☆ ᠳ·ᠳᠦᠮᠡᠡᠰᠡᠭ᠌
ᠭᠦᠨ ᠳᠤᠩᠭ᠋ᠠᠯᠠᠭ ᠨᠤᠳᠤᠭ
ᠠᠭᠤᠯᠠ ᠶᠢᠨ ᠭᠦᠨ ᠳ᠋ᠤᠨᠢ ᠭᠦᠷᠦᠶᠤ ᠭᠡᠯᠡ
ᠣᠷᠭᠤᠮᠠᠯ ᠴᠢᠯᠠᠭᠤᠨ ᠳᠤ ᠪᠠᠨ ᠬᠤᠷᠭᠤᠳᠠᠭᠰᠠᠨ
ᠣᠨᠢᠶᠠᠷ ᠤᠨ ᠭᠦᠭᠡ ᠠᠶᠠᠯᠭᠤ ᠨᠢ
ᠦᠷᠭᠦᠴᠢᠭᠡᠭᠦ ᠡᠴᠡ ᠨᠢ ᠪᠣᠯᠭᠤᠮᠵᠢᠯᠠᠵᠤ
ᠬᠠᠪᠢᠳᠠᠵᠤ ᠴᠢᠳᠠᠭᠠ ᠡᠦᠭᠡᠢ
ᠪᠠᠷᠠ ᠶᠢ ᠨᠢ ᠬᠠᠷᠠᠰᠭᠢᠨ ᠪᠣᠴᠠᠯᠠ
ᠣᠰᠤᠨ ᠤ ᠭᠦᠨ ᠳ᠋ᠤᠨᠢ ᠭᠦᠷᠦᠶᠤ ᠭᠡᠯᠡ
ᠣᠰᠬᠠᠯ ᠳᠤᠩᠭ᠋ᠠᠯᠠᠭ ᠤᠨ ᠡᠭᠢ ᠪᠣᠯᠤᠭᠰᠠᠨ
ᠣᠠᠳᠤᠷᠤᠮᠠᠯ ᠪᠣᠯᠠᠭ ᠤᠨ ᠨᠢᠳᠤ ᠨᠢ
ᠰᠤᠬᠤᠷᠠᠴᠢᠬᠠᠬᠤ ᠡᠴᠡ ᠨᠢ ᠪᠣᠯᠭᠤᠮᠵᠢᠯᠠᠵᠤ
ᠤᠢ᠌ᠷᠠᠳᠤᠵᠤ ᠴᠢᠳᠠᠭᠠ ᠡᠦᠭᠡᠢ
ᠣᠷᠤᠰᠬᠠᠯ ᠢ ᠨᠢ ᠴᠢᠩᠨᠠᠰᠭᠢᠨ ᠪᠣᠴᠠᠯᠠ
ᠲ᠋ᠠᠯᠠ ᠶᠢᠨ ᠭᠦᠨ ᠳ᠋ᠤᠨᠢ ᠭᠦᠷᠦᠶᠤ
ᠳᠡᠷᠭᠡᠨ ᠤ ᠳᠠᠭᠤ ᠰᠤᠨᠤᠰᠤᠭᠠ ᠡᠦᠭᠡᠢ
ᠳᠠᠢ᠌ᠪᠣᠩ ᠪᠠᠯᠴᠢᠭᠦ ᠠᠳᠤᠭᠤᠳ ᠨᠢ
ᠳᠠᠰᠤᠷᠠᠴᠢᠬᠠᠬᠤ ᠡᠴᠡ ᠨᠢ ᠪᠣᠯᠭᠤᠮᠵᠢᠯᠠᠵᠤ
ᠬᠠᠪᠢᠳᠠᠵᠤ ᠴᠢᠳᠠᠭᠠ ᠡᠦᠭᠡᠢ
ᠬᠤᠯᠠ ᠡᠴᠡ ᠵᠢᠷᠤᠭᠯᠠᠵᠤ ᠪᠣᠴᠠᠯᠠ
ᠰᠡᠳᠭᠢᠯ ᠤᠨ ᠭᠦᠨ ᠳ᠋ᠤᠨᠢ ᠭᠦᠷᠦᠶᠤ ᠭᠡᠯᠡ
ᠰᠠᠪ ᠰᠠᠭᠤᠭᠠ ᠡᠦᠭᠡᠢ ᠠᠮᠢᠳᠤᠷᠠᠯ ᠳ᠋ᠤᠨᠢ
ᠵᠢᠪᠠ ᠰᠠᠭᠤᠯᠭᠠᠴᠢᠬᠠᠬᠤ ᠡᠴᠡ ᠡᠮᠢᠶᠡᠨ
ᠦᠪᠡᠷ ᠡᠴᠡ ᠪᠠᠨ ᠪᠢ ᠪᠣᠯᠭᠤᠮᠵᠢᠯᠠᠵᠤ
ᠤᠢ᠌ᠷᠠᠳᠤᠵᠤ ᠴᠢᠳᠠᠭᠠ ᠡᠦᠭᠡᠢ
ᠪᠣᠳᠤᠯ ᠶᠢᠡᠨ ᠠᠷᠢᠭᠤᠰᠬᠠᠵᠤ ᠪᠣᠴᠠᠯᠠ
ᠵᠤᠬᠢᠶᠠᠭᠴᠢ᠄ ᠳ·ᠳᠦᠮᠡᠡᠰᠡᠭ᠌
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 11428
ᠴᠠᠭ᠄ 2014 ᠤᠨ ᠤ 01 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ