☆ ᠦᠨᠡᠨᠪᠠᠶᠠᠷ
ᠡᠩ ᠳᠡᠯᠡᠬᠡᠢ ᠶᠢᠨ ᠡᠩᠬᠦᠷᠡᠢ ᠡᠵᠢ
ᠰᠡᠮᠰᠡᠭᠡᠷ ᠪᠣᠯᠪᠠᠴᠦ ᠭᠡᠷ ᠮᠢᠨᠢ᠂ ᠰᠡᠭᠰᠡᠭᠡᠷ ᠪᠣᠯᠪᠠᠴᠦ ᠡᠵᠢ ᠮᠢᠨᠢ
ᠠᠷᠪᠠᠨ ᠰᠠᠷᠠ ᠵᠣᠪᠠᠨ
ᠠᠯᠠᠭ ᠦᠷᠡ ᠪᠡᠨ ᠬᠥᠩᠭᠡᠵᠢᠨ
ᠠᠯᠳᠠᠨ ᠳᠡᠯᠡᠬᠡᠢ ᠳᠦ ᠪᠠᠶᠠᠷᠯᠠᠨ
ᠠᠩᠬᠠ ᠡᠵᠢ ᠪᠣᠯᠣᠭᠰᠠᠨ ᠳ᠋ᠦ ᠪᠡᠨ ᠪᠠᠶᠠᠰᠤᠨ᠃
ᠦᠷᠡ ᠬᠡᠦᠬᠡᠳ ᠶᠢᠡᠨ ᠥᠰᠬᠡᠬᠦ ᠭᠡᠵᠦ
ᠦᠰᠦᠨ ᠳ᠋ᠦ ᠨᠢ ᠪᠤᠭᠤᠷᠤᠯ ᠬᠠᠷᠢᠭᠤ ᠪᠠᠭᠤᠬᠤ ᠳ᠋ᠦ
ᠡᠩᠬᠦᠷᠡᠢ ᠬᠦᠦ ᠨᠢ ᠤᠬᠠᠭᠠ ᠣᠷᠣᠭᠠ ᠦᠭᠡᠢ
ᠡᠵᠢ ᠪᠡᠨ ᠪᠠᠭᠠ ᠦᠭᠡᠢ ᠵᠣᠪᠠᠭᠠᠨᠠ᠃
ᠠᠷᠪᠠ ᠪᠣᠯᠵᠦ ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠳ᠋ᠦ
ᠠᠯᠭᠤᠷᠬᠠᠨ ᠠᠯᠬᠤᠨ ᠣᠷᠣᠬᠤ ᠳ᠋ᠦ
ᠠᠴᠢᠳᠦ ᠡᠵᠢ ᠠᠯᠢᠶᠠ ᠬᠦᠦ ᠲᠠᠢ ᠪᠡᠨ
ᠰᠠᠯᠵᠦ ᠶᠠᠳᠠᠵᠦ ᠲᠦᠪᠳᠡᠨᠡ᠃
ᠠᠪᠤ ᠡᠵᠢ ᠲᠠᠢ ᠪᠡᠨ ᠰᠠᠯᠬᠤ ᠦᠶᠡ ᠳ᠋ᠦ
ᠶᠢᠷᠲᠢᠨᠴᠦ ᠳᠡᠯᠡᠬᠡᠢ ᠬᠠᠢᠯᠤᠨ ᠬᠠᠢᠯᠤᠭᠰᠠᠭᠠᠷ
ᠢᠰᠡᠭᠡᠢ ᠭᠡᠷ ᠲᠦ ᠪᠡᠨ ᠪᠠᠢᠭᠰᠠᠨ ᠪᠣᠯ
ᠡᠵᠢ ᠳ᠋ᠦ ᠪᠡᠨ ᠡᠩᠬᠦᠷᠡᠢᠯᠡᠭᠳᠡᠬᠦ ᠦᠭᠡᠢ ᠦᠦ ᠳ᠋ᠠ᠃
ᠬᠦᠰᠡᠯ ᠤᠨ ᠵᠢᠭᠦᠷ ᠬᠠᠲᠠᠭᠤᠵᠢᠨ
ᠬᠦᠮᠦᠨ ᠤ ᠬᠦᠦ ᠬᠤᠯᠠ ᠨᠢᠰᠬᠦ ᠳ᠋ᠦ
ᠬᠥᠭᠡᠷᠦᠬᠦᠢ ᠠᠪᠦ ᠡᠵᠢ ᠮᠢᠨᠢ
ᠬᠥᠬᠡ ᠲᠡᠭᠷᠢ ᠶᠢᠨ ᠳᠣᠣᠷᠠ ᠪᠠᠷᠠᠯᠠᠭᠰᠠᠭᠠᠷ᠃
ᠰᠢᠪᠠᠭᠤ ᠬᠡᠳᠦᠢ ᠬᠤᠯᠠ ᠨᠢᠰᠦᠯᠡ ᠭᠡᠳ
ᠡᠷᠭᠢᠭᠡᠳ ᠨᠤᠲᠤᠭ ᠲᠦ ᠪᠡᠨ ᠪᠤᠴᠠᠳᠠᠭ ᠶᠤᠮ
ᠡᠵᠢ ᠶᠢᠨ ᠬᠦᠦ ᠬᠡᠳᠦᠢ ᠬᠤᠯᠠ ᠶᠠᠪᠤᠯᠠ ᠭᠡᠳ
ᠡᠯᠢᠭᠡ ᠪᠦᠲᠦᠨ ᠡᠵᠢ ᠲᠠᠢ ᠪᠡᠨ ᠵᠣᠯᠭᠠᠳᠠᠭ ᠶᠤᠮ᠃
ᠵᠤᠬᠢᠶᠠᠭᠴᠢ᠄ ᠦᠨᠡᠨᠪᠠᠶᠠᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 36325
ᠴᠠᠭ᠄ 2020 ᠤᠨ ᠤ 01 ᠰᠠᠷᠠ ᠶᠢᠨ 07
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ