☆ ᠨᠢᠮᠠᠷᠢᠠᠴᠢᠨ
ᠴᠠᠭ ᠤᠨ ᠬᠤᠷᠠ
ᠦᠷ ᠤᠨ ᠭᠡᠭᠡ ᠦᠨᠢᠶᠡ ᠳᠤᠭᠤᠯ ᠤᠨ ᠮᠥᠭᠡᠷᠡᠭᠦ ᠳᠠᠭᠤᠨ ᠶᠢᠡᠷ ᠰᠡᠷᠢᠭ᠍ᠰᠡᠨ ᠨᠤᠷᠮᠠ ᠨᠠᠰᠤᠳᠠᠨ ᠭᠦᠷᠮᠡ ᠪᠠᠨ ᠨᠦᠮᠦᠷᠢᠨ ᠭᠠᠷᠬᠤ ᠳᠤ ᠭᠦᠤ ᠪᠠᠷᠢᠴᠡᠴᠡᠭ᠌ ᠨᠢ ᠳᠤᠭᠤᠯ ᠤᠨ ᠬᠠᠰᠢᠶᠠᠨ ᠳᠡᠷᠭᠡᠳᠡ ᠪᠠᠨ ᠦᠨᠢᠶᠡ ᠳᠤᠭᠤᠯ ᠶᠢᠡᠨ ᠳᠠᠳᠠᠵᠤ ᠶᠠᠭᠠᠷᠠᠨᠠ᠃ ᠡᠭᠡ ᠪᠠᠨ ᠣᠯᠵᠤ ᠬᠠᠷᠠᠭᠰᠠᠨ ᠳᠤᠭᠤᠯ ᠤᠳ ᠤᠨ ᠮᠥᠭᠡᠷᠡᠭᠦ ᠳᠠᠭᠤᠨ ᠨᠢ ᠣᠯᠠᠮ ᠴᠢᠩᠭ᠋ᠠᠷᠠᠵᠤ ᠵᠠᠪᠠᠳᠤ ᠶᠢᠨ ᠵᠢᠯᠠᠭᠠ ᠶᠢᠨ ᠦᠷᠯᠦᠭᠡ ᠶᠢᠨ ᠨᠠᠮ ᠵᠢᠮ ᠢ ᠡᠪᠳᠡᠵᠤ᠂ ᠮᠠᠯᠴᠢᠳ ᠤᠨ ᠪᠠᠰᠠ ᠨᠢᠭᠡᠨ ᠶᠠᠭᠠᠷᠠᠯᠳᠠᠢ ᠡᠳᠦᠷ ᠡᠭᠢᠯᠡᠭ᠍ᠰᠡᠨ ᠢ ᠮᠡᠳᠡᠭᠡᠯᠡᠨᠡ᠃
ᠨᠤᠷᠮᠠ ᠨᠠᠰᠤᠳᠠᠨ ᠦᠷᠯᠦᠭᠡ ᠶᠢᠨ ᠴᠠᠪᠠᠷ ᠠᠭᠠᠷ ᠢ ᠭᠦᠨ ᠨᠢᠭᠡ ᠠᠮᠢᠰᠬᠤᠵᠤ ᠠᠪᠣᠭᠰᠠᠨ ᠶᠢᠡᠨ ᠣᠷᠴᠢᠨ ᠳᠤᠭᠤᠷᠢᠨ ᠶᠢᠡᠨ ᠬᠤᠯᠠ ᠡᠴᠠ ᠤᠢ᠌ᠷᠡ ᠠᠩᠵᠠᠭᠠᠷᠠᠬᠤ ᠳᠤ ᠭᠢᠨᠠᠭᠤᠷ ᠨᠢᠳᠤᠨ ᠳ᠋ᠤᠨᠢ ᠳᠡᠷᠳᠡᠭᠡ ᠵᠡᠭᠦᠨ ᠡᠮᠦᠨᠡ ᠰᠥᠭᠯᠡᠢ᠌ᠭᠦ ᠵᠠᠪᠠᠳᠤ ᠶᠢᠨ ᠭᠦᠭᠡ ᠬᠠᠳᠠ᠂ ᠳᠡᠷᠭᠡᠳᠡᠭᠢ ᠶᠢᠨ ᠠᠭᠤᠯᠠ ᠳᠤᠯᠤᠭᠠᠤᠨ ᠲᠤ ᠳᠠᠪᠠᠳᠠᠢ ᠪᠠᠯᠴᠢᠨ ᠪᠠᠢ᠌ᠭᠠ ᠥᠭᠡᠷ ᠤᠳ᠂ ᠨᠠᠭᠠᠳᠤᠭᠢ ᠵᠢᠯᠠᠭᠠ ᠪᠠᠷ ᠳᠤᠭᠤᠯ ᠳᠤ ᠪᠠᠨ ᠶᠠᠭᠠᠷᠠᠨ ᠨᠢᠭᠡ ᠬᠤᠶᠠᠷ ᠶᠢᠡᠷ ᠮᠥᠭᠡᠷᠡᠨ ᠴᠤᠪᠣᠬᠤ ᠦᠨᠢᠶᠠᠤᠨ ᠮᠤᠭᠢᠷᠠᠯᠳᠤᠨ᠂ ᠨᠠᠮᠵᠢᠭᠤᠨ ᠣᠷᠤᠰᠬᠤ ᠨᠠᠷᠢᠨ ᠭᠤᠷᠤᠬᠠ ᠪᠣᠯᠤᠨ ᠬᠠᠵᠠᠭᠤᠳᠤᠭᠢ ᠮᠠᠰᠢᠨ ᠬᠤᠳᠳᠤᠭ ᠵᠢᠴᠢ ᠬᠤᠳᠠ ᠶᠢᠨ ᠭᠠᠳᠠᠨᠠ ᠢᠷᠠᠢ᠌ᠨ ᠬᠤᠨᠤᠭᠰᠠᠨ ᠬᠤᠨᠢᠨ ᠰᠦᠷᠦᠭ᠌ ᠨᠢᠭᠡ ᠨᠢᠭᠡ ᠪᠠᠷ ᠳᠤᠳᠤᠷᠠᠵᠤ᠂ ᠬᠠᠴᠠᠷ ᠲᠤ ᠨᠢ ᠪᠠᠶᠠᠷ ᠤᠨ ᠮᠦᠰᠢᠶᠠᠳᠤ ᠢᠯᠡᠷᠡᠭ᠍ᠰᠡᠨ ᠶᠢᠡᠨ ᠨᠢᠳᠤᠨ ᠬᠠᠷᠠᠭᠠ ᠨᠢ ᠳᠠᠭᠢᠨ ᠳᠤᠭᠤᠯ ᠤᠨ ᠵᠠᠯᠠ ᠳᠡᠭᠡᠷᠡ ᠪᠠᠨ ᠳᠤᠰᠴᠤ᠂ ᠪᠠᠭᠠ ᠴᠤ ᠭᠡᠰᠡᠨ ᠳᠤᠰᠠ ᠪᠣᠯᠤᠶᠠ ᠭᠡᠰᠡᠨ ᠪᠣᠳᠤᠯ ᠶᠢᠡᠷ ᠭᠦᠤ ᠪᠠᠷᠢ ᠥᠭᠡᠳᠡ ᠪᠠᠨ ᠮᠠᠢ᠌ᠵᠢᠭᠢᠨᠠᠨᠡ᠃
ᠴᠡᠴᠡᠭ᠌ ᠢᠷᠡᠭ᠍ᠰᠡᠨ ᠦᠨᠢᠶᠠᠤᠨ ᠶᠢᠡᠨ ᠳᠠᠳᠠᠵᠤ ᠪᠠᠷᠠᠭᠠᠤᠨ ᠭᠡᠷ ᠲᠤ ᠪᠠᠨ ᠣᠷᠤᠵᠤ ᠢᠷᠠᠨ ᠨᠥᠭᠦᠷ ᠪᠠᠭᠠᠳᠤᠷ ᠶᠢᠡᠨ ᠰᠡᠷᠢᠭᠡᠵᠤ᠂ ᠦᠷᠯᠦᠭᠡ ᠶᠢᠨ ᠴᠠᠢ ᠪᠠᠨ ᠴᠢᠨᠠᠵᠤ ᠮᠤᠩᠭ᠋ᠠᠨᠢᠨᠠ᠃ ᠪᠠᠭᠠᠳᠤᠷ ᠬᠤᠪᠴᠠᠰᠤ ᠪᠠᠨ ᠬᠤᠷᠳᠤᠯᠠᠨ ᠡᠮᠦᠰᠴᠤ ᠭᠠᠳᠠᠨᠠ ᠭᠠᠷᠴᠤ ᠡᠷᠦᠭᠡ ᠪᠠᠨ ᠳᠠᠳᠠᠬᠤ ᠶᠢᠨ ᠳᠠᠭᠤ᠄
《ᠡᠨᠡ ᠡᠳᠦᠷ ᠪᠠᠰᠠ ᠴᠤ ᠰᠢᠳᠠᠮᠠ ᠬᠠᠯᠠᠭᠤᠨ ᠪᠣᠯᠬᠤ ᠨᠢ᠂ ᠬᠤᠨᠢ ᠪᠠᠨ ᠦᠷᠯᠦᠭᠡ ᠶᠢᠨ ᠰᠡᠷᠢᠭᠦᠨ ᠳᠤ ᠡᠷᠳᠡᠭᠡᠨ ᠭᠠᠷᠭᠠᠵᠤ ᠠᠮᠵᠢᠶᠠ》 ᠭᠡᠭᠦ ᠳᠤ ᠨᠢ ᠴᠠᠢ ᠴᠢᠨᠠᠵᠤ ᠪᠠᠢ᠌ᠭᠰᠠᠨ ᠴᠡᠴᠡᠭ᠌᠄
《ᠳᠡᠭᠡᠭᠡᠳ ᠴᠢ ᠡᠷᠳᠡᠭᠡᠨ ᠪᠣᠰᠬᠤ ᠦᠭᠡᠶ᠂ ᠦᠳᠡ ᠪᠣᠯᠳᠠᠯᠠ ᠣᠠᠳᠠᠭᠠᠤᠨ ᠦᠶᠡᠷ ᠪᠣᠯᠳᠠᠯᠠ ᠰᠢᠭᠡᠭᠡᠭᠦ ᠨᠢ ᠡ︕》 ᠭᠡᠵᠤ ᠨᠥᠭᠦᠷ ᠶᠢᠡᠨ ᠱᠤᠤᠯᠠᠬᠤ ᠮᠠᠶᠢᠭᠳᠠᠢ ᠶᠠᠷᠢᠬᠤ ᠳᠤ ᠨᠢ ᠪᠠᠭᠠᠳᠤᠷ ᠴᠤ ᠮᠥᠴᠡᠭᠡ ᠪᠠᠨ ᠦᠭᠭᠦᠯ ᠦᠭᠡᠶ᠄
《ᠪᠢ ᠳᠠᠷᠠ ᠴᠢᠨᠢ ᠰᠢᠭᠦᠳᠡᠷᠢ ᠬᠠᠳᠠᠬᠤ ᠶᠢ ᠭᠦᠯᠢᠶᠡᠵᠤ ᠪᠠᠢ᠌ᠭᠰᠠᠨ᠂ ᠦᠴᠦᠭᠡᠳᠦᠷ ᠰᠦᠨᠢ ᠰᠢᠭᠦᠳᠡᠷᠢ ᠶᠡᠭᠡ ᠣᠨᠠᠭᠰᠠᠨ᠂ ᠭᠡᠷᠪᠡ ᠡᠳᠦᠷ ᠡᠳᠦᠷ ᠰᠢᠭᠦᠳᠡᠷᠢ ᠬᠠᠳᠠᠬᠤ ᠡᠴᠠ ᠡᠮᠦᠨᠡ ᠭᠠᠷᠬᠤ ᠶᠤᠮ ᠪᠣᠯ ᠬᠤᠨᠢᠳ ᠤᠨ ᠬᠤᠭᠢᠰᠤ ᠨᠢ ᠪᠦᠷ ᠣᠨᠠᠵᠤ ᠮᠠᠳᠠᠨᠠ᠃ ᠳᠡᠭᠡᠪᠠᠯ ᠴᠤ ᠳᠤᠩ ᠮᠠᠭᠤ ᠪᠣᠯᠤᠨᠠ ᠳ᠋ᠠ︕》 ᠭᠡᠵᠤ ᠢᠨᠢᠶᠠᠨ ᠭᠡᠯᠡᠵᠤ ᠭᠡᠪᠳᠡᠷᠢ ᠳ᠋ᠠᠭᠢ ᠬᠤᠨᠢᠳ ᠶᠢᠡᠨ ᠪᠠᠯᠴᠢᠭᠡᠷ ᠥᠭᠡᠳᠡ ᠨᠢ ᠭᠦᠭᠡᠭᠡᠭᠦ ᠪᠠᠷ ᠠᠯᠬᠤᠯᠠᠨᠠ᠃
ᠪᠠᠭᠠᠳᠤᠷ ᠴᠠᠢ ᠪᠠᠨ ᠣᠤᠭᠤᠵᠤ᠂ ᠬᠠᠭᠤᠷᠤᠭᠰᠠᠨ ᠠᠮᠤ ᠪᠠᠨ ᠢᠳᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠣᠶᠠᠭᠠᠨ ᠮᠤᠷᠢᠨ ᠳᠤ ᠪᠠᠨ ᠡᠮᠡᠭᠡᠯ ᠳᠤᠬᠤᠵᠤ᠂ ᠪᠠᠯᠴᠢᠭᠡᠷ ᠲᠤ ᠪᠠᠨ ᠭᠠᠷᠤᠭᠰᠠᠨ ᠬᠤᠨᠢᠨ ᠰᠦᠷᠦᠭ᠌ ᠵᠥᠭ᠌ ᠶᠢᠡᠨ ᠳᠠᠪᠭᠢᠭᠤᠯᠤᠯᠠ᠃ ᠳᠤᠭᠤᠯ ᠤᠨ ᠬᠠᠰᠢᠶᠠᠨ ᠳᠤ ᠭᠠᠭᠴᠠ ᠳᠤᠭᠤᠯ ᠦᠯᠠᠳᠠᠵᠤ᠂ ᠡᠭᠡ ᠪᠠᠨ ᠥᠭᠡᠢ᠌ᠯᠡᠨ ᠠᠯᠤᠰ ᠤᠨ ᠠᠭᠤᠯᠠᠰ ᠢ ᠰᠢᠷᠳᠠᠨ ᠮᠥᠭᠡᠷᠡᠨᠡ᠃ ᠭᠡᠷ ᠳᠡᠷᠭᠡ ᠪᠠᠨ ᠭᠢᠯᠠᠪ ᠴᠢᠯᠠᠪ ᠴᠡᠪᠠᠷᠯᠡᠭ᠍ᠰᠡᠨ ᠴᠡᠴᠡᠭ᠌ ᠣᠷᠤᠨ ᠭᠠᠷᠤᠨ ᠠᠯᠤᠰ ᠢ ᠪᠠᠷᠠᠯᠠᠵᠤ᠄
《ᠡᠨᠡ ᠮᠠᠭᠤ ᠵᠥᠨᠦᠭ᠍ᠰᠡᠨ ᠮᠠᠯ ᠢ ᠵᠥᠭᠡᠷ᠂ ᠣᠳᠤ ᠪᠣᠯᠳᠠᠯᠠ ᠢᠷᠡᠭᠦ ᠦᠭᠡᠶ ᠳᠤᠭᠤᠯ ᠶᠢᠡᠨ ᠮᠠᠷᠳᠠᠴᠢᠬᠠᠭᠰᠠᠨ ᠶᠤᠮ ᠦᠦ᠂ ᠡᠰᠡᠭᠦᠯᠡ ᠵᠡᠭᠦᠡᠰᠢ ᠳᠠᠪᠠᠭᠠᠤᠨ ᠬᠤᠷᠢᠭᠳᠠᠴᠢᠬᠠᠭᠰᠠᠨ ᠴᠤ ᠶᠤᠮ ᠦᠦ︖ ᠪᠣᠤ ᠮᠠᠳᠠ᠃》 ᠭᠡᠵᠤ ᠰᠠᠨᠠᠭᠠ ᠠᠯᠭᠠᠰᠠᠨ ᠭᠡᠯᠡᠭᠦ ᠳᠤ ᠷᠠᠳᠢᠤ᠋ ᠳᠠᠪᠠᠷᠢᠨ 《ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠮᠤᠩᠭ᠋ᠤᠯ ᠣᠳᠤᠨ ᠰᠤᠪᠠᠭ》 ᠊ᠢ ᠰᠤᠨᠤᠰᠴᠤ ᠰᠠᠭᠤᠭᠰᠠᠨ ᠨᠤᠷᠮᠠ ᠨᠠᠰᠤᠳᠠᠨ᠄
《ᠭᠡᠦᠭᠡ ᠡ︕ ᠶᠠᠭᠠᠷᠠᠬᠤ ᠭᠡᠷᠡᠭ᠌ ᠦᠭᠡᠶ᠂ ᠵᠥᠭᠡᠷ᠃ ᠵᠡᠭᠦᠨ ᠠᠭᠤᠯᠠᠨ ᠳᠤ ᠬᠤᠶᠠᠷ ᠭᠠᠴᠠᠭᠠᠨ ᠤ ᠵᠠᠭᠠᠭ ᠲᠤ ᠳᠠᠮᠤᠷ ᠳᠤᠤᠷ ᠳᠠᠳᠠᠭᠰᠠᠨ ᠡᠴᠠ ᠮᠠᠯ ᠤᠳ ᠵᠡᠭᠦᠡᠰᠢ ᠳᠠᠪᠠᠵᠤ ᠴᠢᠳᠠᠬᠤ ᠪᠠᠨ ᠪᠣᠯᠢᠭᠰᠠᠨ᠃ ᠡᠨᠡ ᠨᠢ ᠮᠠᠨ ᠳᠤ ᠪᠠᠨ ᠠᠬᠤᠤ ᠳᠤᠰᠠ ᠪᠣᠯᠤᠭᠰᠠᠨ ᠰᠢᠤ᠃ ᠪᠠᠷᠤᠭ ᠯᠠ ᠦᠷᠯᠦᠭᠡ ᠶᠢᠨ ᠰᠡᠷᠢᠭᠦᠨ ᠳᠤ ᠢᠯᠡᠭᠦᠭᠡᠨ ᠢᠳᠡᠭᠦ ᠭᠡᠳ ᠬᠠᠷᠢᠵᠤ ᠢᠷᠡᠭᠡ ᠦᠭᠡᠶ ᠪᠠᠢ᠌ᠬᠤ ᠪᠣᠢ᠃》 ᠭᠡᠵᠤ ᠳᠠᠢ᠌ᠪᠣᠭᠤᠬᠠᠨ ᠥᠭᠦᠯᠡᠨᠡ᠃
ᠨᠢᠳᠤᠨᠤᠨ ᠵᠢᠯ ᠵᠡᠭᠦᠨ ᠠᠭᠤᠯᠠᠨ ᠳᠤ ᠳᠠᠮᠤᠷ ᠳᠤᠤᠷ ᠳᠳᠠᠬᠤ ᠡᠴᠠ ᠡᠮᠤᠨᠡ ᠪᠠᠭᠠᠳᠤᠷ ᠤᠨ ᠭᠢᠨ ᠤ ᠮᠠᠯ ᠤᠳ ᠦᠷᠭᠦᠯᠵᠢ ᠰᠦᠨᠢ ᠪᠠᠷ ᠵᠡᠭᠦᠡᠰᠢ ᠳᠠᠪᠠᠨ ᠣᠷᠤᠵᠤ ᠵᠡᠭᠦᠨ ᠭᠠᠴᠠᠭᠠᠨ ᠳᠤ ᠭᠠᠵᠠᠷ ᠳᠦᠷᠢᠶᠠᠰᠤᠯᠠᠵᠤ ᠰᠠᠭᠤᠭᠰᠠᠨ ᠭᠡᠳᠤᠨ ᠭᠢᠳᠠᠤᠨ ᠢᠷᠭᠡᠨ ᠳᠤ ᠬᠤᠷᠢᠭᠳᠠᠵᠤ 《ᠮᠠᠯ ᠴᠢᠨᠢ ᠮᠠᠨ ᠤ ᠪᠠᠯᠴᠢᠭᠡᠷ ᠲᠤ ᠣᠷᠤᠭᠰᠠᠨ》 ᠭᠡᠭᠦ ᠨᠠᠷᠠ ᠶᠢᠡᠷ ᠵᠤᠭᠤᠰ ᠭᠢᠬᠠᠭᠳᠠᠳᠠᠭ ᠶᠤᠮ᠃ ᠭᠡᠷᠪᠡ ᠮᠠᠯ ᠶᠢᠡᠨ ᠵᠡᠭᠦᠡᠰᠢ ᠣᠷᠤᠭᠤᠯᠬᠤ ᠦᠭᠡᠶ ᠭᠡᠪᠠᠯ ᠡᠷᠭᠡᠪᠰᠢ ᠪᠦᠷᠦᠢ ᠪᠣᠯᠬᠤ ᠡᠴᠠ ᠡᠮᠤᠨᠡ ᠨᠢᠭᠡ ᠣᠳᠠᠭᠠ ᠬᠤᠷᠢᠶᠠᠵᠤ᠂ ᠳᠠᠷᠠᠭᠠ ᠦᠷᠯᠦᠭᠡ ᠶᠢᠨ ᠭᠢᠨᠢ ᠦᠷ ᠴᠠᠢ᠌ᠬᠤ ᠡᠴᠠ ᠡᠮᠤᠨᠡ ᠣᠴᠢᠵᠤ ᠪᠠᠰᠠ ᠨᠢᠭᠡ ᠣᠳᠠᠭᠠ ᠬᠤᠷᠢᠶᠠᠳᠠᠭ ᠪᠠᠢ᠌ᠨᠠ᠃ ᠢᠩᠭᠢᠭᠦ ᠨᠢ ᠶᠡᠭᠡᠭᠡᠨ ᠶᠠᠷᠰᠢᠭ ᠲᠡᠶ ᠪᠠᠢ᠌ᠳᠠᠭ᠃ ᠭᠡᠪᠠᠴᠤ ᠨᠢᠳᠤᠨᠤᠨ ᠵᠢᠯ ᠡᠳᠡᠨ ᠤ ᠭᠠᠴᠠᠭᠠᠨ ᠳᠤ ᠣᠯᠤᠰ ᠤᠨ ᠡᠪᠠᠰᠤ ᠪᠠᠯᠴᠢᠭᠡᠷ ᠢ ᠰᠡᠷᠭᠦᠭᠡᠭᠦ ᠳᠠᠮᠤᠷ ᠳᠤᠤᠷ ᠤᠨ ᠲᠦᠰᠤᠯ ᠢᠷᠠᠵᠤ᠂ ᠡᠳᠡᠨ ᠤ ᠭᠢᠨ ᠳᠤᠰ ᠲᠦᠰᠤᠯ ᠢ ᠣᠯᠵᠤ ᠵᠡᠭᠦᠨ ᠠᠭᠤᠯᠠᠨ ᠳᠡᠭᠡᠭᠦᠷ ᠳᠤᠤᠷ ᠳᠠᠳᠠᠭᠰᠠᠨ ᠡᠴᠠ ᠳᠠᠭᠢᠵᠤ ᠮᠠᠯ ᠬᠤᠷᠢᠭᠳᠠᠵᠤ ᠵᠤᠭᠤᠰ ᠭᠢᠬᠠᠭᠳᠠᠬᠤ ᠵᠤᠪᠠᠯᠠᠩ ᠡᠴᠠ ᠮᠤᠯᠳᠤᠷᠠᠵᠤ᠂ ᠨᠢᠭᠡ ᠭᠡᠷ ᠶᠢᠡᠷ ᠶᠢᠡᠨ ᠮᠠᠩᠨᠠᠢ ᠳᠠᠨᠠᠢ᠌ᠪᠠ᠃
ᠦᠳᠡ ᠪᠣᠯᠬᠤ ᠡᠴᠠ ᠡᠮᠤᠨᠡ ᠠᠭᠤᠯᠠᠨ ᠳᠤ ᠪᠠᠯᠴᠢᠵᠤ ᠪᠠᠢ᠌ᠭᠰᠠᠨ ᠮᠠᠯ ᠤᠳ ᠵᠤᠨ ᠤ ᠭᠠᠯ ᠨᠠᠷᠠᠨ ᠤ ᠳᠦᠭᠡᠨᠡᠭᠦ ᠶᠢ ᠳᠠᠰᠴᠤ ᠳᠠᠢ᠌ᠯᠤᠯ ᠦᠭᠡᠶ ᠬᠣᠢ᠌ᠨᠠ ᠬᠣᠢ᠌ᠨᠠ ᠡᠴᠠ ᠪᠠᠨ ᠴᠤᠪᠣᠵᠤ ᠣᠰᠤᠨ ᠳᠤ ᠪᠠᠭᠤᠵᠤ ᠢᠷᠠᠨ᠂ ᠨᠢᠭᠡ ᠪᠦᠯᠦᠭ᠌ ᠨᠢ ᠨᠠᠷᠢᠨ ᠭᠤᠷᠤᠬᠠ ᠶᠢᠨ ᠭᠦᠪᠠᠭᠡ ᠶᠢ ᠲᠠᠭᠠᠨ ᠬᠤᠶᠠᠷ ᠳᠠᠢ᠌ᠰᠢ ᠪᠠᠨ ᠣᠰᠤᠨ ᠤ ᠳᠤᠩᠭ᠋ᠠᠯᠭ ᠢ ᠡᠷᠢᠨ ᠴᠤᠪᠣᠵᠤ᠂ ᠨᠢᠭᠡ ᠪᠦᠯᠦᠭ᠌ ᠨᠢ ᠭᠤᠷᠤᠬᠠ ᠶᠢᠨ ᠣᠰᠤᠨ ᠳᠤ ᠰᠡᠭᠦᠯ ᠭᠤᠳᠤᠭᠰᠢᠭᠤᠯᠤᠨ ᠵᠤᠭᠰᠤᠨᠠ᠃ ᠵᠠᠪᠠᠳᠤ ᠶᠢᠨ ᠵᠢᠯᠠᠭᠠ ᠶᠢᠨ ᠡᠨᠡ ᠨᠠᠷᠢᠨ ᠭᠤᠷᠤᠬᠠ ᠶᠢ ᠭᠡᠯᠡᠭᠦ ᠳᠤ ᠥᠨᠡᠭᠡᠷ ᠬᠠᠴᠢᠨ ᠪᠠᠢ᠌ᠳᠠᠭ ᠶᠤᠮ᠃ ᠡᠨᠡ ᠨᠤᠳᠤᠭ ᠭᠡᠳᠦᠢ ᠶᠡᠭᠡ ᠭᠠᠩᠳᠠᠭᠰᠠᠨ ᠴᠤ ᠨᠠᠷᠢᠨ ᠭᠤᠷᠤᠬᠠ ᠶᠠᠷᠤ ᠨᠢ ᠬᠠᠳᠠᠵᠤ ᠰᠢᠷᠭᠢᠨ ᠣᠷᠤᠰᠬᠠᠯ ᠳᠠᠰᠤᠷᠠᠳᠠᠭ ᠦᠭᠡᠶ᠂ ᠣᠷᠤᠰᠬᠤ ᠪᠠᠷ ᠶᠢᠡᠨ ᠣᠷᠤᠰᠴᠤ ᠯᠠ ᠪᠠᠢ᠌ᠳᠠᠭ᠃ ᠬᠠᠷᠢᠨ ᠪᠣᠷᠤᠭᠠᠨ ᠠᠷᠪᠢᠳᠴᠤ ᠦᠶᠡᠷᠯᠠᠪᠠᠯ ᠨᠠᠷᠢᠨ ᠭᠤᠷᠤᠬᠠ ᠭᠡᠳᠤᠨ ᠡᠳᠦᠷ ᠶᠢᠡᠷ ᠣᠷᠤᠰᠬᠠᠯ ᠳᠠᠰᠤᠷᠠᠵᠤ᠂ ᠪᠠᠭᠠᠳᠤᠷ ᠤᠨ ᠭᠢᠨ ᠬᠤᠨᠢ ᠮᠠᠯ ᠶᠢᠡᠨ ᠣᠰᠤᠯᠠᠬᠤ ᠭᠠᠵᠠᠷ ᠦᠭᠡᠶ ᠭᠠᠴᠢᠭᠳᠠᠳᠠᠭ ᠪᠠᠢ᠌ᠨᠠ᠃ ᠮᠠᠯ ᠴᠤᠪᠤᠨ ᠪᠠᠭᠤᠵᠤ ᠢᠷᠡᠭᠦ ᠪᠠᠷ ᠨᠢᠭᠡᠨᠲᠡ ᠳᠤᠭᠠ ᠶᠢ ᠨᠢ ᠪᠦᠷᠢᠳᠭᠡᠵᠤ ᠠᠮᠵᠢᠭᠰᠠᠨ ᠴᠡᠴᠡᠭ᠌ ᠭᠡᠷ ᠤᠨ ᠶᠢᠡᠨ ᠭᠠᠳᠠᠨᠠ ᠳᠤᠭᠤᠭᠠ ᠰᠢᠨᠠᠭᠠ ᠳᠠᠷᠴᠢᠭᠢᠨᠠᠭᠤᠯᠤᠨ ᠬᠤᠷᠤᠳ ᠭᠢᠵᠤ ᠮᠤᠩᠭ᠋ᠠᠨᠢᠨᠠ᠃ ᠡᠨᠡ ᠦᠶᠡ ᠳᠤ ᠪᠠᠭᠠᠳᠤᠷ ᠴᠤ ᠬᠤᠨᠢ ᠪᠠᠨ ᠵᠡᠭᠦᠨ ᠠᠭᠤᠯᠠᠨ ᠳᠤ ᠬᠠᠶᠠᠭᠠᠤᠨ ᠮᠤᠷᠢ ᠬᠠᠳᠠᠷᠢᠭᠤᠯᠤᠨ ᠭᠡᠷ ᠵᠥᠭ᠌ ᠶᠢᠡᠨ ᠠᠢ᠌ᠰᠤᠢ᠃
ᠵᠢᠩ ᠦᠳᠡ ᠶᠢᠨ ᠭᠠᠯ ᠨᠠᠷᠠ ᠠᠰ ᠣᠷᠤᠢ ᠡᠴᠠ ᠳᠦᠭᠡᠨᠡᠵᠤ᠂ ᠭᠦᠮᠤᠨ ᠠᠮᠢᠳᠠᠨ ᠢ ᠬᠠᠯᠠᠭᠤᠨ ᠳᠤᠭᠤᠭᠠᠨ ᠳᠤ ᠣᠷᠤᠭᠰᠠᠨ ᠰᠢᠷᠭᠤᠯᠵᠢ ᠮᠠᠳᠤ ᠪᠠᠴᠢᠮᠳᠠᠭᠤᠯᠤᠨᠠ᠃ ᠨᠠᠷᠠ ᠵᠢᠷᠭᠠᠬᠤ ᠶᠢᠨ ᠠᠯᠳᠠ ᠪᠠᠷ ᠵᠡᠭᠦᠨ ᠡᠮᠤᠨᠡ ᠡᠴᠠ ᠭᠡᠨᠡᠳᠲᠡ ᠰᠠᠯᠭᠢᠨ ᠰᠠᠯᠭᠢᠯᠠᠵᠤ᠂ ᠪᠠᠷᠠᠭᠠᠨ ᠬᠠᠷᠠ ᠡᠭᠦᠯᠡ ᠬᠤᠷᠭᠤᠯᠵᠠᠨ ᠡᠪᠭᠡᠷᠡᠯᠳᠤᠨ ᠪᠣᠰᠴᠤ᠂ ᠵᠠᠪᠠᠳᠤ ᠶᠢᠨ ᠵᠢᠯᠠᠭᠠ ᠶᠢ ᠡᠪᠴᠢᠭᠦᠨ ᠳᠤ ᠪᠠᠨ ᠬᠤᠮᠢᠨ᠂ ᠳᠤᠭᠰᠢᠨ ᠪᠣᠷᠤᠭᠠᠨ ᠣᠷᠤᠬᠤ ᠲᠦᠯᠤᠪ ᠲᠡᠶ ᠪᠣᠯᠤᠯᠠ᠃ ᠡᠨᠡ ᠦᠶᠡᠰ ᠪᠠᠭᠠᠳᠤᠷ ᠤᠨ ᠭᠢᠨ ᠪᠠᠶᠠᠷᠯᠠᠨᠠ ᠪᠠᠰᠠ ᠴᠤ ᠶᠠᠭᠠᠷᠠᠨᠠ᠃ ᠪᠠᠭᠠᠳᠤᠷ ᠭᠦᠶᠦᠳᠡᠯ ᠶᠢᠡᠷ ᠠᠭᠤᠯᠠᠨ ᠭᠢᠷᠠ ᠭᠦᠷᠴᠤ᠂ ᠬᠤᠨᠢᠳ ᠶᠢᠡᠨ ᠭᠦᠭᠡᠭᠡᠨ ᠠᠪᠴᠢᠷᠠᠵᠤ ᠬᠤᠳᠠᠨ ᠳ᠋ᠤᠨᠢ ᠬᠤᠷᠢᠨᠠ ᠴᠡᠴᠡᠭ᠌ ᠮᠠᠯ ᠶᠢᠡᠨ ᠭᠦᠢᠳᠡᠨ ᠪᠣᠷᠤᠭᠠᠨ ᠰᠢᠭᠤᠷᠭᠠ ᠳᠤ ᠰᠢᠭᠤᠷᠭᠠᠭᠳᠠᠨ ᠡᠪᠦᠯᠵᠢᠶᠡ ᠵᠥᠭ᠌ ᠶᠢᠡᠨ ᠣᠷᠤᠭᠤᠳᠬᠤ ᠡᠴᠠ ᠠᠶᠤᠵᠤ ᠮᠠᠯ ᠤᠳ ᠶᠢᠡᠨ ᠠᠭᠤᠯᠠᠨ ᠵᠢᠯᠠᠭᠠ ᠥᠭᠡᠳᠡ ᠱᠠᠯᠠᠪᠳᠠᠨ ᠭᠦᠭᠡᠭᠡᠨᠡ ᠨᠤᠷᠮᠠ ᠨᠠᠰᠤᠳᠠᠨ ᠴᠤ ᠵᠥᠭᠡᠷ ᠰᠠᠭᠤᠵᠤ ᠴᠢᠳᠠᠯ ᠦᠭᠡᠶ᠂ ᠡᠷᠦᠭᠡ ᠪᠠᠨ ᠳᠠᠷᠤᠵᠤ᠂ ᠭᠠᠳᠠᠨᠠ ᠳᠡᠯᠭᠡᠰᠦᠳᠡᠢ ᠬᠤᠷᠤᠳ ᠠᠭᠠᠷᠤᠤᠯ ᠵᠢᠴᠢ ᠠᠷᠤᠭ ᠲᠡᠶ ᠠᠷᠭᠠᠯ ᠲᠦᠯᠠᠰᠢ ᠪᠠᠨ ᠳᠤᠳᠤᠭᠰᠢ ᠵᠥᠭᠡᠭᠡᠵᠤ ᠪᠦᠵᠢᠭᠢᠨᠡᠨᠡ᠃ ᠣᠳᠠᠯ ᠦᠭᠡᠶ ᠠᠶᠤᠩᠭᠠ ᠨᠢᠵᠢᠭᠢᠨᠠᠨ᠂ ᠴᠠᠭᠢᠯᠭᠠᠨ ᠴᠠᠭᠢᠯᠵᠤ ᠭᠦᠰᠡᠯ ᠤᠨ ᠬᠤᠷᠠ ᠪᠠᠭᠤᠯᠠ᠃
ᠪᠣᠷᠤᠭᠠᠯᠠᠬᠤ ᠡᠴᠠ ᠡᠮᠤᠨᠡ ᠪᠠᠭᠠᠳᠤᠷ ᠤᠨ ᠭᠢᠨ ᠬᠤᠨᠢ ᠮᠠᠯ ᠶᠢᠡᠨ ᠬᠤᠷᠢᠬᠤ ᠶᠢ ᠨᠢ ᠬᠤᠷᠢᠵᠤ᠂ ᠬᠤᠷᠢᠶᠠᠬᠤ ᠶᠢ ᠨᠢ ᠬᠤᠷᠢᠶᠠᠵᠤ ᠠᠮᠵᠢᠭᠰᠠᠨ ᠡᠴᠠ ᠮᠤᠩᠭ᠋ᠤᠯ ᠭᠡᠷ ᠲᠤ ᠪᠠᠨ ᠯᠠ ᠪᠠᠨ ᠠᠰᠠᠭᠠᠨ ᠳᠠᠢ᠌ᠪᠣᠭᠤᠬᠠᠨ ᠵᠤᠭᠤᠭᠳᠠᠵᠤ ᠭᠠᠷᠤᠯᠠ᠃ ᠪᠠᠭᠠᠳᠤᠷ ᠡᠴᠠ᠄
《ᠳᠤᠭᠰᠢᠨ ᠪᠣᠷᠤᠭᠠᠨ ᠣᠷᠤᠭᠰᠠᠨ ᠡᠴᠠ ᠡᠨᠡ ᠨᠠᠷᠢᠨ ᠭᠤᠷᠤᠬᠠ ᠴᠢᠨᠢ ᠮᠠᠷᠭᠠᠰᠢ ᠡᠴᠠ ᠪᠠᠰᠠ ᠯᠠ ᠣᠷᠤᠰᠬᠠᠯ ᠳᠠᠰᠤᠷᠠᠬᠤ ᠶᠤᠮ ᠪᠠᠢ᠌ᠨᠠ》 ᠭᠡᠪᠡ᠃
《ᠳᠠᠢ᠌ᠮᠤ ᠳ᠋ᠠ᠃ ᠭᠡᠪᠠᠴᠤ ᠣᠳᠤ ᠮᠠᠰᠢᠨ ᠬᠤᠳᠳᠤᠭ ᠲᠡᠶ ᠪᠣᠯᠤᠭᠰᠠᠨ ᠡᠴᠠ ᠵᠤᠪᠠᠬᠤ ᠴᠢᠬᠤᠯᠠ ᠦᠭᠡᠶ ᠪᠣᠯᠤᠭᠰᠠᠨ᠂ ᠦᠭᠡᠶ ᠪᠣᠯ ᠪᠠᠰᠠᠴᠤ ᠶᠡᠭᠡ ᠠᠵᠢᠯ ᠰᠢᠤ︕》 ᠭᠡᠵᠤ ᠴᠡᠴᠡᠭ᠌ ᠢᠨᠢᠶᠠᠨ ᠶᠠᠷᠢᠨᠠ᠃ ᠬᠠᠪᠣᠷ ᠤᠨ ᠰᠡᠭᠦᠯᠴᠢ ᠪᠠᠷ ᠪᠠᠭᠠᠳᠤᠷ ᠤᠨ ᠭᠠᠴᠠᠭᠠᠨ ᠳᠤ ᠣᠯᠤᠰ ᠡᠴᠠ ᠮᠠᠯᠴᠢᠳ ᠲᠤ ᠮᠠᠰᠢᠨ ᠬᠤᠳᠳᠤᠭ ᠳᠠᠭᠠᠷᠠᠭᠤᠯᠤᠨ ᠦᠭᠭᠦ ᠲᠦᠰᠤᠯ ᠢᠷᠡᠭᠦ ᠪᠠᠷ ᠡᠳᠡᠨ ᠤ ᠭᠢᠨ ᠵᠤᠰᠠᠭᠠᠯ ᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠᠪᠠᠳᠤ ᠶᠢᠨ ᠵᠢᠯᠠᠭᠠ ᠳᠤ ᠪᠠᠨ ᠨᠢᠭᠡ ᠮᠠᠰᠢᠨ ᠬᠤᠳᠳᠤᠭ ᠳᠠᠭᠠᠷᠠᠭᠤᠯᠤᠨ ᠠᠪᠣᠭᠰᠠᠨ ᠡᠴᠠ ᠳᠠᠭᠢᠵᠤ ᠶᠡᠭᠡ ᠪᠣᠷᠤᠭᠠᠨ ᠣᠷᠤᠵᠤ ᠨᠠᠷᠢᠨ ᠭᠤᠷᠤᠬᠠ ᠣᠷᠤᠰᠬᠠᠯ ᠳᠠᠰᠤᠷᠠᠬᠤ ᠡᠴᠠ ᠡᠮᠢᠶᠡᠭᠦ ᠦᠭᠡᠶ ᠪᠣᠯᠵᠤ᠂ ᠥᠩᠭᠡᠷᠡᠭ᠍ᠰᠡᠨ ᠤ ᠭᠠᠴᠢᠭᠳᠠᠯᠳᠤ ᠴᠠᠭ ᠮᠦᠴᠡ ᠳᠡᠦᠭᠡ ᠪᠣᠯᠤᠨ ᠬᠤᠴᠤᠷᠠᠪᠠ᠃
《ᠮᠠᠨ ᠤ ᠨᠤᠳᠤᠭ ᠴᠢᠨᠢ ᠶᠠᠪᠣᠬᠤ ᠳᠤᠳᠤᠮ ᠶᠢᠡᠨ ᠥᠭᠡᠳᠡᠯᠡᠵᠤ ᠪᠠᠢ᠌ᠨᠠ ᠰᠢᠤ᠃ ᠣᠳᠤ ᠴᠢᠨᠢ ᠪᠦᠷ ᠮᠠᠯ ᠵᠡᠭᠦᠡᠰᠢ ᠳᠠᠪᠠᠬᠤ ᠡᠴᠠ ᠠᠶᠤᠬᠤ ᠦᠭᠡᠶ᠂ ᠨᠠᠷᠢᠨ ᠭᠤᠷᠤᠬᠠ ᠣᠷᠤᠰᠬᠠᠯ ᠳᠠᠰᠤᠷᠠᠬᠤ ᠡᠴᠠ ᠴᠤ ᠡᠮᠢᠶᠡᠭᠦ ᠦᠭᠡᠶ ᠪᠣᠯᠤᠭᠰᠠᠨ᠃ ᠣᠯᠤᠰ ᠭᠡᠷ ᠤᠨ ᠳᠦᠷᠤ ᠶᠢᠨ ᠪᠣᠳᠤᠯᠭᠠ ᠪᠢᠳᠠᠨ ᠰᠢᠭ᠌ ᠮᠠᠯᠴᠢᠳ ᠶᠢᠡᠨ ᠥᠨᠡᠭᠡᠷ ᠴᠤ ᠬᠠᠷᠠᠭᠠᠯᠵᠠᠵᠤ ᠪᠠᠢ᠌ᠨᠠ᠃ ᠶᠠᠭ ᠯᠠ ᠡᠨᠠ ᠪᠣᠷᠤᠭᠠᠨ ᠰᠢᠭ ᠴᠠᠭ ᠳᠠᠭᠠᠨ ᠳᠤᠭᠢᠷᠠᠵᠤ ᠮᠠᠯᠴᠢᠳ ᠶᠢᠡᠨ ᠣᠮᠳᠠᠯᠠᠭᠰᠠᠨ ᠪᠠᠢ᠌ᠨᠠ ᠰᠢᠤ︕》 ᠭᠡᠵᠤ ᠨᠤᠷᠮᠠ ᠨᠠᠰᠤᠳᠠᠨ ᠦᠯᠦ ᠮᠡᠳᠡᠭ᠌ ᠵᠣᠢ᠌ᠷᠯᠠᠯ ᠢ ᠭᠡᠷᠡᠭᠯᠡᠨ ᠣᠷᠮᠠᠳᠠᠢ᠌ᠬᠠᠨ ᠥᠭᠦᠯᠡᠭᠦ ᠳᠤ ᠭᠠᠳᠠᠨᠠ ᠱᠠᠭᠢᠬᠤ ᠪᠣᠷᠤᠭᠠᠨ ᠴᠤ ᠨᠠᠰᠤᠳᠠᠨ ᠤ ᠥᠭᠡ ᠶᠢ ᠣᠯᠵᠤ ᠰᠤᠨᠤᠰᠤᠭᠰᠠᠨ ᠰᠢᠭ ᠣᠯᠠᠮ ᠭᠦᠴᠦᠳᠡᠢ ᠱᠠᠭᠢᠨᠠ᠃
《ᠬᠨ᠂ ᠬᠨ ᠁ ᠡᠨᠡ ᠵᠢᠯ ᠬᠤᠷᠠ ᠣᠰᠤ ᠳᠡᠭ᠍ᠰᠢ᠂ ᠮᠠᠯ ᠬᠤᠨᠢᠳ ᠳᠠᠷᠭᠤ ᠭᠦᠴᠦᠳᠡᠢ ᠳᠡᠭᠡᠷᠡ ᠮᠠᠯ ᠤᠨ ᠦᠨᠡ ᠴᠤ ᠨᠠᠯᠢᠶᠠᠤᠨ ᠭᠦᠷᠭᠦ ᠴᠢᠮᠡᠭᠡ ᠲᠡᠶ᠂ ᠦᠨᠦ ᠴᠢᠨᠢ ᠪᠠᠶᠠᠵᠢᠬᠤ ᠦᠭᠡᠶ ᠭᠡᠳ ᠴᠤ ᠠᠷᠭᠠ ᠦᠭᠡᠶ ᠪᠣᠯᠤᠭᠰᠠᠨ》 ᠭᠡᠵᠤ ᠪᠠᠭᠠᠳᠤᠷ ᠪᠠᠷᠳᠠᠮᠬᠠᠨ ᠭᠡᠯᠡᠭᠡᠳ ᠴᠠᠢ ᠪᠠᠨ ᠣᠭᠤᠴᠢᠯᠠᠨᠠ᠃
《ᠡᠨᠡ ᠵᠢᠯ ᠰᠥ᠋ ᠰᠠᠭᠠᠯᠢ ᠴᠤ ᠡᠯᠪᠠᠭ᠌ ᠬᠤᠷᠢᠶᠠᠭᠰᠠᠨ᠂ ᠦᠪᠡᠷ ᠲᠤ ᠪᠠᠨ ᠢᠳᠡᠭᠦ ᠪᠠᠨ ᠥᠯᠡᠳᠡᠭᠡᠭᠡᠳ ᠥᠯᠡᠳᠡᠭ᠍ᠰᠡᠨ ᠢ ᠨᠢ ᠬᠤᠳᠠᠯᠳᠤᠬᠤ ᠳᠤ ᠴᠤ ᠨᠠᠯᠢᠶᠠᠤᠨ ᠣᠯᠤᠨᠠ᠃ ᠡᠨᠡ ᠡᠪᠦᠯ ᠵᠢᠯ ᠤᠨ ᠪᠠᠷᠠᠭᠠ ᠠᠪᠬᠤ ᠳᠤ ᠵᠠᠷᠤᠭᠠᠤᠨ ᠯᠠ ᠭᠦᠷᠤᠨᠡ》 ᠭᠡᠮᠡᠨ ᠴᠡᠴᠡᠭ᠌ ᠴᠤ ᠦᠪᠡᠷ ᠤᠨ ᠪᠦᠳᠦᠮᠵᠢ ᠪᠠᠨ ᠭᠠᠢ᠌ᠬᠠᠭᠤᠯᠤᠨ ᠳᠤᠭᠠᠴᠢᠨᠠ᠃
《ᠥᠩᠭᠡᠷᠡᠭ᠍ᠰᠡᠨ ᠳᠤ ᠮᠠᠯᠴᠢᠳ ᠨᠤᠳᠤᠭ ᠶᠢᠡᠨ᠂ ᠮᠠᠯ ᠶᠢᠡᠨ ᠳᠦᠰᠢᠳᠡᠭ᠌ ᠪᠠᠢ᠌ᠭᠰᠠᠨ ᠶᠢᠡᠨ ᠣᠳᠤ ᠮᠠᠯᠴᠢᠳ ᠨᠠᠮ ᠶᠢᠡᠨ᠂ ᠨᠤᠳᠤᠭ ᠶᠢᠡᠨ᠂ ᠮᠠᠯ ᠶᠢᠡᠨ ᠵᠡᠷᠭᠡ ᠪᠠᠷ ᠳᠦᠰᠢᠭᠦ ᠪᠣᠯᠤᠭᠰᠠ᠃ ᠨᠠᠮ ᠤᠨ ᠬᠠᠢ᠌ᠷᠠ ᠬᠠᠯᠠᠮᠵᠢ ᠳᠤᠤᠷᠠ ᠮᠠᠨ ᠤ ᠠᠮᠢᠳᠤᠷᠠᠯ ᠡᠳᠦᠷ ᠡᠴᠠ ᠡᠳᠦᠷ ᠰᠠᠢ᠌ᠵᠢᠷᠠᠵᠤ ᠪᠠᠢ᠌ᠨᠠ᠃ ᠥᠨᠡᠭᠡᠷ ᠴᠤ 〈ᠨᠠᠷᠠ ᠪᠠᠨ ᠳᠠᠭᠠᠪᠠᠯ ᠳᠦᠭᠡᠷᠢᠭᠦ ᠦᠭᠡᠶ᠂ ᠨᠠᠮ ᠪᠠᠨ ᠳᠠᠭᠠᠪᠠᠯ ᠪᠣᠷᠤᠭᠤᠳᠬᠤ ᠦᠭᠡᠶ﹀ ᠳ᠋ᠠ》 ᠭᠡᠵᠤ ᠨᠤᠷᠮᠠ ᠨᠠᠰᠤᠳᠠᠨ ᠣᠴᠢᠷ ᠦᠭᠡᠶ ᠶᠡᠭᠡ ᠭᠦᠨ ᠶᠤᠰᠤ ᠶᠢ ᠥᠭᠦᠯᠡᠭᠦ ᠳᠤ ᠪᠠᠭᠠᠳᠤᠷ ᠪᠣᠯᠤᠨ ᠴᠡᠴᠡᠭ᠌ ᠵᠡᠷᠭᠡ ᠨᠢᠭᠡᠯᠡ ᠠᠶᠠᠯᠭᠠ ᠪᠠᠷ᠄
《ᠮᠠᠨ ᠤ ᠡᠮᠧ ᠴᠢᠨᠢ ᠪᠠᠰᠠ ᠷᠠᠳᠢᠤ᠋ ᠳᠡᠭᠡᠷᠡᠭᠢ ᠲᠡᠶ ᠠᠳᠠᠯᠢᠬᠠᠨ ᠶᠠᠷᠢᠳᠠᠭ ᠪᠣᠯᠤᠭᠰᠠᠨ ᠪᠠᠢ᠌ᠨᠠ ᠰᠢᠤ》 ᠭᠡᠮᠡᠨ ᠭᠡᠯᠡᠵᠤ᠂ ᠡᠵᠢ᠂ ᠭᠦᠤ᠂ ᠪᠠᠷᠢ ᠨᠢᠭᠡᠨ ᠨᠢᠭᠡᠨ ᠶᠢᠡᠨ ᠬᠠᠷᠠᠨ ᠢᠨᠢᠶᠠᠯᠴᠠᠵᠤ᠂ ᠵᠠᠪᠠᠳᠤ ᠶᠢᠨ ᠵᠢᠯᠠᠭᠠ ᠶᠢ ᠪᠠᠶᠠᠷ ᠤᠨ ᠢᠨᠢᠶᠠᠳᠤ ᠳᠤ ᠪᠠᠨ ᠵᠢᠪᠪᠦᠭᠦᠯᠤᠨᠡ᠃ ᠮᠥᠩᠭᠡ ᠳᠡᠭ᠍ᠷᠢ ᠡᠴᠠ ᠷᠠᠰᠢᠶᠠᠨ ᠬᠤᠷᠠ ᠪᠠᠨ ᠴᠠᠭ ᠭᠠᠷᠤᠢ ᠰᠠᠴᠤᠭᠰᠠᠨ ᠶᠢᠡᠨ ᠵᠤᠭᠰᠤᠰᠭᠢᠵᠤ᠂ ᠵᠠᠮ ᠪᠣᠯᠤᠨ ᠳᠠᠯᠠ ᠶᠢᠨ ᠬᠤᠩᠭᠢᠯ ᠶᠢᠡᠷ ᠣᠰᠤ ᠮᠠᠯᠠᠢ᠌ᠨ ᠳᠦᠭᠦᠷᠴᠤ᠂ ᠡᠭᠦᠯᠡᠨ ᠵᠠᠪᠰᠠᠷ ᠶᠢᠡᠷ ᠪᠣᠯᠳᠠᠢ᠌ᠬᠤ ᠰᠠᠷᠠᠨ ᠠᠪᠠᠬᠠᠢ ᠶᠢᠨ ᠰᠥᠮᠡᠢ᠌ᠭᠦ ᠭᠡᠷᠡᠯ ᠳᠤ ᠭᠢᠯᠳᠤᠭᠠᠨᠠᠨ᠂ ᠡ᠊ᠨᠳᠡ ᠳᠠᠠᠳᠠ ᠦᠭᠡᠶ ᠪᠦᠭᠡᠮ ᠪᠦᠭᠡᠮ ᠰᠤᠪᠣᠤᠨ ᠰᠠᠴᠤᠭᠰᠠᠨ ᠰᠢᠭ ᠬᠠᠷᠠᠭᠳᠠᠨᠠ᠃
ᠭᠦᠳᠡᠭᠡ ᠨᠤᠳᠤᠭ ᠲᠤ ᠵᠤᠨ ᠤ ᠬᠠᠯᠠᠭᠤᠨ ᠶᠢᠡᠷ ᠪᠣᠷᠤᠭᠠᠨ ᠣᠷᠤᠬᠤ ᠳᠤ ᠮᠠᠯᠴᠢᠳ ᠨᠢ ᠪᠠᠶᠠᠷᠯᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠶ᠂ ᠠᠮᠢᠳᠠᠨ ᠠᠷᠢᠶᠠᠳᠠᠤᠨ ᠨᠢ ᠴᠤ ᠪᠦᠷ ᠶᠡᠭᠡ ᠪᠠᠶᠠᠷᠯᠠᠳᠠᠭ᠃ ᠡᠨᠡ ᠪᠣᠷᠤᠭᠠᠨ ᠨᠢ ᠮᠡᠯᠡᠭᠡᠢ ᠨᠤᠭᠤᠳ ᠴᠤ ᠶᠠᠭ ᠯᠠ ᠨᠤᠷᠮᠠ ᠨᠠᠰᠤᠳᠠᠨ ᠤ ᠭᠡᠯᠡᠭ᠍ᠰᠡᠨ ᠰᠢᠭ᠌ ᠶᠢᠡᠷ ᠴᠠᠭ ᠳᠠᠭᠠᠨ ᠳᠤᠭᠢᠷᠠᠭᠰᠠᠨ ᠪᠣᠷᠤᠭᠠᠨ ᠳ᠋ᠠ᠃ ᠬᠤᠷᠠ ᠶᠢᠨ ᠳᠠᠷᠠᠭᠠᠭᠢ ᠮᠡᠯᠡᠭᠡᠢ ᠨᠤᠭᠤᠳ ᠨᠢᠭᠡ ᠬᠤᠶᠠᠷ ᠶᠢᠡᠷ ᠡ᠊ᠨᠳᠡ ᠳᠠᠠᠳᠠ ᠦᠭᠡᠶ ᠦᠰᠦᠷᠭᠢᠯᠠᠨ᠂ ᠨᠢᠭᠡᠨ ᠨᠢᠭᠡᠨ ᠡᠴᠠ ᠪᠠᠨ ᠣᠷᠤᠯᠳᠤᠵᠤ 《ᠭᠤᠶᠤ᠂ ᠭᠤᠶᠤ ᠁》 ᠭᠡᠮᠡᠨ ᠵᠠᠪᠠᠳᠤ ᠶᠢᠨ ᠵᠢᠯᠠᠭᠠ ᠶᠢ ᠴᠤᠤᠷᠢᠶᠠᠳᠤᠳᠠᠯᠠ ᠬᠠᠰᠭᠢᠷᠤᠯᠳᠠᠨᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭ᠋ᠤᠯ ᠰᠤᠳᠤᠯᠤᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠵᠢᠨ 09 ᠰᠠᠭᠤᠷᠢᠨ ᠭᠠᠵᠠᠷ ᠤᠨ ᠠᠩᠭᠢ
ᠵᠤᠬᠢᠶᠠᠭᠴᠢ᠄ ᠨᠢᠮᠠᠷᠢᠠᠴᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠥᠭᠥᠯᠡᠯᠭᠡᠳᠠᠷᠤᠮ᠄ 9273
ᠴᠠᠭ᠄ 2011 ᠤᠨ ᠤ 05 ᠰᠠᠷᠠ ᠶᠢᠨ 06
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ