᠦᠯᠵᠢ ᠮᠠᠨ ᠤ ᠳᠤ ᠠᠢ᠌ᠯᠴᠢᠯᠠᠵᠤ ᠣᠴᠢᠳᠠᠭ ᠡᠴᠠ ᠨᠠᠳᠠ ᠲᠡᠶ ᠭᠡᠮᠵᠢᠶᠡ ᠦᠭᠡᠶ ᠳᠠᠰᠤᠯᠴᠠᠵᠠᠢ᠃ ᠳᠠᠷᠠ ᠡᠷᠡᠭ᠍ᠳᠡᠢ ᠪᠠᠭᠰᠢ ᠰᠧ᠊ ᠪᠠᠭᠰᠢ ᠰᠢᠭ ᠱᠤᠭ ᠶᠥᠮᠦᠷᠯᠢᠭ᠌ ᠪᠢᠰᠢ᠃ ᠡᠮᠡᠭ᠍ᠳᠡᠢ ᠪᠠᠭᠰᠢ ᠨᠡᠷ ᠰᠢᠭ ᠳᠠᠭᠤᠤ ᠪᠦᠵᠢᠭ᠌ ᠲᠤ ᠪᠠᠨ ᠠᠪᠢᠶᠠᠰ ᠲᠡᠶ ᠴᠤ ᠪᠢᠰᠢ᠃ ᠭᠡᠳᠡᠯᠡ ᠳᠡᠭᠦᠨ ᠤ ᠪᠠᠰᠠ ᠬᠤᠪᠢ ᠶᠢᠨ ᠣᠷᠠ ᠴᠢᠳᠠᠪᠣᠷᠢ ᠪᠠᠢ᠌ᠳᠠᠭ᠃ ᠳᠠᠷᠠ ᠰᠤᠯᠠ ᠰᠡᠯᠡᠭᠦᠤ ᠴᠠᠭ ᠲᠤ ᠪᠠᠨ ᠨᠠᠳᠠ ᠲᠡᠶ ᠦᠷᠭᠦᠯᠵᠢ ᠵᠤᠭᠤᠭᠳᠠᠳᠠᠭ᠃ ᠳᠠᠷᠠ ᠨᠠᠳᠠ ᠳᠤ ᠣᠯᠠᠨ ᠣᠠᠯᠠ ᠡᠷᠳᠡ ᠡᠳᠦᠭᠡᠭᠢ 《ᠭᠡᠷᠡᠭ᠌ ᠢ ᠢᠯᠡᠷᠡᠭᠦᠯᠦᠭ᠍ᠰᠡᠨ ᠥᠯᠢᠭᠡᠷ》 ᠶᠠᠷᠢᠵᠤ ᠥᠭ᠍ᠳᠡᠭ᠌᠃ ᠪᠢ ᠳᠠᠷᠠ ᠦᠶᠡ ᠡᠴᠠ ᠬᠤᠯᠮᠤᠰ ᠭᠡᠰᠡᠨ ᠨᠠᠷᠠ ᠶᠢ ᠰᠤᠨᠤᠰᠤᠭᠰᠠᠨ ᠪᠦᠭᠡᠳ ᠳᠠᠷᠠ ᠪᠠᠭᠰᠢ ᠶᠢ ᠶᠡᠭᠡ ᠣᠯᠠᠨ ᠶᠠᠭᠤᠮᠠ ᠮᠡᠳᠡᠳᠡᠭ᠌ ᠭᠦᠮᠤᠨ ᠭᠡᠵᠤ ᠳᠤᠳᠤᠷᠠ ᠪᠠᠨ ᠪᠢᠰᠢᠷᠡᠳᠡᠭ᠌ ᠪᠣᠯᠪᠠ᠃ ᠪᠢ ᠳᠤᠳᠤᠷᠠ ᠪᠠᠨ ᠡᠨᠡ ᠪᠠᠭᠰᠢ ᠡᠷᠳᠡ ᠢᠡᠷᠭ᠍ᠰᠡᠨ ᠪᠣᠯ ᠮᠠᠨ ᠤ ᠠᠢ᠌ᠯ ᠤᠨ ᠳᠠᠷᠠ ᠭᠡᠳᠤᠨ ᠭᠡᠷᠡᠭ᠍ᠳᠡᠨ ᠢ ᠡᠷᠢᠵᠤ ᠭᠠᠷᠭᠠᠬᠤ ᠳᠤ ᠯᠠᠪ ᠳᠠᠳᠤᠢ ᠣᠳᠠᠬᠤ ᠦᠭᠡᠶ ᠭᠡᠵᠤ ᠢᠳᠡᠭᠡᠨ ᠪᠣᠳᠤᠨᠠ᠃ ᠬᠤᠯᠮᠤᠰ ᠤᠨ ᠳᠤᠬᠠᠢ ᠰᠤᠨᠤᠰᠤᠭᠰᠠᠭᠠᠷ ᠪᠢ ᠬᠤᠵᠢᠮ ᠥᠭᠡᠯᠡᠢ ᠪᠣᠯᠪᠠᠯ ᠬᠤᠯᠮᠤᠰ ᠰᠢᠭ ᠳᠡᠯᠡᠭᠡᠢ ᠳ᠋ᠠᠭᠢᠨ ᠳᠤ ᠨᠠᠷᠠ ᠲᠡᠶ ᠳᠠᠩᠨᠠᠭᠤᠯ ᠪᠣᠯᠤᠶᠠ ᠭᠡᠵᠤ ᠪᠣᠳᠤᠨᠠ᠃ ᠬᠠᠶᠠ ᠵᠠᠷᠢᠮ ᠳᠤ ᠪᠠᠨ ᠠᠢ᠌ᠯ ᠪᠣᠯᠤᠨ ᠰᠤᠷᠭᠠᠭᠤᠯᠢ ᠳᠤ ᠭᠡᠷᠡᠭ᠌ ᠭᠠᠷᠤᠭᠠᠰᠠᠢ ᠭᠡᠵᠤ ᠭᠦᠰᠡᠨᠡ᠃ ᠳᠡᠭᠡᠪᠠᠯ ᠪᠢ ᠬᠤᠯᠮᠤᠰ ᠰᠢᠭ ᠳᠡᠳᠡᠭᠡᠷ ᠭᠡᠷᠡᠭ᠍ᠳᠡᠨ ᠢ ᠳᠠᠩᠨᠠᠨ ᠮᠦᠷᠳᠠᠵᠤ ᠪᠠᠢ᠌ᠭᠠᠤᠨ ᠪᠠᠷᠢᠪᠴᠢᠯᠠᠬᠤ ᠦᠭᠡᠶ ᠦᠦ ᠳ᠋ᠠ ᠭᠡᠵᠤ ᠴᠤ ᠪᠣᠳᠤᠨᠠ᠃ ᠰᠤᠷᠭᠠᠭᠤᠯᠢ ᠳᠤ ᠪᠠᠢ᠌ᠨ ᠪᠠᠢ᠌ᠨ 《ᠭᠡᠷᠡᠭ᠌》 ᠭᠠᠷᠳᠠᠭ ᠪᠣᠯᠪᠠᠴᠤ ᠮᠢᠨᠤ ᠣᠷᠤᠯᠴᠠᠬᠤ ᠵᠠᠪᠰᠢᠶᠠᠨ ᠣᠯᠬᠤ ᠡᠴᠠ ᠡᠮᠤᠨᠡ ᠡᠨᠡ ᠪᠠᠭᠰᠢ ᠰᠢ᠌ᠳᠪᠦᠷᠢᠯᠡᠭᠡᠳ ᠪᠠᠷᠠᠭᠠᠴᠢᠬᠠᠨᠠ᠃ ᠡᠨᠡ ᠪᠠᠭᠰᠢ ᠥᠨᠡᠭᠡᠷ ᠬᠤᠯᠮᠤᠰ ᠰᠢᠭ ᠮᠡᠷᠭᠡᠨ ᠭᠦᠮᠤᠨ ᠪᠣᠯᠴᠢᠬᠠᠭᠠᠤᠨ ᠳᠠᠩᠳᠠ ᠮᠢᠨᠤ ᠣᠷᠮᠠ ᠶᠢ ᠬᠤᠭᠤᠯᠤᠨᠠ᠃
ᠬᠠᠪᠢᠷᠭᠠᠨ ᠰᠠᠷᠠ ᠲᠡᠶ ᠨᠢᠭᠡ ᠰᠦᠨᠢ ᠪᠢ ᠰᠡᠮᠡᠭᠡᠷ ᠪᠣᠰᠴᠤ ᠬᠤᠪᠴᠠᠰᠤᠯᠠᠭᠠᠤᠨ᠂ ᠣᠠᠳᠠᠬᠤ ᠡᠴᠠ ᠪᠠᠨ ᠡᠮᠤᠨᠡ ᠪᠡᠯᠡᠳᠭᠡᠭ᠍ᠰᠡᠨ ᠡᠵᠢ ᠶᠢᠨ ᠬᠠᠢ᠌ᠴᠢ ᠶᠢ ᠠᠪᠴᠤ ᠦᠯᠮᠠᠢ ᠪᠠᠷ ᠶᠢᠡᠨ ᠠᠯᠬᠤᠭᠰᠠᠭᠠᠷ ᠭᠡᠷ ᠡᠴᠠ ᠭᠠᠷᠪᠠ᠃ ᠪᠢ ᠭᠡᠷ ᠡᠴᠠ ᠭᠠᠷᠤᠭᠠᠤᠨ ᠮᠤᠤᠷ ᠰᠢᠭ ᠮᠢᠷᠢᠶᠠᠨ ᠠᠯᠬᠤᠭᠰᠠᠭᠠᠷ ᠪᠠᠷᠠᠭᠤᠨ ᠭᠡᠷ ᠤᠨ ᠠᠪᠠᠭᠠ ᠶᠢᠨ ᠳᠤ ᠭᠦᠷᠴᠤ ᠬᠠᠰᠢᠶᠠᠨ ᠳᠤ ᠨᠢ ᠣᠷᠤᠵᠤ 《ᠨᠤᠮᠤᠬᠠᠨ ᠪᠣᠷᠤ》 ᠵᠢᠨ ᠭᠢᠨᠢ ᠰᠡᠭᠦᠯ ᠢ ᠨᠢ 《ᠱᠤᠪᠳᠤᠩ ᠪᠣᠷᠤ》 ᠪᠣᠯᠳᠠᠯᠠ ᠬᠠᠢ᠌ᠴᠢᠯᠠᠭᠠᠤᠨ ᠡᠮᠤᠨᠡ ᠭᠡᠷ ᠤᠨ ᠭᠦᠮᠤᠨ ᠤ ᠰᠠᠷᠠᠪᠴᠢᠨ ᠳᠤ ᠠᠪᠠᠴᠢᠵᠤ ᠨᠢᠭᠤᠵᠤ ᠳᠠᠯᠪᠢᠭᠠᠤᠨ ᠣᠳᠤ ᠮᠠᠨ ᠤ 《ᠬᠤᠯᠮᠤᠰ》 ᠊ᠤᠨ ᠭᠡᠷᠡᠭ᠌ ᠢᠯᠡᠷᠡᠭᠦᠯᠭᠦ ᠴᠢᠳᠠᠪᠣᠷᠢ ᠶᠢ ᠨᠢ ᠨᠢᠭᠡ ᠦᠵᠡᠶᠠ ᠭᠡᠵᠤ ᠪᠠᠶᠠᠷᠳᠠᠢ᠌ᠬᠠᠨ ᠪᠣᠴᠠᠵᠤ ᠣᠠᠳᠠᠪᠠ᠃
ᠮᠠᠷᠭᠠᠰᠢ ᠨᠢ ᠨᠢᠭᠡ ᠠᠢ᠌ᠯ ᠳᠠᠪᠵᠢᠶᠠᠨ ᠪᠣᠯᠪᠠ᠃ ᠦᠳᠡ ᠶᠢᠨ ᠡᠮᠤᠨᠡ ᠪᠢ ᠳᠤᠳᠤᠷᠠ ᠪᠠᠨ ᠳᠦᠭ᠌ ᠳᠠᠭ ᠲᠡᠶ ᠭᠢᠴᠢᠶᠠᠯ ᠰᠤᠨᠤᠰᠪᠠ᠃ ᠦᠳᠡ ᠳᠤ ᠮᠠᠨ ᠤ 《ᠬᠤᠯᠮᠤᠰ》 ᠨᠠᠳᠠ ᠶᠢ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠳᠠᠭᠤᠳᠠᠪᠠ᠃ ᠮᠠᠨ ᠤ 《ᠬᠤᠯᠮᠤᠰ》 ᠨᠠᠳᠠ ᠶᠢ ᠥᠵᠡᠭᠡᠳ ᠠᠢ᠌ᠯ ᠤᠨ ᠭᠡᠷᠡᠭ᠌ ᠤᠨ ᠳᠤᠬᠠᠢ ᠶᠠᠭᠤ ᠴᠤ ᠶᠠᠷᠢᠭᠰᠠᠨ ᠦᠭᠡᠶ᠂ ᠡᠨᠡ ᠦᠳᠡ ᠳᠤ ᠡ᠊ᠨᠳᠡ ᠬᠤᠭᠤᠯᠠ ᠢᠳᠡᠴᠢᠭᠡ᠂ ᠪᠢ ᠭᠡᠷ ᠲᠤ ᠴᠢᠨᠢ ᠴᠢᠮᠡᠭᠡ ᠭᠡᠯᠡᠭᠦᠯᠴᠢᠭᠡᠭ᠍ᠰᠡᠨ ᠭᠡᠰᠡᠨ ᠳᠤ ᠪᠢ ᠳᠤᠯᠤᠭᠠᠢ ᠳᠤᠭᠢᠪᠠ᠃ ᠦᠳᠡ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠮᠠᠨ ᠤ 《ᠬᠤᠯᠮᠤᠰ》 ᠨᠠᠳᠠ ᠳᠤ ᠣᠯᠠᠨ ᠠᠷᠪᠢᠨ ᠭᠦᠮᠤᠨ ᠪᠣᠯᠬᠤ ᠵᠦᠪ ᠶᠤᠰᠤ ᠶᠢ ᠶᠠᠷᠢᠵᠤ ᠦᠭᠭᠦᠯᠡ᠃ ᠪᠢ ᠣᠬᠠᠮᠰᠠᠷᠠᠨ ᠭᠡᠮᠰᠢᠵᠤ ᠪᠠᠭᠰᠢ ᠳᠤ ᠪᠠᠨ ᠦᠨᠡᠨ ᠶᠢᠡᠨ ᠭᠡᠯᠡᠪᠡ᠃ ᠭᠡᠪᠠᠴᠤ ᠭᠡᠷᠡᠭ᠌ ᠶᠢᠡᠨ ᠳᠠᠳᠠᠴᠢᠬᠠᠭᠠᠤᠨ ᠣᠳᠤ ᠠᠪᠣ ᠳᠤ ᠪᠠᠨ ᠠᠷᠠᠰᠤ ᠪᠠᠨ ᠱᠠᠭᠠᠯᠠᠭᠳᠠᠬᠤ ᠡᠴᠠ ᠶᠡᠭᠡ ᠠᠶᠤᠵᠤ ᠪᠠᠢ᠌ᠬᠤ ᠳᠤ ᠪᠠᠭᠰᠢ ᠮᠠᠨᠢ ᠨᠠᠳᠠ ᠶᠢ ᠳᠠᠭᠠᠭᠤᠯᠵᠤ ᠠᠪᠠᠭᠠ ᠠᠪᠣ ᠶᠢᠨ ᠳᠤ ᠣᠴᠢᠵᠤ ᠪᠣᠷᠤᠭᠤ ᠮᠡᠳᠡᠭᠦᠯᠵᠤ᠂ ᠠᠪᠠᠭᠠ ᠠᠪᠣ ᠲᠡᠶ ᠠᠪᠣ ᠳᠤ ᠣᠴᠢᠵᠤ ᠭᠡᠯᠡᠭᠡᠳ ᠮᠢᠨᠤ 《ᠶᠠᠯᠠ》 ᠵᠢ ᠭᠡᠯᠳᠦᠷᠢᠭᠦᠯᠦᠭ᠍ᠰᠡᠨ ᠶᠤᠮ᠃
ᠣᠨ ᠤ ᠣᠷᠤᠰᠬᠠᠯ ᠮᠠᠰᠢ ᠳᠦᠷᠭᠡᠨ ᠣᠷᠤᠰᠤᠭᠰᠠᠭᠠᠷ᠂ ᠪᠢ ᠴᠢᠨᠢ ᠨᠢᠭᠡᠨᠲᠡ ᠳᠦᠴᠢ ᠶᠢᠨ ᠳᠠᠪᠠᠭᠠ ᠳᠠᠪᠠᠴᠢᠬᠠᠭᠠᠤᠨ ᠶᠠᠪᠣᠵᠤ ᠪᠠᠢ᠌ᠨᠠ᠃ ᠪᠠᠰᠠ ᠪᠠᠭᠰᠢ ᠶᠢᠨ ᠠᠵᠢᠯ ᠭᠢᠭᠡᠳ ᠬᠤᠷᠢ ᠭᠠᠷᠤᠢ ᠵᠢᠯ ᠪᠣᠯᠵᠤ ᠪᠠᠢ᠌ᠨᠠ᠃ ᠨᠢᠭᠡ ᠰᠤᠨᠢᠨ ᠣᠴᠢᠷ ᠭᠡᠪᠠᠯ ᠮᠢᠨᠤ ᠠᠯᠢᠶᠠ ᠰᠤᠷᠤᠭᠴᠢᠳ ᠪᠦᠷ ᠨᠠᠳᠠ ᠲᠡᠶ ᠬᠠᠮᠤᠭ ᠳᠤᠳᠤᠨᠤ ᠨᠠᠢ᠌ᠵᠠ ᠪᠣᠯᠵᠤ᠂ ᠶᠠᠮᠠᠷ ᠣᠴᠢᠷ ᠶᠢᠡᠨ ᠴᠤ ᠨᠢᠭᠤᠯᠳᠠ ᠦᠭᠡᠶ ᠭᠡᠯᠡᠳᠡᠭ᠌ ᠡᠴᠠ ᠠᠩᠭᠢ ᠶᠢᠨ ᠭᠡᠷᠡᠭ᠌ ᠣᠴᠢᠷ ᠰᠢ᠌ᠳᠪᠦᠷᠢᠯᠡᠭᠦ ᠳᠤ ᠶᠡᠭᠡ ᠳᠦᠭᠦᠮ ᠪᠣᠯᠤᠭᠰᠠᠭᠠᠷ ᠢᠷᠡᠭ᠍ᠰᠡᠨ ᠶᠤᠮ᠃
ᠳᠤᠮᠤᠭᠠ ᠦᠭᠡᠶ ᠬᠡᠦᠬᠡᠳ ᠨᠠᠰᠤ ᠡ︕ ᠳᠤᠮᠤᠭ ᠰᠢᠭ ᠪᠠᠭᠠ ᠶᠢᠨ ᠦᠶᠡ ᠡ︕ ᠳᠤᠷᠠᠰᠤᠯ ᠤᠨ ᠳᠡᠭ᠍ᠷᠢ ᠳᠤ ᠮᠢᠨᠢ ᠡᠭᠦᠯᠡᠰ ᠰᠢᠭ᠌ ᠬᠠᠶᠠ ᠢᠷᠠᠵᠤ ᠬᠠᠶᠠ ᠪᠣᠴᠠᠨᠠ᠃
ᠬᠡᠦᠬᠡᠳ ᠨᠠᠰᠤᠨ ᠤ ᠳᠠᠷᠠ ᠦᠶᠡ ᠳᠤ ᠭᠦᠴᠤ ᠪᠠᠨ ᠰᠢᠪᠬᠠᠵᠤ᠂ ᠭᠦᠯᠦᠰᠤ ᠪᠠᠨ ᠣᠷᠤᠰᠬᠠᠵᠤ᠂ ᠭᠦᠴᠢᠷ ᠢ ᠳᠤᠭᠤᠯᠠᠭᠰᠠᠨ ᠪᠠᠭᠰᠢᠨᠠᠷ ᠮᠢᠨᠢ ᠡ︕ ᠭᠡᠭᠦᠳᠡᠭ᠌ ᠴᠡᠭᠡᠵᠢᠨ ᠳᠤ ᠮᠥᠩᠭᠡ ᠶᠢᠨ ᠭᠦᠰᠢᠶᠡ ᠪᠣᠯᠵᠤ ᠰᠡᠭᠦᠢᠨᠡ᠃
ᠠᠯᠢᠶᠠ ᠭᠦᠤ ᠪᠠᠨ ᠦᠷᠤᠴᠠᠨ ᠳᠤ ᠪᠠᠨ ᠪᠦᠪᠠᠢ᠌ᠯᠠᠵᠤ᠂ ᠠᠯᠳᠠᠨ ᠰᠤᠶᠤᠯ ᠢ ᠠᠩᠬᠠ ᠨᠢᠳᠦᠯᠡᠭᠦᠯᠦᠭ᠍ᠰᠡᠨ ᠠᠢ᠌ᠯ ᠤᠨ ᠮᠢᠨᠢ ᠰᠤᠷᠭᠠᠭᠤᠯᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠪᠳᠠᠢ᠌ᠭᠰᠠᠨ ᠰᠢᠪᠠᠷ ᠪᠠᠢ᠌ᠰᠢᠩ ᠠᠯᠠᠭ ᠨᠢᠳᠤᠨ ᠳᠤ ᠠᠭᠢᠨ ᠳᠠᠭᠢᠨ ᠪᠦᠷᠳᠦᠯᠵᠡᠨᠡ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠵᠢᠷᠢᠮ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠦᠩ ᠳᠢᠶᠧ ᠯᠦᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6182
ᠴᠠᠭ᠄ 2011 ᠤᠨ ᠤ 02 ᠰᠠᠷᠠ ᠶᠢᠨ 25
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ