☆ ᠳ᠋·ᠪᠦᠷᠢᠨᠲᠤᠭᠲᠠᠬᠤ
ᠨᠠᠮᠤᠷ ᠤᠨ ᠴᠢᠮᠡᠭᠡ
ᠪᠢ ᠭᠦᠨ ᠰᠢᠷᠭᠠᠯ ᠨᠠᠮᠤᠷ ᠤᠨ ᠳᠤᠳᠤᠷᠠ ᠵᠤᠭᠰᠤᠨᠠ᠃
ᠬᠠᠵᠠᠭᠤ ᠳᠤ ᠮᠢᠨᠢ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠴᠡᠴᠡᠭᠡᠰ
ᠬᠤᠯᠠᠳᠠᠵᠤ ᠪᠠᠢ᠌ᠭᠠ ᠨᠠᠷᠠᠨ ᠤ ᠭᠡᠷᠡᠯ ᠢ ᠵᠠᠪᠳᠤᠵᠤ ᠢᠳᠠ ᠮᠠᠳᠠᠨ ᠳᠡᠯᠭᠡᠷᠡᠨᠡ᠃
ᠠᠭᠤᠯᠠᠰ ᠤᠨ ᠪᠠᠷᠠ ᠤᠢ᠌ᠷᠡ ᠡᠴᠡ ᠬᠤᠯᠠ ᠳᠠᠪᠬᠤᠷ ᠳᠠᠪᠬᠤᠷ ᠴᠡᠩᠭᠡᠷᠯᠡᠨ
ᠠᠶᠠᠷᠬᠠᠨ ᠨᠡᠭᠦᠭᠦ ᠡᠭᠦᠯᠡᠰ ᠤᠨ ᠳᠤᠤᠭᠤᠷ ᠬᠤᠨ ᠤ ᠰᠦᠷᠦᠭ᠌ ᠵᠢᠵᠢᠭ᠍ᠷᠡᠨᠡ
ᠨᠤᠳᠤᠭ ᠣᠰᠤ ᠬᠠᠢ᠌ᠷᠠᠳᠠᠢ ᠭᠦᠮᠦᠰ ᠰᠡᠳᠭᠢᠯ ᠳᠤ ᠡᠷᠭᠡ ᠦᠭᠡᠶ ᠪᠣᠳᠤᠭᠳᠠᠨ
ᠣᠶᠠᠷᠠᠭᠤᠨ ᠰᠠᠢ᠌ᠬᠠᠨ ᠣᠷᠳᠤ ᠶᠢᠨ ᠨᠢᠭᠡ ᠳᠠᠭᠤᠤ ᠵᠢᠷᠦᠭᠡᠨ ᠳᠤ ᠰᠤᠨᠤᠷᠳᠠᠨᠠ
ᠪᠢ ᠭᠦᠨ ᠰᠢᠷᠭᠠᠯ ᠨᠠᠮᠤᠷ ᠤᠨ ᠳᠤᠳᠤᠷᠠ ᠵᠤᠭᠰᠤᠨᠠ
ᠬᠠᠳᠤᠯᠠᠩ ᠤᠨ ᠭᠦᠨ ᠡᠴᠡ ᠡᠪᠠᠰᠤᠨ ᠤ ᠦᠨᠦᠷ ᠠᠩᠭᠢᠯᠤᠨᠠ
ᠬᠠᠯᠠᠭᠤᠨ ᠳᠤ ᠪᠦᠭᠡᠮᠨᠡᠷᠡᠳᠡᠭ᠌ ᠬᠤᠨᠢᠳ ᠵᠢᠪᠠᠷ ᠪᠠᠷᠢᠵᠤ ᠳᠠᠷᠬᠠᠨᠠ
ᠬᠠᠮᠢᠭᠠ ᠬᠤᠯᠠ ᠡᠴᠡ ᠪᠠᠯᠴᠢᠭᠡᠷ ᠶᠢᠡᠨ ᠰᠠᠨᠠᠵᠤ ᠠᠳᠤᠭᠤ ᠡᠷᠭᠢᠨᠡ
ᠬᠠᠷᠢ ᠳᠤ ᠮᠤᠷᠳᠠᠭᠰᠠᠨ ᠭᠡᠦᠭᠡᠨ ᠳᠦᠷᠭᠦᠮ ᠡᠷᠢᠵᠤ ᠨᠢᠯᠪᠣᠰᠤ ᠪᠠᠨ ᠠᠷᠴᠢᠨᠠ
ᠬᠠᠮᠤᠭ ᠳᠦᠷᠦᠭᠦᠤ ᠪᠠᠨ ᠪᠦᠭᠦᠢᠭ᠍ᠰᠡᠨ ᠨᠠᠷᠢᠮᠤ ᠶᠢᠨ ᠳᠠᠷᠢᠶᠠ
ᠬᠠᠢ᠌ᠷᠠᠳᠠᠢ ᠬᠠᠷᠠ ᠰᠢᠷᠤᠢ ᠲᠡᠶ ᠪᠠᠨ ᠰᠠᠮ ᠶᠠᠷᠢᠯᠴᠠᠨᠠ
ᠪᠢ ᠭᠦᠨ ᠰᠢᠷᠭᠠᠯ ᠨᠠᠮᠤᠷ ᠤᠨ ᠳᠤᠮᠳᠠ ᠵᠤᠭᠰᠤᠨᠠ
ᠡᠵᠢ ᠶᠢᠨ ᠬᠠᠳᠠᠭᠠᠭᠰᠠᠨ ᠬᠤᠷᠤᠳ ᠡᠴᠡ ᠳᠤᠰᠤ ᠳᠠᠭᠠᠭᠠᠪᠣᠷᠢᠯᠠᠨᠠ
ᠡᠷᠭᠢᠴᠡᠭᠦᠯᠦᠯ ᠤᠨ ᠳᠤᠮᠳᠠ ᠪᠠᠭᠠ ᠨᠠᠰᠤ ᠮᠢᠨᠢ ᠪᠣᠳᠤᠭᠳᠠᠨᠠ
ᠣᠯᠠᠪᠣᠷ ᠨᠠᠪᠴᠢ ᠮᠢᠨᠤ ᠳᠡᠭᠡᠷᠡ ᠡᠴᠡ ᠠᠶᠠᠷᠬᠠᠨ ᠣᠨᠠᠨᠠ
ᠣᠨ ᠣᠨ ᠤ ᠰᠠᠢ᠌ᠬᠠᠨ ᠳᠤᠷᠠᠳᠬᠠᠯ ᠨᠠᠰᠤ ᠳᠠᠷᠤᠵᠤ ᠦᠯᠠᠳᠠᠨᠠ
ᠣᠭᠤᠷᠠᠭ ᠴᠠᠭᠠᠨ ᠰᠠᠷᠠ ᠨᠠᠳᠠ ᠭᠡᠷᠡᠯ ᠶᠢᠡᠨ ᠦᠭᠭᠦᠨᠡ
ᠣᠰᠤᠨ ᠤ ᠣᠯᠠᠨ ᠰᠢᠪᠠᠭᠤᠳ ᠨᠠᠳᠠ ᠦᠳᠦ ᠪᠠᠨ ᠥᠯᠡᠳᠡᠭᠡᠨᠡ
ᠪᠢ ᠰᠢᠷᠭᠠᠯ ᠨᠠᠮᠤᠷ ᠤᠨ ᠳᠤᠮᠳᠠ ᠵᠤᠭᠰᠤᠨᠠ
ᠨᠠᠷᠠᠨ ᠤ ᠡᠴᠦᠰ ᠤᠨ ᠳᠤᠶᠠᠭᠠ ᠪᠠᠷ ᠴᠢ ᠮᠢᠨᠢ ᠨᠠᠰᠢ ᠪᠠᠨ ᠢᠷᠠᠨᠠ
ᠨᠠᠮ ᠨᠠᠮᠵᠢᠭᠤᠬᠠᠨ ᠶᠢᠡᠷ ᠪᠢ ᠴᠢᠮᠠ ᠪᠠᠨ ᠭᠦᠯᠢᠶᠡᠨᠡ
ᠨᠠᠯᠠᠭᠠᠷ ᠪᠠᠭᠠᠷᠢᠨ ᠨᠢᠭᠡᠯᠡ ᠰᠠᠢ᠌ᠬᠠᠨ ᠭᠤᠪᠠᠢ᠌ᠷᠠᠵᠤ
ᠨᠠᠮᠤᠷ ᠶᠢᠨ ᠵᠡᠭᠦᠳᠤ ᠶᠢ ᠭᠦᠡᠳᠡᠵᠤ ᠭᠦᠷᠡᠩ ᠠᠯᠮᠤᠷᠠᠤᠨ ᠨᠢ ᠣᠨᠠᠨᠠ
ᠨᠠᠮᠤᠷ ᠶᠢᠡᠨ ᠳᠠᠭᠤᠯᠠᠵᠤ ᠭᠦᠭᠡᠷᠦᠭᠦᠨ ᠭᠤᠯᠢᠶᠠ ᠨᠢ ᠵᠢᠷᠭᠢᠨᠠ
ᠪᠢ ᠰᠢᠷᠭᠠᠯ ᠨᠠᠮᠤᠷ ᠤᠨ ᠳᠤᠮᠳᠠ ᠵᠤᠭᠰᠤᠨᠠ
ᠨᠠᠮᠤᠷ ᠰᠢᠭ᠌ ᠭᠤᠶᠤ ᠢᠷᠠᠭᠤ ᠨᠠᠢ᠌ᠷᠠᠭ ᠰᠠᠳᠭᠢᠵᠤ
ᠠᠮᠢᠳᠤᠷᠠᠯ ᠤᠨ ᠰᠠᠢ᠌ᠬᠠᠨ ᠳᠤ ᠳᠤᠭᠳᠤᠯᠤᠨᠠ ᠡ ᠁
2011 ᠣᠨ ᠤ ᠨᠠᠮᠤᠷ
ᠵᠤᠬᠢᠶᠠᠭᠴᠢ᠄ ᠳ᠋·ᠪᠦᠷᠢᠨᠲᠤᠭᠲᠠᠬᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2609
ᠴᠠᠭ᠄ 2011 ᠤᠨ ᠤ 09 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ