☆ ᠬᠠᠳᠠᠭᠠᠰᠤᠨ·ᠰᠢᠨᠠᠮᠦ᠋ᠷᠴᠢ
ᠡᠷᠡᠨ ᠵᠠᠭᠤᠨ ᠳᠤ ᠠᠮᠢᠳᠤᠷᠠᠭᠰᠠᠨ ᠭᠡᠵᠤ ᠪᠢ ᠨᠠᠷᠠ ᠪᠠᠨ ᠥᠯᠡᠳᠡᠭᠡᠭᠦ ᠰᠠᠨ
ᠳᠤᠯᠠᠭᠠᠬᠠᠨ ᠳᠡᠯᠡᠭᠡᠢ ᠳᠤ ᠲᠤᠩ ᠴᠤ ᠶᠡᠭᠡ ᠡᠷᠭᠡᠯᠡᠵᠤ ᠶᠠᠪᠣᠯᠠ
ᠳᠤᠷᠠᠯᠠᠯ ᠬᠠᠢ᠌ᠷᠠ ᠳᠤ ᠦᠷᠦ ᠰᠡᠳᠭᠢᠯ ᠶᠢᠡᠨ ᠬᠠᠢ᠌ᠯᠤᠭᠤᠯᠵᠤ ᠶᠠᠪᠣᠯᠠ
ᠳᠤᠷᠠᠰᠤᠯ ᠮᠥᠷᠦᠭᠡᠳᠦᠯ ᠳᠤ ᠣᠯᠠᠭᠠᠨ ᠵᠢᠷᠦᠭᠡ ᠪᠠᠨ ᠳᠤᠭᠳᠤᠯᠤᠭᠤᠯᠵᠤ ᠶᠠᠪᠣᠯᠠ
ᠳᠤᠤᠯᠢᠮᠠ ᠬᠤᠷᠸᠠ ᠶᠢᠨ ᠨᠢᠭᠡᠨ ᠵᠠᠢ ᠳᠤ ᠰᠢᠷᠬᠠᠯᠠᠵᠤ ᠶᠠᠪᠣᠯᠠ
ᠡᠨᠡ ᠪᠦᠭᠦᠨ ᠶᠢᠡᠨ ᠢᠷᠠᠭᠤ ᠨᠠᠢ᠌ᠷᠠᠭ ᠪᠣᠯᠭᠠᠨ ᠰᠡᠢ᠌ᠯᠦᠭᠡᠳ
ᠡᠷᠡᠨ ᠵᠠᠭᠤᠨ ᠳᠤ ᠠᠮᠢᠳᠤᠷᠠᠭᠰᠠᠨ ᠭᠡᠵᠤ ᠪᠢ ᠨᠠᠷᠠ ᠪᠠᠨ ᠥᠯᠡᠳᠡᠭᠡᠭᠦ ᠰᠠᠨ᠃
ᠬᠠᠢ᠌ᠯᠠᠵᠤ ᠣᠭᠢᠯᠠᠵᠤ ᠪᠠᠭᠠ ᠨᠠᠰᠤᠨ ᠳᠤ ᠪᠠᠨ ᠳᠤᠭᠯᠠᠵᠤ ᠶᠠᠪᠣᠯᠠ
ᠬᠠᠪᠣᠷ ᠨᠠᠮᠤᠷ ᠡᠭᠡᠯᠵᠢᠯᠡᠭᠦ ᠵᠢᠮᠠ ᠪᠠᠷ ᠨᠤᠳᠤᠭᠯᠠᠵᠤ ᠶᠠᠪᠣᠯᠠ
ᠬᠠᠢ᠌ᠯᠠᠰᠤ ᠨᠠᠷᠠᠰᠤ ᠲᠡᠶ ᠡᠷᠳᠡᠨᠢ ᠤᠪᠤᠭᠠᠨ ᠳᠤ ᠪᠠᠨ ᠮᠠᠴᠤᠵᠤ ᠶᠠᠪᠣᠯᠠ
ᠬᠠᠮᠤᠭ ᠮᠤᠩᠭ᠋ᠤᠯ ᠤᠨ ᠥᠯᠦᠭᠡᠢ ᠨᠤᠳᠤᠭ ᠲᠤ ᠪᠠᠨ ᠨᠢᠯᠬᠠᠷᠠᠵᠤ ᠶᠠᠪᠣᠯᠠ
ᠡᠨᠡ ᠪᠦᠭᠦᠨ ᠶᠢᠡᠨ ᠣᠶᠠᠩᠭ᠋ᠠ ᠳᠠᠭᠤᠤ ᠪᠣᠯᠭᠠᠨ ᠳᠠᠭᠤᠯᠠᠭᠠᠤᠨ
ᠡᠷᠡᠨ ᠵᠠᠭᠤᠨ ᠳᠤ ᠠᠮᠢᠳᠤᠷᠠᠭᠰᠠᠨ ᠭᠡᠵᠤ ᠪᠢ ᠨᠠᠷᠠ ᠪᠠᠨ ᠥᠯᠡᠳᠡᠭᠡᠭᠦ ᠰᠠᠨ᠃
ᠭᠠᠢ᠌ᠬᠠᠮᠰᠢᠭᠳᠤ ᠰᠤᠩᠭ᠋ᠤᠳᠠᠭ ᠠᠭᠤᠤ ᠰᠤᠶᠤᠯ ᠳᠤ ᠪᠠᠨ ᠰᠢᠳᠤᠵᠤ ᠶᠠᠪᠣᠯᠠ
ᠭᠠᠯ ᠳᠣᠢ᠌ᠮᠠᠷᠳᠤ ᠳᠠᠢ᠌ᠴᠢᠨ ᠳᠡᠦᠭᠡᠨ ᠳᠤ ᠪᠠᠨ ᠪᠠᠷᠳᠠᠮ ᠶᠠᠪᠣᠯᠠ
ᠭᠡᠮᠰᠢᠯ ᠰᠢᠯᠦᠭ᠌ ᠲᠡᠶ ᠪᠣᠷᠵᠢᠭᠢᠨ ᠬᠠᠯᠠᠳᠠᠨ ᠳᠤ ᠭᠤᠮᠤᠳᠠᠵᠤ ᠶᠠᠪᠣᠯᠠ
ᠭᠡᠭᠡᠵᠤ ᠣᠷᠭᠢᠭᠳᠠᠮᠠ ᠣᠤᠭᠠᠯ ᠣᠳᠤᠮᠰᠢᠯ ᠳᠤ ᠪᠠᠨ ᠬᠠᠷᠠᠭᠤᠰᠴᠤ ᠶᠠᠪᠣᠯᠠ
ᠡᠨᠡ ᠪᠦᠭᠦᠨ ᠶᠢᠡᠨ ᠦᠪᠡᠷ ᠤᠨ ᠴᠠᠭᠠᠳᠬᠠᠯ ᠪᠣᠯᠭᠠᠨ ᠣᠩᠰᠢᠭᠠᠤᠨ
ᠡᠷᠡᠨ ᠵᠠᠭᠤᠨ ᠳᠤ ᠠᠮᠢᠳᠤᠷᠠᠭᠰᠠᠨ ᠭᠡᠵᠤ ᠪᠢ ᠨᠠᠷᠠ ᠪᠠᠨ ᠥᠯᠡᠳᠡᠭᠡᠭᠦ ᠰᠠᠨ᠃
ᠦᠨᠡᠠᠴᠢ ᠣᠯᠠᠨ ᠠᠠᠳᠠ ᠨᠥᠭᠦᠤᠨ ᠲᠡᠶ ᠪᠠᠨ ᠨᠠᠷᠭᠢᠵᠤ ᠶᠠᠪᠣᠯᠠ
ᠥᠷᠳᠦᠭ᠍ᠳᠡᠵᠤ ᠵᠠᠷᠢᠮ ᠤᠳ ᠤᠨ ᠨᠢᠳᠤᠨ ᠳᠤ ᠨᠢ ᠮᠠᠭᠤ ᠴᠤ ᠪᠣᠯᠵᠤ ᠶᠠᠪᠣᠯᠠ
ᠡᠷᠭᠢᠵᠤ ᠣᠴᠢᠮᠠᠷ ᠣᠶᠤᠳᠠᠨ ᠨᠠᠰᠤ ᠪᠠᠨ ᠳᠤᠷᠠᠰᠴᠤ ᠶᠠᠪᠣᠯᠠ
ᠡᠷᠭᠢᠮ ᠭᠡᠳᠡᠭ᠌ ᠢ ᠥᠩᠭᠡᠷᠡᠭ᠍ᠰᠡᠨ ᠤ ᠬᠣᠢ᠌ᠨᠠ ᠨᠢ ᠮᠠᠳᠠᠷᠠᠵᠤ ᠴᠤ ᠶᠠᠪᠣᠯᠠ
ᠡᠨᠡ ᠪᠦᠭᠦᠨ ᠶᠢᠡᠨ ᠵᠠᠯᠠᠭᠤ ᠨᠠᠰᠤ ᠭᠡᠵᠤ ᠭᠠᠷᠴᠠᠭᠯᠠᠭᠠᠤᠨ
ᠡᠷᠡᠨ ᠵᠠᠭᠤᠨ ᠳᠤ ᠠᠮᠢᠳᠤᠷᠠᠭᠰᠠᠨ ᠭᠡᠵᠤ ᠪᠢ ᠨᠠᠷᠠ ᠪᠠᠨ ᠥᠯᠡᠳᠡᠭᠡᠭᠦ ᠰᠠᠨ᠃
2009.4.24
ᠵᠤᠬᠢᠶᠠᠭᠴᠢ᠄ ᠬᠠᠳᠠᠭᠠᠰᠤᠨ·ᠰᠢᠨᠠᠮᠦ᠋ᠷᠴᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2713
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 27
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ