☆ ᠬᠦᠷᠡᠯᠤ᠋ᠨᠢᠰᠤ
ᠡᠮᠡᠭᠡ ᠮᠢᠨᠢ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠢᠰᠤᠨ ᠪᠣᠯᠠᠭ ᠤᠨ ᠲ᠋ᠤᠤᠷᠠ ᠮᠥᠩᠭᠡ ᠨᠣᠢ᠌ᠷᠠᠰᠤᠭᠰᠠᠨ ᠡᠮᠡᠭᠡ ᠶᠢᠨ ᠶᠢᠡᠨ ᠠᠷᠢᠭᠤᠨ ᠰᠦᠨᠠᠰᠤᠨ ᠳ᠋ᠤ ᠡᠷᠭᠦᠨ ᠳᠡᠭᠡᠵᠢᠯᠡᠪᠡ
ᠨᠠᠮᠠᠬᠠᠨ ᠥᠯᠢᠶᠡᠭᠦ ᠡᠪᠠᠰᠤᠨ ᠤ ᠮᠦᠩᠭᠦᠨ ᠰᠤᠷ ᠰᠢᠭ
ᠨᠤᠳᠤᠭ ᠤᠨ ᠪᠣᠭᠤᠷᠤᠯ ᠤᠨ ᠶᠢᠡᠨ ᠨᠠᠰᠤᠨ ᠤ ᠪᠣᠶᠠᠨ ᠳᠤ ᠪᠠᠶᠠᠰᠬᠤ ᠶᠢᠨ ᠣᠴᠢᠷ
ᠡᠰᠭᠡᠭ᠍ᠰᠡᠨ ᠨᠠᠢ᠌ᠷᠠᠭ ᠤᠨ ᠳᠡᠭᠡᠵᠢ ᠪᠠᠨ ᠪᠠᠷᠢᠵᠤ
ᠡᠨᠡᠷᠢᠯ ᠤᠨ ᠳᠡᠭ᠍ᠷᠢ ᠡᠮᠡᠭᠡ ᠳᠠᠨ ᠳᠠᠭᠠᠨ ᠳᠡᠪᠰᠢᠭᠦᠯᠵᠤ ᠪᠠᠢ᠌ᠨᠠ
ᠡᠭᠡ ᠣᠷᠤᠨ ᠤ ᠪᠠᠨ ᠨᠤᠭᠤᠭᠠᠨ ᠭᠡᠪᠢᠰᠤᠨ ᠳᠡᠭᠡᠷᠡ ᠡᠴᠡ
ᠡᠮᠡᠭᠡ ᠮᠢᠨᠢ ᠳᠠ ᠨᠠᠮᠠ ᠪᠠᠨ ᠡᠩᠭᠦᠷᠡᠢ᠌ᠯᠡᠩᠭᠡᠨ ᠥᠰᠭᠡᠭ᠍ᠰᠡᠨ ᠤ ᠣᠴᠢᠷ
ᠡᠩᠭᠦᠷᠡᠢ᠌ᠯᠡᠵᠤ ᠨᠠᠮᠠ ᠶᠢ ᠳᠤᠷᠨᠢᠭᠤᠯᠤᠭᠰᠠᠨ 《ᠪᠦᠦᠪᠠᠢ ᠶᠢᠨ ᠳᠠᠭᠤᠤ》 ᠴᠢᠨᠢ
ᠨᠢᠰᠤᠩᠬᠠᠢ ᠨᠠᠰᠤᠨ ᠤ ᠮᠢᠨᠢ ᠳᠠᠩᠭᠢᠯ ᠶᠠᠪᠣᠳᠠᠯ ᠤᠳ ᠢ ᠰᠠᠨᠠᠭᠳᠠᠭᠤᠯᠤᠨᠠ
ᠠᠮᠳᠠᠳᠤ ᠰᠠᠢ᠌ᠬᠠᠨ ᠦᠳᠡᠰᠢ ᠶᠢᠨ ᠨᠣᠢ᠌ᠷ ᠶᠢᠡᠨ ᠳᠠ ᠮᠢᠨᠢ
ᠠᠮᠠᠷᠠᠯ ᠦᠭᠡᠶ ᠬᠠᠭᠠᠰ ᠢ ᠨᠢ ᠨᠠᠳᠠ ᠳᠤ ᠵᠤᠷᠢᠭᠤᠯᠳᠠᠭ
ᠠᠯᠢᠭᠢ ᠰᠠᠢ᠌ᠬᠠᠨ ᠢᠳᠡᠭᠡᠨ ᠣᠮᠳᠠᠭᠠᠨ ᠶᠢᠡᠨ ᠳᠠ
ᠠᠮᠰᠠᠯ ᠦᠭᠡᠶ ᠬᠠᠳᠠᠭᠠᠯᠠᠵᠤ ᠨᠠᠳᠠ ᠳᠤ ᠡᠮᠭᠦᠭᠦᠯᠳᠡᠭ᠌᠂
《ᠠᠢ᠂ ᠭᠦᠭᠡᠷᠦᠭᠦᠢ︕ ᠮᠢᠨᠤ ᠮᠠᠭᠤ ᠨᠢᠰᠤᠩᠬᠠᠢ》 ᠭᠡᠵᠤ ᠳᠠ
ᠠᠶᠠ ᠳᠠᠭᠤᠤ ᠲᠡᠶ ᠨᠠᠮᠠ ᠪᠠᠨ ᠥᠭᠦᠭᠡᠷᠳᠡᠳᠡᠭ᠌
ᠠᠶᠤᠤᠯᠢᠬᠠᠢ ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠶᠢᠨ ᠳᠠᠯᠠᠢ ᠪᠠᠨ
ᠠᠰᠬᠠᠵᠤ ᠰᠢᠷᠭᠢᠳᠠᠯᠠ ᠨᠠᠳᠠ ᠳᠤ ᠶᠡᠭᠦᠯᠡᠳᠡᠭ᠌ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠡ ᠮᠢᠨᠢ︕
ᠦᠷᠯᠦᠭᠡ ᠶᠢᠨ ᠨᠠᠷᠠᠨ ᠢ ᠰᠦ᠋ ᠪᠠᠷ ᠶᠢᠡᠨ ᠣᠭᠳᠤᠨ
ᠦᠳᠡᠰᠢ ᠶᠢᠨ ᠰᠠᠷᠠᠨ ᠢ ᠳᠦᠳᠡᠭ᠌ ᠶᠢᠡᠷ ᠶᠢᠡᠨ ᠦᠳᠡᠨ
ᠴᠠᠭᠠᠰᠤ ᠡᠪᠭᠡᠮᠡᠯ ᠳᠤ ᠨᠠᠮᠠᠷᠢ ᠦᠭᠡᠶ ᠶᠠᠪᠣᠭᠰᠠᠨ ᠴᠤ
ᠴᠠᠰᠤ ᠲᠡᠶ ᠳᠡᠯᠡᠭᠡᠢ ᠳᠤ ᠮᠦᠷ ᠲᠡᠶ ᠯᠠ ᠶᠠᠪᠣᠭᠰᠠᠨ᠂
ᠡᠪᠠᠰᠤᠨ ᠤ ᠰᠢᠭᠦᠳᠡᠷᠢ ᠶᠢ ᠳᠦᠷᠢ ᠳᠡᠭᠡᠨ ᠰᠢᠩᠭᠡᠭᠡᠨ
ᠡᠩᠭᠦᠷᠡᠢ ᠦᠷᠠᠰ ᠶᠢᠡᠨ ᠬᠠᠢ᠌ᠷᠠ ᠪᠠᠷ ᠢᠪᠠᠭᠡᠨ
ᠴᠠᠰᠤ ᠲᠡᠶ ᠣᠰᠤ ᠲᠡᠶ ᠡᠷᠢᠶᠡᠨ ᠬᠤᠷᠸᠠ ᠳ᠋ᠤ
ᠴᠠᠭᠠᠨ ᠳᠤᠭᠤᠷᠭᠠᠳᠤ ᠦᠷᠭᠦᠭᠡ ᠭᠡᠷ ᠶᠢᠡᠨ ᠳᠤᠯᠠᠭᠠᠯᠠᠨ ᠰᠠᠭᠤᠭᠰᠠᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠡ ᠮᠢᠨᠢ︕
ᠬᠠᠯᠠᠭᠤᠨ ᠨᠠᠷᠠᠨ ᠳᠤ ᠰᠡᠭᠦᠳᠡᠷ ᠪᠣᠯᠵᠤ
ᠬᠠᠭᠢᠷ ᠭᠦᠢᠳᠡᠨ ᠳᠤ ᠢᠯᠴᠢ ᠪᠣᠯᠵᠤ
ᠬᠠᠢ᠌ᠷᠠᠳᠤ ᠭᠡᠳᠤᠨ ᠦᠷᠡ ᠶᠢᠨ ᠶᠢᠡᠨ ᠲᠦᠯᠦᠭᠡ
ᠬᠠᠷᠠᠮ ᠦᠭᠡᠶ ᠠᠯᠢᠪᠠ ᠪᠠᠨ ᠵᠤᠷᠢᠭᠤᠯᠤᠭᠰᠠᠨ᠂
ᠬᠠᠮᠤᠭ ᠠᠶᠤᠯ ᠳᠤ ᠥᠮᠦᠭ᠌ ᠪᠣᠯᠵᠤ
ᠬᠠᠢ᠌ᠷᠠ ᠪᠠᠷ ᠳᠤᠳᠠᠬᠤ ᠳᠤ ᠳᠦᠰᠢᠭ᠌ ᠪᠣᠯᠵᠤ
ᠬᠠᠢ᠌ᠷᠠᠬᠠᠨ ᠮᠠᠬᠠᠪᠣᠤᠨ ᠶᠢᠡᠨ ᠬᠠᠢ᠌ᠬᠤᠷᠠᠯ ᠥᠭᠡᠢ
ᠬᠠᠰᠢᠷᠠᠵᠤ ᠵᠦᠳᠠᠷᠠᠳᠠᠯᠠ ᠪᠠᠨ ᠵᠢᠦᠡᠭᠦᠭ᠍ᠰᠡᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠡ ᠮᠢᠨᠢ︕
ᠠᠷᠰᠢ ᠰᠠᠭᠢᠭᠤᠯᠰᠠᠨ ᠤ ᠣᠷᠳᠤᠨ ᠰᠢᠭ
ᠠᠷᠢᠭᠤᠨ ᠴᠠᠭᠠᠨ ᠦᠨᠢ ᠶᠢᠨ ᠴᠢᠨᠠᠷ ᠳᠠᠢ
ᠮᠢᠨᠤ ᠬᠠᠢ᠌ᠷᠠᠳᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠡ ᠮᠢᠨᠢ︕
ᠠᠭᠢᠭᠠᠤᠨ ᠢᠷᠡᠭᠦ ᠮᠠᠷᠭᠠᠰᠢ ᠶᠢᠨ ᠠᠯᠳᠠᠨ ᠨᠠᠷᠠ ᠰᠢᠭ
ᠠᠮᠢᠯᠠᠯ ᠤᠨ ᠬᠤᠷᠠ᠂ ᠬᠠᠢ᠌ᠷᠠ ᠶᠢᠨ ᠮᠦᠩᠭᠦᠨ ᠰᠠᠴᠤᠷᠠᠭ ᠳᠠᠢ
ᠮᠢᠨᠤ ᠬᠠᠢ᠌ᠷᠠᠳᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠡ ᠮᠢᠨᠢ︕
ᠰᠠᠷᠠᠭᠤᠯ ᠰᠠᠢ᠌ᠬᠠᠨ ᠮᠤᠩᠭ᠋ᠤᠯ ᠨᠤᠳᠤᠭ ᠤᠨ ᠵᠢᠠᠨ
ᠰᠠᠨᠠᠭᠠ ᠴᠠᠢ᠌ᠯᠭᠠᠨ ᠮᠠᠯᠴᠢᠨ ᠮᠤᠩᠭ᠋ᠤᠯ ᠪᠦᠰᠡᠭᠦᠢ
ᠮᠢᠨᠤ ᠬᠠᠢ᠌ᠷᠡᠳᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠡ ᠮᠢᠨᠢ︕
ᠰᠠᠷᠠ ᠲᠡᠶ ᠰᠦᠨᠢ ᠶᠢᠨ ᠳᠤᠩᠭ᠋ᠠᠯᠠᠭ ᠦᠳᠡᠰᠢ
ᠰᠠᠨᠠᠭᠠ ᠵᠡᠭᠦᠳᠤᠨ ᠳᠤ ᠮᠢᠨᠢ ᠡᠭᠡᠨᠡᠭ᠍ᠳᠡ ᠭᠡᠷᠡᠯᠳᠦᠳᠡᠭ᠌
ᠮᠢᠨᠤ ᠬᠠᠢ᠌ᠷᠠᠳᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠡ ᠮᠢᠨᠢ︕
2011 ᠣᠨ ᠤ ᠬᠠᠪᠣᠷ ᠤᠨ ᠡᠭᠢᠨ ᠰᠠᠷᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠬᠤᠲᠠ ᠦᠨᠳᠦᠰᠦᠳᠠᠨ ᠤ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠨᠢᠨ ᠮᠡᠳᠡᠭᠡᠨ ᠤ ᠰᠠᠯᠪᠣᠷᠢ ᠵᠢᠨ 2009 ᠣᠨ ᠤ ᠰᠤᠷᠪᠣᠯᠵᠢᠯᠭᠠ ᠨᠠᠢ᠌ᠷᠠᠭᠤᠯᠭᠠ ᠶᠢᠨ ᠨᠢᠭᠡᠳᠦᠭᠡᠷ ᠠᠩᠭᠢ
ᠵᠤᠬᠢᠶᠠᠭᠴᠢ᠄ ᠬᠦᠷᠡᠯᠤ᠋ᠨᠢᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2646
ᠴᠠᠭ᠄ 2011 ᠤᠨ ᠤ 04 ᠰᠠᠷᠠ ᠶᠢᠨ 03
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ