☆ ᠥᠭᠡᠯᠡᠳ·ᠵᠠᠮᠰᠠ
ᠨᠠᠢ᠌ᠷᠠᠯᠳᠤ ᠲᠦᠪ ᠬᠠᠭᠠᠨ ᠡᠴᠠ ᠳᠤᠷᠭᠤᠳ ᠤᠨ ᠬᠠᠭᠠᠨ ᠳᠤ ᠶᠠᠪᠣᠭᠤᠯᠤᠭᠰᠠᠨ ᠪᠢᠴᠢᠭ᠌
ᠮᠡᠲ᠋ᠸᠷᠢᠶᠡᠯ
ᠲ᠋ᠡᠭ᠍ᠷᠢ ᠶᠢᠨ ᠪᠣᠱᠤᠭ ᠶᠢᠡᠷ ᠴᠠᠭ ᠢ ᠡᠵᠡᠯᠡᠭ᠍ᠰᠡᠨ ᠬᠤᠸᠠᠩᠳᠢ ᠶᠢᠨ ᠵᠠᠷᠯᠢᠭ᠂ ᠳᠤᠷᠭᠤᠳ ᠤᠨ ᠬᠠᠨ ᠮᠠᠠᠳᠤ ᠪᠣᠶᠤ︖
ᠣᠷᠢᠳᠠ ᠠᠶᠤᠭᠢ ᠬᠠᠨ᠂ ᠮᠢᠨᠤ ᠱᠸᠩᠵᠤ ᠬᠠᠭᠠᠨ ᠡᠴᠢᠭᠡ ᠶᠢᠨ ᠦᠷᠤᠰᠢᠶᠠᠯ ᠰᠤᠶᠤᠯ ᠢ ᠭᠦᠰᠡᠵᠤ᠂ ᠴᠢᠩ ᠨᠤᠳᠠ ᠦᠨᠡᠨ ᠰᠠᠨᠠᠭᠠ ᠪᠠᠷ ᠣᠷᠤᠰ ᠤᠨ ᠵᠠᠮ ᠶᠢᠡᠷ ᠡᠯᠴᠢ ᠵᠠᠷᠤᠵᠤ ᠪᠢᠴᠢᠭ᠌ ᠠᠢ᠌ᠯᠠᠳᠬᠠᠨ ᠠᠮᠤᠭᠤᠯᠠᠩ ᠢ ᠡᠷᠢᠨ᠂ ᠭᠠᠵᠠᠷ ᠡᠴᠡᠭᠡᠨ ᠭᠠᠷᠤᠭᠰᠠᠨ ᠶᠠᠭᠤᠮᠠ ᠶᠢ ᠪᠠᠯᠡᠭ᠌ ᠪᠠᠷᠢᠷᠠ ᠢᠯᠡᠭᠡᠭ᠍ᠰᠡᠨ ᠢ ᠱᠸᠩᠽᠤ ᠬᠠᠭᠠᠨ ᠡᠴᠢᠭᠡ ᠭᠡᠭᠡᠨ ᠳᠡᠭᠡᠨ ᠠᠢ᠌ᠯᠠᠳᠴᠤ ᠰᠠᠢ᠌ᠰᠢᠶᠠᠵᠤ᠂ ᠳᠤᠰᠠᠯᠠᠨ ᠡᠯᠴᠢ ᠵᠠᠷᠤᠵᠤ ᠭᠡᠰᠢᠭ᠌ ᠭᠦᠷᠳᠡᠭᠦᠯᠤᠨ ᠰᠠᠢ᠌ᠨ ᠢ ᠢᠨᠤ ᠠᠰᠠᠭᠤᠷᠠ ᠢᠯᠡᠭᠡᠭ᠍ᠰᠡᠨ ᠶᠠᠪᠣᠳᠠᠯ ᠪᠣᠢ ᠠᠮᠤᠢ᠃ ᠳᠠᠷᠠ ᠴᠠᠭ ᠲᠤᠷ ᠠᠶᠤᠭᠢ ᠬᠠᠨ ᠣᠷᠤᠰ ᠡᠴᠠ ᠵᠠᠮ ᠡᠷᠢᠵᠤ᠂ ᠵᠢᠴᠢ ᠡᠯᠴᠢ ᠵᠠᠷᠤᠰᠤᠭᠠᠢ ᠭᠡᠮᠡᠭ᠍ᠰᠡᠨ ᠪᠦᠯᠦᠭᠡ᠃ ᠡᠰᠡᠪᠠᠰᠤ ᠵᠡᠭᠦᠨ ᠭᠠᠷ ᠲᠤᠷ ᠪᠣᠭᠤᠭᠳᠠᠵᠤ ᠵᠠᠮ ᠳᠤᠭᠤᠯᠬᠤ ᠦᠭᠡᠶ᠂ ᠡᠰᠡᠪᠠᠰᠤ ᠣᠷᠤᠰ ᠡᠴᠠ ᠵᠠᠮ ᠡᠷᠢᠵᠤ ᠡᠰᠡ ᠣᠯᠤᠭᠰᠠᠨ ᠢ ᠴᠦᠮ ᠪᠣᠯᠵᠢᠵᠤ ᠦᠯᠦ ᠪᠣᠯᠤᠮᠤᠢ᠃
ᠲ᠋ᠠᠨ ᠤ ᠳᠤᠷᠭᠤᠳ ᠠᠢ᠌ᠮᠠᠭ ᠭᠡᠳᠦᠢ ᠦᠰᠦᠳ ᠬᠤᠯᠠ ᠵᠠᠬᠠ ᠳᠤᠷ ᠰᠠᠭᠤᠪᠠᠴᠤ᠂ ᠢᠵᠠᠭᠤᠷ ᠡᠴᠠ ᠲᠦᠯᠢᠶᠠᠨ ᠨᠠᠢ᠌ᠷᠠᠯᠳᠤ ᠰᠠᠢ᠌ᠨ ᠭᠡᠷᠡᠭ᠌ ᠢ ᠶᠠᠪᠣᠬᠤᠢ ᠳᠤᠷ ᠳᠤᠷᠠᠳᠠᠢ ᠣᠯᠤᠰ᠂ ᠦᠨᠡᠨ ᠰᠠᠨᠠᠭᠠᠨ ᠢ ᠭᠠᠷᠭᠠᠵᠤ ᠬᠤᠯᠠ ᠭᠠᠵᠠᠷ ᠡᠴᠠ ᠴᠢᠩ ᠦᠨᠡᠨ ᠶᠢᠡᠷ ᠠᠮᠤᠭᠤᠯᠠᠩ ᠢ ᠡᠷᠢᠵᠤ ᠶᠠᠪᠣᠭᠰᠠᠨ ᠢ ᠢᠨᠤ ᠱᠸᠩᠽᠤ ᠬᠠᠭᠠᠨ ᠡᠴᠢᠭᠡ ᠠᠢ᠌ᠯᠠᠳᠴᠤ᠂ ᠳᠠᠨ ᠤ ᠠᠽᠠᠷ ᠮᠠᠮᠤᠳ ᠤᠨ ᠭᠦᠪᠠᠭᠦᠨ ᠠᠷᠠᠪᠵᠤᠷ ᠦᠪᠡᠷ ᠤᠨ ᠡᠭᠡ ᠯᠤᠭᠡ ᠬᠠᠮᠳᠤ ᠪᠠᠷᠠᠭᠤᠨ ᠲᠦᠪᠡᠳ ᠲᠤᠷ ᠮᠦᠷᠭᠦᠷᠡ ᠢᠷᠠᠵᠤ ᠬᠠᠷᠢᠵᠤ ᠣᠳᠬᠤᠢ ᠳᠤᠷ᠂ ᠽᠸᠸᠠᠩ ᠷᠠᠪᠳᠠᠨ ᠳᠤᠷ ᠪᠣᠭᠤᠭᠳᠠᠵᠤ ᠣᠳᠴᠤ ᠪᠣᠯᠬᠤ ᠦᠭᠡᠶ ᠣᠴᠢᠷ ᠢ ᠨᠢᠭᠦᠯᠡᠰᠤᠨ ᠦᠷᠤᠰᠢᠶᠠᠵᠤ᠂ ᠥᠪᠠᠳᠡᠭ᠍ᠰᠢ ᠨᠢᠭᠤᠷᠳᠠᠢ ᠪᠣᠯᠭᠠᠨ ᠪᠠᠢ᠌ᠰᠠ ᠡᠷᠭᠦᠮᠵᠢᠯᠡᠵᠤ᠂ ᠦᠷᠭᠦᠯᠵᠢ ᠭᠡᠰᠢᠭ᠌ ᠭᠦᠷᠳᠡᠭᠦᠯᠤᠨ ᠭᠦᠮᠦᠵᠢᠭᠦᠯᠵᠤ ᠦᠪᠡᠷᠠ ᠳᠡᠵᠢᠭᠡᠵᠤ ᠰᠠᠭᠤᠯᠭᠠᠵᠤᠬᠤᠢ᠃ ᠪᠠᠰᠠ ᠺᠦᠮᠠᠩ ᠪᠯᠠᠮᠠ ᠶᠢᠨ ᠱᠠᠪᠢᠨᠠᠷ ᠳᠠᠩᠭ᠋ᠤᠳ ᠲᠤᠷ ᠡᠵᠡᠯᠡᠭ᠍ᠳᠡᠵᠤ ᠬᠣᠢ᠌ᠰᠢ ᠬᠠᠷᠢᠵᠤ ᠪᠣᠯᠬᠤ ᠦᠭᠡᠶ ᠶᠢᠨ ᠳᠤᠯᠠᠳᠠ᠂ ᠴᠦᠮ ᠬᠤᠷᠢᠶᠠᠭᠠᠤᠨ ᠭᠡᠰᠢᠭ᠌ ᠭᠦᠷᠳᠡᠭᠦᠯᠤᠨ ᠳᠡᠵᠢᠭᠡᠪᠠᠢ᠃ ᠵᠡᠭᠦᠨ ᠭᠠᠷ ᠡᠴᠠ ᠣᠯᠵᠠᠯᠠᠵᠤ ᠠᠪᠴᠤ ᠢᠷᠡᠭ᠍ᠰᠡᠨ ᠳᠤᠷᠭᠤᠳ ᠤᠨ ᠠᠷᠠᠤᠨ ᠢ ᠴᠦᠮ ᠦᠪᠡᠷ ᠤᠨ ᠠᠢ᠌ᠮᠠᠭ ᠲᠤᠷ ᠨᠡᠢ᠌ᠯᠡᠭᠦᠯᠵᠤ ᠭᠡᠰᠢᠭ᠌ ᠭᠦᠷᠳᠡᠭᠡᠨ ᠳᠡᠵᠢᠭᠡᠵᠦᠭᠦᠢ᠃
ᠰᠤᠨᠤᠰᠪᠠᠰᠤ ᠠᠶᠤᠭᠢ ᠬᠠᠨ ᠥᠩᠭᠡᠷᠡᠪᠠᠢ ᠭᠡᠮᠡᠮᠦᠢ᠃ ᠮᠠᠨ ᠤ ᠳᠤᠮᠳᠠᠳᠤ ᠣᠯᠤᠰ ᠠᠯᠢᠪᠠ ᠣᠯᠤᠰ ᠭᠢᠴᠢᠶᠡᠩᠭᠦᠢ ᠠᠶᠠ ᠪᠠᠷ ᠶᠠᠪᠣᠭᠴᠢᠳ ᠢ ᠰᠠᠢ᠌ᠰᠢᠶᠠᠵᠤ ᠦᠷᠤᠰᠢᠶᠠᠨ ᠦᠵᠡᠮᠤᠢ᠃ ᠡᠳᠦᠭᠡ ᠪᠢ ᠶᠡᠭᠡ ᠰᠠᠭᠤᠷᠢᠨ ᠳᠤᠷ ᠰᠠᠭᠤᠪᠠᠢ ᠢᠵᠠᠭᠤᠷ ᠡᠴᠠ ᠠᠶᠤᠭᠢ ᠬᠠᠨ ᠴᠢᠩ ᠨᠤᠳᠠ ᠦᠨᠡᠨ ᠰᠠᠨᠠᠭᠠ ᠪᠠᠷ ᠮᠢᠨᠤ ᠱᠸᠩᠽᠤ ᠬᠠᠭᠠᠨ ᠡᠴᠢᠭᠡ ᠶᠢᠨ ᠠᠮᠤᠭᠤᠯᠠᠩ ᠢ ᠡᠷᠢᠵᠤ ᠶᠠᠪᠣᠭᠰᠠᠨ ᠶᠠᠪᠣᠳᠠᠯ ᠪᠦᠭᠦᠢ ᠶᠢᠨ ᠳᠤᠯᠠᠳᠠ᠂ ᠪᠢ ᠰᠠᠢ᠌ᠰᠢᠶᠠᠨ ᠰᠠᠨᠠᠵᠤ ᠳᠤᠷᠭᠤᠳ ᠤᠨ ᠬᠠᠨ ᠴᠢᠨᠤ ᠰᠠᠢ᠌ᠨ ᠢ ᠠᠰᠠᠭᠤᠶᠠ᠂ ᠡᠯᠴᠢ ᠮᠠᠢ᠌ᠷᠠᠨ ᠢ ᠵᠠᠩᠭᠢ ᠠᠭᠰᠠᠨ ᠮᠠᠠᠳᠠᠢ᠂ ᠮᠠᠢ᠌ᠷᠠᠨ ᠤ ᠵᠠᠩᠭᠢ ᠠᠭᠰᠠᠨ ᠪᠣᠳᠠᠰᠢ᠂ ᠮᠠᠢ᠌ᠷᠠᠨ ᠤ ᠵᠠᠩᠭᠢ ᠠᠭᠰᠠᠨ ᠶᠢ ᠵᠠᠷᠤᠪᠠᠢ᠃ ᠪᠣᠰᠤ ᠥᠭᠡ ᠵᠠᠷᠤᠭᠰᠠᠨ ᠡᠯᠴᠢ ᠶᠢᠨ ᠠᠮᠠᠨ ᠳᠤᠷ ᠪᠣᠢ᠃
ᠲ᠋ᠤᠰᠯᠠᠨ ᠪᠠᠭᠤᠯᠬᠠᠪᠠᠢ᠃
ᠨᠠᠢ᠌ᠷᠠᠯᠳᠤ ᠲᠦᠪ ᠤᠨ ᠳᠤᠯᠤᠳᠤᠭᠠᠷ (1729) ᠣᠨ᠂ ᠵᠤᠨ ᠤ ᠳᠤᠮᠳᠠᠳᠤ ᠰᠠᠷᠠ ᠶᠢᠨ ᠠᠷᠪᠠᠨ ᠨᠢ᠋ᠮᠠᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠧᠡᠩᠭᠢ
ᠵᠤᠬᠢᠶᠠᠭᠴᠢ᠄ ᠥᠭᠡᠯᠡᠳ·ᠵᠠᠮᠰᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠮᠤᠩᠭᠤᠯ ᠲᠡᠦᠬᠡᠳᠠᠷᠤᠮ᠄ 7520
ᠴᠠᠭ᠄ 2011 ᠤᠨ ᠤ 02 ᠰᠠᠷᠠ ᠶᠢᠨ 26
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ